Mann Ki Baat

ঐগী নুংশিজরবা ইরৈবাকচাশিং, খুরুমজরি

থা অসিগী তারিক ২১দা লৈবাক অসিনা য়াম্না নুংঙাইতবা থৌদোক অমগী পাও ফংই। কর্নাতকাগীতুমকুর জিলাদা লৈবা দা. শ্রী শ্রী শ্রী শিব কুমার স্বামি ঐখোয়গী ইরক্তা লৈত্রে। শ্রী শিব কুমার স্বামিনামহাক্কী মপুন্সি চুপ্পা মীয়ামগী সেবাদা কত্থোকখি। ভগবাল বাসাবেশ্বরনা ঐখোয়দা তাকপীরম্মি“কায়াকাবে কাইলাস” হায়বদি কন্না হোৎনদুনা ইশাগী থৌদাং পাংথোক্লগদি ভগবান শিবগী লৈফমকাইলাস ধামদা লৈবগা পাংখক্নি। শ্রী শিব কুমার স্বামি অসিগুম্বা ৱাখল্লোন অসিগী মতুং ইন্না চৎচবামীনি। মহাক্না মহাক্কী চহী চামগা তরামাথোইগী পুন্সী খোংচৎতা মীওই লিশিং কয়াগী কাংলুপকী, মহামশিংগী অমদি শেল থুমগী ফিভম হেঙ্গৎহন্নবা হোৎনবিরম্মি। মহাক অসি অংগ্রেজী সংস্কৃত অমদিকনার লোনগী অচৌবা পন্দিৎ অমসুনি। মহাক কাংলুপকী চৎন লোনচৎ শেমজবা মীওই অমসুনি।মহাক্না মীয়াম্বু চিঞ্জাক, লৈফম, মহৈ মশিং অমদি অৱাংবা থাক্কী লৌশিং ফংনবা পুন্সি চুপ্পা হোৎনখি।লৌমীশিংগী য়াইফ থৌরাং শিনবা হায়বসি স্বামীজিগী পুন্সীগী মাংজিল থাবা থৌদাংনি। সিদ্ধগঙ্গাদাশা–শন অমদি লৌউ শিংউবগী কুমহৈ চাং নাইনা পাংথোকই। ঐহাক ইকায় খুম্নজরিবা স্বামিজীঅসিগী য়াইফ থৌজাল কয়ারক ফংজখ্রে। ২০০৭তা শ্রী শ্রী শ্রী শিব কুমার স্বামিজী চহী ১০০ শুবগীকুমহৈদা ঐখোয়গী হান্নগী রাস্ত্রপতি দা. এ.পি.জে. অবদুল কলাম তুমকুর চৎখি। কলাম সাহেবনাথৌরম অসিদা ইকায় খুম্নজরিবা স্বামিজীবু শৈথাবা শৈরেং অমা থিবিখী।

মহাক্না হায়:

“ঐগী নুংশিজরবা ইরৈবাকচাশিং– নখোয়দা পীবদা নুংঙাইবা

থৱায় অমদি হকচাংদা – নহাক্না লোয়না পীথোক্নিংই

নহাক্কী লৌশিং লৈরবদি – মদু ময়ামগা য়েন্নৌ

নহাক্কী নরল লৈরবদি – মদু তঙায়ফদবশিংগা য়েন্নৌ

নং নহাক্কী পুক্নিং অমদি থম্মোয়

অৱা অনা তারবশিংগী অৱাবা কোকহন্নবা।

লোয়ননা ৱারবা থম্মোয়শিংবু নুংঙাইহন্নবা মখোয়দা পীবদা নুংঙাইবা

তাইবং মপু মহাক্না থৌজানবীগনি নহাক্না তৌখিবশিং অদুগীদমক্তা।”

দা. কলাম সাহেবকী শৈরেং অসি শ্রী শ্রী শ্রী শিব কুমার স্বামিজীগী পুন্সি অমদি সিদ্ধগঙ্গা মথকীথৌদাংশিং অদু নিংথিনা য়েক্লি। অসিগুম্বা অথোয়বা মীওইপোক অসিবু অমুক্কা হন্না ইকোক নোন্নাখুরুমজরি।

ঐগী নুংশিরবা ইরৈবাকচাশিং,

১৯৫০গী জনুৱারী ২৬তা ঐখোয়গী সংবিধান অসি চৎনবা হৌখিবনি; নুমীৎঅদুদগী ঐখোয়গী লৈবাকঅসি রিপব্লিক ওইখিবনি। লোয়ননা ঙরাং অসি য়াম্না চিং লেম্না রিপব্লিক দে পাংথোকখ্রে। অদুবু ঙসিঐহাক্না ৱাফম খরদি হায়জনিংই। ঐখোয়গী লৈবাক্তা য়াম্না মরুওইবা চৎনা কাংলোন অমা লৈ। মসিঐখোয়গী দেমোক্রেসিগী থানবা য়াদ্রবা শরুক অমনি লোয়ননা মসি রিপব্লিকতগীসু হেন্না লিরবনি।ঐনা হায়জরিবা অসি ভারতকী ইলেক্সন কম্মিসনগী মরমদনি। জনুৱারি ২৫ অসি ভারতকী ইলেক্সনকম্মিসন লিংখৎখিবগী নুমীৎনি। মসিবু নেস্নেল ভেতর্স দে হায়না খংনৈ। ভারত্তা পাংথোক্লিবা মীখলগীমতৌ অসি উবদা মালেমগী মীয়াম পুম্বনা ঙক্নৈ। লোয়ননা ঐখোয়গী ইলেক্সন কমিসন্না য়াম্না হৈশিংনা নিংথিনা পাংথোক্লিবা থৌরম অসি য়েংলুরগা ইরৈবাকচাশিংনা ইলেক্সন কম্মিসনগীদমকচাউথোকচবা ফাওবা হায়বসি হৌনশানি। ভারতকী মীপুম খুদিংমক্না রেজিস্তর তৌরবা ভোতর অমনামাহাকনা ভোৎ থাদবগী খোদোংচাবা অদু শুংশোয় শোয়দনা ফংহন্নবা হোৎনরি।

হিমাচল প্রদেশকী সমুদ্র ইমায়দগী ফীৎ ১৫,০০০ হেন্না ৱাংবা মফমদা ভোৎ থাদফম শিনবা, অন্দমানঅমসুং নিকোবরগী লাপ্না তাম্না লৈখ্রবা ইথৎশিংদা ভোৎ থাদনবা শেম শারি। অদুগা ময়াম্নাগুজরাতকী গীরগী উমংদা শুপ্নতগী ভোতর অমখক্তদা ভোৎ থাদফম পোল্লিং বুৎ অমা শেমখি।শুপ্নতগী ভোতর অমখক্তগীদমক্তা খন্দুনা য়েংবিয়ু। ৱাফমশিং অসি তারগা ইলেক্সন কম্মিসনঅসিগীদমক্তা চাউথোকচবা হায়বসি মহৌশানি। ভোতর অমগী মমলবু খংদুনা মাগী ভোৎ থাদবগীঅধিকার মাংহন্দনবগীদমক্তা অরাপ্পা মনুংহুনজিনবা লমশিং য়ৌনা চৎলিবা কম্মিসন অসিগীশিন্মীশিং অমদি মখোয়গী তিম মসিনি ঐখোয়গী দেমোক্রেসীগী ফজবা অসি।

ঐহাক্না ঐখোয়গী দোমোক্রেসীবু মপাঙ্গল কন্নবা হোৎনবদা লেপতনা হোৎনরিবা ইলেক্সন কম্মিসনঅসিগী থবক থৌওংবু থাগৎলি। ভোত থাদবগী থবক থৌরমদা অচৌবা থৌদাং য়ারিবা রাজ্য, রাজ্যশিংদা লৈরিবা কম্মিসনগী মীওইশিং, ঙাকশেলগী থবক্তা য়াওরিবা থৌমীশিং অমদি অতৈশিন্মীশিংবুসু নিং তম্না অমদি মীচং মীখায় লায়দনা থবক তৌবগীদমক থাগৎলি।

হন্দক্কী চহীদা ঐখোয়গী লৈবাক অসিনা লোক সভাগী মীফম পাংথোক্কদৌরি। মসি ২১শুবা চহীচাদাপোকপা নহাশিংনা লোক সভাগী মীফমদা মখোয়গী ভোৎ থাদবগী অহানবা তঞ্জানি। মখোয়নালৈবাক্কী পোৎলুম অসি মখোয়গী মরেংবান্দা থাংগৎপগী মতম অদু লাক্লবনি। হৌজিক মখোয়লৈবাক্কী মরুওইবা ফিরেপ লৌবদা শরুক য়াবা হৌরবনি। মখোয় মশাগী মংলানবু লৈবাক্কী মংলান্দাতিলহনবগী মতমদু য়ৌরক্লবনি। ঐনা নহাশিংদা হায়নিংবদি নখোয় ভোৎ থাদবা য়াবগী মতাংদুয়ৌরক্লবদি ভোতর অমা ওইনা রেজিস্তার তৌবিরো। ঐখোয়না খংবিগদবদি লৈবাক্কী ভোতর অমাওইবা ভোত থাদবগী অধিকার ফাবা হায়বসে পুন্সিগী মরুওইবা পান্দমশিংগী মনুংদা য়াম্না মরুওইবাখোংথাং অমনি। লোয়ননা ভোৎ থাদবা অসি ঐগী ইথৌনি হায়বা ৱাখল অসি ঐনা খনবা তাই।করিগুম্বা খুদোংচাদবা অমদগী ভোৎ থাদবা ফংহৌদ্রবদি নুংঙাইতবা ফাওগনি। লৈবাক অসিদাতৌহৈদবা উহৈদবা উরবদি শোয়দনা অৱাবা ফাওগনি। ঐনা ভোৎ থাদবা নুমীৎতা ভোৎ থাদবাচৎহৌদবগী মসি থোক্লিবনি হায়না নুংঙাইতবা শোয়দনা ফাওবিগনি।

ঐখোয়না ঐখোয় ইশাগী থৌদাং মশক খংবা তাই, ঐখোয়গী থম্মোয়দা ফাওরকপা ইহুল অসিঐখোয়গী চৎনবি ওইহনগদবনি, ঐখোয়গী চৎন লোনচৎ ওইহনগদবনি। ঐনা লৈবাক অসিগীশক্নাইরবা শক্নাইরবিশিংদা ঐখোয়গী ইলেক্সন নুমীৎতা ভোৎ শোয়দনা থাদগদবনি হায়বা খোংজংঅসি চংশিনবিদুনা মীয়াম্বু মীৎ না শিংহনবিয়ু হায়জরি। অসুম্না তৌরবদি নহা ওইরিবা ভোতর মশিংয়াম্না রেজিস্তার তৌরক্কনি লোয়ননা মখোয়না শরুক য়ারকপদগী ঐখোয়গী দেমোক্রেসী অসি হেন্নামরা চেৎহনগনি হায়বসে ঐহাক্কী থাজবনি।               

ঐগী নুংশিরবা ইরৈবাকচাশিং,

মঙাল নায়রবা ভারত ইমানা, অথোয়বা মীওইপোক কয়াবু পোকপীখি, লোয়ননা অথোয়বামীওইপোকশিং অদুনা অঙকপা শিংথানিঙায় ওইরবা থবক কয়া তৌবিরম্মি। ঐখোয়গী লৈবাক অসিমখল কয়াগী মনিনা থল্লবা লৈবাক্নি। অসিগুম্বা অথোয়বা মীওইপোকশিং অসিগী মনুংদা অমনিনেতাজী সুভাশ চন্দ্র বোস। জনুৱারী ২৩ অসি লৈবাক মীয়াম্না য়াম্না তোঙানবা মওং অমদা মাগীমপোক নুমীৎ পাংথোক্লি। নেতাজীগী মপোক নুমীৎ অসিদা ভারতকী নিং খা তম্বগী লালহৌদা শরুকয়াখিবা ভারতকী অথৌবশিংগী মফমদা কত্থোকপগী ম্যুজিয়ম অমা হাংদোকপগী লায়বক ফবা অদুফংজখি। অদোম্না খংবিরিবা অদুনি লিল কিলাগী মনুংদা নিং খা হেক তম্বদগী হৌজিক ফাওবাহাংদোক্তবা কা অমদি দলান কয়া লৈরি। লাল কিলাগী থোং লোল্লম্বা কাশিং অদু ফজরবা ম্যুজিয়মওন্থোকখ্রে। নেতাজী সুভাশ চন্দ্র বোস অমদি ইন্দিয়ান নেস্নেল আর্মীদা কত্থোক্লবা ম্যুজিয়ম্নি; য়াদ–এ–জালিয়ান, অমদি ১৮৫৭ ভারত নিংতম্বগী অহানবা লান্দা কত্থোক্লবা ম্যুজিয়ম লোয়ননা কমপ্লেক্সঅপুম্বসি লালহৌগী লায়শংগী শক্তমদা লৈবাক অসিদা কত্থোক্লি। ম্যুজিয়মশিং অসিগী চেক্তেকখুদিংদা ঐখোয়গী মঙাল নায়রবা পুৱারিগী নুংশিরবা মনম চেল্লি। ম্যুজিয়ম অসিগী মফম খুদিংদাঐখোয়গী নিংতম লালহৌগী থৌনা ফবা লান্মীশিংগী ৱারিবু খংহৌনবা ৱাফমশিং অসিনা ঐখোয়গীপুৱারিগী মনুং চংদুনা য়েংনিংবগী ৱাখল পোকহল্লি। মফম অসিমক্তদা ভারত ইমাগী থৌনা ফবামচাশিং– কর্নেল প্রেম সেহেগল, কর্নেল গুর্বক্স সিংহ ধিল্লোন অমসুং মেজর জেনরেল শাহনাৱাজখান্দা অংগ্রেজ লৈঙাক্না ৱায়েল চত্থখিবনি।

ঐহাক্না লাল কিলাদা লালহৌগী লাইশং নেতাজীগা মরী লৈনবা ৱারি কয়াদা য়েংলিঙৈদা নেতাজীগীইমুং মনুংনা ঐঙোন্দা থোইদোক হেন্দোকপা তুপী অমা খুদোল তম্বীরকই। তুপী অদু নেতাজীনাউপলম্বনি। ঐহাক্না ম্যুজিয়ম অদুদা তুপী অদু অমুক শিন্নরে লোয়ননা মফম অদুদা লাকপা মীশিংনামদু উরগা লৈবাক নিংবগা ৱাখল্লোন পোকচনবা হায়দুনা। তশেংবমক্নি, ঐখোয়গী হেরোশিংগী মতিকমথৌনা অমদি লৈবাক নিংবগী ৱাখল্লোন অদু তোঙান তোঙানবা মওংদা অনৌবা মীরোনবু লেপ্তনাখংহনবা তঙায় ফদে। থা অমগী মমাংদা দিসেম্বর ৩০দা ঐহাক অন্দমান অমসুং নিকোবর ইথৎতাচৎলি। থৌরম অমদা নেতাজী সুভাশ চন্দ্র বোসনা চহী ৭৫গী মমাংদা মচু অহুমগী ফিরাল পায়হনখিবামফম অদুমক্তদা মচু অহুমগী ফিরাল পায়হনখি। ওক্তোবর ২০১৮দা লাল কিলাদা মচু অহুমগী ফিরালপায়হনখিবদা মীয়াম্না ঙক্নখি মরমদি মফম অদুদদি শুপ্নতগী ওগস্ত ১৫দতা ফিরাল চিংখৎপগী চৎনবিলৈ। অদুবু মতাং অসিদদি অজাদ হিন্দ সরকার লিংখৎখিবগী চহী ৭৫ মপুং ফাবগীনি। সুভাশ বাবুবুথৌনা ফবা লান্মী অমসুং পুন্সিনবদা হৈথোয় শিংথোয়বা ওইনা নিংশিংদুনা লৈরগনি। নিং তম্বগীলালহৌদা অথোয়বা থৌদাং য়াখিবা অথোয়বা লান্মীনি। দিল্লী চৎলো, নংনা ঐঙোন্দা ঈ পীয়ু ঐনানঙোন্দা নিংতম্বা পীগে হায়বা মগুন লৈরবা খোল্লাওশিং অসিনা মরম ওইদুনা ভারতকী মীয়ামগীথম্মোয়দা মফম কনখি। চহী কয়াগী মমাংদগী মীয়াম্না নেতাজীগা মরী লৈনবা ফাইলশিং অদু মীয়ামমমাংদা পুথোকহন্নিংবগী অপাম্বা অদু মীয়ামগী নিংবা থুংহনখ্রে, মসিগীদমক ঐহাক অপেনবাপোকই। প্রধান মন্ত্রীগী লৈফমদা নেতাজীগী ইমুং মনুংগী মীয়াম লাক্তুনা উনখিবা অদু ঐ নিংশিংলি।ঐখোয়না নেতাজীগা মরী লৈনবা ৱারি কয়া শান্নখি লোয়ননা নেতাজীগী মফমদা ইকায় খুম্নবা উৎখি।

ভারতকী অথোয়বা মীওইপোকশিংদা মরী লৈনবা মফম কয়া দিল্লীদা শেমগৎনবা হোৎনবা অসিদাঐহাক নুংঙাই। বাবা সাহেব অম্বেদকরগা মরী লৈনবা ২৬, অলিপুর রোদ, নত্রগনা সরদার পতেলম্যুজিয়ম অমদি লালহৌগী লাইশং অদোম্না দিল্লীদা লাকপদা মফমশিং অসি শোয়দনা য়েংবিয়ু।

ঐগী নুংশিরবা ইরৈবাকচাশিং, ঙসি ঐহাক্না নেতাজী সুভাশ চন্দ্র বোসকী মরমদা নৈনরি মদুসু মনকীবাত্তা। ঐহাক্না নেতাজীগী পুন্সিগা মরী লৈনবা ৱারী অমা তাহনজগে, ঐহাক্না রেদিওবু মীয়ামগাশম্নহন্নবগী মেদিয়ম অমগুম লৌজৈ। মতৌ অসুম্না নেতাজী অমদি রেদিওগা থানবা য়াদ্রবা মরী অমালৈনৈ লোয়ননা মহাকসু লৈবাক মীয়ামগা ৱারি শান্ননবগীদমক রেদিওবু খনখি।

১৯৪২দা সুভাশ বাবুনা অজাদ হিন্দ রেদিও হৌদোকখি অমসুং রেদিওগী মেদিয়মদগী অজাদ হিন্দফৌজকী লান্মীশিং অমদি লাবাক মীয়ামদা ৱা ঙাংখি। সুভাশ বাবুনা রেদিওদা ৱা ঙাংবা হৌবগী মওংঅসি ময়ামদগী য়াম্না তোঙাল্লি। ৱা ঙাংবা হেক হৌরকপদা হায়, “দিস ইজ সুভাশ চন্দ্র বোস স্পিকিং তুয়ু ওবর দি অজাদ হিন্দ রেদিও…”। লোয়ননা মসি হেক তাবদা, তারিবা মীশিংদা অনৌবা ইনোৎঅনৌবা থৌনা হাপ্পিরকই।

ঐঙোন্দা তাকপীরকপদা রেদিও স্তেসন অসিনা চয়োলগী ওইবা পাওসু লান্থোক্লম্মী পাও অদু ইংলিস, হিন্দি, তামিল, বঙ্গলা, মরাথি, পঞ্জাবি, পাশতো অমসুং উর্দু লোনশিংদা লান্থোকলম্মি। রেদিও স্তেসনঅসিদা গুজরাতকী এম.অর. ব্যাসজীনা অচৌবা থৌদাং লৌখি। অজাদ হিন্দ রেদিওদা শন্দোকপাথৌরমশিং অদু মীয়াম্না থোইদোক্না পাম্নরম্মি। লোয়ন লোয়ননা থৌরমশিং অসিনা নিংতম ইহৌগীলান্মীশিংদা অনৌবা থৌনাশিং পীখি।

মসিগী লালহৌগী লাইশং অসিদা ভিজুয়েল আর্তস ম্যুজিয়ম অমা শাই। ভারতকী কালা অমসুংসংস্কৃতিবু পুক্নিং চিংশিন্নিঙায় ওইবা মওংদা উৎননবা হোৎনৈ। ম্যুজিয়ম অসিদা পুৱারিগা শাগোন্নবদাউত্থোকপা ৪ লৈরি অমসুং মফম অদুদা চহী ৩০০ হেন্না লিরবা অয়েকপা লাই অমসুং কালাগী থবক৪৫০ হেন্না লৈ। ম্যুজিয়ম অসিদা অমৃতা শের্গিল, রাজা রবি বর্ম, অবনিন্দ্রনাথ তেগোর, গগনেন্দ্রনাথতেগোর, নন্দলাল বোস, জামিনি রোই, সাইলোজ মুখর্জীনচিংবা অথোয়বা কালাকারশিংগী থোয়দোকহেন্দোক্না ফজরবা থবকশিংবু য়াম্না ফজনা উৎলি। ঐহাক্না ময়ামদা হায়জনিংবদি মফম অদুদাচৎপিয়ু অমদি গুরু রবিন্দ্রনাথ তেগোরগী থবকশিং অদু শুংশোয় শোয়দনা য়েংবিয়ু।

হৌজিক ময়াম্না ঐঙোন্দা খন্বিরমগদবা অসি সোমদা কালাগী ৱারি শান্নরিঙৈদা কদোমদগীনোগুরুদেব তেগোরগী অথোয়বা থবক য়েংবগী ৱা হৌদোরক্লিবা হায়বসিনি। হৌজিক ফাওবদি ময়াম্নাগুরু রবিন্দ্রনাথ তেগোর অসি অইবা অমদি শৈরেংবা অমা ওইনা খনবিরি। অদুবু ঐহাক্নাহায়জনিংবদি গুরুদেব অসি লাইয়েকপা অমসু ওইরম্মি। মহাক্না হিরম কয়াদা লাই য়েকখ্রে, মহাক্নাউচেক কয়াগী লাই য়েকখ্রে, মহাক্না ফজরবা লেন্দস্কেপ কয়াগী লাইসু য়েকখ্রে। মসিদসু নত্তনা মহাক্নামীওইবগী লমচৎ শাজৎপু কালাগী মতেংনা কেনবাসতা য়েকথোকপগী থবকসু তৌখ্রে। অদুগামরুওইবা ৱাফম অমনা গুরুদেব তেগোরনা মহাক্কী অয়াম্বা থবশিং অসি মমিং অমত্তা থোনলমদে।অয়েকপা লাইশিং অসিবু য়েংলিবা মীওইশিং অদুনা অয়েকপা লাই অদুবু খংবগা লোয়ননা মদুদাপীরিবা পাওজেল অদু মশাগী ওইবা মীৎয়েংদা খংজগদবনি হায়না মহাক্না থাজরম্মি। মহাক্কীঅয়েকপা লাইশিং অদু য়ুরোপকী লৈবাকশিং, রসিয়া অমসুং অমেরিকাদসু উৎখ্রে। ঐহাক্না থাজৈময়াম্না লাহৌগী লাইশংদা মহাক্কী অয়েকপা লাই য়েংবা শোয়দনা চৎকনি।

ঐগী নুংশিরবা ইরৈবাকচাশিং, ভারত অসি লাইনিংবশিংগী লমদম্নি। ঐখোয়গী লাইনিংবশিং অসিনামখোয়গী ৱাখল্লোন অমসুং থবশিংগী পাম্বৈনা নুংশি চান্ননা লৈমিন্নবা অমসুং মপাঙ্গল কনবা সমাজঅমা শেম্বগী পাওজেল পীবিরম্মি। সন্ত রবিদাস অসি মখোয়শিং অদুগী মনুংদা অমনি। ফেব্রুৱারি১৯ অসি রবিদাসকী মপোক কুমওন্নি। সন্ত রবিদাসজীগী দোহাশিং অসি য়াম্না মমিং চৎলি। সন্তরবিদাসজীনা ৱাহৈ পরেং খক্তদা মমল য়াম্লবা পাওজেল পীবিরম্মি, মহাক্না অসুম্না হায়বিরম্মি,

“জাতি–জাতি মেন জাতি হৈ,

     জো কেতন কে পাত

রৈদাস মনুশ না জুর সকে

     জব তক জাতি ন জাত”

মসিগী ৱাহন্থোক্তি অসুম্না হনগনি মদুদি লফু মকু খোকপদা মনাগী মথংদা মনা লৈরমগনি, পুমলোয়লোয়বা মতমদা করি অমত্তা লেমহৌরোই, পাম্বী অদু পুমলোয় লোয়খিগনি। মতৌ অসুম তৌনাঐখোয়না তাইবং মীওইবশিংবু কালুপ কয়াদা খায়দোকপীরে অদুগী মীওইবা হায়বদুদি লৈহৌদ্রে।মহাক্না অসুম্না অমুক্কসু হায়বিরম্মি, করিগুম্বা তাইবং মপু অসিনা মীপুম খুদিংমক্কী মনুংদা লৈবাতারবদি মখোয়বু তোঙান তোঙানবা কাংলুপ্তা খায়দোকপীবা অসি অচুম্বা ওইরোই।      

গুরু রবিদাস শেংলবা লমদম বরানসিদা পোকখি। সন্ত রবিদাসনা মহাক্কী পাওজেলশিংগী মতেংনা মপুন্সি চুপ্পাশু নোম্বা অমদি শিন্মীশিংগী মগুন তাক্নবা হোৎনখি। মহাক্না শু–নোম্বগী অশেংবা ৱাহন্থোক পীবিরম্মি হায়বদাহায়মনবা থোক্লোই। মহাক্না অসুম্না হায়বিরম্মি,

“মন চঙ্গা তো কথৌতী মে গঙ্গা”

হায়বদি, করিগুম্বা নহাক্কী পুক্নিং অমদি থম্মোয় অনিমক শেংলবদি তাইবং মপু অসি নহাক্কী থম্মোয়দা লেংদনালৈগনি। সন্ত রবিদাসকী পাওজেলশিং অসিনা মীওই কাংলুপ খুদিংমক্কী পুক্নিং চিংশিনবা ঙম্মি। চিতোরগীনিংথৌরেল, রানি নত্রগা মীরাবাই মহাক্কী তুংইনবা ঙাক্তনি। ঐহাক্না অমুক হন্না শন্ত রবিদাসপু খুরুমজরি।

ঐগী নুংশিজরবা ইরৈবাকচাশিং, কিরন সিদরনা মাইগোবতা ঐহাকপু ভারতকী স্পেস প্রোগ্রাম অমদি তুংদা লমঅসিদা পায়খৎকদবা থবক থৌরমশিংগী মরমদা হায়ননবা ইবিরকই। ঐহাক্না মহৈরোইশিংদা স্পেস প্রোগ্রামদাপুক্নিং চংবগা লোয়ননা অতিয়াদগীসু হেন্না চৎখৎপগা লোয়ননা ৱাখল খল্লু হায়না খংহন্নিংবগী ৱাখল্লোনসুফোংদোকপীরকই। কিরনজী অদোমগী ৱাখল্লোন অমসুং অঙাংশিং অসিগীদমক্তা পীবিরিবা পাওজেলঅসিগীদমক্তা তৌবিমল খংবা উৎচরি।

নুমীৎ খরনিগী মমাংদা ঐহাক অহমদাবাদতা চৎলুই, মফম অদুদা ঐহাক দা. বিক্রম সারাভাইগী মীতম মায়খুমহাংদোকপগী খুদোংচাবা অদু ফংজখি। ইন্দিয়ান স্পেস প্রোগ্রামদা দা. সারাভাইগী থৌদাংশিং অসি অদুক্কীমতিক মমল য়ামখ্রে। ঐখোয়গী স্পেস প্রোগ্রাম অসিদা লৈবাক অসিগী মশিং থিঙমদ্রবা নহা বিজ্ঞানিক কয়াগীথৌদাং য়াম্মি। ঐখোয়গী মহৈরোইশিংনা শেমজবা সেতেলাইত অমসুং সাউন্দিং রোক্কেৎ কয়া স্পেস য়ৌরেবায়বা ৱাফম অসিগীদমক ঐখোয়না চাউথোকচফম থোকই। হন্দক্কী জনুৱারী ২৪দা ঐখোয়গী মহৈরোইশিংনাশেমজবা কলাম সেত থাগৎখ্রে। ওরিশাদা য়ুনিবর্সিতীগী মহৈরোইশিংনা শাবা সাউন্দিং রোক্কেৎশিংনসু রেকোর্দকয়া থমখ্রে। লৈপাক অসিনা নিংতম্লকপদগীনা চহী ২০১৪ ফাওবদা পায়খৎপা স্পেস মিসন মশিংগা হৌখিবাচহী মরি অসিদা পায়খৎপা স্পেস মিসন মশিংগা চাউরাক্না মশিং অসি মান্নরে। ঐখোয়না স্পেসক্রাফঅমত্তদগী পুন্না সেতেলাইত ১০৪ থাগৎপগী ৱার্ল্দ রেকোর্দ থমখ্রে। ঐখোয় অতেনবা মতমগী মনুংদা চন্দ্রয়ান–২ কেম্পেনগী থোংদা থাগী লৈমায়দা ভারত খোংদারগনি।

ঐখোয়গী লৈবাক অসিদা স্পেস তেক্নোলোজী অসিবু মীওইবগী থৱাই অমসুং লন–থুম ঙাকথোক্নবা মায় পাক্নাশিজিন্নরি। নোংলৈ নুংশিৎপু ওইরো, নত্রগা রেল লম্বী অমসুং কংফাল লম্বী ঙাক শেনবদা স্পেসতেক্নোলোজীদগী মতেং চাউনা ফংলি। ঐখোয়গী ঙামী ইচিল ইনাওশিংদা নাভিক খুৎলায়শিং য়েন্থোকখ্রে, মসিনা মখোয়বু ঙাক শেঞ্জবগা লোয়ননা শেন্থোক হেঙ্গৎহনবদসু চাউনা মতেং পীরি। ঐখোয়না স্পেসতেক্নোলোজী অসিবু সরকারনা পীরিবা তেংবাংশিং অসিগী দেলিবরী অমসুং একাউন্তেবিলিতীবু হেন্নাফগৎহনবদসু শিজিন্নরি। হাউসিং ফোর ওল হায়বদি মীপুম খুদিংমক্কী য়ুম হায়বা থৌরাং অসিদা রাজ্য ২৩গীচাউরাক্না য়ুম লাখ ৪০ জিও–তেগ তৌরে। মসিগা লোয়ননা মনরেগাগী মনুং চন্না চাউরাক্না লনগৈ কোতি অহুমমখায়সু জিও–তেগ তৌরে। ঐখোয়গী সেতেলাইত অসিনা ঙসি ঐখোয়গী হেঙ্গৎলক্লিবা পাঙ্গলগী খুদম্নি।মালেমগী অতৈ লৈবাকশিংগা ঐখোয়গা মরী ফগৎলক্লিবা অসিসু মসিগী অচৌবা খুদোলনি। সাউথ এসিয়াসেতেলাইত অসিদি তোপ তোপ্পা খোংথাং অমনি, মসিনা ঐখোয়গা য়ুমলোন্নরিবা মরূপ লৈবাকশিংদাচাউখৎপগী খুদোল পীরি। মশাগী য়াম্লবা কম্পিতিতিব লোঞ্চ সর্বিসনা ঙসি ভারতনা চাউখৎলক্লিবা লৈবাকশিংদানত্তনা চাউখৎলবা লৈবাক কয়াগী সেতেলাইৎ লোঞ্চ তৌরি। ঐখোয়গী স্পেস প্রোগ্রাম অসিনা অঙাংশিংদাহৌজিক ফাওবদি ওইথোক্লোয় হায়না খন্নরম্বা অৱাংবা অমসুং হেন্না চাউখৎপা ৱাখল খলহন্নবগী খুদোংচাবাপীরি। মসিনা ঐখোয়গী অঙাংশিংনা থৱানমীচাকশিংবু য়েংবগা লোয়ননা অনৌ অনৌবা থৱানমীচাকথিজিন্নবগী ৱাখল্লোনদা চিংশিনগনি।

ঐগী নুংশিজরবা ইরৈবাকচাশিং, ঐহাক্না মতম লৈবা খিবিক্তা হায়জদুনা লাক্লি, শান্নরবদি ৱাখল মকা লামগনি।হন্দক্কী খেলো ইন্দিয়াদা অনৌবা অমসুং নহা শান্নরোয় কয়া থোরক্লি। জনুৱারি থাদা পুনেদা পাংথোকপা খেলোইন্দিয়া য়ুথ গেম্সতা মশান্না ১৮দা চাউরাক্না শান্নরোয় ৬,০০০না শরুক য়াখি। ঐখোয়না শান্ন খোৎনবগী লমদাঐ ইশাগী থাক্তা ফজনা হোৎনরবা মতমদতা ঐখোয়গী নহাশিংনা মালেমগী থাক্তা মখোয়গী তৌবা ঙম্বা অদুনিংথিনা উৎপা ঙমগনি। হন্দক্কী খেল্লো ইন্দিয়াদা রাজ্য খুদিংমক্তগী শান্নরোয়শিংনা ঙমজবি থাদুনা মাগী মাগীথাক্তা ফজনা শান্নখি। মেদল ফংলবা শান্নরোয় কয়াগী পুন্সি অদু থোইদোক্না ফিদম্নিঙায় ওই।

বোক্সিংদা অকাশ গোর্খানা লুপাগী তকমান লৌখি, ঐনা তাজবদা অকাশপু পোকপা রামেশজী পুনেগী কমপ্লেক্সঅমগী চৌকিদারনি। মখোয়গী ইমুং পুন্না পার্কিং সেৎ অমদা লৈ। অমরোমদা মহারাস্ত্রগী অন্দর ২১গী নুপীকবাদ্দি তিমগী কেপ্তেন সোনালি হেলভি সত্তারাদগীনি। মহাক্না য়াম্না পিক্লিঙৈদা মহাক্কী অপোকপা লৈখিদ্রে।মহাক্কী মবুং অমসুং মমানা মহাক্কী হৈ–শিংবা অসি উৎচনবা মতেং পাংখি।

কবাদ্দিগুম্বা মশান্নশিংদা মচানুপীশিংবু থোইনা শান্নহনিংদে, অদুম ওইনমক সোনালিনা কবাদ্দিবু পামজরুরেলোয়ননা মসিদা মহাক্কী থোইদোকপা হৈ–শিংবা উৎলে। অসানসোলদগী চহী ১০ খক্তা ঙায়রিবা অভিনাব শোহঅসি খেলো ইন্দিয়া গেম্সকী খ্বাইদগী নহা ওইবা শনাগী তকমান ফংবা শান্নরোইনি। কর্নাতকাগী লৌমী অমগীমচানুপী অকশ্যা বসাবনি কামৎনা ৱেৎলিফতিংদা শনাগী তকমান লৌখি। মহাক্না মহাক্কী মায় পাকপগী ক্রিদিৎমপাদা পীখি। মহাক্কী মপা অদু বেলগামগী লৌমী অমনি। ঐখোয়না অনৌবা ভারতকী মরমদা ঙাংনরি, নহাশিংগী পাঙ্গল অসিনি ঐখোয়না অনৌবা ভারত হায়রিবসি। খেলো ইন্দিয়াগী ৱারিশিংনা তাক্লিবদি, ন্যু ইন্দিয়াশেম্বদা থৌদাং লৌরিবসি অচৌবা সহরশিংদা লৈবা মীওই খক্তা নত্তে। অপিকপা সহর খুঙ্গং অমসুং খুন মচামচাদগী লাকপা নহারোল অঙাংশিং হৈথোই শিংথোইরবা নহা শান্নরোইশিংসু অচৌবা থৌদাং য়ারি।

নুংশিরবা ইরৈবাকচাশিং, ময়াম্নামমিং লৈরবা ব্যুতী কনতেস্ত কয়াগী মরমদা তাবিরম্লগনি। অদুবু তোইলেৎলংহনবা চাংদম্নবগী ৱা করিগুম্বদা তাবিরবরা? হৌখিবা থা অমমুক্কী মমাংদগী চত্থরক্লিবা অঙকপা মখলগীচাংদম্নবা অসিদা তোইলেৎ লাখ ৫০ হেনবনা শরুক য়ারি। অঙকপা মখলগী চাংদম্নবা অসিগী মমিং লু হেনবাফজরবা অমাংশং, ময়াম্না মখোয়গী অমাংশংশিং অদু লু নান্না থম্বগী মথক্তা মচু কয়া শংবগা লোয়ননা ফজরবালাই কয়া য়েক্লগা হেন্না ফজনা উৎননবা হোৎনরি। ময়াম্না কাশ্মিরদগী কন্যাকুমারি অমসুং কৎচতগী কামরুপফাওবগী লু হেল্লবা খজরবা অমাংশং কয়াগী ফোতো সোসিয়েল মীদিয়াদা উবা ফংগনি। ঐহাক্না পঞ্চায়ৎকীলুচিংবা অমসুং গ্রাম প্রধানশিংদা ইশাগী পঞ্চায়ৎতা খোংচৎ অসি হৌদোক্নবা হায়জরি। ইশাগী লু নাল্লবা ফজরবাঅমাংশংগী ফোতো #MylzzatGharগা লোয়ননা সোসিয়েল মীদিয়াদা শোইদনা সেয়ার তৌবিয়ু।

মরূপশিং, ওক্তোবর ২, ২০১৪দা ঐখোয়না ঐখোয়গী লৈবাক অসিবু লু হেন্না থম্বগী অমসুং অহাংবদাখোংহাম খুৎহাম তৌররোই হায়বগী কাওঙম্লরোইদবা খোংচৎ অমা পুন্না চৎপা হৌখি। ভারতকীমীয়ামগী মতেংগা লোয়ননা ওক্তোবর ২, ২০১৯ য়ৌগদবা য়াম্না ৱাৎলিঙৈ অসিদা ঐখোয় অহাংবদাখোংহাম খুৎহামদবা মায়কৈরোমদা চংশিল্লে। মসিনা বাপুজীদা মহাক্কী ১৫০শুবা মপোক কুমওন্দাপীবা শ্রদ্ধানজলি ওইবা ঙম্লগনি।

লু–নানবা ভারত অমগী কাওঙম্লরোইদবা খোংচৎ অসিদা মন কী বাত তাবিরিবশিংগীসু থৌদাং য়াম্নাচাউরি। মরম অসি লৈবনা খুঙ্গং লাখ মঙা লিশিং য়াঙ্খৈদগী হেন্না অমসুং জিলা ৬০০, মখোয় অহাংবদাখোং হামজিন্দ্রে হায়বগী পাও অসি তম্বদা নুংঙাইবা পোকচৈ। মসিগা লোয়ননা ভারতকী খুঙ্গংশিংদা লুনানবগী কোভরেজ অসি চাদা ৯৮ হেল্লে অমসুং য়ুমথোং কতি মাপলমুক্তা অমাংশংগী খুদোংচাবাফংহনখ্রে।

ঐহাক্কী পিক্লিবা মরূপশিং, পরিক্ষাগী মতম লাক্কদৌরে। হিমাচল প্রদেশতগী অনশুল শর্মনামাইগোভতা ঐহাকপু পরিক্ষাশিং অমসুং এগজাম ৱারিয়রশিংগী মরমদা হাইয়ু হায়দুনা ইবিরকই।অনশুলজী ৱাফম অসি পুখৎপীরকপগীদমক অদোম্বু থাগৎচরি। হোই, ইমুং কয়া অমগীদি চহীগীঅহৌবা শরুক অসি পরিক্ষাগী মতম্নি। মহৈরোই, মখোয়গী অহল লমনদগীনা ওজা ফাওবা লোয়নাপরিক্ষাগা মরী লৈনবা খবকশিংদা য়াম্নাচিল্লি।

ঐহাক্না মহৈরোই খুদিংমক মখোয়গী মমা মপা অমসুং ওজাশিংদা য়াইফ পাওজেল পীজরি। ঐহাকহিরম অসিদা ঙসি মন কী বাত থৌরম অসিদা ৱারি শান্ননিংই। অদুবু নুমীৎ নিনি লৈরগা জনুৱারী ২৯দাঅয়ুক পুং ১১ তাবদা পরিক্ষা পে চর্চা হায়বা থৌরমদা লৈবাক অসিগা মহৈরোই ময়ামগা ৱারিশান্নগদৌরি হায়বসি খংবদা নুংঙাইবা পোকপীরমগনি। হন্দক্তি মহৈরোইগা লোয়ননা অহন লমনঅমসুং ওজাশিংশু থৌরম অসিদা শরুক য়াগদৌরি। অতোপ্পা লৈবাক কয়াগী মহৈরোইশিংশু শরুকয়াগদৌরি। পরিক্ষা পে চর্চা অসিদা পরিক্ষাগা লোয়নবা হিরম কয়া, মরুওইনা পাখৎপা য়াওদবাপরিক্ষাগী মরমদা নহা ওইরিবা মরূপশিংগা ৱারি য়াম্না শান্নগনি। ঐহাক্না মসিগীদমক্তা মীয়ামদা ইনপুৎঅমসুং ৱাখল্লোন থাবিরক্নবা হায়জখি। অদুগা ঐহাক্না নুংঙাইজরিবদি মাইগোভতা মশিং য়াম্লবামীয়াম্না মখোয়গী ৱাখল্লোন থাবিরকই। মসিদগী ৱাফম খরা অমদি সজেসন খরা ঐহাক্না শুংশোইশোইদনা তাউন হোলগী থৌরমদা মীয়ামগী মাংদা থমগনি। ময়াম শোইদনা থৌরম অসিদা শরুকয়াবিয়ু। সোসিয়েল মীদিয়া অমদি নমো এপকী খুত্থাংদা ময়াম্না মসিগী লাইব তেলিকাস্ত উবাফংবিগনি।

ঐগী নুংশিজরবা ইরৈবাকচাশিং, জনুৱারী ৩০ অসি বাপুজী লৈখিদবা নুমীৎনি। পুং ১১ তাবা মতমদালৈবাক পুম্বনা লৈবাক নিংবা অথৌবশিংদা সদ্ধানজলি কৎপিয়ু। ঐখোয়সু ঐখোয়না লৈবা মফম অমাহেক্তদা মিনিৎ অনি অথৌবশিংদা শোইদনা শদ্ধানজলি কৎসি। ফিদম্নিঙায় ওইরবা বাপুজীবু পুকচেলশেংনা নিংশিংবগা লোয়ননা মহাক্কী মংলান মংফাওনহনবা অনৌবা ভারত অমা শাগৎপা নাগরিকঅমা ওইনা ইসাগী ইথৌ পাংথোকপা হায়বা ৱাফমশিং অসিগা লোয়ননা ঐখোয় পুন্না মাংলোমদাচৎখৎলসি। ২০১৯গী খোংচৎ অসি মায় পাক্না মাংলোমদা পুরসি। ময়াম্বু ঐহাক্না ঙমখৈ লৈতনা য়াইফপাওজেল পীজরি। হন্না–হন্না থাগৎচরি।              

ঐগী মুংশিরবা ইরৈবাকচাশিং, খুরুমজরি। কুমজা ২০১৮ অসি লোইগদৌরে। ঐখোয় ২০১৯দা খোংথাংজিনগদৌরে। অসিগুম্বা মতম অসিদা হৌখিবা কুমওনগী মরমদা ৱারী শানবা অসি হৌনশানি, অদুগালাক্কদৌরিবা কুমজা অসিদা তৌগদবশিংগী মরমদসু ৱারী শান্নৈ। মীওইবগী পুন্সিবু ওইরো, খুন্নাইগীবু ওইরোনত্ত্রগা খুন্নাইগীবু ওইরো – পুম্নমক্না হন্না য়েংবা অসি তৌনৈ অমসুং লাক্কদৌরিবা মতমগীদমক হেক ঙম্লিবমখৈশান্না য়েংনৈ, মতম অদুতদা হৌখিবা মতম অদুদা থেংনখিবশিংগী কান্নবশিং ফংলকই অমসুং করিগুমবাঅনৌবা খরা তৌনবগী থাজবসু ফংলকই। ঐখোয়না করি থবক তৌরগা ঐগী পুন্সিদা করি অহোংবা পুরকপাঙমগদগে অমসুং লৈবাক অমদি খুন্নাই অসিবু চাউখৎহনবদা কয়া য়াম্না মতেং পাংবা ঙমগদগে হায়বদু অমুকহন্না খন্নবা তাই। পুম্নমকপু ২০১৯না লাকপদা য়াইফ–পীওজেল পীজরি। ময়াম্না খনবীরমগনি মদুদি ২০১৮বুকরম্না নীংশিংদুনা থমগনি। ২০১৮ অসিদা ভারতপু অচৌবা লৈবা অমা ওইনা, ঐখোয়গী মীওই ক্রোর চাম্মাকুন্ত্রানা মতেং পাংবা ওইনা , করম্না নীংশিংদুনা থমগনি – মসি নাংশিংবা অসিসু য়াম্না মরু ওই। মসিনা ঐখোয়নাচাউথোক্না হিংবসু ঙমহল্লিবনি।

২০১৮দা, হকশেলগী লমদা মালেমগী খ্বাইদগী চাউবা ইন্স্যুরেন্স স্কিম ‘আয়ুশ্মান ভারত’ হৌদোকখি। লৈবাক্কীখুঙ্গংশিংদা মৈ ফংহনখি। মালেমগী শক্নাইরবা লুপ কয়ানা ভারতকী চাউখৎপগী খোংচৎ হেনগৎলকপগালোইননা লাইরবগী পনখৈসু হন্থরক্লি হায়না ফোংদোক্নরক্লি। লৈবাক মীয়ামগী অনীংবা অচেৎপগা মপান্না লুবানানবগী পনখৈসু ৯৫%গী চংদা য়ৌরক্লি।

নীংতম্লবা মতুংদা অহানবা ওইনা লাল কিলাদা আজাদ হিন্দ সরকারগী চহি ৭৫শুবগী থৌরমদা মচু অহুমগীফিরাল পাইহনখি। লৈবাক অসিবু অমত্তা ওইবা লংলানা পুনশিনবীরম্বা, সরদার ভল্লভভাই পতেলবু ইকাই খুম্নবাওইনা মালেমগী খ্বাইদগী ৱাংবা মীতম স্তেচু ওফ য়ুনিতী লৈবাক অসিনা ফংজরি। মালেম অসিনা লৈবাক অসিবুশক খঙবা হেনগৎলক্লি। লৈবাক অসিবু য়ুনাইতেদ নেসনগী খ্বাইদগী ৱাংবা অকোইবগী ফিভমগী মনা‘চেম্পিয়ন ওফ দ আর্থ’ পীদুনা ইকাই খুম্নবীখি। নুমিৎতগী ইনর্জী লৌবগী অমদি অইং–অশাগী ফিভমহোংলকপদা ভারতনা মসিবু কন্ননবা হোৎনবদা লৌখিবা থৌদাং অদুবু মালেম্না খঙবীরি। ‘ইন্তর্নেস্নেল সোলরএলায়েন্স’কী অহানবা অচৌবা মীফম অমা ভারত্তা পাংথোকখি। ঐখোয়না পুন্না হোৎনখিবা অদুগী মহৈ ওইনালৈবাক অসিগী ইজ ওফ দোইং বিজিনেসকী অঙকপা ফংনা অহোংবা লাকখি। ইশানা ইশাবু ঙাকথোকচনবাহোৎনবদা লৈবাক অসি চেৎশিল্লক্লি। চহি অসিদা লৈবাক অসিনা ন্যুক্সিয়র ত্রাইদ মপুং ফারে, হায়বদি হৌজিকঈশিং, কংফাল অমসুং অতিয়া অহুম অসিদা ন্যুক্লিয়রগী মপাঙ্গল নীংথিনা মপুং ফারে। লৈাক অসিগীইচানুপীশিংনা নবিকা সাগর পরিক্রমাগী থোংদা মালেম পুম্বা কোইরুদুনা লৈবাক অসিবু চাউথোকচহনখি।বরানসীদা ভারতকী অহানবা ঈশিং লম্বী হৌদোকখ্রে। মসিনা ঈশিং লম্বীগা লমদা অনৌবা য়াওল অমা হৌরে।লৈবাক অসিগী খ্বাইদগী শাংবা রেল লম্বীগা থোং বোগিবীল থোং মীয়ামদা কৎথোকখ্রে। সিক্কিমগী অমসুংলৈবাক অসিগী ১০০শুবা এয়রপোর্ত – পাক্যোং হাংদোকখ্রে। অন্দর–১৯ ক্রিকেৎ ৱার্লদ কপ অমদি ব্লাইন্দক্রিকেৎ ৱার্ল্দ কপ্তসু ভারতনা মাই পাকখি। হন্দক এসিয়ন গেম্সতসু ভারতনা মেদল য়াম্না ফংলকখি। পেরাএসিয়ন গেম্সতসু ভারতনা নীংথিজনা শান্নখি। ঐহাক্না ভারতকী নুপা থৌকপা থৌদাং, অমদি ঐখোয়গীঅপুনবা হোৎনজমনগী মরমদা ঙাংদুনা লৈরবদি, ঐখোয়গী ‘মন কী বাত’ অসি অসুক্কী মতিক শাংদোকখ্রগনিমদু ২০১৯ ফাওবা য়ৌখিগনি। মসি পুম্নমক অসি ইরৈবাকচা ক্রোর ১৩০গী হোৎনজমন্নি। লাক্কদৌরিবা ২০১৯দসুভারতকী চাউখৎপগী খোংচৎ অসি লেপ্তনা চৎখিগনি অমসুং খোংফম চেৎনা চাউখৎপা মতোন লোমগনিহায়বসি ঐগী থাজবনি।

ঐগী নুংশিজরবা ইরৈবাকচাশিং, হন্দক্কী দিসেম্বর অসিদা ঐখোয়গী থোইদোক হেন্দোকপা মীওই কয়াকাইনখ্রে। দিসেম্বর ১৯দা চেন্নৈগী দা. জয়াচন্দ্রন লৈখিদ্রে। মহাকপু মীয়াম্না নুংশিনা ‘মক্কল মারুথুবর’ হায়নাকৌখি। মরমদি মহাক অসি মীয়াম্না য়াম্না নুংশিজখি। দা. জয়াচন্দ্রন্না লাইরবশিংবু অহোংবা লায়েংফংহনবগীদমক মীয়াম্না খঙনৈ। মহাক্না অনাবশিংবু য়াম্না লায়েংবীনিংখি। মাগী মনাক্তা লায়েংবা লাকপা চহিয়াম্লবা অহাল ওইরবশিংদা চৎথোক–চৎশিগী ভরা ফাওবা পীখি। ঐহাক্না thebetterindia.com websiteতা মানা তৌখিবা থবক কয়াগী মরমদা পারে।

অসুম্না দিসেম্বর ২৫দসু কর্নাতক্কী সুলাগিত্তী নরসম্মা লৈখিদবগী পাউ তাখি। সুলাগিত্তী নরসম্মা অসি মীরোনবী ইচে–ইচলশিংবু অঙাং পোকপা মতমদা মতেং পাংবী মীশক অমা ওইরম্মি। মহাক্না কর্নাতক্তা থোইদোক্না লম্বী–থোং ফিভম য়াম্না চাদবা মফমদা চৎতুনা মমা ওইবী লিশিং কয়াগী মতেং পাংখি। চহি অসিগী হৌরকপদা মহাকপু পদ্ম শ্রী পীদুনা ইকাই খুম্নবীখি। দা. জয়াচন্দ্রন অমদি সুলাগিত্তী নরসম্মাগুম্বী মীয়ামগীদমক মপুন্সি কৎথোকপীখিবা কয়াসু লৈরি। ঐনা হেল্থ ক্যারগী মরমদা পঞ্জরকপা অসিদা উত্তর প্রদেশকী বিজনৌরদা লৈবা দোক্তরশিংগী হোৎনবা কনবা অদু নৈনবা য়াই। নুমিৎ খরনিগী মমাংদা পার্তীগী ৱাকর খরনা, শহরগী দোক্তর নহা খরনা কেম্প তৌদুনা লাইরবা অনাবশিংবু লেম্না লায়েংলি হায়না ঐঙোন্দা তমখি। মফম অসিদা হার্ত লংস ক্রিতিকেল সেন্তরনা শিন্দুনা থা খুদিংগী মেদিকেল কেম্প পাংথোকই। মফমদুদা মখল কয়াগী অনাবশিংবু য়েম্না লায়েংই অমসুং হিদাক লাংথক ফংহন্দুনা মখা তানা লায়েংই। হৌজিক্তি থা খুদিংগী লাইরবা চা কয়া কেম্প অসিদগী কান্নবা ফংলে। মশাগী ওইদবা থাদোক্লবা নহা ওইরিবা দোক্তর মরূপশিংগা থৌনা অসি তশেংনমক থাগৎনীংঙাইনি। ঙসি ঐহাক্না য়াম্না চাউথোক্না হায়জনীংবদি পুম্মক্কী অপুনবা হোৎনজমন্না ‘স্বচ্ছ ভারত মিশন’ অসি মাই পাক্লবা খোংজং অমা ওইখিবনি। নুমিৎ খরনিগী মমাংদা মীওই খরনা হায়বদা মধ্য প্রদেশকী জবলপুরদা মীওই লাখ অহুম হেনবনা শেংদোক খোৎতোকপগী থবক তৌরি হায়। লু নানবগী অচৌবা খোংজং অসিদা ম্যুনিপাল কাউন্সিল, ভোলুন্তীয়র ওর্গনাইজেসন, স্কুল–কোলেজগী মহরোই, জবলপুরগী মীয়াম পুন্না থৱাই য়াওনা থবক শুমিন্নরি। ঐহাক্না হৌজিক thebetterindia.comগী মরমদা হায়জখিবা অদুনি। মদুদগী ঐহাক্না দা. জয়াচন্দ্রনগী মরমদা পাবা ফংজখিবনি। তাঞ্জা ফংবদা ঐনা অসিগুম্বা নুংঙাইরবা ৱাফম অসিপাজগে। হৌজিক্তি তোইদোকপা হেন্দোকপা থবক তৌবা মীওই কয়াগী নারী ৱাখোং কয়া ৱেবসাইৎ কয়াদাহাপতুনা মীয়ামদা খংহল্লি। thepositiveindia.comনা খুন্নাই অসিদা অফবা ৱাখল্লোন পোকহন্নবা হোৎনরি। মত অসুম্না yourstory.comদা নহা ওইরিবা, অনৌবা পুথোকপা মাওইশিংগী মাই পাকপগী ৱারী লিরি। অসুম্না samskritabharati.inগা পাম্বৈনা মীয়াম্না য়াম্না লাইনা য়ুমদা ফমদুনা সংস্কৃৎ লোন তম্বা ঙম্লি। ঐখোয় পুন্না থবক অমা তৌমিন্নবা য়াই – অসিগুম্বা ৱেবসাইৎশিং অসি ঐখোয় মশেল শ্যার তৌসি। অফবা ৱাখল্লোন অসি ভাইরেল ওইহন্সি। মসিদগী খুন্নাইদা অহোংবা পুরকপদা থৌদাং য়ারিবা মীওইশিংগী মরমদা খঙবা ঙম্লগনি। নত্তবা ৱাখল্লোন শন্দোকপদি য়াম্না লাই অদুবু ঐখোয়গী অকোইবদা অফবা থবক তৌরিবশিং অসি খঙজিনবা য়াই অদুবু পুম্নমক অসি ভারতকী মীয়াম ক্রোর ১৩০গী অপুনবগী হোৎনজমন্নি।

খুন্নাইদা শান্ন–খোৎনবগী মফম চাউনা কল্লি। শান্নবা মতমদা, য়েংলিবা মীশিংগী থৱাইসু থৌনাতনা থল্লি। শান্নরোইশিংগী মমিং, মখোয়গী শক্তাক, মখোয়গী ইকাই খুম্নবা পুম্নমক অদু ঐখোয়না লোইনা খঙবা ঙম্মি। অদুবু করি করিগুম্বদা ৱাফম খরদি শান্নবুংগী তাইবঙদগী হেন্না মরুওই। ঐনা কশ্মীরগী ইচানুপী হনায়া নিসারগী মরমদা করিগুম্বা খরা হায়নীংই। মহাক্না কোরিয়াদা পাংথোকখিবা করাতে চেম্পিয়নশিপ্তা সনাগী মেদল লৌরকখি। হনায়া চহি ১২ শুরে অমসুং মহাক কশ্মীরগী অনন্তনাগতা লৈবীনি। হনায়ানা করাতে অসি য়াম্না চেকশিন্না পুক্নীং চংনা প্রেক্তিস তৌই হায়বসি মাগী মশান্নদগী খঙবা ঙম্মি। হনায়াবু য়াইফ–মঙ্গল পীজরি। মতৌ অসুম্না চহি ১৬তা ঙাইরিবী ইচানুপী রজনীগী মরমদসু মীদিয়ানা য়াম্না নৈনখি। অদোম্নসু পাবীরম্লগনি রজনীনা জুনিয়র বোক্সিং চেম্পিয়নশিপ্তা সনাগী মেদল ফংলকখি। মহাক্না মেদল হেক ফংবগা মনাক্তা লবা শঙ্গোম য়োনফম অমদা চৎলগা শঙ্গোম গ্লাস অমা থকখি। মসিগী মতুংদা মাগী মেদল অদু ফিদা য়োমশিন্দুনা খাওদা হাপচিনখি। রজনীনা শঙ্গোম গ্লাস অমা করিগী থকখিবনো হায়না অদোম খনবীরমগনি? মহাক্না মদু মহাক্কী মপা জসমের সিংহগী মফমদা ইকাই খুম্নবা উৎপা ওইনা থকখিবনি। মহাক পনিপৎকী দুকান অমদা লস্সী য়োল্লি। রজনীনা হায়খি মদুদি মহাক্না থাক অসি য়ৌরক্নবা হোৎনবদা মপানা য়াম্না ৱানা হোৎনরকখি। মহাক্কী মপানা মখোয় মচিন–মনাওশিংনা হৌগৎত্রিঙৈদা থবক চৎখি। রজনীনা মপাদা বোক্সিং তম্নীংবগী অপম্বদু ফোংদোক্লুবদা অঙাম্বা পাম্বৈ পুথোক্তুনা তমহনগনি হায়না থৱাই হাপ্পীরকই। মহাক্না বোক্সিংগী প্রেক্তিস অসি অমনবা গ্লোব উপতুনা তম্বা হৌখি। মরমদি মতমদুদা মখোয়গী ইমুংগী শেল–থুমগী ফিভম ফৎলমদে। অসিগুম্বা খুদোংচাদবা কয়া লৈরবসু রজনীনা থৌনা হনখিদে। বোক্সিং অদুম্মক তমখি। মহাক সর্বিয়াদসু মেদল অমা ফংখি। ঐহাক্না রজনীবু য়াইফ–মঙ্গল পীজরি অমসুং মহাক্কী মতেং পাংবা অমদি থৌনা হাপ্পীবগীদমক্তা মপাবুং জসমের সিংহ অমসুং মমা ইবেম্মা উসারানীবুসু হন্না হন্না থাগৎচরি। হন্দক্কী থা অসিদা পুনেগী চহি ২০দা ঙাইরিবী ইচা নুপী বেদাঙ্গী কুলকরনীনা সাইকলনা ৱার্ল্দ তুর তৌবী খ্বাইদগী য়াঙবী এসিয়ন ওইখি। মহাক্না নুমিৎ ১৫৯ চুপ্না নোংমদা চাউরাক্না কিলোমীতর ৩০০ সাইকল থৌখি। অমুক্তং খন্দুনা য়েংবীয়ু, নোংমদা কিলোমীতর ৩০০ সাইকল থৌবগী মাগী অঙাওবী ৱাখল্লোন অদু তশেংনা থাগৎনীংঙাইনি। অসিগুম্বা মখলগী এচীবমেন্তশিং পারুরগা তারুরগা ঐখোয়সু পুক্নীং থৌগৎনীংঙাই ওইরি। মরু ওইনা ঐগী নহা ওইরিবা মরূপশিং, অসিগুমবা থৌদোকশিং তারুরগা খুদোংথিবা কয়া মায়োক্নরবসু করিগুমবদা তৌগে হায়বগী ৱাখল পোক্লক্কনি। তৌগে হায়নবু নীংলবদি খুদোংথিবা কয়া মথন্তা নান্থোকচখি। খুদোংথিবনা কৈদৌঙৈদসু অপনবা ওইহন্দে। অসিগুম্বা খুদ কয়া অসি তারুরগা ঐখোয়সু মিকুপ খুদিং অনৌবা থবক কয়া তৌনীংবগী ৱাখল্লোন ফাওরকই।

ঐগী নুংশিরবা ইরৈবাকচাশিং, জনুৱারী থা অসিদা হরাও নুংঙাইবা অমসুং অনৌবা ইহুল পোকহনবা কুম্মৈ কয়া লাক্লগনি। খুদম ওইনা লোহরী, পোঙ্গল, মকর সংক্রান্তী, উত্তরায়ন, মাঘ বিহু, মাঘী; কুম্মাশিং অসিনা লাকপদা ভারত পুম্বদা মফম খরদনা নাৎকী জগোই উবা ফংগনি, অদুগা খরদনা লৌরোক পান্থাগী নুংঙাইবা ফোংদোক্তুনা লোহরী মৈ থাগনি। মফম কয়াদা মচু কয়াগী তেলঙ্গা পাইবা উবগা লোইননা, অতোপ্পা মফম কয়াদনা মেলা কয়া উবা ফংগনি। মশান্না কয়া চাংদম্নবা উবা ফংগনি। অদুগা মফম কয়াদানা থোইদিং কাংশুবী চামিন্নবা উগনি। কুম্মৈশিং অসিগী মমিং তোঙান তোঙান থোঞ্জরবসু নুংগী ওইবা লাখল্লোন্দি অমত্তনি। কুম্মৈশিং অসি মহৈ–মরোং, লৌউ–শিংউ, লৌবুক, লৌমী, খুঙ্গংগা মরি লৈনবা ঙাক্তনি। চৈরক অসিদা সুর্য় উত্তরায়ন ওইদুনা মকর রাশিদা চংখি। মসিগী তুংদা নুংথিলগী মতম তপ্না তপ্না শাংদোরকপগা লোইননা নীংথম মহৈ–মরোংশু লোকপা হৌরকই। ঐখোয়গী চিঞ্জাক ফংহনবীরিবা লৌমী ইচিল–ইনাওশিংদা ঙমখৈ লৈতনা য়াইফ–পাওজেল পীজরি। খেন্নবা ময়ামগী লক্তা অমত্তা ওইবা অপুনবা ভারত, অথোইবা ভারতকী ৱাখল্লোন অসি ঐখোয়গী কুম্মৈশিং অসিদা উবা ফংই। কুম্মৈশিং অসি মহৌশাগা কয়াদা নকশিন্নরিবা। ভারতকী  চৎনবদা নাৎতা খুন্নাই অমসুং মহৌশাবু খক তোখাইনা লৌদে। মহৌশাগা ঐখোয়গা য়াম্না নক্নবগী খুদম অমা লৈ। কুম্মৈশিং অসিদা য়ুম্ফম ওইবা কেলেন্দর, মসিদা চহি চুপ্পগী কুম্মৈশিংগা লোইননা গ্রহ অমসুং থৱানমীচাক্কী অফ–ফত্তসু ইরি। থা অমসুং নুমিৎকী খোংচৎ মতুং ইন্না কুম্মৈগী নুমিৎ লেপ্পি। কনানা করম্বা কেলেন্দর চৎনবগে হায়বগী মতুং ইন্নসু মসি লেপ্পি। মফম কয়াদা গ্রহ অমসুং থৱানমিচাক্কী ফিভমগী মতুং ইন্না কুম্মৈগী মতম লেপ্পি। গুরী পরৱা, চেতীচন্দ, উগাদি পুম্নমকশিং অসি থাগী খোংচত্তা য়ুম্ফম ওইবা কেলেন্দরগী মতুং ইন্না পাংথোকই। তমিল পুথান্দু, বিশু, বৈশাখ, বৈসাখী, পোইলা বৈসাখ, বিহু – কুম্মৈশিং অসি নুমিৎকী খোংচৎতা য়ুম্ফম ওইবা কেলেন্দরগী মতুং ইন্না পাংথোকই। ঐখোয়গী কুম্মৈ কয়াদা তুরেল অমসুং ঈশিং কনবগী ৱাখল্লোন য়াওই। ছথ কুম্মৈ অসি তুরেল অমসুং পুখ্রিশিংদা নুমিৎ খুরুম্বগী কুম্মৈনি। মকর সংক্রান্তিদসু মীওই লাখ কয়া শেংলবা তুরেলশিংদা লুপ্নৈ। ঐখোয়গী কুম্মৈশিং অসিদা ঐখোয়দা নুংশি চানননা লৈমিন্ননবগী ৱাখল্লোন পীরি। ঐহাক্না মীয়ামদা ২০১৯গী য়াইফ–পাওজেল পীজরি। কুম্মৈশিং অসি পাংথোকপগী ফোতোশিং ময়ামদা শ্যার তৌবীয়ু মসিনা মীয়ামদা ভারতকী চৎনবী নাৎকী ফজবা উহনবা ঙমগনি।

ঐগী নুশিরবা ইরৈবাকচাশিং, ঐখোয়না মালেমদা চাউথোক্না উৎপা য়াবা কুম্মৈশিংগী মনুংদা য়াম্না মরু ওইবা অমদি কুম্ভ মেলানি। কুম্ভগী মরমদা ময়াম্না হেন্না তাবীরম্লগনি। সিনেমাদসু মসি উবীরম্লগনি খল্লি। কুম্মৈ অসি অদুক্কী মতিক চাউই, মালেম পুম্বদগী মীওই কয়া কুম্মৈ অসি য়াওবা লাক্নৈ। কুম্ভ মেলা অসি কৎথোকপা অমসুং নীংজবগী ৱাখল্লোন থোইদোক্না য়াওই। মফম অমদা মতম অমত্তদা মালেম পুম্বদগী মীওই লাখ কয়া পুল্লি। কুম্ভ অসিদা ঐখোয়গী লেমজনীংঙাই ওইরবা চৎনরোল কয়া য়াওরি। কুমসিগী ওইনা জনুৱারী ১৫দা প্রয়াগ রাজদা পাংথোক্কদৌরি। মালেমদা মমিং লৈরবা কুম্ভ মেলা অসিগীদমক ময়ামসু খৌরাংনা ঙাইবীরমগনি হায়না খনজৈ। কুম্ভ মেলাগীদমক লাইনীংবা কয়া হৌজিক্তগী লাকপা হৌরম্লগনি হায়না খল্লি। মসি মালেমগী ওইনা অথোইবা ওইরে হায়বগী খুদমদি, মমাংগী চহিদা য়ুনেস্কোনা কুম্ভ মেলা অসিবু ইন্তেঞ্জিবল কলচরেল হেরিতেজ ওফ হ্যুমেনিতীগী লিস্তা হাপখ্রে। নুমিৎ খরনিগী মমাংদা লৈবাক কয়াগী এম্বেসেদরশিনা কুমভগী শেম–শারিবশিং য়েংখি। মফম অদুদা লৈবাক কয়াগী ফিরাল পুন্না পাইহনখি। প্রয়াগরাজদা পাংথোক্কদৌরিবা কুম্ভ মেলা অসিদা লৈবাক ১৫০দগী হেনবনা শরুক য়াগনি হায়না পানরি। কুম্ভগী মতেংনা মালেম পুম্দা ভারতকী মগুন উৎকদৌরিবনি। কুমভ মেলা অসি সেল্ফ দিস্কভরীগী পাম্বৈ অমসুং ওইরিবনি। মরু ওইনা নহরোলশিংগীদমক্তি লর্নিং এক্সপিরিয়েন্স ওইবা য়াই। ঐহাক ঈশামকশু খরনিগী মমাংদা প্রয়াগরাজদা চৎলুই। কুমভগীদমক কন্না শেম–শাবা উরকই। মফম অদুদা ঐহাক্না ইন্ত্রিগেতেদ কমান্দ অমসুং কন্ত্রোল সেন্তর মীয়ামদা খুৎশিন্নখি। লাই খুরুম্বা লাকপশিংদা মসিনা মতেং য়াম্না পাংবা ঙমগনি। কুমসিদি কুম্ভ মেলাদা লু হেনবগী ৱাফমসু মরু ওইনা কন্না য়েংশিনগনি। কুম্মৈগা লোইননা লু–হেন্না লৈরবদি, মসিগী অফবা পাউজেল অরাপ্পা মফম ফাওবা য়ৌখিগনি। হন্দক্তি লাই খুরুম্বা লাকপশিংনা শেংলবা শঙ্গমদা লুপ্লবা তুংদা অক্ষয়বৎসু দর্শন তৌবা ফংলগনি। অক্ষয়বৎ অসি চহি কয়া লানবন্দা থোং লোন্দুনা লৈরুরবনি। পাম্ন–পাম্ন মসি উবা ফংজখিদ্রবনি। হৌজিক অক্ষয়বৎকী থোং অসি মীয়ামগীদমক হাংলে। ঐহাক্না মীয়ামদা হায়জনীংবদি কুম্ভ চৎপা তারবদি মদুগী ফোতোশিং অদু সোসিয়েল মীদিয়াদা শোইদনা শ্যার তৌবীদুনা মীয়ামদা কুম্বদা চৎনীংনবা ইথিল পীবীয়ু। কুম্ভ অসি নেস্নেল ইন্ত্রিগেসনগী অথোইবা পাওজেল পীবা ওইরসনু হায়না ঐহাক্না থৌনীজরি। লাইনীংবশিংগী কুম্ভ অসি লমকোইবশিংগী মহা কুম্ভ ওইরসনু হায়নসু থৌনীজরি।

ঐগী নুংশিজরবা ইরৈবাকচাশিং, জনুৱারী ২৬কী রিপাব্লিক দেগীদমক ঐখোয়গী পুক্নীংদা লাংতক্নবা পোক্নরি। নুমিৎ অদুদা ঐখোয়না ঐখোয়গী সংবিধান পীনবীরম্বা অথৌবশিংবু নীংশিংজৈ।

চহি অসিদা ঐখোয় ইকাই খুমনজরবা বাপুগী চহি ১৫০শুবা মপোক কুমওন পাংথোক্কদৌরি। ঐখোয়গী লাইবক ফবদি খা অফ্রিকাগী রাস্ত্রপতি শ্রী সিরিল রামাফোসা, কুমসি চহিগী রিপাব্লিক দেগী অথোইবা মীথুংলেন ওইনা লাক্কদৌরি। বাপুজী অমসুং খা অফ্রিকাগী মরক্তা তৎনবা য়াদ্রবা মরি অমা লৈনৈ। খা অদুমক্নি, মোহন্দগী ‘মহাত্মা’ ওইরকখিবা অদু। খা অফ্রিকাদা মহাত্মা গান্ধীনা অহানবা সত্যগ্রহ হৌদোকখি অমসুং জাতি মরক্তা খেন্নবা লৈবগী মরক্তা লেপ্পা হৌখি। মহাক্না ফীনিক্স অমসুং তোল্সতোয় ফার্মশিং লিংখৎখি। মফম অদুদগী মালেম শিনবা থুংনা ইং তপ্পা অমদি অচুম্বগী খোল্লাও শন্দোকখি। ২০১৮ অসি নেল্সন মন্দেলাগী চহি ১০০শুবা মপোক কুমওন পাংথোক্লি। মহাকপু ‘মরীবা’ হায়নসু খঙনৈ। ঐখোয় পুম্নমক্না খঙই মদুদি মন্দেলানা জাতি খেন্নবগী মায়োক্তা লান্থেংনখি অদুগা মঙোন্দা ৱাফম কয়া কনাদগী লাকখি হায়বদুসু খঙবীরম্লগনি। চহি কয়া জেলদা খাঙবগী থৌনা অদুসু বাপুজীদগী ফংখি। মন্দেলানা বাপুজীগী মরমদা অসুম্না হায়বীরম্মি –“মহাত্মা অসি ঐখোয়গী পুৱারীগা তৎনবা য়াদ্রবা শরুক অমনি মরমদি মহাক্না মফম অসিদা অচুম্বা ৱায়েলগীদমক্তা লেপ্পা হৌখি। মফম অসিদগী সত্যগ্রহ হৌখি।” মহাক্না বাপুবু রোল মোদেল ওইনা লৌই। বাপু অমসুং মন্দেলা অসিনা মালেম পুম্বদা অরানবগী মায়োক্তা লেপ্পা অমসুং নুংশিনবগী ৱাখল্লোন শন্দোক্লি।

নুংশিরবা ইরৈবাকচাশিং, নুমিৎ খরগী মমাংদা গুজরাৎকী নর্মদা তোর্বান্দা কেৱরিয়াদা দি.জি.পি. কনফ্রেন্স পাংথোকখি, মফম অদুদা মালেমগী খ্বাইদগী ৱংবা মীতম ‘স্তেচু ওফ য়ুনিতী’ লৈ, লৈবাক অমসুং লৈবাক অসিদা লৈরিব মীওইশিংবু মতৌ করম্না ঙাকশেনগনি হায়বগী মরমদা তান্নখি। চৈরক অদুদা ঐহাক্না নেস্নেল ইন্তিগ্রেসনগীদমক্তা সরদার পতেল এৱার্দ হৌদোকপগী ৱাফম লাওথোকখি। মনা অসি নেস্নেল ইন্তিগ্রেসনগীদমক্তা অচৌবা থৌদাং লৌবা মীওইদা পীগনি। সরদার পতেলনা মহাক্কী পুন্সি অদু অপুনবা লৈবাক অমা শেম্ননবগীদমক কৎথোকখি। অপুনবা ভারত অমগীদমক মহাক্না হনবা লৈতনা হোৎনখি। সরদারজীগী ৱাখল্লোন অদুবু ইকাই খুম্নবা ওইনা, মনা অসি মঙোন্দা কৎচবা শদ্ধাঞ্জলি অমনি।

ঐগী নুংশিরবা ইরৈবাকচাশিং, জুনৱারী ১৩ অসি গুরু গোবিন্দ সিংহজীগী শেংলবা মপোক কুমওন নুমিৎনি। মহাক পতনাদা পোকখি। পুন্সিগী অয়াম্বা শরুক মহাক অৱাং ভারত্তা লৈখি, অদুগা মহারাস্ত্রগী নান্দেরদা মহাক্কী পুন্সি লোমখি। পোকপনা পতনাদা পুন্সি শিন্থা পাংখিবনা অৱাং ভারত্তা অদুগা পুন্সি লোইখিবনা নান্দেরদা। অমরোমদা মহাক্না বারত অপুনবদা থৌজানবীরম্মি। মপাবুং গুরু তেক বহাদুরনা পুন্সি লোমখিবগা মহাক্না চহি মাপল শুরকপদা য়াম্না অঙাং ওইনা গুরুগী ফমথোন ফংখি। গুরু গোবিন্দ সিংহজীনা অচুম্বগীদমক লান্থেংনবগী থৌনা সিখ গুরুশিংদগী ফংজখি। মহাক ইং তপ্পা অমদি অচম্বা পুন্সি মহিংদা হিংখি। অদুবু তোল্ল–তারবশিংবু তুহৎপীরকপদা মহাক্না মখোয়গীদমক লেপখি। মহাক্না হায়বীরম্মি – অশোনবগা লান্থেংনরগা মায়োক্নরগা থৌনা উৎকদবা নত্তে। মহাক্না থাজবদি, খ্বাইদগী অচৌবা সেবাদি মীওইবগী অৱাবা কোকহনবনি। মহাক্তি অকনবা, অথৌবা, কৎথোকপা ময়াম অসিনা পুল্লবা মীশক্নি। ঐনা অমুক্কা হন্না গুরু গোবিন্দ সিংহজীগী মফমদা ইকোক নোঞ্জরি।

ঐগী নুংশিরবা ইরৈবাক মচাশিং, ২০১৮গী অরোইবা থৌরম্নি। ২০১৯দা অমুক হন্না উন্নরসি। অমুক হন্না পুক্নীংগী ৱা হায়নরসি। মীওইবগী পুন্সিবু ওইরো, লৈবাক্কী পুন্সিবু ওইরো, খুন্নাইগী পুন্সিবু ওইরো, ইথিল অসি চাউখৎপগী য়ুম্ফম্নি। লাক্লো, অনৌবা থৌনা অমদি ৱাখল্লোনগা লোইননা মাংলোমদা চংশিন্দুনা ইশাবু অমদি লৈবাক অসিবু অহোংবা পুরক্লসি। হন্না হন্না থাগৎচরি।

ঐগী নুংশিজরবা ইরৈবাকচাশিং, খুরুমজরি। ঙসি লৈবাক অপুনবনা রক্ষা বন্ধনগী কুম্মৈ পাংথোক্লি। ইরৈবাকচা পুম্নমক্তা য়াইফরবা থৌরম অসিগীদমক য়াইফ-পাউজেল পীজরি। রক্ষা বন্ধনগী কুম্মৈ অসি মচিন-মৌপ্বা ওইবশিংগী মরক্তা নুংশিনবা অমসুং থাজনবগী খুদম ওইনা লৌনৈ। কুম্মৈ অসি থাইনদগী হৌনা খুন্নাইগী নুংশি চান্নবগী খুদম ওইদুনা লাক্লি। লৈবাক অসিগী পুৱারীদা লংলা অসিনা মরম ওইদুনা তোঙান তোঙানবা রাজ্যশিং অমদি ধর্মগা মরি লৈনবশিংবু থাজনবগী লংলানা পুন্দুনা থমখিবগী ৱারী কয়া লৈরি। হৌজিক নুমিৎ খরনিগী মতুংদা কৃষ্ণ জন্মাস্তমীগী কুম্মৈ লাক্লগনি। মাইকৈ পুম্নমক্তা হাথী, ঘোরা, পালকী – জয় কনহৈয়া লালকী, গোবিন্দ-গোবিন্দগী খোঞ্জেলনা পুম্নিল নিল্লরগনি। ভগবান কৃষ্ণদা লুপচবা অসিসু মনুংঙাই মখল অমনি। লৈবাক্কী মফম খুদিংদা থোইদোক্না মহারাস্ত্রদা দহী-হাঁদীগী কুম্মৈগীদমক ঐখোয়গী নহাশিংনা শেম শারম্লগনি। ইরৈবাকচা পুম্নমক্তা রক্ষা বন্ধন অমসুং জন্মাস্তমীগীদমক থমোইশেংনা য়াইফ-পাউজেল পীজরি।

“প্রধান মন্ত্রী মহোদয়, খুরুমজরি। ঐগী ইমিং চিন্ময়ী কৌই, বেঙ্গলুরু শহরগী বিজয়ভারতী স্কুলদা ক্লাস তেন্দা তমজরি। মহোদয় ঙসি অসি সংস্কৃত লোনগী নুমিৎনি। সংস্কৃত লোন অসি অরাইবা লোন্নি হায়না মীপুম খুদংমক্না খঙনরি। সংস্কৃত লোনগী মগুন অসি মীয়াম পুন্না খঙমিন্ননবগীদমক্তা হায়বীয়ু।”

ইবেম্মা চিন্মৈয়ী, সংস্কৃতকী মরমদা ৱাহৈ কয়া ইরক্লি। য়াম্না ফজৈ। নহাক্কী ৱাহৈশিং অসিবু ঐনা থাগৎপা ফোংদোকচরি। সংস্কৃতকী চয়োলনা লাকপদা ইরৈবাকচাশিংগী মফমদা থমোই শেংনা য়াইফ-পাউজেল পীজরি।

য়াম্না ফজখ্রবা হিরম অমা ফোংদোকপীরকপগীদমক ইচানুপী চিন্মৈয়ীগী অচৌবা লমন অমা তোন্সিঞ্জরে। মরূপশিং, থৱালগী থানিল অসিদা রক্ষা বন্ধন্দা নত্তনা সংস্কৃতকী নুমিৎসু পাংথোকই। ঐহাক্না অসুক চাউখ্রবা লনগৈ অসিবু শংবীদুনা, শেন্নবীদুনা মীচম-মীয়ামগী মফমদা খঙহনবীরিবশিংগী মফমদা ইকোক নোঞ্জরি। লোন খুদিংমক্কী মশাগী তোঙান তোঙানবা শক্তম লৈজৈ। তমিল লোন অসি মালেমগী খ্বাইদগী লিরবা লোন অমনি। মসিগীদমক্তা ভারতনা চাউথোকচবা পোকচৈ। লোইননা বেদগী মতমদগীনা হৌজিক ফাওবদা সংস্কৃত লোন্না লৌশিং হেনগৎহনবদা অচৌবা থৌদাং লৌবীরিবা অসিগীদমক্তা ভারত মচা ঐখোয় পুম্নমক্না চাউথোকচরি।

পুন্সিগী থেংখাং খুদিংদা মরি লৈনবা লৌশিংগী পুক্কৈ অসি সংস্কৃত লোন অমদি মসিগী সাহিত্যদা য়াওই। বিজ্ঞানগীবু ওইরবসু তেক্নোলোজীগীবু ওইরবসু, লৌউ-শিংউ নত্রগা হকশেলগী লমদা ওইরবসু, এস্ত্রোনোমী নত্রগা আর্কিতেকচর, অঙ্ক নত্রগা মেনেজমেন্তপু ওইরবসু, শেনমিৎলোন নত্রগা অকোইবগী ফিভমগী মরমদা ওইরবসু, লোন অসি মরি লৈনরি। মালেমগী শাবগী চাং হেনগৎলক্লিবা অসিবু ঙাকথোক্ননবা ঐখোয়গী বেদশিংদা মচা খাইনা পল্লি। কর্নাতক রাজ্যগী শিবমোগা জিলাগী মত্তুর খুঙ্গংদা খুন্দারিবশিংনা হৌজিকসু ৱারী-ৱাতাই তৌনবদা সংস্কৃত লোন অসি শিজিন্নরি।

অদোম্না ৱাফম অমা খঙবীবদা য়াম্না অঙকপা পোকপীগনি মদুদি সংস্কৃত লোন অসি ৱাহৈ কয়া শেম্বা ঙম্মি। লোন অসিগী ৱাহৈ মপুং লিশিং অনি, তুংদা নপ্পা হায়বদি সফিক্স ২০০, মাংদা নপ্পা হায়বদি প্রিফিক্স ২২ লৈ অমসুং খু্ন্নাই অমগী ৱাহৈ মশিং থিঙমদনা শেম্বা ঙম্মি অমসুং মরম অসিনা কুপ্পদগী কুপ্লবা ৱাখল্লোন নত্রগা হিরম অমবু য়াম্না কুপ্না শন্দোক্না তাকপা ঙম্মি। মসিনি সংস্কৃত লোনগী থোইদোকপা মশক। ঙসি ঐখোয়না করিগুম্বা ৱাফম অমবু থৱাই হাপ্ননবগীদমক্তা ইংলিশকী কোতেসন শিজিন্নৈ। মরক মরক্তা শৈরেংনচিংবশিংসু থেৎনৈ। অদুবু সংস্কৃতকী ফজরবা ৱাহৈশিং অসিবু খঙবা মীওইশিংনদি ৱাহৈ খজিক্তংদা ফজবা ৱাখল্লোন খঙহনবা ঙম্বা সংস্কৃত ৱাহৈ ওইনা শিজিন্নৈ। অমরোমদা ঐখোয়গী চৎন-লোনচৎকা য়াম্না নক্নবা মরম্না ৱাহৈশিং অদু চুশিন্নহনবদা য়াম্না লাইনা থোকই।

পুন্সিদা তাকপী-তম্বীরিবা ওজাগী মগুন ফোংদোকপদা অসুম্না হায় –

একম্পি অক্ষরমস্তু, গুরুঃ শিশ্যং প্রবোধয়েৎ।

পৃথিব্যাং নাসিত তদ্র-দ্রব্যং, য়দ-দত্তা হৃয়নৃনী ভবেৎ।

হায়বদি করিগুম্বা ওজা অমনা মাগী মহৈরোই অদুদা ময়েক অমখক্তং তম্বীবা ওইরগসু মদুগী লমন শিংননবা মালেম অসিদা করিগুম্বা পোৎ নত্রগা লন অমত্তা লৈতে। লাক্কদৌরিবা ওজাগী নুমিৎ অসি ঐখোয়না অসিগুম্বা ৱাখল্লোন অমগা লোইননা পাংথোকসি। মহৈ অমসুং তাকপী-তম্বীবা ওজা হায়বা অসি মপান নাইদে, মমল নাইদে, অতাংবনি। অঙাং অমগী ৱাখল্লোনবু অচুম্বা মাইকৈদা লমজিংবগী থৌদাং অসি মমাগী মথংদা তাকপী-তম্বীরিবা ওজানি। মসিগী মমি অসি পুন্সি চুপ্পা তাদুনা লৈগনি। ওজাগী নুমিৎনা লাকপদা অথোইবা মীশক অমদি লৈবাক অসিগী হান্নগী রাস্ত্রপতি ভারত রত্ন দা. সর্বপল্লী রাধাকৃষ্ণনজীবু ঐখোয়না মতম পুম্বদা নীংশিংই। মাগী মপোক নুমিৎপু লৈবাক অপুনবনা ওজাগী নুমিৎ হায়না পাংথোক্লি। ঐহাক্না লমদম অসিগী ওজা পুম্নমকপু লাক্লিবা ওজাগী নুমিৎ অসিগীদমক য়াইফ-পাউজেল পীজরি অমসুং বিজ্ঞান, মহৈ-মশিং অমসুং মহৈরোইশিংগী মফমদা থম্লিবা অদোমগী কৎথোকপগী ৱাখল্লোন অদুবু থাগৎচরি।

ঐগী নুংশিরবা ইরৈবাকচাশিং, শুব-নোম্বা কনবা ঐখোয়গী লৌমীশিংগীদমক্তা কুমগী নোংনা অনৌবা আশা কয়া পুদুনা লাক্লি। য়াক্লবা কালেনগী মৈশাদা খুইথরুরবা উপাল ৱাপালশিং অমসুং কংলুরবা পুখ্রি খোংবালশিংবু অনৌবা মপোক অমা পোকহল্লি। অদুবু মসিনা করি করিগুম্বদা নোং হেন্না চুহল্লবদি অমাং-অতা থোকহল্লি অমসুং ঈশিং ইচাউসু থোকহল্লি। মহৌশা লাইরেম্বীনা মফম অমদগী মফম অমদনা হেন্না নোং কা হেন্না চুহল্লি। কেরলদা ইচাউনা মীয়ামগী পুন্সিদা অচৌবা অহোংবা অমা পুরকখিবা অদু ঐখোয়না উরে। ঙসি অসিগুম্বা ফিভম অসিদা লৈবাক অপুনবনা কেরলগীদমক্তা লেপ্লি। ইমুং-মনুংগী মীওইশিং কাইনখ্রবা মীওইশিংগী অৱাবদা শরুক য়াজরি। পুন্সি চুপ্পা তাল্লকখিবশিং মাং-তাকখিবশিং অদু পুন্না শিংবদি ঙম্বা নত্তে অদুবু অৱাবা তারবা মীওইশিং অদুদা হায়জনীংবদি ভারত মচা ক্রোর ১২৫না অৱাবগী পুংফম অসিদা নখোয়গীদমক্তা লেপ্লি। মহৌশাগী অৱাবা থৌদোক অসিদা শোক্ল-পল্লবা মীওইশিংসু থুনা ফগৎলক্নবগীদমক্তা ঐহাক্না ঈশ্বরগী মফমদা থৌনীজরি। রাজ্যসিগী মীয়ামগী থাজবা অমদি মপাল নাইদ্রবা থৌনাগী মতেংনা য়াম্না থুনা কেরলনা অমুক হৌগৎলক্কনি হায়বসি ঐগী থাজবনি।

খংহৌদনা হৌরকপা খুদোংথিবশিং অসিনা ওইহল্লম্বা অমাং-অতাশিং অদু লাইবক থিবনি। অদুবু অসিগুম্বা খুদোংথিবশিং অসিগী মতমদা মীওইবা অমগী পুকচেল অদু উবা ফংই। কচ্ছদগী কামরুপ অমদি কশ্মীরদগী কন্যকুমারী ফাওবা মীয়াম্না মাগী মাগী অঙম্বা মতেং পাংনরি। কেরলবু ওইরো, নত্রগা হিন্দুস্তানগী জিলা, মফম অমা ওইরবসু খুদোংথিবা থোক্লিবা মফম অদুগী মীয়াম অদু হান্নগী পুন্সিদা হঞ্জিল্লক্ননবা হৌৎনৈ। অঙাং অহল খাইদনা পুম্নমক্না মানা মানা ঙম্বা মতেং পাংনরি। মীপুম খুদিংমক্না কেরলগী মীওইশিংগী অৱাবা অদু খরদংতা ওইরবসু হন্থহনবা ঙম্ননবা মখোয়গী অৱাবদা শরুক য়াননবা হোৎনরি। আর্মদ ফোর্সকী লান্মীশিংনা কেরলদা চৎথরিবা মী কনবগী থবক অসিগী মপুং ওইবা থৌদাং য়ারি। মখোয়না ঈশিং-ইচাউ মায়োক্নরিবা মীওইশিংবু হোন্দোক্নবা, কন্নবা হোৎনবদা অৱা-অনা থিদ্রি। এয়র ফোর্স, নেভী, আর্মী, বি.এস.এফ., সি.আই.এস.এফ., আর.এ.এফ. পুম্নমক্না মতেং পাংবা অমদি মী কনবগী খোংজংদা অচৌবা থৌদাং য়াখি। ঐহাক্না এন.দি.আর.এফ.কী থৌনা ফবা হোৎনবা কনবা অদুবুসু মতাং অসিদা পঞ্জনীংই। অৱাবগী পুংফম অসিদা মখোয়না থোইদোক-হেন্দোকপা মথৌ পাংথোকখি। এন.দি.আর.এফ.কী কৎথোকপা অমদি চপ য়ুংনা লেপতুনা তৌগদবা থবক পাংথোক্নবা হোৎনবা অদু ভারত মচা খুদিংমক্কী থমোইদা নৌহৌননা থাজবা অমা পোকহল্লে। ঙরাং অসি ওনমগী কুম্মৈনি। কুম্মৈ অসিনা লাকপদা লৈবাক অসিবু থোইদোক হেন্দোক্না কেরলবু মহৌশাগী তমথিরবা থৌওং অদুনা থোকহনখিবা অৱা-অনা অদুদগী থুনা কোকহনবা ঙম্ননবগীদমক্তা থৌনা হাপ্পীনবা ঈশ্বরদা থৌনীজসি। ঐহাক্না অমুক্কা হন্না লৈবাক মীয়ামগী মহুৎশিন্দুনা কেরল অমদি লৈবাক্কী অৱা-অনা তারবা মফমশিংগী মীওইশিংদা মখোয়গীদমক্তা ঐখোয় লৈরি হায়বগী থাজবা অসি পীজরি।

ঐগী নুংশিজরবা ইরৈবাকচাশিং, ঐহাক্না হন্দক্কী ‘মন কী বাত’কীদমক্তা ফোংদোকপীরকপা ৱাফমশিং অদু উরুবদা লৈবাক অসিগী মীয়াম্না ৱাফম অমা খক্তদা য়াম্না ইবীরকখি। হিরম্না – ‘ঐখোয় পুম্নমক্কী নুংশিজরবা শ্রীমান অতল বিহারী ভাজপেয়ী’নি। গাজিয়াবাদতগী কীর্তি, সোনীপত্তগী স্বাতি বৎস, কেরলদগী ভাই প্রবিন, নোংচুপ বঙ্গালদগী দোক্তর স্বপ্ন বেনর্জী, বিহারগী কতিহারদগী অখিলেশ পান্দেনচিংবা মীওই কয়ামরুম্না নরেন্দ্র মোদী মোবাইল এপ অমদি মাই গোবতা অতলজীগী পুন্সিগী মতাংদা ঙাংবীনবা হায়বীরকই। ওগস্তকী তাং ১৬তা অতলজী লৈখিদবগী পাউ তাবদা লৈবাক অসিগী অমদি মালেমগী মীওই কয়ানা অৱাবগী ইপাক্তা লুপ্নখি। চহি ১৪গী মমাংদা প্রধান মন্ত্রীগী ফম থাদোকখ্রবা লৈবাক্কী লুচীংবা, চহি তরারোম অসি হকথেংনবা লৈঙাকলোন অসিদগী লাপথোকখ্রবা, পাউশিংদা, মীয়াম তিনবা মফমশিংদা উখিদ্রবা মীওইনি। চহি ১০গী মতম অসি য়াম্না শাংখ্রবা মতম্নি। অদুবু ওগস্ত ১৬কী মতুংদগীদি লৈবাক অসিগী অমদি মালেমগী মীয়াম্না শাংলবা তহি ১০ অদু মিৎকুপ অমগা মান্নহনখ্রে। খেন্নবা অমত্তা থমখিদ্রে। অতলজীগী মফমদা লৈরিবা নুংশিবা থাজবা অমদি মহাক কাইনবগী নুংঙাইতবা ৱাখলনা লৈবাক অসিনা উংলিবা অসি মহাক্কী মতিক-মঙাল অদুননি। হৌখিবা নুমিৎ খরনি অসিদা অতলজীগী থোইদোকপা মশক-মওং কয়া পুথোক্নকরক্লি। মীয়াম্না মহাকপু অথোইবা পর্লিয়মেন্তরিয়ান, থমোই পেৎথহনবা ঙম্বা অইবা, অফবা ৱাঙাংলোই অমদি মীয়াম্না য়াবা প্রধান মন্ত্রী অমা ওইনা নীংশিংখি অমসুং নীংশিংনরি। অফবা লৈঙাক হায়বদি গুদ গবর্নেন্সপু মীয়ামগী মফমদা খঙহনবগীদমক্তা লৈবাক অসিনা মতম লৈবা খিবিক্তা অতলজীবু নীংশিংদুনা লৈহৌরগনি। অদুবু ঙসি ঐহাক্না অতলজীগী মতিক-মঙাল অদুগী অতোপ্পা অচৌবা শক্লোন অমসু খঙহঞ্জনীংই মদুদি অতলজীনা ভারত্তা লৈঙাক্লোনগী চৎন-লোনচৎ অমা পীবীরম্মি। মহাক্না লৈঙাক্লোনগী চৎন-লোনচৎতা অহোংবা অমা পুরক্নবা হোৎনখিবা অমদি মদুবু চপ চাবা উচল অমদা হাপ্নবা হোৎনখিবা অদুনা ভারত্তা য়াম্না কান্নহনখি অমসুং তুংদসু য়াম্না কান্নরকখিগনি। মসি ঐগী থাজবনি। ভারতনা মতম লৈবা খিবিক্তা ৯১ শুবা রিভাইস এক্ত ২০০৩গীদমক্তা অতলজীগী লমন তোন্সিঞ্জরবনি। অহোংবা অসিনা ভারতকী লৈঙাক্লোন্দা অচৌবা অওনবা অনি পুরকখি। অহানবদা রাজ্যশিংগী বিধানসভাগী মন্ত্রীমন্দলশিংগী শকওং অসি শিৎ মশিংগী শুপ্নতগী চাদা তরামঙা ওইহনখি।

অনিশুবদা পার্তী হোংদোক-হোংজিনগী মায়োক্তা লৈবা আইন অদু শরুক অহুম থোকপগী অমগী মহুত্তা অহুম থোকপগী অনি ওইহনখি। মসিগা লোইননা পার্তী হোংদোক-হোংজিনগীদমক মতিক চাদবগী আইনসু শেমখি।

চহি কয়া চুপ্না ভারত্তা অচৌবা মন্ত্রীমন্দলগী শক্তম লৈরম্বা অদু থবক য়েন্থোক্নবগী নত্তে রাজনীতি তৌবশিংগী পেন্ননবনি। অতলজীনা মদু শেংদোকখ্রে। খোংথাং অসিনা শেল অমসুং পোৎথোক কয়া কঞ্জবা ঙম্লে। লোইননা মথৌ তৌবা ঙম্বগী পাঙ্গলসু হাপকৎলে। অতলজী অশেংবা লৈবাক নীংবা মীশক অমনি। মহাক্কী মতমদা বজেৎ পুথোকপগী মতম ওন্থোকখি। হান্না অংগ্রেজশিংগী মতৌ তমদুনা নুমিদাং ৱাইরম পুং ৫দা পুথোক্লম্মি। মরমদি মতম অদু লন্দন্দা পর্লিয়মেন্ত হৌবা মতম্নি। ২০০১দগী অতলজীনা বজেৎ পুথোকপগী মতম অসি নুমিদাংৱাইরম পুং ৫দগী ওন্থোক্লগা অয়ুক পুং ১১দা পাংথোকখি। ভারতকী ফিরালগী কোদ অসি ‘অতোপ্পা নীং খা তম্বা অমা’ হায়না অতলজীগী মতমদা শেমখি অমসুং ২০০২দগী চৎনবা হৌখি। কোদ অসিদা নিয়ম কয়া শেমখি, মদুনা মীয়াম তিনবা মফমদা মচু অহুমগী ফিরাল পাইহনবা য়ারে। মসিগা লোইননা ভারত মচাশিংনা মখোয়গী লৈবাক্কী ফিরাল পাইহনবগী খুদোংচাবা অদুসু ফংজরে। মীয়াম্না উবীরে অতলজীনা লৈবাক অসিদা মীখলগীবু ওইরো নত্রগা মীয়ামগী লুচীংবগীবু ওইরো মখোয়গী মরি লৈনবা থবকশিংগী মওং মতৌদা শেমদোক-শেমজিন কয়া অমা তৌবীখি। মতৌ অসুম্না হৌজিকমকসু কেন্দ্র অমসুং রাজ্যগী মীখল অসি পুন্না পাংথোমিন্ননবা কন্না খন্নরি। হিরম অসিদা রুলিং অমসুং ওপোজিসন অনিমক্না মখোয় মখোয়গী ওইবা ৱাফম পোংদোক্নরি। মসি য়াম্না ফবা ৱাফম অমনি অদুগা দেমোক্রেসীগী অফবা খুদম অমসুনি। ঐনা হায়জনীংবদি দেমোক্রেসীবু মপাঙ্গল কলহন্নবা হোৎনবনা অতলজীদা কৎচবা অথোইবা শ্রদ্ধাঞ্জলি ওইগনি।

ঐগী নুংশিরবা ইরৈবাকচাশিং, মতম অসিদা লৈবাক মচা ক্রোর কয়াগী ৱাখল অসি জকার্তাদা পাংথোক্লিবা এশিয়ন গেম্সতা থম্নরি। নুমিৎ খুদিংগী মীয়াম্না খ্বাইদগী ইহান হান্না পাউ-চে, তেলিভিজন, পাউশিংদা, সোসিয়েল মীদিয়াদা মিৎয়েং থম্নরি অমসুং করম্বা ভারতকী শান্নরোইনা মেদল লৌরবগে হায়বদু য়েংনৈ। এশিয়ন গেম্স হৌজিকসু চৎথরি। ঐনা লৈবাক অসিগী মেদল লৌরক্লবা শান্নরোই পুম্নমক্তা নুংঙাইবা ফোংদোকচরি। শান্নগদবা ৱাৎলিবা শান্নরোইশিং অদুদসু ঐনা হন্না হন্না য়াইফ-মঙ্গল পীজরি। ভারতকী শান্নরোইশিংনা মরু ওইনা শুতিং অমসুং রেসলিংদা ফজনা শান্নরি অদুবু ঐখোয়গী শান্নরোইশিংনা থোইদোক্না খুৎলোইদ্রিবা ৱুশু অমসুং রোৱিংগুম্বা মশান্নশিং অদুদসু মেদল লৌরক্লি। মসি শুপ্নগী মেদল খক্তা নত্তে মসিদি ভারতকী মশান্না অমদি শান্নরোইশিংগী থৌনাগী খুদম্নি। লৈবাক্কীদমক মেদল লৌরক্লিবশিং অসিদা ঐখোয়গী ইচানুপীশিং য়াম্না য়াওরি। লোইননা মেদল ফংলক্লিবশিং অসি চহি ১৫-১৬কী লোঙ্গা ওইবা নহাশিংসু য়াওরি। হেন্না নুংঙাইরিবদি মেদল ফংলক্লিবশিং অসিদা অয়াম্বদি অপীকপা কাংলুপ অমসুং খুঙ্গংগী শান্নরোই কয়া য়াওরকপা অসিনি। মখোয়না কন্না হোৎনজদুনা মাই পাকপা অসি ফংলকখিবনি।

ওগস্ত ২৯ অসি জাতিগী শান্ন-খোৎনবগী নুমিৎনি। নুমিৎ অসিনা লাকপদা শান্ন-খোৎনববু নুংশিজবা মীওই খুদিংমক্তা য়াইফ-পাউজেল পীজবগা লোইননা হোকীগী মিত্রং হৈবা অথোইবা শান্নরোই শ্রী ধ্যানচন্দা শ্রদ্ধাঞ্জলি কৎচরি।

ইরৈবাকচা খুদিংমক্তা ঐহাক্না হায়জনীংবদি ময়াম শোইদনা শান্নবীয়ু অমসুং ইশাগী ফিৎনেসতা পুক্নীং চংবীয়ু মরমদি মশা ফবা ভারতনা চাউখৎপা ভারত শেম্বা ঙমগদৌরিবনি। ভারতনা ফিৎ ওইরবা মতমদতা তুংগী মঙাল নাইবা ভারত অমা শেম্বা ঙমগদৌরিবনি। অমুক্কা হন্না এশিয়ন গেম্সতা মেদল লৌরক্লবশিংগী মফমদা নুংঙাইবা ফোংদোকচরি লোইননা অতৈ শান্নরোইশিংসু নীংথিজনা শান্নবা ওইরসনু। পুম্নমক্কী মফমদসু জাতিগী শান্ন-খোৎনবগী নুমিৎকীদমক য়াইফ-পাউজেল পীজরি।

“খুরুমজরি প্রধান মন্ত্রীজী! ঐহাক কানপুরদগী ভাবনা ত্রিপাথীনি, ইঞ্জিনীয়রিংগী মহৈরোই অমনি। অদোম্না হৌখিবা মন কী বাত্তা কোলেজ কাগদবা মহৈরোইশিংদা ৱারী শাবীখি অমসুং মদুগী মমাংদা দোক্তর অমসুং চার্তর একাউন্তেন্তকা লোইননা ৱারী শাবীখি। ঐহাক্না অদোমদা হায়জনীংবদি লাক্কদৌরিবা সেপ্তেম্বর ১৫ অসি ইঞ্জিনীয়রশিংগী নুমিৎ হায়না পাংথোক্কদৌরি। তাঞ্জা অসিদা অদোম্না করিগুম্বা খরদং ঐগুম্বী ইঞ্জিনীয়রিং তম্লিবী মহৈরোইশিংদা ফোংদোকপীরগদি ঐখোয়গী থৌনা হাপকৎপীবগা লোইননা য়াম্না নুংঙাইজগনি অমসুং লোইননা তুংদা লৈবাক্কীদমক করিগুম্বা খরা তৌজনবা থৌনা ফংগনি, থাগৎচরি।”

 খুরুমজরি ভাবনাজী, ঐনা অদোমগী ৱাখল্লোন অদুবু ইকাই খুম্নবা উৎচরি। ঐখোয় পুম্নমক্না চেক অমসুং নুংনা য়ুম অমসুং ফুরা কয়া শাবা উরে অদুবু অদোম্না থাজবীবরা ঙসিদগী চহি লিশিং অনি চানিগী মমাংদা চাউখ্রবা নুংজাউগী চিং অমদা হক্লগা চাউখ্রবা অমসুং অঙকপনা থল্লবা লাইশঙ অমা শাখি। লাইশঙ অদুদি মহারাস্ত্রগী এলোরাদা লৈবা কৈলাশনাথ লাইশঙনি। করিগুম্বা মীওই অমনা ঙসিদগী চহি লিশিং অমগী মমাংদা মীতর ৬০দগী হেন্না শাংবা য়ুম্বী অমা শেমখি অমসুং মদুগী মতোন্দা গ্রেনাইৎকী চাউরাক্না তোন ৮০ মুক লুম্বা নুংজাও অমা খিল্লম্মি হায়না হায়রবদি মদু থাজবা ঙম্বীগদ্রা! হায়রিবা ইঞ্জিনীয়রিং অমসুং আর্কিতেকচরগী অঙকপা অপুনবা অসি তমিলনাদুগী তঞ্জাবুরগী কাবৃহদেশ্বর লাইশঙদা উবা ফংগনি। গুজরাতকী পাতন্দা ১১ শুবা চহি চাগী রানীগী পুখ্রি উরুবদা পুম্নমক্না অঙকপা পোক্নৈ। ভারত অসি ইঞ্জিনীয়রশিংগী চাংয়েং শঙ ওইদুনা লাক্লি। ভারত্তা ইঞ্জিনীয়র কয়া অমা পোকখ্রে, মখোয়না ওইথোক্লোইদবা কয়া অমা ওইথোকহনখ্রে। ঐখোয়গী লৈবাক অসিগী মমল য়াম্লবা ইঞ্জিনীয়রশিংগী মরক্তা পনবা য়াবা অমদি ভারতন রত্ন দা. এম. বিশ্বেশ্বরৈয়ানি। মহাক্না কাবেরী তুরেলদা শারম্বা কৃষ্ণরাজ সাগর দাম্না লৌমী লাখ কয়া অমসুং মীওই কয়াদা কান্নবা পীরি। লৈবাক অসিগী মফম অমদি মদুদা লৈবা মীওইশিংনা মহাকপু লাই মক্নি খন্না খুরুম্নরি। অমসুং লৈবাক অপুনবনা মহাকপু ইকাই খুম্নবা অমদি থাজবগা লোইননা নীংশিংনরি। মহাকপু নীংশিংলদুনা সেপ্তেম্বর ১৫ অসিবু ইঞ্জিনীয়রশিংগী নুমিৎ ওইনা পাংথোক্নরি। মহাক্কী খুদুং ইন্দুনা চৎপদগী ঐখোয়গী লৈবাক অসিগী ইঞ্জিনীয়রশিংনা মালেম অসিদা মখোয়গী ওইবা তোঙানবা মশক অমা তাকপা ঙম্লে। ইঞ্জিনীয়রিংগী তাইবংদা অঙকপশিংগী ৱাফম লাকপদা ২০০১দা গুজরাত্তা থোকখিবা তমথিরবা য়ুহা হাবা অদু নীংশিংলকই। মতম অদুদা ঐহাক ভোলুন্তিয়র অমা ওইনা থবক য়াওজখি। মদুগা মরি লৈননা খুঙ্গং অমদা চৎপগী খুদোংচাবা ফংজখি। মফম অদুদা চহি ১০০ হেল্লবী ইমা অমগা উনজখি। ইমা অদুনা হায়বীরকখি মদুদি য়েংউ মসি ঐগী য়ুম্নি, মসি য়ুহা অহুমলক থেংনখ্রে অদুবু নখোয়না অকাই অতোই অমত্তা য়ুম অসিদা উবা ফংলোই। মসি ঐখোয়গী ইপা ইপুশিংনা মফম অসিগী ঈশিং-নুংশিৎকী ফিভমগা চান্ননা য়ুম অসি শাবীরম্বননি। মহাক্কী ৱাফম অদু মুন্না খল্লুরবা তুংদা ঐহাক্না খঙলকখিবদি চহি চা কয়াগী মমাংদসু ইঞ্জিনীয়রশিংনা মফম মফমদুগী ঈশিং নুংশিৎকা চান্ননা য়ুম-কৈ শারম্মি মদুনা য়ুম কয়া খুদোংথিবা নংলমদে। ঙসি ঐখোয়না ইঞ্জিনীয়রশিংগী নুমিৎ পাংথোকপা মতমদা তুংগীদমক খনবা তাই। মফম কয়াদা ৱর্কশোপ পাংথোকপা তাই। ৱর্কশোপ অদুদা ঐখোয়না নৈনগদবা হিরমদি হোংলক্লিবা মতম অসিগী মতুং ইন্না অনৌ অনৌবা করি তমগনি? হৌজিক দিজাস্তর মেনেজমেন্ত অসি য়াম্না অচৌবা থবক অমা ওইরে। মহৌশাগী ওইবা খুদোংথিবা অসিনা মালেম পুম্বগী পুক্নীং চিংশিল্লি। অসিগুম্বা মতাং অসিদা স্ত্রকচরেল ইঞ্জিনীয়রিংগী করম্বা অনৌবা শক্লোন লৌহনবা য়াবগে হায়বদু মহৈরোইশিংদা তম্বীগদবনি। মতৌ করম্না কন্সত্রক্সনশিং অদুবু ইকো ফ্রেন্দলী ওইহনবা য়াগদগে? ইরমদমগী পোৎথোকশিং অসিবু মতৌ করম্না মগুন হাপকৎপগা লোইননা জেরো ৱেস্ত ওইহনবা হায়বা ৱাফমশিং অসি ইঞ্জিনীয়রশিংগী নুমিৎ পাংথোকপা মতমদা ঐখোয়না শোইদনা খন্নগদবনি।

নুংশিরবা ইরৈবাকচাশিং! হৌজিক অসি কুম্মৈগী মতম্নি অমসুং মসিগা লোইননা দীৱালীগী শেম শাবা হৌনরে। ‘মন কী বাত’তা লেপ্তনা উনখিসি, পুক্নীংগী ৱাফম কয়া ফোংদোকমিন্নখিসি অমসুং পুক্নীং চংনা লৈবাক চাউখৎমিন্নহনখিসি। ৱাল্লোন অসিগা লোইননা অদোম পুম্নমকপু হন্না হন্না য়াইফ-পাউজেল পীজরি। থাগৎচরি। অমুক উনরসি।

ঐগী নুংশিজরবা ইরৈবাকচাশিং, খুরুমজরি। হন্দক-মরক মফম কয়া মরুমদা নোং ফজনা চুবগী পাউ লাক্লি। মফম খরদা নোং কা হেন্না চুবদগী মীপাইবা পোক্নবগী পাউসু লাক্লি অমসুং মফম খরদদি হৌজিকসু মীয়াম্না নোংবু খৌরাংনা ঙাইনবসু য়াওরি। ভারতকী পাক-চাউরবা, মখল-মখা অসিদা নোং অসিসু করিগুম্বদা অপাম-পামদগী শক্লোন উৎলকই, অদুবু ঐখোয়না নোংদা করম্না তাইনরুনি, মীওইবা মশামক্ননি মহৌশাগা য়েংথিননবগী লম্বী খল্লুরিবা অমসুং মসিগী মহয়নি করিগুম্বা মতমদা মহৌশানা ঐখোয়দা শাওরিবসি। মরম অদুনা ঐখোয় পুম্নমক্না মহৌশাবু কনবা, য়োকখৎপা অমসুং ঙাক-শেনবনা ঐখোয়গী ইথৌদাং ওইরসি। অসুম্না তৌরবদি মহৌশাগী খল অসি মশানা অদুম্মক ঙাকচরগনি।

হৌখিবা নুমিৎ খরনিগী মমাংদা মহৌশাগী ওইবা খুদোং থিবা থৌদোক অমনা মালেম পুম্নমক্কী মীওইশিংগী পুক্নীং তনিকহনখি। ময়াম্না তি.ভি.দা উবীরম্লগনি, থাইলেন্দা নহা ওইরিবা ফুতবোল শান্নরোই ১২ অমসুং মখোয়গী কোচ শুরুং অমদা কোইবা চৎখি। শুরুং অদুগী মনুংদা চংখিবা অমসুং থোরকপদা পুং খরতমক চংই। অদুবু নুমিৎ অদুদা মখোয়না মনুংদা হেক চংখিবগা নোং কন্না চুবদগী শুরুংগী থোঙ্গান্দা ঈশিং য়াম্না তুংশিনখিবনা মরম ওইদুনা মখোয়গী থোরকফম লৈখিদে। লম্বী লৈতবদগী মখোয় শুরুং মনুংদুদা নুমিৎ ১৮নি লৈপুং মচা অমদা লৈখি। মতম অদুদা মখোয়না খল্লমগদবা ৱাখল অদু অমুক্তা খনবীয়ু। নাকল অমরোমদনা মালেম অসিগী মীপুম খুদিংমক্না মখোয়গী শোইদ-ঙামদনবগীদমক তাইবং মপুদা থৌনীজখি। মখোয়বু শোইদ-ঙামদনা কনবা ঙম্লে তাবদা মীয়াম্না নুংঙাইবা পোক্নখি। ঐগী পুক্নীংদা থৌদোক অসিবু অতোপ্পা মীৎয়ং অমদা য়েংনীংবা ফাওরকই। হায়বদি মনুংদা লৈখিবশিং অদু কন্ননবা হোৎনখিবা অদু মতৌ করম্না ওইথোকখিবগে হায়বসিনি। মীপুম খুদিংমক্না মাগী মাগী থৌদাং অদু য়াম্না থৌনা লৈনা পাংথোকখি হায়না খঙবা ঙমজরে। ময়াম পুন্না তীম অমত্তা ওইনা খোংজং অসিদা চংশিনমিন্নখি। ময়াম পুম্নমক্কী অরেপ্পা পুকচেল অমসুং খাংবা ঙম্বগী থৌনা অদু তমজনীংঙাইনি। ওপরেসন অদুদা থাইলেন্দগী ঈশিং লান্মীগী মীওই অমা থৱাই থাখি। অদুক থিনা লুরবা ফিভম অদুদা ঈশিংনা থল্লবা মম্লবা শুরুং অদুদা চংখিবা মহাক্কী থৌনা অদুবু মালেম পুম্নমক্না ঙক্নখি। মসিনা তাক্লিবদি অঙকপা থৌদোক অমা থোকপা মতমদা ঐখোয়না পুকচেল চেৎনা চপ য়ুংনা হোৎনরবদি ঙমদবা হায়বা লৈতে।

হৌখিবা নুমিৎ খরনিগী মমাংদা ঐখোয়গী লৈবাক অসিগী নুংশিজরবা কবি নীরজ ঐখোয় পুম্নমকপু থাদোক্লম্লগা চৎখ্রে। মহাক্কী থোইদোকপা মগুন্দি আশা, থাজবা, পুকচেল চেৎপা অমসুং মশানা ইশাবু থাজজবনি। নীরজজীগী ৱাফমশিং অসিনা ঐখোয় ভারত মচা পুম্নমক্তা থৌনা পীবা ঙমগনি। মহাক্না অসুম্না ইরম্মি –

অমম্বদি মমদুনা অদম্মক লৈগনি,

নোংলৈ নুংশিৎ কয়া লাক্লবসু,

নোংথাং কয়া তারক্লবসু,

থাওমৈ অদু থাল্লবসু,

অমম্বদি মমদুনা অদুম্মক লৈগনি।

নীরজজীবু ঐহাক্না ইকাই খুম্নজবগা লোইননা শ্রদ্ধাঞ্জলি কৎচরি।

‘খুরুমজরি প্রধান মন্ত্রীজী ঐগী মিং সত্যম কৌই। ঐহাক হন্দক দিল্লী য়ুনিভর্সিতীদা অহানবা চহিদা মিং চঞ্জরে। ঐখোয়গী স্কুলগী বোর্দ পরিখা ময়াদা এগজাম স্ত্রেস অমদি এজুকেসনগী মরমদা ৱাফম কয়া থম্বীখি। হৌজিক অমুক ঐখোয়গুম্বশিংগীদমক করি পাউ লৈবীরিগে?

তশেংবগীদি জুলাই অমসুং ওগস্ত থা অসি লৌমী অমসুং নহারোলশিংগী য়াম্না মরু ওইবা মতম্নি। তাঙ্কক অসি কোলেজশিংগী পীক সিজন্নি। সত্যমগুম্বা নহা লাখ কয়া অমা স্কুলদগী কোলেজদা চংলমগনি। ফেব্রুৱারী অমদি মার্চ থা অসি এগজাম, পেপর্স, অন্সরদা হৌখ্রে অদুগা এপ্রিল অমসুং মেদনা শুতিগী নুংঙাইরবা মরক্তা রিজল্তশিং, পুন্সিগী তুংগী লম্বী খনবদা, কেরিয়র খনবদা হৌখ্রে। জুলাই থা অসি নহাশিং অসিনা পুন্সিগী অনৌবা খোংফম অমদা খোং থাংজিনবা মতম্নি। হৌজিক ফোকস ক্বেসন্দগী হন্দোক্লগা কৎ-ওফ লোমদা চংশিল্লক্লি। মহৈরোইশিংগী পুক্নীং অসি য়ুমলোমদগী হোস্তেল্লোমদা চংশিল্লকই। মহৈরোইশিং অসি মমা-মপাগী মরুমদগী থোরক্লগা ওজাগী মরুমদা চংলকই। ঐহাক্না থাজৈ, ঐহাক্কী নহা ওইরিবা মরূপশিং কোলেজগী পুন্সি হৌগৎলকপা অসি য়াম্না মথুম-মরাং হৌবগা লোইননা নুংঙাইরমগনি। অহানবা ওইনা য়ুমদগী, খু্ঙ্গংদগী, ঙাক-শেন্দুনা লৈবা ফিভমদগী মপান থোরক্লগা ইশানা ইশাবু শাথৌবা ওইগদৌরিবনি। য়ামখ্রবা নহা কয়া অহানবা ওইনা য়ুম থাদোক্লগা মশাগী পুন্সিবু অনৌবা মাইকৈ অমা পীবা থোরক্কদৌরিবনি। মহৈরোই কয়া অমনা মাগী মাগী কোলেজদা চংলম্লগনি, খরা অমনা চংগদৌরম্লগনি। ঐহাক্না নখোয়দা হায়গদবা হায়ববু পুক্নীং লৈতানা লৈয়ু পুন্সিগী নুংঙাইবা লৌ। লাইরিক নত্তনা অতৈ উপাই লৈতে, স্তদীদি তৌদবা য়াদে। অদুবু অনৌ অনৌবা হিরমশিং থিজিন্নবা হোৎনগদবনি। অঙাং ওইরিঙৈগী মরূপশিং অসি মমল য়ামখ্রে। অদুবু অনৌবা মরূপ খনবা অমসুং লোইনবা মতমদা য়াম্না চেকশিনগদবনি। অনৌবা খরা তমসি, খুদম ওইনা অনৌবা স্কিল, অনৌ অনৌবা লোন অসিনচিংবা। য়ুম থাদোক্লগা মপান্দা লাইরিক তম্বা চৎলিবা নহাশিং অসিনা অনৌবা মফম অদু দিস্কোভর তৌসি। মফম অদুগী মরমদা খঙনবা হোৎনসি। মফম অদুগী মী, লোন, চৎনবী-নাৎ অদুবু খঙননবা হোৎনসি। মফম অদুগী য়েংবা য়াবা মফমশিং লৈরমগনি, মদুদা চৎলু, মফম অদুগী মরমদা খঙননবা হোৎনৌ। পুন্সিগী অনৌবা তাঙ্কক অমা হৌগদৌরিবা নহাশিংবু য়াইফ-পাউজেল পীজরি। কোলেজ হৌবগী ৱাফম মরক অসিদা ঐহাক্না পাউদা উবা ৱাফম অমা নীংশিংলকই মদুদি মধ্য প্রদেশকী য়াম্না লাইরবা মহৈরোই আশারাম চৌধরীনা পুন্সিগী অৱাবা খুদোংচাদবা কয়া মায়োক্নরগা মাই পাকপা ঙমখি। মহাক্না জোধপুরগী এইম্সকী এম.বি.বি.এস.কী পরিখাদা অহানবা থাবদা মাই পাকপা ঙমখি। মাগী মপা অদু অমোৎ-অকাই শেংলগা ইমুং পুবা মীশক্নি। মহাক্কী মাই পাকপা অসিদা য়াইফ-পাউজেল পীজরি। অসিগুম্বা লাইরবা ইমুং কয়াগী মহৈরোই কয়া মনা অৱাবা কয়া মায়োক্নরক্লগা মাই পাকপা ঙমখিবশিং অসিনা ঐখোয়দা থৌনা হাপ্লি। তি.দি.সি.গী বস থৌবগী মচা প্রিন্স কুমারবু ওইরো নত্রগা কোলকতাগী ফুতপাথকী স্ত্রিৎ লাইৎকী মখাদা লাইরিক পাখিবা অভয় গুপ্তবু ওইরো, অহমদবাদকী ওতো থৌবা অমগী মচানুপী আফরীন শেখ, নাগপুরগী বস থৌবা অমগী মচানুপী খুশী, নত্রগা হরিয়ানাগী চৌকীদার অমগী মচা কার্তিক, ঝারখন্দা চেক্কোন অমদা থবক শুবা অমগী মচা রমেশ সাহু, রমেশ মশামকসু মেলাদা শান্নপোৎ য়োল্লি। গুরগাউংগী মীমান্নদ্রবী ইচানুপী অনুশকা পান্দা অসি পোকপদগী স্পাইনেল মস্কুলর এত্রোফী হায়বা লাইনা অমা লোইনরকই। অদুবু মখোয় খুদিংমক অসিনা অচেৎপা ৱাশক অমসুং থৌনাগা লোইননা অপনবা পুম্নমক নমখাইরগা মাই পাকপা ঙমখি। ঐখোয়না ঐখোয়গী অকোইবদা মুন্না য়েংলবদি অসিগুম্বা খুদম কয়ামরুম হেন্না উবা ফংগনি।

লৈবাক্কী মফম অমগী অসিগুম্বা অফবা থৌদোকশিং ঐগী পুক্নীংদা থৌনা হাপ্পা ৱারীশিং অসি লীবা মতমদা নীরজগী ৱাফম অসি নীংশিংলকই, মসিনা ঐখোয়গী পুন্সিগী পান্দমসু ওইরিবনি। নীরজনা হায়বীরম্মি –

অতিয়াগী ঈশৈ অসি তাহনগনি মালেমদা ঐনা,

অমম্বা পুম্নমকপু অঙানবদা কৌগনি ঐনা,

লৈগী লৈনম্না থাংশাংবু কক্কনি,

অদুগা শক-শক্তুনা চীংজাউশিংবু হৌদোক্কনি ঐনা।

নুংশিজরবা ইরৈবাক মচাশিং নুমিৎ খরনিগী মমাংদা পাউ অমনা ঐগী পুক্নীং চিংশিনখি, ইরকখি – নহা অনিনা মোদীগী মঙলান মঙফাওনহল্লে। পাউ অদু মনুং পারুবদা খঙবা ঙমখি মদুদি মতৌ করম্না ঐখোয়গী নহাশিংনা তেক্নোলোজীবু হৈশিংনা অমদি ক্রিয়েতিব ওইবা মওংদা শিজিন্নদুনা মীচম মীয়ামগী পুক্নীংদা অহোংবা কয়া পুরক্নবা হোৎনরি হাবসিনি। অমেরিকাগী শহর সান জোস, মদু তেক্নোলোজীগী হব ওইনা খঙনৈ। মফম অদুদা অমুকখক ভারতকী নহাশিংগা উনজনবগী তাঞ্জা ফংজখি। ঐহাক্না মখোয়দা মতম খজিক্তং খাইদোক্লগা মখোয়গী হৈ-শিংবা অদু শিজিন্নদুনা ভারতকীদমক করিগুম্বা খরা তৌনবা হায়খি। ঐহাক্না ব্রেন-দ্রেনবু ব্রেন-গেন্দা ওন্থোক্নবা হায়খি। রায়বরেলীগী আই.তি. প্রোফেস্নেল অনি, য়োগেশ শাহু অমসুং রজনীশ বাজপেয়ীনা মখোয়গী প্রোফেস্নেল স্কিলশিং অদু শিজিন্নরগা স্মার্তগাউং এপ কৌবা এপ অমা শেমখি। এপ অসিনা খুঙ্গংগী মীওইশিংবু মালেম পুম্বগা শম্নহনবতা নত্তনা মখোয়না খঙনীংবা হিরম খুদিংমক মখোয় মশাগী মোবাইল ফোন্দা ফংবা ঙমহল্লে। রায়বরেলীগী খুঙ্গং তৌধকপুরগী মীয়াম, খুঙ্গংগী প্রধান, দিস্ত্রিক মেজিস্ত্রেৎ, সি.দি.ও., পুম্নমক্না মীয়ামদা এপ অসি শিজিন্ননবগীদমক্তা এপ অসিগী কান্নবা খঙহন্নবা হোৎনখি। এপ অসিনা অমরোমদা খুঙ্গংদা দিজিতেলগী ইহৌ লাকহন্নবগী থবক তৌরি। খুঙ্গংদা করিগুম্বা চাউখৎ-থৌরাং অমা পাইখৎলকপদা এপ অসিগী মতেংনা রেকোর্দ তৌবা, ত্রেক তৌবা অমসুং মোনীতর তৌবদা লাইথোকহল্লে। এপ অসিদা খুঙ্গংগী ফোন দাইরেক্তোরী, ন্যুজ সেক্সন, ইভেন্ত লিস্ত, হেল্থ সেন্তর অমসুং ইনফোমেসন সেন্তরশিং য়াওরি। এপ অসিনা লৌমীশিংদসু কান্নবা পীরি অমরোমদা মসিনা মখোয়গী কৈথেল অমগুম্না থবক তৌরি। ঐখোয়না থৌদোক অসি মুন্না খন্দুনা য়েংলবদি ৱাফম অমা খঙবা ঙম্লক্কনি। নহা অদু ভারত থাদোকখিবা চহি কয়া শুরম্লগনি। মহাক হৌজিক মফম অদুগী লৈহাওগা চান্ননা হিংলিবা ওইরমগনি। অদুবু মহাক্না মহাক্কী খুঙ্গংগী মথৌ তবশিং অদু খঙখি। মহাক্কা খুঙ্গং অদুগা থমোইগী ওইবা মরি অদু লৈনরি। মহাক্কী খুঙ্গংবু নুংশিজবা অমদি মদুগীদমক করিগুম্বা খরা তৌগে হায়বগী ৱাখল অসি ভারত মচা খুদিংমক্কী পুক্নীংদা লৈ। মতমগী মতুং ইন্না লাপ্নখিবনা মরম ওইদুনা ঙৈহাক নাথৈনরুরবসু করিগুম্বা থৌদোক নত্রগা কনাগুম্বনা নীংশিংলকপদা ৱাখল্লোন অদু ময়োল খংচোং চোংলকই। ঐখোয় ইশা অসি মতমগী খোংলৈ তুংইন্না অমদি থৌদোক কয়ানা ঐখোয়বু ৱাখল অদুদগী নাথৈখ্রবরা হায়না ইথন্তা য়েংজবা চুমগনি।

‘ইকাই খুম্নজরবা প্রধান মন্ত্রীজী খুরুমজরি, ঐ কোল্হাপুরদগী সন্তোশ কাকরেনি, মারাস্ত্রদগী তৌজরকপনি। পন্ধরপুরগী বারী হায়বসি মহারাস্ত্রগী অরীবা চৎনবীনি। মসি চহি খুদিংগী য়াম্না হরাও-তয়াম্না পাংথোকই। চাউরাক্না কাংলুপ ৭-৮না মসিদা শরুক য়াই। অসিগুম্বা অঙকপা কুম্মৈ অসিগী মরমদা লৈবাক অসিগী অতৈ মীওইশিংনা খঙননবা, অদোম্না বারীগী মতাংদা ই-পাউ পীবীয়ু।’

সন্তোসজী অদোমগী ফোন কোল অসিগীদমক হন্না হন্না থাগৎচরি।

তশেংনমক পন্ধরপুরগী খোংচৎ অসি অঙকপা খোংচৎ অমনি। মরূপশা, ইঙেল থাগী একাদশী হন্দক্না জুলাই ২৩দা তাখিবা নুমিৎ অসিদা পন্ধরপুরগী খোংচৎ অসি পাংথোকই। পন্ধরপুর হায়বসি মহারাস্ত্রগী সোলাপুর জিলাগী শেংলবা শহর অমনি। ইঙেলগী একাদশীগী চাউরাক্না নুমিৎ ১৫–২০গী মমাংদা লাইফম কোইবশিংনা মখোয়গী দোলাইগা লোইননা পন্ধরপুরগী খোংচৎকীদমক খোংনা থোরক্নৈ। বারী হায়না খঙনবা খোংচৎ অসিদা মীওই লাখ কয়ানা শরুক য়াই। লম্বোইবা জ্ঞানেশ্বর অমসুং তুকারামগী খুরুমশিং অদু দোলাইদা হাপ্লগা বিৎথল–বিৎথল হায়না শকপগা লোইননা শগোই শার–শারদুনা খোংনা পন্ধরপুরলোমদা লাক্নৈ। খোংচৎ অসি মহৈ, চৎন–লোনচৎ অমসুং নোল্লুপকগী তুংনফম্নি। লাইফম কোইবা লাকপশিংনা ভগবান বিৎথল, বিথৱা নত্রগা পান্দপরঙ্গা হায়না খঙনবা অসিগী দর্শনগীদমক মফম অদুদা য়ৌনরকই। ভগবান বিৎথল অসি লৈত–লাইরা অমদি তোল্ল–তারবশিংবু ঙাকপী–শেনবীবা মপুনি। মহারাস্ত্রা, কর্নাতক, গোৱা, আন্ধ্র প্রদেশ, তেলঙ্গনাগী মীওইশিংনা মহাকপু নীংজৈ। পন্ধরপুরগী বিথোৱা লাইশঙদা চৎপা অমসুং মফম অদুগী মগুন অমসুং ফজবা য়েংবগী থোইদোকপা নুংঙাইবা অমা লৈ। মন কী বাত তাবীরিবা মীয়ামদা ঐনা হায়জনীংবদি তাঞ্জা ফংলবদি অমুক্তং পন্ধরপুরগী খোংচৎতা শরুক য়াবীয়ু। জ্ঞানেশ্বর, নামদেব, একনাথ, রামদাস, তুকারামনচিংবা অথোইবা লম্বোইবা কয়ানা মহারাস্ত্রগী মীচমশিংদা লৌশিং কয়া তাকপীরি। অরানবা থাজনবীগী মায়োক্তা লেপ্ননবা থৌনা পীরি অমসুং ভারতকী কাচিন–কোয়া খুদিংদা অথোইবা লম্বোইবশিং অসিনা থৌনা কয়া পীবীরি। মখোয়দগী ঐখোয়না নুংশিনবা অমসুং ইচিল–ইনাও ওইবগী অথোইবা পাউতাক ফংলি। মখোয়শিং অসিননি মতম মতমগী ওইনা খুন্নাই অসিগী অথোইবা পুথোক্লগা অচুম্বা লম্বেল তাকপীরিবা। অরানবা চৎনবীশিং মুথৎলগা নুংশিনবা অমদি মান্নবা খুন্নাই অমা পুরক্নবগী লম্বী তাকপীরিবা। ঐখোয়গী ভারত ইমা অসি অথোইবীনি। অথোইবা লম্বোইবা কয়া লৈবাক অসিদা পোকখিবগুম অথোইবা মহাপুরুশ কয়া অমসুং লৈবাক অসিদা পোকখি। মখোয়না ইরৈবাক অসিগীদমক পুন্সি কৎথোকখি। লোকমান্য তিলক অসি অথোইবশিং অসিগী মনুংদা অমনি, ঐখোয়না মহাকপু জুলাই ২৩দা মহাক্কী মপোক নুমিৎ অমসুং ওগস্ত ১দা মহাক্কী লৈখিদগী কুমওন নুমিত্তা নৌহৌননা নীংশিংই।

ঐগী নুংশিরবা ইরৈবাক মচাশিং, ঐনা মমাংদসু হায়জখিবা অদুনি মদুদি লোকমান্য তিলকপু নীংশিংজবগা লোইননা অদোমদা ৱাফম অমা হায়জরি মদুদি ঐখোয়না গনেশ ইরাৎপগী কুম্মৈ য়াম্না হরাও তয়াম্না পাংথোকসি, অদুবু অকোইবগী ফিভমদদি শোকহন্দনা পাংথোকসি। গনেশজীগী মুর্তীদগী হৌরগা শেম–শাবা অমদি মকে শেমবগী পোৎলমশিংসু অকোইবগী ফিভমদা অকাইবা থোকহন্দনবগী মওংদা শেম–শাসি। লোইননা শহর অপুম্বদা অকোইবগী ফিভমদা কাইহন্দবা কুম্মৈগী অথোই–অহেন তান্নবগী মনা থমসি। লোইননা মাই গোব অমদি নরেন্দ্র মোদী এপ্তসু অকোইবগী ফিভমদা শোক্তবা গনেশ পুজাগী কুম্মৈ পাংথোক্ননবা য়ারিবমখৈ পাউজেল পীসি। ঐনা অদোমগী ৱাফম অদু মীয়ামদা অমুক য়ৌহঞ্জগে। লোকমান্য তিলক্না লৈবাক মীয়াম্বু পুক্নীং থৌগৎখি, মহাক্না লাওখি – নীংতম্বা হায়বা অসি ঐখোয়গী পোকপদগী য়াওরক্লবা হক্নি। ঐখোয়না মসি শোইদনা ফংনবা হোৎনগনি। হৌজিক্কী ফিভম অসিদা মসি হায়ফম থোকই, ‘নীংতম্বা হায়বা অসি ঐখোয়গী পোকপদগী য়াওরক্লবা হক্নি। ঐখোয়না মসি শোইদনা ফংনবা হোৎনগনি।’ ভারত মচা খুদিংমক্না অফবা লৈঙাক অমদি চাউখৎপগী অফবা খুদম ওইগদবনি। মসিনা অনৌবা ভারত অমা শেম্বা ঙমগনি। তিলক্না তাইবং খোংদারকখিবা চহি য়াঙ্খৈগী মতুংদা, নুমিৎ অসিমক্তদা হায়বদি জুলাইগী তাং ২৩দা ভারত ইমাগী মথৌনা ফবা মপারী অমা পোকখি। মহাক্না লৈবাক মীয়াম্বু নীং তম্লবা ভারতকী হাংলবা মালংদা নুংঙাইনা হিংজনবগীদমক মপুন্সি কৎথোকখি। ঐনা হায়জরিবা অসি চন্দ্রশেখর আজাদকী মরমদনি। ভারতকী করম্বা নহাবু ৱাহৈশিং অসিনা শুমহৎতবা য়াওবগে –

‘ঙক য়োনবগী ৱাখল্লোন অসি হৌজিক্ক ঐখোয়গী থমোইদা ফাউরি,

য়েক্নবগী মপাঙ্গল অসি কয়াম্না কনবগে য়েংলসি।’

পরেংশিং অসিনা অশফাক উল্লাহ খান, ভগত সিংহ, চন্দ্রশেখর আজাদনচিংবা নহা কয়াবু ইথিল পীখি। চন্দ্রশেখর আজাদকী থৌনা ফবা অমদি নীং তম্বগী অকনবা ৱাখল্লোন অদুনা নহা কয়াবু ইথিল পীখি। আজাদনা মথ্বাই খুবাক্তা হাপখি অদুবু মীরম লৈঙাক্কী মমাংদদি মঙক খক নোনখিদে। ঐনা মধ্য প্রদেশতা চন্দ্রশেখর আজাদকী খুঙ্গং অলীরাজপুরদা চৎপা ফংজখিবদুসু ঐগী লাইবক ফবনি। ইলাহবাদকী চন্দ্রশেখর আজাদ পার্ক্তা লৈ খুজোক অমত্তং কৎচনবগী খুদোংচাবা ফংজখি। মহাক মীরৈবাক মচাগী নোংমৈ মরুনা পান্দুনা শিনীংখিদে। নীং তম্বনবগীদমক লান্থেংনদুনা হিংখি অদুগা শিরবসু নীং তম্না। মসিনি মাগী থোইদোকপা মগুন হায়ববু। ভারত ইমাগী অথোইবা মপারী অনি লোকমান্য তিলক অমদি চন্দ্রশেখর আজাদকী মফমদা অমুক হন্না ইকোক নোঞ্জরি।

হন্দক্তা ফিন্দলেন্দা পাংথোকখিবা জুনিয়র অন্দর–২০গী মালেমগী ওইবা এথলেতিক্স চেম্পিয়নশিপ্তা ভারতকী থৌনা ফবী, লৌমী অমগী মচানুপী হীমা দাসনা সনাগী তকমান ফংদুনা অনৌবা পুৱারী অমা শেমখ্রে। লৈবাক অসিগী মমোমলোই এক্তা ভয়ান্না ঐগী চিথীগী পাউখুম ওইনা ইন্দোনেসিয়াদগী ইমেল থারকই মদুদা মহাক্না মফম অদুদা এশিয়ান গেম্সকী শেম–শারি হায়না পাউদম্লকই। মহাক্কী ইমেল অদুদা, কনাগুম্বা শান্নরোই অমগী খ্বাইদগী মমল য়াম্বা মীকুপ অসি মানা মচু অহুমগী ফিরাল পাইদুনা লেপ্পা অদুনি। ঐ মদু ফংলে, মদুগীদমক ঐহাক্না চাউথোকচৈ। এক্তা, নহাক্কীদমক্তা ঐখোয় পুম্বনা চাউথোকচরি। নহাক্না ভারতকী মিংচৎ পুরকলে। তুনিসিয়াদা পাংথোকখিবা মালেমগী ওইবা এথলেতিক্স গ্রান্দ প্রিক্স ২০১৮দা এক্তানা সনাগী অমসুং শেঞ্জেংগী তকমান ফংলকখি। মহাক্না মাই পাকপা অসি থোইদোকপা অমা ওইরিবগী মরমদি মহাক্কী শিংনবনা মহাক্কী মাই পাকপগী মরম ওইখিবা অদুনি। এক্তা ভয়ান হৌখিবা চহি ২০০৩দা লম্বীগী খুদোংথিবা অমদা মাগী মখা থংবা হকচাং তঙ্খাই অমা শিজিন্নবা য়াখিদবনি। অদুবু ইচানুপী অসিনা থৌনা হন্দনা, মশাবু থৌনা পীজরদুনা মাই পাকপা ফংলকখিবনি। অতোপ্পা হকচাংগী ফিভম শোইনাইরবা য়োগেস কথুনিয়ানা বর্লিন্দা পাংথোকখিবা পেরা এথলেতিক্স গ্রান্দ প্রিক্সতা দিস্কস লংবদা সনাগী তকমান ফংদুনা ৱর্ল্দ রেকোর্দ থমখি। মহাক্কা লোইননা সুন্দর সিংহ গুর্জরনসু তা লংবদা সনাগী তকমান ফংখি। ঐনা এক্তা ভয়ানজী, য়োগেশ কথুনিয়াজী অমসুং সুন্দর সিংহ গুর্জরজী নখোয় পুম্নমক্কী থৌনা অমসুং ৱাখল্লোন অদুবু থাগৎচরি। নখোয় পুম্নমক চাউখৎপা, য়াইফবা ওইরসনু, শান্নদুনা লৈবা অমদি মাই পাকপা ওইরসনু।

নুংশিজরবা ঐগী ইরৈবাক মচাশিং, ওগস্ত থা অসি পুৱারীগী থৌদোক কয়া, কুম্মৈ কয়াতনা থল্লি। অদুবু নোংজু–নুংশাগী ফিভম্না মরম ওইদুনা ইমুংদা অনা–অয়েক কয়াসু য়াওদবা নত্তে। ঐনা অদোমগী হকচাং ফনা লৈনবগীদমক, লৈবাক নীংবগী ৱাখল্লোন পোকহল্লিবা ওগস্ত থা অমদি চহি চা কয়াদগী চৎনরক্লিবা কুম্মৈ ফিয়োং কয়া অসিগীদমক হন্না হন্না য়াইফ–পাউজোল পীজরি। মথংগী মন কী বাত্তা অমুক উনরসি।

হন্না হন্না থাগৎচরি।

খুরুমজরি, ঐগী নুংশিরবা লৈবাকচাশিং, মন কী বাত থৌরমদা অদোমগা অমুক হন্না উনবা ফংবসি ঐগী লাইবক ফবনি। নুমিৎ খরনিগী মমাংদা, বেঙ্গালুরুদা পুৱারী ওইরবা ক্রিকেৎ মেচ অমা পাংথোকখি। ঐনা পল্লিবা মেচ অসি ভারত অমসুং অফগানিস্থান অনিগী মরক্তনি হায়বা অদোম্না খঙলমগনি। মসি অফগানিস্থানগী অহানবা মালেমগী থাক্ত শান্নবা মেচ অমনি অমসুং অফগানিস্থানগী মেচ অমা ভারতকা শান্নবা অসি ঐখোয়গী ইকায়খুম্নবনি। তীম অনিমক ফজনা শান্নখি। মসিগী মথক্তা রসিদ খান্না চহি অসিগী আই পি এলদা ফজনা শান্নখি।

অফগানিস্থানগী রাষ্ট্রপতি অশ্রফ গানীগী তুইতরদা ঐঙোন্দা তেগ তৌদুনা থাগৎলকখিবা ৱাহৈশিং ঐনা নীংশিংলি “ঐখোয়গী হিরো রসিদ খানগীদমক অফগানিস্থানগী মীয়াম্না তশেংনা চাউথোকচবা পোকই। ঐখোয়গী শান্নরোইশিংবু মখোয়গী হৈশিংবা উৎথোক্নবা মফম অমা পীবগীদমক ঐনা ভারতকী মরূপশিংবু থাগৎলি। “রসিদনা অফগানিস্থানগী খ্বাইদগী ফবশিংগী মহুৎ শীন্দুনা লাকখিবনি। মালেমগী ক্রিকেৎকী লমদা মহাক লন অমনি। মহাক্না হায়খি, “পীরোই, ঐখোয়না কনাগুম্বা অমত্তাদা মহাকপু পীথোক্লোই। “মেচ অসিগী ঐখোয়গী ৱাখলদা মতম শাংনা নীংশিংদুনা লৈহৌরগনি। ওইনীংবা  ওইজসনু, অহানবা মেচ ওইবনা, মসি মহৌশানা নীংশিবা তাবনি, অদুবু ঐনা মসি অখন্নবা মরম অমনি হায়রি। মালেমগী মনুংদা ভারতকী ক্রিকেৎ অসি তমজনফম ওইবা মওংদা শান্নরি। ত্রোফী ফংবা মতমদা অথোইবা তীম অদুনা করি তৌরমগনি?

ভারতকী তীম্না ত্রোফী লৌবা মতম অদুদা, মখোয়গী অহানবা মালেমগী থাক্ত মেচ শানরিবা অফগানিস্থানগী তীম পুন্না ফোতো কাপমিন্ননবা হরাওনা কৌশিনখি। মসিনা শান্ন-খোৎনবগী ফজরবা শক্তম অদু উৎথোক্লে। শান্নবা অসি খুন্নাই অমা পুনশিন্নবা ফরবা লম্বী অমনি অমসুং ঐখোয়গী নহারোলশিংগী হৈশিংবা উৎপা ঙমহল্লি। ঐনা থম্মোয় শেংনা থাজরি মদুদি, ঐখোয়না খ্বাইদগী ফবা শান্নবগী ৱাখল্লোন্দা তুংদসু মেচ কয়া শানগনি।

ঐগী নুংশিরবা ইরৈচাশিং, জুন ২১দা পাংথোকখিবা মরিশুবা মালেমগী য়োগগী নুমিৎতা অমুক্তা উখিদ্রিবা কয়া উবা ফংলে। মালেম অসি অমত্তা ওইখি। ব্রুসেলদা লৈবা য়ুরোপীয়ন পর্লিয়ামেন্ত, ন্যু য়োর্কতা য়ু এনগী হেদ ক্বাতরসতা, জাপানগী লালগী জহাজ মথক্তা মীয়াম্না য়োগ শান্নবা উখি। সাউদী অরাবিয়াদা অহানবা ওইনা য়োগ শান্নখি অমসুং নুপীশিংনা আসনশিং উৎপা উখি। উন্না কুপ্পা লাদাখকী চীং মতোন্দা ভারত অমসুং চাইনাগী লান্মীশিংনা অমত্তা ওইনা য়োগ শান্নখি। য়োগনা ঙমখৈগী অথিংবশিং লৌথোকখি অমসুং মীয়াম পুনশিলহনখি। লৈবাক কয়াগী মীওই কয়ানা জাৎ, কাংলুপ, ধর্ম্ম, শক-চু অমসুং নুপা-নুপীগী খেন্নবা থমদনা শরুক য়াদুনা থৌরম অসি অচৌবা কুম্মৈ অমা ওন্থোকখি। করিগুম্বা মালেমগী মীপুম খুদিংমক্না য়োগগী নুমিৎতা থৱায় য়াওনা শরুক য়ারবদি, করিগী ভারত মচাশিংনা শরুক য়ারোইদৌরিবনো?

ঐখোয়গী লান্মীশিংনা কংফাল, ঈশিং অমসুং অতিয়াদা য়োগ পাংথোকপা উবা অসি মীওই কোতি ১২৫ অসিগী চাউথোকচনীংঙাইনি। ঐখোয়গী থৌনা ফরবা লান্মী খরনা সবমেরিনদা য়োগ পাংথোকখি অমসুং খরনা সিয়াচিনগী উন্না কুপ্পা চিংদা পাংথোকখি। লৈমাইদগী ফুৎ লিশিং ১৫ ৱাংবা মফমদা ঐখোয়গী নোংথক্কী লান্মীশিংনা য়োগ পাংথোক্তুনা মীয়াম ঙকহনখি। অঙকপা অসি মখোয়না এয়রপ্লেন অমগী মনুংদা পাংথোকখিবা নত্তে, অতিয়াদা তাওরগা পাংথোকখিবনি। স্কুলশিং, কোলেজশিং, ওফিসশিং, পার্কশিং, স্কাইস্কেপরশিং, শান্নবুংশিং য়োগ শানফম ওন্থোকখি। অহমদবাদতা ফজরবা থৌদোক অমা থোকখি। দিব্যাং ইচিন-ইনাও, ইচল-ইচে ৭৫০না মফম অমদা পুন্দুনা য়োগ পাংথোকখি অমসুং মালেমগী রেকোর্দ অমা থমখি। মালেমগী মীয়াম অমত্তা ওইনা পুনশিন্নবা য়োগনা জাৎ, কাংলুপ অমসুং লমগী খেন্নবা থুগাইখি, মসি ঐখোয়না চহিচা কয়াগী মমাংদগী ইন্দুনা লাক্লিবা ভসুধৈব কুতুমবকমগী ৱাখল্লোন ঙাকপনি।

ঐখোয়গী মুনিশিংনা য়োগ অসি নীংথিনা প্রামান তৌরম্লবনি। ঐনা থাজৈ মদুদি, ঙসি নুংঙাইনা হিংবা হায়বসি অওনবা অমা পুরকপনি। য়োগগী খুৎথাংদা নুঙাই য়াইফবা পুরক্নবগী খোংজং কনখৎহনবা ঙমগনি হায়না ঐনা থাজৈ। য়োগ অসি মখোয়গী পুন্সিগী শরুক অমা ওইহন্নবা মীওই কয়া শরুক য়ারকখিগনি।

ঐগী নুংশিরবা ইরৈচাশিং, জুলাই ১দা পাংথোক্কদৌরিবা দোক্তরগী নুমিৎকী মরমদা পন্নবা মাই গোভ অমসুং নরেন্দ্র মোদী এপতা নখোয়না ঐঙোন্দা তকশিল্লকখি। নখোয়না হায়রিবদু চুমই। ঐখোয়না নারবা মতমদা দোক্তর নীংশিংই। অদুবু নুমিৎ অসি লৈবাক অসিনা ঐখোয়গী দোক্তরশিং মাইপাকপশিং হরাওবা ফোংদোকপা অমসুং খুন্নাইদা মখোয়না পীরিবা থবকশিংগী ইকায়খুম্নবা উৎপা নুমিৎনি। মহাক্না ঐখোয়বু পোকপীবা মরম্না ইমা অসি লাই অমগুম খনবা ঐখোয়গী মীয়ামগী চৎনবীনি। অতোপ্পা অমদা, দোক্তরনা ঐখোয়বু অমুক হন্না পোকপীবা মতম লাকই। দোক্তরগী মথৌ অসি অনাবা খক ফহনবা নত্তে। হৌজীক দোক্তরশিংনা ইমুং-মনুংগী মরূপ-মপাংগী থৌদাং অমসুং পুন্সি মহিংগী লমজিং লমতাকপগী থৌদাং লৌরি। হৌজীক দোক্তরশিংনা মেদিকেলগী লমদা খঙহৈবা খক নত্তনা, মীয়ামগী পুন্সি মহিং হোংহনবা অমসুং মদুনা ঐখোয়গী হকচাংদা পীরিবা কান্নবশিংগী মরমদা থবক পায়খৎলি। মালেমগী ওইনা ভারতকী দোক্তরশিংগী হৈশিংবগী মফম অমা কল্লি। মেদিকেলগী লমদা ঐখোয়গী দোক্তরশিংনা থবক কন্নবা শুবা অমসুং অরুবা মেদিকেলগী থবকশিং লাইনা পাংথোকপা ঙম্বগী মমিং চৎলি। মন কি বাতকী খুৎথাংদা জুলাই ১দা পাংথোক্কদৌরিবা দোক্তরগী নুমিৎ মাংওইননা লৈবাক অসিগী মীয়ামগী মহুৎ শিন্দুনা ঐনা দোক্তরশিংদা য়াইফ-পাউজেল পীজরি।

ঐগী নুংশিরবা ইরৈচাশিং, মী অমা ওইনা ভারত লৈবাক্তা পোকপা অসি ঐখোয়গী লাইবক ফবনি। ভারতকী পুৱারীগী ইনাকখুল্লবা পুক্কৈ লৈরি। থা খুদিং, নুমিৎ খুদিং পুৱারীগী থৌদোক অমা নৎত্রগা অমা হেক্তা থোকই। ভারতকী মফম খুদিংমক অসি হেরিতেজগী মফম ঙাক্তনি। মফম খুদিংমক লাইনীংবা অমা, লম্বোইবা অমা, শক্নাইরবা অমা, অফাওবা অমা পোকখি।

অদোম্না ফোন তৌরকপগীদমক অদোম্বু থাগৎচরি। তাং ২৮দা ঐ মাগহারদা চৎকনি। ঐনা থবক তৌরম্বা গুজরাতকী কবিরৱাদ অদোম্না খঙলমগনি হায়বা ঐনা খঙই। মফম অদুনা ঐনা কবিরগী মরমদা জাতিগী থাক্তা মীফম অমা শিনখ্রে। অমুক খক ঐ লাইশঙ অসিগী সমাধী স্থল য়েংবগী খুদোংচাবা ঐনা ফংখি। নোংপোক থংবা উত্তর প্রদেশতা লৈবা মাগহার হায়রিবা মফম অসি খঙলমগনি হায়না ঐনা খল্লি। মফম অসিদা কবির দাসজী য়াহিপ তানখি। কবির দাসজীনা করিগীদমক মাগহারদা চৎখিবনো হায়বা নহাক খঙবরা? মতম অদুদা মাগহারদা শিরবদি স্বর্গদা চংবা ঙমদে হায়না থাজনরম্মি। মদুগী ওন্নবদা, কনাগুম্বা অমনা কাশীদা শিরবদি স্বর্গদা শোইদনা চৎলি হায়নৈ। মাগহার অসি শেংদবা মফম অমা ওইনা লৌনরম্মি অমসুং মদু কাবিরদাসনা কৈদৌঙৈদা য়াখিদে। অসিগুম্বা অপং-থাজবশিং অসি মুৎথৎনবা মহাক্না লেপ্তনা হোৎনখি। কাবির দাসজীগী “শাখি” অমসুং “দোহা”শিংদা খুন্নাইগী মান্নবা, শান্তি অমসুং মচিন-মনাও ওইবগী ৱাফমশিং পনখি। মসি মহাক্কী ৱাখল্লোনশিংনি। মহাক্কী খুৎইশিংদা মসিগী ৱাখল্লোনশিং অসি ঐখোয়না ফংবা ঙমই। মখোয় অদু হৌজীক্কী মতম অসিদা চুনরি অমসুং ইথিল পীরি।

অতোপ্পশিংগী অৱা-অনা খঙবা অমসুং উবা ঙম্বা মীওই অদু অশেংবা লাইনীংবনি। অতোপ্পশিংগী অৱাবা খঙদবশিং অদুদি খঙশিন্নদবনি। খুন্নাইগী অপুনবা শক্তমদা কবির দাসজীনা কন্না হোৎনখি। মহাক অসিগী মহাক্কী মতম অদুদগী ঙনখৎনা ৱাখল খনবা মীওই অমনি। মতম অদুদা মালেম অসি কাংখোং চাইখি অমসুং লমচৎ-শাজৎ কাইথরকপা মতম ওইখি, মহাক্না শান্তি অমসুং হরাওবগী পাউজেল শন্দোকখি। মখোয়গী য়ানদবশিং মেনশিন্দুনা মহাক্না মীয়ামগা অমত্তা ওইনবা থবক তৌখি।

“নুংদা শান্তি লৈরবদি, মালেম অসিদা য়েক্নবা অমত্তা লৈরোই

মীগী অৱা-অনা খঙবা অসি পুন্সিগী লম্বী অমা ওইগদবনি”।

অতোপ্পা দোহা অমদা কাবিরনা ইখি:

অৱা-অনা খঙবনা অচুম্বা পুরকই

মিহৌবনা পাপ পুরকই

অশাওবনা অদোম্বু মাংহল্লি

ঙাকপীবনা অথোইবনি।

মহাক্না হায়খি,

কৈদৌঙৈদা লাইনীংবা অমদা মহাক্কী জাৎ হংগনু

মঙোন্দা হংঙু মহাক্কী লৌশিংগী মরমদা

ধর্ম্ম অমসুং কাংলুপকী খেন্নবা লৈতনবা মহাক্না মীয়ামদা খঙহনখি অমসুং লৌশিংনা মী অমা মশক খঙনবা হোৎনগদবনি হায়না মহাক্না হায়খি। মহাক শিখ্রবা চহী লিশিং কয়াগী মতুংদা ফাওবা মহাক্কী ৱাখল্লোনশিং অসি চুনরি। কাবির দাসজীগী মরমদা হায়নরকপা মতমদা, মহাক্কী দোহা অমা ঐনা নীংশিংলি।

শিংথানীংঙাই ওইবা গুরুশিংগী মরক্তা, জগৎগুরু, গুরু নানক দেব অসিসু অমনি। মীওই কয়া চহি চা কয়া ইথিল পীদুনা থৱায় মিলিয়ন কয়াদা মহাক্না অচুম্বা লম্বী তাকখি। গুরু নানককী পাউতাকশিং অদুনা মতম অদুগী খুন্নাইদা লৈরম্বা জাৎতা য়ুম্ফম ওইবা খেন্নবশিং মুৎথৎখি। মীওইবা অসি অমত্তনি অমসুং অমত্তা ওইনবা মহাক্না তকশিনখি।

গুরু ননাক দেবনা হায়খি, লাইরবা অমসুং দরকার ওইবশিংগী সেবা তৌবা অসি লাইগী সেবা তৌবনি। মহাক্না চৎলুবা মফম খুদিং, খুন্নাইগী য়াইফনবা থবক মহাক্না লৌখৎখি। সমাজগী খেন্নবা লৈতনা ধর্ম্ম খুদিংমক্কী, জাৎ খুদিংমক্কী মীওইশিংনা চাবা য়াবা ঐখোয়না লঙ্গার হায়না খঙনবা চাকশঙ অসি গুরু নানক দেবজীনা হৌদোক্লম্বনি। গুরু নানক দেবজীগী ৫৫০ শুবা প্রকাস পর্ব ২০১৯দা পাংথোক্কনি। মীপুম খুদিংমক্না থৌরম অসি হরাওনা শরুক য়াবা ঐনা পাম্মি। থৌরম অসি ভারত শিনবা থুংনা অমসুং মালেম শিনবা থুংনা পাংথোক্নবা অদোমগী পাউতাক পীরক্নবা ঐনা হায়রি অমসুং মসিনা ঐখোয়না প্রকাস পর্ব অসি প্রের্না পর্ব অমগুম ফজনা পাংথোকপা ঙমগনি।

ঐগী নুংশিরবা ইরৈচাশিং, ভারতকী নীংতম্বগী ইহৌ অসি য়াম্না শাংই, য়াম্না পাক-চাউই অমসুং মশিং থিবা ঙমদ্রবা কৎথোকপনা থল্লি। পুৱারীগী তাঙ্কক অমা পঞ্জাবগা মরি লৈনৈ। ২০১৯দা তমথিরবা জালিয়ানৱালা বাগ থৌদোক্কী চহী ১০০ শুবগী থৌরম অমা পাংথোক্কনি, থৌদোক অদু মীওইবা খুন্নাইনা ইকায়খিবা থৌদোক অমনি। শক্তি লান্না শীজীন্নদুনা খুৎলায় পায়জদবা মরাল লৈত্রবা মীচমশিং, ১৯১৯গী এপ্রিল ১৩দা নোংমৈনা কাপতুনা হাৎখিবা অমম্বা নুমিৎ অদু কনানা কাওবা ঙমগনি। তমথিরবা থৌদোক অসি চহি ১০০ শুরকপা অসি মতৌ করম্না ঐখোয়না নীংশিংগনি, অদুবু ঐখোয়না থৌদোক অদুনা পীরম্বা পাউজেল অদু নীংশিংগনি - হিংশানা অমসুং তমথিবনা ৱাথোক অমত্তা ৱারোইশিন পুরকপা ঙম্লোই। অরোইবদা, শান্তি, অহিংশা অমসুং মমা লৈবাক্কী কৎথোকপনা মাইপাকই হায়বা উৎলে।

ঐগী নুংশিরবা ইরৈচাশিং, জুলাই ৬তা দোক্তর শ্যামা প্রসাদ মুখর্জীগী মপোক নুমিৎ থোক্লে অমসুং হন্দক্কী মন কি বাত অসিদা মহাক্কী মরমদা ৱা ঙাংনবা দিল্লীগী রোহিনীদা লৈবা রমন কুমারনা নরেন্দ্র মোদী এপতা ইরকখি। রমনজী য়াম্না থাগৎচরি। ভারতকী পুৱারীদা অদোম্না পামজবা অসি অঙকপনি। অদোম্না খঙলে, জুন ২৩ অসি দোক্তর শ্যামা প্রসাদ মুখর্জী লৈখিদবা নুমিৎনি। দোক্তর শ্যামা প্রসাদ মুখর্জী অসি হিরম কয়াদা থবক তৌরমখি, মরুওইনা মহাক্না এজুকেসন, লৈঙাক্লোন অমসুং পর্লিয়ামেন্তগী থবক থৌরমশিংদা থৱাই য়াওনা থবক তৌরমখি। মহাক মশাগী চহী ৩৩ শুবা মতমদা কলকত্তা য়ুনিভর্সিতীগী খ্বাইদগী নহা ওইবা ভাইস-চান্সেল্লর ওইখি হায়বা মী খরতনা খঙই।

দোক্তর শ্যামা প্রসাদ মুখর্জীনা হায়রকপদগী ১৯৩৭তা গুরুদেব রবিন্দ্রনাথ তেগোরনা কলকত্তা য়ুনিভর্সিতীগী কনভোকেসনদা ৱা ঙাংখি হায়বা মী খরতনা খঙই। ব্রিতিশকী লৈঙাক মখাদা কলকত্তা য়ুনিভর্সিতীগী কনভোকেসনদা বেঙ্গালীনা ৱা ঙাংখিবা অসি থৌদোক অদুনা অহানবনি। ১৯৪৭তগী ১৯৫০ ফাওবা দোক্তর শ্যামা প্রসাদ মুখর্জীনা ভারতকী অহানবা উদ্যোক মন্ত্রী ওইখি। মহাক্না ভারতকী উদ্যোক চাউখৎনবা অকনবা থবক কয়া পায়খৎখি। মহাক্কী ৱাখল্লোন অমসুং মীৎয়েংগী মখাদা ১৯৪৮দা নীংতম্লবা ভারতকী অহানবা উদ্যোক্কী থৌশিল পুথোকখি। দোক্তর শ্যামা প্রসাদ মুখর্জীগী মংলানদি উদ্যোক্কী লমদা মশা মরোমদোম লেপচবা, মতিক চাবা অমসুং নুংঙাইবা ভারত অমা শেমগৎপনি।

অচৌবা উদ্যোক্কী লমদা ভারত চাউখৎহনবা মহাক্না পামখি অমসুং এম এস এম ই, হেন্দলুম, তেক্সতাইল অমসুং কোতেজ উদ্যোক্তা পুক্নিং চংখি। কোতেজ অমসুং অপীকপা উদ্যোকশিং শেন্থং পীদুনা চাউখৎহন্নবা ওল ইন্দিয়া হেন্দিক্রাফ বোর্দ, ওল ইন্দিয়া হেন্দলুম বোর্দ অমসুং খাদী এন্দ ভিলেজ ইন্দস্ত্রী বোর্দ ১৯৪৮ অমসুং ১৯৫০গী মরক্তা লিংখৎখি।

ভারতনা মশানা ঙাকশেলগী খুৎশু-খুৎলাইশিং পুথোক্নবা দোক্তর মুখর্জীনা অখন্নবা মওংদা থবক পায়খৎখি, মাইপাক্লবা প্রোজেক্ত মরি –চিত্তরনজন লোকোমোতিব ৱার্কস ফেক্তরী, হিন্দুসতান এয়রক্রাফ ফেক্তরী, সিনদ্রী ফরতিলাইজর ফেক্তরী অমসুং দামুদর ভেল্লী কোর্পোরেসন অমসুং অতোপ্পা রিভর ভেল্লী প্রোজেক্তশিং দোক্তর শ্যামা প্রসাদ মুখর্জীনা খুদোল তৌরমখি। মহাক্না নোংচুপ বেঙ্গল চাউখৎনবা কন্না হোৎনখি। মহাক্না খঙবা, কন্না হোৎনবা অমসুং থবক পায়খৎপদগী বেঙ্গলগী শরুক অমা কনবা ঙমখি অমসুং হৌজীক ভারতকী শরুক অমা ওইরি।

দোক্তর শ্যামা প্রসাদ মুখর্জীগী ওইনা ভারতকী অপুনবগী শক্তম অসি য়াম্না মরুওই, মসিগীদমক মশাগী চহি ৫২ শুবদা মহাক্কী পুন্সি কৎথোকখি। লাক্লো, ঐখোয় দোক্তর শ্যামা প্রসাদ মুখর্জীগী পাউজেল চাউখৎপা ভারত অমগীদমক ঐখোয় অমত্তা ওইরসি হায়বসি নীংশিংলসি।

ঐগী নুংশিরবা ইরৈচাশিং, হৌখিবা চয়োলদা, ঐনা ভিদিও কোলগী খুৎথাংদা সরকারগী স্কিমশিংগী কান্নবা ফংলবশিংগা ৱারী শানবগী খুদোংচাবা অমা ফংখি। ফাইল শুবগী থবক্কী ৱাংমদা লৈবা মীয়ামগী পুন্সিগা হকথেংননা মরি লৈনবা থবকশিং খঙবগী তাঞ্জা অমা ঐনা ফংখি। মীয়াম্না মখোয়গী অনীংবশিং, নুংঙাইবশিং অমসুং মখোয়গী মাইপাকপশিং পাউদমখি। মসি ইচম চম্বা সরকারগী থৌরম অমা ঐঙোন্দা ওইখিদে হায়না ঐনা থাজৈ অমসুং মসি তম্নবগী তাঞ্জা অমা ওইখি অমসুং মীয়ামগী মাইথোংদা হরাওবা উখি অসিদা পেল্লোইদবা কনা য়াওবগে? ঐনা মীচমগী ৱারীশিং তাবা মতমদা ঐগী থম্মোয় তিং লাওনা পানখি।

কমন সর্বিস সেন্তরগী খুৎথাংদা অথাপ্পা খুঙ্গংশিংগী নুপীমচাশিং, অহলশিংদা পেন্সনদগী হৌরগা পাসপোর্ত ফাওবা পীরি। ছতিসগরদগী ইচল অমনা কসতার্দ এপল খোমজীল্লি অমসুং মদু আইস ক্রিম শেম্বগী থবক তৌরি। ঝারখান্দগী অঞ্জান প্রকাসনা নহারোল লাখ কয়াগুম জন ঔশদী কেন্দ্রশিং লিংখৎতুনা মনাক নকপা খুঙ্গংশিংদা অহোংবা মমলদা হিদাক ফংহল্লি। চহি অনি অহুমগী মমাংদা থবক থীরম্বা নোংচুপ বেঙ্গলগী নহা অমা হৌজীক মাইপাক্লবা ইন্ত্রপ্রিনর অমা ওইরে; মহাক্না মীওই ১০দগী ১৫ ফাওবা থবক পীরে। তামিলনাদু, পঞ্জাব অমসুং গোৱাগী নহা ওইরিবা মহৈরোইশিংনা মখোয়গী স্কুলগী তিনকরিং লেবতা অমোৎ-অকাই মফম চানা লোইশিন্নবা হিরমদা ৱা খন্নরি। অসিগুম্বা মাইপাকগী ৱারী কয়া য়াম্না ঐঙোন্দা লিরকখ্রবগে হায়বা ঐ খঙদে, মখোয়গী মাইপাকপগী ৱারী ঐঙোন্দা লিরকখিদবা লৈবাক অসিগী মফম অমত্তা লৈত্রে। থৌরম অসিদা সরকারগী মাইপাকপগী ৱারীদগী মীচম মীয়ামগী মাইপাকপগী ৱারীশিংনা হেন্না তাবা ফংবদা ঐনা হরাওই, লৈবাক অসিগী শক্তি, অনৌবা ভারতকী মংলানগী শক্তি অমসুং অনৌবা ভারত অমা ওইরক্নবগী শক্তি অদু ঐনা খঙলে।

মখোয়গী অশাওবগী ৱাখল্লোনশিং, মখোয়গী নুংঙাইতবা ৱাখলশিং অমসুং পুন্নবা হোৎনবগী মহুৎতা তোখাই তানবা লম্বী উদ্রবদি পোৎথাবা ঙমদ্রবা মীওই কাংবু অমা খুন্নাই অসিদা লৈরি। অসিগুম্বা ফিবম অসিদা মীচম মীয়াম্না মখোয়গী থাজবশিং, মখোয়গী পুন্সিদা থোকখিবা থৌদোকশিং ফোংদোরকপা অসি সরকারগী মনা নত্তে। মনুং হুনজীনবা খুঙ্গংগী নুপীমচা অমগী থৌদোক অমনা মীওই কোতি ১২৫দা ইথিল পীবা ঙমগনি। তেক্নলোজীগী মতেংনা ভিদিও ব্রিজনা মরম ওইদুনা কান্নবা ফংলবশিংগা মিকুপ খর উনবা অসি য়াম্না নুংঙাইবা, পুক্নিং নুংশিবা অমসুং থবক তৌখিবগী অপেনবা পোকপা তাঞ্জানি। মীয়ামগী য়াইফনবা অদোমগী পুন্সি কৎথোকপগী নুংঙাইবা লৈ অমসুং নঙোন্দা থাজবা পীরি।

ইরৈচাশিংদা ঐনা থাগৎপা ফোংদোকচরি। মীওই লাখ ৪০-৫০ ভিদিও ব্রিজ থৌরমদা শরুক য়ারি অমসুং ঐঙোন্দা অনৌবা থৌনা অমা হাপ্পি। ঐনা অমুক হন্না নখোয়দা তৌবীমল খঙবা উৎচরি।

ঐগী নুংশিরবা ইরৈচাশিং, ঐনা মতম চুপ্পদা খল্লি, মদুদি ঐখোয়গী অকোয়বদা কদাইদনো অমদা নৎত্রগা করিগুম্বা অফবশিং মতম অয়াম্বদা থোকই। অফবা থবকশিংদা অফবা মীওই কয়া য়াওই। অচুম্বগী মনম ঐখোয়না ফংবা ঙম্মি। মমাংদা, ঐগী ৱাখলদা পোৎশক অমা লাকখি অমসুং মদু অঙকপা অমা ওইখি। অতোপ্পা অমদা, ঐখোয়গী প্রোফেস্নেলশিং অমসুং ইঞ্জিনিয়রশিং লৈরি, অতোপ্পা অমদনা লৌ উরিবা লৌমীশিং অমসুং লৌবুক্তা থবক শুরিবা ইচলশিংনি। মখোয় অসি তোঙান-তোঙানবা শিনফমশিং অসিদা নহাক ঙক্লমগনি, শিনফমশিং অসিগী মরক্ত করি মরি লৈনবগে? মরি লৈনৈ, বেঙ্গলোরদা, কোর্পোরেত প্রোফেস্নেলশিং অমসুং আই তি ইঞ্জিনিয়রশিংনা ‘সমৃধী ত্রস্ত’ শেম্লে অমসুং মখোয়না ত্রস্ত অসি থবক হৌদুনা লৌমীশিংগী ইনকম শরুক অনিদা হেনগৎহল্লে। ত্রস্ত  অসিনা লৌমীশিংগা পুন্না থবক তৌমিন্নদুনা লৌমীশিংগী ইনকম হেনগৎহনবা ঙম্লে। ত্রস্ত অসিনা প্রোফেস্নেলশিং, ইঞ্জিনিয়রশিং অমসুং তেক্নোক্রেৎশিংগা পুন্না থবক তৌমিন্নদুনা ওর্গানিক ফারমিং পায়খৎনবা অমসুং কেস ক্রোপ অমখক থারগা মতৌ করম্না উহৈ মহৈ-মরোংশিংগা পুন্না থামিন্নগদগে হায়বগী ত্রেনীং পীবা হৌরে। মখোয়গী লৌফমদা কেস ক্রোপ অমখক থারগা হিংলম্বা লৌমীশিং অমসুং পোৎথোক য়াম্না থোক্তবদগী শেন্দোং ফংলমদবা অদু ঙসিদি মনা-মশিং থাবদা নত্তনা, মখোয় মশাগী মনা-মশিং য়োনবা ফংলে অমসুং ত্রস্তকী খুৎথাংদা মমল ৱাংনা য়োনবা ঙম্লে। গ্রেন থাবা লৌমীশিংসু ত্রস্ত অসিগা পুন্না থবক তৌমিন্নরি।

অমরোমদা, থাবদগী হৌরগা য়োনবা ফাওবদা লৌমীশিংনা মরুওইবা থৌদাং লৌরি, অতোপ্পা অমদা, লৌমীশিংনা শেন্দোং ফংবদা শরুক য়াদুনা মখোয়গী হক ফংনবা হোৎনরি। পোৎথোক ফজনা পুথোকপা ঙম্নবা লৌউ-শিংগী অফবা মরু ফংহন্নবা তোখায়বা সিদ বেঙ্ক অমা শেম্লে। মসিগী থবক অসিদা নুপীশিং য়াওরে অমসুং সিদ বেঙ্কগী থবকশিংদা মখোয়না য়েংশিল্লি। অনৌবা চাংয়েং অসিগীদমক নহারোলশিং অসি ঐনা থাগৎলি।

মরূপশিং, অদোমগী নহা ওইবগী শক্তি অদুনা নহা অমদা হেক্তা ইথিল পীরি। ঐখোয়গী লৈবাক্কী নহারোল কয়া শোইদনা অদোমগী ৱেবসাইত্তা চংগনি অমসুং অদোমগী থবক অদু ফজনা য়েংগনি অমসুং মখোয়গী থবকশিংদা মতৌ করম্না মখোয়না শীজীন্নবা য়াগনি হায়বা য়েংগনি। মখোয়গী অনৌবা থবকশিংগীদমক লৈবাক অসিগী নহারোলশিং ঐনা অমুক হন্না থাগৎচরি। মখোয় খর ঐনা খঙলম্বা য়াই, খরনা খঙলমদবা য়াই, অদুবু কান্নবা থবক তৌরিবা মশিং থিঙমদ্রবা মীওই কয়াদা ঐগী মাইকৈদগী য়াইফ-মঙ্গল পীজরি।

ঐগী নুংশিরবা ইরৈচাশিং, জী এস তি চৎনবা হৌখিবা চহি অমা ফারে। লৈবাক অসিগী মীয়ামগী মঙলান ওইরিবা ‘লৈবাক অমা, তেক্স অমা’ অদু ঙসিদি মঙফাওনরে। ‘লৈবাক অমা, তেক্স অমা’

মাইপাক্না চৎনবগী করিগুম্বা ঐনা কনাগুম্বা অমদা মনা পীবা তারবদি মদু ঐনা লৈবাক অসিগী রাজ্যশিংদা পীগনি। জী এস তি অসি  কোওপরেতিব ফেদেরেলিজমগী অচৌবা খুদম অমনি, মসিদা লৈবাক অসিগী য়াইফনবা রাজ্যশিংনা অমত্তা ওইনা ৱারেপ লৌবদগী অচৌবা তেক্সকী অওনবা অসি পুরকপা ঙমখিবনি। হৌজীক ফাওবদা জী এস তি কাউন্সিলগী মীফম ২৭ পাংথোকখ্রে অমসুং হায়রিবা মীফম অসিদা তোঙান-তোঙানবা রাজনিতী দলশিং শরুক য়াখিবা অসি চাউথোকচনীংঙাইনি, অদুম ওইনমক জী এস তি কাউন্সিলনা লৌখিবা ৱারেপ খুদিংমক অমত্তা ওইনা য়ানখি। জী এস তি চৎনদ্রিঙৈ মমাংদা লৈবাক অসিদা তেক্স মখল ১৭ লৈরম্মি, হৌজীক্তি লৈবাক অসিদা তেক্স মখল অমখক চৎনরে। জী এস তি অসি অপুনবগী মাইপাক খক নত্তনা মসি পুকচেল শেংবগী মাইপাক অমশুনি। মমাংদা, লৈবাক অসিদা তেক্স লৌবা অমসুং মসিগা মরি লৈনবা থবকশিংদা ইন্সপেক্তর রাজগী ৱাকৎশিং পাকশন্না লৈখি।

জী এস তিদা ইনফোর্মেসন তেক্নোলোজীনা ইন্সপেক্তরগী মহুৎ শিল্লে। রিতর্নদগী রিবাউন্দ ফাওবগী থবক ইনফোর্মেসন তেক্নোলোজীগী খুৎথাংদা পাংথোক্লে। জী এস তি স্কিম লাকপদগী চেক পোস্তশিং লৈত্রে, মসিনা য়াংনা পোৎ-চৈ পুথোক পুশিন তৌবা ঙম্লে অমসুং লোজীসতিক্কী লমদা কান্নবা পুরক্লে। জী এস তি অসিগী মালেমগী ওইনা খ্বাইদগী চাউবা তেক্সগী অওনবা অমনি। লৈবাক অসিগী মীয়াম্না চৎনবদগী ভারত্ত অসিগুম্বা অচৌবা তেক্সকী অওনবা অসি মাইপাক্না চৎনবা ঙম্বনি। ঐখোয়গী অচৌবা লৈবাক অসিদা অসিগুম্বা তেক্সকী অওনবা অসি পুরকপদা চহি ৫দগী ৭ ফাওবা চংগনি হায়না মীয়াম্না থাজনবনি। অদুবু, লৈবাক অসিগী পুকচেল শেংবা মীয়াম, লৈবাক অসিগী অপুনবা অমসুং অনৌবা তেক্স অসিদা মীয়াম্না শরুক য়াবদগী চহি অমগী মনুংদা চৎনবা ঙমখিবনি। অচৌবা মাইপাকপা অসিমক ভারত মচা কোতি ১২৫ অসিগী মশাগী তোংজবা অমনি।

ঐগী নুংশিরবা ইরৈচাশিং, অমুক হন্না, মতেক অসি লোইশিল্লকপদা, ঐনা মথংগী মন কী বাতকী তাঙ্কক অদু অদোমগা উননবা অমসুং অদোমগা ৱারী শান্ননবা খৌরাংনা ঙাইরি। হীরম কয়াদা মাইপাকপা ওইসনু।