ভারতীয় জনতা পার্তী অসি ভারতকী খ্বাইদগী চাউবা রাজনিতী দলনি, অমসুং মসি লৈবাক্কী কাচিন-কোয়া শিনবা থুংবদা এক্তিব প্রজেন্স অমা লৈজৈ। প্রধান মন্ত্রী নরেন্দ্র মোদীগী লুচিং মখাদা BJPনা লুচিংবা NDA সরকারনা লৌমী, লায়রবা, শোত্থরবা, নহারোল, নুপী অমসুং নিও-মিদ্দল ক্লাসকী অনীংবা-অপাম্বশিং থুংহন্দুনা ইনক্লুসিব অমসুং দিবেলপমেন্তদা য়ুম্ফম ওইবা লৈঙাক্কী ওইবা চহিচা আমা পুরকখি।
2024গী জেনরেল ইলেক্সনশিংদা BJPনা অহুমশুবা ওইনা মেন্দেৎ চাউনা ফংবা ঙমখি। শ্রী মোদীনা থংন-থংননা অহুমশুবা তর্মগী ওইনা প্রধান মন্ত্রী ওইনা ৱাশক লৌখি। দল অসিনা ইকনোমিক রিফোর্ম, দিজিতেল ইনফ্রাস্ত্রকচর অমসুং য়াইফ-থৌরাংশিংগীদা মীৎয়েং থম্বা অসিনা মাগী মাইপাকপদা শরুক তমখি।
শ্রী নরেন্দ্র মোদীনা রাস্ত্রপতি ভাবনদা 2024দা প্রধান মন্ত্রী ওইনা ৱাশক লৌবা
মসিগী মমাংদা প্রধান মন্ত্রী মোদীনা 2019 অমসুং 2014দা প্রধান মন্ত্রী ওইনা ৱাশক লৌখি। 2014গী লোক সভা ইলেক্সনশিংদা BJPনা দিকেদ অহুমদা মশাগী ওইনা মেজোরিতী চাউনা ফংবা ঙমখিবা অহানবা দল ওইখি। মাইপাকপা অসি ফংবা ঙম্বা অহানবা নন-কংগ্রেস পার্তীসু ওইখি।
শ্রী নরেন্দ্র মোদীনা রাস্ত্রপতি ভাবনদা 2014দা প্রধান মন্ত্রী ওইনা ৱাশক লৌবা
BJPগী পুৱারী অসি য়াম্না লিরে, শ্রী অতল বিহারি বাজপায়ীনা প্রসিদেন্ত ওইদুনা দল অসি শেমখিবা, 1980গী মতমদগী হৌরকখি। BJPগী প্রিকর্জর, ভারতীয় জন সংঘ অসি 1950, 60 অমসুং 70গী মতমদা ভারতকী রাজনিতীদা থৱায় য়াওনা শরুক য়ারকখি অমসুং মাগী লুচিংবা শ্রী শ্যামা প্রসাদ মুখর্জীনা নীংতম্বা ভারতকী ইহান হানবা মন্ত্রী-মন্দলদা য়াওখি। জন সংহ অসি 1977দগী 1979 ফাওবা শ্রী মোরার্জী দেসাইগী মখাদা জনতা পার্তী সরকারগী মরু ওইবা শরুক অমা ওইখি। মসি ভারতকী পুৱারীদা ইহান হানবা নন-কংগ্রেস সরকার ওইখি।
নই দিল্লীদা পাঙথোকপা BJPগী মীফমদা শ্রী এল.কে. আদভানী, শ্রী অতল বিহারি বাজপায়ী অমসুং শ্রী মুর্লী মনোহর জোশি
BJPনা ঐখোয়গী অরিবা চৎনবী অমসুং কাংলোনশিংদগী ইথিল লৌবা শক্তি লৈবা, মীপাল তাংদবা, ইনক্লুসিব অমসুং চাউখৎপা ভারত অমা শেম্নবা খোঙফম চেৎনা লেপ্পী। দল অসি পন্দিৎ দীন দয়াল উপাধ্যায়ানা হৌদোকখিবা ‘ইন্তিগ্রেল হ্যুমেনিজম’ হায়বা ফিলোসোফীনা চাউনা ইথিল পীখি। BJPনা মখা তানা ভারতকী খুন্নাইগী শরুক খুদিংমক্তগী, মরু ওইনা ভারতকী নহারোলশিংদগী সপ্পোর্ত লৌরি।
অতেনবা মতমগী মনুংদা BJPনা ভারতকী পোলিতিকেল সিস্তেমদা অচৌবা ফোর্স অমা ওইরকখি। 1989দা (মসি হৌদোকখিবগী চহি 9 ফারকপদা) দল অসিগী লোক সভাদা ফংবা মশিং অসি 2 (1984দা) ওইরম্বদগী সীৎ 86দা হেনগৎখি, অমসুং BJP অসি 1989-1990 ফাওবা ভারত পাইরকখিবা নেস্নেল ফ্রন্তপু শেমহনখিবা এন্তি-কংগ্রেস মুফমেন্তগী মরু ওইবা মচাক অমা ওইখি। মসিগী ইহৌ অসি 1990গী মতমদা মখা চত্থরক্তুনা 1990দা রাজ্য কয়াগী এসেমব্লী ইলেক্সনশিংদা BJPনা সরকার শেমহনখি। 1991দা লোক সভাদা প্রিন্সিপল ওপোজিসন পার্তী ওইখি, অনৌবা দল অমগীদমক শীংথানীংঙাই ওইবা মাইপাকপা অমা ওইখি।
নই দিল্লীদা পাঙথোকপা দলগী মীফমদা BJPগী লুচিংবশিং
1996কী কালেনথা অমদা শ্রী অতল বিহারি বাজপায়ীনা লৈবাক্কী প্রধান মন্ত্রী ওইনা ৱাশক লৌখি, মপুং ফানা নন-কংগ্রেস ওইবা বেকগ্রাউন্দ অমদগী ইহান হানবা প্রধান মন্ত্রী ওইখি। BJPনা 1998 অমসুং 1999দা মীয়ামগী মেন্দেৎ ফংদুনা শ্রী বাজপায়ীগী মখাদা 1998-2004 ফাওনা চহি তরুক লৈবাক অসি ঙাকখি। শ্রী বাজপায়ীগী মখাদা NDA সরকার অসি ভারতপু চাউখৎপগী অনৌবা পনখৈশিং তম্না পুখৎখিবা মাগী চাউখৎ-থৌরাংগী থৌশিলশিংগীদমক ঙসিসু নীংশিংনরি।
নই দিল্লীদা শ্রী অতল বিহারি বাজপায়ীনা প্রধান মন্ত্রী ওইনা ৱাশক লৌবা
শ্রী নরেন্দ্র মোদীনা মেনস্ত্রীম পোলিতিক্সতা 1987দা চংলকখি অমসুং চহি অমগী মনুংদা গুজরাত BJPগী জেনরেল সেক্রেতরী ওইরকখি। 1987গী ন্যায় য়ত্র অমসুং 1989গী লোক শক্তি য়ত্র অসি মহাক্কী ওর্গনাইজেস্নেল স্কিলশিংগী মহৈনি। খোঙথাংশিং অসিনা গুজরাত্তা BJPনা শক্তি পাইরকপদা মরু ওইবা থৌদাং লৌখি, অহানবা ওইনা 1990দা মতম খরগী অমসুং 1995দগী ঙসি ফাওবা পাইরি। শ্রী মোদীনা 1995দা BJPগী নেস্নেল সেক্রেতরী ওইরকখি অমসুং 1998দা জেনরেল সেক্রেতরী (ওর্গনাইজেসন)গী থৌদাং পীখি, মসি পার্তী ওর্গনাইজেসনগীদমক মরু ওইবা পোস্ত অমনি। চহি অহুমগী মতুংদা 2001দা দল অসিনা গুজরাতকী সি.এম.গী থৌদাং শিন্নখি। মহাক অসি 2002, 2007 অমসুং 2012দা সি.এম. ওইনা হন্না-হন্না কাখি।
BJPগী মরমদা হেন্না খঙবীয়ু, পার্তীগী ওফিসিএল ৱেবসাইৎতা চংবীয়ু
ভারতীয় জনতা পার্তীগী X একাউন্ত
শ্রী এস.কে. অদবানীজীগী ৱেবসাইৎ
BJPগী মুখ্য মন্ত্রীশিং
অরুনাচল প্রদেশকী মুখ্য মন্ত্রী, পেমা খন্দুগী X একাউন্ত
উত্তর প্রদেশকী সি.এম. য়োগী অদিত্যনাথকী X একাউন্ত
উত্তর প্রদেশকী মুখ্য মন্ত্রী, য়োগী অদিত্যনাথকী ৱেবসাইৎ
গোৱাগী মুখ্য মন্ত্রী, শ্রী প্রমোদ সাৱন্তকী X একাউন্ত
অসমগী সি.এম. শ্রী হিমন্ত বিস্বা সর্মাগী X একাউন্ত
উত্তরখন্দগী সি.এম. পুশকর সিংহ ধামীগী X একাউন্ত
গুজরাতকী মুখ্য মন্ত্রী, ভুপেন্দ্র পতেলগী ৱেবসাইৎ
ত্রিপুরাগী সি.এম. মানিক সাহাগী X একাউন্ত
ছত্তিসগরগী মুখ্য মন্ত্রী, বিষ্ণু দেব সাইগী X একাউন্ত
মধ্য প্রদেশকী মুখ্য মন্ত্রী, দা. মোহন য়াদবকী X একাউন্ত
রাজস্থানগী মুখ্য মন্ত্রী, ভজনলাল শর্মাগী X একাউন্ত
হরিয়ানাগী মুখ্য মন্ত্রী, নায়ব সাইনীগী ৱেবসাইৎ
হরিয়ানাগী মুখ্য মন্ত্রী, নায়ব সাইনীগী X একাউন্ত
ওরিশাগী সি.এম. শ্রী মোহন চরন মাঝীগী X একাউন্ত
