Share
 
Comments
The human face of 'Khaki' uniform has been engraved in the public memory due to the good work done by police especially during this COVID-19 pandemic: PM
Women officers can be more helpful in making the youth understand the outcome of joining the terror groups and stop them from doing so: PM
Never lose the respect for the 'Khaki' uniform: PM Modi to IPS Probationers

খুরুমজরি!

দিক্ষান্ত কনভোকেসন পেরেদকী থৌরম অসিদা শরুক য়াবীরিবা মন্ত্রী মন্দলগী কাউন্সিলদা য়াওরিবা ঐগী মরূপ-মপাং, শ্রী অমিৎ শাহজী, দা. জিতেন্দ্র সিংহজী, জি. কেশন রেদীজী, সর্দার ভল্লভভাই পতেল নেস্নেল পুলিস একাদেমীগী ওফিসিএলশিং অমসুং নহা ওইবগী খৌরাংবা অমগা লোইননা ইন্দিয়ন পুলিস সর্বিস লুচিংনবগীদমক শেম শাদুনা লৈরবা ৭১ আর.আর.গী নহা ওইরিবা মরূপশিং।

মহৌশানা, ঐহাক্না একাদেমী অসিদগী থোক্লক্কদবা মরূপশিংবু দিল্লীদা উন্নরম্বনি। ঐহাক্না মখোয়বু ঐগী শঙ্গাইদা কৌজদুনা মখোয়গা ৱারী ৱাতাই শান্নবা ফংজখিবা ঐগী লাইবক ফবনি। কোরোনানা মরম ওইদুনা হৌজিক ওইরিবা ফিবম অসিনা, হন্দক্তি খুদোংচাবদু ফংবা ঙমদ্রে। অদুবু ঐনা থাজবা থম্লি মদুদি নোংমদি ঐহাক্না ঐগী লোইশঙ পায়বগী মতম লৈরিঙৈদা নখোয়বু শোইদনা উন্নবগী তাঞ্জা লৌখিগনি।

মরূপশিং,

নখোয়না ত্রেনী অমা ওইনা লৈরিবমখৈ, নখোয় ঙাকশেন্দুনা লৈরি হায়বসিদি কক্নীংঙাই য়াওদ্রে। করিগুম্বা অশোইবা অমা লাকপা মতমদা, নখোয়গী মরূপ নত্ত্রগা ত্রেনিং পীবীরিবা মীওইশিংনা অশোইবদু মেনখৎপীগনি। অদুবু ফিবম অসিদি হয়েং নোংঙানবদগীদি হোংলগনি। নখোয়না একাদেমী অসিদগী হেক খোং কান্থোকখিবগা নখোয় শোইরবসু কায়দবা মফমদু ওইররোই। ইচম চম্বা মীওই অমনা হেক উবদা নখোয়সে অনৌবনি, হৈজদ্রিবনি হায়বা খঙলোই। মহাক্না নখোয়বু য়ুনিফোর্ম শেৎপা সাহিব অমনি হায়না লৌগনি, করিগী ঐগী থবক অসি তৌবীদ্রিবনো? নহাক সাহিবনি, কমাইনা তৌরিবনো? মহাক্না নখোয়দা য়েংবা মিৎয়েংদু পুমহোং হোংলদবনি।

নখোয়না করম্না মথৌ তৌরি অমসুং নখোয়গী করম্বা লমচৎ উৎলি হায়বসি কুপ্না য়েংশিনগনি।

ঐহাক্না নখোয়গী অহৌবগী মতম খরসিদি মিৎকুপ নাহুমশিংনা লৈহন্নীংই মরমদি অহানবদা উখিবা হায়বসি অরোইবফাওবা উরবনি। নখোয়না অচম্বা ওফিসর অমগী মওং মতৌ উত্তুনা লৈরবদি মদুগী শক্তম অদু নখোয়না হেক ত্রানফর চৎলুবা মফম খুদিংদা লোইনদুনা লৈরগদবনি। মদুগী শক্তম অদুদগী হোংদোক্নবা হোৎনবদা মতম কয়া অমা চংগদৌরিবনি। মরম অসিনা, চেকশিন্না ইথৌ তৌগদবনি।

অনীশুবদা, সমাজ অসিদা অশোইবা অমখক লৈরি। মীখলদা মাই পাক্তুনা ঐখোয়না দিল্লীদা লাকপা মতমদা, মীওই অনী অহুম ঐখোয়গী অকোইবদা নপতুনা লৈরৈ। মখোয়বু কনানো হায়বসি ঐখোয়না খঙলুদে। অথুবদা মখোয়না মখোয়গী থবক পীবা হৌরকই। সাহিব, করিগুম্বা কার অমা পাম্লবদি, নত্ত্রগা ঈশিং পাম্লবদি, ঐহাক পুজরক্কে। ঐহাক্না খঞ্জবদা চাদবা কুইরবা মাল্লি। ভাবন অসিগী চান্নবশিংদি কয়া ফত্তে, অতোপ্পা ভাবন্দগী চান্নবা পুজরকপনা ফগদ্রা। মীওইশিং অসি কনানো হায়বা ঐখোয়না খঙদে। নখোয়না চৎপা খুদিংদা, অসিগুম্বা মীওই কাংলুপ অমা থেংনগনি। মফমশিংদুদা নখোয়দি মীনৌ ওইরুগদৌরিবনি, অমসুং পোৎ কয়া মথৌ তারক্কনি। অদুবু করিগুম্বা নখোয়না অসিগুম্বা লাংসিদা থুরুরবদি, মসিদগী নান্থোকপা পাক হেক ঙম্লরোই। অহানবদদি, মফমদু অনৌবা ওইবনিনা খুদোংচাদবা কয়া মাইওক্নরক্কনি, অদুবু নশানা উরিবা, তারিবশিংদুদগী খঙজনবা হোৎনগদবনি। হেক ঙম্লিবমখৈ, নখোয়গী নাকোংদু ফত্তবা তারোইদবনি।

অনীশুবদা, সমাজ অসিদা অশোইবা অমখক লৈরি। মীখলদা মাই পাক্তুনা ঐখোয়না দিল্লীদা লাকপা মতমদা, মীওই অনী অহুম ঐখোয়গী অকোইবদা নপতুনা লৈরৈ। মখোয়বু কনানো হায়বসি ঐখোয়না খঙলুদে। অথুবদা মখোয়না মখোয়গী থবক পীবা হৌরকই। সাহিব, করিগুম্বা কার অমা পাম্লবদি, নত্ত্রগা ঈশিং পাম্লবদি, ঐহাক পুজরক্কে। ঐহাক্না খঞ্জবদা চাদবা কুইরবা মাল্লি। ভাবন অসিগী চান্নবশিংদি কয়া ফত্তে, অতোপ্পা ভাবন্দগী চান্নবা পুজরকপনা ফগদ্রা। মীওইশিং অসি কনানো হায়বা ঐখোয়না খঙদে। নখোয়না চৎপা খুদিংদা, অসিগুম্বা মীওই কাংলুপ অমা থেংনগনি। মফমশিংদুদা নখোয়দি মীনৌ ওইরুগদৌরিবনি, অমসুং পোৎ কয়া মথৌ তারক্কনি। অদুবু করিগুম্বা নখোয়না অসিগুম্বা লাংসিদা থুরুরবদি, মসিদগী নান্থোকপা পাক হেক ঙম্লরোই। অহানবদদি, মফমদু অনৌবা ওইবনিনা খুদোংচাদবা কয়া মাইওক্নরক্কনি, অদুবু নশানা উরিবা, তারিবশিংদুদগী খঙজনবা হোৎনগদবনি। হেক ঙম্লিবমখৈ, নখোয়গী নাকোংদু ফত্তবা তারোইদবনি।

লুচিংবা অমা ওইনবা হোৎনবদা মাই পাকপা পাম্লবদি, নাকোংদু ফত্তবা তারোইদবনি। ঐহাক্না নখোয়গী নাকোংশিংদু মেনশিল্লু হায়দে। ঐহাক্না হায়জবদি ফত্তবা ৱা তারোইদবনি হায়বনি। নখোয়গী কেরিয়র, দ্যুতী নত্ত্রগা মী অমা ওইনা তারিবা ময়ামদু অফ-ফত্তা খন্দোক্লবদি কান্নবা কয়া অমা ফংগনি। কনাগুম্বা অমনা থবক মফম অমদা হেক চৎপগা, মীয়াম্না মহাকপু অমোৎপা লংশিনফম অমগুম উনৈ। মী অদুনা হেন্না শক্তি লৈরিবমখৈ, মহাকপু হেন্না চাউবা অমোৎপা লংশিনফম অমগুম উগনি। মীশিংনা অমোৎপা পৈশিল্লক্কনি। অমসুং ঐখোয়না অদুগুম্বা ফত্তবশিংদুবু লাইবক ফবনি হায়না খল্লি। করিগুম্বা ঐখোয়গী ৱাখল অসি শেংলবদি ঐখোয়দা কান্নবা কয়া অমা ফংগনি।

অনীশুবা খুদোংচাদবা অমনা – ঐখোয়গী পুলিস স্তেসনগী চৎনবীশিংগী মতাংদা ঐখোয়না নোংমতা খল্লুরব্রা? ঐখোয়গী পুলিস স্তেসনশিং অসি  মীয়ামগী থাজবগী ময়াই লোইশঙ করম্না ওইহনগনি? ঙসি, ঐখোয়না পুলিস স্তেসন চত্তুনা উনবা মতমদা, তরু তনান্না লৈবা থেংনরগনি। মফম খরদা পুলিস স্তেসন খরা লৈরি, লিরবা অমসুং ফিবম চাদ্রবা। মদুসু ঐহাক্না খঙই অমসুং মখোয়বু লুনা নান্না থম্বদা মতম চঙলোই।

ঐখোয়না চৎলুবা মফম খুদিংদা, ঐনা চেদা ইদুনা থম্বা থবক ১২-১৫ ফাওবদি মতীক চানা ঐগী মখাদা লৈবা  পুলিস স্তেসন খুদিংমক্তা থবক্তা ওন্থোক্কনি, ৫০বু ওইরো, ১০০ নত্ত্রগা ২০০বু ওইরো। মী অমা হোংহনবা হায়বসি অরুবা থবক অমনি, অদুবু সিস্তেম হায়বসিদি হোংবা য়াই। অকোইবদি হোংদোকপা য়াই। মসিবু নখোয়গী ইহান হান্না তৌগদবা থবকশিং ওইহনবা য়ারোইদ্রা? ফাইলশিংবু করম্না নীংথীনা থমগনি, নখোয়বু উন্নবা লাকপা মীশিংগী ফম্ফম করম্না পীগনি। হায়রিবশিংসি নখোয়না তৌগদবা য়াম্না চম্বা থবকশিংনি।

পুলিসমেন খরনা মখোয়না থবক হেক চঙবা হৌবগা মখোয়গী ওথোরিতী অদু উত্থোক্নবা হান্না হোৎনৈ, মীশিংনা মখোয়বু উবদা কিনবা অমসুং কল্লক্নবা হান্না হোৎনৈ। অমসুং সমাজনা য়াদবা থবকশিং অসি মখোয়গী মমিং পনবদা অকিবা পোক্নবা হোৎনৈ। সিংঘমগুম্বা ফিল্ম খরা য়েংলগা হৌরকপশিংনা অসিগুম্বা ৱাখলশিং অসি পোকহল্লি। মসিগী মহৈনা করি ওইরে, মরুওইবা থবক কয়া অমা তৌহৌররোই। নখোয়গী মখাদা লৈরিবা মীওই ১০০-২০০-৫০০ অদুবু শেমদোক্তুনা অফবা কাংবু অমা শেম্নবা হোৎনগদবনি। মখোয়না নহাক্কী নফমদা উবা মিৎয়েং অদুসু হোংলক্কনি।

ইচম চমজবা মীওইশিংদা অকিবা পোকহনসিরা নত্ত্রগা মখোয়গা লোইননা নুংশিবগী থোং অমা শেমগৎসিরা হায়বসিদি নহাক্না লেপচগদবনি। নখোয়না ইথিল অমা পীনবা হোৎনরবদি কুইনা চৎলোই। অদুবু করিগুম্বা নখোয়না মীয়ামগা লোইননা নুংশিবগী থোং অমা শারম্বা তারবদি মখোয়না নখোয়বু থবক্তগী পোত্থারবফাওবা কাওবা ঙম্নরোই। নখোয়না থবক অহানবা তারুবা মফমদুগী মীয়ামনা চহী ২০গী মমাংদা লাক্লম্লবা মফমদুগী লোল খঙদবা মীওই কয়াগী থমোইবু মহাক্কী অফবা লোনচৎনা শুমখিবা মীওই অমা ওইনা নিংশিংগনি। ইচম চমজবা মীয়ামগী থমোইবু হেক শেমখ্রবদি, পুম্নমক মশানা মফম চানা লৈজখ্রগনি।

পোলিসিংগী পথাপতা থাজনবী অমা লৈ। ঐহাক্না ইহান হানবা ওইনা মুখ্য মন্ত্রী ওইরকপা মতমদা…… দিৱালীগী হেক মতুংদা গুজরাত্তা অনৌবা চহী অমা লাক্কনি। মুখ্য মন্ত্রীশিংনা চাং নাইনা শরুক য়াবা দিৱালী মিলন থৌরম পুলিস পার্সনেলশিংনা পাঙথোকই। ঐহাকসু চাং নাইনা য়াওরম্মি। মমাংগী মুখ্য মন্ত্রীশিংসু শরুক য়ারম্মি, পোদিয়মদা ফমদুনা ৱাহৈ মঙা-তরা অদুম ঙাংনৈ, মখোয়গী য়াইফ-পাউজেল পীরম্লগা অদুম থাদোক্তুনা চৎখি। ঐহাক্না ইহান হানবা ওইনা চৎপা মতমদদি, ঐহাক্না মীপুম খুদিংমক উন্নৈ। মফমদুদা পুলিস ওফিসর অমনা ঐবু খাম্লম্মি। ঐহাক্না মী খুদিংগা করিগীদমক খুৎ শোক্লিবনো হায়না হংলম্মি। তৌবীগনু হায়। মখোয়গী মরক্তা কন্সতেবল অমসুং  হীরম কয়াদগী মীওই কয়া য়াওরি। মদু মী ১০০দগীনা ১৫০ ফাওবা তিল্লি। ঐহাক্না করিগীনো হায়না হংই। করিগুম্বা নুংথিল ফাওবা মী খুদিংগা খুৎ শোক্নরবদি খুৎ পোমখত্তুনা লাইয়েংনরনি হায়খি। ঐহাক্না খুম্মি, করিগীদমক অদুম্না খল্লিবনো? পুলিস দিপার্ত্মেন্ত অমদা অসিগুম্বা ৱাখল চেল্লবদি মহাক্না শোইদনা ফত্তবা ৱাহৈ শীজিন্নরমগনি, মসিদি য়াম্না লাল্লি।

অসিগুম্বা মপান্থোংগী ওইবা য়ুনিফোর্ম শেৎপা পুলিস অমগী মশক অসি কোরোনাগী মনুংদদি অমত্তা উদ্রে। মহাকসু মীওইবা জাতিগীদমক মহাক্কী মথৌ তৌদুনা হোৎনরি। মসিগী শক্তম অসিনা ঐখোয়গী লমচৎনা মপাঙ্গল কনখৎহনবা ঙমগনি। ঐখোয়গী লোনচৎনা ঐখোয়গী লমচৎ করম্না শেমদোক্কনি?

অসিগা মান্ননা রাজনীতি ৱালাশিংগা পুলিসকা ৱারী শানবা উখ্রে। য়ুনিফোর্ম শেৎপশিং অসিনা রাজনীতিগী লুচিংবশিংবু শুমহৎনবা হোৎনৈ। অমসুং নখোয়না রাজনীতি ৱালাশিংদা খুবাক খুদুনা পুক্নিং চিংশিন্নবা হোৎনবা ৫-৫০ অদুম থেংনগনি।

ঐখোয়সি দিমোক্রেতিক সিস্তেমগী শরুক অমনি হায়বসি কাওরোইদবনি। গনতন্ত্রদা রাজনীতিগী কাংবু অমা হেক্তনা পানসনু, মীখলদা কারবা মীওই অমগী থৌদাং অসি য়াম্না মরু ওই। মীখলদা মায় পাক্লবা মীওই অমা ইকাই খুম্নবা উৎপা হায়বসি গনতন্ত্রবু ইকাই খুম্নবা হায়বদুনি। অনীসিগী মরক্তা খেন্নবা লৈবা য়াই, অদুবু মসি লোইনবগী লম্বী কয়া লৈ। ঐখোয়না অসিগুম্বা থবকসি লৌখৎকদবনি। ঐহাক্না থেংনখিবা খরা তমগে। ঐহাক্না ইহান হানবা ওইনা মুখ্য মন্ত্রী হেক ওইবা মতমদা, নখোয়বু ত্রেনিং পীরিবা অতুলনা ঐবুসু ত্রেন তৌবীখি। ঐহাক মহাক্কী মখাদা ত্রেন তৌরকখি, মরমদি ঐনা মুখ্য মন্ত্রী ওইরিঙৈ মতমদা মহাক্না ঐগী সেক্যুরিতী ইন- চার্জ ওইরম্মি।

নোংমদি, অসুম্না থোক্লরে। ঐহাক্কীদমক শীল লাংলিবা পুলিসকী মীওইশিংগী মওং মতৌদুনা ৱাখলদা কয়া খোইদারমদে। মদু মতমদুদা কয়া হৈনবা ওইরমদে, অদুবু মখোয়গা লোইননা লৈবা তারম্মি। অদুবু মরক মরক্তা, ঐহাক্না কাংলোন থুগাইখি, কারদগী কুম্থদুনা মী ময়ামগা অচিনবা মরক্তা খুৎ শোক্নখি। নোংমদি, অতুল করৱালনা ঐগী মতম লৌদুনা ঐগী কাদা চঙলকখি। মহাক্না নিংশিংলমগদ্রাদি খঙদে অদুবু মহাক্নদি পামজদবদু ফোংদোক্লম্মি। মহাক ঐগী ইখানি। ঐনা ঙাংলিবসি চহী ২০গী মমাংদা থোকখিবা থৌদোক অমনি।

মহাক্না মহাক্কী মুখ্য মন্ত্রীগী মীত্তা য়েংখি, অমসুং মহাক্না পামজদবদু ফোংদোকচখি। মহাক্না মদু তৌবীগনু হায়খি, কারদগী থোক্তনবা নত্ত্রগা অচিনবা মীরক্তা পুন্দুনবা হায়খি। ঐনা মঙোন্দা মহাক অসি ঐগী পুন্সিগী মপুরা অমসুং ঐনা তৌগদবনা করিনো তাক্কদবা মীরা হংখি। মহাক অকিবা পোকখিদে। মহাক্না কি হংগোইবা পোক্তনা হায়খি মদুদি ঐসি অচম্বা মী অমা ওইবদা নত্তনা রাজ্য অসিগী মীওই অমনি হায়খি। অমসুং ঐবু ঙাক শেনবা হায়বসি মহাক্কী থৌদাংনি হায়খি। ঐবু কাংলোনশিং ইনবীনবা হায়খি, নত্ত্রবদি কাংলোনশিংবু ইন্নবা হোৎনবা তাবনি হায়খি।

ঐহাক ৱা অমত্তা ঙাংখিদে। মসি গনতন্ত্রবু, মীখলদা মায় পাক্লবা মীওই অমবু ইকাই খুম্নবা উৎপা হায়বদুনি, মসিগী মথক্তা, মহাক্কী মথৌ অমা ওইনা লমচৎ য়াওনা ৱা ঙাংবা হায়বদুনি। মতমদু ঐহাক্না মুখ্য মন্ত্রী ওইরিঙৈগী ঙল্লিঙৈগী মতম্নি। মদুগী থৌদোক অদু ঐগী কোক্তা নপতুনা লৈরিবসি করিগী হায়রবদি পুলিস ওফিসর অমনা মহাক্কী ৱাফমশিংদু মীখলদা মায় পাক্লবা মীওই অমগী মরুওইবসু খঙবগা লোইননা অচেৎপা ফিরেপ অমগা লোইননা ফোংদোক্লকপগী মওং মতৌ অদুননি। ঐহাক্না খল্লি মদুদি পুলিস জৱান খুদিংমক্না অসিগুম্বসি তৌবা য়াই, মীপুম তিংনা তৌগদবনি। ঐখোয়না মসিবু খনগদবনি।

ৱাফম অমসু লৈরি। য়েংশি, মতম অসিদদি তেক্নোলোজী অসি য়াম্না কান্নবা ফংলে। মমাংঙৈদদি পোলিসিং হায়বসি কন্সতেবুলারীগী থাক্তা পাউ খোমজিন্দুনা ইফোর্মেসন অমসুং ইন্তেলিজেন্সকী মতুং ইন্না তৌরম্মি অমসুং মদু চপ চানা কান্নখি। অদুবু নুংঙাইত্রিবদি, মদু হন্থরে। নখোয়না কৈদৌনুংদা মসি থাদোক্লোইদবনি, মরমদি কন্তেবুলারীগী থাক্তা লৌরকপা ইন্তেলিজেন্স অসি য়াম্না মরুওই। নখোয়না এসেৎ সোর্স খোমগদবনি, অমসুং মখোয়বু পুক্নিং থৌগৎকদবনি। অদুবু হৌজিক্তি তেক্নোলোজী অসি লায়না ফংলে। তেক্নোলোজীনা ক্রাইম অমা, সি.সি.তি.ভী.বু ওইরো নত্ত্রগা মোবাইল ফোন ত্রেকিং তৌববু ওইরো খঙদোকপদা চাউনা মতেং পাংলে। মসি য়াম্না ফৈ। অদুবু পুলিসমেন কয়া সস্পেন্দ চৎলিবসিসু তেক্নোলোজীন মরম ওইদুননি। মরক মরক্তা মখোয়না তৌরোইদবশিং তৌরি, শাওই, অমসুং মী অমনা হেক্তা মখোয় খঙদনা ভিদিও লৌই। অদুদগীদি ভিদিও অদু ভাইরেল ওইরনি। মসিদা মীদিয়াগী প্রেসর কয়া অমসু লৈরি। অমসুং মী কয়ানা পুলিসকী মাইয়োক্তা ৱা ঙাংগদবগী ঙাইদুনা লৈবা থেংনৈ। অরোইবদদি, সিস্তেম অসিনা মখোয়বু সস্পেন্দ তৌবা তারকই। মসিগী দাকফম অসি মখোয়গী কেরিয়রদা হক্তুনা লৈহৌরনি।

তেক্নোলোজী অসি কান্নবা অমসুং অৱাবা ওই। পুলিস কয়া মসিনা খুদোংথীবা নংহল্লি। নখোয়না মখোয়বু ত্রেন তৌবা তাই। নখোয়না তেক্নোলোজীবু অফবা কান্নবা মাইকৈদা শীজিন্নহন্নবা হোৎনগদবনি। নখোয়গী বেৎ অসিদা তেক্নোলোজী লিংবা মীওই কয়া য়াওরি হায়বা ঐহাক্না থেংনরে। হৌজিক্তি ইনফোর্মেসন ৱাত্ত্রে। অচৌবা দেতা, আর্তিফিসিএল ইন্তেলিজেন্স, সোসিএল মীদিয়া অসিনচিংবা অনৌবা খুৎলাই কয়া ইনফোর্মেসনশিংবু নৈনদুনা অফবা মহৈ পুরকপা য়াবা কয়া লৈরে। নখোয়না কাংবু অমা শেমগদবনি অমসুং নখোয়গা পুল্লিবা মীওই কয়া অমসু হাপচিনগদবনি। অদুগা মী খুদিংমক তেক্নোলোজীদা এক্সপর্ত ওইগদবনি হায়বসু লৈতে।

খুদম অমা পীগে। ঐনা মুখ্য মন্ত্রী ওইরিঙৈ মতমদা ঐগী সেক্যুরিতীদা কন্সতেবল অমা লৈরম্মি। মহাক্কী ফম অদু চপ চানা নিংশিনবা ঙমদ্রে। মতমদুদা কেন্দ্রদা য়ু.পি.এ. সরকার পাল্লি। শেমদোকপা ঙমদ্রবা অশোইবা অমা ইমেলদা লৈরম্মি। অমসুং মদুনা সরকারদা অকাইবা লাকপা য়ারম্মি। পাউ অদু চেফোং কয়াদা ফোংনরকখি। ঐগী কাংবুদা ক্লাস ১২ লোইরবা লাইরিক হৈরবা নহাশিংনা য়াওই। অমসুং মহাক্না মদু শেমদোকখিবদা অঙকপা পোক্নখি। ঐনা খনবদা মতমদুদা চিদম্বরমজিনা য়ূম্লৈ-কৈরৈ মন্ত্রী ওইরমগনি হায়না থাজৈ। মহাক্না মহাকপু কৌরম্মি অমসুং সর্তিফিকেৎ অমা পীখি। অসিগুম্বা হৈশিংবা লৈবা মী মশীং কয়া য়াম্না লৈতে।

ঐখোয়না মখোয়বু মফম চানা শীজিন্নবীগদবনি। নখোয়না মসি তৌবা তারবদি, নখোয়গী নাক্তা অনৌবা খুৎলাই লৈরে হায়না লৌবা য়াগনি, মখোয়না নখোয়গী পাঙ্গল পীগনি। নখোয়সি পুলিস্মেন ১০০গী কাংলুপ অমনি হায়না লৌরসি, করিগুম্বা মসিগী এসেৎ, তেক্নোলোজী অসি ইফোর্মেসন নৈনবা মতমদা শীজিন্নরবদি, মসিগী ১০০ অসি লিশিংদা ওন্থোক্কনি। হায়রিবসি নখোয়গী পাঙ্গল ওইগনি, অদুনা মসিদা মিৎয়েং চঙবীয়ু।

অনীশুবদা নখোয়না মসিমসু থেংনরম্মনি। মমাংঙৈদা, মহৌশাগী ওইবা খুদোংথীবা, ঈচাউ, য়ুহা হাবা, নত্ত্রগা অচৌবা খুদোংথীবা নত্ত্রগা সাইক্লোন থোকপা মতমদা আর্মী পার্সনেলশিং চঙশিনবা থেংনরমগনি। মীয়াম্না আর্মী পার্সনেল হেক উবগা ফিবমদুদগী থোক্নবা হোৎনবদা চাউনা নিংশা হোন্দোকপা ঙম্নৈ। হৌখিবা চহী খরসিদা, মসিগা মান্ননা পুলিসতগী থোক্লকপা এস.দি.আর.এফ. অমসুং এন.দি.আর.এফ.না থবক কয়া তৌদুনা তি.ভি.দফাউবা শকখঙবীখিবা থেংনরম্মনি। মখোয়না ঈশিং, উফুলদা চেল্লি, নত্ত্রগা অচৌবা নুংজাউ কয়া লৌখৎলি। মসিনা পুলিস দিপার্ত্মেন্ততা অনৌবা মশক অমা শেম্লি।

ঐহাক্না নখোয়দা নখোয়গী মফমশিংদুদা এস.দি.আর.এফ. অমসুং এন.দি.আর.এফ.কী কাংবু কয়া শেমগৎনবা হায়জরি। মসি পুলিসতদা নত্তনা মীয়ামগী মরক্তগীসু শেমগদবনি।

করিগুম্বা নখোয়না মহৌশাগী ওইবা খুদোংথীবা থোকপা মতমদা নখোয়গী নথৌদাং অমা ওইনা মীগী মতেং পাংবা ঙম্লবদি নখোয় য়াম্না ফগৎকনি অমসুং হায়রিবশিং অসি মতম অসিদা য়াম্না তঙাইফদবা অমা ওইরে। ঙসিদি, এন.দি.আর.এফ. অমসুং এস.দি.আর.এফ.না মরম ওইদুনা, লৈবাক অসিদা পুলিসকী ওইবা অনৌবা মশক অমা শেমগৎপা ঙম্লে।

মীয়াম্না চাউথোক্না হায়নরে মদুদি মখোয়শিং অসি খুদোংথীবা থোকপা মতমদা য়ৌরক্কনি, বিল্দিং অমা নিংখাইবা মতমদা চপতুনা লৈরুবা মীওই কয়া লৌথোক্কনি।

ঐহাক্না নখোয়দা লুচিংবগী থৌদাং মফম কয়াদা লৌবা পাম্মি। মসিদা নখোয়না ত্রেনিংগী মরুওইবদু খঙলক্কনি। ঐখোয়না ত্রেনিংবু কৈদৌনুংদা মিরাইরোইদবনি। সরকারগী ওফিসিএল অয়াম্বনা ত্রেনিংবু চৈরাক অমগুম লৌই। করিগুম্বা মীওই অমবু ত্রেনিং লৌনবা হায়রুবা মতমদা, মহাক অসি মতীক চাদবা ওফিসর অমনি হায়না লৌনৈ। ঐখোয়না ত্রেনিংবু অদুক্কী মতীক হন্থনা লৌই মসিনা মরম ওইদুননি অফবা গবর্নান্স অমা থম্নবা হোৎনবদা খুদোংথীবা থোক্লিবসি, অমসুং ঐখোয়না মসিদগী নান্থোক্নবা হোৎনগদবনি।

ঐহাক্না অতুল করৱালবু অমুক্কা হন্না থাগৎপা ফোংদোকচরি। অতুলসু তেক্নোলোজী মুন্না খঙলকপা, মাউন্ত এভরেস্ত কারুরবা, অমসুং য়াম্না মথৌনা লৈবা মীওইনি। ঐহাক্না থাজৈ মদুদি পুলিস দিপার্ত্মেন্ত অমহেক্তদা চঙবদা মঙোন্দা চিংনবা লৈরম্লোই। চহী খরগী মমাংদা, মহাক মশামক হায়দ্রবাদতা ত্রোবেসনরশিংবু ত্রেনিং পীনবগীদমক চৎখি। হন্দক্কী মতাং অসিদসু ত্রেনিংগী থবক লৌরি। মসিদগী হেনবা করিবু লৈরুনি। মসিবু হেন্না শকখঙবীগদবনি হায়না খল্লি।

মরম অসিনা, সরকার অসিনা অনৌবা প্রোগ্রাম অমা হৌদোক্লে – মিসন কর্ময়োগী। মন্ত্রী মন্দল মীফম্না নুমিৎ নিনিগী মমাংদা অয়াবা পীখ্রে। ঐখোয়না মহাক্কী ত্রেনিংগী থবক অসিদা মিসন কর্ময়োগীগী মখাদা হেন্না মরুওইবা পীনিংলি।

ঐনা খনবদা মসি মখা তানা অদুমক লৈহন্নিংই। ঐঙোন্দা থোকখিবা করিগুম্বা অমগা পাউদমগে। ঐহাক্না গুজরাত্তা পুং ৭২গী ত্রেনিং কেপসুল অমা হৌদোকখি অমসুং নুমিৎ হুম্নি গুজরাত্তা লৈবা ওফিসর খুদিংমক ত্রেনিং অমা শোইদনা তৌগদবনি। ঐনা মখোয়গী এক্সপরিএন্স অদুগী ফীদবেক লৌরম্মি।

অহৌবগী ওইনা ঐনা, অহানবগী তাংকক্তা ত্রেনিং তৌরুবা মীওই ২৫০গা ৱারী শান্নখি অমসুং পুং ৭২দুগী ওইবা মখোয়গী ৱাখল্লোন ফোংদোকহনখি। অয়াম্বনা কান্নবা ফংখিবা ফোংদোক্লদুনা পুং ৭২দগীনা হেন্না শাংদোকহনবা পাম্নখি। অদুদগী পুলিসমেন অমা হৌগৎলকখি। ঐনা মহাক্কী এক্সপরিএন্স হংখি। মহাক্না হায়খি মদুদি মমাংদদি মহাক ইচম চম্বা পুলিস্মেন অমা ওইরম্বনি অদুবু পুং ৭২গী ত্রেনিং অসিগী মতুংদা, মহাক হেন্না ফরবা মীওই অমা ওইরে হায়না ফোংদোকখি। ৱাহৈশিং অসি কয়াগী মতীক শক্তি লৈখ্রে। মহাক্না হায়খি, মী কয়ানা মাবু মী অমা ওইনা উবীরমদে, ময়ামগী মীত্তদি মহাক পুলিস্মেন অমখকনি। মহাক্না হায়খি, পুং ৭২গী ত্রেনিং অদুগী মতুংদা মহাক্না খঙলে মদুদি, মহাক পুলিস্মেন অমা ওইবগী মথক্তা মী অমসুনি হায়বা।

মসিনি ত্রেনিংগী শক্তি অসি। ঐখোয় লেপ্পা লৈতনা ত্রেনিং তৌবা চঙই। হৌজিক্তি পেরেদ অসিগী মতুংদা নখোয়না নখোয়গী গার্দ অদু মিকুপ অমতং ওইরবসু হন্থহল্লোইদবনি অমসুং মতম চুপ্পদা প্রেক্তিস তৌগদবনি। মখোয়গী হকশেলসু য়েংশিনজগদবনি অমসুং নখোয়গী কলিগশিংগী হকশেলসু হংবীগদবনি, মখোয় শাজেল তৌরিব্রা, অরুম্বা চাং অমদা থম্লিব্রা অমসুং মখোয়গী মেদিকেল চেক অপ চাং নাইনা তৌরিব্রা হায়বদু হংবীগদবনি। নখোয়না মসিদা মরুওইবা পীগদবি মরমদি, হকচাং ফবা হায়বসি য়ুনিফোর্ম শেৎপদা পকচনবগী খক নত্তে, মসি নখোয়গী থবক্না পাম্বদুমকনি। মরম অসিনা, মসি নখোয়গী থৌদাংনি, অমসুং নখোয়না মসিদা লুচিংবা অমা ওইগদবনি। অমসুং ঐখোয়গী অরিবা ময়েকশিংদসু ইদুনা থম্লম্লবনি।

য়ৎ, আচরতি য়ৎ, শ্রেস্থ

তৎ, তৎ, এবং, ইতরঃ, জনঃ,

সঃ, য়ৎ, প্রমান্ম, কুরুতে, লোকঃ,

তৎ, ।।  অনুবর্ততে

মসিনা তাক্লিবসি, অফবা মীনা উৎপা থবক থৌরমদি মীয়াম্নসু তুং ইন্দুনা চৎলি।

ঐহাক্না থাজৈ মদুদি, মসিগী মনুংদা নখোয়সু চল্লি অমসুং অসিগুম্বা অফবা থবক তৌরিবশিং অসিগী মনুংদা চল্লি। নখোয়দা খুদোংচাবা অমা ফংবগী মথক্তা থৌদাং অমসু পীরি। কাংলোন খুদিংমক্কী মশাগী মরুওইবা অমা লৈজৈ, অদুবু ঙসি মীওইবা খুন্নাই অসিনা থেংনরিবা শীংনবশিংদগী ঙাকথোক্নবগীদমক নখোয়না থমোই শেংনা পাঙথোক্কদৌরিবনি, ঐখোয়গী লৈবাক্কী মচু অহুমগী ফিরাল অসিগীদমক অমসুং ভারত সংবিধান্দা অচেৎপা ৱাশক অমগা থৌদাং পাঙথোক্কদবনা থৌদাং হায়বসিনা হেন্না মরুওই।

ঐহাক্না কাংলোন্দা য়ুম্ফম ওইদুনা থবক তৌগদ্রা নত্ত্রগা থৌদাংগীদমক পাঙথোক্কদ্রা? ঐখোয়গী থৌদাংবু মরুওই খন্না থবক তৌরবদি কাংলোনশিং অসিবুসু মশা মতোমতা তুংইঞ্জরবনি। অমসুং ঐখোয়না কাংলোনশিং অসিবু চপ চানা ঙাক্লবদি মীয়াম্না ঐখোয়দা থাজবা হেনগৎলক্কনি।

অমুক্কা হন্না, ঐনা নখোয় পুম্নমক্তা য়াইফ মঙ্গোল পীজরি, অমসুং ঐহাক্না থাজৈ মদুদি খাকিগী ইজৎ হেন্না ঙাক্কনি। ঐহাক্কী নাকলদগীদি ঐনা নখোয়গীদমক, নখোয়গী ইমুং অমসুং ইকাইখুম্নবদা তৌগদবশিং অমত্তা নাথৈরোই। মসিগী থাজবসিগা লোইননা, অসিগুম্বা শেংলবা থৌরম অসিদা নখোয় পুম্নমক্তা য়াইফ পাউজেল-পীজরি।

থাগৎচরি।

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Forex reserves cross $600 billion mark for first time

Media Coverage

Forex reserves cross $600 billion mark for first time
...

Nm on the go

Always be the first to hear from the PM. Get the App Now!
...
PM condoles demise of Swami Shivamayanandaji Maharaj of Ramakrishna Math
June 12, 2021
Share
 
Comments

The Prime Minister, Shri Narendra Modi has expressed grief over the demise of Swami Shivamayanandaji Maharaj of Ramakrishna Math.

In a tweet, the Prime Minister said, "Swami Shivamayanandaji Maharaj of the Ramakrishna Math was actively involved in a wide range of community service initiatives focused on social empowerment. His contributions to the worlds of culture and spirituality will always be remembered. Saddened by his demise. Om Shanti."