গ্রীন ইনর্জীগী লমদা আত্মানির্ভর ওইনবা অচৌবা খোঙথাং অমা লৌখৎতুনা, প্রধান মন্ত্রী শ্রী নরেন্দ্র মোদীনা ঙসি গুজরাতকী হন্সলপুরদা গ্রীন মোবিলিতী ইনিসিএতিবশিং হৌদোকখ্রে। মীয়াম তিনখিবা অদুদা ৱা ঙাংলদুনা, প্রধান মন্ত্রীনা হায়খি মদুদি গনেশোতসবকী থৌরমগী হরাও-তয়াম্বা মরক্তা, ভারতকী "মেক ইন ইন্দিয়া" খোঙচৎ অসিদা অনৌবা পন্দুপ অমা হাপচিল্লি। মহাক্না হায়খি মদুদি মসিনা "মেক ইন ইন্দিয়া, মেক ফোর ৱার্ল্দ"গী অপুনবা পান্দমগী মায়কৈদা চাউনা খুমাং চাউশিল্লে। ঙসিদগী হৌরগা ভারত্তা শাবা ইলেক্ত্রিক ভেহিকলশিং লৈবাক ১০০দা এক্সপোর্ত তৌরগনি হায়না শ্রী মোদীনা হায়খি। মহাক্না মখা তানা হায়ব্রীদ বেত্তরী ইলেক্ত্রোদ মেনুফেকচরিং লৈবাক অসিদা হৌদোক্লে হায়না লাউথোকখি। ঙসিগী নুমিৎ অসিনা ভারত অমসুং জাপানগী মরক্তা লৈনরিবা মরুপ-মপাং ওইবগী মরীদা অনৌবা মায়োল অমা পুরক্লি হায়না পল্লদুনা, প্রধান মন্ত্রীনা ভারতকী নাগরিক পুম্নমক, জাপান অমসুং সুজুকি মোতোর কোর্পোরেসনবু থম্মোয় শেংনা থাগৎপা ফোংদোকখি।
ভারতকী মায় পাকপগী ৱারীগী মরুশিং অসি চহি ১২-১৩গী মমাংদা হুনখিবনি হায়না নীংশিংলদুনা শ্রী মোদীনা হায়খি মদুদি ২০১২দা, মহাক্না মুখ্য মন্ত্রী ওইরিঙৈ মতমদা, হন্সলপুরদা মারুতি সুজুকিদা লম পীখি। মতম অদুদসু আত্মনির্ভর ভারত অমসুং মেক ইন ইন্দিয়াগী ভিজন লৈরম্মি হায়না মহাক্না অকনবা ৱাফম থমখি। মহাক্না হায়খি মদুদি ঙল্লিঙৈ মতমগী হোৎনবা অসিনা লৈবাক অসিগী হৌজিক্কী ৱারেপশিং অদু মপুং ফাহন্নবদা মরুওইবা থৌদাং অমা লৌরি।
লৈখিদ্রবা শ্রী ওসামু সুজুকিবু নীংশিংলদুনা, প্রধান মন্ত্রীনা হায়খি মদুদি ভারত সরকারনা মহাকপু পদ্ম বিভুশন পীদুনা ইকায় খুম্নবা উৎপা ফংজখি। ওসামু সুজুকিনা মারুতি সুজুকি ইন্দিয়াগীদমক খনখিবা ভিজন অদু পাকথোক চাথোকপা উবা ফংবদা নুংঙাইবা পোকই।
শ্রী মোদীনা হায়খি মদুদি “ভারতনা দিমোক্রেসীগী শক্তি অমসুং দেমোগ্রাফীগী খুদোংচাবা লৈরি। ভারতনা স্কিল লৈরবা ৱার্কফোর্সকী অচৌবা পুল অমসু লৈরি, মসিনা পার্তনর খুদিংমক্কীদমক ইকানদা কান্নবা ফিভম অমা শেমগৎলি”। মহাক্না পনখি মদুদি সুজুকি জপাননা ভারত্তা মেনুফেকচর তৌরি, অমসুং মফম অসিদা পুথোক্লিবা ভেহিকলশিং অদু জাপানদা অমুক হন্না এক্সপোর্ত তৌরি। প্রধান মন্ত্রীনা হায়খি মদুদি মসিনা ভারত-জাপানগী মরীগী মপাঙ্গল অদু খক্তমক উৎপতা নত্তেনা মালেমগী কম্পনীশিংনা ভারত্তা থাজবা হেনগৎলক্লিবা অদুসু উৎলি। মহাক্না হায়খি মদুদি মারুতি সুজুকিগুম্বা কম্পনীশিং অসি মেক ইন ইন্দিয়াগী ব্রান্দ এম্বেসেদরশিং ওইরে। মথং-মথং চহি মরিগী ওইনা মারুতি সুজুকি অসি ভারতকী খ্বাইদগী চাউবা কার এক্সপোর্তর ওইরি হায়না পল্লদুনা প্রধান মন্ত্রীনা ঙসিদগী ই.ভি. এক্সপোর্তসু চপ মান্ননা হৌরগনি হায়না লাউথোকখি। মহাক্না হায়খি মদুদি মালেমগী লৈবাক কয়াদা চেনগদবা ই.ভি.শিং অসি 'মেদ ইন ইন্দিয়া' হায়বা লেবেল অসি চাউথোকচবা পোকপগা লোয়ননা য়াওরগনি।
ই.ভি. ইকোসিস্তেমগী খ্বাইদগী মরু ওইবা মচাক অসি বেত্তরীনি হায়না পল্লদুনা প্রধান মন্ত্রীনা হায়খি মদুদি চহি খরগী মমাংদা ভারত্তা বেতরীশিং অসি চাউনা ইমপোর্ত তৌই। ই.ভি. মেনুফেকচরিং মপাঙ্গল কনখৎহন্নবগীদমক, ভারতনা দোমেস্তিক বেত্তরী মেনুফেকচরিং হৌবা অসি তঙাইফদে হায়না মহাক্না মখা তাখি। শ্রী মোদীনা ২০১৭তা অসিগুম্বা মীৎয়েং অমগা লোয়ননা তি.দি.এস.জি. বেত্তরী প্লান্তকী উরেপ-উয়ুং তমখিবা অদু নীংশিংখি। তি.দি.এস.জি.গী অনৌবা খোঙথাং অমগী মখাদা, জাপানিজ কম্পনী অহুম্না ভারত্তা অহানবা ওইনা পুন্না বেত্তরী সেল পুথোক্কনি হায়না মহাক্না লাউথোকখি। মহাক্না মখা তাখি মদুদি বেত্তরী সেল ইলেক্ত্রোদশিং অসিসু ভারতকী মনুংদা লোকেল ওইনা পুথোক্কনি। লোকেলাইজেসন অসিনা ভারতকী মশা-মরোমদোম লেপচবা ঙমহনগনি হায়না প্রধান মন্ত্রীনা অকনবা ৱাফম থমখি। মসিনা হাইব্রিদ ইলেক্ত্রিক ভেহিকল সেক্তরগী গ্রোথ হেনগৎহনগনি হায়না মহাক্না ফোংদোকখি। মহাক্না পুৱারী ওইরবা অহৌবা অসিদা মহাক্কী য়াইফ মঙ্গোল পীখি।
চহি খরগী মমাংদা, ই.ভি.শিং অসি অল্তর্নেতিব ওপ্সন অমা ওইনা খন্নরম্মি হায়না পল্লদুনা, প্রধান মন্ত্রীনা ই.ভি.শিংনা শীংনবা কয়ামরুমগী কংক্রিৎ সোলুসন পীরি হায়না মহাক্না থাজবা থমখি। মহাক্না হৌখিবা চহিদা মহাক্না সিঙ্গাপুরদা চৎখিবা মতমদা, মহাক্না অরিবা ভেহিকলশিং অমসুং এম্বুলেন্সশিংবু হাইব্রিদ ইভিশিংদা ওন্থোক্নবা ৱাফম থমখিবা অদু নীংশিংখি। শ্রী মোদীনা মারুতি সুজুকিবু মসিগী শীংনবসি থেংননবা হোৎনখিবগীদমক অমসুং থা তরুক্কী মনুংদা মথৌ তৌবা প্রোতোতাইপ অমা পুথোকখিবগীদমক থাগৎপা ফোংদোকখি। মহাক্না হায় হায়ব্রিদ এম্বুলেন্সকী প্রোতোতাইপ অদু মহাক মশামক্না য়েংশিনখি অমসুং হায়রিবা হায়ব্রিদ এম্বুলেন্সশিং অসি পি.এম. ই-দ্রাইব স্কিমগা মপুং ফানা চান্নৈ। প্রধান মন্ত্রীনা হায়খি মদুদি লুপা করোর ১১,০০০গী স্কিম অসিগী মখাদা ই-এম্বুলেন্সকীদমক্তা অখন্নবা বজেৎ অমা থম্লে। মহাক্না হায়খি মদুদি হাইব্রিদ ই.ভি.শিংনা পোলুসন হন্থহনবদা মতেং পাংগনি অমসুং অরিবা ভেহিকলশিংবু ত্রান্সফোর্মেসন তৌবদা অচুম্বা ওপ্সন অমা পীগনি।
ক্লিন ইনর্জী অমসুং ক্লিন মোবিলিতী অসিনা ভারতকী তুংলমচৎ তাক্লি হায়না ফোংদোক্লদুনা শ্রী মোদীনা হায়খি মদুদি অসিগুম্বা হোৎনরিবশিং অসিগী খুত্থাংদা ভারত অসি ক্লিন ইনর্জী অমসুং ক্লিন মোবিলিতীগী থাজবা য়াবা হব অমা ওইনা খোঙজেল য়াংনা থোরক্লি।
মালেম অসিনা সপ্লাই চেনগী অৱাবা মায়োক্নরিবা মতম অসিদা, হৌখিবা চহি তরা অসিদা ভারতকী পোলিসীগী ৱারেপশিং অসি য়াম্না ইফেক্তিব ওইরে হায়না প্রধান মন্ত্রীনা ফোংদোকখি। ২০১৪দা লৈবাক্কী সেবা তৌবগী খুদোংচাবা ফংলবা মতুংদা, অসিগুম্বা অহোংবা পুরক্নবা শেম-শারিবা অদু নীংশিংলদুনা, প্রধান মন্ত্রীনা মেক ইন ইন্দিয়া কেম্পেন হৌদোকখিবা অমসুং গ্লোবেল অমসুং দোমেস্তিক মেনুফেকচরর অনিমক্কীদমক খুদোংচাবা পীরবা অকোয়রোন অমা শেমগৎপগী মতাংদা পনখি। মহাক্না হায়খি মদুদি ভারতনা মেনুফেকচরিং সেক্তরবু ইফিসিএন্ত অমসুং গ্লোবেল ওইনা কম্পিতিতিব ওইহন্নবা হোৎনরি। মহাক্না মখা তাখি মদুদি ভিজন অসিবু সপোর্ত তৌনবা ইন্দস্ত্রীএল কোরিদোরশিং শেমগৎলি অমসুং লৈবাক শীনবা থুংনা প্লগ-এন্দ-প্লে ইনফ্রাস্ত্রকচর অমসুং লোজিস্তিক পার্কশিং লিংখৎলি। প্রধান মন্ত্রীনা মখা তানা হায়খি মদুদি সেক্তর কয়াদা মেন্যুফেকচররশিংদা প্রদক্সন লিঙ্ক ইন্সেন্তিব স্কিমগী মখাদা কান্নবা পীরি।
অচৌবা রিফোর্মশিংগী খুত্থাংদা, ইনভেস্তরশিংনা থেংনরিবা মতম শাংনা লৈরক্লবা শীংনবশিং অসি কোকহনখ্রে হায়না পল্লদুনা শ্রী মোদীনা হায়খি মদুদি রিফোর্মশিং অসিনা ইনভেস্তরশিংনা ভারতকী মেন্যুফেকচরিংদা ইনভেস্ত তৌবদা হেন্না লায়হল্লে। মহাক্না হোৎনরিবশিং অসিগী ময়েক লারবা মহৈশিং অদু পনখি। মহাক্না হায়খি মদুদি চহি তরা অসিদা খক্তদা ভারত্তা ইলেক্ত্রোনিক্স পুথোকপা অসি চাদা ৫০০ হেনগৎলে। ২০১৪গা চাংদম্নবদা মোবাইল ফোন পুথোকপা ২,৭০০% হেনগৎলে হায়না পল্লদুনা প্রধান মন্ত্রীনা হায়খি মদুদি দিফেন্স পুথোকপা অসি হৌখিবা দিকেদ অমদা ২০০% হেনগৎলে। মহাক্না হায়খি মদুদি মসিগী মায় পাকপা অসিনা ভারত শিনবা থুংনা লৈরিবা রাজ্য পুম্নমকপু পুক্নিং থৌগৎলি অমসুং লৈবাক পুম্বদা কান্নবা পীগদবা রিফোর্ম অমসুং ইনভেস্তমেন্তকী মতাংদা রাজ্যশিংগী মরক্তা ফবা কম্পিতিসন অমা থোক্লক্লি। শ্রী মোদীনা রাজ্যশিংদা মালেমগী ইনভেস্তরশিংবু পুক্নিং চিংশিন্নবা ইজ ওফ দুইং বিজিনেসকা লোয়ননা দিবেলপমেন্ত প্রো পোলিসীশিং অমসুং রিফোর্মশিং পুথোক্নবা হায়খি।
"ভারতনা মসিদা তোক্কদবা নত্তে; ভারতনা নীংথিনা পরফোর্ম তৌখিবা সেক্তরশিংদা, হেন্না ফবা মগুন অমা ফংনবা পান্দম থমগনি" হায়না প্রধান মন্ত্রীনা ফোংদোকখি। সরকার অসিনা মসিগী খুমাং চাউশিনবা অসি পুরক্নবা মিসন মেন্যুফেকচরিংদা অখন্নবা মীৎয়েং থম্লি হায়না মহাক্না ফোংদোকখি। মহাক্না হায়খি মদুদি ভারতকী মীৎয়েং অসি হৌজিক তুংলমচৎকী ওইবা ইন্দস্ত্রীশিংদা ওন্থোক্কনি। লৈবাক শিনবা থুংনা প্লান্ত তরুক লিংখৎনবা শেম-শারিবা সেমিকন্দক্তর সেক্তরনা মতৌ করম্না খুমাং চাউশিল্লি হায়বগী মতাংদা পল্লদুনা শ্রী মোদীনা ভারত্তা সেমিকন্দক্তর মেন্যুফেকচরিং মখা তানা খুমাং চাউশিলহন্নবা হোৎনবদা অচেৎপা ৱাফম থমখি।
শ্রী মোদীনা হায়খি মদুদি অতাংবা আর্থ মেগনেৎশিংগী অৱাৎপা লৈবদগী অতো ইন্দস্ত্রীনা মায়োক্নরিবা শীংনবশিং অদুদসু ভারত সরকারনা মীৎয়েং চংখি। হীরম অসিদা লৈবাক্কী তৌবা ঙম্বশিং মপাঙ্গল কনখৎহন্নবা নেস্নেল ক্রিতিকেল মিনরেল মিসন হৌদোকখিবগী ৱাফম মহাক্না পনখি। মিসন অসিগী মখাদা, মরুওইবা মিনরেলশিং মশক খঙদোক্নবা ভারতকী তোঙান তোঙানবা মফমশিংদা এক্সপ্লোরেতরী কেম্পেন ১,২০০ হেন্না পাঙথোক্কনি।
প্রধান মন্ত্রীনা মথং চয়োলদা মহাক্না জাপানদা চৎকনি হায়না লাউথোকখি। ভারত অমসুং জাপানগী মরক্তা লৈনরিবা মরী অসি দিপ্লোমেতিক ওইবা মরীদগী হেন্দুনা চৎনবী অমসুং অমনা অমদা থাজবা থম্বদা য়ুম্ফম ওই হায়না মহাক্না অকনবা ৱাফম থমখি। মহাক্না হায়খি লৈবাক অনিমক্না অমনা অমগী চাউখৎ থৌরাংদা খুমাং চাউশিল্লকপা উরি। মারুতি সুজুকিগা লোয়ননা হৌখিবা খোঙচৎ অসি হৌজিক্তি বুলেৎ ত্রেনগী খোঙজেল য়ৌরে হায়না পল্লদুনা শ্রী মোদীনা হায়খি মদুদি ভারত-জাপান পার্তনরশিপকী ইন্দস্ত্রীএল পোতেন্সিএল অদু মপুং ফাহন্নবগী মরুওইবা খোঙথাং অসি গুজরাত্তা হৌখিবনি। হৌখ্রবা মতমবু নীংশিংলদুনা প্রধান মন্ত্রীনা হায়খি মদুদি চহি ২০গী মমাংদা ভাইব্রান্ত গুজরাত সমিৎ হৌদোকখিবা মতমদা, জাপান অসি মরুওইবা পার্তনর অমা ওইখি। গুজরাতকী মীয়াম্না মখোয়গী জাপানগী মরুপশিংবু মীনুংশি উৎপীবগীদমক মহাক্না থাগৎপা ফোংদোকখি। ইন্দস্ত্রীগা মরী লৈনবা চৎন-কাংলোনশিং অমসুং রিগুলেসনশিং অসি লায়না খঙবা ঙম্নবগীদমক জাপানিজদা ফোঙখ্রে হায়না প্রধান মন্ত্রীনা হায়খি। মহাক্না মখা তাখি মদুদি জাপানিজ গেস্তশিংগীদমক্তা নুংঙাইনা লৈহন্নবা জাপানিজ কুজিনগীদমক থৌরাং তৌখি। মহাক্না গোল্ফ শান্নবদা জাপানিজশিংনা য়াম্না থৱায় য়াওবা অদু খঙখি অমসুং মখোয়গী অপাম্বশিং অদু য়েংলগা অনৌবা গোল্ফ কোর্স ৭৮ শেমগৎলে হায়না ফোংদোকখি। শ্রী মোদীনা মখা তারদুনা হায়খি মদুদি ভারতকী কোলেজশিং অমসুং য়ুনিভর্সিতীশিংনা হৌজিক জাপানিজ লোলগী এজুকেসনদা অখন্নবা মীৎয়েং থম্লি।
ভারত অমসুং জাপানগী মরক্তা লৈরিবা পিপল-তু-পিপলগী মরী অসি মপাঙ্গল কনখৎহন্নবা ভারতনা হোৎনরি। লৈবাক অনিমক্না হৌজিক স্কিল দিবেলপমেন্ত অমসুং হ্যুমেন রিসোর্সশিংদা অমনা অমগী মথৌ তাবশিং মপুং ফাহনবা ঙম্লে হায়না প্রধান মন্ত্রীনা ফোংদোকখি। মহাক্না মারুতী সুজুকিগুম্বা কম্পনীশিংদা অসিগুম্বা থৌরাংশিংদা থৱায় য়াওনা শরুক য়াবা অমসুং নহারোলশিংগী মরক্তা এক্সচেঞ্জ প্রোগ্রামশিং প্রমোৎ তৌনবা হায়খি।
লাক্কদৌরিবা চহিশিংদা মরুওইবা সেক্তর পুম্নমক্তা মাংলোমদা চংশিনবগী তঙাইফদবা অদু পল্লদুনা প্রধান মন্ত্রীনা থাজবা ফোংদোকখি মদুদি ঙসিগী হোৎনরিবশিং অসিনা ২০৪৭ ফাওবদা চাউখৎলবা ভারত অমগী য়ুম্ফম অদু ৱাংখৎহল্লগনি। মহাক্না মসিগী পান্দম অসি ফংনবা হোৎনবদা জাপাননা থাজবা য়াবা পার্তনর অমা ওইখিগনি হায়না মহাক্কী থাজবা অদু ফোংদোক্লদুনা ৱারোইশিন পীখি।
গুজরাতকী মুখ্য মন্ত্রী শ্রী ভুপেন্দ্রভাই পতেল, ভারত্তা লৈবা জাপানগী এম্বেসেদর ঐচ. ই. মিস্তর ওনো কেচি, সুজুকি মোতোর কোরপোরেসনগী ওফিসিএলশিং লোয়ননা অতোপ্পা মশক নাইবা মীওইশিংনা থৌরম অদুদা শরুক য়াখি।
বেকগ্রাউন্দ
অহমদাবাদকী হন্সলপুরদা সুজুকি মোতর প্লান্তদা পুৱারি ওইনা মায়পাক্লবা থবক অনি প্রধান মন্ত্রীনা শঙ্গাখ্রে। হায়রিবা শিংথানিঙাই ওইরবা থবকশিং অসিনা মেক ইন ইন্দিয়া অমসুং অত্মনির্ভর ভারত লমদা প্রধান মন্ত্রীগী থাজবশিং থবক ওইনা পাংথোকপগা লোয়ননা মালেমদা ভারত গ্রিন মোবিলিতিগী মফম অমা ওইহল্লে।
মেক ইন ইন্দিয়া মাইপাকপগী অচৌবা খুদম অমদা, প্রধান মন্ত্রীনা সুজুকিগী মালেমদা অহানবা বেত্তরি ইলেক্ত্রিক গারি “ই ভিতারা” লমথাখ্রে। মেদ-ইন-ইন্দিয়া বেত্তরি ইলেক্ত্রিক ভেহিকল অসি য়ুরোপ অমসুং জাপানগুম্বা চাউখৎলবা কৈথেলশিং য়াওনা লৈবাক ১০০ হেনবদা থাদোক্কনি। মসিগী মাইপাকপা অসিগা লোয়ননা, হৌজিক ভারত সুজুকিগী মালেমগী ইলেক্ত্রিক গারিশিং শাফম ওইরগনি।
গ্রিন ইনর্জিগী লমদা অত্মনির্ভর ওইরক্নবা মাইকৈদা অচৌবা থবকশিং পায়খৎলদুনা, গুজরাত্ত তি.দি.এস লিথিয়ম-আইওন বেত্তরি প্লান্তদা লমদম অসিদা হায়ব্রিদ বেত্তরি ইলেক্ত্রোদশিং পুথোকপা হৌবগা লোয়ননা মথং তাঙ্কক্কী ভারতকী বেত্তরিগী থবকশিংসু প্রধান মন্ত্রীনা শঙ্গাখ্রে। তোসিবা, দেন্সো অমসুং সুজুকিগী অপুনবা ভেঞ্চর অমা ওইরিবা প্লান্ত অসিনা লৈবাক অসিদা মেনুফেকচরিং অমসুং ক্লিন ইনর্জি ইন্নোবেসন হেনগৎহনগনি। থবকশিং অসিনা বেত্তরি ভেলুগী চাদা ৮০ ভারত মনুংদা শারগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
Make in India, Make for the World. pic.twitter.com/KZsJB9qrKt
— PMO India (@PMOIndia) August 26, 2025
India has the power of democracy, the advantage of demography and a very large pool of skilled workforce, making it a win-win situation for every partner. pic.twitter.com/TggFpUSLlR
— PMO India (@PMOIndia) August 26, 2025
The world will drive EVs that say… Made in India! pic.twitter.com/HFDCW83sqV
— PMO India (@PMOIndia) August 26, 2025
The Make in India initiative has created a favourable environment for both global and domestic manufacturers. pic.twitter.com/1RjY3VYjVo
— PMO India (@PMOIndia) August 26, 2025
In the coming times, the focus will be on futuristic industries and India is taking off in the semiconductor sector. pic.twitter.com/oVQcksqurI
— PMO India (@PMOIndia) August 26, 2025
