প্রধান মন্ত্রী নরেন্দ্র মোদীনা হন্দক্কী ইকোন কোনবা মন কী বাত্তা মহাক্না থাজবা পীখিবগী মতুং ইন্না মহাক্কী অনৌবা অমসুং অপদেৎ তৌরবা ‘একজাম ৱারিয়র্স’কী ইদিসন মসিদা লৈরে। মসি তোঙান তোঙানবা প্লেৎফোর্মশিংদা প্রি-ওর্দর তৌনবা ফঙলগনি। অদোম্না মসিদা (https://amzn.to/3eaYOHH) নত্ত্রগা মসিদা (https://bit.ly/3eeUVl8) প্রি-ওর্দর তৌবা য়াগনি।
প্রধান মন্ত্রী নরেন্দ্র মোদীনা ইখিবা ২০১৮দা ফোঙখিবা লাইরিক ‘একজাম ৱারিয়র্স’কী অহানবা ইদিসন অসি মহাক্কী পুন্সি, একজামশিং অমসুং অতোপ্পা কয়াগী মতাংদা মহাক্কী ইথিল পীরিবা ৱাখল্লোনশিংগী অপুনবা অমনি। মসি লৌশিংবু থৌগৎনবা এনভাইর্নমেন্ত অমা শেম্বা অমসুং স্কোরকার্দশিংগী মহুৎ মহৈ হৈহৌবা হায়বা অসিনা ওইনা এজুকেসনগী মীৎয়েং থম্নবা হোৎনরিবা অমনি।
মসি ব্রেল ভর্জন য়াওনা লোল কয়াদা ফোঙখ্রে। মহৈরোইশিং, মমা-মপাশিং অমসুং ওজাশিংনা তরাম্না ওকখিবা অহানবা ইদিসন অসি বেস্তসেলর ওইখি।
হৌখিবা চহি অহুম অসিদা প্রধান মন্ত্রীনা এজুকেসন সেক্তরগা মরী লৈনবা মীওই কয়াগা লোইননা ৱারী শাখি অমসুং মখোয়না ইনপুৎ, ৱাখল্লোন অমসুং সজেসন কয়া পীরকখি।
মরু ওইনা লাইচৎ অসি থোক্লবা মতুংদা এজুকেসন সেক্তর য়াওনা সেক্তর খুদিংমক্তা মখা তানা নীংথিজনা মথৌ তৌহন্নবা প্রধান মন্ত্রী নরেন্দ্র মোদীনা ‘একজাম ৱারিয়র্স’কী অনৌবা ইদিসন অসি ইবা মথৌ তাই হায়না ফাওখি।
‘একজাম ৱারিয়র্স’কী অনৌবা ইদিসন অসিনা মেন্তেল হেল্থ, গোল-সেত্তিং অসিগুম্বা হীরমশিং শোক্তুনা ক্লাসরুমদগী হেন্দোক পাথোক্না চংশিল্লি। মমা-মপাশিংগীদমক প্রধান মন্ত্রী নরেন্দ্র মোদীনা ইমুং-মনুংশিংদা তেক্নোলোজীগী থৌদাং, পুক্নীং থৌগৎপীবা, মহৈরোইশিংগী মেন্তেল হেল্থ ফনা থম্বা অমসুং অতোপ্পা কয়াগী মতাংদা ইখি।
‘একজাম ৱারিয়র্স’কী অহানবা ইদিসন অসি মরু ওইনা লাইরিক অসিগী হীরম অমমমগা মরী লৈনবা ইন্তরেক্তিব এক্তিবিতীশিংগীদমক থাগৎনখি। অনৌবা ইদিসন অসি অসিগুম্বা অহেনবা এক্তিবিতী কয়াগা লোইননা হল্লক্লি অমসুং মসি নরেন্দ্র মোদী মোবাইল এপকী একজাম ৱারিয়র্স মোদ্যুলগা লোইননা ইন্তিগ্রেৎসু তৌরি।
এপ অসিদা য়াওরিবা একজাম ৱারিয়র্স মোদ্যুলনা লাইরিক অসিগী তেক-সোসিএল দাইমেনসন অমা ফংহল্লি।
অনৌবা অমসুং অপদেৎ তৌরবা ‘একজাম ৱারিয়র্স’কী ইদিসন অসি তোঙান তোঙানবা প্লেৎফোর্মশিংদা প্রি-ওর্দর তৌনবা ফংলগনি। অদোম্না মসিদা (https://amzn.to/3eaYOHH) নত্ত্রগা মসিদা (https://bit.ly/3eeUVl8) প্রি-ওর্দর তৌবা য়াগনি।
