പങ്കിടുക
 
Comments

നയരൂപീകരണത്തിന്റെ കാര്യത്തില്‍ ലോകമെമ്പാടുമുള്ള ഗവണ്‍മെന്റുകള്‍ക്ക് പുതിയ വെല്ലുവിളികളു മായാണ് കൊവിഡ് -19 മഹാമാരി വന്നെത്തിയത് . ഇന്ത്യയ്കും ഇത് അപവാദമല്ല. സുസ്ഥിരത ഉറപ്പുവരുത്തുന്നതിനൊപ്പം പൊതുജനക്ഷേമത്തിനായി ആവശ്യമായ വിഭവങ്ങള്‍ സ്വരൂപിക്കുന്നത് ഏറ്റവും വലിയ വെല്ലുവിളിയാണെന്ന് തെളിഞ്ഞിരിക്കുന്നു.

ലോകമെമ്പാടുമുള്ള സാമ്പത്തിക പ്രതിസന്ധിയുടെ ഈ പശ്ചാത്തലത്തിൽ 2020-21ല്‍ ഇന്ത്യന്‍ സംസ്ഥാനങ്ങള്‍ക്ക് കൂടുതല്‍ വായ്പയെടുക്കാന്‍ കഴിഞ്ഞുവെന്ന് നിങ്ങള്‍ക്കറിയാമോ? 2020-21 ല്‍ സംസ്ഥാനങ്ങള്‍ക്ക് 1.06 ലക്ഷം കോടി രൂപ അധികമായി സമാഹരിക്കാന്‍ കഴിഞ്ഞത് നിങ്ങളെ ആശ്ചര്യപ്പെടുത്തും. കേന്ദ്രത്തിന്റെയും , സംസ്ഥാനങ്ങളുടെയും പങ്കാളിത്ത സമീപനമാണ് വിഭവങ്ങളുടെ ലഭ്യതയില്‍ ഈ ഗണ്യമായ വര്‍ദ്ധന സാധ്യമാക്കിയത്.

കോവിഡ് മഹാമാരിയോടുള്ള നമ്മുടെ സാമ്പത്തിക പ്രതികരണം നാം രൂപപ്പെടുത്തിയപ്പോള്‍, നമ്മുടെ പരിഹാരങ്ങള്‍ ഒരേ അളവിലും എല്ലാവര്‍ക്കും യോജിക്കാവുന്ന വിധത്തിലുമാവുക എന്ന മാതൃക പിന്തുടരുന്നില്ലെന്ന് ഉറപ്പാക്കാന്‍ ഞങ്ങള്‍ ആഗ്രഹിച്ചു. ഭൂഖണ്ഡാന്തര തലങ്ങളുള്ള ഒരു ഫെഡറല്‍ രാജ്യത്തെ സംബന്ധിച്ചിടത്തോളം, സംസ്ഥാന ഗവണ്‍മെന്റുകളുടെ പരിഷ്‌കാരങ്ങള്‍ പ്രോത്സാഹിപ്പിക്കുന്നതിന് ദേശീയ തലത്തില്‍ നയ സാമഗ്രികൾ കണ്ടെത്തുന്നത് തീര്‍ച്ചയായും വെല്ലുവിളിയാണ്. പക്ഷേ, നമ്മുടെ ഫെഡറല്‍ രാഷ്ട്രീയത്തിന്റെ കരുത്തില്‍ ഞങ്ങള്‍ക്ക് വിശ്വാസമുണ്ടായിരുന്നു, കേന്ദ്രവും സംസ്ഥാനങ്ങളും തമ്മിലുള്ള നല്ല ബന്ധത്തിലാണ് ഞങ്ങള്‍ മുന്നോട്ട് നീങ്ങിയത്.

2020 മേയില്‍, ആത്മനിര്‍ഭര്‍ ഭാരത് പാക്കേജിന്റെ ഭാഗമായി, 2020-21 വര്‍ഷത്തേക്ക് സംസ്ഥാന ഗവണ്‍മെന്റുകള്‍ക്ക് വർധിച്ച വായ്പയെടുപ്പ് അനുവദിക്കുമെന്ന് കേന്ദ്ര ഗവണ്‍മെന്റ് പ്രഖ്യാപിച്ചു. ജി എസ്സ് ഡി പി യുടെ 2 % അധികമായി അനുവദിച്ചു, അതില്‍ ഒരു ശതമാനത്തിനു ചില സാമ്പത്തിക പരിഷ്‌കാരങ്ങള്‍ നടപ്പാക്കുന്നതിന് നിബന്ധനയുണ്ട്. അധിക ഫണ്ട് ലഭിക്കുന്നതിന് പുരോഗമന നയങ്ങള്‍ സ്വീകരിക്കാന്‍ സംസ്ഥാനങ്ങളെ പ്രേരിപ്പിക്കുന്ന ഒരു സീപനമാണിത്. ഈ പ്രവര്‍ത്തനത്തിന്റെ ഫലങ്ങള്‍ പ്രോത്സാഹജനകമായിരുന്നുവെന്ന് മാത്രമല്ല, മികച്ച സാമ്പത്തിക നയങ്ങള്‍ സ്വീകരിക്കുന്നത് പരിമിതമായിട്ടാണെന്ന ധാരണയ്ക്ക് വിരുദ്ധവുമായി മാറി.


അധിക വായ്പകളുമായി ബന്ധപ്പെട്ട നാല് പരിഷ്‌കാരങ്ങള്‍ക്ക് (ജിഡിപിയുടെ 0.25% ഓരോന്നുമായും ബന്ധിപ്പിച്ചിരിക്കുന്നു) രണ്ട് സ്വഭാവങ്ങളുണ്ട്. ഒന്നാമതായി, ഓരോ പരിഷ്‌കാരങ്ങളും പൊതുജനങ്ങള്‍ക്കും പ്രത്യേകിച്ച് ദരിദ്രര്‍, ദുര്‍ബലര്‍, മധ്യവര്‍ഗക്കാര്‍ എന്നിവരുടെ ജീവിതം സുഗമമാക്കൽ
മെച്ചപ്പെടുത്തുന്നതുമായി ബന്ധപ്പെട്ടിരിക്കുന്നു. രണ്ടാമതായി, അവ ധനപരമായ സുസ്ഥിരതയും പ്രോത്സാഹിപ്പിച്ചു.

കുടിയേറ്റ തൊഴിലാളികള്‍ക്ക് രാജ്യത്ത് എവിടെ നിന്നും റേഷന്‍ സാധനങ്ങൾ എടുക്കാന്‍ കഴിയും എന്നതാണ് ഒരു രാഷ്ട്രം ഒരു റേഷന്‍ കാര്‍ഡിന്റെ പ്രധാന നേട്ടം. പൗരന്മാര്‍ക്ക് ഈ ആനുകൂല്യങ്ങള്‍ കൂടാതെ, വ്യാജ കാര്‍ഡുകളും ഡ്യൂപ്ലിക്കേറ്റ് അംഗങ്ങളെയും ഇല്ലാതാക്കുന്നതിലൂടെ സാമ്പത്തിക നേട്ടമുണ്ട്. 17 സംസ്ഥാനങ്ങള്‍ ഈ പരിഷ്‌കരണം പൂര്‍ത്തിയാക്കി, കൂടാതെ 37,600 കോടി. രൂപയുടെ അധിക വായ്പയും അനുവദിച്ചു.


വ്യവസായ നടത്തിപ്പ് സുഗമമാക്കൽ മെച്ചപ്പെടുത്തുന്നതിന് ലക്ഷ്യമിട്ട്, ലൈസന്‍സുകള്‍ പുതുക്കുന്നത് സ്വപ്രേരിതവും ഓണ്‍ലൈനും വിവേചനരഹിതവുമാക്കിയിട്ടുണ്ടെന്ന് ഉറപ്പുവരുത്തേണ്ടതുണ്ട്. കമ്പ്യൂട്ടര്‍വല്‍കൃത പരിശോധനാ സംവിധാനം നടപ്പിലാക്കുക, ഉപദ്രവവും അഴിമതിയും കുറയ്ക്കുന്നതിന് പരിശോധനയുടെ മുന്‍കൂട്ടി അറിയിപ്പ് എന്നിവയായിരുന്നു മറ്റൊരു ആവശ്യം. ഈ പരിഷ്‌കരണം (19 നിയമങ്ങള്‍ ഉള്‍ക്കൊള്ളുന്നു) 'ഇന്‍സ്‌പെക്ടര്‍ രാജി'ന്റെ ഭാരം ഏറ്റവും കൂടുതല്‍ അനുഭവിക്കുന്ന സൂക്ഷ്മ, ചെറുകിട സംരംഭങ്ങള്‍ക്ക് പ്രത്യേക സഹായമാണ്. മെച്ചപ്പെട്ട നിക്ഷേപ കാലാവസ്ഥ, കൂടുതല്‍ നിക്ഷേപം, വേഗത്തിലുള്ള വളര്‍ച്ച എന്നിവയും ഇത് പ്രോത്സാഹിപ്പിക്കുന്നു. 20 സംസ്ഥാനങ്ങള്‍ ഈ പരിഷ്‌കരണം പൂര്‍ത്തിയാക്കി.

15-ാം ധനകാര്യ കമ്മീഷനും നിരവധി അക്കാദമിക് വിദഗ്ധരും സ്വത്ത്‌ നികുതിയുടെ നിര്‍ണായക പ്രാധാന്യംഊന്നിപ്പറഞ്ഞു. മൂന്നാമത്തെ പരിഷ്‌കരണത്തിന് സംസ്ഥാനങ്ങളില്‍ ഭൂനികുതി, ജല, മലിനജല നിരക്കുകള്‍ എന്നിവ വിജ്ഞാപനം ചെയ്യേണ്ടതുണ്ട്. നഗര പ്രദേശങ്ങളില്‍ ഭൂമി ഇടപാടുകള്‍ക്കും നിലവിലെ ചെലവുകള്‍ക്കുമുള്ള സ്റ്റാമ്പ് ഡ്യൂട്ടി മാര്‍ഗ്ഗനിര്‍ദ്ദേശ മൂല്യങ്ങള്‍ക്ക് അനുസൃതമായിരിക്കും ഈ പരിഷ്‌കരണം. ഇത് നഗരത്തിലെ ദരിദ്രര്‍ക്കും മധ്യവര്‍ഗത്തിനും മെച്ചപ്പെട്ട സേവന നിലവാരത്തെ പ്രാപ്തമാക്കുകയും മികച്ച അടിസ്ഥാന സൗകര്യങ്ങളെ പിന്തുണയ്ക്കുകയും വളര്‍ച്ചയെ ഉത്തേജിപ്പിക്കുകയും ചെയ്യും. സ്വത്ത്‌ നികുതിയും അതിന്റെ നടപ്പാക്കലിൽ പുരോഗമനപരമാണ്, അതിനാല്‍ നഗരങ്ങളിലെ ദരിദ്രര്‍ക്ക് ഏറ്റവും പ്രയോജനം ലഭിക്കും. വേതനം നല്‍കുന്നതില്‍ കാലതാമസം നേരിടുന്ന മുനിസിപ്പല്‍ ജീവനക്കാര്‍ക്കും ഈ പരിഷ്‌കരണം ഗുണം ചെയ്യുന്നു. 11 സംസ്ഥാനങ്ങള്‍ ഈ പരിഷ്‌കാരങ്ങള്‍ പൂര്‍ത്തിയാക്കി.

കൃഷിക്കാര്‍ക്ക് സൗജന്യ വൈദ്യുതി വിതരണത്തിന് പകരമായി നേരിട്ട് ആനുകൂല്യ കൈമാറ്റം (ഡിബിടി) ഏര്‍പ്പെടുത്തുന്നതാണ് നാലാമത്തെ പരിഷ്‌കരണം. വര്‍ഷാവസാനത്തോടെ ഒരു ജില്ലയില്‍ പൈലറ്റ് അടിസ്ഥാനത്തില്‍ യഥാര്‍ത്ഥ നടപ്പാക്കലിനൊപ്പം സംസ്ഥാന വ്യാപകമായി പദ്ധതി ആവിഷ്‌കരിക്കണമെന്നായിരുന്നു നിബന്ധന. ജിഎസ്ഡിപിയുടെ 0.15% അധിക വായ്പയെടുക്കല്‍ ഇതുമായി ബന്ധപ്പെട്ടിരിക്കുന്നു. സാങ്കേതികവും വാണിജ്യപരവുമായ നഷ്ടം കുറയ്ക്കുന്നതിന് ഒരു ഘടകവും വരുമാനവും ചെലവും തമ്മിലുള്ള അന്തരം കുറയ്ക്കുന്നതിന് മറ്റൊന്നും നല്‍കിയിട്ടുണ്ട്. (ഓരോന്നിനും ജിഎസ്ഡിപിയുടെ 0.05%). ഇത് വിതരണ കമ്പനികളുടെ ധനസ്ഥിതി മെച്ചപ്പെടുത്തുകയും ജലത്തിന്റെയും ഊര്‍ജ്ജത്തിന്റെയും സംരക്ഷണം പ്രോത്സാഹിപ്പിക്കുകയും മികച്ച സാമ്പത്തിക, സാങ്കേതിക പ്രകടനത്തിലൂടെ സേവന നിലവാരം മെച്ചപ്പെടുത്തുകയും ചെയ്യുന്നു. 13 സംസ്ഥാനങ്ങള്‍ കുറഞ്ഞത് ഒരു ഘടകമെങ്കിലും നടപ്പാക്കി, 6 സംസ്ഥാനങ്ങള്‍ ഡിബിടി ഘടകം നടപ്പാക്കി. തല്‍ഫലമായി, 13,201 കോടി അധിക വായ്പ അനുവദിച്ചു.


മൊത്തത്തില്‍, 23 സംസ്ഥാനങ്ങൾ മൊത്തമുള്ള 2.14 ലക്ഷം കോടി രൂപയിൽ 1 .06 ലക്ഷം കോടി രൂപ അധിക വായ്പയെടുത്തിട്ടുണ്ട്. . തല്‍ഫലമായി, 2020-21 (നിബന്ധനയില്ലാത്തതും നിരുപാധികവുമായ) വായ്പയായി സംസ്ഥാനങ്ങള്‍ക്ക് അനുവദിച്ച മൊത്തം വായ്പ അനുമതി തുടക്കത്തില്‍ കണക്കാക്കിയ ജിഎസ്ഡിപിയുടെ 4.5% ആയിരുന്നു.

നമ്മുടേത് പോലെ സങ്കീര്‍ണ്ണമായ വെല്ലുവിളികളുള്ള ഒരു വലിയ രാജ്യത്തിന്, ഇത് ഒരു അസാധാരണമായ അനുഭവമായിരുന്നു. വിവിധ കാരണങ്ങളാല്‍, പദ്ധതികളും പരിഷ്‌കാരങ്ങളും വര്‍ഷങ്ങളോളം പ്രവര്‍ത്തനരഹിതമായി തുടരുന്നതായി നാം പലപ്പോഴും കണ്ടിട്ടുണ്ട്. പകര്‍ച്ചവ്യാധികള്‍ക്കിടയില്‍ ചുരുങ്ങിയ സമയത്തിനുള്ളില്‍ പൊതു സൗഹൃദപരമായ പരിഷ്‌കാരങ്ങള്‍ നടപ്പാക്കാന്‍ കേന്ദ്രവും സംസ്ഥാനങ്ങളും ഒത്തുചേര്‍ന്നത് ഭൂതകാലത്തില്‍ നിന്നുള്ള മനോഹരമായ ഒരു വ്യതിയാനമായിരുന്നു. .
ഈ പരിഷ്‌കാരങ്ങള്‍ക്കായി പ്രവര്‍ത്തിക്കുന്ന ഉദ്യോഗസ്ഥര്‍ ഈ അധിക ഫണ്ടുകളുടെ പ്രോത്സാഹനമില്ലെങ്കില്‍, ഈ നയങ്ങള്‍ നടപ്പാക്കാന്‍ വര്‍ഷങ്ങളെടുക്കുമെന്ന് അഭിപ്രായപ്പെടുന്നു. 'ബോധ്യവും പ്രോത്സാഹനവും അനുസരിച്ചുള്ള പരിഷ്‌കാരങ്ങളുടെ' പുതിയ മാതൃകയാണിത്. തങ്ങളുടെ പൗരന്മാരുടെ നന്മയ്ക്കായി ദുഷ്‌കരമായ സമയങ്ങള്‍ക്കിടയില്‍ ഈ നയങ്ങള്‍ നടപ്പാക്കുന്നതില്‍ മുന്‍കൈയെടുത്ത എല്ലാ സംസ്ഥാനങ്ങളോടും എനിക്കു നന്ദിയുണ്ട്. 130 കോടി ഇന്ത്യക്കാരുടെ ദ്രുതഗതിയിലുള്ള പുരോഗതിക്കായി നാം ഒരുമിച്ച് പ്രവര്‍ത്തിക്കുന്നത് തുടരും.

 

സേവനത്തിന്റെയും സമർപ്പണത്തിന്റെയും 20 വർഷങ്ങൾ നിർവ്വചിക്കുന്ന 20 ചിത്രങ്ങൾ
Explore More
നടന്നു പോയിക്കോളും എന്ന മനോഭാവം മാറ്റാനുള്ള സമയമാണിത്, മാറ്റം വരുത്താനാവും എന്ന് ചിന്തിക്കുക: പ്രധാനമന്ത്രി മോദി

ജനപ്രിയ പ്രസംഗങ്ങൾ

നടന്നു പോയിക്കോളും എന്ന മനോഭാവം മാറ്റാനുള്ള സമയമാണിത്, മാറ്റം വരുത്താനാവും എന്ന് ചിന്തിക്കുക: പ്രധാനമന്ത്രി മോദി
India's forex kitty increases by $289 mln to $640.40 bln

Media Coverage

India's forex kitty increases by $289 mln to $640.40 bln
...

Nm on the go

Always be the first to hear from the PM. Get the App Now!
...
ഇന്ത്യയിലെ 100 കോടി കോവിഡ് വാക്സിൻ ഡോസുകൾ ജനകീയ പങ്കാളിത്തത്തിലൂടെ എന്തെല്ലാം നേടാൻ കഴിയുമെന്നതിന്റെ തെളിവാണ് (നരേന്ദ്ര മോദി)
October 22, 2021
പങ്കിടുക
 
Comments

ന്യൂഡൽഹി ∙ കോവിഡ് വാക്സിനേഷൻ 100 കോടിയെന്ന ചരിത്ര മുഹൂർത്തം കഠിനവും അസാധാരണവുമായ നേട്ടമെന്നു പ്രധാനമന്ത്രി നരേന്ദ്ര മോദി. രാജ്യത്തെ അഭിസംബോധന ചെയ്യുമ്പോഴാണ് മോദി വാക്സിനേഷൻ നേട്ടത്തെക്കുറിച്ചു സംസാരിച്ചത്. ഓരോ ഇന്ത്യക്കാരന്റെയും നേട്ടമാണിത്. ഇന്ത്യയുടെ വാക്സിനേഷന്‍ യജ്ഞത്തില്‍ പലര്‍ക്കും സംശയമുണ്ടായിരുന്നു. അവരുടെ ചോദ്യങ്ങള്‍ക്ക് ഇതാ ഉത്തരമായെന്നും പ്രധാനമന്ത്രി പറഞ്ഞു.

ഒക്ടോബർ 21ന് ഇന്ത്യ 100 കോടി വാക്സിനേഷൻ നടപ്പാക്കി ചരിത്രം രചിച്ചു. ഇതാണ് പുതിയ ഇന്ത്യ. നൂറു കോടി വാക്സീൻ എന്നത് വെറും അക്കം മാത്രമല്ല. ഇത് ചരിത്രത്തിന്റെ ഭാഗം കൂടിയാണ്. ഏതു കഠിനമായ ലക്ഷ്യവും രാജ്യത്തിനു വിജയകരമായി കൈവരിക്കാമെന്നതിന്റെ ഉദാഹരണമാണിത്. ലക്ഷ്യങ്ങൾ നേടിയെടുക്കുന്നതിൽ രാജ്യം പ്രയത്നിക്കുമെന്നതിന്റെ ഉദാഹരണം. രാജ്യത്തെ ഓരോ പൗരന്മാരെയും ഈ നേട്ടം കൈവരിച്ചതിൽ അഭിനന്ദിക്കുന്നു. ഇന്ത്യയെങ്ങനെ മഹാമാരിയെ നേരിടും, ഇന്ത്യയ്ക്ക് വാക്സീൻ ലഭിക്കുമോ എന്നൊക്കെ മുൻപ് ചോദ്യങ്ങൾ ഉയർന്നിരുന്നു. 100 കോടി വാക്സീൻ എന്നത് ഇതിനെല്ലാം മറുപടി നൽകുന്നു. വാക്സിനേഷൻ യജ്ഞത്തിൽ വിഐപി സംസ്കാരം കടന്നുവരാതിരിക്കാൻ ശ്രമമുണ്ടായി. എല്ലാവരെയും ഒരു പോലെയാണ് ഇതിൽ പരിഗണിച്ചതെന്നും മോദി പറഞ്ഞു.

ശാസ്ത്രീയ മാർഗങ്ങളിൽ, ശാസ്ത്രത്താൽ നയിച്ച വാക്സിനേഷൻ യജ്ഞമാണ് നടപ്പായതെന്നതിൽ നമുക്ക് അഭിമാനിക്കാം. ശാസ്ത്രീയ രീതികൾ അടിസ്ഥാനമാക്കിയാണ് ഇത് മുന്നോട്ടുപോകുന്നതും. എല്ലായിടത്തും ഇപ്പോൾ ശുഭാപ്തി വിശ്വാസമാണ് പരക്കുന്നത്. മെയ്ഡ് ഇൻ ഇന്ത്യ എന്ന സംസാരമാണ് ഇന്ന് എവിടെയുമുള്ളത്. ഇന്ത്യയിലും പുറത്തുമുള്ള വിദഗ്ധർ ഇന്ത്യയുെട സാമ്പത്തികരംഗത്തെക്കുറിച്ച് ശുഭപ്രതീക്ഷയിലാണ്. ഇന്ത്യൻ കമ്പനികളിലേക്ക് റെക്കോർഡ് നിക്ഷേപം ഉണ്ടാകുന്നതിനൊപ്പം യുവാക്കൾക്ക് പുതിയ തൊഴിലവസരങ്ങളും സൃഷ്ടിക്കപ്പെടുന്നു. കോവിഡിൽനിന്ന് ഇന്ത്യ കൂടുതൽ സുരക്ഷിതമാണെന്ന് ലോകം വീക്ഷിക്കും. ഒരു ഫാർമ ഹബ് എന്ന നിലയിൽ ഇന്ത്യയ്ക്ക് കൂടുതൽ സ്ഥാനം കൈവരും.

തദ്ദേശീയ ഉല്‍പനങ്ങള്‍ വാങ്ങുന്നത് ശീലമാക്കണം. കയ്യടിച്ചാലും വിളക്ക് കത്തിച്ചാലും കോവിഡ് പോകുമോ എന്ന് പരിഹസിച്ചവരുണ്ട്. അതെല്ലാം ഐക്യത്തിനുള്ള യജ്ഞമായിരുന്നുവെന്നും പ്രധാനമന്ത്രി പറഞ്ഞു. ചൈനയ്ക്കു പിന്നാലെയാണ് ഇന്ത്യയും 100 കോടി വാക്സിനേഷൻ എന്ന റെക്കോർഡ് കുറിച്ചത്.

പ്രധാനമന്ത്രിയുടെ പ്രസംഗത്തിൽനിന്ന്

∙ 100 കോടി പേർക്ക് ഇന്ത്യ വാക്സീൻ നൽകിയത് സൗജന്യമായാണ് എന്നതു പ്രത്യേകതയാണ്
∙ മരുന്നുൽപാദന ഹബ് എന്ന നിലയിൽ ലോകത്ത് ഇന്ത്യയ്ക്ക് കൂടുതൽ സ്വീകാര്യത കിട്ടും.
∙ സർക്കാരും ജനങ്ങളും ഒത്തുപിടിച്ചാൽ അസാധ്യമായത് ഒന്നുമില്ലെന്നതിനു തെളിവാണ് ഈ നേട്ടം.
∙ ശാസ്ത്രത്തോടും പുതിയ കണ്ടുപിടിത്തങ്ങളോടും സാങ്കേതികവിദ്യയോടും ഇന്ത്യക്കാർ കാണിച്ച വിശ്വാസ്യതയാണ് റെക്കോർഡ് വാക്സിനേഷനു സഹായിച്ചത്.
∙ വാക്സീൻ വിമുഖതയാണ് പല രാജ്യങ്ങളും നേരിടുന്ന പ്രതിസന്ധി. എന്നാൽ ജനങ്ങളുടെ പങ്കാളിത്തത്തോടെയാണ് ഇന്ത്യ കോവിഡ് പ്രതിരോധം മികച്ചതാക്കിയത്. ഇതു കൂട്ടായ്മയുടെ വിജയമാണ്.
∙ കടുത്ത കോവിഡ് നിയന്ത്രണങ്ങൾ കൊണ്ടുവന്നപ്പോൾ എല്ലാവരും ചോദിച്ചു, ഇതെങ്ങനെ നടപ്പാക്കുമെന്ന്. പക്ഷേ നമ്മുടേത് ജനാധിപത്യ രാജ്യമാണ്. ഈ നിയന്ത്രണങ്ങൾ എല്ലാവർക്കും വേണ്ടിയാണെന്നു ജനം തിരിച്ചറിഞ്ഞു, അനുസരിച്ചു.
∙ പലതരം സമ്മർദങ്ങളുണ്ടായിട്ടും, സർക്കാരിന്റെ മുൻ പദ്ധതികളെപ്പോലെ വാക്സിനേഷനിലും വിഐപി സംസ്കാരം നടപ്പാക്കിയില്ല.
∙ 100 കോടി എന്നതു വെറുമൊരു സംഖ്യയല്ല. പുതിയ ഇന്ത്യയുടെ, പുതിയ അധ്യായത്തിന്റെ തുടക്കമാണ്.
∙ പുതിയ ഇന്ത്യയുടെ പ്രതിഫലനമാണ് ഈ നേട്ടം. മഹത്തായ നേട്ടമാണിത്.
∙ നമ്മുടെ രാജ്യം അതിന്റെ കടമ നിർവഹിച്ചു. ലോകം ഇന്ത്യയുടെ ഉദ്യമത്തിനു കയ്യടിക്കുകയാണ്.