نئی دہلی، 28 /جون۔ سفیر محترمہ نکی ہالے، جو اقوام متحدہ کی مستقل نمائندہ ہیں، انھوں نے کل وزیراعظم سے ملاقات کی ہے۔
سفیر ہالے نے صدر ٹرمپ کی جانب سے نیک خواہشات پیش کیں۔ وزیراعظم نے ان سے گزارش کی کہ وہ بھی صدر ٹرمپ تک ان کی نیک خواہشات پہنچادیں، وزیراعظم نے اس موقع پر صدر موصوف سے اپنی سابقہ ملاقاتوں اور گفت و شنید کا بھی گرم جوشی سے ذکر کیا۔
سفیر ہالے نے کہا کہ بھارت اور امریکہ خصوصاً کلیدی اور دفاعی شعبوں میں مضبوط ہوتے ہوئے باہمی تعلقات قابل ذکر ہیں۔ دونوں رہنماؤں نے بھارت- امریکہ تعاون بشمول انسداد دہشت گردی اور بین الاقوامی فورموں میں ایک دوسرے کی حمایت کے موضوعات پر تبادلہ خیالات کئے۔ دونوں رہنماؤں نے اس اعتماد کا اظہار کیا کہ بھارت- امریکہ مضبوط شراکت داری عالمی امن اور خوش حالی کے لئے ایک اہم عنصر کی حیثیت رکھتی ہے اور مستقبل میں بھی یہی حیثیت برقرار رہے گی۔
وزیراعظم نے کہا کہ صدر ٹرمپ کی جنوب ایشیا اور بھارت – پیسیفک حکمت عملیاں لائق ستائش ہیں اور وزیراعظم نے کوریا جزیرہ نما نیوکلیائی ہتھیاروں سے مبرا کرنے کے لئے کئے گئے اقدامات کی بھی تعریف کی۔
