য়ুনাইতেদ নেসন্সদা য়ুনাইতেদ স্তেতসকী পর্মনেন্ত রিপ্রজেন্তিব এম্বাসেদর শ্রীমতি নিক্কি হেলিনা ঙসি প্রধান মন্ত্রী মোদীগা উন্নখ্রে।
এম্বাসেদর হেলিনা রাষ্ট্রপতি ত্রম্পকী মায়কৈদগী য়াইফ পাওজেল পুরকখি। প্রধান মন্ত্রীনা মহাকপু রাষ্ট্রপতি ত্রম্পকী মফমদা মহাক্কী মায়কৈদগী য়াইফা পাওজেল পুখিনবা হায়জখি অমদি মমাংদা পাংথোকখিবা মখোয়গী মীফমশিং অমসুং ৱারি শান্নখিবশিং অদু নৌহৌনা নিংশিংখি।
এম্বাসেদর হেলিনা ভারত অমসুং য়ু এসকী মরক্তা অখন্ননা স্ত্রেতেজিক অমসুং দিফেন্স সেক্তরদা লৈরিবা অচেৎপা মরি অদু নোৎ তৌখি। শক্নাইরবা অনিমক্না তেরোরিজম থেংনবা অমসুং মল্তিলেতরেল ফোরা য়াওনা ইন্দিয়া-য়ু এস কোওপরেসন হেঙ্গৎহন্নবা লম্বীশিং খন্নখি। ভারত-য়ু এসকী অকনবা পার্তনরশিপনা মখা তানা মালেমদা শান্তি অমসুং চাওখৎপা পুরক্নবগী মরুওইবা ফেক্তর অমা ওইগনি হায়না মখোয়না থাজবা ফোংদোকখি।
প্রধান মন্ত্রীনা রাষ্ট্রপতি ত্রম্পকী সাউথ এসিয়া অমসুং ইন্দো পেসিফিক স্ত্রেতেজিশিং অদু থাগৎপা ফোংদোকখি অমদি কোরিয়ান পেনিনসুলাগী দিন্যুক্লিরাইজেসনদা মহাক্কী ইনিসিয়েতিব অদুদা পুক্নিং থৌগৎখি।
