ঙসি প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুৎথাংদা লৈবাক অসিগী মীয়ামদা ৱা ঙাংখ্রে। শক্তি ইরাৎ থৌনিবগী কুহ্মৈ, নবরাত্রি হৌরকপদা মীয়ামদা য়াইফ পাউজেল পীরদুনা, প্রধান মন্ত্রীনা হায়খি নবরাত্রিগী অহানবা নুমিত্তগী, লৈবাক অসিনা অত্মনির্ভর ভারত কেম্পেনগী মাইকৈদা খোঙথাং অমা থাংজিল্লগনি। সেপ্তেম্বর ২২ গী নুমিৎ হেক থোকপদা, লৈবাক অসিদা অনৌবা জি.এস.তি চৎনরগনি। মসি ভারত শীনবা থুংনা জি.এস.তি বচত উৎসব অমগী অহৌবনি। কুহ্মৈ অসিনা শেন তুংশিনবা হেনগৎহনগনি অমসুং মখোয়না পামজবা পোৎলমশিং লৈবদা মসিনা মীয়াম লাইহল্লগনি। শেন তুংশিনবগী কুহ্মৈ অসি লায়রবা, মিদল ক্লাস, নিও মিদল ক্লাস, নহারোলশিং, লৌমীশিং, দুকান ফম্লিবশিং, ললোনবশিং অমসুং ওন্ত্রেপ্রেন্যুরশিং চপ মান্ননা য়ৌগনি। কুহ্মৈগী মতম অসিদা, য়ুমথোং খুদিংমক হরাওবা হেনগৎলগনি। জি.এস.তিগী অওনবশিং অমসুং জি.এস.তি সেভিংস ফেষ্টিবেলগীদমক লৈবাক শীনবা থুংবগী ইমুং করোর কয়াদা য়াইফ পাউজেল পীজরি। হায়রিবা অওনবশিং অসিনা ভারতকী চাউখৎপগী ৱারি য়াংখৎহনগনি, ললোন-ইতিক লাইহনগনি, শেন হেন্না থাদগনি অমসুং চাউখৎপগী লমজেলদা রাজ্য খুদিংমক চপ মান্নবা খোঙলোয় ওইগনি।
২০১৭ দা লৈবাক অসিনা অহানবা ওইনা জি.এস.তিগী অওনবা পুরক্নবা থবকশিং পায়খৎখিবা অদু নিংশিংলদুনা, প্রধান মন্ত্রীনা হায়খি অরিবা পন্দুব অমা লোইশিনখ্রে অমসুং লৈবাক্কী শেন্মিৎলোনগী পুৱারিদা অনৌবা অমা হৌরে। চহি কয়া মীয়াম অমসুং ললোনবশিং ওকত্রোই, ইন্ত্রি তেক্স, সেলস তেক্স, একসাইজ, ভেত অমসুং সর্বিস তেক্স য়াওনা তেক্স কয়াগী মরক্ত চপখি অমসুং লৈবাক শীনবা থুংনা লেভিস কয়া লৌখি। পোৎ-চৈশিং সহর অমদগী সহর অমদা পুবদ চেকপোইন্ত কয়া ফাওবা, ফোর্ম কয়া মেনবা অমসুং মফম খুদিংমক্ত তোঙান তোঙানবা তেক্স রুলশিং ইনবা দরকার ওইখি। মহাক্না ২০১৪ দা প্রধান মন্ত্রীগী ফম পায়রকপদা থেংনখিবা ৱারি অমা নিংশিংলদুনা, প্রধান মন্ত্রীনা মপানগী পাউচে অমদা ফোঙখিবা অমা খুদম ওইনা পীখি। কিমি ৫৭০ খক লাপ্পা- বেঙ্গালুরুদগী হায়দ্রবাদ ফাওবা পোৎ-চৈশিং পুথোক-পুশিন তৌয়দা কম্পেনি অমনা থেংনরিবা অৱাবা আর্তিকল অদুদা ফোঙদোকখি অমসুং মসি পোৎ-চৈশিং জহাজদা বেঙ্গালুরুদগী য়ুরোপ ফাওবা পুরগা অমুক হায়দ্রবাদতা পুরকপনা হেন্না খুদোংচাখি।
প্রধান মন্ত্রীনা হায়খি তেক্সশিং অমসুং তোলশিংগী চয়েৎনবদগী অসিগুম্বা ফিবমশিং থেংনবনি। মমাঙদা পনখিবা খুদম অদু অসিগুম্বা মশিং থিঙমদ্রবা থৌদোকশিংগী মনুংদা অমনি। তেক্স মখল কয়া লৌবনা মরম ওইদুনা কম্পেনি লাখ কয়া অমসুং মীয়াম করোর কয়া নুমিৎ খুদিংগী অৱাবা মায়োক্নখি। সহর অমদগী সহর অমদা পোৎ-চৈ পুবগী চাদিং হেনগৎপগী অৱাবা লায়রবশিংনা পুখি অমসুং মীয়ামদগী শেনফম অদু খোমগৎখি।
প্রধান মন্ত্রীনা হায়খি মমাঙদা লৈরম্বা তেক্সকী অরুবশিংদগী লৈবাক অসি মনিংতমহনবা অসি তঙাইফদে। ২০১৪ দা সরকার পায়বদগী, মীয়াম অমসুং লৈবাক্কী য়াইফনবা সরকারনা জি.এস.তি মরুওইনা লৌখি। মরী লৈনবশিংনা য়াম্না কুপ্না খন্ন-নৈনবশিং পাংথোকখি, রাজ্যশিংনা পুখৎলকপা ৱাফম খুদিংমক খন্নখি অমসুং ৱাহং খুদিংমক্কী পাউখুম ফংখি। রাজ্য পুম্নমক পুনশিন্দুনা নিংতম্লবা ভারত্ত অসিগুম্বা অচৌবা তেক্সকী অওনবা অমা পুরকখিবনি। কেন্দ্র অমসুং রাজ্যগী অপুনবা থবকশিংগী ফলনা লৈবাক অসি তোঙান তোঙানবা তেক্সশিং লৌবা তোকখিবনি অমসুং লৈবাক শীনবা থুংনা চপ মান্নবা থবক অমা চৎনখিবনি। লৈবাক অমা-তেক্স অমগী মঙলান মঙফাওনরে।
প্রধান মন্ত্রীনা হায়খি অওনবা অসি লেপ্তনা চৎথবা থবক অমনি, অমসুং মতমগী অহোংবা লাকপগা লোয়ননা, লৈবাক অসিগী দরকার ওইবশিং অহোংবা লাকই, তুংগী মীরোলশিংগী জি.এস.তিগী অওনবশিং পুরকপা তঙাইফদে। হৌজিক্কী দরকার ওইবশিং অমসুং লৈবাক অসিগী তুংগী অনিংবশিং য়েংলগা, জি.এস.তিগী অওনবশিং অসি পুরকপনি। অনৌবা জি.এস.তিগী অওনবশিং চৎনরে, হৌজিক চাদা ৫ অমসুং চাদা ১৮ গী তেক্স শ্লেবশিং খক্ত লৈহৌরগনি। মসিনা তাকপদি, নুমিৎ খুদিংগী শীজিন্নরিবা পোৎলমশিং হেন্না হোংলগনি হায়বনি। চীঞ্জাকশিং, হিদাকশিং, সাপুন, তুথপেষ্ট, হকশেল অমসুং লাইভ ইন্সুরেন্স তেক্স লৌদবা নত্ত্রগা চাদা ৫ খক তেক্স লৌগদবা পোৎলমশিং অমসুং থবকশিংগী মনুংদা য়াওরে। মমাঙদা চাদা ১২, চাদা ৯৯ তেক্স লৌরম্বা পোৎলমশিং হৌজিক চাদা ৫ গী তেক্সকী মনুংদা লৈরে।
প্রধান মন্ত্রীনা হায়খি হৌখিবা চহি ১১ দা, ভারতমচা করোর ২৫ লায়রবা কোক্লে অমসুং লৈবাক অসি চাউখৎহনবদা নিও মিদল ক্লাসশিংনা মরুওইবা থৌদাং অমা লৌরি। নিও মিদল ক্লাসশিংগী মশাগী অনিংবশিং অমসুং মঙলানশিং লৈজরি। চহি অসিদা, সরকারনা লুপা লাখ ১২ ফাওবা ইনকম তেক্স লৌদ্রে, মিদল ক্লাস ইমুংশিংদা খুদোংচাবা কয়া পীরে। হৌজিক লায়রবা অমসুং নিও মিদল ক্লাসকী কান্নবা ফংনবা মতম লাক্লে। মখোয়না খুদোংচাবা অনি ফংলে-অহানবদা ইনকম তেক্স কোমথোকপা অমসুং অনিশুবনা জি.এস.তি হন্থবনি।
প্রধান মন্ত্রীনা হায়খি জি.এস.তি রেতশিং হন্থবগা লোয়ননা, য়ুম অমা শানবা, তি.ভি নত্ত্রগা রিফ্রিজেরেতর অমা লৈনবা নত্ত্রগা স্কুতর, বাইক নত্ত্রগা কার অমা লৈনবা মীয়ামগী মঙলানশিং লাইনা মঙফাওনবা ঙম্লগনি, খুদিংমক হৌজিক মমল হন্থরে। হৌজিক চৎথোক-চৎশিনসু হেন্না মমল হোংলগনি, হোতেল কাশিংগী জি.এস.তি হন্থরে। জি.এস.তিগী অওনবশিং পুরকপদা দুকান ফম্লিবশিং হরাওরে। মফম কয়াদা অওনবা মমাঙ অমসুং মতুংগী মমলশিং চাংদম্নদুনা বোর্দশিং ফজনা থেৎলে। জি.এস.তিগী অওনবশিং অসিদা ‘নাগরিক দেবোভাবা’ গী লাইৱাগী মমি ফজনা তারে। ইনকম তেক্স কোমথোকপা অমসুং জি.এস.তি হন্থবা পুনশিনবা মতমদা, হৌখিবা চহিদা লৌখিবা ৱারেপনা ভারতকী মীয়ামগী লুপা করোর লাখ ২.৫ কনবা ঙমগনি। মরম অসিনা থবক অসি ‘বচত উৎসব’ হায়না মহাক্না কৌরিবনি।
প্রধান মন্ত্রীনা হায়খি বিকসিত ভারতকী পান্দম ফংনবা ভারতনা অত্মনির্ভর ভারতকী লম্বীদা চৎপা দরকার ওই। ভারত অত্মনির্ভর ওইহন্নবগী মরুওইবা থৌদাং ভারতকী এম.এস.এম.ইশিং অমসুং কোতেচ ইন্দষ্ট্রিশিংনা লৌগদবনি। মীয়ামগী দরকার ওইবা খুদিংমক ফংনবা লৈবাক মনুংদা লৈবাক অসিনা শাজগদবনি।
প্রধান মন্ত্রীনা হায়খি জি.এস.তি রেতশিং হন্থবা অমসুং থবকশিং লাইথোকহনবা অসিগী কান্নবশিং ভারতকী এম.এস.এম.ইশিং, অপীকপা উদ্যোগশিং অমসুং কোতেচ ইন্দষ্ট্রিশিংনা ফংগনি। অওনবশিং অসিনা মখোয়গী পোৎশিৎ হেনগৎহনগনি অমসুং মখোয়গী তেক্স পোৎলুম হন্থহনগনি, মসিনা কান্নবা অনি ফংহল্লে। এম.এস.এম.ইশিংদগী থাজবা ৱাংনা থম্লি অমসুং লৈবাক অসিনা য়ং য়ং লাউনা নুংঙাইরকপদা মখোয়না পুৱারি ওইনা ভারতকী শেন্মিৎলোনগী য়াংলেন শরু ওইখি। ভারতকী মেনুফেকচরিং অমসুং মগুনশিং মালেম্না ইকায়খুম্নরে। অপীকপা উদ্যোগশিংনা পুথোকপা পোৎথোকশিং খ্বাইদগী ৱাংবা মালেমগী থাকশিং য়ৌহনগদবনি। ইকায়খুম্নবা অমসুং মগুনগা লোয়ননা ভারতকী মেনুফেকচরিং থাকশিং য়ৌহনগদবনি অমসুং ভারতকী পোৎথোকশিংগী মগুন্না লৈবাক অসি মালেমদা মশক তাক্কদবনি অমসুং মিংচৎ পুরক্কদবনি। পান্দম অসি ৱাখলদা থমদুনা মরী লৈনবা খুদিংমক্না থবক তৌগদবনি।
প্রধান মন্ত্রীনা হায়খি শ্বাদেসিগী লাইৱানা ভারতকী নিংতম ইহৌগী মপাঙ্গল ওইখি, মসিনা লৈবাক অসিগী নুংঙাই য়াইফবগী খোঙচত্ত থৌনা ওইখি। মপানগী পোৎলম কয়া খঙদনা নোংমগী পুন্সিগী শরুক অমা ওইরে অমসুং মখোয়গী ফুরিৎখাউদা য়াওরিবা শমজেৎ অদু মপানগীরা নত্ত্রগা লৈবাক অসিদা শাবরা হায়বা মীয়াম খঙদ্রে। ঐখোয় ইশামক অসিগুম্বা মখা পোনবদগী নিংতম্বা দরকার ওই অমসুং মীয়াম্না মেদ ইন ইন্দিয়াগী পোৎথোকশিং লৈগদবনি অমসুং লৈবাক অসিগী নহারোলশিং থবক কন্না শুগদবনি। য়ুমথোঙ খুদিং শ্বাদেসিগী খুদম অমা ওইগদবনি অমসুং দুকান খুদিংমক লৈবাক অসিগী পোৎথোকশিংনা লৈতেংগদবনি। “ঐ লমদম অসিগী পোৎথোক লৈ”, “ঐ লমদম অসিগী পোৎথোক য়োল্লি” হায়না মীয়াম্না শ্বাদেসিদা থাজবা অদু চাউথোকচনা লাউথোক্কদবনি অমসুং মখোয়গী ৱাখল্লোন অদু ভারতমচা খুদিংমক্ত ইথিল পীগদবনি। অসিগুম্বা অওনবশিং অসিনা ভারতকী চাউখৎপা য়াংখৎকনি। মপুংফাবা থৌনা অমসুং থৱায় য়াওবগা লোয়ননা মখোয়গী লমদমদা মেনুফেকচরিং চাউখৎহন্দুনা রাজ্য সরকারশিংনা অত্মনির্ভর ভারত অমসুং শ্বাদেসি কেম্পেনশিং মপুংফানা শৌগৎকদবনি অমসুং শেন থাদনবা অফবা ফিবম অমা শেমগৎকদবনি। কেন্দ্র অমসুং রাজ্যশিং পুন্না মাঙলোমদা চৎমিন্নরবা মতমদা, অত্মনির্ভর ভারতকী মঙলানা মঙফাওনগনি, রাজ্য খুদিংমক চাউখৎকনি অমসুং ভারত বিকসিত ভারত অমা ওইগনি। জি.এস.তি বচত উৎসবকীদমক অমসুং শেংলবা নবরাত্রি থৌরমগীদমক মীয়ামদা য়াইফ পাউজেল পীজরি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
PM @narendramodi extends Navratri greetings. pic.twitter.com/4XZVg4xJ39
— PMO India (@PMOIndia) September 21, 2025
From 22nd September, the next-generation GST reforms will come into effect. pic.twitter.com/XfROd215rP
— PMO India (@PMOIndia) September 21, 2025
A new wave of GST benefits is coming to every citizen. pic.twitter.com/y7GXC9S3vo
— PMO India (@PMOIndia) September 21, 2025
GST reforms will accelerate India's growth story. pic.twitter.com/GJj2h7Jbbo
— PMO India (@PMOIndia) September 21, 2025
New GST reforms are being implemented. Only 5% and 18% tax slabs will now remain. pic.twitter.com/Yy7rynnh6E
— PMO India (@PMOIndia) September 21, 2025
With lower GST, it will be easier for citizens to fulfill their dreams. pic.twitter.com/NFzPI5YCHI
— PMO India (@PMOIndia) September 21, 2025
The essence of serving citizens is reflected clearly in the next-generation GST reforms. pic.twitter.com/VM8eNtx5Qp
— PMO India (@PMOIndia) September 21, 2025
What the nation needs and what can be made in India should be made within India itself. pic.twitter.com/4UllVk42pK
— PMO India (@PMOIndia) September 21, 2025
India's prosperity will draw strength from self-reliance. pic.twitter.com/4si5mDH4Zd
— PMO India (@PMOIndia) September 21, 2025
Let's buy products that are Made in India. pic.twitter.com/Mb1j7gtv7h
— PMO India (@PMOIndia) September 21, 2025
