প্ৰধানমন্ত্ৰী শ্ৰী নৰেন্দ্ৰ মোদীয়ে আজি ভিডিঅ’ কনফাৰেন্সিঙৰ জৰিয়তে দেশবাসীক সম্বোধন কৰে। শক্তি পূজাৰ উৎসৱ নৱৰাত্ৰিৰ আৰম্ভণিতে দেশৰ সকলো নাগৰিকলৈ আন্তৰিক শুভেচ্ছা জ্ঞাপন কৰি তেওঁ মন্তব্য কৰে যে নৱৰাত্ৰিৰ প্ৰথম দিনাৰ পৰাই দেশখনে আত্মনিৰ্ভৰ ভাৰত অভিযানত এক উল্লেখযোগ্য পদক্ষেপ আগবঢ়াব। ২২ ছেপ্টেম্বৰৰ সূৰ্য্য উদয়ৰ পৰা আৰম্ভ কৰি দেশত পৰৱৰ্তী প্ৰকল্পৰ জি এছ টি সংস্কাৰ ৰূপায়ণ কৰা হ’ব। প্ৰধানমন্ত্ৰীয়ে আলোকপাত কৰে যে ইয়াৰ দ্বাৰা সমগ্ৰ ভাৰততে জি এছ টি ৰাহি উৎসৱ(সঞ্চয় মহোৎসৱ) আৰম্ভ হৈছে। তেওঁ কয় যে এই উৎসৱে সঞ্চয় বৃদ্ধি কৰিব আৰু মানুহে নিজৰ পছন্দৰ সামগ্ৰী ক্ৰয় কৰাত সহজ হ’ব। শ্ৰী মোদীয়ে উল্লেখ কৰে যে এই সঞ্চয় উৎসৱৰ সুফল দৰিদ্ৰ, মধ্যবিত্ত শ্ৰেণী, নব্য মধ্যবিত্ত শ্ৰেণী, যুৱক-যুৱতী, কৃষক, মহিলা, দোকানী, ব্যৱসায়ী আৰু উদ্যোগীসকলৰ মাজত একেদৰেই পৰিলক্ষিত হ'ব । তেওঁ মন্তব্য কৰে যে এই উৎসৱৰ বতৰত প্ৰতিখন ঘৰতে সুখ আৰু মধুৰতা বৃদ্ধি পাব। সকলোকে অভিনন্দন জ্ঞাপন কৰি প্ৰধানমন্ত্ৰীয়ে দেশৰ কোটি কোটি পৰিয়াললৈ পৰৱৰ্তী প্ৰজন্মৰ জি এছ টি সংস্কাৰ আৰু জি এছ টি সঞ্চয় মহোৎসৱৰ বাবে শুভেচ্ছা জ্ঞাপন কৰে। তেওঁ এই কথাত গুৰুত্ব আৰোপ কৰে যে এই সংস্কাৰে ভাৰতৰ বিকাশৰ কাহিনীক ত্বৰান্বিত কৰিব, ব্যৱসায়িক কাৰ্য্যকলাপ সৰল কৰিব, বিনিয়োগক অধিক আকৰ্ষণীয় কৰি তুলিব আৰু প্ৰতিখন ৰাজ্য উন্নয়নৰ দৌৰত সমান অংশীদাৰ হোৱাটো নিশ্চিত কৰিব।
ভাৰতে ২০১৭ চনত জি এছ টি সংস্কাৰৰ দিশত প্ৰথম পদক্ষেপ গ্ৰহণ কৰাৰক কথা স্মৰণ কৰি দেশৰ অৰ্থনৈতিক ইতিহাসৰ এটা পুৰণি অধ্যায়ৰ অন্ত পেলাব আৰু নতুন অধ্যায়ৰ আৰম্ভণিৰ সূচনা কৰিব বুলি শ্ৰী মোদীয়ে উল্লেখ কৰে। দশক দশক ধৰি নাগৰিক আৰু ব্যৱসায়ীসকল কৰৰ এক জটিল জালত সোমাই পৰিছিল —অক্ট্ৰয়, প্ৰৱেশ কৰ, বিক্ৰী কৰ, আবকাৰী, আবকাৰী, ভেট, আৰু সেৱা কৰ—সমগ্ৰ দেশতে ডজন ডজন লেভি আছিল। প্ৰধানমন্ত্ৰীয়ে আঙুলিয়াই দিয়ে যে এখন চহৰৰ পৰা আন এখন চহৰলৈ সামগ্ৰী পৰিবহণ কৰিবলৈ হ’লে একাধিক চেকপইণ্ট পাৰ হৈ যাব লাগিছিল, অসংখ্য প্ৰ-পত্ৰ পূৰণ কৰিব লাগিছিল আৰু প্ৰতিটো স্থানতে ভিন্ন কৰ নিয়ম মানি চলিব লাগিছিল। । তেওঁ ২০১৪ চনৰ ব্যক্তিগত স্মৃতি ৰোমন্থন কৰি তেওঁ যেতিয়া তেওঁ প্ৰধানমন্ত্ৰী হিচাপে কাৰ্যভাৰ গ্ৰহণ কৰিছিল সেই সময়ত বিদেশী কাকতত প্ৰকাশিত এটা আকৰ্ষণীয় উদাহৰণৰ কথা উল্লেখ কৰে। লেখাটোত বাংগালুৰুৰ পৰা হায়দৰাবাদলৈ—মাত্ৰ ৫৭০ কিলোমিটাৰ দূৰত্ব—মাত্ৰ ৫৭০ কিলোমিটাৰ দূৰত্বত সামগ্ৰী প্ৰেৰণ কৰাত কোম্পানী এটাই সন্মুখীন হোৱা প্ৰত্যাহ্বানৰ বিষয়ে বৰ্ণনা কৰা হৈছিল, তাত কোৱা হৈছিল যে কোম্পানীটোৱে বাংগালুৰুৰ পৰা ইউৰোপলৈ আৰু তাৰ পিছত পুনৰ হায়দৰাবাদলৈ সামগ্ৰী প্ৰেৰণ কৰাটো পছন্দ কৰিছিল।
প্ৰধানমন্ত্ৰীয়ে মন্তব্য কৰে যে কৰ আৰু টোলৰ জটিলতাৰ বাবেই এনে হৈছিল। তেওঁ পুনৰ কয় যে পূৰ্বৰ উদাহৰণটো অগণন দৃষ্টান্তৰ ভিতৰৰে মাত্ৰ এটা । তেওঁ আলোকপাত কৰে যে একাধিক কৰৰ জটিল জালৰ বাবে লাখ লাখ কোম্পানী আৰু কোটি কোটি নাগৰিকে দৈনিক কষ্টৰ সন্মুখীন হৈছিল। শ্ৰী মোদীয়ে কয় যে এখন চহৰৰ পৰা আন এখন চহৰলৈ সামগ্ৰী পৰিবহণৰ বৰ্ধিত খৰচ শেষত দুখীয়াই বহন কৰিবলগীয়া হয় আৰু সাধাৰণ গ্ৰাহকৰ পৰা সেয়া আদায় কৰা হয়।
প্ৰচলিত কৰ জটিলতাৰ পৰা দেশ খনক মুক্ত কৰাটো অতি প্ৰয়োজনীয় বুলি জোৰ দি শ্ৰী মোদীয়ে স্মৰণ কৰে যে ২০১৪ চনত কাৰ্যভাৰ লাভ কৰাৰ লগে লগে চৰকাৰে জনসাধাৰণ আৰু দেশৰ স্বাৰ্থত জি এছ টিক অগ্ৰাধিকাৰ দিছিল। তেওঁ আলোকপাত কৰে যে সকলো অংশীদাৰৰ সৈতে ব্যাপক আলোচনা কৰা হৈছিল, ৰাজ্যসমূহে উত্থাপন কৰা প্ৰতিটো উদ্বেগক সম্বোধন কৰা হৈছিল আৰু প্ৰতিটো প্ৰশ্নৰ সমাধান বিচাৰি উলিওৱা হৈছিল। তেওঁ উল্লেখ কৰে যে সকলো ৰাজ্যকে একত্ৰিত কৰি স্বাধীন ভাৰতত এনে কীৰ্তিচিহ্নস্বৰূপ কৰ সংস্কাৰ সম্ভৱ হৈ উঠিল। প্ৰধানমন্ত্ৰীয়ে উল্লেখ কৰে যে কেন্দ্ৰ আৰু ৰাজ্যসমূহৰ যৌথ প্ৰচেষ্টাৰ ফলস্বৰূপে দেশখন একাধিক কৰৰ জটিলতাৰ পৰা মুক্ত হৈ সমগ্ৰ দেশতে এক ব্যৱস্থা প্ৰৱৰ্তন কৰা হৈছে। তেওঁ দৃঢ়তাৰে কয় যে এক দেশ -এক কৰৰ সপোন বাস্তৱায়িত হৈছে।
প্ৰধানমন্ত্ৰীয়ে কয় যে সংস্কাৰ এক নিৰন্তৰ প্ৰক্ৰিয়া আৰু সময়ৰ পৰিৱৰ্তন তথা জাতীয় প্ৰয়োজনীয়তাৰ বিকাশৰ লগে লগে পৰৱৰ্তী প্ৰজন্মৰ সংস্কাৰ সমানেই অপৰিহাৰ্য হৈ পৰে। তেওঁ কয় যে দেশৰ বৰ্তমানৰ প্ৰয়োজনীয়তা আৰু ভৱিষ্যতৰ আকাংক্ষাৰ প্ৰতি লক্ষ্য ৰাখি এই নতুন জি এছ টি সংস্কাৰসমূহ ৰূপায়ণ কৰা হৈছে। শ্ৰী মোদীয়ে আলোকপাত কৰে যে নতুন গাঁথনিৰ অধীনত মূলতঃ ৫% আৰু ১৮% কৰ স্লেবহে থাকিব। ইয়াৰ অৰ্থ হ’ল দৈনন্দিন ব্যৱহাৰ হোৱা বেছিভাগ বস্তুৱেই অধিক সুলভ হৈ পৰিব বুলি তেওঁ মন্তব্য কৰে। তেওঁ খাদ্য সামগ্ৰী, ঔষধ, চাবোন, টুথব্ৰাছ, টুথপেষ্ট, স্বাস্থ্য আৰু জীৱন বীমা আদিক তালিকাভুক্ত কৰে, যিবোৰ হয় কৰমুক্ত হ’ব, নহয় মাত্ৰ ৫% কৰ আকৰ্ষণ কৰিব। প্ৰধানমন্ত্ৰীয়ে লগতে উল্লেখ কৰে যে পূৰ্বে ১২% কৰ আৰোপ কৰা বস্তুবোৰৰ ভিতৰৰে ৯৯%—কাৰ্যতঃ সকলোবোৰ—এতিয়া ৫% কৰ স্লেবৰ অধীনলৈ অনা হৈছে।
বিগত এঘাৰ বছৰত ২৫ কোটি ভাৰতীয়ই দৰিদ্ৰতাৰ পৰা মুক্ত হৈ দেশৰ প্ৰগতিৰ ক্ষেত্ৰত গুৰুত্বপূৰ্ণ ভূমিকা পালন কৰি এক উল্লেখযোগ্য নব্য মধ্যবিত্ত শ্ৰেণী হিচাপে আত্মপ্ৰকাশ কৰিছে বুলি উল্লেখ কৰি প্ৰধানমন্ত্ৰীয়ে এই কথাত গুৰুত্ব আৰোপ কৰে যে এই নব্য মধ্যবিত্ত শ্ৰেণীৰ নিজস্ব আকাংক্ষা আৰু সপোন আছে। তেওঁ উল্লেখ কৰে যে এই বছৰ চৰকাৰে ১২ লাখ টকা পৰ্যন্ত আয় কৰমুক্ত কৰি কৰ ৰেহাইৰ উপহাৰ দিছে। ফলত মধ্যবিত্তীয় শ্ৰেণীৰ লোকৰ জীৱনলৈ যথেষ্ট সহজতা আৰু সুবিধা আহি পৰিছে। শ্ৰী মোদীয়ে মন্তব্য কৰে যে এতিয়া দৰিদ্ৰ আৰু নব্য মধ্যবিত্ত শ্ৰেণীৰ উপকৃত হোৱাৰ পাল। তেওঁ কয় যে তেওঁলোকে ডাবল লাভ অৰ্জন কৰিছে—প্ৰথমে আয়কৰ সকাহৰ জৰিয়তে আৰু এতিয়া জি এছ টি হ্ৰাসৰ জৰিয়তে। প্ৰধানমন্ত্ৰীয়ে লগতে কয় যে জি এছ টিৰ হাৰ কম হ’লে নাগৰিকৰ বাবে ব্যক্তিগত সপোন পূৰণ কৰাটো সহজ হৈ পৰিব—সেয়া ঘৰ নিৰ্মাণ কৰাই হওক, টিভি বা ফ্ৰীজ ক্ৰয় কৰাই হওক, স্কুটাৰ, বাইক বা গাড়ী কিনাই হওক—এই সকলোবোৰৰ খৰচ এতিয়া কম হ’ব। তেওঁ লগতে কয় যে ভ্ৰমণো অধিক সুলভ হ’ব, কিয়নো বেছিভাগ হোটেলৰ কোঠাৰ জি এছ টি হ্ৰাস কৰা হৈছে। জি এছ টি সংস্কাৰৰ প্ৰতি দোকানীসকলৰ উৎসাহী সঁহাৰিত শ্ৰী মোদীয়ে সুখ প্ৰকাশ কৰে। তেওঁ উল্লেখ কৰে যে তেওঁলোকে জি এছ টি হ্ৰাসৰ সুবিধাসমূহ গ্ৰাহকৰ মাজলৈ আগবঢ়াই নিয়াৰ বাবে সক্ৰিয়ভাৱে কাম কৰি আছে। প্ৰধানমন্ত্ৰীয়ে আলোকপাত কৰে যে বহু ঠাইত মূল্যৰ তুলনা প্ৰদৰ্শন কৰা ব’ৰ্ডসমূহ—সংস্কাৰৰ পূৰ্বে আৰু পিছত—বিশেষভাবে প্ৰদৰ্শন কৰা হৈছে।
‘নাগৰিক দেৱ ভৱ’ৰ মন্ত্ৰ পৰৱৰ্তী প্ৰজন্মৰ জি এছ টি সংস্কাৰত স্পষ্টভাৱে প্ৰতিফলিত হোৱা বুলি উল্লেখ কৰি প্ৰধানমন্ত্ৰীয়ে আলোকপাত কৰে যে যেতিয়া আয়কৰ ৰেহাই আৰু জি এছ টি হ্ৰাসৰ সংমিশ্ৰণ ঘটিব, তেতিয়া বিগত এটা বছৰত গ্ৰহণ কৰা সিদ্ধান্তসমূহৰ ফলত ভাৰতৰ জনসাধাৰণৰ বাবে ২.৫ লাখ কোটি টকাতকৈ অধিক সঞ্চয় হ’ব। তেওঁ দৃঢ়তাৰে কয় যে ঠিক এই কাৰণেই তেওঁ ইয়াক ‘ৰাহি উৎসৱ’ বুলি কৈছে।
উন্নত ভাৰতৰ লক্ষ্যত উপনীত হ’বলৈ আত্মনিৰ্ভৰশীলতাৰ পথত অটল দায়বদ্ধতাৰ প্ৰয়োজন বুলি উল্লেখ কৰি শ্ৰী মোদীয়ে কয় যে ভাৰতক আত্মনিৰ্ভৰশীল কৰি তোলাৰ এটা ডাঙৰ দায়িত্ব এম এছ এম ইসমূহৰ ওপৰত আছে—ভাৰতৰ ক্ষুদ্ৰ, লঘু আৰু কুটিৰ উদ্যোগসমূহৰ ওপৰত আছে। তেওঁ দৃঢ়তাৰে কয় যে যি বস্তুৱে জনসাধাৰণৰ প্ৰয়োজন পূৰণ কৰে আৰু দেশৰ ভিতৰতে উৎপাদন কৰিব পৰা যায়, সেয়া ঘৰুৱাভাৱে উৎপাদন কৰিব লাগিব।
জি এছ টিৰ হাৰ হ্ৰাস আৰু সৰলীকৃত পদ্ধতিয়ে ভাৰতৰ এম এছ এম ই, ক্ষুদ্ৰ উদ্যোগ আৰু কুটিৰ উদ্যোগসমূহক যথেষ্ট উপকৃত কৰিব বুলি উল্লেখ কৰি প্ৰধানমন্ত্ৰীয়ে মন্তব্য কৰে যে এই সংস্কাৰে তেওঁলোকৰ বিক্ৰী বৃদ্ধি কৰিব আৰু তেওঁলোকৰ কৰৰ বোজা হ্ৰাস কৰিব। ফলত দুগুণ সুবিধা হ’ব। তেওঁ এম এছ এম ইৰ পৰা বহু আশা প্ৰকাশ কৰে আৰু ভাৰতৰ অৰ্থনীতিৰ সমৃদ্ধিৰ শিখৰত মেৰুদণ্ড হিচাপে তেওঁলোকৰ ঐতিহাসিক ভূমিকাৰ বিষয়ে আলোকপাত কৰে। তেওঁ উল্লেখ কৰে যে ভাৰতৰ উৎপাদন আৰু সামগ্ৰীৰ মান এসময়ত বিশ্বজুৰি স্বীকৃতিপ্ৰাপ্ত আৰু উচ্চমানৰ আছিল। শ্ৰী মোদীয়ে সেই গৌৰৱ পুনৰ লাভ কৰাৰ প্ৰয়োজনীয়তাৰ বিষয়ত গুৰুত্ব আৰোপ কৰি ক্ষুদ্ৰ উদ্যোগসমূহত নিৰ্মিত সামগ্ৰীসমূহে বিশ্বৰ উচ্চতম মান পূৰণ কৰিব লাগিব বুলি আহ্বান জনায়। তেওঁ কয় যে ভাৰতৰ উৎপাদনে মৰ্যাদা আৰু উৎকৃষ্টতাৰে সকলো মাপকাঠী অতিক্ৰম কৰিব লাগিব আৰু ভাৰতীয় সামগ্ৰীৰ মানে দেশৰ বিশ্বজনীন পৰিচয় তথা প্ৰতিপত্তি বৃদ্ধি কৰিব লাগিব। প্ৰধানমন্ত্ৰীয়ে সকলো অংশীদাৰক এই লক্ষ্য আগত ৰাখি কাম কৰিবলৈ আহ্বান জনায়।
প্ৰধানমন্ত্ৰীয়ে মন্তব্য কৰে যে স্বদেশীৰ মন্ত্ৰই যেনেকৈ ভাৰতৰ স্বাধীনতা সংগ্ৰামক সবল কৰি তুলিছিল, ঠিক তেনেদৰেই ই দেশ খনৰ সমৃদ্ধিৰ দিশত কৰা যাত্ৰাক শক্তিশালী কৰিব। তেওঁ আলোকপাত কৰে যে বহু বিদেশী বস্তু অজানিতে আমাৰ দৈনন্দিন জীৱনৰ অংশ হৈ পৰিছে, আৰু নাগৰিকে প্ৰায়ে পকেটত থকা ফণীখনো বিদেশী নে স্বদেশী সেই কথাও গম নাপায়। শ্ৰী মোদীয়ে এনে নিৰ্ভৰশীলতাৰ পৰা নিজকে মুক্ত কৰাৰ প্ৰয়োজনীয়তাৰ বিষয়ত গুৰুত্ব আৰোপ কৰি দেশৰ যুৱক-যুৱতীসকলৰ কঠোৰ পৰিশ্ৰম আৰু ঘাম মিহলি হৈ থকা মেড ইন ইণ্ডিয়া হোৱা সামগ্ৰী ক্ৰয় কৰিবলৈ আহ্বান জনায়। প্ৰতিখন ঘৰ স্বদেশীৰ প্ৰতীক হ’বলৈ আৰু প্ৰতিখন দোকানক স্বদেশী সামগ্ৰীৰে সজাবলৈ তেওঁ আহ্বান জনায়। প্রধানমন্ত্রীয়ে নাগৰিকসকলক স্বাধীনতাৰ প্রতি নিজৰ দায়বদ্ধতা সগৌৰৱেৰে ঘোষণা কৰিবলৈ উৎসাহিত কৰি কয় —“মই স্বদেশী কিনো,” “মই স্বদেশী বিক্ৰী কৰো”—আৰু এই মানসিকতা প্রতিজন ভাৰতীয়ৰ অন্তর্নিহিত হ’ব লাগিব । তেওঁ দৃঢ়তাৰে কয় যে এনে পৰিৱৰ্তনে ভাৰতৰ বিকাশ ত্বৰান্বিত কৰিব। তেওঁ সকলো ৰাজ্য চৰকাৰক আত্মনিৰ্ভৰ ভাৰত আৰু স্বদেশী অভিযানক পূৰ্ণ শক্তি আৰু উৎসাহেৰে নিজৰ অঞ্চলত উৎপাদন বৃদ্ধি কৰি আৰু বিনিয়োগৰ বাবে অনুকূল পৰিৱেশ সৃষ্টি কৰি সক্ৰিয়ভাৱে সমৰ্থন কৰিবলৈ আহ্বান জনায়। তেওঁ দৃঢ়তাৰে কয় যে যেতিয়া কেন্দ্ৰ আৰু ৰাজ্যসমূহ একেলগে আগবাঢ়িব, তেতিয়া স্বাৱলম্বী ভাৰতৰ সপোন পূৰণ হ’ব, প্ৰতিখন ৰাজ্যৰ বিকাশ হ’ব, ভাৰত এখন উন্নত দেশ হ’ব। ভাষণৰ সামৰণিত প্ৰধানমন্ত্ৰীয়ে জি এছ টি ৰাহি উৎসৱ আৰু নৱৰাত্ৰিৰ শুভ অনুষ্ঠানৰ বাবে উষ্ম শুভেচ্ছা জ্ঞাপন কৰে।
সম্পূৰ্ণ ভাষণ পঢ়িবলৈ ইয়াত ক্লিক কৰক
PM @narendramodi extends Navratri greetings. pic.twitter.com/4XZVg4xJ39
— PMO India (@PMOIndia) September 21, 2025
From 22nd September, the next-generation GST reforms will come into effect. pic.twitter.com/XfROd215rP
— PMO India (@PMOIndia) September 21, 2025
A new wave of GST benefits is coming to every citizen. pic.twitter.com/y7GXC9S3vo
— PMO India (@PMOIndia) September 21, 2025
GST reforms will accelerate India's growth story. pic.twitter.com/GJj2h7Jbbo
— PMO India (@PMOIndia) September 21, 2025
New GST reforms are being implemented. Only 5% and 18% tax slabs will now remain. pic.twitter.com/Yy7rynnh6E
— PMO India (@PMOIndia) September 21, 2025
With lower GST, it will be easier for citizens to fulfill their dreams. pic.twitter.com/NFzPI5YCHI
— PMO India (@PMOIndia) September 21, 2025
The essence of serving citizens is reflected clearly in the next-generation GST reforms. pic.twitter.com/VM8eNtx5Qp
— PMO India (@PMOIndia) September 21, 2025
What the nation needs and what can be made in India should be made within India itself. pic.twitter.com/4UllVk42pK
— PMO India (@PMOIndia) September 21, 2025
India's prosperity will draw strength from self-reliance. pic.twitter.com/4si5mDH4Zd
— PMO India (@PMOIndia) September 21, 2025
Let's buy products that are Made in India. pic.twitter.com/Mb1j7gtv7h
— PMO India (@PMOIndia) September 21, 2025
