પ્રધાનમંત્રી શ્રી નરેન્દ્ર મોદીની અધ્યક્ષતામાં આર્થિક બાબતોની કેબિનેટ સમિતિએ અરૂણાચલ પ્રદેશના અંજાવ જિલ્લામાં લોહિત નદી પર કાલાઈ-II હાઇડ્રો ઇલેક્ટ્રિક પ્રોજેક્ટ (HEP) ના નિર્માણ માટે ₹14,105.83 કરોડના રોકાણને મંજૂરી આપી છે. પ્રોજેક્ટ પૂર્ણ થવાનો અંદાજિત સમયગાળો 78 મહિનાનો છે.
1200 મેગાવોટ (6 x 190 મેગાવોટ અને 1 x 60 મેગાવોટ) ની સ્થાપિત ક્ષમતા ધરાવતો આ પ્રોજેક્ટ વાર્ષિક 4852.95 MU ઊર્જા ઉત્પન્ન કરે તેવી અપેક્ષા છે. લોહિત બેસિનમાં પ્રથમ હાઇડ્રો પ્રોજેક્ટ તરીકે, તે રાજ્યમાં વીજ પુરવઠાને મજબૂત બનાવશે, પીક ડિમાન્ડ મેનેજમેન્ટમાં ટેકો આપશે અને નેશનલ ગ્રીડને સંતુલિત કરવામાં ફાળો આપશે.
આ પ્રોજેક્ટ THDC ઇન્ડિયા લિમિટેડ અને અરૂણાચલ પ્રદેશ સરકાર વચ્ચેની સંયુક્ત સાહસ કંપની દ્વારા અમલમાં મૂકવામાં આવશે. ભારત સરકાર સક્ષમ માળખાગત સુવિધાઓ હેઠળ રસ્તાઓ, પુલો અને સંકળાયેલ ટ્રાન્સમિશન લાઇનના નિર્માણ માટે અંદાજપત્રીય સહાય તરીકે ₹599.88 કરોડ અને રાજ્યના ઇક્વિટી હિસ્સા માટે ₹750 કરોડની કેન્દ્રીય નાણાકીય સહાય પૂરી પાડશે.
રાજ્યને 12% મફત વીજળી મળશે અને વધારાની 1% વીજળી લોકલ એરિયા ડેવલપમેન્ટ ફંડ (LADF) માટે નિર્ધારિત કરવામાં આવશે, તેની સાથે આ પ્રદેશ માટે નોંધપાત્ર માળખાગત વિકાસ અને સામાજિક-આર્થિક લાભો પણ મળશે.
અરૂણાચલ પ્રદેશના નામસાઈ અને અંજાવ જિલ્લામાં માળખાગત સુવિધાઓમાં નોંધપાત્ર સુધારો થશે, જેમાં પ્રોજેક્ટ માટે આશરે 29 કિલોમીટરના રસ્તાઓ અને પુલોના વિકાસનો સમાવેશ થાય છે જે મોટે ભાગે સ્થાનિક ઉપયોગ માટે ઉપલબ્ધ રહેશે. સ્થાનિક જનતાને અનેક પ્રકારના વળતર, રોજગારી અને CSR પ્રવૃત્તિઓથી પણ લાભ થશે.
A major boost to clean energy and development in the Northeast! The approval of the Kalai-II Hydro Electric Project in Arunachal Pradesh will strengthen power supply, generate sustainable energy and bring infrastructure and opportunities to the region. https://t.co/49DhkiKdp6
— Narendra Modi (@narendramodi) April 8, 2026
