প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত অৰ্থনৈতিক পৰিক্ৰমা সম্পৰ্কীয় কেবিনেট কমিটীয়ে অৰুণাচল প্ৰদেশৰ অঞ্জৱ জিলাৰ লোহিত নদীত কালাই-২ জলবিদ্যুৎ প্ৰকল্প (এইচইপি) নিৰ্মাণৰ বাবে ১৪,১০৫.৮৩ কোটি টকাৰ বিনিয়োগত অনুমোদন জনাইছে। প্ৰকল্পটো সম্পূৰ্ণ হোৱাৰ আনুমানিক সময়সীমা হৈছে ৭৮ মাহ।
১২০০ মেগাৱাট (৬ x ১৯০ মেগাৱাট আৰু ১ x ৬০ মেগাৱাট) স্থাপিত ক্ষমতাৰ এই প্ৰকল্পটোৱে বছৰি ৪৮৫২.৯৫ এমইউ শক্তি উৎপাদন কৰিব বুলি আশা কৰা হৈছে। লোহিত অৱবাহিকাৰ প্ৰথম জলবিদ্যুৎ প্ৰকল্প হিচাপে ই ৰাজ্যখনত বিদ্যুৎ যোগান শক্তিশালী কৰিব, সৰ্বাধিক চাহিদা ব্যৱস্থাপনাত সহায় কৰিব আৰু ৰাষ্ট্ৰীয় গ্ৰীডৰ ভাৰসাম্য বজাই ৰখাত অৰিহণা যোগাব।
এই প্ৰকল্পটো টিএইচডিচি ইণ্ডিয়া লিমিটেড আৰু অৰুণাচল প্ৰদেশ চৰকাৰৰ মাজত যুটীয়া উদ্যোগৰ জৰিয়তে ৰূপায়ণ কৰা হ'ব। ভাৰত চৰকাৰে ৰাজ্যখনৰ ইকুইটি অংশৰ বাবে ৭৫০ কোটি টকাৰ কেন্দ্ৰীয় বিত্তীয় সাহায্যৰ উপৰি সক্ষম আন্তঃগাঁথনিৰ অধীনত পথ, দলং আৰু সম্পৰ্কিত ট্ৰেন্সমিশ্যন লাইন নিৰ্মাণৰ বাবে বাজেটৰ সহায় হিচাপে ৫৯৯.৮৮ কোটি টকা প্ৰদান কৰিব।
ৰাজ্যখনে ১২ শতাংশ বিনামূলীয়া বিদ্যুৎ লাভ কৰিব আৰু স্থানীয় এলেকা উন্নয়ন পুঁজি (এল এ ডি এফ) ৰ বাবে অতিৰিক্ত ১ শতাংশ আৱণ্টন কৰাৰ লগতে অঞ্চলটোৰ বাবে গুৰুত্বপূৰ্ণ আন্তঃগাঁথনি উন্নয়ন তথা আৰ্থ-সামাজিক লাভালাভ কৰিব।
প্ৰকল্পটোৰ বাবে প্ৰায় ২৯ কিলোমিটাৰ পথ আৰু দলংৰ উন্নয়নকে ধৰি অৰুণাচল প্ৰদেশৰ নামচাই আৰু অঞ্জৱ জিলাত আন্তঃগাঁথনিৰ ক্ষেত্ৰত গুৰুত্বপূৰ্ণ উন্নতি সাধন কৰা হ'ব, যিটো বেছিভাগ স্থানীয় ব্যৱহাৰৰ বাবে উপলভ্য হ'ব। স্থানীয় জনসাধাৰণেও বিভিন্ন ধৰণৰ ক্ষতিপূৰণ, নিযুক্তি আৰু চিএছআৰ কাৰ্যকলাপৰ পৰা লাভান্বিত হ'ব।
A major boost to clean energy and development in the Northeast! The approval of the Kalai-II Hydro Electric Project in Arunachal Pradesh will strengthen power supply, generate sustainable energy and bring infrastructure and opportunities to the region. https://t.co/49DhkiKdp6
— Narendra Modi (@narendramodi) April 8, 2026
