ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଅର୍ଥନୈତିକ ବ୍ୟାପାର କ୍ୟାବିନେଟ କମିଟି ଅରୁଣାଚଳ ପ୍ରଦେଶର ଅଞ୍ଜା ଜିଲ୍ଲାରେ ଲୋହିତ ନଦୀ ଉପରେ କଲାଇ- ୨ ଜଳ ବିଦ୍ୟୁତ ପ୍ରକଳ୍ପ (ଏଚଇପି) ନିର୍ମାଣ ପାଇଁ ୧୪,୧୦୫.୮୩ କୋଟି ଟଙ୍କାର ନିବେଶକୁ ଅନୁମୋଦନ କରିଛନ୍ତି । ଏହି ପ୍ରକଳ୍ପର ସମାପ୍ତି ଅବଧି ୭୮ ମାସ ହେବ ବୋଲି ଆକଳନ କରାଯାଇଛି।
୧୨୦୦ ମେଗାୱାଟ୍ (୬ x ୧୯୦ ମେଗାୱାଟ୍ ଏବଂ ୧ x ୬୦ ମେଗାୱାଟ୍) ସ୍ଥାପିତ କ୍ଷମତା ବିଶିଷ୍ଟ ଏହି ପ୍ରକଳ୍ପରୁ ବାର୍ଷିକ ୪୮୫୨.୯୫ ଏମୟୁ ଶକ୍ତି ଉତ୍ପାଦନ ହେବାର ଆଶା କରାଯାଉଛି। ଲୋହିତ ନଦୀରେ ପ୍ରଥମ ଜଳ ପ୍ରକଳ୍ପ ଭାବରେ, ଏହା ରାଜ୍ୟରେ ବିଦ୍ୟୁତ ଯୋଗାଣକୁ ସୁଦୃଢ଼ କରିବ, ସର୍ବାଧିକ ଚାହିଦା ପରିଚାଳନାରେ ସହାୟତା କରିବ ଏବଂ ଜାତୀୟ ଗ୍ରୀଡକୁ ସନ୍ତୁଳିତ କରିବାରେ ଯୋଗଦାନ ଦେବ।
ଏହି ପ୍ରକଳ୍ପଟି ଟିଏଚଡିସି ଇଣ୍ଡିଆ ଲିମିଟେଡ୍ ଏବଂ ଅରୁଣାଚଳ ପ୍ରଦେଶ ସରକାରଙ୍କ ମଧ୍ୟରେ ଏକ ମିଳିତ ଉଦ୍ୟମ କମ୍ପାନୀ ମାଧ୍ୟମରେ କାର୍ଯ୍ୟକାରୀ କରାଯିବ। ଭାରତ ସରକାର ରାଜ୍ୟର ଇକ୍ୱିଟି ଅଂଶ ପାଇଁ ୭୫୦ କୋଟି ଟଙ୍କାର କେନ୍ଦ୍ରୀୟ ଆର୍ଥିକ ସହାୟତା ସହିତ ସକ୍ଷମ ଭିତ୍ତିଭୂମି ଅଧୀନରେ ରାସ୍ତା, ସେତୁ ଏବଂ ସମ୍ପୃକ୍ତ ପରିବହନ ଲାଇନ ନିର୍ମାଣ ଲାଗି ବଜେଟ ସହାୟତା ଭାବରେ ୫୯୯.୮୮କୋଟି ଟଙ୍କା ପ୍ରଦାନ କରିବେ।
ରାଜ୍ୟକୁ ୧୨% ମାଗଣା ବିଦ୍ୟୁତ୍ ଏବଂ ସ୍ଥାନୀୟ କ୍ଷେତ୍ର ବିକାଶ ପାଣ୍ଠି (ଏଲଏଡିଏଫ୍) ପାଇଁ ଅତିରିକ୍ତ ୧% ମିଳିବ, ଏହା ସହିତ ଏହି ଅଞ୍ଚଳ ପାଇଁ ଗୁରୁତ୍ୱପୂର୍ଣ୍ଣ ଭିତ୍ତିଭୂମି ବିକାଶ ଏବଂ ସାମାଜିକ - ଆର୍ଥିକ ଲାଭ ମିଳିବ।
ନାମସାଇ ଏବଂ ଅଞ୍ଜା ଜିଲ୍ଲାରେ ଭିତ୍ତିଭୂମିରେ ଉଲ୍ଲେଖନୀୟ ଉନ୍ନତି ହେବ , ଯେଉଁଥିରେ ପ୍ରାୟ ୨୯ କିଲୋମିଟର ରାସ୍ତା ଏବଂ ସେତୁର ବିକାଶ ଅନ୍ତର୍ଭୁକ୍ତ, ଯାହା ମୁଖ୍ୟତଃ ସ୍ଥାନୀୟ ବ୍ୟବହାର ପାଇଁ ଉପଲବ୍ଧ ହେବ। ସ୍ଥାନୀୟ ଜନସାଧାରଣ ମଧ୍ୟ ଅନେକ ପ୍ରକାରର କ୍ଷତିପୂରଣ, ନିଯୁକ୍ତି ଏବଂ ସିଏସଆର୍ କାର୍ଯ୍ୟକଳାପରୁ ଉପକୃତ ହେବେ।
A major boost to clean energy and development in the Northeast! The approval of the Kalai-II Hydro Electric Project in Arunachal Pradesh will strengthen power supply, generate sustainable energy and bring infrastructure and opportunities to the region. https://t.co/49DhkiKdp6
— Narendra Modi (@narendramodi) April 8, 2026
