Share
 
Comments
پنی تاریخ میں اتنے سارے اتار چڑھاؤ کے دوران منی پور کے لوگوں کا اتحاد ہی اُن کی اصلی طاقت رہی ہے‘‘
’’منی پور کو امن کی ضرورت ہے اور بند اور بلاکیڈ سے اُسے آزادی ملنی چاہئے‘‘
’’حکومت ،منی پور کو ملک میں کھیل کا اہم مرکز بنانے کے لئے پابند عہد ہے‘‘
’’شمال مشرق کو ’مشرق نواز پالیسی‘ کا مرکز بنانے کے وژن میں منی پور کا کلیدی کردار ہے‘‘
’’ریاست کی ترقی کے سفر میں حائل تمام رکاوٹوں کو دور کردیا گیا ہے اور اگلے 25 سال منی پور کی ترقی کے امرت کال ہوں گے‘‘

وزیراعظم جناب نریندر مودی نے منی پور کو ریاست کا درجہ ملنے کے 50 سال پورے ہونے پر وہاں کے عوام کو مبارک باد دی ہے۔ اس موقع پر خطاب کرتے ہوئے وزیراعظم نے وہاں کے ہر اُس شخص کی قربانیوں اور کوششوں کو خراج عقیدت پیش کیا، جس نے اس شاندار سفر میں تعاون پیش کیا ہے۔ انہوں نے کہا کہ اپنی تاریخ کے اتنے اتار چڑھاؤ کے دوران منی پور کے عوام کا اتحاد ہی ان کی اصلی طاقت رہی ہے۔ انہوں نے کہا کہ وہ ریاست کے عوام کی توقعات اور خواہشات سے متعلق ان کی باتوں کو براہ راست سننے کی اپنی کوشش کو جاری رکھیں گے ، جس کی وجہ سے انہیں ، ان کے احساسات وتوقعات کو سمجھنے اور ریاست کو درپیش مسائل کو حل کرنے کے طریقہ تلاش کرنے میں مدد ملی۔ انہوں نے اس بات پر خوشی کا اظہار کیا کہ منی پور کے عوام امن کی اپنی خواہش کو خود ہی پورا کرسکتے ہیں۔ وزیراعظم نے کہا کہ ’’منی پور کو امن کی ضرورت ہے اور اسے بند اور بلاکیڈ سے آزادی ملنی چاہئے۔‘‘

وزیراعظم نے کہا کہ حکومت منی پور کو ملک میں کھیل کا اہم مرکز بنانے کے لئے پابند عہد ہے۔ انہوں نے کہا کہ منی پور کے بیٹے اور بیٹیوں نے کھیل کے میدان میں نمایاں کامیابی حاصل کی ہے اور ان کے اس جنون اور صلاحیت کے پیش نظر ریاست میں پہلی اسپورٹس یونیورسٹی قائم کی گئی ہے۔ انہوں نے اسٹارٹ اپ کے میدان میں بھی منی پور کے نوجوانوں کی کامیابی کا ذکر کیا۔ انہوں نے مقامی دستکاری کو فروغ دینے کے حکومت کے عہد کو دہرایا۔

وزیراعظم نے شمال مشرق کو ’مشرق نواز پالیسی‘ کا مرکز بنانے کے وژن میں منی پور کے کلیدی کردار کو بھی نمایاں کیا۔ انہوں نے کہا کہ ’’ڈبل انجن ‘‘ کی سرکار کی وجہ سے منی پور کو ریلوے جیسی سہولیات حاصل ہور ہی ہیں، جن کا یہاں کے لوگوں کو کافی دنوں سے انتظار تھا۔ جیری بام – ٹوپول – امپھال ریلوے لائن سمیت ہزاروں کروڑ روپے کے کئی کنکٹی وٹی پروجیکٹ ریاست میں زیر تکمیل ہیں۔ اسی طرح امپھا ایئر پورٹ کو بین الاقوامی درجہ حاصل ہونے کی وجہ سے دہلی، کولکاتا اور بنگلورو کے ساتھ شمال مشرقی ریاستوں کی کنکٹی وٹی بہتر ہوئی ہے۔ منی پور کو ہند – میانمار – تھائی لینڈ سہ رخی شاہراہ اور اس خطہ میں آنے والے دنوں میں 9 ہزار کروڑ روپے کی لاگت سے بچھائی جانے والی قدرتی گیس کی پائپ لائن سے بھی فائدہ ہوگا۔

 

وزیراعظم نے کہا کہ ریاست کی ترقی کے سفر میں حائل تمام رکاوٹوں کو دور کردیا گیا ہے اور اگلے 25 سال منی پور کی ترقی کے امرت کال ہوں گے۔ اپنے خطاب کے اختتام پر انہوں نے ریاست کے ڈبل انجن کی ترقی کی کامیابی کے لئے دعائیں دیں۔

 

Click here to read full text speech

Explore More
لال قلعہ کی فصیل سے، 76ویں یوم آزادی کے موقع پر، وزیراعظم کے خطاب کا متن

Popular Speeches

لال قلعہ کی فصیل سے، 76ویں یوم آزادی کے موقع پر، وزیراعظم کے خطاب کا متن
A day in the Parliament and PMO

Media Coverage

A day in the Parliament and PMO
...

Nm on the go

Always be the first to hear from the PM. Get the App Now!
...
سوشل میڈیا کارنر،8 فروری 2023
February 08, 2023
Share
 
Comments

PM Modi's Visionary Leadership: A Pillar of India's Multi-Sectoral Growth

New India Appreciates PM Modi's Reply to The Motion of Thanks in The Lok Sabha