Share
 
Comments
“মনিপুরগী পুৱারীগী অকা অকুমগী মতমদা মীয়ামগী নীংহন্নদবা অমসুং অমত্তা ওইবগী মতৌনা মখোয়গী মপাঙ্গল ওইখি”
“মনিপুরনা শান্তি অমসুং বন্ধ-ব্লোকেদতগী নীংতম্বা ফংফম থোকই”
“মনিপুরবু লৈবাক্কী স্পোর্তকী পাৱরহাউস অমা ওইহন্নবা সরকারনা খোঙফম চেৎলি”
“অৱাং নোংপোকপু এক্ত ইস্ত পোলিসীগী খ্বাইদগী মরু ওইবা মফম ওইহনবগী পান্দম অসিদা মনিপুরগী অচৌবা থৌদাং লৈরি”
“রাজ্যসিগী চাউখৎ-থৌরাংগী লম্বীদা লৈরম্বা অপনবা খুদিংমক লৌথোকখ্রে অমসুং মথংগী চহি ২৫ অসিদি মনিপুরগী চাউখৎ-খোঙথাংগী অমৃত কাল ওইরগনি”

প্রধান মন্ত্রী, শ্রী নরেন্দ্র মোদীনা মনিপুরগী ৫০শুবা স্তেতহুদ নুমিৎ অসিদা মনিপুরগী মীয়াম্বু থাগৎখ্রে। থৌরম অসিদা ৱা ঙাংবদা, মহাক্না অসিগুম্লবা নীংথিরবা খোঙচৎ অসিদা তেংবাংদুনা কত্থোকখিবা অমসুং মশাগী থৌদাংনি খন্না হোৎনখিবা মীয়ামগী মফমদা ইকায় খুম্নবা উৎখি। মনিপুরগী পুৱারীগী অকা অকুমগী মতমদা মীয়ামগী নীংহন্নদবা অমসুং অমত্তা ওইবগী মতৌবু মহাক্না মখোয়গী মপাঙ্গলনি হায়খি। লমদম অসিগী মীয়ামগী অপাম্ববু হকথেংননা খঙনবা হোৎনখিবনা লমদম অসিগী মীয়াম্বু হেন্না নীংথিজনা খঙবা ঙমহনখি অমসুং মসিনা রাজ্যসিগী শিংনবশিংগী ৱারোইশিন পুথোকপা ঙমহনখি হায়না মহাক্না অমুক্কা হন্না নীংশিংখি। মনিপুরগী মীয়াম্না খ্বাইদগী হেন্না পাম্লিবা শান্তি লৈনা হিংবসু হৌজিক্তি ঙম্লগনি হায়না মহাক্না নুংঙাইবা ফোংদোকখি। “মনিপুরনা শান্তি অমসুং বন্ধ-ব্লোকেদতগী নীংতম্বা ফংফম থোকই”, হায়না মহাক্না ফোংদোকখি।

প্রধান মন্ত্রীনা মনিপুরবু লৈবাক্কী স্পোর্তকী পাৱরহাউস অমা ওইহন্নবা সরকারনা খোঙফম চেৎলি হায়না ফোংদোকখি। মনিপুরগী মচানুপা অমসুং মচানুপীশিংনা শান্ন-খোৎনবগী হীরমদা লৈবাক্কী মিংচৎ কয়া পুরকখ্রে অমসুং মখোয়গী থৱাই য়াওবা অমসুং মতিক লৈবশিংবু য়েংলদুনা ভারতকী অহানবা স্পোর্ত য়ুনিভর্সিতীসু রাজ্য অসিদা লিংখৎখ্রে হায়না মহাক্না ফোংদোকখি। মনিপুরগী নহাশিংনা স্তার্ত-অপকী হীরমদা মায় পাকপা ফংলিবসিগী মতাংদসু মহাক্না পনখি। লোকেল হেন্দিক্রাফপু খুমাং চাউশিলহন্নবা মনিপুর সরাকরনা হোৎনরিবসিগী মতাংদসু মহাক্না মিৎয়েং চঙখি।

প্রধান মন্ত্রীনা অৱাং নোংপোকপু এক্ত ইস্ত পোলিসীগী খ্বাইদগী মরু ওইবা মফম ওইহনবগী পান্দম অসিদা মনিপুরগী অচৌবা থৌদাং লৈরিবা অসিবুসু মিৎয়েং চঙখি। মনিপুরনা ‘দবল ইঞ্জিন সরকার’ অসিগী মখাদা রেলৱেগুম্বা মতম কুইনদগী পাম্নরক্লবা খুদোংচাবা কয়া ফংলি হায়না মহাক্না ফোংদোকখি। জিরিবাম-তুপুল-ইম্ফাল রেলৱে লাইন য়াওনা লুপা করোর লিশিং কয়াগী কন্নেক্তিবিতী প্রোজেক্ত কয়াসু হৌজিক রাজ্যসিদা থবক চত্থরি। মসিগা মান্নবা ওইনা, ইম্ফাল এয়রপোর্তনা মালেমগী থাক্তা চনখিবগা লোয়ননা দিল্লী, কোলকতা অমদি বেঙ্গালুরু অমসুং অৱাং নোংপোক্কা লৈনরিবা কন্নেক্তিবিতীসু য়াম্না ফগৎলে। মনিপুরনা ভারত-ম্যানমার-থাইলেন্দ ত্রাই-লেতরেল হাইৱে অমসুং লমদমসিদা লৈরক্কদৌরিবা করোর লিশিং ৯গী নেচরেল গ্যাস পাইপলাইন অসিদগী কান্নবা কয়া ফংলগনি।

 

রাজ্যসিগী চাউখৎ-থৌরাংগী লম্বীদা লৈরম্বা অপনবা খুদিংমক লৌথোকখ্রে অমসুং মথংগী চহি ২৫ অসিদি মনিপুরগী চাউখৎ-খোঙথাংগী অমৃত কাল ওইরগনি হায়না প্রধান মন্ত্রীনা ফোংদোকখি। রাজ্যসিদা দবল ইঞ্জিনগী গ্রোথ লৈরসনু হায়বা য়াইফ পাউজেলগা লোয়ননা মহাক্কী ৱারোল লোইশিনখি।

 

Click here to read full text speech

Explore More
পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক

Popular Speeches

পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক
Gross NPA ratio of banks fell to six-year low of 5.9% in March: RBI

Media Coverage

Gross NPA ratio of banks fell to six-year low of 5.9% in March: RBI
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 1 জুলাই, 2022
July 01, 2022
Share
 
Comments

India’s UPI is accelerating innovation in payment technology globally, creating a neutral marketplace and commerce platform that is low-cost and accessible.

Citizens show appreciation for PM Modi’s visionary leadership, good governance and infrastructure developments.