খুরুমজরি!
২০১৪গী মতুংদা ভারতকী পুথোকখিবা বজেৎ পুম্নমক্তা পেত্তর্ন অমা লৈ। ঐখোয়গী সরকারগী বজেৎ খুদিংমক্না হৌজিক মতমদা মায়োক্নরিবা শীংনবশিং অসিগী সোল্যুসনশিং থিবগী মথক্তা ন্যু-এজ রিফোর্মশিং পুরক্লি। গ্রীন গ্রোথ অমসুং ইনর্জী ত্রান্সমিসনগীদমক য়ুম্বী অহুম লৈ। অহানবদা রিন্যুএবল ইনর্জীগী প্রদক্সন হেনগৎহনবা; অনিশুবদা ইকনোমীদা ফোসিল ফ্যুএল শীজিন্নবা হন্থহনবা; অমসুং অরোইবদা লৈবাক অসিদা গ্যাস-বেজ ইকনোমীগী মাইকৈদা খোংজেল য়াংনা চংশিনবা অসিনি। মসিগী লালোং অসিগী শরুক ওইনা বজেৎশিংদা লাউথোকখিবা ইথানোল ব্লেন্দিং, পি.এম. কুসুম য়োজনা, সোলর মেন্যুফেকচরিংগী ইনসেন্তিবশিং, রুফতোপ সোলর স্কিম, কোল গ্যাসিফিকেসন, অমসুং বেত্তরী স্তোরেজ অসিগুম্বা খোঙথাংশিংগী মতাংদা য়াওরি। চহি অসিগী বজেৎতা ইন্দস্ত্রীশিংগী গ্রীন ক্রেদিৎ, লৌমীশিংগী পি.এম. প্রনাম য়োজনা, খুঙ্গংশিংগী গোবরধন য়োজনা, সহরশিংগী ভেহিকল স্ক্রেপিং পোলিসী, গ্রীন হাইদ্রোজেন অমসুং পাৎশিং য়োকখৎপা অসিগুম্বা স্কিমশিং য়াওখি। মসিগী মথক্তা গ্রীন হাইদ্রোজেন্দা মীৎয়েং চংবগা লোয়ননা পাৎ কন্নবা হোৎনবদা চপ মান্নবা মীৎয়েং চংলি। গ্রীন গ্রোথকী মতাংদা চহি অসিগী বজেৎতা শেমখিবা প্রোবিজনশিং অসিনা তুংগী মীরোলশিংগীদমক য়ুম্ফম থোনগনি অমসুং লম্বী য়াৎকনি।
মরুপশিং,
করিগুম্বা ভারতনা রিন্যুএবল ইনর্জী সোর্সশিংদা ফীদম্নফম ওইবা মফম অমা কনবা তারবদি মালেম পুম্বদা অচৌবা অহোংবা অমা পুরকপা ঙমগনি। বজেৎ অসিনা ভারতপু গ্লোবেল গ্রীন ইনর্জী মার্কেৎতা ভারতপু মাংজিল থারিবা প্লেয়র অমা ওইহনবদা মরু ওইবা থৌদাং লৌগনি। মরম অসিনা ঙসি ঐহাক্না ইনর্জীগী লমদা লৈরিবা স্তেলহোল্দর খুদিংমক্না ভারত্তা ইনভেস্ত তৌনবা হায়জরি। ঙসি মালেমদা মাগী রিন্যুএবল ইনর্জী সপ্লাই চেন দাইভর্সিফিকেসন তৌরি। মসি খঙনা বজেৎ অসিনা গ্রীন ইনর্জী ইনভেস্তরশিংদা ভারত্তা ইনভেস্ত তৌনবা অচৌবা খুদোংচাবা অমা পীরি। মসিনা সেক্তর অসিদা লৈরিবা স্তার্তঅপশিংগীদমক য়াম্না কান্নবা ওইরগনি।
মরুপশিং,
ভারতনা ২০১৪দগী হৌনা মরু ওইবা ইকনোমীশিংগী মরক্তা রিন্যুএবল ইনর্জী কেপাসিতী হাপচিনবদা খ্বাইদগী খোঙজেল য়াংবা ওইখি। ভারতকী ত্রেক রেকোর্দশিংনা রিন্যুএবল ইনর্জী রিসোর্সশিংগী ওইনা থাখিবা মতমদগী মাংওইননা মাগী পান্দমশিং ফংবা ঙম্বগী মতিক ময়াই লৈ উৎখি। ভারতনা থাখিবা মতমদগী চহি ৯গী মমাংদা ইনস্তোল তৌখিবা ইলেক্ত্রিসিতী কেপাসিতীদা নন-ফোসিএল ফ্যুলদগী শরুক ৪০% তম্নবা পান্দম ফংবা ঙমখি। ভারতনা থাখিবা মতমদগী থা ৫ ঙনখৎনা পেত্রোলদা ইথানোল ব্লেন্দিং ১০% তৌবগী তার্গেৎ য়ৌবা ঙমখি অমসুং জাতি অসিনা ২০৩০গী মহুৎ ২০২৫-২৬তা ওইনা পেত্রোলদা ইথানোল ব্লেন্দিং ২০% তৌনবা হোৎনরি। ৫০০ জি.দবল্যু.গী কেপাসিতী অসি ২০২৩ ফাওবদা য়ৌবা ঙম্লগনি। সরকারনা বাইওফ্যুলদা মীৎয়েং চংলি অমদু মসিনা ইনভেস্তরশিংগীদমক অনৌবা খুদোংচাবশিং পুরক্লি। হন্দক্তা ই-২০ ফ্যুল ঐহাক্না লোঞ্চ তৌখি। লৈবাক অসিদা এগ্রি-ৱেস্ত চাং ৱাংনা লৈ অমসুং ইনভেস্তরশিংদা লৈবাক অসিগী কাচিন-কোয়া খুদিংমক্তা ইথানোল প্লান্তশিং লিংখৎনবগী খুদোংচাবশিং অসি ফংহনগনি। ভারতকী লৈজরিবা সোলর, ৱিন্দ অমসুং বাইওগ্যাসকী মতিক-ময়াই অসি ঐখোয়গী প্রাইবেৎ সেক্তরগীদমক গোল্দ মাইন অমসুং ওইল ফিল্দদগী তাবা লৈতে।
মরুপশিং,
নেস্নেল গ্রীন হাইদ্রোজেন মিসনগী মখাদা ভারতনা এম.এম.তি. গ্রীন হাইদ্রোজেন পুথোকপগী পান্দম অমগা লোয়ননা চংশিল্লি। লম অসিদা লৈরিবা প্রাইবেৎ সেক্তর ইনসেন্তিভাইজ তৌনবা লুপা করোর লিশিং ১৯গী এল্লোকেসন তৌখি। নখোয়গীদমক লম্বী কয়া অমা লৈরি। খুদম ওইনা ইলেক্ত্রোলাইজর মেন্যুফেকচরিং, গ্রীন স্তীল মেন্যুফেকচরিং অমসুং লোং-হোল ফ্যুল সেলশিং অসিগুম্বা লমশিংদা ইনভেস্তমেন্তগী খুদোংচাবা কয়া লৈ।
মরুপশিং,
ভারতনা গোবরদগী বাইওগ্যাসকী মিলিয়ন ক্যুবিক মিতর লিশিং ১০ অমসুং এগ্রি-রেসিদ্যুদগি ক্যুবিক মিতর গ্যাস লাখ ১.৫ পুথোকপগী মতিক ময়াই লৈ। মসিনা লৈবাক অসিদা সিতী গ্যাস দিস্ত্রিব্যুসন্দা ৮% ফাওবা শরুক তম্বা ঙমগনি। মসিগী ওইথোকপা য়াবশিং অসিনা মরম ওইদুনা ঙসি গোবরধন য়োজন অসি ভারতকী বাইওফ্যুলগী লালোংগী মরু ওইবা শরুক অমা ওইরি। বজেৎ অসিদা সরকারনা গোবরধন য়োজনাগী মখাদা অনৌবা প্লান্ত ৫০০ লিংখৎনবগী থৌরাংশিং লাউথোকখি। মসি অরিবা মতমগী প্লান্তশিংগা মান্নদে। সরকারনা মোদর্ন প্লান্তশিংদা লুপা করোর ১০,০০০ চাদিং তৌগনি। সরকারগী ‘ৱেস্ত তু ইনর্জী’গী প্রোগ্রামনা লৈবাক্কী প্রাইবেৎ সেক্তর অমসুং এম.এস.এম.ই.শিংগীদমক অনৌবা মার্কেৎ অমা শেম্লি। খুঙ্গংশিংগী এগ্রি-ৱেস্তকা লোয়ননা সহরগী ম্যুনিসিপাল সোলিদ ৱেস্ততগী সি.বি.জি. শুংনবা অচৌবা ইনসেন্তিবশিং পীরি। সরকারনা প্রাইবেৎ সেক্তর থৌগৎনবা তেক্স একজেম্পসনগা লোয়ননা ফাইনান্সিএল এসিস্তেন্স পীরি।
মরুপশিং,
ভারতকী ভেহিকল স্ক্রেপিং পোলিসী অসি গ্রীন গ্রোথ স্ত্রেতেজীগী মরু ওইবা শরুক ওইরি। সরকার অসিনা পুলিস, এম্ব্যুলেন্স অমসুং বসশিং য়াওনা চহি ১৫ হেল্লবা কেন্দ্র অমদি রাজ্য সরকারগীশিংগী গারী লাখ ৩রোম স্ক্রেপ তৌনবা চহি অসিগী বজেৎতা লুপা করোর ৩০০০গী প্রোবিজনশিং শেমখি। রিয়ুস, রিসাইকল অমসুং রিকবরীগী প্রিন্সিপল তুং ইন্দুনা ভেহিকল স্ক্রেপিং অসিনা অচৌবা মার্কেৎ অমা ওইরগনি। মসিনা ঐখোয়গী সর্ক্যুলর ইকনোমীদা অনৌবা শক্তি পীরগনি অমসুং ভারতকী নহারোলশিংদা সর্ক্যুলর ইকনোমীগী তোঙান-তোঙানবা পাম্বৈশিংদা শরুক য়ানবা হায়জরি।
মরুপশিং,
ভারতনা মাগী বেত্তরী স্তোরেজ কেপাসিতী অসি মথংগী চহি ৬-৭দা পুংদা গিগাৱাত ১২৫দা হেনগৎহনবা তাই। অচৌবা পান্দম অসি ফংনবা হোৎনবদা নখোয়গীদমক অনৌবা খুদোংচাবা কয়া লৈরগনি। পান্দম অসি থুংহন্নবা লুপা করোর লাখ কয়া ইনভেস্তমেন্তশিং তৌবা মথৌ তাগনি। হসরকারনা কেপিতেল-ইন্তেন্সিব সেক্তরদা অচৌবা পান্দমশিং ফংবা ঙম্নবা বেত্তরী দিবেলপরশিং সপ্পোর্ত তৌনবা বজেৎ অসিদা ভাইএবিলিতী গেপ ফন্দিং স্কিম অমা পুথোকখি।
মরুপশিং,
ভারত্তা ৱাতর-বেজ ত্রান্সপোর্তনা অচৌবা সেক্তর অমা ওইরক্লি হা ভারতনা ঙসি মাগী কোস্তেল রুৎকী খুত্থাংদা মাগী কার্গোগী ৫% খক্তা ত্রান্সপোর্র তৌরি অমরোমদা কার্গোগী ২% খক্তনা ইনলেন্দ ৱাতরৱেজশিংগী খুত্থাংদা ভারত্তা ত্রান্সপোর্ত তৌরি। ভারত্তা ৱাতরৱেজ শেমগৎপনা লম অসিদা লৈরিবা স্তেকহোল্দরশিংগীদমক খুদোংচাবা কয়া পীরগনি।
মরুপশিং,
ভারত্তা গ্রীন ইনর্জীগী তেক্নোলোজীগী মতাংদা লাকপদা মালেমবু লমজিংবা ঙম্বগী মতিক-ময়াই চেল্লি। মসিনা গ্রীন জোবশিং পীবগী মথক্তা মালেমগী য়াইফনবগী থবক খুমাং চাউশিনহনগনি। বজেৎ অসিদা খুদোংচাবা খক্তা নত্তনা ঐখোয়গী তুংগী সেক্যুরিতীগী গরেন্তীসু য়াওরি। বজেৎ অসিগী প্রোবিজন খুদিংমক ইমপ্লিমেন্ত তৌনবা ঐখোয়না খোঙজেল য়াংনা অমসুং পুন্না চংশিনবা তাই। ঙসিগী ৱেবিনারদা নখোয়না কুপ্না খন্নরগনি। খন্ন-নৈনবা অসি বজেৎ অসিদা করি তৌগনি নত্ত্রগা করি তৌরোই হায়বগী হীরম খক্তা নত্তে। বজেৎ অসি পার্লিয়ামেন্ত পুথোকখ্রে। হৌজিক বজেৎ অসিগী প্রোবিজন খুদিংমক নীংথিনা ইমপ্লিমেন্ত তৌবা অমসুং লৈবাক অসিদা অনৌবা ইন্নোভেসনশিং পুরক্তুনা গ্রীন গ্রোথ লৈহনবা হায়বা অসি সরকার অমসুং ইরৈবাকচাশিংগী থৌদাংনি। বজেৎকী প্রপোজেলশিং অসি ইমপ্লিমেন্ত তৌনবা সরকারনা নখোয়গা লোয়ননা চৎকনি। অমুক হন্না ঐহাক্না ইনভেস্তরশিং, স্তার্ত-অপশিং, লৌউ-শিংউগী লমদগী মীওইশিং, এক্সপর্তশিং অমসুং একাদেমিসিয়নশিংনা ৱেবিনার অসিগীদমক মতম কাইথোকখিবগীদমক থমোয় শেংনা থাগৎচরি অমসুং ৱেবিনার অসি মাইপাক্নবা য়াইফ-মঙ্গোল পীজরি।
হন্না-হন্না থাগৎচরি!
