প্রধান মন্ত্রী শ্রী নরেন্দ্র মোদী সেপ্তেম্বর ২৫ দা উত্তর প্রদেস অমসুং রাজস্থান্দা চৎকনি। মহাক্না অয়ুক পুং ৯:৩০ রোম তাবদা গ্রেতর নোইদাদা উত্তর প্রদেস ইন্তরনেসনেল ত্রেদ সো-২০২৫ হাংদোক্কনি। থৌরম অদুদা মহাক্না মীয়ামদসু ৱা ঙাংগনি।
তুংদা, প্রধান মন্ত্রী রাজস্থান্দা চৎকনি অমসুং লুপা করোর ১,২২,১০০ হেনবগী তোঙান তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং শঙ্গাগনি। প্রধান মন্ত্রীনা পি.এম কুসুম বেনিফিসরিশিংগসু ৱারি শানগনি।
উত্তর প্রদেসতা প্রধান মন্ত্রী
মেক ইন ইন্দিয়া, ভোকেল ফোর লোকেল অমসুং অত্মনির্ভর ভারতকী মহাক্কী ৱাশক্কী মতুংইন্না, প্রধান মন্ত্রীনা গ্রেতর নোইদাগী গৌতম বুদ্ধ নগর জিলাদা উত্তর প্রদেস ইন্তরনেসনেল ত্রেদ সো-২০২৫ হাংদোক্কনি।
“অলতিমেত সোর্সসিং বিগন্স হিয়ার” হায়বা থিমগী মখাদা পাংথোক্কদৌরিবা ত্রেদ সো অসি সেপ্তেম্বর ২৫ দগী সেপ্তম্বর ২৯ ফাওবা পাংথোক্কনি। সো অসিগী মরুওইবা পান্দম অহুল লৈগনি- ইন্নোবেসন, ইন্তেগ্রেসন অমসু ইন্তরনেসনলাইজেসন। পোৎ-চৈ লৈবশিংগী মাইকৈ অহুম ফংবা লাল্লোং অসিনা মালেমগী পোৎ-চৈ লৈরিবশিং, লৈবাক মনুংগী বিজিনেস-তু-বিজিনেস বয়ারশিং অমসুং লৈবাক মনুংগী বিজিনেস-তু-কঞ্জুমর বয়ারশিংদা পান্দম থমগনি এক্সপোর্তরশিং, অপীকপা ললোনবশিং অমসুং কঞ্জুমরশিংদা খুদোংচাবশিং পীগনি।
উত্তর প্রদেস ইন্তরনেসনেল ত্রেদ সো-২০২৫ না রাজ্য অসিগী মখল কয়াগী খুৎ-শা হৈবগী চৎনবীশিং, অনৌবা উদ্যোগশিং, এম.এস.এম.ইশিং অমসুং নৌনা থোক্লকপা ওন্ত্রেপ্রেন্যুরশিং মফম অমদা উৎকনি। শরুক য়াগদৌরিবা মরুওইবা সেক্তরশিংগী মনুংদা হেন্দিক্রাফশিং, তেক্সতাইলশিং, শাউন, লৌউ-শিংউ, চীঞ্জাক শেম শাবা, আই.তি, ইলেক্ত্রোনিক্স, অয়ুস অমসুং অতৈ য়াওরি। মসিদা উত্তর প্রদেসকী ইনাকখুল্লবা কলা, নাৎ অমসুং মথেল-লুকোইশিংসু উৎকনি।
রুসিয়া পার্তনর কন্ত্রি অমা ওইনা শরুক য়াগনি অমসুং লৈবাক অনিগী ললোন-ইতিক, তেক্নোলোজি পীথোক-পীশিন তৌনবা অমসুং মতম শাংনা মতেং পাংনবগী অফবা মফম অমা ওইরগনি। ত্রেদ সো অসিদা একজিবিতর ২,৪০০ হেন্না; বি২বি ভিজিতর ১,২৫,০০০ অমসুং বি২সি ভিজিতর ৪,৫০,০০০ হেন্না শরুক য়াগনি।
রাজস্থান্দা প্রধান মন্ত্রী
প্রধান মন্ত্রীনা বন্সৱারাদা লুপা করোর ১,২২,১০০ হেনবগী কেন্দ্র অমসুং রাজ্য সরকারগী তোঙান তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং শঙ্গাগনি।
মীওই খুদিংমক্ত মমল হোংবা মৈ চাংনাইনা ফংহন্নবা ভারতকী পৱার সেক্তর অওনবা পুরক্নবা প্রধান মন্ত্রগী পান্দমগী শরুক অমা ওইনা, প্রধান মন্ত্রীনা লুপা করোর ৪২,০০০ রোমগী অনুশক্তি ভিধ্যুত নিগম লিমিতেৎস (অসবিনি) মহি বন্সৱারা রাজস্থান এতোমিক পৱার প্রোজেক (৪X৭০০ মেগাৱাত) উরেপ-উয়ুং তমগনি। মসি লৈবাকঅসিদা খ্বাইদগী চাউবা ন্যুক্লিয়ার প্লান্তশিংগী মনুংদা অমা ওইদুনা মৈ মরাংকাইনা ফংহনগনি অমসুং মহৌশাগী অকোয়বগী ফিবমগী মতাংদা লুচিংবা ওইনবা অমসুং ন্যুক্লিয়ার ইনর্জিগী লমদা ভারতকী ফিবম ফগৎহনগনি।
অত্মনির্ভর ভারতকী ৱাখল্লোন মখা তানা চাউখৎনবা, মহি বন্সৱারা রাজস্থান এতোমিক পৱার প্রোজেক্ত এন.পি.সি.আই.এলনা দিজাইন তৌবা অমসুং শেমগৎপা অশোই-অঙাম থোক্লরোইদবা লৈবাক অসিদা শাজবা মেগাৱাত ৭০০ গী প্রেসরাইজ হেভি ৱাতর রিয়েক্তর মরি য়াওরি। মসি ভারতকী “ফ্লিত মোদ” থবক্কী শরুক অমনি অমসুং চপ মান্নবা দিজাইন অমসুং প্রোক্যুরমেন্ত প্নানশিংগী মখাদা ভারত শীনবা থুংনা চপ মান্নবা মেগাৱাত ৭০০০ গী রিয়েক্তর ১০ শেমগৎলি। প্রোজেক অসিনা শেন চঙবা হন্থহনগনি, য়াংনা থবক হৌগনি অমসুং থবক তৌবদা হৈথোই-শিংথোইবশিং পুনশিনগনি।
ভারতকী ন্যুক্লিয়ার ইনর্জি চাউখৎনবা, প্রধান মন্ত্রীনা রাজস্থান্দা লুপা করোর ১৯,২১০ রোমগী গ্রিন ইনর্জি প্রোজেকশিং শঙ্গাগনি অমসুং উরেপ-উয়ুং তমগনি। মহাক্না ফালোদি, জাইসালমর, জালোর, সিকার অমসুং অতৈ মফমশিংদা সোলার প্রোজেকশিং শঙ্গাগনি। প্রধান মন্ত্রীনা বিকানরদা সোলার প্রোজেকশিংগীসু উরেপ-উয়ুং তমগনি। মসিগী মথক্ত, মহাক্না অন্ধ্র প্রদেসতা রামাগিরিদা সোলার পার্ক অমগীসু উরেপ-উয়ুং তমগনি। প্রোজেকশিং অসিনা ভারতনা ক্লিন ইনর্জি পুথোকপা হেনগৎহনবদা মতেং পাংগনি, গ্রিন ইনর্জি য়াম্না পুথোক্তুনা কার্বোন দাইওক্সাইদ তন মিল্লিয়ন কয়া থাদোকপা থিংবা ঙমগনি।
রাজ্য নিপান শীনবা থুংবদা ২০৩০ ফাওবগী মনুংদা গিগাৱাত ১৮১.৫ গী রিন্যুএবল ইনর্জি পুথোক্নবা পান্দম থম্লিবা ভারত সরকারগী রিন্যুএবল ইনর্জি জোন (রেজ) গী মখাদা লুপা করোর ১৩,১৮০ গী পৱার ত্রান্সমিসন প্রোজেক অহুম প্রধান মন্ত্রীনা উরেপ-উয়ুং তমগনি। পুথোক্কদৌরিবা রিন্যুএবল পৱারশিং লোদ সেন্তরশিংদা য়ৌহন্নবা অমসুং গ্রিদ লেংদনা লৈবা হেনগৎহন্নবা, রাজস্থান রেজগীদমক পৱার গ্রিদনা মরুওইবা ত্রান্সমিসন সিষ্টেমশিং পায়খৎলি।
প্রোজেকশিংগী মনুংদা রাজস্থানগী বিয়াৱারদগী মধ্য প্রদেসকী মন্দাসুর ফাওবা কে.ভি ৭৬৫ গী ত্রান্সমিসন লাইনশিং পুবা অমসুং মরী লৈনবা সবষ্টেসনশিংদা মখা তানা য়ৌহনবা; সিরোহি সবষ্টেসন্দা ত্রান্সফোর্মেসন কেপাসিতি হেনগৎহনবগা লোয়ননা রাজস্থানগী সিরোহিদগী মন্দসুর ফাওবা অসুং মধ্য প্রদেসকী খন্দৱা ফাওবা য়ৌহনবা অমসুং মন্দসুর অমসুং খন্দৱা সবষ্টেসনশিংদা মখা তানা য়ৌহনবা; অমসুং রাজস্থানগী বিকানরদগী হরিয়ানাগী ফতেহবাদ ফাওবা কে.ভি ৭৬৫ অমসুং কে.ভি ৪০০ গী ত্রান্সমিসন লাইন য়ৌহনবা অমসুং বিকানরদা সবষ্টেসনশিং লিংখৎপা অমসুং সিৱানি সবষ্টেন্দা য়ৌহনবা য়াওনা মখা তানা পঞ্জাবগী পাত্রান ফাওবা য়ৌহনবা য়াওরি। প্রোজেকশিং অসিনা রাজস্থানদা মৈ পুথোক্লিবা মফমশিংদগী ভারত শীনবা থুংবগী মৈ দরকার ওইরিবা রাজ্যশিংদা গিগাৱাত ১৫.৫ গী গ্রিন ইনর্জি থাবা ঙমগনি।
প্রধান মন্ত্রীনা গ্রিদ সবষ্টেসন অহুমগী উরেপ-উয়ুং তমগনি অমসুং মসিদা কে.ভি ২২০ অমসুং বিকানর অমসুং জাইসালমরদা মরী লৈনবা লাইনশি য়াওরি। প্রধান মন্ত্রীনা বারমর জিলাদা সিবতা কে.ভি ২২০ জি.এস.এস অমসু শঙ্গাগনি। লুপা করোর ৪৯০ হেনবগী প্রোজেকশিং অসিনা লমদম অসিদা ইনর্জি মরাংকাইনা ফংহনবদা শিংথাবা য়ানা মতেং পাংগনি।
লৌমীশিংগী ফিবম ফগৎহন্নবা মহাক্কী পান্দমগী শরুক অমা ওইনা, প্রধান মন্ত্রীনা পি.এম কুসুম ( প্রধান মন্ত্রী কিষান উর্জ সুরক্ষা ইভম উতথাম মহাভিয়ান) স্কিম (কম্পোনেন্ত সি) গী মখাদা রাজস্থান, মহারাষ্ট্রা, মধ্য প্রদেস অমসুং কর্নাতকা রাজ্যশিংদা লুপা করোর ১৬,০৫০ হেনবগী মেগাৱাত ৩৫১৭গী ফিদর লেভেল সোলারাইজেসন প্রোজেকশিং শঙ্গাগনি। মমল হোংবা অমসুং চাং নাইবা ঈশিং চিংখৎনবা মৈ ফংহন্নবা এগ্রিকলচর ফিদরশিং সোলার ওন্থোক্লে অমসুং মসিনা মৈ পুথোকপদা চঙবা শেনফম হন্থহন্দুনা, ইথৈ পীবগী চাদিং হন্থহন্দুনা অমসুং খুঙ্গংদা মশাগী ওক্নবা মৈ পুথোকপা য়োখৎতুনা লৌমী লাখ কয়াদা কান্নবশিং ফংহল্লে।
রামজাল সেতু লিঙ্ক প্রোজেক ফগৎহন্নবা অমসুং ঈশিং মরাংকাইনা ফংহন্নবা মহাক্কী পান্দম মাইপাক্নবা, প্রধান মন্ত্রীনা রাজস্থান্দা তোঙান তোঙানবা ঈশিংগী প্রোজেকশিং উরেপ-উয়ুং তমগনি অমসুং শঙ্গাগনি। ইসারদাদা তোঙান তোঙানবা ফিদরশিং শানবা অজমর জিলাদা মোর সাগর আর্তিসিএল রিজার্বর অমসুং চিত্তোগরদগী মসিগী ফিদরশিং শেমগৎনবা প্রধান মন্ত্রীনা উরেপ-উয়ুং তমগনি। অতোপ্পা থবকশিংগী মনুংদা, বিসালপুরদা ইন্তেক পম্প হাওস, খারি ফিদর নৌনা শেমজিনবা অমসুং তোঙান তোঙানবা ফিদর কেনেলগী থবকশিং য়াওরি। প্রধান মন্ত্রীনা ইসারদা দাম, ধোলপুর লিফ প্রোজেক, তাক্লি প্রোজেক শঙ্গাগনি।
মীওই খুদিংমক্ত অফবা থক্নবা ঈশিং ফংহন্নবা মহাক্কী পান্দমগী মনুংচন্না, অতল মিসন ফোর রিজুবিনেসন এন্দ অর্বান ত্রান্সফোর্মেসন (অমরুত) ২.০ গী মখাদা বন্সৱারা, দু্ঙ্গারপুর, উদয়পুর, সৱাই মাধোপুর, চুরু, অজমর, বিলৱারা জিলাশিংদা লুপা করোর ৫,৮৮০ হেনবগী থক্নবা ঈশিং পীনবা প্রোজেকশিংগী উরেপ-উয়ুং তমগনি।
লম্বী-থোঙ ফগৎহন্নবা, প্রধান মন্ত্রীনা ভারতপুর সিতিদা লৈকং থোঙশিং শানবা, বনাস তুরেলদা থোঙ অমা শানবা অমসুং অতল প্রাগাতি পথ প্রোজেক ১১৬ গী উরেপ-উয়ুং তমগনি। মহাক্না বারমর, অজমর, দুঙ্গারপুর জিলাশিংদা নেসনেল অমসুং ষ্টেৎ হায়ৱেশিংগা মরী লৈনবা লম্বীগী প্রোজেক কয়া শঙ্গাগনি অমসুং মীয়ামদা কৎথোক্কনি। লুপা করোর ২,৬৩০ হেনবগী প্রোজেকশিং অসিনা লমদম অসিগী লম্বী-থোঙগী ফিবম ফগৎহনগনি, চৎথোক-চৎশিন নুংঙাইবা অমসুং লম্বীগী অশোই-অঙাম থোক্তবা হেনগৎহনগনি।
প্রধান মন্ত্রীনা ভারতপুরদা ফমুং ২৫০ গী আর.বি.এম হোস্পিতাল অমা, জয়পুরদা আই.তি দিবলপমেন্ত অমসুং ই-গভর্নান্স সেন্তর, মাক্রানা সহরদা ত্রিৎমেন্ত প্লান্তশিং অমসুং পম্পিং ষ্টেসনশিং য়াওনা সিৱেরেজ সিষ্টেম অমসুং মন্দৱা অমসুং ঝুনঝুনু জিলাদা ঈশিং পীনবা প্রোজেক শঙ্গাগনি।
রেলগী চৎথোক-চৎশিন খুদোংচাবা হেনগৎহন্নবা, প্রধান মন্ত্রীনা বিকানর অমসুং দিল্লি কেন্তগী মরক্ত বন্দে ভারত এক্সপ্রেস ত্রেন, জোধপুর অমসুং দিল্লি কেন্তগী মরক্ত বন্দে ভারত এক্সপ্রেস ত্রেন অমসুং উদয়পুর সিতি- চান্দিগর এক্সপ্রেস, ত্রেন অহুম লমথাগনি। হায়রিবা ত্রেনশিং অসিনা রাজস্থান অমসুং অতোপ্পা অৱাং থংবা রাজ্যশিংগী মরক্ত চৎথোক-চৎশিন ফগৎহনগনি।
মীওই খুদিংমক থবক ফংহন্নবা মহাক্কী মঙলানগী শরুক অমা ওইনা, প্রধান মন্ত্রীনা রাজস্থান্দা সরকারগী বিভাগশিং অমসুং লুপশিংদা নৌনা থবক খল্লবা নহারোলশিংদা এপোইন্তমেন্ত লেত্তর ১৫,০০০ হেন্না য়েন্থোক্কনি। মখোয়গী মনুংদা এনিমেল এত্তেন্দেন্ত ৫৭৭০, জুনিয়ার এসিষ্টেন্ত ৪১৯০, জুনিয়ার ইন্সত্রক্তর ১৮০০, জুনিয়ার ইঞ্জিনিয়ার ১৪৬০, থার্দ-গ্রেদ লেভেল-২ ওজা ১২০০ য়াওরি।
