প্ৰধানমন্ত্ৰী শ্ৰী নৰেন্দ্ৰ মোদীয়ে ২৫ ছেপ্টেম্বৰত উত্তৰপ্ৰদেশ আৰু ৰাজস্থান ভ্ৰমণ কৰিব। তেওঁ পুৱা প্ৰায় ৯:৩০ বজাত গ্ৰেটাৰ নয়ডাত উত্তৰপ্ৰদেশ আন্তঃৰাষ্ট্ৰীয় বাণিজ্য প্ৰদৰ্শনী-২০২৫ উদ্বোধন কৰিব। লগতে এই উপলক্ষে সভাত ভাষণ আগবঢ়াব।
ইয়াৰ পিছত প্ৰধানমন্ত্ৰীয়ে ৰাজস্থান ভ্ৰমণ কৰি ১,২২,১০০ টকাৰ একাধিক উন্নয়নমূলক প্ৰকল্পৰ আধাৰশিলা স্থাপন আৰু উদ্বোধন কৰাৰ লগতে প্ৰায় ১:৪৫ বজাত বনস্বৰাত ৰাজহুৱা অনুষ্ঠানত ভাষণ দিব। তেওঁ পি এম কুসুমৰ একাংশ হিতাধিকাৰীৰ সৈতেও মত বিনিময় কৰিব।
উত্তৰপ্ৰদেশত প্ৰধানমন্ত্ৰী
মেক ইন ইণ্ডিয়া, ভোকেল ফৰ লোকেল আৰু আত্মনিৰ্ভৰ ভাৰতৰ প্ৰতি থকা দায়বদ্ধতাৰ সৈতে সংগতি ৰাখি প্ৰধানমন্ত্ৰীয়ে গৌতম বুদ্ধ নগৰ জিলাৰ গ্ৰেটাৰ নয়ডাত উত্তৰপ্ৰদেশ আন্তঃৰাষ্ট্ৰীয় বাণিজ্য প্ৰদৰ্শনী-২০২৫ (UPITS-২০২৫) উদ্বোধন কৰিব।
“প্ৰকৃত ছ’ৰ্চিং ইয়াৰ পৰা আৰম্ভ” শীৰ্ষক এই বাণিজ্য প্ৰদৰ্শনীটো ২৫ ছেপ্টেম্বৰৰ পৰা ২৯ ছেপ্টেম্বৰলৈ অনুষ্ঠিত হ’ব। ইয়াৰ তিনিটা মূল লক্ষ্য থাকিব- উদ্ভাৱন, সংহতি আৰু আন্তঃৰাষ্ট্ৰীয়কৰণ। তিনিটা দিশৰ ক্ৰেতা কৌশলে আন্তঃৰাষ্ট্ৰীয় ক্ৰেতা, ঘৰুৱা ব্যৱসায়ৰ পৰা ব্যৱসায়লৈ (বি টু বি) ক্ৰেতা আৰু ঘৰুৱা ব্যৱসায়ৰ পৰা গ্ৰাহকলৈ (বি টু চি) ক্ৰেতাক লক্ষ্য কৰি ৰপ্তানিকাৰক, ক্ষুদ্ৰ ব্যৱসায় আৰু গ্ৰাহকৰ বাবে একেদৰেই সুযোগ প্ৰদান কৰিব।
ইউপিআইটিএছ-২০২৫-এ ৰাজ্যখনৰ বৈচিত্ৰময় শিল্পকলা পৰম্পৰা, আধুনিক উদ্যোগ, শক্তিশালী এমএছএমই আৰু সম্ভাৱনীপূৰ্ণ উদ্যোগীসকলক একেখন মঞ্চত সমবেত কৰিব। এই বাণিজ্য প্ৰদৰ্শনীত প্ৰতিনিধিত্ব কৰিবলগীয়া মূল খণ্ডসমূহৰ ভিতৰত হস্তশিল্প, বস্ত্ৰশিল্প, চামৰা, কৃষি, খাদ্য প্ৰক্ৰিয়াকৰণ, আই টি, ইলেক্ট্ৰনিকছ, আয়ুষ আদি উল্লেখযোগ্য। তদুপৰি ইয়াৰ এখন চালিৰ তলত উত্তৰপ্ৰদেশৰ চহকী শিল্প, সংস্কৃতি আৰু খাদ্যৰ বৈশিষ্ট্য থাকিব।
ৰাছিয়াই অংশীদাৰ দেশ হিচাপে অংশগ্ৰহণ কৰি দ্বিপাক্ষিক বাণিজ্য, প্ৰযুক্তি বিনিময়, আৰু দীৰ্ঘম্যাদী সহযোগিতাৰ পথ মুকলি কৰি কৌশলগত তাৎপৰ্য্য বৃদ্ধি কৰিব। ২৪০০ৰো অধিক প্ৰদৰ্শক; ১,২৫,০০০ বি টু বি দৰ্শক; আৰু ৪,৫০,০০০ বি টু চি দৰ্শকে এই বাণিজ্য প্ৰদৰ্শনীত অংশগ্ৰহণ কৰিব।
ৰাজস্থানত প্ৰধানমন্ত্ৰী
প্ৰধানমন্ত্ৰীয়ে বনস্বৰাত কেন্দ্ৰীয় আৰু ৰাজ্য চৰকাৰৰ ১,২২,১০০ কোটিৰো অধিক মূল্যৰ একাধিক উন্নয়নমূলক প্ৰকল্পৰ আধাৰশিলা স্থাপন আৰু উদ্বোধন কৰিব।
সকলোৰে বাবে সুলভ, নিৰ্ভৰযোগ্য আৰু বহনক্ষম বিদ্যুৎ যোগান নিশ্চিত কৰিবলৈ ভাৰতৰ শক্তি খণ্ডক ৰূপান্তৰিত কৰাৰ প্ৰতিশ্ৰুতিৰ সৈতে সংগতি ৰাখি প্ৰধানমন্ত্ৰীয়ে অনুশক্তি বিদ্যুত নিগম লিমিটেডৰ (ASHVINI) মাহি বনশ্বৰা ৰাজস্থান পাৰমাণৱিক শক্তি প্ৰকল্প (৪X৭০০ মেগাৱাট)ৰ আধাৰশিলা স্থাপন কৰিব, যাৰ মূল্য প্ৰায় ৪২,০০০ কোটি টকা। ই দেশৰ অন্যতম বৃহৎ পাৰমাণৱিক উদ্যোগ হ’ব যিয়ে নিৰ্ভৰযোগ্য ভিত্তি বোজা শক্তি যোগান ধৰিব আৰু ই পৰিৱেশ পৰিচালনা আৰু বিকশিত পাৰমাণৱিক শক্তিৰ পৰিৱেশত ভাৰতৰ স্থান শক্তিশালী কৰিব। আত্মনিৰ্ভৰ ভাৰতৰ মনোভাৱক আগুৱাই নিয়াৰ বাবে মাহী বনশ্বৰা ৰাজস্থান পাৰমাণৱিক শক্তি প্ৰকল্পত উন্নত সুৰক্ষা বৈশিষ্ট্যৰ সৈতে চাৰিটা থলুৱা ৭০০ মেগাৱাট চাপযুক্ত গধুৰ পানী ৰিয়েক্টৰ আছে, যিবোৰ এনপিচিআইএলে ডিজাইন আৰু বিকশিত কৰিছে। ই ভাৰতৰ বহল “ফ্লিট মোড” পদক্ষেপৰ অংশ, য’ত সমগ্ৰ ভাৰতত একেধৰণৰ ডিজাইন আৰু ক্ৰয় পৰিকল্পনাৰ অধীনত দহটা একেধৰণৰ ৭০০ মেগাৱাট ৰিয়েক্টৰ নিৰ্মাণ কৰা হৈছে। প্ৰকল্পটোৱে খৰচৰ দক্ষতা, দ্ৰুত নিয়োগ আৰু একত্ৰিত কাৰ্য্যকৰী বিশেষজ্ঞতা আনিব।
ভাৰতৰ স্বচ্ছ শক্তিৰ আন্তঃগাঁথনিৰ এক বৃহৎ উত্থানৰ ৰূপত প্ৰধানমন্ত্ৰীয়ে ৰাজস্থানত প্ৰায় ১৯,২১০ কোটি টকাৰ সেউজ শক্তি প্ৰকল্পৰ উদ্বোধন আৰু আধাৰশিলা স্থাপন কৰিব। তেওঁ ফালোডী, জয়ছালমেৰ, জালৌৰ, ছিকাৰ আদিত সৌৰ প্ৰকল্প উদ্বোধন কৰিব। লগতে বিকানেৰত সৌৰ প্ৰকল্পৰ আধাৰশিলা স্থাপন কৰিব। তদুপৰি, তেওঁ অন্ধ্ৰ প্ৰদেশৰ ৰামাগিৰিত এখন সৌৰ উদ্যানৰ আধাৰশিলা স্থাপন কৰিব। এই প্ৰকল্পসমূহে ভাৰতৰ স্বচ্ছ শক্তি ক্ষমতাত যথেষ্ট অৰিহণা যোগাব, যথেষ্ট পৰিমাণৰ সেউজ শক্তি উৎপাদন কৰাৰ লগতে লাখ লাখ টন কাৰ্বন ডাই অক্সাইড নিৰ্গমন ৰোধ কৰিব।
প্ৰধানমন্ত্ৰীয়ে ভাৰত চৰকাৰৰ নবীকৰণযোগ্য শক্তি মণ্ডল (আৰ ই জেড) পদক্ষেপৰ অধীনত ১৩,১৮০ কোটি টকাৰো অধিক মূল্যৰ তিনিটা শক্তি সঞ্চাৰণ প্ৰকল্পৰ আধাৰশিলা স্থাপন কৰিব, যাৰ লক্ষ্য ২০৩০ চনৰ ভিতৰত আঠখন ৰাজ্যত ১৮১.৫ গিগাৱাট নবীকৰণযোগ্য শক্তিৰ ক্ষমতা বিকাশৰ লক্ষ্য। এই নবীকৰণযোগ্য শক্তিৰ লোড চেণ্টাৰৰ দিশত দক্ষ বিক্ষিপ্ততা নিশ্চিত কৰিবলৈ আৰু গ্ৰীডৰ স্থিৰতা বৃদ্ধি কৰিবলৈ পাৱাৰগ্ৰিডে ৰাজস্থান আৰ ই জেডৰ বাবে মূল সংবহন ব্যৱস্থা ৰূপায়ণ কৰিছে।
ইয়াৰ ভিতৰত ৰাজস্থানৰ বেৱাৰৰ পৰা মধ্যপ্ৰদেশৰ মাণ্ডচৌৰলৈ ৭৬৫ কেভি সংবহন লাইন আৰু সংশ্লিষ্ট উপকেন্দ্ৰ সম্প্ৰসাৰণ; ৰাজস্থানৰ ছিৰোহীৰ পৰা মাণ্ডচৌৰ আৰু মধ্যপ্ৰদেশৰ খাণ্ডৱালৈকে ছিৰোহি উপকেন্দ্ৰত ৰূপান্তৰ ক্ষমতা বৃদ্ধি আৰু মাণ্ডচৌৰ আৰু খাণ্ডৱা উপকেন্দ্ৰৰ সম্প্ৰসাৰণ; আৰু ৰাজস্থানৰ বিকানেৰৰ পৰা হাৰিয়ানাৰ ছিৱানী আৰু ফাতেহাবাদলৈ আৰু ইয়াৰ পৰা পঞ্জাৱৰ পাত্ৰনলৈ ৭৬৫ কেভি আৰু ৪০০ কেভি সংবহন লাইনৰ লগতে বিকানেৰত উপকেন্দ্ৰ স্থাপন আৰু ছিৱানী উপকেন্দ্ৰ সম্প্ৰসাৰণ। সঞ্চিতভাৱে এই প্ৰকল্পসমূহে ৰাজস্থানৰ উৎপাদন কেন্দ্ৰৰ পৰা সমগ্ৰ ভাৰতৰ হিতাধিকাৰী ৰাজ্যসমূহৰ চাহিদা কেন্দ্ৰলৈ ১৫.৫ গিগাৱাট সেউজ শক্তিৰ নিৰৱচ্ছিন্ন স্থানান্তৰৰ সুবিধা প্ৰদান কৰিব।
প্ৰধানমন্ত্ৰীয়ে জয়ছালমেৰ আৰু বিকানেৰত ২২০ কেভি আৰু সংশ্লিষ্ট লাইনকে ধৰি তিনিটা গ্ৰীড ছাবষ্টেচন (জিএছএছ)ৰ আধাৰশিলা স্থাপন কৰিব। লগতে বাৰমেৰ জিলাৰ শিৱত ২২০ কেভি জিএছএছ উদ্বোধন কৰিব। ৪৯০ কোটিৰো অধিক মূল্যৰ এই প্ৰকল্পসমূহে অঞ্চলটোৰ শক্তি সুৰক্ষা নিশ্চিত কৰাত যথেষ্ট অৰিহণা যোগাব।
কৃষকক সৱলীকৰণৰ প্ৰতি থকা দায়বদ্ধতাৰ সৈতে সংগতি ৰাখি প্ৰধানমন্ত্ৰীয়ে পিএম-কুসুম (প্ৰধানমন্ত্ৰী কিষাণ উৰ্জা সুৰক্ষা এবম উত্তন মহাভিযান) আঁচনিৰ অধীনত ৰাজস্থান, মহাৰাষ্ট্ৰ, মধ্যপ্ৰদেশ আৰু কৰ্ণাটক ৰাজ্যত ১৬,০৫০ কোটিৰো অধিক মূল্যৰ ৩,৫১৭ মেগাৱাট শক্তিৰ ফিডাৰ লেভেল সৌৰায়ন প্ৰকল্প উদ্বোধন কৰিব (উপাদান গ)। বিদ্যুতৰ খৰচ কম, জলসিঞ্চনৰ খৰচ হ্ৰাস আৰু গ্ৰাম্য শক্তিৰ আত্মনিৰ্ভৰশীলতাক প্ৰসাৰিত কৰি লাখ লাখ কৃষকক উপকৃত কৰা সুলভ, নিৰ্ভৰযোগ্য আৰু বহনক্ষম জলসিঞ্চন শক্তি নিশ্চিত কৰিবলৈ কৃষি ফিডাৰসমূহ সৌৰশক্তিকৰণ কৰা হৈছে।
ৰামজল সেতু সংযোগী প্ৰকল্পৰ এক বৃহৎ উত্থান আৰু জল সুৰক্ষাৰ দৃষ্টিভংগীক আগুৱাই নিয়াত প্ৰধানমন্ত্ৰীয়ে ৰাজস্থানত ২০,৮৩০ কোটিৰো অধিক মূল্যৰ একাধিক জলসম্পদ প্ৰকল্পৰ আধাৰশিলা স্থাপন আৰু উদ্বোধন কৰিব। তেওঁ ইছাৰদাৰ পৰা বিভিন্ন ফিডাৰ নিৰ্মাণ, আজমেৰ জিলাত মোৰ সাগৰ কৃত্ৰিম জলাশয় নিৰ্মাণ আৰু চিট্টোৰগড়ৰ পৰা ইয়াৰ ফিডাৰ নিৰ্মাণৰ আধাৰশিলা স্থাপন কৰিব। আন আন কামৰ ভিতৰত বিশালপুৰ বান্ধত ইনটেক পাম্প হাউচ, খাৰী ফিডাৰ সজীৱ কৰি তোলা আৰু বিভিন্ন ফিডাৰ খালৰ কাম। তদুপৰি, প্ৰধানমন্ত্ৰীয়ে ইছাৰদা বান্ধ, ঢোলপুৰ লিফ্ট প্ৰজেক্ট, টকলিকে ধৰি অন্যান্য কেতবোৰ প্ৰকল্প উদ্বোধন কৰিব।
সকলোৰে বাবে বিশুদ্ধ আৰু পৰিস্কাৰ খোৱাপানীৰ প্ৰতি থকা দায়বদ্ধতাৰ সৈতে সংগতি ৰাখি প্ৰধানমন্ত্ৰীয়ে অটল মিছন ফৰ ৰিজুভেনেচন এণ্ড আৰ্বান ট্ৰেন্সফৰ্মেচন (আমৰূট) ২.০ৰ অধীনত বনছোৱাৰা, ডুংগাৰপুৰ, উদয়পুৰ, ছাৱাই মাধোপুৰ, চুৰু, আজমেৰ, ভিলৱাৰা জিলা আদিত ৫,৮৮০ কোটি টকাৰো অধিক মূল্যৰ বৃহৎ খোৱাপানী যোগান প্ৰকল্পৰ আধাৰশিলা স্থাপন কৰিব।
পথ আন্তঃগাঁথনিৰ এক বৃহৎ উত্থানৰ ৰূপত প্ৰধানমন্ত্ৰীয়ে ভৰতপুৰ চহৰত উৰণীয়া সেতু নিৰ্মাণ, বানাছ নদীৰ ওপৰত এখন দলং আৰু ১১৬ অটল প্ৰগতি পথ প্ৰকল্প নিৰ্মাণৰ আধাৰশিলা স্থাপন কৰিব। তদুপৰি, তেওঁ বাৰ্মেৰ, আজমেৰ, ডুংগৰপুৰ জিলাৰ লগতে অন্যান্য অঞ্চলত ৰাষ্ট্ৰীয় আৰু ৰাজ্যিক ঘাইপথৰ সৈতে জড়িত একাধিক পথ প্ৰকল্পৰ উদ্বোধন কৰাৰ লগতে দেশবাসীৰ নামত উৎসৰ্গা কৰিব। ২৬৩০ কোটি টকাৰো অধিক মূল্যৰ এই প্ৰকল্পসমূহে আঞ্চলিক পথ সংযোগৰ উন্নতি সাধন কৰিব, মসৃণ যাতায়ত সুনিশ্চিত কৰিব আৰু পথ সুৰক্ষা বৃদ্ধি কৰিব।
প্ৰধানমন্ত্ৰীয়ে ভৰতপুৰত ২৫০খন বিছনাযুক্ত আৰ বি এম হাস্পতাল, জয়পুৰত আই টি ডেভেলপমেণ্ট এণ্ড ই-গভৰ্নেন্স চেণ্টাৰ, মকৰানা চহৰত পৰিশোধন প্ৰকল্প আৰু পাম্পিং ষ্টেচনকে ধৰি নলা ব্যৱস্থা, মাণ্ডাৱা আৰু ঝুনঝুনু জিলাত নলা আৰু পানী যোগান প্ৰকল্পও উদ্বোধন কৰিব।
ৰে’ল সংযোগত এক বৃহৎ গতি প্ৰদান কৰি প্ৰধানমন্ত্ৰীয়ে তিনিখন ৰে’ল, বিকানেৰ আৰু দিল্লী কেণ্টৰ মাজত বন্দে ভাৰত এক্সপ্ৰেছ ৰে’ল, যোধপুৰ আৰু দিল্লী কেণ্টৰ মাজত বন্দে ভাৰত এক্সপ্ৰেছ ৰে’ল আৰু উদয়পুৰ চহৰ – চণ্ডীগড় এক্সপ্ৰেছৰ ফ্লেগ অফ কৰিব। এই ৰে’লসমূহে ৰাজস্থান আৰু অন্যান্য উত্তৰ ৰাজ্যৰ মাজত সংযোগৰ যথেষ্ট উন্নতি সাধন কৰিব।
সকলোৰে বাবে নিয়োগৰ দৃষ্টিভংগীক আগুৱাই নিয়াৰ বাবে ৰাজস্থানৰ চৰকাৰী বিভাগ আৰু সংস্থাসমূহৰ নতুনকৈ নিযুক্তি পোৱা ১৫ হাজাৰতকৈ অধিক যুৱক-যুৱতীক নিযুক্তি পত্ৰ বিতৰণ কৰিব। ইয়াৰ ভিতৰত ৫,৭৭০ জনতকৈ অধিক পশু পৰিচাৰক, ৪,১৯০ জন কনিষ্ঠ সহায়ক, ১৮০০ জন কনিষ্ঠ প্ৰশিক্ষক, ১,৪৬০ জন কনিষ্ঠ অভিযন্তা, ১২০০জন তৃতীয় শ্ৰেণীৰ দ্বিতীয় পৰ্যায়ৰ শিক্ষক আছে।
