প্রধান মন্ত্রী শ্রী নরেন্দ্র মোদীনা ঙসি তামিল নাদুগী গঙ্গাইকোন্দা চোলাপুরম লাইশঙদা আদি তিরুবতিরাই কুহ্মৈদা ৱা ঙাংখ্রে। ভগৱান শিবাবু ইকায় খুম্নবা উৎতুনা, শ্রী ইলাইয়ারাজানা শকপা ঈশৈ অমসুং ওধুভরশিংনা লাইগী মন্ত্র থিবগা লোয়ননা রাজা রাজা চোলাগী শেংলবা লমদমদা পাংথোকপা শিবা দর্শনগী থম্মোয়দা ফাওরকপা স্পিরিচুএল ইনর্জী অদুগী মতাংদা পল্লদুনা শ্রী মোদীনা হায়খি মদুদি স্পিরিচুএল এতমোস্ফিয়র অসিনা আত্মা ফাওবা য়ৌনা শোক্লি।
সাৱানগী শেংলবা থাগী মরুওইবা অমসুং ব্রিহাদেশ্বর শিবগী লাইশঙ শারকপা চহি 1000 মপুং ফারকপগী পুৱারী ওইরবা থৌরম অদু পল্লদুনা শ্রী মোদীনা হায়রিবা অখন্নবা মীকুপ অসিগী মনুংদা অখন্নবা তাঙ্কক অসিদা ভগবান ব্রিহাদেশ্বর শিবগী খুয়া খাদা চংজবা অমসুং শেংলবা লাইশঙ অসিদা থৌনিজবগী খুদোংচাবা ফংজখি হায়খি। ভারত মচা করোর 140গী য়াইফনবা অমসুং লৈবাক অসিনা মাংলোমদা চংশিল্লিবা খোংজেলগীদমক মহাক্না পুৱারী ওইরবা ব্রিহাদেশ্বর শিব লাইশঙদা থৌনিখি। মহাক্না ভগবান শিবাগী শেংলবা ঈশৈ শক্লদুনা ভগবান শিবাগী থৌজাল অসি মীপুম খুদিংমক্তা য়ৌহন্নবা মহাক্কী অপাম্বা ফোংদোকখি।
শ্রী মোদীনা মীয়ামদা কেন্দ্রগী কলচর মন্ত্রালয়না শীনবা মীওইবগী য়াইফ-থৌরাং অমসুং চাউখৎ-থৌরাংগীদমক ঐখোয়গী ইপা-ইপুশিংনা শেমখিবা রোদমেপকা মরী লৈনবা চহি 1000গী পুৱারীগী মতাংদা উৎলিবা একজিবিসনদা চৎনবা হায়খি। মহাক্না চিনমায়া মিসনগী খুত্থাংদা তামিল গীতা এলবম হৌদোকপগী থৌরমদসু শরুক য়াখি। মহাক্না হায়খি মদুদি থৌরাং অসিনা লৈবাক অসিনা মাগী হেরিতেজ অসি ঙাক্তুনা থম্নবগী ৱারেপ লৌবদা পাঙ্গল হাপ্লি। মহাক্না খোঙথাং অসিগা মরী লৈনবা মীওই খুদিংমকপু থাগৎপা ফোংদোকখি।
মখা তানা, প্রধান মন্ত্রীনা হায়খি মদুদি চোলাগী নীংথৌরেলশিংনা মখোয়গী দিপ্লোমেতিক অমসুং ললোন-ইতিক্কী মরীশিং শ্রী লঙ্কা, মালদীব অমসুং খা-নোংপোক এসিয়াদা শন্দোকখি। ঙরাং মালদীবতগী হল্লকপা অমসুং ঙসি তামিল নাদুদা থৌরম অসিগী শরুক অমা ওইরকপা অসি য়াম্না লাইবক ফবনি হায়না মহাক্না ফোংদোকখি।
শ্রী মোদীনা ভগবান শিবাবু নীংবা মীওইশিং অসি মহাক্কা চপ মান্ননা ইতর্নেল ওই হায়রিবা শাস্ত্রশিংবু পল্লদুনা হায়খি মদুদি শিবাগী মফমদা লেংদনা কত্থোকপদা য়ুম্ফম ওইবা ভারতকী চোলা হেরিতেজনা মতম চুপ্পগী ওইনা লৈহৌরগনি। প্রধান মন্ত্রীনা হায়খি, "রাজারাজা চোলা অমসুং রাজেন্দ্র চোলাগী লেগেসী অসি ভারতকী মশক অমসুং চাউথোকচবনি।" মহাক্না হায়খি, "চোলা সামরাজ্যগী পুৱারী অমসুং হেরিতেজ অসিনা ভারতকী অশেংবা ওইথোকপা য়াবশিং উৎলি।" মহাক্না অকনবা ৱাফম থমখি মদুদি হেরিতেজ অসিনা চাউখৎলবা ভারত অমা শেমগৎনবা লৈবাক্কী অপাম্বদা পুক্নিং থৌগৎলি, রাজেন্দ্র চোলা দি গ্রেৎতা ইকায় খুম্নবা উৎলি, মহাক্কী লেংদ্রবা লেগেসিবু শকখঙলি। হন্দক্তা আদি তিরুবতিরাই ফেস্তিবেল পাংথোকখিবা অদু পল্লদুনা শ্রী মোদীনা হায়খি মদুদি ঙসিগী অচৌবা থৌরম অসিনা মসিগী লোইশিনবা ওইখি অমসুং থৌরম অসিদা শরুক য়ারিবা পুম্নমকপু থাগৎপা ফোংদোকখি।
প্রধান মন্ত্রীনা হায়খি, "হিস্তোরিয়নশিংনা চোলা মতম অসি ভারতকী গোল্দন ইরাশিংগী মরক্তা অমনি হায়না লৌই, মাগী লান্মীগী শক্তিনা মশক তাকপা মতম অমনি।" মহাক্না হায়খি মদুদি চোলাগী সামরাজ্যনা ভারতকী দেমোক্রেতিক ত্রেদিসনশিং অসি খুমাং চাউশিলহনখি অদুবু মসি গ্লোবেল নেরেতিবশিংদা তোইনা পনবীদে। মহাক্না হায়খি মদুদি হিস্তোরিয়নশিংনা ব্রিতেনগী মেগনা কার্তাবু দেমোক্রেসীগী মতাংদা হায়রবসু, চোলা সামরাজ্যনা কুদেভোলাই অমাইপ্পু সিস্তেমগী খুত্থাংদা চহি চা কয়াগী মমাংদা দেমোক্রেসী ইলেক্সন প্রাক্তিসশিং চৎনহনখি। শ্রী মোদীনা হায়খি মদুদি ঙসি মালেমগী ওইবা দিস্কোর্স অসি ঈশিং মেনেজমেন্ত অমসুং ইকোলোজী ঙাক-শেন্দুনা থম্বগী মতাংদনি। মহাক্না হায়খি মদুদি ভারতকী ইপা-ইপুশিংনা হান্ননা হীরমশিং অসিগী মরুওইবা খঙলম্মি। মহাক্না হায়খি মদুদি নিংথৌ কয়ানা অতোপ্পা লমদমশিংদগী সনা, সিলভর, নৎত্রগা শা-ষনশিং পুরকপগীদমক নীংশিংনরি, রাজেন্দ্র চোলাদি অশেংবা গঙ্গা ঈশিং পুরকপগীদমক শকখঙনরি। প্রধান মন্ত্রীনা নিংশিংখি মদুদি রাজেন্দ্র চোলানা গঙ্গাগী ঈশিং অৱাং ভারত্তগী পুশিল্লগা খাদা থাদোকখি। মহাক্না "গঙ্গা জালামায়াম জয়স্তম্ভম" হায়বা ৱাহৈ অসি পল্লদুনা হায়খি মদুদি ঈশিং অসি হৌজিক পোনেরি লেক হায়না খঙনরিবা চোলা গঙ্গা লেক্তা চেলহনখি।
রাজেন্দ্র চোলানা গঙ্গাইকোন্দা চোলাপুরম লাইশঙ লিংখৎখিবগী মতাংদা পল্লদুনা শ্রী মোদীনা হায়খি মদুদি ইমা কাবেরীগী লমদা গঙ্গাগী কুহ্মৈ পাঙথোকপা অসি চোলা সমারাজ্যগী লেগেসী অমনি। পুৱারী ওইরবা থৌদোক অসিগী নিংশিংবা ওইনা কাশীদগী গঙ্গাগী ঈশিং অমুক হন্না তামিল নাদুদা পুরকপা অসিদা মহাক্না নুংঙাইবা ফোঙদোকখি। মফম অসিদা থৌরম অমা পাঙথোকখি। কাশীগী মীহুৎ অমা ওইনা, প্রধান মন্ত্রীনা মা গঙ্গাগা লোয়ননা লৈনরিবা মহাক্কী অচেৎপা ইমোস্নেল কনেক্তিবিতী অদু ফোংদোকখি। মহাক্না হায়খি মদুদি চোলা নিংথৌশিংগা মরী লৈনবা থৌওংশিং অমসুং প্রোগ্রামশিং অসি "এক ভারত, শ্রেস্থ ভারত"গী খুদম ওইরিবা অশেংবা থৌরাংগা মান্নৈ। মসিনা থৌরাং অসিদা অনৌবা থৌনা অমা পীরগনি।
চোলাগী নীংথৌরেলশিংনা ভারতপু নাৎকী ওইবা অপুনবা লিপুন অমনা পুনশিল্লমখি। ঙসিদি, ঐখোয়গী সরকার অসিনা চোলাগী মতমগী ৱাখল্লোনশিং অদু মাংলোমদা পুখৎলি।" মহাক্না হায়খি কাশী তামিল সঙ্গমম অমসুং সৌরাস্ত্রা তামিল সঙ্গমমগুম্বা প্রোগ্রামশিংনা চহি চা কয়াগী মমাংদগী লৈরক্লবা অমত্তা ওইবগী মরী অদু মপাঙ্গল কনখৎহল্লি। শ্রী মোদীনা হায়খি মদুদি তামিল নাদুগী গঙ্গাইকোন্দা চোলাপুরমগুম্বা অরিবা লাইশঙশিং অসি আর্কিয়োলোজিকেল সর্ভে ওফ ইন্দিয়াগী খুত্থাংদা ঙাক-শেন্দুনা থম্লি। অনৌবা পার্লিয়ামেন্ত বিল্দিংগী উরেপ উয়ুং তম্বগী থৌরম অদুদা শিব আধিনমগী সন্তশিংনা থৌরম অদুগী স্পিরিচুএল গাইদেন্স পীখি হায়না প্রধান মন্ত্রীনা নিংশিংখি। তামিলগী চৎনবীগা মরী লৈনবা শেংলবা সেঙ্গোল অসি পার্লিয়ামেন্তদা হৌনবী মতুং ইন্না ইনস্তোল তৌখি, মসি মহাক্না হৌজিক ফাওবা চাউথোকচবা ফাওদুনা নীশিংলি।
শ্রী মোদীনা মহাক্না চিদাম্বরম নাতরাজ মন্দিরগী দিকশিতরশিংগা উনখিবা অদু নীংশিংলদুনা হায়খি মদুদি নাতরাজগী মওংদা ভগবান শিবাবু ইকায় খুম্নবা উৎলিবা শেংকবা লাইশঙ অদুদগী মখোয়না মহাকপু শেংলবা প্রসাদ খুদোল ওইনা পীনখি। মহাক্না হায়খি মদুদি নাতরাজকী মওং অসিনা ভারতকী ফিলোসোফি অমসুং সাইন্তিফিক ফাউন্দেসনশিংবু মশক তাক্লি। প্রধান মন্ত্রীনা মখা তাখি মদুদি ভগবান নাতরাজগী মান্নবা অনন্দা তন্দৱা মীতম অমা মালেমগী লুচিংবশিংনা 2023দা G-20 সম্মিৎকীদমক তিনখিবা দিল্লীদা লৈরিবা ভারত মন্দপমদা লৈরি।
“ভারতকী শাইভিৎকী চৎনবীনা লৈবাক অসিগী নাৎকী শক্তম শেম্বদা মরুওইবা থৌদাং অমা লৌরি। চোলা নীংথৌরেলশিং অসি মাগী কলচরেল দিবেলপমেন্তকী মরুওইবা আর্কিতেক্তশিং ওইরম্মি অমসুং তামিল নাদু অসি ফজরবা শাইভিৎ হেরিতেজকী মরুওইবা সেন্তর অমা ওইদুনা লৈরি।" হায়না প্রধান মন্ত্রীনা হায়খি। মহাক্না ইকাই খুম্নরবা নায়নমর সন্তশিংগী লেগেসী, মখোয়গী দিভোস্নেল লিতরেচর, তামিল লিতরেরী কন্ত্রিব্যুসনশিং অমসুং আধিনমশিংগী স্পিরিচুএল ইনফ্লুয়েন্সকী মতাংদা পনখি। মহাক্না হায়খি মদুদি হায়রিবা ইলিমেন্তশিং অসিনা সোসিএল অমসুং স্পিরিচুএলগী লম অনিমক্তা অনৌবা মতম অমা হৌহনখি।
মালেম অসিনা হৌজিক অৱাবা, হিংসা অমসুং অকোয়বগী ফিভমগী অৱাবা কয়া মায়োক্নরি হায়না পল্লদুনা শ্রী মোদীনা হায়খি মদুদি শাইভিৎ ফিলোসোফী অসিনা ৱাহন্থোক লৈবা সোলুসনগী লম্বী পীরি। মহাক্না “অন্বে শিবম” , হায়বদি “নুংশিবা হায়বা অসি শিবানি” হায়না ইখিবা তিরুমুলারগী পাউতাকশিং পনখি। প্রধান মন্ত্রীনা হায়খি মদুদি মালেম অসিনা ৱাখল্লোন অসি লৌরবদি, অৱাবা কয়া অসি মশা মথন্তা কোকহনবা ঙমগনি। মহাক্না হায়খি মদুদি ভারতনা মসিগী ফিলোসোফী অসিবু "ৱার্ল্দ ৱান, ৱান ফেমিলী, ৱান ফ্যুচর" হায়বা মোতো অসিগী খুত্থাংদা মাংলোমদা চংশিল্লি।
শ্রী মোদীনা হায়খি, “ঙসিদি ভারত অসি 'বিকাস ভী, বীরাসত ভী'গী মন্ত্রনা লমজিংলি, অমসুং মোদর্ন ইন্দিয়ানা মাগী পুৱারী অসিদা চাউথোকচরি। হৌখিবা চহি তরা অসিদা লৈবাক অসিনা মাগী নাৎকী ওইবা হেরিতেজ অসি ঙাক-শেন্নবা মিসন মোদতা থবক তৌরি। মহাক্না হায়খি মদুদি হুরানখিবা অমসুং মপালদা য়োনখিবা অরিবা মীতমশিং অমসুং আর্তিফেক্তশিং অদু ভারত্তা অমুক হন্না পুরকখ্রে। প্রধান মন্ত্রীনা হায়খি মদুদি 2014দগী হৌরগা মালেমগী তোঙান তোঙানবা লৈবাকশিংদগী অরিবা পোৎলম 600 হেন্না য়ুমদা হল্লকখ্রে। মসিগী মনুংদা 36দি তামিল নাদুগীনি। মহাক্না হায়খি মদুদি নাতরাজা, লিঙ্গোদভর, দাক্ষিনামুর্তি, অর্ধনরিশ্বর, নন্দিকেশ্বর, উমা পরমেশ্বর, পার্বতী অমসুং সমবন্দর য়াওনা মমল য়াম্লবা হেরিতেজ আইতেম কয়া অমা অমুক হন্না লমদম অসিবু লৈতেংলি।
ভারতকী হেরিতেজ অমসুং শাইভা ফিলোসোফীগী ইথিল অসি মাগী জিওগ্রাফিক ওইবা ঙমখৈগী মনুংদা খক্তা লৈতে হায়না ফোংদোক্লদুনা শ্রী মোদীনা হায়খি মদুদি ভারতনা থাগী খা থংবা পোলদা লেন্দ তৌখিবা অহানবা লৈবাক ওইরকপা মতমদা, থাগী মফম অসি শিব-শক্তি হায়না মিংথোনখি অমসুং মালেমনা শকখঙনখি।
"চোলাগী মতমদা ফংখিবা শেন্মিৎলোন অমসুং স্ত্রেতেজিক এদভান্সশিং অসি হৌজিক্কী ভারতকী ইথিলগী হৌরকফম অমা ওইরি। রাজারাজা চোলানা পাঙ্গল লৈবা নেভী অমা লিংখৎখি, মদু রাজেন্দ্র চোলাগী মতমদা হেন্না মপাঙ্গল কনখৎহনখি" হায়না পল্লদুনা প্রধান মন্ত্রীনা হায় মদুদি চোলাগী মতমদা লোকেল গভর্নান্স সিস্তেমশিং অমসুং মপাঙ্গল কনবা রেভেন্যু স্ত্রকচর অমা ইমপ্লিমেন্ত তৌবা য়াওনা মরু ওইবা এদমিনিস্ত্রেতিব রিফোর্মশিং উবা ফংখি। ভারতনা ললোন-ইতিক্কী খুমাং চাউশিল্লকপা, সমুদ্রগী লম্বীশিং শীজিন্নরকপা, আর্ত অমসুং কলচরগী প্রমোসনগী থোংদা খোঙজেল য়াংনা খুমাং চাউশিল্লকপা মহাক্না পনখি। মহাক্না অকনবা ৱাফম থমখি মদুদি চোলা সমারাজ্যনা অনৌবা ভারত অমা শেমগৎনবা অরিবা রোদমেপ অমা ওইনা মথৌ তৌরি। শ্রী মোদীনা মখা তারদুনা হায়খি মদুদি চাউখৎলবা লৈবাক অমা ওইনবগীদমক, ভারতনা অমত্তা ওইববু মরুওইবা পীগদবনি, মাগী নেভী অমসুং দিফেন্স ফোর্সশিং মপাঙ্গল কনখৎহনগদবনি, অনৌবা খুদোংচাবশিং থিগদবনি, অমসুং মসিগী মরুওইবা মগুনশিং ঙাক্না চৎকদবনি। লৈবাক অসিনা মসিগী মিৎয়েং অসিদগী পুক্নিং থৌগৎতুনা মাংলোমদা চংশিল্লিবা অসিদা মহাক্না নুংঙাইবা ফোংদোকখি।
ঙসি ভারতনা নেস্নেল সেক্যুরিতীদা খ্বাইদগী ৱাংবা প্রাইওরিতী পীরি হায়না পল্লদুনা প্রধান মন্ত্রীনা ওপরেসন সিন্দুরগী মতাংদা পনখি। মহাক্না হায়খি মদুদি মালেম অসিনা ভারতকী নিংতম্বগী মায়োক্তা লাকপা খুদোংথীবা খুদিংমক্তা অচেৎপা অমসুং ৱারেপ লৌবা ঙম্বগা লোয়ননা পাউখুম পীরকখি। ওপরেসন অসিনা তেরোরিস্তশিং অমসুং লৈবাক অসিগী য়েক্নবশিংগীদমক মফম অমত্তা লৈরোই হায়বা ময়েক শেংবা পাউজেল অমা পীরি হায়না মহাক্না ফোংদোকখি। মহাক্না মখা তারদুনা হায়খি মদুদি ওপরেসন সিন্দুরনা ভারতকী মীয়ামদা অনৌবা থাজবা অমা পোকহল্লে অমসুং মালেম পুম্বনা মসি উরি। শ্রী মোদীনা গঙ্গাইকোন্দা চোলাপুরম শাগৎপগী মতাংদা পল্লদুনা রাজেন্দ্র চোলাগী লেগেসিগা মান্ননা খন্নখি। অচেৎপা ইকায় খুম্নবা উৎলদুনা, মসিগী লাইশঙ গোপুরাম অসি মহাক্কী মপাগী থানজাভুরগী ব্রিহাদেশ্বর লাইশঙদগী হন্থনা শাখি। মহাক্কী এচিবমেন্ত কয়া লৈজরবসু রাজেন্দ্র চোলা অসি নোলুকপগী খুদম অমনি। প্রধান মন্ত্রীনা হায়খি, "ঙসিগী অনৌবা ভারত অসি মান্নবা ৱাখল্লোন অসিবু মপাঙ্গল কনখৎহল্লি, অদুবু মালেমগী য়াইফনবা অমসুং অমত্তা ওইবগী মগুনশিংদা য়ুম্ফম ওইরি।"
ভারতকী হেরিতেজদা চাউথোকচবগী ৱাখল্লোন অসি মাংলোমদা পুখৎনবা মহাক্কী ৱারেপ অদু ফোংদোক্লদুনা শ্রী মোদীনা রাজারাজা চোলা অমসুং মহাক্কী মচানুপা, শক্নাইরবা নিংথৌ রাজেন্দ্র চোলা Iগী মীতমশিং তামিল নাদুদা লাক্কদৌরিবা মতম অসিদা থম্লগনি হায়না লাউথোকখি। মহাক্না হায়খি মদুদি মীতমশিং অসি ভারতকী পুৱারীগী ওইবা ৱাখল্লোনগী মোদর্ন পিল্লরশিং ওইনা মথৌ তৌগনি। ঙসি অসি ভারতকী হান্নগী রাস্ত্রপতি, দা. এ. পি. জে. অব্দুল কলামগী লৈখিদবগী কুমওন তারি, প্রধান মন্ত্রীনা হায়খি মদুদি চাউখৎলবা ভারত অমা লুচিংনবা, লৈবাক অসিদা দা. কলাম অমসুং চোলা নীংথৌশিং গুম্বা নহা লাখ কয়া মথৌ তাই। মহাক্না মখা তারদুনা হায়খি মদুদি অসিগুম্বা মপাঙ্গল অমসুং ইথিলনা থল্লবা নহারোল অসিনা ভারত মচা করোর 140গী মঙলানশিং মপুং ফাহনগনি। ঐখোয় পুন্না চৎমিন্নরগা, ঐখোয়না এক ভারত, শ্রেস্থ ভারতকী ৱারেপ অসি মাংলোমদা চংশিনগনি হায়না মহাক্না মখা তাখি।
থৌরম অদুদা ইকাই খুম্নরবা সন্তশিং, তামিল নাদুগী রাজ্যপাল, শ্রী আর. এন. রবি, কেন্দ্রগী মন্ত্রী দা. এল. মুরুগন অমসুং দিগনিতরীশিংসু শরুক য়াখি।
বেকগ্রাউন্দ
প্রধান মন্ত্রীনা গঙ্গাইকোন্দা চোলাপুরম লাইশঙদা মীয়ামগী ওইবা থৌরম অমদা আদি তিরুবতিরাই কুমহৈ শরুক য়াদুনা ভারতকী খ্বাইদগী অথোইবা নীংথৌরেল অমা ওইরম্বা রাজেন্দ্র চোলা Iবু ইকায়খুম্নবা ওইনা নীংশিং শেনয়েক অমা ফোঙখ্রে।
অখন্নবা থৌরম অসিনা রাজেন্দ্র চোলা Iনা খা নোংপোক এসিয়াদা মমিং লৈরবা মেরিতাইম এক্সপিদিসন চৎখিবা, অমদি চোলা য়ুমশারোলগী মশক নাইরবা খুদম অমা ওইরিবা গঙ্গাইকোন্দা চোলাপুরম লাইশঙ শাবা হৌখিবগী চহি 1000 ফারকপগী কুমওন থৌরমসু ওইগনি।
রাজেন্দ্র চোলা I (1014–1044 CE) ভারতকী খ্বায়দগী মতিক লৈবা অমদি মীৎয়েঙ শানবা লৈঙাকপশিংগী মনুংদা অমনি। মহাক্কী লুচিং মখাদা, চোলা এম্পাইয়রনা মখোয়গী ইথিল খা অমদি খা-নোংপোক এসিয়াদা শন্দোক্লমখি। মহাক্না গঙ্গাইকোন্দা চোলাপুরমবু মহাক্কী মায় পাক্লবা কেম্পেনগী মতুংদা নিংথৌ কোনুং ওইনা শেমগৎলম্মি, অমদি মফমদুদা মহাক্না শারম্বা লাইশঙ অদুনা চহি 250 হেন্না শৈব লাইনিং, অচৌব আর্কিতেকচর, অমদি লৈঙাক্কী মতিক্কী মফম অমা ওইরম্মি। ঙসি, লাইশঙ অসি য়ুনেস্কো ৱর্ল্দ হেরিতেজ সাইত অমা ওইদুনা মশিগী মচা খায়না নুংদা হক্লিবশিং, চোলাগী পিথ্রাই অমদি অরিবা মতমগী খুৎয়েক্কীদমক মমিং চৎলি।
আদি তিরুবতিরাই কুমহৈনা চোলাশিংনা কন্না শৌগৎলম্বা অমদি তামিল শৈবিজমগী লম্বোইবা ৱাকম-নয়নমার 63 না চঙনা থম্লম্বা তামিল সৈব ভক্তি চৎনবীবুসু হরাও তয়াম্না পাঙথোক্লি। পনবা য়াবদি, রাজেন্দ্র চোলাগী মপোক থৱানমিচাক, তিরুবতিরাই (অর্দ্র)গী মতম জুলাই 23 দগী হৌদুনা চহি অসিগী কুহ্মৈ অসি হেন্না ৱাহন্থোক লৈবা কুহ্মৈ ওইহল্লি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
Rajaraja Chola and Rajendra Chola symbolise India's identity and pride.
— PMO India (@PMOIndia) July 27, 2025
The history and legacy of the Chola Empire reflect the strength and true potential of our great nation. pic.twitter.com/3YrRyQJxlj
The Chola era was one of the golden periods of Indian history.
— PMO India (@PMOIndia) July 27, 2025
This period is distinguished by its formidable military strength. pic.twitter.com/RIMsri522c
Rajendra Chola established the Gangaikonda Cholapuram Temple.
— PMO India (@PMOIndia) July 27, 2025
Even today, this temple stands as an architectural wonder admired across the world. pic.twitter.com/CswBrMsYUp
The Chola emperors had woven India into a thread of cultural unity.
— PMO India (@PMOIndia) July 27, 2025
Today, our government is carrying forward the same vision of the Chola era.
Through initiatives like the Kashi-Tamil Sangamam and the Saurashtra-Tamil Sangamam, we are strengthening these centuries-old bonds of… pic.twitter.com/5kFCZ02WZ3
When the new Parliament building was inaugurated, the saints from our Shaivite Adheenams led the ceremony spiritually.
— PMO India (@PMOIndia) July 27, 2025
The sacred Sengol, deeply rooted in Tamil culture, has been ceremoniously installed in the new Parliament. pic.twitter.com/mWhBB8O2Qw
Our Shaivite tradition has played a vital role in shaping India's cultural identity.
— PMO India (@PMOIndia) July 27, 2025
The Chola emperors were key architects of this legacy. Even today, Tamil Nadu remains one of the most significant centres where this living tradition continues to thrive. pic.twitter.com/jjFmDinKTs
The economic and military heights India reached during the Chola era continue to inspire us even today.
— PMO India (@PMOIndia) July 27, 2025
Rajaraja Chola built a powerful navy, which Rajendra Chola further strengthened. pic.twitter.com/acdUWLHTdO
