Share
 
Comments

য়োর এক্সিলেন্সী,


প্রধান মন্ত্রী শের বহাদুর দেওবাজী,


ইকাই খুম্নরবা দেলিগেৎশিং,


মেদিয়াগী মরুপশিং,

 

খুরুমজরি!

ভারত্তা প্রধান মন্ত্রী দেওবাজীবু তরাম্না ওকচবা ফংজবা অসি য়াম্না নুংঙাইবা পোকচৈ। ঙসি ভারতকী চহি হৌবা নুমিৎ অমসুং নবরাত্রিগী য়াইফরবা থৌরম অসিদা দেওবাজীনা থুংলখি। ঐহাক্না মঙোন্দা অমসুং ভারতকী অমদি নেপালগী প্রজা পুম্নমক্তা য়াইফরবা নবরাত্রিগী য়াইফ পাউজেল পীজরি।

দেওবাজী অসি ভারতকী অরিবা মরুপ অমনি। মসি ভারতনা প্রধান মন্ত্রী ওিনা ভারত্তা লাকপা মঙারকশুবনি। দেওবাজীনা ভারত-নেপালগী মরী ফগৎহনবদা মরু ওইবা থৌদাং অমা লৌখি।

মরুপশিং,

ভারত অমসুং নেপালগী মরুপ ওইবগী মরী, ঐখোয়গী মীয়ামগী মরক্তা লৈনরিবা মরীশিং, অসিগুম্বা খুদম অসি মালেমগী অতোপ্পা মফম অমা হেক্তদা থেংনরোই। ঐখোয়গী সভ্যতা, ঐখোয়গী সংস্কৃতি, ঐখোয়গী একচেঞ্জশিংগী মরীশিং; অসি অরিবা মতমদগী হৌদুনা লাকখি। নীংশিংবা থোক্ত্রবা মতমদগী হৌদুনা ঐখোয়না অমনা অমগী অৱা-নুংঙাইদা শরুক য়ামিন্নদুনা লাকখি। ঐখোয়গী পার্তনরশিপ অসিগী য়ুম্ফম অসি ঐখোয়গী মীয়ামগী মরক্তা লৈনরিবা মরী অমসুং মখোয়গী মরক্তা তৌরিবা একচেঞ্জশিং অসিনি। মসিনা মরীশিং অসিদা থৌনা হাপখি অমসুং মখোয়বু চেৎশিনহনখি।


নেপালগী ওইনা ভারতকী পোলিসীশিং অমসুং মাগী খোঙথাংশিং অসি মসিগী ৱাখল্লোন অসিনা ইথিল পীখি। ভারতনা শান্তি লৈবা, খুমাং চাউশিনবা অমসুং নেপালগী চাউখৎ-থৌরাংগী খোঙচৎতা অচেৎপা পার্তনর অমা ওইদুনা লাকখি অমসুং অদুমক ওইদুনা লৈখিগনি।

মরুপশিং,

ঙসি দেওবাজী অমসুং ঐহাক্না হীরমশিং অসিদা অমসুং অতোপ্পা মরু ওইবা হীরমশিংদা মাইপাক্না ৱারী শাবা ঙমখি। ঐখোয়গী কোওপরেসনগী তোঙান-তোঙানবা হীরমশিংগী মতাংদা ঐখোয়না খন্নখি, তোঙান-তোঙানবা প্রোজেক্তশিংগী খোঙজেল য়েংশিনখি অমসুং তুংলমচৎকীদমক রোদমেপ অমা খন্নখি।


ঐখোয় অনিমক্না পাৱর সেক্তরদা লৈরিবা কোওপরেসনগী খুদোংচাবশিং মপুং ফানা লৌনবা য়ান্নখি। ঐখোয়গী পাৱর কোর্পোরেসনগী জোইন্ত বিজন স্তেৎমেন্ত অসিনা তুংলমচৎতা চুংশিন্ননবগী ব্ল্যুপ্রিন্ত অমা ওইরগনি। ঐখোয়না পঞ্চেশ্বর প্রোজেক্ত অসি খোঙজেল য়াংনা খুমাং চাউশিনহনবা মরু ওই হায়না ফোঙদোকখি। প্রোজেক্ত অসিনা রিজন অসিগী চাউখৎ-থৌরাংদা গেম চেঞ্জর অমা ওইরগনি। ঐখোয়না নেপালগী হাইদ্রো পাৱর দিবেলপমেন্ত প্লানশিংদা ভারতকী কম্পনীশিংনা হেন্না শরুক য়াবা হায়নসু য়ান্নখি। নেপালনা মাগী সরপ্লস পাৱর ভারত্তা এক্সপোর্ত তৌরক্লিবা অসি নুংঙাইবা ৱাফম অমনি। মসিনা নেপালগী শেন্মৎলোন খুমাং চাউশিনহনবদা শরুক তমগনি। নেপালদগী পাৱর ইম্পোর্ত তৌনবগী প্রপোজেল কয়া অমা অয়াবা পীখ্রে হায়না পাউদমবা ফংজবদা ঐহাক্না নুংঙাইবা পোকই।


নেপালনা ইন্তর্নেস্নেল সোলর এলাইন্সকী মেম্বর অমা ওইরকপদা নুংঙাইবা পোকই। মসিনা ঐখোয়গী লমদমদা সস্তেনেবল, এফোর্দেবল অমসুং ক্লিন ইনর্কী প্রোমো* তৌরগনি।


মরুপশিং,

প্রধান মন্ত্রী দেওবাজী অমসুং ঐহাক্না হীরম পুম্নমক্তা ত্রেদ অমসুং ক্রোস বোর্দর কন্নেক্তিবিতীগী থৌশিকশিংদা হেন্না মীৎয়েং চংবদা য়ান্নখি। জয়ানগর-কুর্থা রেল লাইনশিং লৈহল্লকপা অসি মসিগী শরুক অমনি। অসিগুম্বা স্কিমশিংনা লৈবাক অনিগী মরক্তা লৈরিবা মীওইশিংগী মরক্তা অপনবা লৈতবা, হেজল-ফ্রী একচেঞ্জতা চাউনা শরুক তম্লগনি।


নেপালদা রুপে কার্দ চৎনহনবা অসিনা ঐখোয়গী ফাইনান্সিএল কন্নেক্তিবিতীদা অনৌবা পন্দুপ অমা হাপচিল্লগনি। নেপাল পুলিস একাদেমী, নেপালগঞ্জতা লৈবা ইন্তিগ্রেতেদ চেক পোস্ত অমসুং রামায়ন সর্কিধ অসিগুম্বা অতোপ্পা প্রোজেক্তশিংনা লৈবাক অনি অসি নকশিন্নহল্লগনি।

মরুপশিং,

ঐখোয়না ঙসি পামদবা থৌদোক কয়াদা লান্নশীজিন্নরিবা ভারত অমসুং নেপালগী ওপন বোর্দরশিংগী ঈরমদা খন্নখি। ঐখোয়গী দিফেন্স অমসুং সেক্যুরিতী ইন্সতিত্যুসনশিংগী মরক্তা অচেৎপা কোওপরেসন পীনবা ঙম্নবসু ফোঙদোক্নখি। ঐখোয়না ঙসি ৱারী শারিবা অসিনা ভারত-নেপালগী তুংলমচৎকী মরীশিংগীদমক অচৌবা পান্দমশিং থম্বদা মতেং পাংগনি।  


দেওবাজী,


হয়েং অদোম্না কাশীদা লাক্কনি। নেপাল অমসুং বনারসকী ওইবা চহিচা কয়াগী মরী অমা লৈনৈ। কাশীগী অনৌবা শকলোন অসি উবদা অদোম শোইদনা ঙক্কনি। অমুক্কা হন্না ঐহাক্না অদোমবু অমসুং অদোমগী দেলিগেসনবু ভারত্তা তরাম্না ওকচরি।


হন্না-হন্না থাগৎচরি!

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
India a shining star of global economy: S&P Chief Economist

Media Coverage

India a shining star of global economy: S&P Chief Economist
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 25 সেপ্তেম্বর, 2022
September 25, 2022
Share
 
Comments

Nation tunes in to PM Modi’s Mann Ki Baat.