প্রধান মন্ত্রী শ্রী নরেন্দ্র মোদীদা ঙসি ইরানগী রাস্ত্রপতি, ঐচ.ই. শ্রী মসুদ পেজেসকিয়নদগী তেলিফোন কোল অমা তৌরকখ্রে।
রাস্ত্রপতি পেজেসকিয়ন্না প্রধান মন্ত্রীদা লমদম অসিদা হৌজিক ওইরিবা ফীভম, মরু ওইনা ইরান অমসুং ইজরেলগী মরক্তা হৌজিক চত্থরিবা চয়েৎনবা অসিগী মতাংদা কুপ্না পাউদমখি অমসুং মহাক্কী ৱাখল্লোন ফোংদোকখি।
প্রধান মন্ত্রীনা হন্দক ওইরক্লিবা ফীভম অসিদা ভারতকী নুংনাংবা অদু ফোংদোকখি। প্রধান মন্ত্রীনা হায়খি মদুদি ভারত অসি শান্তি অমসুং মীওইবা খুন্নাইগী মায়কৈদা লৈ। মসিগী মতাংদা, প্রধান মন্ত্রীনা খুদক্তা উংখৎনবা হন্থহনবা, দাইলোগ অমসুং দিপ্লোমেসীবু মাংলোমদা চংশিনবগী তঙাইফদবা অদুদা অকনবা ৱাফম থমখি। মহাক্না রিজনেল শান্তি, সেক্যুরিতী অমসুং স্তেবিলিতী অথুবা মতমদা অমুক হন্না লৈহন্নবা ভারতনা মতেং পাংলি হায়না অমুক হন্না ফোংদোকখি।
প্রধান মন্ত্রীনা রাস্ত্রপতি পেজেসকিয়নবু ভারত মচাশিং শাফনা হল্লকপা অমসুং হলহনবদা লেপ্তনা মতেং পাংলিবা অদুগীদমক থাগৎপা ফোংদোকখি। লুচিংবা অনিনা ললোন-ইতিক অমসুং ইকোনোমিক কোওপরেসন, সাইন্স অমসুং তেক্নোলোজী অমসুং মীয়ামগী মরক্তা লৈনরিবা মরী য়াওনা তোঙান তোঙানবা লমশিংদা নাকল অনিগী ওইবা কোওপরেসন মপাঙ্গল কনখৎহন্নবা মখা তানা থবক তৌমিন্নবগী অপাম্বা অমুক হন্না ফোংদোকখি।
মখোয়না মখা তানা পাও ফাওননবা য়ান্নখি।
Spoke with President of Iran @drpezeshkian. We discussed in detail about the current situation. Expressed deep concern at the recent escalations. Reiterated our call for immediate de-escalation, dialogue and diplomacy as the way forward and for early restoration of regional…
— Narendra Modi (@narendramodi) June 22, 2025
