প্রধানমন্ত্রী শ্রী নরেন্দ্র মোদী ঙসি কর্নাতকাগী উদুপ্পীদা লৈবা শ্রী কৃষ্ণ মথতা লক্ষা কন্থা গীতা পরায়ানাগী থৌরমদা ৱা ঙাংখ্রে। থৌরম অসিদা ৱা ঙাংলদুনা প্তধান মন্ত্রীনা শ্রীমদ ভগৱদ গীতাগী মন্ত্রশিংগী মতিক-ময়াই লৈরবা ভগৱান শ্রী কৃষ্ণগী ঙক্লবা দর্শন ফংজবা অসিদা অপেনবা ফোংদোকখি অমসুং শক্নাইরবা মুনী অমসুং গুরুশিং য়াওরিবা অসি মহাক্কীদমক্তা খ্বাইদগী লাইবক ফবনি হায়খি। মহাক্না মশিং থিঙমদ্রবা য়াইফ-থৌজাল কয়া অমা ফংজবনি হায়না ফোংদোকখি।
নুমীৎ হুম্নিখক্তগী মমাংদা গীতাগী মফম ওইরিবা কুরুক্ষেত্রদা মহাক্না চৎলুবা অদু নিংশিংলদুনা শ্রী মোদীনা হায়খি মদুদি ঙসি মফম অসিদা লাকপা ফংজবা অসি ভগৱান কৃষ্ণগী থৌজালনি অমসুং জগদগুরু শ্রী মাধবাচার্যজীগী মতিক-ময়াই উবা ফংজবা অসি মহাক্কী ওইনদি খ্বাইদগী অথোইবনি হায়খি। মহাক্না ফোংদোকখি মদুদি থৌরম অসিদা মালেম অসিগী মফম কয়াদগী লাকপা মীওই লাখ অমগা পুন্না ভগৱান গীতাগী শ্লোকশিং অসি থিমিন্নবা অসিনা ভারতকী চহী লাখ কয়া লিরবা পারী-পুরী অসিগী অহিংবা মতিক-মঙাল অসি হিংলি হায়বগী খুদম্নি।
প্রধানমন্ত্রীনা ফোংদোকখি মদুদি কর্নাতকাদা লাকপা অমদি ইকাই খুম্ননিংঙাই ওইরবা মীশিংগী মরক্তা তিনজবা ফংবা অসিনা মতম পুম্নমক্তা তোপ-তোপ্পা এক্সপরিয়েন্স অমা পীবিরি। উদুপ্পীগী শেংলবা মফম অসিদা লাকপা অসি মতম পুম্নমক্তা ময়ামদগী তোঙাল্লি হায়রদুনা মহাক্না ফোংদোকখি মদুদি মহাক অসি গুজরাত্তা পোকখি অদুগা গুজরাত অমসুং উদুপ্পী অসিগী মরক্তা হকচিনবা অমদি অখন্নবা মরি অমা মতম পুম্বদা লৈ হায়না ফোংদোকখি। শ্রী মোদীনা ভগৱান শ্রী কৃষ্ণগী মীতম অসিদা থাজবা অসি মমাংঙৈদা ইমা রুকমিনিনা দ্বারকাদা খুরুমজখিবা অদুদগী লৈখিবনি অদুগা মসিগী মতুংদা জগদগুরু শ্রী মাধবাচার্যনা মসিগী মীতম অসি উদুপীদা লাৎখিবনি হায়না ফোংদোকখি। মহাক্না ফোংদোকখি মদুদি মমাং চহীমক্তদা মহাক সমুদ্রগী ইরোলনুংদা লৈরিবা শ্রী দ্বারকাজীগীদা দর্শন তৌবা ফংজখি। মহাক্না হায়খি মদুদি কনাগুম্বা অমনা মসিগী মুর্তী অসি খুরুমজবদা অদুক্কী মতিক থম্মোয়দা ইংবা ফাওরমগদবা অদু ৱাখলনা শাগত্তুনা য়েংবা য়াই অদুগা মসিগী দর্শন তৌবা অসিনা থম্মোয়নুংদা হায়নিংঙাই লৈতনা নুংঙাইবা ফাওই হায়না ফোংদোকখি।
উদুপ্পীদা লাকপা অসি অতোপ্পা মরম অমগী ওইনা মহাক্কী ওইনদি য়াম্না মরুওই হায়না ফোংদোক্লদুনা শ্রী মোদীনা উদুপ্পী অসি জন সংঘ অমসুং ভারতীয়া জনতা পার্তীগী লৈঙাক পায়বগী মোদেল অমা ওইনা মহাক্কী কর্মভুমীনি হায়না ফোংদোকখি।1968 পু নিংশিংলদুনা উদুপ্পীগী মীশিংনা জন সংঘগী ভি.এস. আচার্যবু ম্যুনিসিপাল কাউন্সীলদা খনবিরকখি অমসুং মসিনা উদুপ্পীদা অনৌবা লৈঙাক্কী মোদেল অমা য়ুম্ফম থোনখি। মহাক্না ফোংদোকখি মদুদি নেস্নেল লেভেলদা য়োকখৎখিবা লু-নানবগী কেম্পেন অসি চহী তরাগী মমাংদা উদুপ্পীদা হৌদোকখিবনি। মহাক্না ফোংদোকখি মদুদি মসিনা ঈশিং পীবগী অমসুং ইখোং-নালাগী সিস্তেমগী অনৌবা মোদেল অমা ফংহনবগী ওইরো উদুপ্পীনা 1970 দা অসিগুম্বা থৌরাং অসি পায়খৎখ্রবনি। মহাক্না ফোংদোকখি মদুদি ঙসি মসিগী কেম্পেন অসি লৈবাক অসি মাংলোমদা চংশিলহন্দুনা লৈবাক অসি চাউখৎহনবগী অমদি লৈবাক অসিগী হেন্না মরুওইবা ওইরে।
রামচরিতমানসকী ৱাহৈশিং অদুবু নিংশিংলদুনা শ্রী মোদীনা হায়খি, “শ্রী কৃষ্ণগী মিংখৈ শোনবতনা তাইবংগী সমুদ্র অসিদগী মুক্তি ফংবা ঙম্লিবনি”। মহাক্না ফোংদোকখি মদুদি খুন্নাই অসিদা মন্ত্র থিবনা অমদি গীতাগী স্লোকশিং থিবা অসি চহী চা কয়াদগী তৌনরক্লি তৌইগুম্বসুং মীওই লাখ অমগা লুন্না মসিগী মন্ত্র অসি থিমিন্নবা অসিদি তাংনা ফংবা তাজ্ঞানি, মসিনা পুংতোং-তোঙানবা থৌদোক অমা ওইহল্লে। প্রদানমন্ত্রীনা মখা তানা হায়খি মদুদি অসুক য়াম্বা মীয়াম্না গীতাগুম্বা শেংলবা পাথ থীবা অসিনা লাইগী ওইবা ৱারোলশিং অসি অমত্তা ওইনা মফম অমত্তদা পুনশিন্নদুনা অখন্নবা থৌনা অমা পীদুনা ৱাখল অমদি পুক্নিংসিদা অনৌবা থক্তোরকপা খোজ্ঞেল অমদি অনৌবা থৌনা পীরি। মহাক্না ফোংদোকখি মদুদি মসিগী থৌনা অসিদি ৱাখল-ইথীলগী থৌনানি অমসুং খুন্নাইগী অপুনবা শক্তমগী পাঙ্গলসুনি। মহাক্না ফোংদোকখি মদুদি মীওই লাখ অমগী খোজ্ঞেলনা পুন্না গীতা থিমিন্নবগী থৌরম অসিনা পাক্লবা থৌনাগী লম অসিদা খুদোংচাবা অমনি অমদি মালেম অসিদা অপুনবা ৱাখল্লোনগী মতৌ উৎলিবনি।
নুমীৎ অসিগী মতাংদা ফোংদোক্লদুনা ঙসিগী অখন্নবা নুমীৎ অসিদা মহাক্না পরম পুজ্য শ্রী সুগুনেন্দ্র তীর্থ স্বামীজিদা কোক নোন্দুনা খুরুমজখি। মহাক অসি লক্ষ কন্থগী ৱাখল্লোন অসি লাইফাও ফাওখিবনি হায়না প্রধানমন্ত্রিনা ফোংদোকখি মদুদি মালেম অসিগী মীশিংনা গীতা অসি মখুৎমক্না ইননবা মীশিংদা ইনোৎ হাপ্পিদুনা স্বামীজিনা কোতী গীতা লেখানা য়াজনা অসি হৌদোক্তুনা সনাতনগী চৎনবীগী মালেমগী ইহৌ ওইখ্রে। শ্রী মোদীনা ফোংদোকখি মদুদি ভারতকী নহাশিং অসি ভগৱদ গীতাগী পাথশিং অসিগা মরি শম্নহল্লিবা অসিমক য়াম্না মরুওইনা চাউখৎপা অমনি। মহাক্না নিংশিংখি মদুদি ভারত্তা চহ চা কয়া বেদ, উপনিসদ অমসুং শাস্ত্রশিং অসি মীরোল অমদগী অমদা মথং-মথং শন্দোক্লি অমদি থৌরম অসিসু মথংগী মীরোলগা শম্নহন্নবা তৌবগী মরু ওইরে হায়না ফোংদোকখি।
নুমীৎ হুম্নিগী মমাংদা মহাক মফম অসিদা লাকখিবগী মতাংদা পাওদম্লদুনা মহাক অয়োধ্যাদসু চৎলুরে হায়রদুনা নবেম্বর 25 অসি অয়োধ্যাগী শ্রী রাম ভুমী লাইশঙদা ধর্ম ধ্বজ ওইরিবা বিবাহ পঞ্চমী অসি হৌদোকখিবা নুমীৎনি হায়না ফোংদোকখি। মহাক্না হায়খি মদুদি অয়োধ্যাদগী উদুপ্পী ফাওবা মশিং থিঙমদবা মীয়াম্না ভগৱান রাম নিংবা মীওই কয়া অমনা মসিগী খ্বাইদগী শেংলবা লাইগী ওইবা অমসুং অচৌবা থৌরম অসিগী খুদম্নি। মহা্ক্না ফোংদোকখি মদুদি লৈবাক পুম্বনা রাম মন্দিরগী ইহৌদা উদুপ্পীনা লৌখিবা থৌদাং অদু খংলিবনি। চহী তরাগী মমাংদা লৈখিদ্রবা পরম পুজ্য বিশ্বেশ তীর্থ স্বামীজীনা ইহৌদুদা মায়োন চুম্বিখিবনি অমদি ধ্বজারোহনগী থৌরম অসি কত্থোকপগী মহৈ য়াল্লে হায়বগী কু্হ্মৈ অমা ওইরে হায়না ফোংদোকখি। মহাক্না ফোংদোকখি মদুদি উদুপ্পীগী ওইনদি রাম মন্দির শাবা অসি অতোপ্পা মরম অমগী ওইনা মরুওই হায়রদুনা অনৌবা লাইশহগী অচৌবা থোং অসি জগদগুরু মাধবাচার্যগী মিংদা শাখি হায়না ফোংদোকখি। মহাক্না হায়খি মদুদি জদগুরু মাধবাচার্যজী অসি ভগৱান রামগী হকচিনবা লাইনিংবা অসিনা ভগৱান শ্রী রামগী শক্লোন তরুক ওইরিবা অসি খ্বাইদগী অথোইবা লাইনি হায়বগী ৱাহন্থোক অসিবু ইথোকপিখি অমসুং অদুক্কী মতিক কল্লবা অমদি থৌনা লৈরবা অঙকপা মতিক-ময়াইগী সমুদ্রনি। মহাক্না ফোংদোকখি মদুদি মরম অসিনা রাম মন্দিরগী কমপ্লেক্স অসিদা মহাক্কী মিংদা থোং অমা লৈহনবা অসি কর্নাতকাগী উদুপ্পীগী অমদি লৈবাক অসিগী মীশিংগী চাউথোক্নিংঙাইনি।
জগদগুরু শ্রী মাধবাচার্য অসি ভারতকী দ্বৈত দর্শনগী অমসুং বেদান্তগী অরংবা মঙালগী লময়ানবা অমনি হায়না লুম্না হায়রদুনা প্রধানমন্ত্রীনা হায়খি মদুদি মহাক্না শেমখিবা উদুপ্পীগী অশতা মথাগী সিস্তেম অসি অনৌবা চৎনবীশিং অসিগী ইন্সতিত্যুসন শেমগৎ-শাগৎপনি। মহাক্না ফোংদোকখি মদুদি মফম অসিদা ভগৱান শ্রী কৃষ্ণ নিংবা অসিনা, বেদান্তগী গ্যন অমসুং মীওই লিশিং কয়াদা চাননবা চিজ্ঞাক ফংহল্লিবা মফম্নি। মহাক্না ফোংদোকখি মদুদি মফম অসিদা ৱাখল-লৌশিং, লাই নিংবা অমসুং সেবা তৌনবগী তুংনফম্নি।
শ্রী মোদীনা জগদগুরু মাধবাচার্যনা পোকখিবা মতম অদু নিংশিংলদুনা ভারতনা নুং অমসুং পানগী শিংনবশিং মায়োক্নখিবশিং অদুগা মতম অদুদা লাই নিংবগী লম্বিদা চৎপনা খুন্নাই অসিগী মীওই কাংলুপ খুদিং শম্ননবা অমসুং থাজনবা অদু শম্নহনবা য়াই হায়না ফোংদোকখি। মহাক্না ফোংদোকখি মদুদি মসিগী লীচিং অসিনা মথশিং অসি মহাক্না লিংখৎখিবা চহী চা কয়াগী মতুংদফাওবা নুমীৎ খুদিংগী মীওই লাখ কয়া থৌগল তৌরি। মহাক্না পুক্নিং থৌগৎখিবা ধর্ম, থৌগল অমসুং লৈবাক শেম্বগী থবকশিংদা মতম পুম্বদা মাংজিল থারবা দ্বৈত চৎনবীদা থোইোক্না খং-হৈরবা মীশক কয়া অমগী মতাংদা হায়খি। মহাক্না ফোংদোকখি মদুদি মসিগী মীয়ামগী সেবা তৌবগী নুংগী ওইবা চৎনবী অসি উদুপ্পীগী খ্বাইদগী অথোইবা পারী-পুরীনি।
জগদগুরু মাধবাচার্যগী চৎনবী অসিনা হরিদাসকী চৎনবীদা পীরম্বা থৌনা-পাঙ্গল অসিগী মতাংদা হায়রদুনা প্রধানমন্ত্রীনা ফোংদোকখি মদুদি পুরন্দর দাস অমসুং কনক দাসকুম্বা অথোইবা মুনীশিং অসিনা অচম্বা, খোইথুম্নরবা অমসুং এসেস তৌবা য়াবা কন্নাদা লোল অসি মীশিংদা খংহল্লি। মহাক্না ফোংদোকখি মদুদি মখোয়না লেংলম্বা খু্ন্নাই অসিগী লায়রবদগী লায়রবা মীওইশিংফাওবদা থম্মোয়নুংদা য়ৌহন্দুনা ধর্মা অমসুং সনাতনগী মতিক-ময়াইশিংগা শম্নহল্লে অমসুং মসিগী লেংলম্বশিং অসি ঙসিগী মীরোলশিংদা চপ মান্ননা মরিদু লেংদনা লৈরি। মহাক্না হৌজিক ফাওবা নহাশিং অসি পুরন্দরদাসনা লেংলম্বা “চন্দ্রচুরা শীব শঙ্করা পারবতী” অসি সোসিএল মেদিয়াগী রীলশিংদা তাবসিনা মখোয়না তোঙান-তোঙানবা পুক্নিং-ৱাখলগী ইথীলশিং অসি অমদগী অমদা পীনরি। প্রধানমন্ত্রীনা ফোংদোকখি মদুদি ঙসিসু মহাক্কুম্বা লাইনিংবা অমনা উদুপ্পীদা অপীকপা থোংনাও অমদগী ভগৱান শ্রী কৃষ্ণগী দর্শন তৌবা ফংজবা অসিনা কনক দাসকুম্বগী লাইনিং অসিগা শম্ননবগী তাজ্ঞা অদু ফংহল্লি। মহাক্না ফোংদোকখি মদুদি ঙসি অমসুং অয়ুক অঙনবা অনিমক্তা কনক দাস খুরুম্বা ফংজবা অসি য়াম্না লাইবক ফবনি।
ভগৱান শ্রী কৃষ্ণগী পাথশিং অসি চহী খুদিংনা তৌবা য়াই অমসুং গীতাগী ৱাহৈশিং অসিনা মীওই অমখক্তমক লমজিং-লমতাকপদা নত্তনা লৈবাক অসিগী থৌশীল অসিবুসু লমজিংলি হায়বসি পল্লদুনা শ্রী মোদীনা ভগৱদ গীতাদা শ্রী কৃষ্ণনা মীপুম খুদিং য়াইফ-নুংঙাইনবা মতৌ করম্না হোৎনগনি হায়বগী মতাংদা হায়খি। মহাক্না ফোংদোকখি মদুদি মপুন্সি চুপ্পা জগদগুরু মাধবাচার্যনা ৱাখল্লোন অসি পীদুনা ভারতকী অপুনবা শক্তম্বু হেন্না চেৎশিলহল্লি।
সবকা বিকাস, সবকা সাথ, সর্বজন হিতায়া, সর্বজন সুকন্যাগী থৌশীলশিং অসিগী মরুমদা ভগৱান শ্রী কৃষ্ণগী স্লোকশিংগী ইনোৎ য়াওরিবনি হায়রদুনা শ্রী মোদীনা শ্রী কৃষ্ণনা লায়রবশিং মতেং পাংবগী মন্ত্র অসি পীবিরিবনি অমদি আয়ুষমান ভারত অমদি পি.এম. আৱাসকুম্বা স্কীমশিংগী মরুওইবা শক্তমশিং অসিদা মরুওইবা ইনোৎ হাপ্পিরিবনি হায়না ফোংদোকখি। মহাক্না ফোংদোকখি মদুদি ভগৱান শ্রী কৃষ্ণনা নুপীশিং শোই-ঙামদনবা অমসুং থৌনা হাপকৎনবগী ৱাখল-লৌশিং অসি ফংহল্লিবনি অমসুং মসি নারী শক্তি বন্দনা অধিনিয়মগী পুৱারীগী ৱারেপ অদু লৌনবা লৈবাক অসিদা লৌশিংগী মঙাল পীবিখিবনি। মহাক্না মখা তানা ফোংদোকখি মদুদি ভগৱান শ্রী কৃষ্ণনা মীপুম খুদিং নুংঙাই-য়াইফনবা চৎন-পথাপ অদু তাকপিরিবনি অমসুং মসিগী চৎন-পথাপ অসিনা ভেক্সিন মৈত্রী, সোলর এলায়েন্স অমসুং বাসুধৈব কুতুম্বকমগুম্বা ভারতকী থৌশীলশিং অসিবু থোরকহল্লিবনি।
প্রধানমন্ত্রী শ্রী মোদীনা ফোংদোকখি মদুদি ভগৱান শ্রী কৃষ্ণনা লানবুংদা গীতাগী পাওজেলশিং পীখি
অমসুং ৱাফম অসিদা লুম্না লৌরদুনা ভগৱদ গীতানা ঐখোয়না শান্তি অমসুং অচুম্বা লৈহন্নবগীদমক্তা মীওই-মীনৈশিং লৈহন্দনবা তৌবগীসু মথৌ তাই। প্রধানমন্ত্রীনা হায়খি মদুদি লৈবাক অসি ঙাক-শেন্নবগী থৌশীলগী মরুওইবা ৱাখল্লোন্নি। মহাক্না হায়খি মদুদি ভারতনা বসুধৈব কুতুম্বকমগী ৱা হায়রি অমসুং 'ধর্মো রক্ষতি রক্ষিত' কী মন্ত্রসু হন্না শোল্লি। মহাক্না হায়খি মদুদি লাল কিলাগী চেকপল মনুংদগী শ্রী কৃষ্ণগী মীনুংশিগী পাওজেলসু ফংহল্লি অমসুং মদুগী চেকপল মনুংদগী মিশন দুরদর্শন চক্রসু লাউথোকখি। শ্রী মোদীনা হায়খি মদুদি মিশন দুরদর্শন চক্রগী ৱাহন্থোক অসি লৈবাক অসিগী মরুওইবা মফমশিং, ইন্দস্ত্রী অমসুং পব্লিক সেক্তরশিংদা মায়কৈ মরিদা ঙাক-শেন্নবগী চেকপল অসি ওইহন্দুনা য়েক্নবা চংবা ঙমদনবা অদুগা করিগুম্বা চংলকপা তারগসু ভারতকী দুরদর্শন চক্রনা মদুবু নমথৎখিগনি।
প্রধানমন্ত্রীনা লুম্না লৌরদুনা হায়খি মদুদি ওপরেসন সিন্দুরগী থবক চত্থবদা লৈবাক অসিনা মসিগী ৱাশক অসি উবা ফংনখি। মহাক্না পহলগামদা থোকখিবা তেরর এতেক্কী মতাংদা হায়রদুনা মদুদা কর্নাতকাগী মীশিং য়াওনা ইরৈচাশিংগী থৱায় মাংহনখি। প্রধানমন্ত্রীনা হায়খি মদুদি হান্নদি লালহৌবশিংনা এতেক্ত তৌরকখিবা মতমদা সরকারনা মখুৎ লান্নদুনা লৈনরম্মি অদুবু সিগী অনৌবা ভারত অসিদি কনগুম্বা অমগী মফমদা নোনজদে অমসুং মাগী প্রজাশিং ঙাক-শেনবগী থৌদাংদা মায় লৈদুনা চেন্দে। প্রধানমন্ত্রীনা হায়খি মদুদি ভারত্ত শান্তি লৈহনবা হৈ অমসুং শান্তিবু ঙাক-শেনবসু হৈ।
শ্রী মোদীনা হায়খি মদুদি শ্রীমদ ভগৱদ গীতানা ঐখোয়দা ইতৌদাং অমদি পুন্সিগী থৌদাং মশক খংহল্লি। মহাক্না মসিদগী পুক্নিং থৌগৎলদুনা ময়াম পুম্নমক্তা ৱাশক লৌনবা হায়খি। মহাক্না হায়খি মদুদি ৱাশক মাপলনা ঐকোয়গী হৌজিক্কী অমসুং তুংলমচৎকীদমক্তা য়াম্না মরুওই। মহাক্না হায়খি মদুদি মুনী কাংলুপকী হায়রিবা ৱাফমশিং অসিবু য়াইফ-থৌজাল পীবা তারবদি প্রজা খুদিং য়ৌহনবদা কনানসু থিংবা ঙম্লোই।
প্রধানমন্ত্রীনা হায়খি মদুদি ঐখোয়গী অহানবা ৱাশক অসি ঙাক-শেনবা, ঈশিং য়োকশিনবা অমসুং তুরেলশিং ঙাক-শেনবা ওইগদবনি। মহাক্না লুম্না লৌরদুনা হায়খি মদুদি ঐখোয়গী অনিশুবা ৱাশক অসিদি উ থাবা ওইগদবনি। মহাক্না হায়খি মদুদি "ইমাগী মিংদা উ পাম্বী অমা" গী লৈবাক পুম্বগী কেম্পেন অসি হৌজিক কন্না পাংথোক্লি অমসুং করিগুম্বা মথশিংগী শক্তি অসি মসিগী কেম্পেন অসিগী মনুং চলহনবা তারবদি মসিগী মমি অসি হেন্না পাক শনগনি। মহাক্না হায়খি মদুদি অহুমশুবা ৱাশক অসিদি লৈবাক অসিগী লায়রবা মী মশিং অসি য়ারিবমখৈ হন্থহন্দুনা ইনাখ খুন্নবা হোৎনবা অসিনা ওইগদবনি। মহাক্না হায়খি মদুদি মরিশুবা ৱাশক অসিদি ইরমগী ওইবা পোৎ শিজিন্নবনা ওইগদবনি অমসুং মথৌদাং খংবা প্রজা অমা ওইনা মীপুম খুদিংনা ইরমগী পোৎ শিজিন্নগদবনি। মহাক্না হায়খি মদুদি ঙসি লৈবাক অসিনা মীপাল তাংদবা ভারত অমসুং ইরমদমগী ওইবগী লাইশোন অসিগা লোয়ননা মাংলোমদা চংশিল্লি, ঐখোয়গী শেলগী ফীভম, ঐখোয়গী ইন্দস্ত্রী অমসুং ঐখোয়গী তেক্নিক্কী পাঙ্গল অসি শিজিন্নদুনা খোংফম চেৎনা লেপ্পী। মহাক্না লুম্না লৌরদুনা হায়খি মদুদি মরম অসিনা ঐখোয়না অরৈবা থৌনা ফুদোক্তুনা 'ভোকেল ফোর লোকেল' হায়গদবনি।
শ্রী মোদীনা নেচরেল ফার্মিং অসিবু ফগৎহন্নবগীদমক্তা হায়বা ওইনা মঙাশুবা ৱাশক হায়খি। প্রধানমন্ত্রীনা তরুকশুবা ৱাশক ওইনা হকচাং ফবা পুন্সি মহিং ওইহন্নবা, চানবদা অপৌবা চেংশিং য়াওহন্নবা অমসুং থাও হন্থনা শীজিন্ননবা হায়খি। মহাক্না হায়খিমদুদি তরেৎশুবা ৱাশক অসি য়োগা তৌবা অমসুং মদুবু পুন্সিগী শরুক অমা ওইহন্নবা তৌগদবনি। শ্রী মোদীনা লুম্না লৌরদুনা হায়খি মদুদি নিপলশুবা ৱাশক অসি পান্দুলিপীশিং অসি ঙাক-শেন্দুনা থম্নবা হোৎনবদা ঙাক্লৌ পীবনি মরমদি ভারতকী অরিবা গ্যানপুম্বা মসিগী পান্দদুলিপীশিংসিদা লোত্তুনা য়াওরি। মহাক্না হায়খি মদুদি সরাকরনা মসিগী গ্যান অসি মাংহন্দনা থম্ননবগীদমক্তা গ্যান ভারতম মিশন্দা থবক তৌরি অমসুং মীয়ামগী মতেংদগী মসিগী মমল নাইদ্রবা লন অসি কনবদা মতেং ওইগনি।
শ্রী মোদীনা মাপলশুবা ৱাশক ওইনা লৈবাক অসিদা য়ামদ্রবদা মহাক্কী ইপানাৎ-ইপুনাৎকা মরি লৈনবা মফম 25 দা চৎনবা হায়রদুনা নুমীৎ নিনি-হুম্নিগী মমাংদা হরিয়ানাগী কুরুক্ষেত্রদা মহাভারতকী এক্সপরিএন্স সেন্তর হৌদোকখি। মহাক্না মীশিংদা ভগৱান শ্রী কৃষ্ণগী পুন্সিগী দর্শনগীদমক্তা সেন্তর অসিদা চৎনবা হায়খি। শ্রী মোদী ৱাফম অসিদা লুম্না লৌরদুনা হায়খি মদুদি গুজরাত্তা চহী খুদিংগী ভগৱান শ্রী কৃষ্ণ অমসুং ইমা রুকমিনী লুহোংবগী কত্থোক্লবা মাধবপুর মেলা পাংথোকই, মসিদা লৈবাক পুম্বদগী মরুওইনা অৱাং-নোংপোক লমদমদগী মীওই কয়া লাকই। মীপুম খুদিংমক্তা মথংগী চহীদা মসিদা য়াবিনবা হায়জরি।
প্রধানমন্ত্রী মোদীনা হায়খি মদুদি ভগৱান শ্রী কৃষ্ণগী পুন্সি চুপ্পা অমসুং গীতাগী তাঙ্কক খুদিং কর্ম, থৌদাং অমসুং য়াইফনবা তৌনবগী পাওজেল পীরি। মহাক্না হায়খি মদুদি ভারতকী মীশিংগীদমক্তা 2047 অসিগী মতম অসি অমৃতগী মতম ওইবদা নত্তনা চাউখৎলবা ভারত শেম্নবগী থৌদাংগী মতমশুনি। শ্রী মোদীনা হায়খি মদুদি প্রজা খুদিংমক, ভারকী মী খুদিংমক্কী থৌদাংনি অমসুং মীপুম খুদি অমদি লুপ খুদিংগীসু থৌদাংনি। মহাক্না লুম্না লৌরদুনা হায়খি মদুদি হায়রিবা থৌদাংশিং অসি মপুং ফাহনবদা কর্নাতকাগী হোৎনবা কনবা মীশিংগী মশিং থিঙমদ্রবা মরুওইবা থৌদাংনি। মহাক্না হায়খি মদুদি হোৎনবা খুদিংদা লৈবাক অসিগীদমক্তা কত্থোকপা ওইগদবনি অমসুং কত্থোকপগী থৌদাং অসি ঙাক্তুনা চাউখৎপা কর্নাতকা অমসুং চাউখৎপা ভারতকী মংলান অদু মপুং ফাগদৌরিবনি। শ্রী মোদীনা ৱারোইশিন ওইনা উদুপ্পীগী লমসিদগী থোরক্লিবা থৌনানা চাউখৎপা ভারতকী ভারতকী ৱাশক অদুবু লমজিং-লমতাকপা ওইরসনু হায়না য়াইফ-পাওজেল পীখি। মহাক্না শেংলবা থৌরম অসিগা মরি লৈনরিবা মীপুম খুদিংদা য়াইফ-পাওজেল পীখি।
থৌরম অসিদা কর্নাতকাগী রাজ্যপাল শ্রী থাৱরচন্দ, কেন্দ্র মন্ত্রী শ্রী প্রলহাদ জোশী অমদি অতৈ শক্নাইরবা মীওইশিং য়াওখি।
বেকগ্রাউন্দ
প্রধানমন্ত্রীনা উদুপ্পীদা শ্রী কৃষ্ণ মথতা চৎখি অমসুং লক্ষ কথ গীতা পরায়নগী থৌরমদা শরুক য়াখি – মসিগী ভক্তিগী মীফম অসিদা মহৈরোয়শিং, লম্বোইবশিং, অখং-অহৈশিং অমসুং মফম কয়াদগী প্রজাশিং য়াওনা মীওই লাখ অমরোম য়াওখি অমসুং পুন্না অমত্তা ওইবা খোজ্ঞেলদা শ্রীমদভগৱদগীতাগী পাথ তৌমিন্নখি।
প্রধানমন্ত্রীনা কৃষ্ণ গর্ভগৃহগী মমাংদা লৈবা সুৱর্ন তীর্থ শঙলেন শঙ্গাখি অমসুং শেংলবা কনকনা কিন্দীগী কনক কবচ (সনাগী কবচ) কৎখি। কনকনা কন্দি অসি শেংলবা থোং অমনি। মসিগী মতাংদা হায়নবা অমা লৈ মদুদি মসিগী থোং অসিদগী মুনী কনকদাসনা ভগৱান শ্রী কৃষ্ণ অঙকপনা থল্লবা দর্শন ফংজখি। উদুপ্পীদা শ্রী কৃষ্ণ মথ অসি ইং কুমজা 800 গী মমাংদা বেদান্ত দ্বৈত দর্শন হৌদোকখিবা শ্রী মাধবাচার্যনা লিংখৎখিবনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
कलियुग में केवल भगवद् नाम और लीला का कीर्तन ही परम साधन है।
— PMO India (@PMOIndia) November 28, 2025
उसके गायन कीर्तन से भवसागर से मुक्ति हो जाती है: PM @narendramodi pic.twitter.com/P0Wk11AZVk
The words of the Gita not only guide individuals but also shape the direction of the nation's policies: PM @narendramodi pic.twitter.com/FG3ZKkFOdl
— PMO India (@PMOIndia) November 28, 2025
The Bhagavad Gita teaches that upholding peace and truth may require confronting and ending the forces of injustice. This principle lies at the heart of the nation's security approach. pic.twitter.com/FuYHHC4Cyl
— PMO India (@PMOIndia) November 28, 2025
Let us take nine resolves... pic.twitter.com/v26kVZi00G
— PMO India (@PMOIndia) November 28, 2025
