এল্লারিগু নমস্কারা!
জয় শ্রী কৃষ্ণ!
জয় শ্রী কৃষ্ণ!
জয় শ্রী কৃষ্ণ!
ঐহাক্না হৌদ্রীঙৈগী মমাংদা, অঙাং খরনা মখোয়গী অয়েকপা লাই খরা মফম অসিদা পুরকখি। SPG অমসুং লমদম অসিগী পুলিসশিংনা মদুবু লৌশিনবদা খরা মতেং পাংবীয়ু। মনিংদা নখোয়না নখোয়গী লৈফম অদু ইরবদি, ঐহাক্না থাগৎ-ৱাহৈ ফোংদোক্লদুনা চিথি অমা শোইদনা হনগনি। কনাগুম্বনা করিগুম্বা অমা লৈরবদি মখোয়দা পীবীয়ু; মখোয়না মদুবু লৌশিনগনি, অমসুং নখোয়না ফমদুনা পোত্থাবা য়াগনি। অঙাংশিং অসিনা য়াম্না ৱানা হোৎনজৈ, অমসুং করিগুম্বা মতমদা ঐনা মখোয়দা অরানবা তৌরবদি মদুনা ঐঙোন্দা অমুক হেন্না নুংঙাইহন্দে।
জয় শ্রী কৃষ্ণ!
প্রভু শ্রী কৃষ্ণনা শেংলবা দর্শন ফংজবগী পেঞ্জবা, শ্রীমদ ভগৱদ গিতাগী মন্ত্রশিংগী স্পিরিচুৱল এক্সপরিয়েন্স, অমসুং ইকাইখুম্নরবা সন্তশিং অমসুং গুরুশিং ময়াম তিনবা অসিগী এক্সপরিয়েন্স অসি ঐহাক্কী ওইনা য়াম্না লাইবক ফবনি। ঐহাক্না ওইনদি মসি অফবা মগুন ময়া অমা ফংবগুম্বনি। অমসুং এহাকপু ইকাইখুম্নবীবা, এহাক্না ফাওরিবশিং অদুবু ফোংদোকপীবা, ঐহাক্কী মরমদা হাবরিবশিং অদু ঙম্নমক ফংনবা থৌজানবীবা ওইরসনু, থবক হেন্না তৌবা ঙম্নবা অমসুং ঐঙোন্দা থম্লিবা থাজবশিং অদুবু মাইপাক্না পাংথোকপা ঙম্ননা থৌজানবীবা ওইরসনু।
ইচিল-ইনাওশিং,
নুমিৎ হুম্নিগী মমাংদা, ঐহাক গিতা লমদম, কুরক্সেত্রদা চৎলুই। হৌজিক্না প্রবু শ্রী কৃষ্ণনা থৌজাল্লবা লমদম অমসুং জগদগুরু শ্রী মাধৱচার্য়া জীনা ফাওরবা লমদম অসিদা লাকপা অসি ঐহাক্কী ওইনা খ্বাইদগী হেন্না পেঞ্জবা থৌরম অমনি। ঙসি থৌরম অসিদা, মীওই লাখ কয়া অমনা ভগৱত গিতাগী স্লোকশিং অসি থিবা মতমদা, মালেম শিনবা থুংনদগী মীওইশিংনা চহি লিশিং কয়াদগী লৈরক্লবা ভরতকী শেংলবা শক্তম অদু উবা ফংলগনি। শ্রী শ্রী সুগুনেন্দ্র তির্থা স্বামী জী, শ্রী শ্রী সুশিন্দ্র তির্থা স্বামী জী, মখোয়না থৌরম অসিবু থৌজানবীনবা মফম অসিদা লাক্লি, কর্নাতকাগী গোবর্নর, থাৱরচান্দ গেহলোত জী, কেন্দ্রগী কেবিনেত্তা ঐগা থবক তৌমিন্নরিবশিং, রাজ্য সরকারগী মন্ত্রীশিং, এম.পি.শিং, এম.এল.এ.শিং, উদুপিগী মোনাস্ত্রী নিপালগী ফোলোৱর পুম্নমক অমসুং মফম অসিদা তিল্লিবা অতোপ্পা সন্তশিং, ইবুংঙো অমসুং ইবেম্মশিং!
কর্নাতকাগী লমদম অসিদা, লমদম অসিগি নুংশিরবা মীয়ামগী মরক্তা লাকপা অসি মতম পুম্নমক্তা ঐহাক্কী ওইনা য়াম্না তোপ-তোপ্পা এক্সপরিয়েন্স অমনি। অমসুং উদুপিগী লমদম অসিদা লাকপা অসি মতম পুম্নমক্তা য়াম্না নুংঙাইবা অমা ওই। ঐহাক গুজরাত্তা পোকখি, অমসুং গুজরাত অমসুং উদুপিগী মরক্তা য়াম্না তোপ্-তোপ্পা অখন্নবা মরি অমা লৈ। মফম অসিদা খিল্লিবা প্রভু কৃষ্ণগী মুর্তি অসি দ্বার্কাদা ইমা রুকমিনি লাৎলম্মিউ হায়না থাজনরি। তুংদা, জগতগুরু শ্রী মাধৱাচার্য়া জীনা মুর্তি অসিবু মফম অসিদা খিনখিবনি। অমসুং মমাং চহিদা ঐহাক্না ঈশিং মখাদা দ্বার্কা জীদা চৎখি অমসুং মফম অদুদগী থৌজালশু পুরকখি। ঐহাক্না মুর্তি অদু উবা মতম করি ফাওরমগনি হায়বদু নখোয়না খন্দুনা য়েংউ। দর্শন অসিনা নুংগী ওইবা নুংঙাইবা অপেনবা অমা ফাওহল্লে।
মরুপশিং,
উদুপিদা লাকপা অসি ঐহাক্কীদমক অতোপ্পা মরম অমদগী য়াম্না মরু ওইবা অমা ওই। উদুপি অসি জানা সংঘ অমসুং ভার্তিয়া জনতা পার্তীগী অফবা গোবর্নেন্সকী মোদেলগী থবক মফমনি। ১৯৬৮তা উদুপিগী মীয়াম্না ঐখোয়গী জন সংঘ কেন্দিদেত, ভি.এস. আচার্য়াবু মফম অসিদা মুনিসিপাল কাউন্সিলগীদমক খনখি। মসিনা উদুপিদা অনৌবা গোবর্নেন্স মোদেলগী য়ুমফম অমা শেমখি। ঐখোয়না ঙসি উরিবা, লৈবাক শিনবা থুংনা পাইখৎলক্লিবা লু-নানবগী কেমপেন অদু দেকেদ মঙাগী মমাংদা উদুপিনা পাইখৎখি। ৱাতর সপ্লাই অমসুং দ্রেনেজ সীস্তেমগী অনৌবা মোদেল অমা শেম্নবা, উদুপিনা মসিগী প্রোগ্রামশিং অসি ১৯৭০দা হৌদোকখিবা খ্বাইদগী ইহান-হানবা রাজ্যনি। ঙসিদি মসিগী কেমপেনশিং অসিনা লৈবাক অসিগী জাতিগী থাক্তা চাউখৎ-থৌরাংগী শরুক অমা ওইনা লমজিং লমতাক্তুনা লৈবাক অসিগী ওইনা খ্বাইদগী মরুওইবশিংগী মনুংদা অমা ওইরি।
মরুপশিং।
রামচরিতমানসতা ইরম্মি: "কলিজুগ কেৱল হরি গুন গাহা। গাৱত নর পাৱহিং ভৱ থাহা। মসিগী ৱাহন্থোক্তি শকপা অমসুং শোনবা খক্তনা হিংবগী ইপাক্তগী নান্থোকপা ঙমগনি।” গিতাদগী মন্ত্রশিং অমসুং স্লোকশিং অসি ইখোয়গি খুন্নাই অসিনা চহি চা কয়া শোন্দুনা লাক্লি। অদুবু খোঞ্জেল লাখ কয়া কয়ানা মসিগী স্লোকশিং অসি অমত্তা ওইনা শোনবা মতমদা, গিতাগুম্বা শেংলবা লাইরিক অসি মী ময়াম অমনা শোনবা মতমদা, অসিগুম্বা শেংলবা ৱাহৈশিং অসিনা মফম অমা খক্তদা অমত্তা ওইনা নিনবা মতমদা ঐখোয়গী ৱাখল অমসুং ব্রেনশিংদা অনৌবা ভাইব্রেসন অমসুং অনৌবা শক্তি পীবা ইনর্জী অমা থাদোকই। ইনর্জী অসি স্পিচুৱেলিতীগী শক্তিনি, ইনর্জী অসি খুন্নাইবু অমত্তা ওইনা পুনশিন্নবগী শক্তিনি। মরম অদুনা ঙসিগী লাখ কন্থা গিতা থিবগী থৌরম অসি ইনর্জীগী চাউরবা শক্তম অমা এক্সপরিয়েন্স তৌনবগী খুদোংচাবা অমা ওইরে।
মরুপশিং,
ঙসিগী নুমিৎ অসিদা, ঐহাক্না হিস হোলিনেস শ্রী শ্রী সুগুনেন্দ্র তির্থা স্বামি জীবু ইকাইখুম্নবা উৎচরি। মহাক্না অসিগুম্বা য়াম্না শেংলবা মওং অসিদা লক্সা কন্থা গিতা অমুক হন্না হিংগৎহনবগী ৱাখল্লোন অসি পুরকখি। মহাক্না হৌদোকখিবা কোতি গিতা লেখন য়াজনা অসিনা মালেম অসিগী মীপুম খুদিংদা গিতাবু মশাগী মখুৎ মক্না ইজনবগী ৱাখল্লোন অসিনা সনাতন চৎনবীগী ওইবা মালেমগী ওইবা মীয়ামগী ঈহৌ অমা ওইরি। ঐখোয়গী নহাশিংনা ভগৱত গিতাগী স্পিরিত অমসুং তীচিংশিং অদুগা কনেক্ত তৌরিবা অসিমক য়াম্না পুক্নিং থৌগৎনিংঙাইনি। চহি চা কয়া ভারতনা ভেদাশিং, উপানিশদশিং অমসুং স্ক্রিপচরশিংগী লৌশিংবু মথংগী মীরোলশিংদা থংথবগী চৎনবী লৈরকখি। অমসুং মসিগী থৌরম অসিনা মসিগী চৎনবী অসিবু মখাতানা চত্থবগী থৌরম অমা ওইদুনা মথংগী মীরোলশিংবু ভগৱত গিতাগা কনেক্ত তৌরি।
মরুপশি,
মফম অসিদা য়ৌরক্ত্রিঙৈ নুমিৎ হুম্নিগী মমাংদা, ঐহাক আয়োধ্যাদশু চৎখি। নবেম্বর ২৫, ৱিভাহ পঞ্চমিগী শেংলবা নুমিত্তা, ধর্মা ফ্লেগ অসি আয়োধ্যাদা রাম জনমাভুমি তেমপলদা য়ুংখি। অয়োধ্যাদগীনা উদুপি ফাওবদা, রামবু নিংজবা কয়া অমনা খ্বাইদগী শেংলবা অমসুং খ্বাইদগী চাউরবা ফেস্তিবল অমা উবা ফংখি। লৈবাক পুম্বনা রাম তেমপলগী ঈঔদা উদুপিনা লৌখিবা থৌদাং অদু ময়েক শেংনা খঙই। ফিরাল চিংখৎপগী থৌরম অদুনা দেকেদ কয়াগী মমাংদা রাম তেমপলগী ঈহৌদা লৈখীদ্রবা ইকাইখুম্নরবা বিস্বেশ তীর্থা স্বামি জীনা লৌখিবা থৌদাং অদুগী অরোইবা অদু ওইখি। রাম তেমপল শাখিবা অসি মরম অতোপ্পা অমগীদমক উদুপিগীদমক য়াম্না মরু ওই। জাগদগুরু মাধৱচার্য়া জীগী মীংদা অনৌবা লাইশঙদা অচৌবা গেত অমশু শাখি। জগদগুরু মাধৱচার্য়া জী অসি প্রভু রাম্বু য়াম্না চেৎনা নিংজবা মীশক অমনি, মহাক্না ইখি, “রাময় শাস্বত সুৱিস্ত্রত শদগুনায়, সর্ৱশ্বরায় বল-ৱির্য় মহার্ৱায়,” মসিগী ৱাহন্থোক্তি, “প্রধভু শ্রী রাম- শেংলবা গুন তরুক্না লৈতেংলবা অসি পুম্নমক্কী মপুনি, অমসুং পাঙ্গল অমসুং থৌনাগী চাউরবা ইপাক্নি।” অমসুং মরম অদুনা রাম তেমপল কমপ্লেক্সকী গেত অমা মহাক্কী মমিং থোনবা হায়বসি কর্নাতকাগী উদুপি অমসুং লৈবাক মীয়ামগীদমক য়াম্না চাউথোকচনিংঙাই ওইবা ৱাফম্নি।
মরুপশিং,
জগদগুরু শ্রী মধৱাচার্য়া জী অসি ভারতকী দ্বাইতা ফিলোসোফীগী ফাউন্দরনি অমসুং ভেদান্তাগী লমজিং মৈরা অমনি। মহাক্না লিংখৎখিবা উদুপিদা লৈরিবা মোনাস্ত্রী নিপালগী সীস্তেম অসি ইনস্তিত্যসনশিং অমসুংঅনৌবা চৎনবীশিং শেম্বগী ময়েক লারবা খুদম চাংদম অমনি। মফম অসিদা প্রভু শ্রী কৃষ্ণবু নিংজবা, ভেদান্তাগী ৱাখল-লৌশিং অমসুং মী লিশিং কয়াদা অচা-অথক পীজবগী ফিরেপ অদু লৈ। অমরোমদা মসিগী মফম অসি লাইনিংবশিং মফমনি, মহৈ-লৌশিং, অচেৎপা থাজবা অমসুং সেবাগী তিন্নফমনি।
মরুপশিং,
জগদগুরু মধৱাচার্য়া জীনা পোকপা মতমদা, ভারতনা মনুংগী অমসুং মপালগী ওইবা শিংনবা কয়া অমা মায়োক্নরম্মি। মতম অদুদা মহাক্না খুন্নাই অসিগী মীপুম খুদিংমক্না অমসুং তোঙান-তোঙানবা লাইনিং-লাইশোল কয়ানা কনেক্ত তৌবা ঙম্বা অচেৎপা থাজবা অমগী লম্বি অমা উৎখি। অমসুং লমজিং-লমতাক অসিনা মরম ওইদুনা, ঙসি ফাওবা চহি চা কয়াগী মতুংদা ফাওবা মআক্না লিংখৎখিবা মোনাস্তরীশিংনা নুমিৎ খুদিংগী মীওই লাখ কয়া কয়াগী সেবা তৌরি। মহাক্না পুক্নিং থৌগত্তুনা অসিগুম্বা য়াম্না মতিক মগুন লৈরবা মীওই কয়া অমা দ্বাইতা ত্রেদশনদা পোক্লকখি, মখোয়না ধর্মগী, সেবাগী অমসুং খুন্নাই অসিবু শেমগৎপগী থবক অসিবু মখাতানা পুখৎলি। অমসুং মসিগী লিশাং শিৎনা চত্থরক্লবা মীয়ামগী সেবা তৌবগী চৎনবী অসিনা উদুপী খ্বাইদগী চাউরবা হেরিতেজনি।
মরুপশিং,
জগদগুরু মাধৱাচার্য়া জীগী লেগেসীমা হরিদাসাগী চৎনবীবু অনৌবা পাঙ্গল অমা হাপ্পীরে। পুরান্দারা দাস অমসুং কানাকা দাসগুম্বা ফাওরবা মীওইশিং অসিনা মীয়ামদা য়াম্না চম্বা, নুংঙাইবা অমসুং য়াম্না লাইবা কন্নদা লোলদা দিভোসন অসি শন্দোকখি। মখৌয়গী কমপোজিশন্না মীপুম খুদিংমক্কী থমোইদা য়ৌখি, লাইরবশিংদগী খ্বাইদগী হেন্না লাইরবশিংদা ফাওবা ধর্মা অমসুং হোংবা নাইররোইদবা ৱাখল্লোনশিং অসিগা কনেক্ত তৌরি। ঙসিশু, ঐখোয়গী নহাশিংনা সোসিয়েল মীদিয়াগী রীলশিংদা শ্রী পুরান্দরাসানা শৈরেংবা চন্দ্রচুর শিৱ শঙ্কর পার্ৱতি তারবা মতুংদা মখোয়গী ৱাখল্লোনদা অহোংবা অমা লাকই। ঙসিশু উদুপিদা লৈরিবা ঐগুম্বা দীভোতীনা অপিকপা থোংনাও অমদগী প্রভু কৃষ্ণবু উবা মতমদা মখৌয়না কানাকা দাসাগী দিভোসনগা কেনেক্ত তৌবগী খুদোংচাবা অমা ফংই। অমসুং ঐহাক অসি য়াম্না লাইবক ফরবনি, ঐহাক্না অসিগুম্বা থৌজাল অসি মসিগী মমাংদশু ফংজখ্রে। ঐহাক্না কনাকা দাসা জীবু ইকাইখুম্নবা উৎচনবগী ধোজাল অদু ফংজখ্রে।
মরুপশিং,
প্রভু শ্রী কৃষ্ণগী পাউতাক অসি য়ুগ খুদিংদা অদুমক চৎনরি। গিতাগী ৱাহৈশিংনা মীওই অমবু লমজিং-লমতাকপদা নত্তনা জাতি অমগী থৌশিল-থৌরাংদশু লমজিং-লমতাকপী। ভগৱত গিতাদা , শ্রী কৃষ্ণানা হায়খি: সর্ৱাভুতহিতে রতা: মসি গিতা মসামক্তা হায়রিবনি: লোক সংগ্রহম এৱতি, সম পস্যন কর্তুম অহর্সি! স্লোক অনিমক্কী ৱাহন্থোক অসি ঐখোয়না মীয়ামগী য়াইফনবঘিদমক থবক তৌগদবনি হায়বনি। জগদগুরু মধৱাচার্য়া জীনা মহাক্কী পুনশিদা মসিগী ৱাখল্লোনশিং অসিগা লোইননা ভারতপু অমত্তা ওইনা পুনশিন্নবা হৌৎনদুনা লাকখি।
মরুপশিং,
ঙসি ঐখোয়গী সবকা সাথ, সবকা ভিকাস, সর্ৱাজন হিতায়া, সর্ৱাজন সুখায়াগী পোলিসীশিং অসি প্রভু শ্রী কৃষ্ণাগী স্লোকশিং অসিনা পুক্নিং থৌগৎপনি। প্রভু শ্রী কৃষ্ণনা লাইরবশিংবু মতেং পাংনবগী মন্ত্রা অমসুং মসিগী মন্ত্রা অসিনা পুক্নিং থৌগত্তুনা অয়ুশ্মান ভারত অমসুং পি.এম. আৱাসগুম্বা স্কীমশিং অসিগী য়ুমফম ওইরকখি। প্রভু কৃষ্ণনা ঐখোয়দা নুপীশিংগী অসোই-অঙাম য়াওহন্দনবা অমসুং নুপীশিং চাউখৎ-ধৌরাংগীদমক লৌশিং পীখি অমসুং মসিগী লোশিংশিং অসিনা পুক্নিং থৌগত্তুনা লৈবাক অসিনা নারি শক্তি ৱন্দান এক্তকী পুৱারি ওইরবা ফিরেপ অদু লৌখি। শ্রী কৃষ্ণনা মীপুম খুদিংমক্কী য়াইফনবগী মাতংদা তাকপী তম্বী অমসুং মসিনা ভেক্সিন মাইত্রি, সোলার এলাইন্স অমসুং ৱাসুধৈবা কুতুম্বাকমগী ঐখোয়গী পোলিসীশিংগী হৌরকফম ওইরকখি।
মরুপশিং,
শ্রী কৃষ্ণনা লানফমদা গিতাগী পাউজেল পীখি। অমসুং ভগৱত গিতানা ঐখোয়দা শান্তি অমসুং অশেংবা হায়বসি থম্নবগীদমক্তা ওৎ-নৈরিবা অদু লোইশিনগদবনি। মসিনা ঐখোয়গী নেস্নেল সেক্যুরিতী পোলিসীগী খ্বাইদগী মরু ওইবা মচাক্নি। ঐখোয়না “ৱাসুধৈবা কুতুম্বাকম”, লাওরি অমসুং ঐখোয়না “ধর্মা রক্সতি রক্সিত:”কী মন্ত্রশু হন্না হন্না শোল্লি। ঐখোয়না শ্রী কৃষ্ণাগী মীনুংশিগী পাউজেল অদু রেদ ফোর্ততগী শন্দোক্লি অমসুং ফমম অদুমক্তদগী ঐখোয়না “মিসন সুদর্শন চক্রা” লাউথোক্লি। মসিন সুদর্শন চক্রগী ৱাহন্থোক্তি লৈবাক অসিগী মরু ওইবা মফমশিং, ইন্দস্ত্রিয়েল অমসুং পব্লিক সেক্তরশিং য়েক্নবশিংনা লানশিল্লকপা ঙম্লোইদবা সেক্যুরিতী ৱাল অমা শেম্বনি। করিগুম্বা য়েক্নবশিংনা লানশিল্লক্নবা হোৎনরবদি ঐখোয়গি সুদর্শন চক্রনা মখোয়বু মাংহনগনি।
মরুপশিং,
লৈবাক অসিনা ওপরেসন সিন্দুরদা ঐখোয়গী ফিরেপ অদু উরম্লগনি। পাহলগামদা তেরোরিস্তশিংনা লান্দারকপদগী ইরৈচা কয়ানা মখোয়গী থৱায় মাংখি। কর্নাতাকাগি ঐগী ইচিল-ইনাওশিংশু মরাইবক থিবশিংগী মরক্তা য়াওখি। অদুবু মমাংদা অসিগুম্বা তেরোরিস্তশিংনা লান্দারকপা মতমদা সরকারনা তুমিন্না লৈখি। অদুবু হৌজিক্তি অনৌবা ভারতনি, মহাক্না কনাদশু নোঞ্জদে অমসুং মখোয়ঘী প্রজাশিংবু ঙাক-শেনবগী মথৌদাংদগী কৈদৌনুংদশু লৈথোক্তে। ঐখোয়না শান্তি করম্না লৈহনগনু খঙই অমসুং শান্তি অদুবু করম্না ঙাক-শেন্দুনা থমগনি হায়বশু খঙই।
মরুপশিং,
ভগৱত গিতানা ঐখোয়দা ঐখোয়গী ধৌদাংশিং অমসুং ঐখোয়গী পুনশিগী ফিরেপশিং অদুগী মতাংদা খঙহল্লি। মসিনা পুক্নিং থৌগত্তুনা ঙসিদি ঐহাকশু নখোয় পুম্নমক্তগী ফিরেপ অমা লৌহন্নিংঙি। মসিনা ফিরেপ মাপল অদুগুম্না এখোয়গী হৌজিক অমসুং তুংলমচৎকীদমক্তা য়াম্না মরু ওই। সন্ত কম্যুনিতীনা হায়জরিবা ৱাফম অসিদা থৌজাল পীনবীবা মতমদা কনা অমত্তনা মসিবু মীয়ামদা য়ৌহনবদা থিংবা ঙম্লোই।
মরুপশিং,
এখোয়গী অআনবা ফিরেপ অসি ঐখোয়না ঈশিং য়োকশিনবা, ঈশিং কনবা অমসুং তুরেলীশং কনবা হায়বসিনি। ঐখোয়গী অনিসুবা ফিরেপনা উ-ৱা থাবা ওইগদবনি। ‘ইমাগী মিংদা উপাম্বী অমা’ হায়বা কেমপেন অসি লৈবাক শিন্থুংনা খোংজেল লাক্লি। মোনাস্ত্রিশিংগী পাঙ্গলনা মসিগী কেমপেন অসিদা শরুক য়ারবদি, মসিগী শাফু অসি অমুক্কশু হেন্না পাক-শন্না ওইগনি। অহুমশুবা ফিরেপনা লৈবাক অসিগী লাইরবা মীওই অমখক্তা ওইরবশু মখোয়গী পুনশি মহিং ফগৎহন্নবা হোৎনগদবনি। ঐহাক য়াম্নদি হায়ররোই। মরিশুবা ফিরেপ্না স্বদেশিগী ৱাখল্লোন। মথৌদাং মশক খঙবা নাগ্রিক অমা ওইনা ঐখোয়না স্বদেশিগী ৱাখল্লোন আঅসি লৈগদবনি। ঙসি ভারতনা মশানা মরোমদোম লেপচবা ঙম্বা অমসুং স্বদেশিগী মন্ত্রগা লোইননা মাং লোমদা চংশিল্লি। ঐখোয়গী ইকোনোমী, ঐখোয়গী ইন্দস্ত্রী, ঐখোয়গী তেক্নোলোজী, পুম্নমক মশানা খোংফম চেৎনা লেপ্পা ঙম্লে। মরম অদুনা, ঐখোয়না য়াম্না মখোল হৌনা হায়গদবনি, ভোকেল ফোর লোকেল। ভোকেল ফোর লোকেল।ভোকেল ফোর লোকেল। ভোকেল ফোর লোকেল।
মরুপশিং,
ঐখোয়গী মঙাশুবা ফিরেপ অমা ওইনা ঐখোয়না নেচরেল ফারমিংবু য়োকখ৭কদবনি। ঐখোয়গী তরুকশুবা ফিরেপনা অফবা মখলগী পুনশি মহিং, মিলেতশিং থাবা অমসুং ঐখোয়গী চিঞ্জাক্তা ধাওগী চাং হন্থবা। ঐখোয়গী তরেতশুবা ফিরেপ্না ঐখোয়না য়োগবু ঐখোয়গী পুনশিগী শরুক অমা ওইহনগদবনি। নিপালশুবা ফিরপে্না মেন্যুক্রিপ্তশিং নিংথিনা ঙাক-শেন্দুনা থম্বদা তেংবাং পীনবা। ঐখোয়গী লৈবাক অসিগী অরিবা নোলেজশিং অয়াম্বা মেন্যুস্ক্রিপ্তশিংদা লোত্তুনা লৈ। মসিগী নোলেজশিং অসি ঙাক-শেন্দুনা থম্নবা কেন্দ্র সরকারনা গ্যান ভারতম মিসনগী মতাংদা কন্না হোৎনরি। নখোয়গী মতেংনা মসিগী মপাল নাইদ্রবা লন অসিবু ঙাক-শেন্দুনা থম্বদা মতেং পাংগদৌরিবনি।
মরুপশিং,
নখৌয়না মাপলশুবা ফিরেপ অসি ঐখোয়গী লৈবাক অসিগী হেরিতেজকা মরি লৈনবা অসিগুমবা মফম ২৫দি চৎকদবনি। ঐহাক নখৌয়দা সজেসন অমা পীগে। নুমিৎ হুম্নি মরিনিগী মমাংদা, মহাভারতা এক্সপরিয়েন্স সেন্তর কুরক্সেত্রদা শঙ্গাখ্রে। ঐহাক নখোয়দা মসিগী সেন্তর অসিদা চৎহলনিংঙি অমসুং প্রভু কৃষ্ণগী পুনশি অদু এক্সপরিয়েন্স তৌহন্নিংঙি। চহি খুদিংগী প্রভু কৃষ্ণা অমসুং ইমা রুকমিনিগী লুহোংবদা য়ুমফম ওইবা মাদৱপুর ফেয়র অসি গুজরাত্তা পাংথোকই। লৈআবক অসি শিনবা থুংবদগী মীওই কয়া অমা, মরুওইনা নোর্থিস্ততগী মসিগী মেলা অসিদা লাকই। নখোয়শু মথংগী চহিদা মসিদা চৎনবা হৌৎগদবনি।
মরুপশিং,
প্রভু কৃষ্ণাগী পুনশি পুম্বা, গিতাগী পন্দুপ খুদিং, কর্মা, থৌদাং, অমসুং নিংথিনা লৈবগী মতাংদা পাউজেল পীরি। ভারতমাচা ঐখোয়গীদি ২০৪৭গী মতম অসি অমৃত কালগী মতম খক্তা নত্তনা চাউখৎপা ভারত অমা শেমগৎপগী মতমনি। লৈবাক অসিগী মীপুম খুদিংমক্কী, নাগ্রিক খুদিংমক্কী থৌদাং লৈ। মীপুম খুদিং, ইনস্তিত্যুসন খুদিংগী থৌদাং লৈ। অমসুং কর্নাতকাগী হোৎনবা কনবা প্রজাশিংগী মসিগী থৌদাংশিং অসি মাইপাকহনবদা য়াম্না চাউরবা থৌদাং লৈরি। ঐখোয়না হৌৎনবা খুদিংমক লৈবাক অসিগীদমক্তা ওইগদবনি। মসিগী মথৌদাং অমা ওইবগী ৱাখল্লোন অসিগা লোইননা চাউখৎপা কর্নাতকা, চাউখৎপা ভরত অমগী মঙলান অদু মঙফাওনহনবা ঙম্লগনি। মসিগী আশা অসিগা লোইননা উদুপিগী লমদম অসিদগী থাদোরক্লিবা শক্তি অসিনা চাউখৎপা ভারত অমা ওইহন্নবগী ঐখোয়গী ফিরেপ অদুবু মখাতানা লেপ্তনা লমজিং-লমতাকপীবা ওইরসনু। অমুক্কশু হন্না, মসিগী শেংলবা থৌরম অসিগা মরি লৈননা শরুক য়ারিবা মীপুম খুদিংমক্তা য়াইফ-পাউজেল পীজরি। অমসুং মীপুম খুদিংমক্তা- জয় শ্রী কৃষ্ণ! জয় শ্রী কৃষ্ণ! জয় শ্রী কৃষ্ণ!
