লোকমাতা দেবী অহিলিয়া বাই হোলকরগী 300শুবা মপোক কুমওনগী থৌরমদা প্রধান মন্ত্রী শ্রী নরেন্দ্র মোদীনা ঙসি মধ্য প্রদেশকী ভোপালদা লোকমাতা দেবী অহিলয়াবাই মহিলা সাশক্তিকরন মহাসম্মেলন্দা ৱা ঙাংখ্রে। মহাক্না ভোপালদা চাউখৎ-থৌরাংগী প্রোজেক্ত কয়া অমসু শঙ্গাখি অমসুং উরেপ-উয়ুংসু তমখি। থৌরম অদুদা ৱা ঙাংলদুনা মহাক্না 'মা ভারতী'বু ইকায় খুম্নবা উৎখি অমসুং ভারতকী নুপীশিংগী শক্তিবু শকখঙখি। থৌরম অদুদা মঙ্গোল পীনবা লাকখিবা ইচে-ইচলশিং অমসুং ইচানুপীশিংনা মশিং য়াম্না তিনখিবগীদমক মহাক্না থাগৎপা ফোংদোক্লদুনা মহাকপু ইকায় খুম্নবা পোকই হায়না মহাক্না ফোংদোকখি। প্রধান মন্ত্রীনা হায়খি মদুদি ঙসি অসি লোকমাতা দেবী অহিলয়াবাই হোলকরগী 300শুবা মপোক কুমওননি, মসি ভারত মচা করোর 140গী ইথিল ফংনবগী তাঞ্জা অমনি অমসুং লৈবাক শেমগৎপগী চাউরবা খোঙথাংদা শরুক তম্নবা তাঞ্জা অমনি। দেবী অহিলিয়াবাইগী ৱাফম পল্লদুনা মহাক্না অমুক্কা হন্না হায়খি মদুদি অশেংবা লৈঙাকপা হায়বসি মীয়ামগী সেবা তৌবা অমসুং মখোয়গী পুন্সি মহিং ফগৎহনবা হায়বনি। মহাক্না হায়খি ঙসিগী প্রোগ্রাম অসিনা মহাক্কী ভিজন অদু তাক্লি অমসুং মহাক্কী ৱাখল্লোনশিং অদু মাংলোমদা পুখৎলি। প্রধান মন্ত্রীনা ইন্দোর মেত্রো হৌদোকখিবগা লোয়ননা দাতিয়া অমসুং সাৎনাগীদমক এয়র কনেক্তিবিতী লৈহনখিবগী ৱাফম থমখি। প্রোজেক্তশিং অসিনা মধ্য প্রদেশকী ইনফ্রাস্ত্রকচর হেনগৎহল্লগনি, চাউখৎপা খোংজেল য়াঙখৎহল্লগনি অমসুং অনৌবা থবক ফংবগী খুদোংচাবা ফংহল্লগনি হায়না মহাক্না অকনবা ৱাফম থমখি। মহাক্না মীপুম খুদিংমক্তা নুংঙাইবা ফোংদোকখি।
লোকমাতা দেবী অহিলয়াবাই হোলকরগী মিং পল্লকপদা ইকাই খুম্নবা উৎলদুনা শ্রী মোদীনা হায়খি মদুদি মহাক্কী পর্সনেলিতী শন্দোক্না তাক্নবা ৱাহৈ লৈরোই। দেবী অহিলয়াবাইনা অচৌবা শক্তি অমসুং অচেৎপা ফিরেপকী শক্তিগী খুদম ওইরি হায়না মহাক্না ফোংদোকখি। মসিনা উৎলি মদুদি খুদোংচাদবা ফিভম ওইরবসু অহোংবা পুরকপা ঙম্মি। পুৱারীগী মতাংদা পল্লদুনা শ্রী মোদীনা হায়খি মদুদি চহি চা অনি মখায়দগী অহুমগী মমাংদা, লৈবাক অসি অকিবা কয়া মায়োক্নদুনা লৈরিঙৈদা, অসিগুম্বা অখন্নবা থবকশিং পাংথোকপা অসি য়াম্না লায়বা থবক নত্তে।
লোকমাতা অহিলয়াবাই হোলকরনা লাইগী সেবা অমসুং মীয়ামগী সেবাগী মরক্তা খেন্নবা অমত্তা লৈতে হায়না পল্লদুনা প্রধান মন্ত্রীনা হায়খি মদুদি মহাক্না মতম পুম্নমক্তা মহাক্না শিব লিঙ্গম অমগা লোয়নরম্মি, মসিনা মহাক্কী অচেৎপা থাজবা অদু উৎলি। মহাক্কী মতমগী শিংনবশিং অদুগী মতাংদা পল্লদুনা, মহাক্না হায়খি মদুদি অসিগুম্বা মতম অদুদা লৈবাক অমা লুচিংবা অসি তিংখংগী লুহুপ উপ্পগা মান্নৈ। অদুম ওইনমক, লোকমাতা অহিলয়াবাইনা মহাক্কী রাজ্যগী চাউখৎপগী অনৌবা মায়কৈ অমা পীখি। মহাক্না খ্বাইদগী লায়রবশিং ফাওবা শক্তি পীনবা হোৎনখি। শ্রী মোদীনা হায়খি, "লোকমাতা অহিলয়াবাই অসি ভারতকী হেরিতেজকী অচৌবা ঙাক্লৌ ওইখি।" লৈবাক অসিগী চৎনবী, লাইশঙশিং অমসুং লাই খুরুমফমশিং লান্দারকপা মতম অমদা, মহাক্না মখোয়শিং অসি ঙাক-শেন্নবগী থৌদাং লৌখি। মহাক্না কাশী বিশ্বনাথ য়াওনা লৈবাক শিনবা থুংনা লৈরিবা লাইশং কয়া অমুক হন্না শেমগৎপদা মহাক্কী থৌদাং অদু পনখি। মহাক্না লোকমাতা অহিলয়াবাইনা চাউখৎ-থৌরাংগী থবক কয়া পায়খৎখিবা বরানাসীদা থবক তৌবগী খুদোংচাবা ফংজবা অসিদা নুংঙাইবা ফোংদোকখি।
শ্রী মোদীনা হায়খি, "মাতা অহিলয়াবাইনা লায়রবশিং অমসুং শোত্থরবশিংগী য়াইফনবা শীংথানীংঙাই ওইরবা লৈঙাকপগী মোদেল অমা পায়খৎখি।" মহাক্না হায়খি মদুদি মহাক্না থবক পীবা অমসুং ওন্তপ্রিন্যুওরশিপ হেনগৎহন্নবা থৌরাং কয়া পায়খৎখি। মহাক্না লৌউ-শিংউ, উমংগী পোত্থোক্তা য়ুম্ফম ওইবা কোতেজ ইন্দস্ত্রীশিং, অমসুং খুৎ-শা হৈবগী থবকশিংবু চাউনা প্রমোৎ তৌখি। লৌউ-শিংউগী পোত্থোক হেনগৎহন্নবা মহাক্না অপীকপা কেনেলশিং শেমগৎখি অমসুং চহি 250-300গী মমাংদা ঈশিং য়োকখৎনবা পুখ্রি কয়া শেমগৎতুনা হোৎনখি। মহাক্না লৌমীশিংগী শেন্থোক হেনগৎহন্নবা অমসুং মহৈ-মরোংশিংগী মখল-মখা হেনগৎহন্নবগীদমক্তা কতন অমসুং স্পাইসকী লৌউ-শিংউবু পুক্নিং থৌগৎখি। শ্রী মোদীনা ত্রাইবেল কম্ম্যুনিতীশিং অমসুং নোমাদিক গ্রুপশিংগীদমক মহাক্কী ভিজনগী মতাংদা অকনবা ৱাফম থমখি। শ্রী মোদীনা হায়খি মদুদি ত্রাইবেলগী নুপী অমা ওইরিবা ভারতকী রাস্ত্রপতি, শ্রীমতি দ্রৌপদী মর্মুগী লমজিং মখাদা থবক তৌবা অসি মহাক্কী লাইবক ফবা অমনি। তেক্সতাইল সেক্তরদা দেবী অহিলয়াবাইনা শরুক তমখি, মালেমদা মমিং লৈরবা মহেশ্বরী সারিগী অনৌবা ইন্দস্ত্রীশিং লিংখৎপা, লৈবাক অসিগী ৱিভরশিংদা কান্নবা ফংহনখিবা অদু মহাক্না থাগৎখি। মহাক্না হায়খি মদুদি দেবী অহিলয়াবাইনা চহি 250-300গী মমাংদা গুজরাতকী জুনাগরদগী সারি শাবা ইমুং খরবু চপ মান্নবা থবক হৌনবা কৌখি।
শ্রী মোদীনা হায়খি, “দেবী অহিলয়াবাই হোলকরবু নুপীমচাশিংগী লুহোংবগী খ্বাইদগী তাবা চহি অসি হেনগৎহনবা, নুপীশিংগী প্রোপর্তী হক ফংহনবা অমসুং মহাক্কী মতম অদুদা খন্ন-নৈনবদা অরুবা ওইরম্বা মপুরোইবা লৈখিদ্রবীশিংবু অমুক হন্না লুহোংহনবদা মতেং পাংখিবা য়াওনা মহাক্কী মরুওইবা খুন্নাইগী রিফোর্মশিংগীদমক মতম পুম্নমক্তা নীংশিংদুনা লৈহৌরগনি। খুন্নাইগী ওইবা শিংনবশিং লৈজরবসু দেবী অহিলয়াবাইনা মসিগী প্রোগ্রেসিভ রিফোর্মশিং অসিদা মপুং ফানা মতেং পাংখি হায়না মহাক্না অকনবা ৱাফম থমখি। মহাক্না মালৱা লান্মীদা নুপীশিংগী অখন্নবা য়ুনিৎ অমা শেমখি অমসুং ঙাক-শেনবা অমসুং শক্তি লৈহন্নবা খুঙ্গংশিংদা নুপীশিংগী সেফতী গ্রুপশিং লিংখৎখি। শ্রী মোদীনা হায়খি, "মাতা অহিলয়াবাই অসি লৈবাক শেমগৎপদা নুপীশিংনা পীরিবা থোইদোক হেন্দোকপা থৌদাং অসিগী খুদম অমনি।" মহাক্না মহাকপু ইকায় খুম্নবা উৎখি, অমসুং মহাক্কী মঙ্গোল অসি পুম্নমক্কী মফমদা লেপ্তনা পীবীনবগীদমক মহাক্কী মফমদা থৌনিখি।
দেবী অহিলয়াবাই হোলকরনা পীরম্বা পুম্নমক অসি মীয়ামদা তোনবা শেনদোননি, মদুগী শেনফম অদু শোয়দনা শীংগদবনি হায়রদুনা দেবী অহিলয়াবাই হোলকরনা হায়রমখিবা ইথিল পীনীংঙাই ওইবা ৱারোল অদু নীংশিংলদুনা প্রধান মন্ত্রীনা হায়খি মদুদি মহাক্কী সরকারগী মহাক্কী ভেল্যুশিংগা চুনবা মওংদা থবক তৌরি, ‘নাগারিক দেভো ভাবা’ হায়বা প্রিন্সিপল অসিনা গভর্নান্সকী মন্ত্র ওইরি। মহাক্না হায়খি মদুদি নুপীশিংনা লুচিংবা চাউখৎ-থৌরাংগী মীৎয়েং অসি লৈবাক অসিগী চাউখৎ-থৌরাংগী মরুওইবা মফমদা থম্লি। সরকারগী মরুওইবা খোংথাং খুদিংমক ইমাশিং, ইচে-ইচলশিং অমসুং ইচানুপীশিংবু শক্তি পীনবগী মতাংদা য়ুম্ফম ওই হায়না মহাক্না অকনবা ৱাফম থমখি। প্রধান মন্ত্রীনা হায়খি মদুদি য়ুম করোর মরিদি শোত্থরবা মীওইশিংগীদমক্তা শাখ্রে অমসুং য়ুম অয়াম্বদি নুপীশিংগী মিংদা রেজিস্তর তৌখ্রে। মহাক্না পনখি মদুদি হায়রিবা নুপী কয়া অসিগীদমক্তা, মখোয়গী মমিং অসি প্রোপর্তী ওনরশিপকা মরী লৈনবা অসি মসিনা পুৱারী ওইরবা অহোংবা অমনি। লৈবাক অসিদা নুপী কতোত কয়া অহানবা ওইনা য়ুমগী মপু ওইরে।
সরকারনা য়ুমথোং খুদিংদা তেপ কনেক্সনগী খুত্থাংদা ঈশিং ফংহন্নবা হোৎনরি, মসিনা নুপীশিংনা থেংনরিবা খুদোংচাদবশিং কোকহল্লি হায়না পল্লদুনা শ্রী মোদীনা হায়খি মদুদি মমাংদা নুপী করোর কয়াদা মৈ, এল.পি.জি. অসিগুম্বা মরুওইবা ফেসিলিতীশিং অসি সরকারনা হৌজিক ফংহল্লে। মসিনা খুঙ্গংগী অমসুং শেন্মিৎলোনগী ওইনা খুদোংচাদবা ফীভমদা লৈবা ইমুংশিংদা লৈবা ইমা অমসুং ইচে-ইচলশিংগী পুন্সিদা মশক থোক্না ফগৎহল্লে।
মমাংদা, নুপী কয়া অমনা মখোয়গী হকশেলগী ওইবা ৱাফমশিং অদু লাপ্না থমদুনা লাকখি, শেল-থুমগী অৱাবা লৈবনা মরম ওইদুনা মীরোল্লিঙৈ মতমদা হোস্পিতালদা চৎপা তোকখি হায়না প্রধান মন্ত্রীনা ফোংদোকখি। আয়ুশ্মান ভারত স্কিম্না মখোয়দা লুপা লাখ 5 ফাওবগী ওইবা হোস্পিতালদা লেম্না লায়েংবগী খুদোংচাবা পীদুনা মসিগী চৈথেং অসি কোকহল্লে হায়না মহাক্না অকনবা ৱাফম থমখি। মহাক্না হায়খি মদুদি এজুকেসন অমসুং হেল্থকেয়রগী মথক্তা, শেল-থুমগী ওইবা মনিংতম্বা অসি নুপীশিংগী এম্পাৱরমেন্তকীদমক য়াম্না মরু ওই। মহাক্না হায়খি মদুদি করিগুম্বা নুপী অমনা মশাগী শেন্থোক লৈরবদি, মহাক্কী মশাগী ইকাইখুম্নবা হেনগৎলকই, অমসুং মহাক্না য়ুমগী ৱারেপ লৌবদা শরুক য়াবা হেনগৎলকই। প্রধান মন্ত্রীনা হৌখিবা চহি 11 অসিদা নুপীশিংবু শেন্মিৎলোনগী লমদা মপাঙ্গল কনখৎহন্নবা সরকারনা লেপ্পা লৈতনা হোৎনরিবশিং অদু পনখি। মহাক্না হায়খি মদুদি 2014গী মমাংদা নুপী করোর 30 মথক্তা বেঙ্ক একাউন্ত লৈরমদে। সরকারনা মখোয়গীদমক জন ধন একাউন্তশিং হাংদোকপগী খুদোংচাবা পীখি। মসিদা তোঙান তোঙানবা স্কিমশিংগী শেনফমশিং হকথেংননা ত্রান্সফর তৌরি। মহাক্না হায়খি মদুদি খুঙ্গং অমসুং সহরগী মফমশিংদা লৈরিবা নুপীশিংনা মুদ্রা য়োজনাগী মতেংগা লোয়ননা থবক তৌবা অমসুং মশাগী থবক পীবদা হেন্না পুক্নিং চিংশিল্লি, মুদ্রা য়োজনা অসিনা কোলেতরেল য়াওদনা লোন পী। "মুদ্রাগী কান্নবা ফংলবা মীওইশিংগী 75% হেনবনা নুপীশিংনি” হায়না ফোংদোক্লদুনা মসিনা ফাইনান্সিএল ইনক্লুজনদা থৌশিল অসিনা পীরিবা কান্নবা অদু প্রধান মন্ত্রীনা হায়খি।
লৈবাক শীনবা থুংনা নুপী করোর 10না হৌজিক সেল্ফ হেল্প গ্রুপশিংগী শরুক অমা ওইরে, সরকারনা শেল থুমগী মতেং পাংদুনা ইনকমগী অনৌবা সোর্সশিং পুথোক্লি হায়না পল্লদুনা শ্রী মোদীনা লাখপতী দিদিশিং ওইনা নুপী করোর 3বু মপাঙ্গল কনখৎহন্নবা অচেৎপা ৱাফম থমখি অমসুং নুপী করোর 1.5 হেনবনা মসিগী মাইলস্তোন অসি ফংবা ঙমখিবদা নুংঙাইবা ফোংদোকখি। মহাক্না বেঙ্ক সখীশিংগী থৌদাং অদু পনখি, মখোয়না খুঙ্গংশিংদা বেঙ্কিং সর্বিসশিংগা মীওইশিংবু শম্নহল্লি। মহাক্না বিমা সখীশিং লিংখৎনবা সরকারনা লৌখৎলিবা খোংথাং অদুসু পনখি। মহাক্না হায়খি মদুদি নুপী অমসুং নুপীমচাশিংনা হৌজিক লৈবাক শীনবা থুংনা ইন্সুরেন্স কভরেজ পাকথোক চাউথোকহনবদা মরুওইবা থৌদাং অমা লৌরি।
মতম অমদা নুপীশিং অসি অনৌবা তেক্নোলোজীশিংদগী লাপ্না লৈরম্মি হায়না প্রধান মন্ত্রীনা ফোংদোকখি। লৈবাক অসিনা মতম অদুদগী থোরকখ্রে হায়না মহাক্না অকনবা ৱাফম থমখি। তেক্নোলোজীগী অওনবা অসিদা নুপীশিংনা থৌদাং লৌনবা মহাক্না থাজবা পীখি। অনৌবা তেক্নোলোজীদা নুপী অমসুং মচানুপীশিংনা লুচিংবগী থৌদাং লৌনবা সরকারনা হোৎনরি হায়না মহাক্না ফোংদোকখি। মহাক্না লৌউ-শিংউদা দ্রোন রিভোলুসন লাক্তুনা মসিগী অওনবা অসিদা খুঙ্গংগী নুপীশিংনা লমজিংলিবা অসিগী মতাংদা পনখি। প্রধান মন্ত্রীনা হায়খি, "নমো দ্রোন দিদী ইনিসিএতিব অসিনা খুঙ্গংগী নুপীশিংগী থাজবা হেনগৎহল্লি অমসুং মখোয়গী ইনকমগী খুদোংচাবশিং হেনগৎহল্লি অমসুং মখোয়গীদমক অখন্নবা শক্লোন অমা শেমগৎলি।"
লৈবাক শীনবা থুংনা নুপীমচা মশীং য়াম্না সাইন্তিস্ত, দোক্তর, ইঞ্জিনীয়র অমসুং পাইলোৎ ওইনা কেরিয়র শেমলি হায়বা ৱাফম থম্লদুনা শ্রী মোদীনা হায়খি মদুদি সাইন্স অমসুং মেথমেতিক্স এজুকেসনদা নুপীমচাশিংগী এনরোলমেন্ত লেপ্তনা হেনগৎলক্লি। ঙসিদি, নুপী সাইন্তিস্ত মশিং য়াম্না ঐখোয়গী মরুওইবা স্পেস মিসনশিংদা থবক তৌরি।" শ্রী মোদীনা হায়খি। নুপী সাইন্তিস্ত অমসুং ইঞ্জিনীয়র 100 হেনবনা চন্দ্রয়ান-3 মিসনদা শরুক য়াখি। স্তার্ত-অপ সেক্তরদা নুপীশিংনা কান্নবা পীরিবা অসিগী মতাংদা মহাক্না মখা তানা পনখি। ভারত্তা স্তার্ত-অপশিংগী চাদা 45রোমদা য়ামদ্রবদা নুপী অমা দাইরেক্তর ওইনা লৈরি অমসুং হায়রিবা মশিং অসি লেপ্তনা হেনগৎলক্লি হায়না মহাক্না ফোংদোকখি।
পোলিসী মেকিংদা নুপীশিংগী শরুক য়াবা হেনগৎহন্নবা সরকারনা অচেৎপা ৱাফম থম্লদুনা প্রধান মন্ত্রীনা পান্দম অসি ফংনবা হৌখিবা চহি তরা অসিদা লৌখৎখিবা খোংথাংশিং অদু পনখি। মহাক্না হায়খি মদুদি ভারতকী ওইনা অহানবা ওইনা নুপী অমা ফুল-তাইম দিফেন্স মিনিস্তর অমসুং নুপী অমা ফাইনান্স মিনিস্তর ওইরে। মহাক্না মখা তানা পনখি মদুদি পঞ্চায়ৎতগী পার্লিয়ামেন্ত ফাওবা নুপীশিংগী মীহুৎ মশিং লেপ্তনা হেনগৎলক্লি। হৌজিক্কী ওইনা নুপী 75না পার্লিয়ামেন্তকী মীহুৎ ওইনা থবক তৌরি। প্রধান মন্ত্রীনা শরুক য়াবা অসি মখা তানা হেনগৎহনবগী মরুওইবা অদু পনখি। নারী শক্তি বন্দন অধিনিয়ম অসিনা মসিগী মীৎয়েং অসি মঙফাওনহল্লি হায়না মহাক্না ফোংদোকখি। মহাক্না ফোংদোকখি মদুদি হায়রিবা আইন অসি চহি কয়া অপনবা মায়োক্নদুনা লৈরবসু, সরকারনা মসি মায়পাক্না পাস তৌখি, মসিনা পার্লিয়ামেন্ত অমসুং লেজিস্লেতিব এসেমব্লীশিংদা নুপীশিংগী রিজর্বেসন মপাঙ্গল কনখৎহনখি। মহাক্কী সরকারনা রাজ্য খুদিংমক্তা অমসুং সেক্তর খুদিংমক্তা নুপীশিংদা শক্তি পীনবা হোৎনরি হায়না মহাক্না অমুক্কা হন্না ফোংদোকখি।
"ভারত অসি নাৎ অমসুং চৎনবীনা য়ুম্ফম ওইবা লমদম অমনি, মফম অসিদা সিন্দুরনা নুপীগী শক্তিগী খুদম্নি” হায়রদুনা শ্রী রামগীদমক কত্থোক্লদুনা ভগবান হনুমান ফাওবা সিন্দুরনা মশাবু লৈতেংখি অমসুং শক্তি পূজাগী থৌরমশিংদা মদুগী পোৎশকশিং অদু পীরম্মি হায়না শ্রী মোদীনা হায়খি। শ্রী মোদীনা হায়খি, "সিন্দুর অসি হৌজিক ভারতকী থৌনাগী খুদম অমা ওইরে।"
পহলগামদা চত্থখিবা এতেক অদুগী মতাংদা পল্লদুনা মহাক্না হায়খি মদুদি তেরোরিস্তশিংনা ভারত মচাশিংগী ঈখেং তাহনবতা নত্তনা লৈবাক অসিগী কলচরেল ইথোসতা খুদোংথীবা পীখি অমসুং খুন্নাইবু থুগাইনবা হোৎনখি। খ্বাইদগী মরুওইরিবদি, মখোয়না ভারতকী নারী শক্তিবু চেলেঞ্জ তৌখি অমসুং মসিগী চেলেঞ্জ অসিনা তেরোরিস্তশিং অমসুং মখোয়গী হেন্দলরশিংগীদমক য়াম্না খুদোংথিবা ওইখি। "ওপরেসন সিন্দুর অসি ভারতকী পুৱারীদা খ্বাইদগী চাউবা অমসুং খ্বাইদগী মায় পাকপা কাউন্তর তেরোরিজম ওপরেসননি" হায়না শ্রী মোদীনা ফোংদোক্লদুনা মফমশিং অদুগী পাকিস্তানগী ফোর্সশিংনা ভারতকী লান্মীনা মখোয়গী তেরোরিস্ত বেজশিং থুগাইরক্কনি হায়বা অসি থাজরুদে হায়খি। মহাক্না হায়খি মদুদি ওপরেসন সিন্দুরনা তেরোরিজমগী খুত্থাংদা প্রোক্সি ৱারশিং খাংদুনা লৈথোক্লোই হায়বা ময়েক শেংনা পাউজেল পীরি। মহাক্না হায়খি মদুদি ভারতনা মাগী লমদম অসিদা লৈরিবা খুদোংচাদবশিং অসি মুত্থৎপা খক নত্তনা তেরোরিস্তশিংবু মতেং পাংবশিংনা অচৌবা চৈরাক অমা শোয়দনা পীগনি। শ্রী মোদীনা হায়খি, "ভারত মচা খুদিংমক্না হৌজিক্তি মান্নবা ৱাখল্লোন অসি ফোংদোক্লি, করিগুম্বা নহাক্না বুলেৎ কাপলক্লবদি, নহাক্না আর্তিলরীগী শেলশিং মায়োক্নগনি।"
প্রধান মন্ত্রীনা হায়খি, "ওপরেসন সিন্দুর অসি ভারতকী নারী শক্তিগী শক্তি অমসুং থৌনাগী খুদম অমনি।" ওপরেসন অসিদা বোর্দর সেক্যুরিতী ফোর্স (BSF) না লৌরিবা মরুওইবা থৌদাং অদু মহাক্না পনখি। জম্মুদগী পঞ্জাব, রাজস্থান অমসুং গুজরাত ফাওবদা, BSFকী নুপী পর্সনেল মশিং য়াম্না ফ্রন্তলাইনদা লৈরি হায়না মহাক্না পনখি। মহাক্না ক্রোস-বোর্দর ফায়রিংদা মখোয়গী রেস্পোন্স পীবা অমসুং কম্মান্দ অমসুং কন্ত্রোল সেন্তরশিংদা মখোয়গী এক্তিব ওইবা শরুক য়াবা অমসুং য়েক্নবশিংগী মফমশিং মুত্থৎপা অদুবু থাগৎপা ফোংদোকখি। প্রধান মন্ত্রীনা হায়খি মদুদি মালেম অসিনা নেস্নেল দিফেন্সতা ভারতকী মচানুপীশিংগী তৌবা ঙম্বশিং অদু উবা ফংলি। হৌখিবা চহি তরা অসিদা সরকারনা সেক্যুরিতী ফোর্সশিংদা নুপীশিংগী থৌদাং মপাঙ্গল কনখৎহন্নবা খোংথাং কয়া লৌখৎখ্রে হায়না মহাক্না অকনবা ৱাফম থমখি। মহাক্না পনখি মদুদি নুপীমচাশিংগীদমক্তা সৈনিক স্কুলগী থোঙ হাংদোকপা অসি পুৱারী ওইরবা খোংথাং অমনি। মহাক্না হায়খি মদুদি 2014দা নেস্নেল কেদেৎ কোর্পস (NCC)গী কেদেৎশিংগী চাদা 25 খক্তমক নুপী ওইরম্মি, অদুগা ঙসিদি মখোয়গী শরুক য়াবগী চাং অসি চাদা 50দা হেনগৎলক্লি। প্রধান মন্ত্রীনা নেস্নেল দিফেন্স একাদেমী (NDA) দগী অহানবা বেৎচকী নুপী কেদেৎশিং পাস তৌখিবগী মরুওইবা মীকুপ অমা পাংথোকখি। মহাক্না অকনবা ৱাফম থমখি মদুদি নুপীশিংনা হৌজিক আর্মী, নেভি অমসুং এয়র ফোর্সতা মাংজিল থাবা পোজিসনশিংদা থবক তৌরি। মহাক্না মখা তানা হায়খি মদুদি নুপী ওফিসরশিংনা ফাইতর জেৎতগী হৌরগা INS বিক্রান্ত ৱারশিপ ফাওবদা মখোয়গী থৌনা অমসুং লুচিংবগী থৌনা উৎলি। মসিনা ভারতকী ঙাকশেলগী লান্মীশিংদা মখোয়গী থৌদাং হেনগৎলক্লিবা অদু উৎলি।
নবিকা সাগর পরিক্রমাগী মতাংদা পল্লদুনা ইন্দিয়ন নেভীগী নুপীশিংনা ইকুই কুইদ্রিঙৈদা উৎখিবা থৌনা অদু পল্লদুনা শ্রী মোদীনা হায়খি মদুদি থৌনা লৈবা নুপী ওফিসর অনিনা মালেমগী অকোয়বদা চৎতুনা নুমিৎ 250 রোমগী সমুদ্রগী খোঙচৎ লোইশিনখি। নুংশিৎনা খক্তনা চল্লাইবা সেলবোৎ অমা শীজিন্নদুনা কিলোমিতর লিশিং কয়া চৎপগী মশক থোকপা থৌনা অদু মহাক্না ফোংদোকখি, মসিদা কংফাল অমত্তা উবা ফংদনা সমুদ্রদা মতম শাংনা খাংদুনা লৈখি। মহাক্না মখোয়না মায়োক্নখিবা থাশিবা ৱেদর কন্দিসনশিং অমসুং নোংলৈ নুংশিৎকী ফীভমশিংবু থেংনখি অমসুং মখোয়গী রেসিলিয়েন্স উৎখি। শ্রী মোদীনা হায়খি মদুদি মখোয়গী এচিবমেন্ত অসি ভারতকী ইচানুপীশিংনা খ্বাইদগী অরুবা শিংনবশিং ফাওবা মায়োক্নবা ঙম্বগী খুদম্নি। নাক্সলগী মায়োক্তা চংশিল্লিবা ওপরেসনশিং ওইগেরা নত্ত্রগা ঙমখৈ লান্না লাকপা খুদোংথীবশিং থেংনবা ওইগেরা, নেসন অসিবু ঙাক-শেন্দুনা থম্বদা মখোয়গী হেনখৎলক্লিবা থৌদাং অদু মহাক্না ফোংদোকখি। দেবী অহিলয়াবাইগী লমদমদগী মহাক্না ভারতকী নারী শক্তিগী শক্তি অমসুং থৌনা অদুদা অমুক্কা হন্না ইকায় খুম্নবা উৎখি।
প্রধান মন্ত্রীনা হায়খি মদুদি দেবী অহিলয়াবাইনা মহাক্কী লৈঙাক মতমদা চাউখৎপা খক নত্তনা ভারতকী হেরিতেজসু ঙাক্না চৎখি। মহাক্না হায়খি মদুদি মোদর্ন ইন্দিয়ানা চপ মান্নবা লম্বীদা চংশিল্লি, মসিনা কলচরেল প্রিজার্বেসনগা লোয়ননা প্রোগ্রেস বেলেন্স তৌরি। মহাক্না ঙসিগী প্রোগ্রাম অসি খুদম অমা ওইনা পল্লদুনা ইনফ্রাস্ত্রকচর দিবেলপমেন্ত খোংজেল য়াংশিনবদা লৈবাক অসিনা কত্থোক্লিবা অদু পনখি। মরুওইবা মাইলস্তোন অমা ওইনা মধ্য প্রদেশতা অহানবা মেত্রো সর্বিস ফংখ্রে হায়না পল্লদুনা, প্রধান মন্ত্রীনা হায়খি মদুদি ইন্দোর অসি মালেমগী ওইনা মাগী ক্লিননেসকীদমক শকখঙনরি, হৌজিক্তি মাগী মেত্রোসু শকখঙনরগনি। ভোপালদা মেত্রো শাবগী থবকসু খোংজেল য়াংনা চংশিল্লি হায়না মহাক্না মখা তাখি। রত্লম-নাগদা রুতপু লাইন মরিদা পাকথোক-চাউথোক্নবা কেন্দ্র সরকারনা হন্দক্তা অয়াবা পীখ্রে। মসিনা ত্রেনগী মুফমেন্ত হেনগৎহল্লগনি অমসুং কঞ্জেসন হন্থহল্লগনি হায়না প্রধান মন্ত্রীনা পনখি। মসিগী মথক্তা, মহাক্না ইন্দোর-মনমদ রেল প্রোজেক্তকীদমক সরকারনা অয়াবা পীরকপা অদু পনখি। মসিনা লমদম অসিদা কনেক্তিবিতী অমসুং ইনফ্রাস্ত্রকচর হেন্না ফগৎহল্লগনি। প্রধান মন্ত্রীনা লাউথোকখি মদুদি হৌজিক দাতিয়া অমসুং সাৎনা অসি লৈবাক অসিগী এয়র ত্রেবেল নেতৱর্কতা পুনশিনখ্রে। মসিনা বুন্দেলখন্দ অমসুং ভিন্দ্য রিজনগী কনেক্তিবিতী ফগৎহল্লে। মহাক্না অকনবা ৱাফম থমখি মদুদি মসিগী চাউখৎ-থৌরাং অসিনা মা পীতাম্বরা, মা শারদা দেবী অমসুং শক্নাইরবা চিত্রাকুত ধামগুম্বা অশেংবা মফমশিং অসিদা লায়না চৎপা ঙম্লগনি।
শ্রী মোদীনা হায়খি মদুদি “ভারত অসি পুৱারীগী মরুওইবা তাঙ্কক অমদা লৈরি। লৈবাক অসিনা মাগী সেক্যুরিতী, মপাঙ্গল অমসুং কলচরেল হেরিতেজকীদমক মতম অমত্তদা থবক তৌগদবনি”। মহাক্না হোৎনরিবশিং হেনগৎহনবগী মরুওইবা অদু পনখি অমসুং লৈবাক অসিগী তুংলমচৎ শেমগৎপদা ভারতকী মমাশিং, ইচে-ইচলশিং অমসুং ইচানুপীশিংগী মরুওইবা থৌদাং অদু পনখি। মহাক্না রানি লক্ষ্মীবাই, রানি দুর্গাবতী, রানি কমলাপাতি, অবন্তীবাই লোধি, কিত্তুর রানি চেন্নম্মা, রানি গাইদিনলু, ভেলু নাচিয়র অমসুং সাবিত্রিবাই ফুলেগুম্বা শক্নাইরবা নুপী লুচিংবশিংগী লিগেসিগা লোয়ননা লোকমাতা অহিলয়াবাইগী ইথিল পনখি। মহাক্না হায়খি মদুদি হায়রিবা মিংশিং অসিদগী লৈবাক অসি চাউথোকচবা পোক্লি। লোকমাতা অহিলয়াবাইগী 300শুবা মপোক কুমওন অসিনা মীরোল কয়াদা ইথিল পীরগনি হায়বগী থাজবা থম্লদুনা শ্রী মোদীনা লৈবাক মীয়ামদা লাক্কদৌরিবা চহি চা কয়াগীদমক সাশক্তা ভারতকী য়ুম্ফম অদু মপাঙ্গল কনখৎহন্নবা তকশিনখি।
থৌরম অদুদা মধ্য প্রদেশকী গভর্নর শ্রী মঙ্গুভাই ছাগনভাই পতেল, মধ্য প্রদেশকী মুখ্য মন্ত্রী শ্রী মোহন য়াদব অমসুং অতোপ্পা দিগনিতরীশিংসু শরুক য়াখি।
বেকগ্রাউন্দ
প্রধান মন্ত্রীনা লোকমাতা দেবী অহিলয়াবাই মহিলা সাশক্তিকরন মহাসম্মেলন্দা শরুক য়াখি অমসুং লোকমাতা দেবী অহিলয়াবাইদা কত্থোকপা কম্মেমোরেতিব পোস্তেজ স্তাম্প অমসুং অখন্নবা কোইন অমা ফোংখি। লুপা 300গী কোইন অসিদা অহিলয়াবাই হোলকরগী ময়েক অমা য়াওগনি। মহাক্না ত্রাইবেল, ফোল্ক অমসুং ত্রেদিস্নেল আর্তশিংদা থৌদাং লৌখিবা নুপী আর্তিস্ত অমদা নেস্নেল দেবী অহিলয়াবাই এৱার্দসু পীখি।
লাস্ত মাইলগী এয়র কনেক্তিবিতীদা চাউনা মতেং পাংদুনা, প্রধান মন্ত্রীনা দাতিয়া অমসুং সাৎনা এয়রপোর্তশিং শঙ্গাখি। মসিনা ভিন্দ্যা রিজনদা ইন্দস্ত্রী, তুরিজম, এজুকেসন অমসুং হেল্থকেয়রগী অনৌবা খুদোংচাবশিং ফংহনগনি।
সহরশিংদা ত্রেবেল ইনফ্রাস্ত্রকচর ফগৎহন্নবা মহাক্কী অচেৎপা ৱাফমগী মতুং ইন্না প্রধান মন্ত্রীনা ইন্দোর মেত্রোগী য়েল্লো লাইনগী সুপর প্রাইওরিতি কোরিদোরদা পেসেঞ্জর সর্বিসশিং হৌদোকখি। মসিনা ত্রাফিক অমসুং পোলুসন হন্থহল্লগনি অমসুং পেসেঞ্জরশিংদা নুংঙাইনা চৎথোক-চৎশিন তৌহল্লগনি হায়না পানরি।
প্রধান মন্ত্রীনা লুপা করোর 480 হেনবগী শেনফম ওইগদবা অতল গ্রাম সুশাসন ভবন 1,271 শাবগী অহানবা ইন্সতোলমেন্ত ত্রান্সফর তৌখি। বিল্দিংশিং অসিনা গ্রাম পঞ্চায়ৎশিংদা লেপ্পা লৈতনা ইনফ্রাস্ত্রকচর ফংহল্লগনি। মসিনা মখোয়দা এদমিনিস্ত্রেতিব ফঙ্কসনশিং, মীফমশিং পাংথোকপা অমসুং রেকোর্দশিং হেন্না নীংথিনা থম্বদা মতেং পাংগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
लोकमाता देवी अहिल्याबाई होलकर... ये नाम सुनते ही मन में श्रद्धा का भाव उमड़ पड़ता है... उनके महान व्यक्तित्व के बारे में बोलने के लिए शब्द कम पड़ जाते हैं: PM @narendramodi pic.twitter.com/kSmsOaODdl
— PMO India (@PMOIndia) May 31, 2025
देवी अहिल्याबाई... भारत की विरासत की बहुत बड़ी संरक्षक थीं: PM @narendramodi pic.twitter.com/EUv5S5DvS6
— PMO India (@PMOIndia) May 31, 2025
माता अहिल्याबाई... राष्ट्र निर्माण में हमारी नारीशक्ति के अमूल्य योगदान का प्रतीक हैं: PM @narendramodi pic.twitter.com/M4zpae67d7
— PMO India (@PMOIndia) May 31, 2025
हमारी सरकार, women-led development के विजन को विकास की धुरी बना रही है: PM @narendramodi pic.twitter.com/sZRCv7S71e
— PMO India (@PMOIndia) May 31, 2025
नमो ड्रोन दीदी अभियान से गांव की बहनों का हौसला बढ़ रहा है, उनकी कमाई बढ़ रही है: PM @narendramodi pic.twitter.com/pgtyTNPTlP
— PMO India (@PMOIndia) May 31, 2025
आज जितने भी हमारे बड़े space mission हैं, उनमें बड़ी संख्या में महिला वैज्ञानिक काम कर रही हैं: PM @narendramodi pic.twitter.com/DhHMZw3hSA
— PMO India (@PMOIndia) May 31, 2025
ऑपरेशन सिंदूर हमारी नारीशक्ति के सामर्थ्य का भी प्रतीक बना है: PM @narendramodi pic.twitter.com/DA7kTyBxyb
— PMO India (@PMOIndia) May 31, 2025
