ঙসি প্রধান মন্ত্রী শ্রী নরেন্দ্র মোদীনা গৱাদা শ্রী সংস্থান গোকরন পার্টগলি জীবত্তম মথকী ৫৫০শুবা থৌরমদা ৱা ঙাংখ্রে। থৌরম অদুদা প্রধান মন্ত্রীনা হায়খি শেংলবা থৌরম অসিদা মহাক্কী পুক্নিং শান্তিনা থল্লে। সাধুশিংগী মরক্ত ফম্বা অসিমক অধ্যাতিক্কী নুংঙাইবা অমনি। মফম অসিদা মশিং য়াম্লবা ভক্তশিং শরুক য়াবা অসিনা চহি লিশিং কয়া শুরবা মথ অসিগী মপাঙ্গল মখা তানা কনখৎহল্লে। ঙসিগী থৌরম অসিদা মীয়ামগী মরক্ত শরুক য়াবা অসি মহাক্কী লাইবক ফবনি। মফম অসিদা লাক্ত্রিঙৈদা মহাক রাম মন্দির অমসুং বির বিতথাল মন্দির য়েংলুরে। মফম অদুদা লৈরিবা শান্তি অমসুং ফিবম অদুনা থৌরম অসি অমুক্ক হেন্না অধ্যাতিক ওইল্লে।
প্রধান মন্ত্রীনা হায়খি শ্রী সংস্থান গোকরন পার্টগলি জীবত্তম মথ লিংখৎপা চহি ৫৫০ মপুংফারকপগী থৌরম পাংথোক্লিবা অসি তশেংনা পুৱারি ওইরবা থৌরম অমনি। হৌখিবা চহি ৫৫০ দা, লোয়শঙ অসিনা মতমগী মশিং থিঙমদ্রবা নোংলৈ-নুংশিৎ কয়া মায়োক্নখ্রে; যুগ অসি হোংলে, চহি হোংলে, লৈবাক অমসুং খুন্নাই অওনবা কয়া লাকখ্রে অদুবু, মতমগী অহোংবশিং অমসুং শিংনবা কয়াগী মরক্ত, মথ অসিনা কৈদৌঙৈদা মসিগী মাইকৈ মাঙখিদে, মসিগী ওন্নবদা, মসি মীয়ামগী লম্বী তাকপা লমজিংফম অমা ওইরকখি অমসুং মসিগী শক্তম অসি পুৱারিদা মরা তাখি, মসি মতমগী মতুংইন্না মখা তানা হিংখি। মথ অসি লিংখৎখিবগী ৱাখল্লোন অদু ঙসি ফাওবা ফজনা লৈরি, থৌনা অমনা মীয়ামগী য়াইফনবা থবক তৌনবা চৎনবী অমসুং অমসুং থবক শম্নহনখি। মীরোল মীরোল কয়াগী মথংদা অধ্যাতিক্কী পান্দমদি তুংদু-লৈতবা, থোঙ মান্নবা অমসুং পুন্সিগী গুনশিং ফংহনবনি হায়বা ৱাখল্লোন মথ অসিনা পাউজেল পীখি। খুদোংথিবা মতম কয়া থেংনরবসু খুন্নাইগী মপাঙ্গল হনবা লৈতে হায়বা মথ অসিগী চহি ৫৫০ গী খোঙচৎনবা খুদম ওইরে। পুৱারি ওইরবা থৌরম অসিদা মহাক্না মথাধিপতি শ্রীমদ বিদ্যধিস তির্থ শ্বামীজি, কম্মিতিগী মেম্বরশিং অমসুং থৌরম অসিদা শরুক য়ারিবা খুদিংমক্ত য়াইফ পাউজেল পীখি।
প্রধান মন্ত্রীনা হায়খি লোইশঙ অমনা অচুম্বা অমগী থবক্কী য়ুম্ফম অমা ওইনা লেপ্পা মতমদা, মসি মতমগী অহোংবশিংনা মাইথিবা পীবা ঙমদে, মদুগী মহুত্ত মতম শাংনা লৈনবা খুন্নাইদা থৌনা পী। ঙসিদি, চৎনবী অসি মখা চৎথদুনা, মথ অসিনা অনৌবা পন্দুবা অমা ইরে। মফম অসিদা ভগবন রামগী ফিত ৭৭ ৱাংবা শেঞ্জেংগী মীতম অমা থম্লে। নুমিৎ হুমনিগী মমাংদা মহাক্না অয়োধ্যাদা শ্রী রাম জন্মভুমি মন্দিরগী শেংলবা মতোন্দা ধর্ম ধৱাজা পাইহনখ্রে। থৌরম অদুদা রামায়ন্দা য়ুম্ফম ওইবা থিম পার্ক অমসু শঙ্গাখ্রে। মথ অসিগী অনৌবা মফমশিং তুংগী মীরোলশিংগী লৌশিং, ইথিল অমসুং অধ্যাতিক্কী থবকশিংগী লেংদ্রবা মফমশিং ওইরক্লগনি। মফম অসিদা ম্যুজিয়ম শেমগৎলে অমসুং অনৌবা তেক্নোলোজি য়াওরবা থ্রি-দি থিয়েতরনা মথগী চৎনবী ঙাক-শেনবগা লোয়ননা মসিগী হেরিতেচ অনৌবা মীরোলশিংগা শম্নহনগনি। লৈবাক শীনবা থুংবগী ভক্ত লাখ কয়া শরুক য়াদুনা নুমিৎ ৫৫০ হেন্না পাংথোকখিবা শ্রী রাম নাম জপ যজ্ঞ অমসুং রাম রথ যাত্রা খুন্নাইদা কৎথোকপা অমসুং থকশি-খাসি লৈবগী অপুনবা থৌনাগী খুদমশিং ওইরে। মসিগী অপুনবা মপাঙ্গল অসিনা ঙসি লৈবাক অসিগী মফম খুদিংমক্ত অনৌবা ৱাখল্লোন অমা শন্দোক্লি।
প্রধান মন্ত্রীনা হায়খি অধ্যাতিক্ক অনৌবা তেক্নোলোজিগা শম্নবা থৌরাং তৌরিবা অসিনা মখা তানা তুংগী মীরোলশিংদা ইথিল পীগনি। অখন্নবা থৌরম অসিগী খুদমশিং ওইনা নিংশিং শেনয়েকশিং অমসুং পোষ্টেজ ষ্টাম্পশিংসু ফোঙলে, চহি চা কয়া খুন্নাই অসি অমতা ওইনা পুনশিনখিবা অধ্যতিক্কী শক্তিদা কৎথোক্লে। মীতম অসি শাবগীদম মহাক্না মীওই খুদিংমক থাগৎপা ফোঙদোকখি।
প্রধান মন্ত্রীনা হায়খি দ্বিতা বেদান্তগী ফাউন্দেসন লিংখৎখিবা অচৌবা গুরুগী চৎনবীদগী মথ অসিদা মখা তানা মপাঙ্গল ফংলকখিবনি। ১৪৭৫ দা শ্রীমদ নরায়ান তির্থ শ্বামীজিনা লিংখৎখিবা মথ অসি অঙকপা অচার্য়া জগাদগুরু শ্রী মধবাচার্য়াগী লৌশিংগী চৎনবীগী মশা অমনি। মহাক্না হায়রিবা অচার্য়াশিং অসিদা কোক নোনখি। মহাক্না হায়খি হায়রিবা অধ্যাতিক্কী তুরেল অসিগা চপ মান্নবা অহিংবা তুরেলশিং উদুপী অমসুং পার্টগালিনা ওইরি অমসুং মতম অদুদা গুরু-শক্তিনা ভারতকী নোংচুপ থংবা সমুদ্র মপানগী নাৎকী ইচেল লমজিংখি। নোংমা খক্তদা চৎনবী অসিগা মরী লৈনবা থৌরম অনি শরুক য়াবা ফংবা অসি মহাক্কী ওইনা লাইবক ফবনি।
প্রধান মন্ত্রীনা হায়খি চৎনবী অসিগা শাগোন্নরিবা ইমুংশিংনা, মীরোল অমগী মতুংদা মীরোল অমা, থকশি-খাসি লৈহনবা, লৌশিং তানশিনবা, থবক শুবা কনবা অমসুং মখোয়গী পুন্সিগী অফবা য়ুম্ফম শেমগৎপা চাউথোকচনিঙাইনি। ললোন-ইতিক, লাইরিক-লাইশু, তেক্নোলোজি, লৌশিং, লুচিংবগী গুন অমসুং কৎথোকপা মখোয়গী পুন্সিগী পান্দমদা চেৎনা মমি তারে। চৎনবী অসিগা মরী লৈনবা ইমুং কয়াদা অমসুং লনাই মীওই কয়াগী মরক্ত মাইপাকপগী ৱারি কয়া লৈরে অমসুং হায়রিবা মাইপাকপশিং অসিগী হৌরকফম মীওইবগী ৱাখল চেনবা, গুনশিং অমসুং থবকনা ওইরে। মথ অসি হায়রিবা গুনশিং অসি ঙাক-শেনবগী মরুওইবা মফমনি অমসুং মসিনা তুংগী মীরোলশিংদা মখা তানা থৌনা হাপকনি।
প্রধান মন্ত্রীনা মখা তানা হায়খি মদুদি পুৱারি ওইরবা মথ অসিগী অতোপ্পা মরুওইবা শক্তম অমনা- চহি চা কয়া খুন্নাইগী কাংলুপ খুদিংমক্না মীয়ামগী থবক তৌবগী ৱাখল্লোন শৌগৎপা অসিনি। চহি চা কয়াগী মমাংদা, লমদম অসিদা অৱাবা তারকপা মতমদা অমসুং মীয়াম মখোয়গী য়ুমশিং থাদোকপা অমসুং অনৌবা মফমশিংদা চঙজফম লৌবা মতমদা, মথ অসিনা মীয়ামগী মতেং পাংখি, লাইশঙশিং, মোনাষ্ট্রিশিং অমসুং চঙজফমশিং অনৌবা মফমশিংদা শেমগৎখি। মথ অসিনা লাইনিং ঙাক-শেনবা খক নত্তনা মীওইবা অমসুং নাৎ ঙাক-শেনখি অমসুং মতমগী মতুংইন্না মসিগী থবক পাকথোক-চাউথোকখি। ঙসি লায়রবশিংদা লাইরিক-লাইশু তম্বা, হোষ্টেলশিং, অহলশিংদা মতেং পীরে। মতম পুম্নমক্ত মথ অসিনা মীয়ামগী য়াইফনবা মসিগী লৈজবশিং কৎথোক্লি। মথ ঙসিনা তোঙান তোঙানবা রাজ্যশিংদা হোষ্টেলশিং, অনৌবা স্কুলশিং নত্ত্রগা অৱাবা মতমদা মতেং পাংবগী থবকশিং পাংথোকপা ওইবা য়াই, অধ্যাতিক অমসুং মীয়ামগী থবক তৌবা পুন্না চৎমিন্নবা মতমদা, খুন্নাইদা তুংদু-লৈতাবা অমসুং ইথিল অনিমক ফংদুনা মাঙলোমদা চঙশিল্লি হায়বা মসিনা খুদম ওইরে।
প্রধান মন্ত্রীনা হায়খি গৱাগী লাইশঙশিং অমসুং লমদম অসিগী চৎনবীশিং শিংনবা কয়া মায়োক্নবা মতম অমা লৈখি, লোল অমসুং নাৎতা অকনবা চৈথেং পীরকপা মতমদা, হায়রিবা ফিবমশিং অদুনা খুন্নাইগী থৱায় শোন্থহনখিদে; মদুগী মহুত্ত, মখোয়না হেন্না মপাঙ্গল কনখৎহনখি। মসি গৱাগী অঙকপা অমনা, অহোংবা খুদিংদা রাজ্য অসিগী নাৎ অমসুং চৎনবীগী ফজবা ঙাক্তুনা থমখি, অমসুং মসি মতমগী মতুংইন্না মনুংদা অমুক হিঙ্গৎহনখি; খোঙচৎ অসিদা পার্টগলি মথগুম্বা লোইশঙশিংনা মরুওইবা থৌদাং অমা লৌখি
প্রধান মন্ত্রীনা হায়খি ঙসি, শিংথানিঙাই ওইবা নাৎকী অওনবা অমা পুরকপা ভারতনা উরে, অয়োধ্যাদা রাম লাইশঙ অমুক শেমজিল্লে, কাসি বিশ্বনাথ ধাম অমুক হন্না শেমজিল্লে অমসুং উজয়েন্দা মহাকাল মহালোক পাকথোক-চাউথোক্লে- ঐখোয়গী লৈবাক মিকপ থোক্লকপা হায়রিবা থবকশিং অসিদা উবা ফংলে, মসিনা লৈবাক অসিগী অধ্যাতিক্কী পুক্কৈদা অনৌবা থৌনা হাপ্লে। অনৌবা ৱাশক অমসুং থাজবগা লোয়ননা কমদৌনা ঙসিগী ভারতনা মসিগী নাৎকী শক্তম ঙাক্নবা কয়া য়াম্না খুমাঙ চাউশিল্লবগে হায়বা রামায়ান সর্কুইত, কৃষ্ণ সর্কুইত, গয়া জিদা চাউখৎ-থৌরাংগী থবকশিং অমসুং মমাঙদা অমুক্ত ওইখিদ্রিবা মওংদা কুম্ভ মেলা পাংথোকখিবা অসিনা খুদমশিংনি। মিকপ থোকপা অসিনা মখোয়গী হৌরকফমশিংগা মখা তানা শম্নবা তুংগী মীরোলশিংদা ইথিল পীরে।
প্রধান মন্ত্রীনা হায়খি কৎথোকপগী মখা তাবা ইচেল অমা, সাধুগী চৎবীশিং অমসুং চহি চা কয়াগী নাৎকী থবকশিংগা লোয়ননা, শেংলবা লমদম গৱাদা মসিগী তোপ-তোপ্পা মশাগী অধ্যাতিক্কী মশক অমা লৈরি। মহৌশাগী ফজবগা শাগোন্নরিবা লমদম অসিদা, পার্টগালি মথনা মখা তানা ফগৎহল্লবা ‘দক্ষিন কাসি’ গী শক্তম অমা উবা ফংলি। মথ অসিনা থবক তৌরিবা অসি গৱা অমসুং কোনকন খক নত্তে, মসিগী চৎনবী অসি লৈবাক অসিগী তোঙান তোঙানবা মফমশিং অমসুং বারানসীগী শেংলবা লমদমগসু মরী লৈনরি। বারানসীগী এম.পি, অচার্য়া শ্রী নারায়ন তির্থ, ফাউন্দরনা, মহাক্কী অৱাং ভারত খোঙচৎ মনুংদা বরানাসিদা সেন্তর অমা লিংখৎখি, মফম অদুদা মথগী অধ্যতিক্কী ইচেল খাগী অৱাংদা শন্দোকখি। ঙসি ফাওবা বারানসীদা লিংখৎখিবা সেন্তর অদু মখা তানা মীয়ামগী থবক তৌরি।
প্রধান মন্ত্রীনা মখা তানা হায়খি শেংলবা মথ অসি চহি ৫৫০ মপুংফারে। ঐখোয়না মসিগী পুৱারি হরাওবা ফোঙদোকপা খক নত্তনা তুংগী মাইকৈসু লেপ্লি। অপুনবগী খুৎথাংদা বিকসিত ভারত অমগী লম্বী চৎকদবনি অমসুং খুন্নাইশিং পুল্লবা মতমদা, লমদম খুদিংমক অমসুং খুন্নাইগী কাংলুপ খুদিংমক অমতা ওইরবা মতমদা, লৈবাক অসি মাঙলোমদা চঙশিনগনি। শ্রী সংস্থান গোকরন পার্টগলি জীবত্তম মথকী মরুওইবা পান্দমদি মীয়াম শম্নবা, ৱাখলশিং শম্নবা অমসুং চৎনবী অমসুং অনৌবা মতমগী মরক্ত থোঙ অমা শাবনি অমসুং মরম অদুনা বিকসিত ভারত অমগী খোঙচত্ত, ইথিল পীনবা মরুওইবা মফম অমগী থৌদাং মথ অসিনা লৌরি।
প্রধান মন্ত্রীনা হায়খি মহাক্না মীনুংশি ফাওরকপা মতম খুদিংদা, মহাক করিগুম্বা খর মীয়ামদা হায়জৈ। ঙসি মীয়াম মরক্ত শরুক য়াবা অসিদা, মহাক্না ফোঙদোক্নিংবা খর মহাক্কী পুক্নিংদা লাকখি। মহাক্না মীয়ামদা অপীল ৯ থম্বা পাম্মী অমসুং মখোয়গী ইন্সতিতুসনগী খুৎথাংদা, মীওই খুদিংমক্ত য়ৌহনবা য়াগনি। হায়রিবা অপীল ৯ অদু ৱারেপ ৯গুম্বনি। মালেম অসি ঐখোয়গী ইমানি হায়না খনবগা লোয়ননা, মহৌশাগী অকোয়গী ফিবম ঙাক-শেনবা অসি ঐখোয়গী ইথৌনি হায়না ঐখোয়না খনবা মতমদা বিকসিত ভারত অমগী মঙলান মঙফাওনবা ঙমগনি অমসুং মথকী পাউতাকশিংনা মহৌশাগী অকোয়বা ফিবম ইকায়খুম্নবা উৎনবা ঐখোয় লমজিংলি। মরম অদুনা অহানবা ৱারেপ ঈশিং তুংশিনবা, ঈশিং য়োকশিনবা অমসুং তুরেলশিং ঙাক-শেনবা ওইগদবনি। অনিশুবা ৱারেপনা উ পাম্বীশিং থাবা ওইগদবনি, লৈবাক শীনবা থুংনা ‘ইমাগী মিংদা উ পাম্বী অমা থাবা’ খোঙজং মাইপাক্না চঙশিল্লি অমসুং করিগুম্বা লোইশঙ অসিনা মসিদা শরুক য়ারবদি, মসিগী কান্নবা হেন্না ফংগনি। অহুমশুবা ৱারেপনা লু-নানবগী থবক ওইগদবনি, লম্বী খুদিং, লৈকায় খুদিং অমসুং সহর খুদিং লু-নান্না থমগদবনি। মরিশুবা ৱারেপনা শ্বাদেসি চৎনবনা ওইগদবনি। অত্মানির্ভর ভারত অমসুং শ্বাদেসিগী লাইৱাগা লোয়ননা ঙসিগী ভারত মাঙলোমদা চঙশিল্লি অমসুং ঐখোয় মাঙলোমদা পুখৎকদবা ৱারেপ অমা ‘ভোকেল ফোর লোকেল’ লৈবাক অসিনা হায়রি।
প্রধান মন্ত্রীনা হায়খি ‘দেস দরশন’ না মঙাসুবা ৱারেপ ওইগদবনি, মীওই খুদিংমক্না লৈবাক অসিগী তোঙান তোঙানবা মফমশিং খঙনবা হোৎনগদবনি। মহৌশাগী লৌউ-শিংউগী থবক পুন্সিগী শরুক অমা ওইহনবা অসিনা তরুকশুবা ৱারেপ ওইগদবনি। হকচাং ফবা পুন্সি মহিং অমা চৎনবনা তরেৎসুবা ৱারেপ ওইগদবনি, শ্রী অন্না শীজিন্নগদবনি অমসুং থাউ চাবা চাদা ১০ হন্থহনগদবনি। য়োগ অমসুং শাজেল শান্নবনা নিপালসুবা ৱারেপ ওইগদবনি অমসুং করিগুম্বা মওং খরদা লায়রবগী মতেং পাংবনা ৯শুবা ৱারেপ ওইগদবনি।
প্রধান মন্ত্রীনা হায়খি হায়রিবা ৱারেপশিং অসি মথনা মীয়ামগী অপুনবা থবক অমা ওন্থোকপা ঙমগনি। মতমগী মতুংইন্না খুন্নাইনা মসিগী থৌদাংশিং হেন্না পাংথোকপা মতমদা খুন্নাই মাঙলোমদা চঙশিল্লি হায়বগী চৎনবী অদু চহি ৫৫০ গী মথকী থবকশিংনা ঐখোয়দা তাক্লে অমসুং চহি চা কয়া মথনা খুন্নাইদা পীবা থৌনা অদুনা ভারতকী তুংলমচৎ শেমগৎপদা লমজিংগদবনি।
প্রধান মন্ত্রীনা হায়খি রাজ্য অসি চাউখৎলকপগা লোয়ননা গৱাগী অধ্যতিক্কী মাইপাকপা অসি তোপ-তোপ্পা মশক্নি। পর কেপিতা ইনকম খ্বাইদগী ৱাংবা রাজ্যশিংগী মনুংদা গৱা য়াওরি অমসুং মসিদা তুরিজম, ফার্মা অমসুং সর্বিস সেক্তরনা য়াম্না চাউনা মতেং পাংলি। চহি খর অসিদা লাইরিক-লাইশু অমসুং হকশেলদা গৱাগী অনৌবা মাইপাকপশিং লৈরে অমসুং রাজ্য অসিগী ইনফ্রাষ্ট্রকচর ফগৎনবা কেন্দ্র অমসুং রাজ্য সরকারশিংনা থবক পায়খৎলি। হায়ৱেশিং, এয়রপোর্তশিং অমসুং রেলৱে পাকথোক-চাউথোকপনা ভক্তশিং অমসুং লমকোয়বা মীওই অনিমক চৎথোক-চৎশিন নুংঙাইহল্লে। ২০৪৭ দা বিকসিত ভারত অমা ওইনবা লৈবাক্কী মঙলান্দা, তুরিজম মরুওইবা মচাক অমনি অমসুং মসিগী ময়েক লারবা খুদম গৱানা ওইরি।
প্রধান মন্ত্রীনা মখা তানা হায়খি ভারত মরুওইবা তাঙ্ক অমা ফাউদুনা চৎলি, নহারোলশিংগী থৌনা, লৈবাক্কী মশানা মশাবু থাজবা হেনগৎলকপা অমসুং লৈবাক অসিনা নাৎকী হৌরকফমশিংদা নকশিনবা অসিনা পুন্না অনৌবা ভারত অমা শেম্লি। অধ্যাতিক, লৈবাক্কী থবক অমসুং চাউখৎপা পুন্না মাঙলোমচা চৎমিন্নরবা মতমদা বিকসিত ভারত অমগী মঙলান মঙফাওনবা ঙমগনি। মাইকৈ অসিদা শেংলবা লমদম গৱা অমসুং মথ অসিনা মরুওইবা থবক অমা পাংথোক্লি। শেংলবা থৌরম অসিদা মহাক্না অমুক হন্না মীয়ামদা মহাক্কী য়াইফ পাউজেল পীখি।
থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা গৱাগী রাজ্যপাল শ্রী পুসাপতি অশোক গাজাপতি রাজু, গৱাগী চীফ মিনিষ্টর দোক্তর প্রমোদ সাৱান্ত, য়ুনিয়ন মিনিষ্টর শ্রী শ্রীপাদ নাইক য়াওখি।
নুঙগীৱারোল
শ্রী সংস্থান গোকরন পার্টগলি জীবত্তম মথকী ৫৫০ শুবা কুমওনগী থৌরম 'সার্ধ পঞ্চশতামনোতসব' থৌরমদা প্রধানমন্ত্রীনা খা থংবা গোৱাগী কেনাকোনাদা লৈবা মথতা চৎখ্রে।
প্রধানমন্ত্রীনা শ্রী সংস্থান গোকরন পার্টগলি জীবত্তম মথতা লৈবা প্রভু শ্রী রামগী ফুৎ ৭৭ ৱাংবা শেজ্ঞেংগী মীতম মায়খুম হাংদোকখি অমসুং মথনা শেমগৎপা 'রামায়ন থীম পার্ক গার্দেন' শঙ্গাখি। প্রধানমন্ত্রীনা থৌরম অসিদা অখন্নবা পোস্তেল স্তাম্প অমসুং নিংশিং খুদম ওইগদবা শেলয়েকসু চৎনহনখি অমসুং মফমসিদা তিল্লিবা মীয়ামদা ৱা ঙাংখি।
শ্রী সংস্থান গোকরন পার্টগলি জীবত্তম মথ অসি অহানবা গৌর সারস্বত ব্রাহ্মন বৈষ্ণব মথনি। মসি জগদগুরু মাধৱাচার্য়না ১৩ শুবা চহীচাদা হৌদোকখিবা সিস্তেম অমা ওইরিবা দ্বৈতগী মথং-মনাওগী ফোলোৱরনি। মথ অসিগী ময়ায় লোয়শঙ অসি কুসাৱতী তুরেলগী তোর্বান্দা লৈবা খা থংবা গোৱাগী অপীকপা তাউন অমা ওইরিবা পর্তগালীদা লৈ।
ৱা ঙাংখিবগী মপুংফাবা ৱারোল পানবা মসিদা নম্বীয়ু
श्री संस्थान गोकर्ण पर्तगाळी जीवोत्तम मठ अपनी स्थापना की 550वीं वर्षगांठ मना रहा है। ये बहुत ऐतिहासिक अवसर है।
— PMO India (@PMOIndia) November 28, 2025
बीते 550 वर्षों में इस संस्था ने समय के कितने ही चक्रवात झेले हैं, युग बदला, दौर बदला, देश और समाज में कई परिवर्तन हुए, लेकिन बदलते युगों और चुनौतियों के बीच भी इस मठ…
ऐसे समय भी आए जब गोवा के मंदिरों और स्थानीय परंपराओं को संकट का सामना करना पड़ा।
— PMO India (@PMOIndia) November 28, 2025
जब भाषा और सांस्कृतिक पहचान पर दबाव बना।
लेकिन ये परिस्थितियां समाज की आत्मा को कमजोर नहीं कर पाईं,
बल्कि उसे और दृढ़ बनाया: PM @narendramodi
गोवा की यही विशेषता है कि यहां की संस्कृति ने... हर बदलाव में अपने मूल स्वरूप को बनाए रखा और समय के साथ पुनर्जीवित भी किया।
— PMO India (@PMOIndia) November 28, 2025
इसमें पर्तगाळी मठ जैसे संस्थानों का बहुत बड़ा योगदान रहा है: PM @narendramodi
आज भारत एक अद्भुत सांस्कृतिक पुनर्जागरण का साक्षी बन रहा है।
— PMO India (@PMOIndia) November 28, 2025
अयोध्या में राम मंदिर का पुनर्स्थापन, काशी विश्वनाथ धाम का भव्य पुनरुद्धार और उज्जैन में महाकाल महालोक का विस्तार, ये सब हमारे राष्ट्र की उस जागरूकता को प्रकट करते हैं जो अपनी आध्यात्मिक धरोहर को नई शक्ति के साथ उभार…
आज का भारत... अपनी सांस्कृतिक पहचान को नए संकल्पों और नए आत्मविश्वास के साथ आगे बढ़ा रहा है: PM @narendramodi
— PMO India (@PMOIndia) November 28, 2025
