কিমি ২৯৬কী লেন-মরিগী এক্সপ্রেসৱে অসি লুপা করোর ১৪,৮৫০রোমগী শেনফম চংনা শাখি
এক্সপ্রেসৱে অসিনা লমদম অসিগী কন্নেক্তিবিতী অমসুং ইন্দস্ত্রিএলগী চাউখৎ-থৌরাংদা চাউনা শাহৌ পীরগনি
“য়ু.পি. এক্সপ্রেসৱে প্রোজেক্তশিংনা রাজ্য অসিগী নাথৈদুনা থমলুরবা মফম কয়া শম্নহল্লি”
“উত্তর প্রদেশকী কাচিন-কোয়া খুদিংমক্না অনৌবা মঙলানশিং অমসুং অনৌবা ফিরেপশিংগা লোয়ননা মাংদা চংশিন্নবা শেম-শাদুনা লৈরে”
“চাউখৎলবা রাজ্য কয়াদগী হেন্না নীংথিনা পর্ফোর্ম তৌরকপনা মরম ওইদুনা য়ু.পি.গী মশক অসি লৈবাক পুম্বগী ওইনা অহোংবা লাক্লে”
“প্রোজেক্তশিং থাখিবা মতমগী মমাংদা লোইশিনবা অসিনা ঐখোয়না মীয়ামগী মেন্দেৎ অমসুং মখোয়গী থাজবা ইকাই খুম্নৈ তাক্লি”
“ঐখোয়গী নীংতম লান্মীশিং নীংশিংবা তাই অমসুং মথংগী থা অমা অসিদা থৌরম কয়ামরুম পাঙথোক্তুনা অনৌবা ফিরেপকী এতমোস্ফিয়র অমা শেমগৎলসি”
“লৈবাক অদুবু শোকহল্লিবা খুদিংমক অদুনা লৈবাক অদুগী চাউখৎপদা অয়েৎপা পী হায়বা ৱাখল্লোন অসি ঐখোয়না লাপনা থমগদবনি”
“দবল-ইঞ্জিন সরকারশিংনা রিৱরীগী অরাইবা পাম্বৈশিং অমদি ‘রিৱরী’ কলচর শীজিন্নদে অমসুং কন্না হোৎনদুনা মথৌ তাবা থুংহন্নবা হোৎনরি”
মীতিন অসিদা ৱা ঙাংলদুনা প্রধান মন্ত্রীনা হোৎনবা কনবা
মীয়ামগী মীহুৎশিংনা থৌরম অদুদা শরুক য়াখি।

প্রধান মন্ত্রী, শ্রী নরেন্দ্র মোদীনা ঙসি উত্তর প্রদেশকী জালৌনগী ওরাই তহসীলদা লৈবা কৈথেরী খুঙ্গংদা বুন্দেলখন্দ এক্সপ্রেসৱে শঙ্গাখ্রে। উত্তর প্রদেশকী মুখ্য মন্ত্রী য়োগী আদিত্যনাথ, রাজ্যগী মন্ত্রীশিং, মীয়ামগী মীহুৎশিংনা থৌরম অদুদা শরুক য়াখি।

মীতিন অসিদা ৱা ঙাংলদুনা প্রধান মন্ত্রীনা হোৎনবা কনবা, মথৌনা লৈবা অমসুং ফজরবা নাৎ লৈঝবা বুন্দেলখন্দ লমদমগী মতিক ময়াই লৈরবা চৎনবীবু নীংশিংখি। মহাক্না হায়খি, “লমদম অসিনা ভারত ভক্তিগী ৱাখল্লোন্না ঈ-তোংদা চেল্লিবা, মশীং থীঙমদ্রবা লান্মী কয়া পুথোকখি, লৈবাক অসিগী মচানুপা অমসুং মচানুপীশিংগী থৌনানা অমসুং চোকথবা নাইদনা হোৎনবনা লৈবাক অসিগী মিংচৎপু লংনা ঙালহল্লি”।

অনৌবা এক্সপ্রেসৱে অসিনা পুরক্কদবা অহোংবশিংগী মতাংদা প্রধান মন্ত্রীনা হায়খি, “বুন্দেলখন্দ এক্সপ্রেসৱে অসিদা চিত্রকুৎতগী দিল্লী য়ৌবদা চঙবা মতম অসি পুং ৩-৪ ফাওবা হন্থরে, অদুবু মসিনা পীবা কান্নবদি মসিদগী হেন্না লৈরি। এক্সপ্রেসৱে অসিনা গারীশিংবু য়াঙনা থৌবা য়াহনবদা নত্তনা মসিনা বুন্দেলখন্দ অপুনবগী ওইনা ইন্দস্ত্রী চাউখৎপদসু খোঙজেল য়াঙখৎহল্লগনি”।

প্রধান মন্ত্রীনা অসিগুম্বা অচৌবা ইনফ্রাস্ত্রকচর অমসুং ফেসিলিতীশিং অসি লৈবাক্কী অচৌবা সহরশিং অমসুং অখন্নবা মফমশিংদা খক্তদা লৈরম্বা মতম অদু হৌখ্রে হাবনা ফোঙদোকখি, হৌজিক্তি সবকা সাথ সবকা বিকাসকী ৱাখল্লোনগী মখা মনুং হঞ্জিনবা অমসুং শোত্থনা লৈরবা মফমশিং ফাওবনা অমুক্তা ওইখিদ্রিবা মওংদা কন্নেক্তিবিতী উবা ফংলে। মহাক্না মখা তারদুনা হায়খি, এক্সপ্রেসৱে অসিনা মরম ওইদুনা লমদম অসিদা চাউখৎ-থৌরাং, থবক অমসুং ইশানা ইশাদা থবক পীজবা হায়রিবা হীরমশিং অসিদা খুদোংচাবা কয়া উবা ফংলে। মহাক্না হায়খি মদুদি উত্তর প্রদেশকী কন্নেক্তিবিতী প্রোজেক্তশিং অসি অসনা মমাংদা নাথৈদুনা থমবীরম্লবা মফম কয়াগা ফাওনহল্লি। খুদম ওইনা, বুন্দেলখন্দ এক্সপ্রেসৱেনা জিলা তরেৎ হায়বদি চিত্রাকুৎ, বান্দা, মহোবা, হমীরপুর, জালৌন, ঔরৈয়া অমসুং ইদাৱা, ফাওদুনা চৎলি। মসিগা মান্ননা অতোপ্পা এক্সপ্রেসৱেশিংনা রাজ্য অসিগী কাচিন-কোয়া খুদিংমক্কা শম্নহন্দুনা “উত্তর প্রদেশকী কাচিন-কোয়া খুদিংমক্না অনৌবা মঙলানশিং অমসুং অনৌবা ফিরেপশিংগা লোয়ননা মাংদা চংশিন্নবা শেম-শাদুনা লৈরিবা” ফীভম অমা ওইহল্লি। মহাক্না হায়, দবল-ইঞ্জিন সরকারনা অনৌবা থৌনাগা লোয়ননা মাইকৈ অসিদা চংশিল্লি।

রাজ্য অসিদা এয়র কন্নেক্তিবিতী ফগৎহনবগী মতাংদা প্রধান মন্ত্রনা হায়খি মদুদি প্রয়াগরাজতা অনৌবা এয়রপোর্ত তর্মিনেলশিং শেমগৎখি। কুশীনগরদা অনৌবা এয়রপোর্ত লৈরে অমসুং নোইদাগী জেৱরদা অনৌবা এয়রপোর্ত শানবা থবক পাইখৎলি অমসুং অতোপ্পা সহর কয়া এয়র ত্রেবেল তৌবগী খুদোংচাবশিং ফংহনখ্রে।  মসিনা তুরিজম অমসুং অতোপ্পা চাউখৎ-থৌরাংগী খুদোংচাবশিংদা শাহৌ পীরগনি হায়না মহাক্না ফোঙদোকখি।

প্রধান মন্ত্রীনা মুখ্যমন্ত্রীদা লমদম অসিগী ফোর্ত কয়াগী অকোইবদা তুরিজম সর্কিৎ অমা শেমগৎনবা হায়খি। মহাক্না মুখ্য মন্ত্রীদা ফোর্তকা মরী লৈণবা থৌরমশিং অমসুং কম্পিতিসনশিং পাঙথোক্নবসু হায়খি।

প্রধান মন্ত্রীনা হায়খি মদুদি য়ু.পি.দা সারিয়ু কেনেল প্রোজেক্ত লোইশিনবদা চহি ৪০ চঙখি, য়ু.পি.দা গোরাখপুর ফর্তিলাইজর প্লান্ত চহি ৩০ থোঙ লোনখি, য়ু.পি.দা আর্জুন দাম প্রোজেক্তনা লোইশিনবদা চহি ১২ চঙখি, য়ু.পি.দা নেম বোর্দ অমখক্তগা লোইননা তাদুনা লৈরম্বা অমেথি রাইফল ফেক্তরী লৈরম্মি, য়ু.পি.দা রাই বরেলি রেল কোচ ফেক্তরীনা কোচশিংবু মচু শংবগী থবক খক্তমক তৌদুনা চলাইদুনা লৈরম্মি, হায়রিবা য়ু.পি. অসিদা হৌজিক্তি ইনফ্রাস্ত্রকচরগী ওইবা থবকশিং নীংথিনা পাইখৎপনা অতোপ্পা অফবা রাজ্য কয়াদগী ফাওবা হেনগৎলক্লে। হৌজিক্তি য়ু.পি.গী মশক অসি লৈবাক পুম্বগী ওইনা অহোংবা লাক্লে।

শ্রী মোদীনা খোঙজেলদা অহোংবা লাকপগী মতাংদা ফোঙদোকখি অমসুং মহাক্না হায় চহি অমদা রেলৱে লাইন দব্লিং তৌবা অসি কিমি ৫০দগী কিমি ২০০দা হেনগৎখ্রে। মসিগা চপ মান্না উত্তর প্রদেশকী কম্মন সর্ভিস সেন্তরশিংগী মশিং অসি ২০১৪দা ১১,০০০ ওইরম্বদগী ঙসি কম্মন সর্ভিস সেন্তর লাখ ১গা লিশিং ৩০ লৈরে। মেদিকেল কোলেজ ১২ লৈরম্বদগী ঙসি মেদিকেল কোলেজ ৩৫ লৈরে অমসুং অহেনবা ১৪গী মথক চত্থরি হায়না মহাক্না মখা তাখি।

প্রধান মন্ত্রীনা হায়খি ঙসি লৈবাক অসিগী চাউখৎ-থৌরাংগী ইচেল অসিনা চেল্লিবা অসিদা নুংদা মরু ওইবা হীরম অনি য়াওরি। অহানবদুনা ৱাখল্লোন্নি অমসুং অতোপ্পা অদুনা ইকাইখুম্নবনি (ইরাদা অমসিং মর্য়াদা)। ঐখোয়না লৈবাক্কী হৌজিক্কী অনৌবা ফেসিলিতীশিং শেমগৎপা খক নত্তনা লৈবাক্কী তুংলমচৎসু শেমগৎলি। উত্তর প্রদেশতা লোইশিনখিবা প্রোজেক্তশিং অসিনা দেদলাইনশিংগী অকক্নবা থম্বা, ‘মর্য়াদা’ মপুং ফানা ইকাই খম্নৈ, হায়না মহাক্না ফোঙদোকখি। বাবা বিশ্বানাথ ধাম, গোরাখপুর এম্স, দিল্লী-মীরুত এক্সপ্রেসৱে অমসুং বুন্দেলখন্দ এক্সপ্রেসৱেদা ফেসিলিতীশিং অপগ্রেদ তৌবা অমসুং নৌনা শেমগৎ-শাগৎপগী প্রোজেক্তশিং অসিনা মসিগী খুদম ওইরি মরমদি হৌজিক পাল্লিবা সরকার অসিনা মসিগী উরেপ উয়ুং তমখি অমসুং প্রোজেক্তশিং অসি লোইশিন্দুনা জাতিদা খুৎশিন্নখি। প্রোজেক্তশিং থাখিবা মতমগী মমাংদা লোইশিনবা অসিনা ঐখোয়না মীয়ামগী মেন্দেৎ অমসুং মখোয়গী থাজবা ইকাই খুম্নৈ হায়না তাক্লি। মহাক্না মীয়ামদা লাক্কদৌরিবা নীংতম নুমিৎ অসি ফাওবদা থৌরম কয়া পাঙথোক্নবা হায়খি। ঐখোয়না ঐখোয়গী নীংতম লান্মীশিং নীংশিংবা তাই অমসুং মথংগী থা অমা অসিদা থৌরম কয়া মরুম পাঙথোক্তুনা অনৌবা ফিরেপকী এতমোস্ফিয়র অমা শেমগৎলসি হায়না মহাক্না ফোঙদোকখি।

প্রধান মন্ত্রীনা হায়খি ঐখোয়না ৱারেপ অমা হেক্তা লৌশনবা অমসুং থৌশিল অমা শেম্বা মতমদা খ্বাইদগী চাওনা খনগদবা ৱাখলদি মসিনা লৈবাক অদুগী চা‌উখৎ খোঙথাংদা খোঙজেল য়াঙহনগদবনি হায়বসিনি। লৈবাক অদুবু শোকহল্লিবা খুদিংমক অদুনা লৈবাক অদুগী চাউখৎপদা অয়েৎপা পী হায়বা ৱাখল্লোন অসি ঐখোয়না মসিবু লাপনা থমগদবনি। মহাক্না হায়খি মদুদি ‘অমৃত কাল’ অসি অতাংবা খুদোংচাবা অমনি অমসুং ঐখোয়না লৈবাক্কী চাউখৎ-থৌরাংগীদমক খুদোংচাবা অসি মাংহল্লোইদবনি।

প্রধান মন্ত্রীনা ঐখোয়গী লৈবাক অসিদা রেৱারি লেম্না য়েন্থোক্তুনা ভোত খোম্বগী চৎনবী অমা পুরক্নবা কন্না হোৎনরিবা অসিদা পুক্নিং চীংশিনখি। মসিগী রিৱরী কলচর অসি লৈবাক অমা চাউখৎপদা য়াম্না খুদোংথিনিংঙাই ওইবা অমনি হায়না মহাক্না চেকশিনৱা থমখি। হায়রিবা রিৱরী কলচর অসিদগী লৈবাক অসিগী মীয়াম্না চেকশিনবীগদবনি। রেৱারি কলচরগা লোয়ননা মখোয়না নখোয়গীদমক অনৌবা এক্সপ্রেসৱেশিং, অনৌবা এয়রপোর্তশিং নত্ত্রগা দিফেন্স কোরিদোরশিং কৈদৌনুংদা শেমগৎপা ঙমলোই। রেৱারি কলচরগী মীওইশিংনা মখোয়না মীচম প্রজাশিংদা রিৱরীশিং য়েন্দুনা ভোৎ লৈগনি হায়না খল্লি। মহাক্না অসিগুম্বা ৱাখল্লোন অসি অমত্তা ওইনা মাইথিবা পীনবা অমসুং লৈবাক্কী রাজনিতীশিংদগী রিৱরী কলচর মত্থৎনবা হায়খি। মহাক্না হায়, সরকার অসিনা ‘রিৱরী কলচর’দগী নাথৈদুনা হৌজিক পক্কা য়ুমশিং, রেলৱে লাইনশিং, লম্বী অমসুং ইনফ্রাস্ত্রকচর, ঈথৈ লৌখোঙ, ইলেক্ত্রিসিতী প্রোজেক্তশিং অসিগুম্বা এমেনিতীশিং পীনবা প্রোজেক্তশিংদা মীৎয়েং চংলি। “দবল-ইঞ্জিন সরকারশিংনা রিৱরীগী অরাইবা পাম্বৈশিং শীজিন্নদে অমসুং কন্না হোৎনদুনা মথৌ তাবা থুংহন্নবা হোৎনরি”, হায়না মহাক্না ফোঙদোকখি।

খল মাননা চাউখৎ-থৌরাং পুরকপা অসিগী মতাংদা ৱা ঙাংলদুনা প্রধান মন্ত্রীনা হায়খি নাথৈদুনা থমলুরবা অমসুং অপীকপা সহরশিংদা চাউখৎ-থৌরাং য়ৌরকপদা মসিনা সোসিএল জস্তিস পুরকপা ঙম্মি। মোদর্ন ইনফ্রাস্ত্রকচরনা নোংপোক থংবা ভারত অমসুং বুন্দেলখন্দ য়ৌরকপা অসি সোসিএল জস্তিস পুরকপগা পাংখক ওই। মতেং য়াওদনা মশা মথন্তদা হুন্দোক্তুনা থমলুরবা শোত্থরবা জিলাশিংনা হৌজিক্তি চাউখৎ-থৌরাং উবা ফংলি, মসিসু সোসিএল জস্তিস পুরকপনি। লায়রবশিংগী তোইলেৎশিং, খুঙ্গংশিংবু লম্বীশিং শেমদুনা ফাওনহনবা অমসুং তোতি ঈশিং ফংহনবা অসি সোসিএল জস্তিস পুরকপনি হায়না মহাক্না ফোঙদোকখি। প্রধান মন্ত্রীনা সরকার অসিনা বুন্দেলখন্দগী অতোপ্পা শীংনবা অমসু কোকহন্নবা থবক মখা তানা পাইখৎলি হায়না পাউদমখি। মহাক্না হায়খি সরকার অসিনা য়ুমথোং খুদিংদা তোতি ঈশিং ফংহন্নবা জল জীবন মিসন পাইখৎলি।

প্রধান মন্ত্রীনা রতৌলী দাম, ভবানী দাম, মঝগাপ-চিল্লি স্প্রিঙ্কলর ইরিগেসন প্রোজেক্ত অসিগুম্বা খোঙথাংশিং অসিনা বুন্দেলখন্দ তুরেলশিংগী ঈশিংবু লমদম অসিগী মীয়ামদা য়ৌহনবগী মশিং হেনগৎলি হায়না ফোঙদোকখি। কেন-বেতৱা লিঙ্ক প্রোজেক্তনা লমদম অসিগী মিয়ামগী পুন্সিদা অহোংবা পুরক্কনি হায়না মহাক্না ফোঙদোকখি।

প্রধান মন্ত্রীনা জিলা খুদিংমক্তা অমৃত সরোবর ৭৫ শানবা কেম্পেন্দা বুন্দেলখন্দগী মীয়াম্না শরুক তম্নবা মহাক্না নৌহৌনা হায়জখি।

অপীকপা অমসুং কোতেজ ইন্দস্ত্রী মপাঙ্গল কনখৎহন্নবা মেক ইন ইন্দিয়া কেম্পেনগী থৌদাংবু পল্লদুনা প্রধান মন্ত্রীনা তোই ইন্দস্ত্রীনা মাইপাক্লিবা অসিগী মতাংদা ফোঙদোকখি। মহাক্না হায়খি সরকারগী খোঙথাংশিংনা মরম ওইদুনা খুৎহৈবশিং, ইন্দস্ত্রী অমসুং প্রজাশিংনা শান্নপোৎশিং মপালদগী পুশিল্লকপদা চাউনা হন্থহনবা ঙমখি। মসিনা লায়রবা, তুহৎপীরবা, শোত্থরবা, আদিৱাসী, দলিত অমসুং নুপীশিংদা চাউনা কান্নবা ফংহল্লি হায়না মহাক্না ফোঙদোকখি।

প্রধান মন্ত্রীনা স্পোর্তসকী লমদা বুন্দেলখন্দনা শরুক তম্লি হায়নসু ফোঙদোকখি। মহাক্না হায়খি মদুদি খ্বাইদগী ৱাংবা স্পোর্তসকী লমদা ইকাই খুম্নবগী মনা অসিবু লমদম অসিগী মপারী মেজর ধ্যানচন্দগী মমিং লৌদুনা থোনখি। মহাক্না অন্দর-২০ ৱর্ল্দ এথলেতিক্স চেম্পিয়নশিপ্সতা লমদম অসিগী মীংচৎ পুরকখিবা মালেমগী থাক্কী শান্নরোয় শাইলি সিংহসু পনখি।

বুন্দেলখন্দ এক্সপ্রেসৱে

লৈবাক শীনবা থুংনা কন্নেক্তিবিতী ফগৎহন্নবা সরকারনা থবক পাইখৎতুনা, রোদ ইনফ্রাস্ত্রকচরগী মাইকৈদা চংশিল্লি। মাইকৈ অসিদা শিংথানীংঙাই ওইবা থবক অমা ওইনা ফেব্রুৱারি ২৯, ২০২০দা প্রধান মন্ত্রীনা বুন্দেলখন্দ এক্সপ্রেসৱে শেম্নবা উরেপ-উয়ুং তমখি। এক্সপ্রেসৱে অসি শেমগৎপগী থবক থা ২৮গী মনুংদা লোইশিনখি, মতম চানা প্রোজেক্তশিং লোইশিনবা ঙম্বা অনৌবা ভারতকী ৱার্ক কলচর অসি উৎখি।

কিলোমিতর ২৯৬ শাংবা লেন মরিগী এক্সপ্রেসৱে অসি উত্তর প্রদেস এক্সপ্রেসৱে ইন্দস্ত্রিএল দিবলপমেন্ত ওথোরিতি(য়ু.পি.ই.আই.দি.এ)গী মখাদা চাউরাক্না লুপা করোর ১৪,৮৫০ চংনা শেমখৎখিবনি অমসুং লম্বী অসি তুংদা লেন ৬তা ওনখৎকনি। এক্সপ্রেসৱে অসি এন.ঐচ-৩৫দা চিত্রাকুত জিলাগী বারাতকুপ ময়াদা লৈবা গৌদা খুঙ্গংদগী হৌরগা ইতাৱা জিলাগী কুদরৈল খুঙ্গং ফাওবা য়ৌরবা মতুংদা আগরা-লখনৌ এক্সপ্রেসৱেদা পুনশিনখি। এক্সপ্রেসৱে অসিনা জিলা ৭ হায়বদি চিত্রাকুত, বান্দা, মাহোবা, হমীরপুর, জালৌন, ঔরৈয়া অমসুং ইতাৱা ফাওদুনা চৎলি।

লমদম অসিদা কন্নেক্তিবিতীগী ফীভম ফগৎহনবগা লোয়ননা, বুন্দেলখান্দ এক্সপ্রেসৱে অসিনা শেন-থুমগী ফীভম ফগৎহন্দুনা মফম অসিগী মীয়ামদা থবক লিশিং কয়া ফংহনবা ঙমগনি। এক্সপ্রেসৱে অসিগী মনাক্তা বান্দা অমসুং জালৌন জিলাশিংদা ইন্দস্ত্রিএল কোরিদোর শেম্নবা থবক পাইখৎপা হৌরে।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
PM revives Sindri fertiliser plant in Jharkhand, reminds ‘Modi ki Guarantee’ from 2018

Media Coverage

PM revives Sindri fertiliser plant in Jharkhand, reminds ‘Modi ki Guarantee’ from 2018
NM on the go

Nm on the go

Always be the first to hear from the PM. Get the App Now!
...
West Bengal CM meets PM
March 01, 2024

The Chief Minister of West Bengal, Ms Mamta Banerjee met the Prime Minister, Shri Narendra Modi today.

The Prime Minister’s Office posted on X:

“Chief Minister of West Bengal, Ms Mamta Banerjee ji met PM Narendra Modi.”