প্রধান মন্ত্রী, শ্রী নরেন্দ্র মোদীনা ঙসি ‘গ্রীন গ্রোথ’ হায়বা হীরমদা পাঙথোকপা বজেৎ মতুংগী ৱেবিনার অমদা ৱা ঙাংখ্রে। মসি কেন্দ্রগী বজেৎ ২০২৩দা লাউথোকখিবা থৌশিলশিং নীংথিনা ইমপ্লিমেন্ত তৌনবগী ৱাখল্লোন অমদি পাউতাকশিং লৌনবা সরকারনা পাঙথোকপা বজেৎ মতুংগী ৱেবিনার ১২গী অহানবনি।
থৌরম অসিদা ৱা ঙাংলদুনা প্রধান মন্ত্রীনা হায়খি ২০১৪গী মতুংদা লৈবাক অসিদা পুথোকখিবা বজেৎ পুম্নমক্না হৌজিক মতমদা মায়োক্নরিবা শীংনবশিং অসিগী সোল্যুসনশিং থিবগী মথক্তা ন্যু-এজ রিফোর্মশিং পুরক্লি।
প্রধান মন্ত্রীনা গ্রীন গ্রোথ অমসুং ইনর্জী ত্রান্সমিসনগীদমক য়ুম্বী অহুমগী মতাংদা থমখি। অহানবদা রিন্যুএবল ইনর্জীগী প্রদক্সন হেনগৎহনবা; অনিশুবদা ইকনোমীদা ফোসিল ফ্যুএল শীজিন্নবা হন্থহনবা; অমসুং অরোইবদা লৈবাক অসিদা গ্যাস-বেজ ইকনোমীগী মাইকৈদা খোংজেল য়াংনা চংশিনবা অসিনি। মসিগী লালোং অসিনা হৌখিবা চহি খরগী বজেৎশিংদা লাউথোকখিবা ইথানোল ব্লেন্দিং, পি.এম. কুসুম য়োজনা, সোলর মেন্যুফেকচরিংগী ইনসেন্তিবশিং, রুফতোপ সোলর স্কিম, কোল গ্যাসিফিকেসন, অমসুং বেত্তরী স্তোরেজ অসিগুম্বা খোঙথাংশিংগী মতাংদা ফোঙদোক্লি। মমাং চহিগী বজেৎশিংদা মরু ওইবা লাউথোকখিবশিংগী মতাংদা পল্লদুনা প্রধান মন্ত্রীনা চহি অসিগী বজেৎতা য়াওখিবা ইন্দস্ত্রীশিংগী গ্রীন ক্রেদিৎ, লৌমীশিংগী পি.এম. প্রনাম য়োজনা, খুঙ্গংশিংগী গোবরধন য়োজনা, সহরশিংগী ভেহিকল স্ক্রেপিং পোলিসী, গ্রীন হাইদ্রোজেন অমসুং পাৎশিং য়োকখৎপা অসিগুম্বা স্কিমশিংগী মতাংদা ফোঙদোকখি। প্রধান মন্ত্রীনা লাউথোকখিবশিং অসিনা তুংগী মীরোলশিংগীদমক য়ুম্ফম থোনগনি অমসুং লম্বী য়াৎকনি হায়খ্রে।
প্রধান মন্ত্রীনা হায়খি রিন্যুএবল ইনর্জী স্পেসতা ভারতকী ফীদম্নফম ওইবা কল্লিবা মফম অসিনা মালেমদা অচৌবা অহোংবা অমা পুরক্লগনি। প্রধান মন্ত্রীনা হায়খি, “বজেৎ অসিদা ভারতপু গ্লোবেল গ্রীন ইনর্জী মার্কেৎতা ভারতপু মাংজিল থারিবা প্লেয়র অমা ওইহনবদা মরু ওইবা থৌদাং লৌগনি। মরম অসিনা ঙসি ঐহাক্না ইনর্জীগী লমদা লৈরিবা স্তেলহোল্দর খুদিংমক্না ভারত্তা ইনভেস্ত তৌনবা হায়জরি”। ইনর্জী সপ্লাই চেনগী দাইভর্সিফিকেসনগীদমক লৌখৎলিবা মালেমগী খোঙথাংশিংগী মতাংদা পলদুনা প্রধান মন্ত্রীনা হায়খি বজেৎ অসিনা গ্রীন ইনর্জী ইনভেস্তরশিংদা ভারত্তা ইনভেস্ত তৌনবা অচৌবা খুদোংচাবা অমা পীরি। মসিনা সেক্তর অসিদা লৈরিবা স্তার্তঅপশিংগীদমক য়াম্না কান্নবা ওইরগনি হায়না মহাক্না মখা তাখি।
প্রধান মন্ত্রীনা হায়খি, “ভারতনা ২০১৪দগী হৌনা মরু ওইবা ইকনোমীশিংগী মরক্তা রিন্যুএবল ইনর্জী কেপাসিতী হাপচিনবদা খ্বাইদগী খোঙজেল য়াংবা ওইখি”। মহাক্না মখা তারদুনা হায় ভারতকী ত্রেক রেকোর্দশিংনা রিন্যুএবল ইনর্জী রিসোর্সশিংগী ওইনা থাখিবা মতমদগী মাংওইননা মাগী পান্দমশিং ফংবা ঙম্বগী মতিক ময়াই লৈ উৎখি। প্রধান মন্ত্রীনা হায় ভারতনা থাখিবা মতমদগী চহি ৯গী মমাংদা ইনস্তোল তৌখিবা ইলেক্ত্রিসিতী কেপাসিতীদা নন-ফোসিএল ফ্যুলদগী শরুক ৪০% তম্নবা পান্দম ফংবা ঙমখি। মহাক্না হায় ভারতনা থাখিবা মতমদগী থা ৫ ঙনখৎনা পেত্রোলদা ইথানোল ব্লেন্দিং ১০% তৌবগী তার্গেৎ য়ৌবা ঙমখি অমসুং জাতি অসিনা ২০৩০গী মহুৎ ২০২৫-২৬তা ওইনা পেত্রোলদা ইথানোল ব্লেন্দিং ২০% তৌনবা হোৎনরি। মহাক্না হায়খি ৫০০ জি.দবল্যু.গী কেপাসিতী অসি ২০২৩ ফাওবদা য়ৌবা ঙম্লগনি। ই২০ ফ্যুল লোঞ্চ তৌখিবা অদু নীংশিংলদুনা প্রধান মন্ত্রীনা হায় সরকারনা বাইওফ্যুলদা মীৎয়েং চংলি অমদু মসিনা ইনভেস্তরশিংগীদমক অনৌবা খুদোংচাবশিং পুরক্লি। মহাক্না হায় লৈবাক অসিদা এগ্রি-ৱেস্ত চাং ৱাংনা লৈ অমসুং ইনভেস্তরশিংদা লৈবাক অসিগী কাচিন-কোয়া খুদিংমক্তা ইথানোল প্লান্তশিং লিংখৎনবগী খুদোংচাবশিং অসি ফংহনগনু হায়না ফোঙদোকখি। প্রধান মন্ত্রীনা হায়খি, “ভারতকী লৈজরিবা সোলর, ৱিন্দ অমসুং বাইওগ্যাসকী মতিক-ময়াই অসি ঐখোয়গী প্রাইবেৎ সেক্তরগীদমক গোল্দ মাইন অমসুং ওইল ফিল্দদগী তাবা লৈতে”।
প্রধান মন্ত্রীনা হায়খি নেস্নেল গ্রীন হাইদ্রোজেন মিসনগী মখাদা ভারতনা এম.এম.তি. গ্রীন হাইদ্রোজেন পুথোকপগী পান্দম অমগা লোয়ননা চংশিল্লি। লম অসিদা লৈরিবা প্রাইবেৎ সেক্তর ইনসেন্তিভাইজ তৌনবা লুপা করোর লিশিং ১৯গী এল্লোকেসন তৌখি। মহাক্না ইলেক্ত্রোলাইজর মেন্যুফেকচরিং, গ্রীন স্তীল মেন্যুফেকচরিং অমসুং লোং-হোল ফ্যুল সেলশিং অসিগুম্বা অতোপ্পা খুদোংচাবশিংগী মতাংদসু ফোঙদোকখি।
প্রধান মন্ত্রীনা হায়খি ভারতনা গোবরদগী বাইওগ্যাসকী মিলিয়ন ক্যুবিক মিতর লিশিং ১০ পুথোকপগী মতিক ময়াই লৈ অমসুং ক্যুবিক মিতর গ্যাস লাখ ১.৫না লৈবাক অসিদা সিতী গ্যাস দিস্ত্রিব্যুসন্দা ৮% ফাওবা শরুক তম্বা ঙমগনি। মহাক্না মখা তাখি, “মসিগী ওইথোকপা য়াবশিং অসিনা মরম ওইদুনা ঙসি গোবরধন য়োজন অসি ভারতকী বাইওফ্যুলগী লালোংগী মরু ওইবা শরুক অমা ওইরি। বজেৎ অসিদা সরকারনা গোবরধন য়োজনাগী মখাদা অনৌবা প্লান্ত ৫০০ লিংখৎনবগী থৌরাংশিং লাউথোকখি। মসি অরিবা মতমগী প্লান্তশিংগা মান্নদে। সরকারনা মোদর্ন প্লান্তশিংদা লুপা করোর ১০,০০০ চাদিং তৌগনি”। প্রাইবেৎ সেক্তরনা এগ্রি-ৱেস্ততগী অমসুং ম্যুনিসিপাল সোলিদ ৱেস্ততগী সি.বি.জি. শুংনবা অচৌবা ইনসেন্তিবশিং পীরি হায়না প্রধান মন্ত্রীনা ফোঙদোকখি।
ভারতকী ভেহিকল স্ক্রেপিং পোলিসীগী মতাংদা পল্লদুনা প্রধান মন্ত্রীনা হায় মসিনা গ্রীন গ্রোথ স্ত্রেতেজীগী মরু ওইবা শরুক ওইরি। মহাক্না হায় সরকার অসিনা পুলিস, এম্ব্যুলেন্স অমসুং বসশিং য়াওনা চহি ১৫ হেল্লবা কেন্দ্র অমদি রাজ্য সরকারগীশিংগী গারী লাখ ৩রোম স্ক্রেপ তৌনবা চহি অসিগী বজেৎতা লুপা করোর ৩০০০গী প্রোবিজনশিং শেমখি। রিয়ুস, রিসাইকল অমসুং রিকবরীগী প্রিন্সিপল তুং ইন্দুনা “ভেহিকল স্ক্রেপিং অসিনা অচৌবা মার্কেৎ অমা ওইরগনি”। মহাক্না হায় মদুদি মসিনা ঐখোয়গী সর্ক্যুলর ইকনোমীদা অনৌবা শক্তি পীরগনি অমসুং ভারতকী নহারোলশিংদা সর্ক্যুলর ইকনোমীগী তোঙান-তোঙানবা পাম্বৈশিংদা শরুক য়ানবা হায়খ্রে।
প্রধান মন্ত্রীনা হায়খি ভারতনা মাগী বেত্তরী স্তোরেজ কেপাসিতী অসি মথংগী চহি ৬-৭দা পুংদা গিগাৱাত ১২৫দা হেনগৎহনবা তাই। প্রধান মন্ত্রীনা হায় সরকারনা কেপিতেল-ইন্তেন্সিব সেক্তরদা অচৌবা পান্দমশিং ফংবা ঙম্নবা বেত্তরী দিবেলপরশিং সপ্পোর্ত তৌনবা বজেৎ অসিদা ভাইএবিলিতী গেপ ফন্দিং স্কিম অমা পুথোকখি।
প্রধান মন্ত্রীনা ভারত্তা ৱাতর-বেজ ত্রান্সপোর্তনা অচৌবা সেক্তর অমা ওইরক্লি হায়না ফোঙদোকখি। মহাক্না হায়খি ভারতনা ঙসি মাগী কোস্তেল রুৎকী খুত্থাংদা মাগী কার্গোগী ৫% খক্তা ত্রান্সপোর্র তৌরি অমরোমদা কার্গোগী ২% খক্তনা ইনলেন্দ ৱাতরৱেজশিংগী খুত্থাংদা ভারত্তা ত্রান্সপোর্ত তৌরি। মহাক্না হায় ভারত্তা ৱাতরৱেজ শেমগৎপনা লম অসিদা লৈরিবা স্তেকহোল্দরশিংগীদমক খুদোংচাবা কয়া পীরগনি।
ৱারোল পীবা লোইশিনবদা প্রধান মন্ত্রীনা হায় ভারত্তা গ্রীন ইনর্জীগী তেক্নোলোজীগী মতাংদা লাকপদা মালেমবু লমজিংবা ঙম্বগী মতিক-ময়াই চেল্লি। মহাক্না হায় মসিনা গ্রীন জোবশিং পীবগী মথক্তা মালেমগী য়াইফনবগী থবক খুমাং চাউশিনহনগনি। স্তেকহোল্দর পুম্নমক্তা বজেৎকী প্রোবিজন খুদিংমক থুনা ইমপ্লিমেন্ত তৌনবা ৱাফম থম্লদুনা প্রধান মন্ত্রীনা হায় “বজেৎ অসিদা খুদোংচাবা খক্তা নত্তনা ঐখোয়গী তুংগী সেক্যুরিতীগী গরেন্তীসু য়াওরি”। প্রধান মন্ত্রীনা লোইশিনবদা হায়, “সরকারনা নখোয় অমদি নখোয়গী পাউতাকশিংগীদমক লেপ্পি”।
বেকগ্রাউন্দ
কেন্দ্রগী পাৱর মন্ত্রালয়না লমজিংখিবা ৱেবিনার অসিদা গ্রীন গ্রোথকী ইনর্জী অমসুং নন-ইনর্জী কম্পোনেন্ত অনিমক কোনশিল্লিবা ব্রেক আউৎ সেসন তরুক য়াগনি। মরী লৈনবা কেন্দ্র সরকারগী মন্ত্রালয়শিংগী মন্ত্রীশিং অমসুং সেক্রেতরীশিংগী মথক্তা রাজ্য সরকারশিংগী, ইন্দস্ত্রী, একাদেমিয়া অমসুং রিসর্চ ইন্সতিত্যুসনশিং অমসুং পব্লিক সেক্তরগী স্তেকহোল্দরশিংনা ৱেবিনারশিং অসিদা শরুক য়াগনি অমসুং বজেৎতা লাউথোকখিবশিং অদু নীংথিনা ইমপ্লিমেন্ত তৌনবগী পাউতাকশিংগী খুত্থাংদা শরুক তমগনি।
গ্রীন গ্রোথ অসি লৈবাক অসিদা গ্রীন ইন্দস্ত্রিএল অমসুং ইকনোমিক ত্রাঞ্জিসন, অকোইবদা শোকলোইদবা এগ্রিকলচর অমসুং সস্তেনেবল ইনর্জী পুরক্নবা কেন্দ্রগী বজেৎ ২০২৩-২৪গী মরু ওইবা মীৎয়েং চংলিবা হীরম তরেৎকী মনুংদা অমনি। মসিনা গ্রীন জোব মশিং য়াম্না পীবা ঙম্লগনি। কেন্দ্রগী বজেৎনা তোঙান-তোঙানবা সেক্তরশিং অমসুং মন্ত্রালয়শিংদা মদুদি গ্রীন হাইদ্রোজেন মিসন, ইনর্জী ত্রাঞ্জিসন, ইনর্জী স্তোরেজ প্রোজেক্তশিং, রিন্যুএবল ইনর্জী ইভাক্যুএসন, গ্রীন ক্রেদিৎ প্রোগ্রাম, পি.এম.-প্রনাম, গোবরধন স্কিম, ভারতিয়া প্রক্রিতিক খেতি বাইও-ইনপুৎ রিসোর্স সেন্তরশিং, মিস্তি, অমৃত ধারোহর, কোস্তেল শিপ্পিং অমসুং ভেহিকল রিপ্লেসমেন্ত হায়রিবা প্রোজেক্ত অমসুং ইনিসিএতিব কয়ামরুমদা মীৎয়েং থমখি।
বজেৎ মতুংগী ৱেবিনার অমমমদা সেসন অহুম য়াওগনি। মসি প্রধান মন্ত্রীনা ৱারোল পীরগা হৌগনি। সেসন অসিগী মতুং তোখাইবা ব্রেক আউৎ সেসনশিং পেরেলেল ওইনা তোঙান-তোঙানবা থীমশিংদা পাঙথোক্কনি। অরোইবদা ব্রেক আউৎ সেসনশিং অসি লোইশিনবগী প্লেনরী সেসন্দা প্রজেন্ত তৌগনি। ৱেবিনার অসিদা ফংলকপা ইনপুৎশিংদা য়ুম্ফম ওইরগা মরী লৈনবা মন্ত্রালয়শিংনা বজেৎতা লাউথোকখিবশিং অদু ইমপ্লিমেন্ত তৌনবগীদমক অকক্নবা মতমগী মনুংদা এক্সন প্লান অমা শেমগনি।
সরকারনা হৌখিবা চহি খরা অসিদা তোঙান-তোঙানবা বজেতরী রিফোর্মশিং পাইখৎখি। বজেৎগী তাং অসি ফেব্রুৱারী ১দা ঙনখৎখি মরমদি মসিনা নোংজু মীফম হৌদ্রিঙৈদা গ্রাউন্দদা লৈরিবা ফন্দশিং অসি শীজিন্নবগী মতম অদু মন্ত্রালয়শিং অমসুং বিভাগশিংদা ফংহনগনি। বজেৎ ইমপ্লিমেন্ত তৌবদা রিফোর্মশিং পুরক্নবা অতোপ্পা খোঙথাং অসি বজেৎ মতুংগী ৱেবিনারশিংগী অফবা ৱাখল্লোন অমনি। ৱাখল্লোন অসি প্রধান মন্ত্রীনা প্লেৎফোর্ম অমা খক্তদা পব্লিক অমসুং প্রাইবেৎ সেক্তশিং, একাদেমিয়া, ইন্দস্ত্রী অমসুং প্রেক্তিসনরশিংবু অমত্তা ওইনা পুনশিন্নবা অমসুং সেক্তর কয়াদা স্ত্রেতেজীশিং ইমপ্লিমেন্ত তৌনবা পুন্না থবক তৌমিন্নবা থবক তৌনবা শেমখিবনি। ৱেবিনারশিং অসি মরী লৈনবা স্তেকহোল্দরশিংনা মসিদা য়াওশিন্দুনা বজেৎতা লাউথোকখিবশিং অদু নীংথিনা, খোঙজেল য়াংনা অমসুং অপনবা লৈতনা ইমপ্লিমেন্ত তৌনবা জন ভাগিদারীগী ৱাখল্লোন্দা ২০২১দা হৌখিবনি।
ৱেবিনারশিং অসিনা তোঙান-তোঙানবা মন্ত্রীশিং অমসুং বিভাগশিং অমদি মরী লৈনবা স্তেকহোল্দর পুম্নমক্না ইমপ্লিমেন্তেসন অসি ফ্রন্ত-এন্দেদ ওইহন্নবা অমসুং অপাম্বা ফলশিং মতম চানা ফংনবা ক্বাতর্লীগী তার্গেৎশিংগা লোয়ননা এক্সন প্লানশিং শেম্নবা মাইকৈদা পুন্না খোঙথাংশিং লৌখৎপদা মীৎয়েং চংগনি। পাকশন্না শরুক য়ানবা ভর্চুএল ওইনা শরুক য়ারি। মসিদা মরী লৈনবা কেন্দ্র মন্ত্রীশিং, সরকারগী বিভাগশিংগী মরু ওইবা স্তেকহোল্দরশিং, রিগ্যুলেতরশিং, একাদেমিয়া, ত্রেদ অমসুং ইন্দস্ত্রী এসোসিএসনশিংনচিংবনা শরুক য়াগনি।
हमारी सरकार का हर बजट वर्तमान चुनौतियों के समाधान के साथ ही New Age Reforms को आगे बढ़ाता रहा है। pic.twitter.com/xtI1JTc7tM
— PMO India (@PMOIndia) February 23, 2023
Green Growth और Energy Transition के लिए भारत की रणनीति के तीन मुख्य स्तंभ रहे हैं। pic.twitter.com/zxtH1JNrYD
— PMO India (@PMOIndia) February 23, 2023
Green Growth को लेकर इस साल के बजट में जो प्रावधान किए गए हैं, वो एक तरह से हमारी भावी पीढ़ी के उज्जवल भविष्य का शिलान्यास हैं। pic.twitter.com/B41gYiYO8W
— PMO India (@PMOIndia) February 23, 2023
भारत renewable energy resources में जितना commanding position में होगा उतना ही बड़ा बदलाव वो पूरे विश्व में ला सकता है। pic.twitter.com/pFyCCAqiDg
— PMO India (@PMOIndia) February 23, 2023
भारत की Vehicle Scrapping Policy, green growth strategy का एक अहम हिस्सा है। pic.twitter.com/KvAuwtu2Qd
— PMO India (@PMOIndia) February 23, 2023
भारत Green Energy से जुड़ी टेक्नॉलॉजी में दुनिया में लीड ले सकता है। pic.twitter.com/46QSj13FZZ
— PMO India (@PMOIndia) February 23, 2023
