দা. বাবাসাহেব অম্বেদকরগী মপোক নুমীৎ নোংমা ৱাৎলিঙৈ, এপ্রিল ১৩দা প্রধান মন্ত্রী শ্রী নরেন্দ্র মোদীনা দিল্লীগী ২৬, অলিপুর রোদতা দা. অম্বেদকর নেস্নেল মেমোরিয়েল শঙ্গারগনি।
ইং ১৯৫৬কী দিসেম্বর ৬তা মফম অসিদা দা. অম্বেদকরনা মহাপরিনির্বনাদা শরুক য়াখি।
ইং ২০০৩গী দিসেম্বর থাদা মতম অদুগী প্রধান মন্ত্রী শ্রী আতল বিহারী ভাজপায়ীনা ২৬, অলিপুর রোদতা লৈরিবা দা. অম্বেদকর মহাপরিনির্বনা স্থল অসি জাতিদা কৎথোকখি।
মেমোরিয়েল অসিগীদমক প্রধান মন্ত্রী শ্রী নরেন্দ্র মোদীনা ইং ২০১৬কী মার্চ ২১দা উরেপ-উয়ুং তমখি।
ভারতকী সংবিধান শেম্বীখিবা বাবাসাহেব অম্বেদকরগী মেমোরিয়েল অসি লাইরিক অমগী শক্লোন পীরি।
মেমোরিয়েল অসিদা লৈরিবা ম্যুজিয়ম অসিদা দা. অম্বেদকরগী পুন্সি, ভারতকীদমক মহাক্না লৌরম্বা থৌদাং অদু স্তেতিক মিদিয়া, দাইনামিক মিদিয়া, ওদিও-ভিজুয়েল কন্তেন্ত অমসুং মল্তিমীদিয়া তেক্নোলোজীগী খুত্থাংদা ফংহল্লি।
মেদিতেসন হোল অমসুং শেমলে। তোরান দ্বার্স, বোধি পাম্বী অমা, ম্যুজিকেল ফাউন্তেন অমা, অমসুং ফেসেদ লাইতিং অসি মেমোরিয়েল অসিগী মরুওইবা পোৎশকশিংনি।
