Share
 
Comments

২০১৮গী নবেম্বর ১২, নিংথৌকাবাদা, কিলোমিতর ৩৪ শাংবা লুপা ক্রোর ১৫৭১.৯৫ চংনা শাবা বরানসীগী মরুওইবা নেসনেল হায়ৱেজ অনি প্রধান মন্ত্রী নরেন্দ্র মোদীনা লৈবাক্কী মীয়ামদা কৎথোক্কনি। থৌরম অদুদা প্রধান মন্ত্রীগা লোয়ননা য়ু পিগী রাজ্যপাল রাম নাইক, রোদ ত্রান্সপোর্ত, হায়ৱেজ, সিপ্পিং ৱাতর রিছোসেস, রিভর দিবলপমেন্ত অমসুং গঙ্গা রিজুবিনেসনগী কেন্দ্র মন্ত্রী নিতিন গদকারি অমসুং য়ু পীগী চীফ মিনিস্তর য়োগী অদিত্যনাথ শরুক য়াগনি। থৌরম অদু উত্তর প্রদেসকী বরানসীদা নুমিৎয়ুংবা মতুংদা রিং রোদ হিরাহা, হারদুয়াদা পাংথোক্কনি।

কিলোমিতর ১৬.৫৫ শাংবা বরানসী রিং রোদ ফেজ-১ অসি লুপা ক্রোর ৭৫৯.৩৬ চংনা পায়খৎপনি অমসুং এন ঐচ-৫৬দা কিলোমিতর ১৭.২৫ শাংবা বাবাতপুত-বরানসী রোদ লেন মরি পাকথোকপা অমসুং শেমজিনবা অসি লুপা ক্রোর ৮১২.৫৯ চংনা পায়খৎপনি।

বাবাতপুর এয়রপোর্ত হায়ৱেজ অসিনা বরানসীগা এয়রপোর্তকা শম্নহনগনি অমসুং মসিনা জৌনপুর, সুলতানপুর অমসুং লখনৌ ফাউবা য়ৌগনি। হরহুয়াদা লৈকং থোং অমা অমসুং তরনাদা আর ও বি অমা লৈদুনা , লম্বী অসিনা বরানসীদগী এয়রপোর্ত ফাওবা চৎপগী মতম হন্থহল্লগনি। লম্বী অসিনা বরানসীগী মীয়াম অমসুং সহর অসিদা লাকপা লমকোয়বশিং য়াম্না কান্নরগনি।

আর ও বি অনি অমসুং লৈকং থোং অমা লৈবা রিং রোদ অসিনা এন ঐচ ৫৬(লখনৌ-বরানসী), এন ঐচ ২৩৩(অজামগর-বরানসী), এন ঐচ ২৯(গোরাগপুর-বরানসী) অমসুং অয়োধ্য-বরানসী হায়ৱেজনা বরানসী সহর ফাওবদা লম্বী চিনবা অদু হন্থহল্লগনি। লম্বী অসিনা মফম অসিদা মতম, থাউ অমসুং পোলুসন হন্থহল্লগনি। রিং রোদ অসিনা বুধিস্ত লমকোয়বশিংগী মরুওইবা মফম অমা ওইরিবা সরনাথ য়ৌবদা খুদোংচাহল্লগনি।

হায়রিবা প্রোজেক্তশিং অসিনা মফম অসিদা থবক ফংবগী খুদোংচাবশিং, অপীকপা অমসুং ময়াই ওইরপ চাওবা উদোকশিং শেমগৎপা অমসুং শেন-থুমগী কান্নবা ফংহল্লগনি। নোংপোক থংবা উত্তর প্রদেসকী অতোপ্পা মফমশিংগা বরানসীগা শম্ননবা হৌজিক কিলোমিতর ২৮৩৩ শাংবা এন ঐচ প্রোজেক্তশিং লুপা ক্রোর ৬৩,৮৮৫ চংনা পায়খৎলি।

প্রধান মন্ত্রীনা বরানসীদা গঙ্গা তুরেলদা ইনলেন্দ ৱাতরৱেজ তরমিনেল অমা লৈবাক্কী মীয়ামদা কৎথোক্কনি। মসি ৱার্ল্দ বেঙ্কনা মতেং পীবা ইনলেন্দ ৱাতরৱেজ ওথোরিতি ওফ ইন্দিয়াগী জাল মার্গ ভিকাস প্রোজেক্কী মখাদা গঙ্গা তুরেলদা অহানবা ওইনা শাবা ইনলেন্দ ৱাতরৱেজ তরমিনেলনি। অতোপ্পা তরমিনেল অহুম সাহিবগন্জ, হালদিয়া অমসুং গাজিয়াপুরদা শারি। প্রোজেক্ত অসিনা গঙ্গা তুরেলদা দি দব্লিউ তি ১৫০০-২০০০গী কেপাসিতী লৈবা জহাজশিংগা ললোন-ইতিক্কী ওইনা চৎপা য়াহনগনি।

নিংতম্লবা মতুংগী লৈবাক অসিনগী অহানবা ইনলেন্দ ৱাতরৱেজগী কন্তেন্নর কনসাইন্তমেন্ত অমা প্রধান মন্ত্রীনা ওক্কনি। মসিগী কন্সাইন্তমেন্ত কার্গো অসি ওক্তোবরগী অরোইবা চয়োলদগী পেপসিকো কম্পেনিগী চানবা অমসুং থক্নবশিং পুদুনা কোলকাতাদগী হোল্লকখিবনি।

Pariksha Pe Charcha with PM Modi
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
FDI hits all-time high in FY21; forex reserves jump over $100 bn

Media Coverage

FDI hits all-time high in FY21; forex reserves jump over $100 bn
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 18 মে, 2021
May 18, 2021
Share
 
Comments

COVID-19 management: PM Narendra Modi interacted with state, district officials today

India is on the move and fighting back under the leadership of Modi Govt.