১. ভারতকী রাস্ত্রপতি হিজ এক্সিলেন্সী শ্রী রাম নাথ কোবিন্দ অমসুং ফার্সত লেদী শ্রীমতী সবিতা কোবিন্দগী বার্তন্দা ম্যানমারগী রাস্ত্রপতি হিজ এক্সিলেন্সী য়ু ৱিন ম্যিন্ত অমসুং ফার্সত লেদী দো চো চোনা ২০২০গী ফেব্রুৱারী ২৬তগী ২৯ ফাওবা ভারত্তা রাজ্য খোংচৎতা লাক্লি। রাস্ত্রপতি য়ু ৱিন ম্যিন্ত অমসুং ম্যানমারগী মীহুৎ কাংবুনা বোধ গয়া অমসুং আগ্রা য়াওনা হিস্তোরিকেল অমসুং কলচরেলগী মরুওইবা মফমশিংদসু চৎকনি। খোংচৎ অসিনা য়ুমলোন্নবা লৈবাক অনিগী মরক্তা লৈরিবা মরূপ ওইবগী মরী হেন্না চেৎশিলহল্লে।
২. ২০২০গী ফেব্রুৱারী ২৭তা নই দিল্লীগী রাস্ত্রপতি ভবন্দা রাস্ত্রপতি য়ু ৱিন ম্যিন্ত অমসুং ফার্সত লেদী দো চো চোবু তরাম্না ওকখি। রাস্ত্রপতি শ্রী রাম নাথ কোবিন্দনা লাক্লিবা শক্নাইরবশিংবু ইকায় খুম্নরদুনা স্তেত বনক্ব্যেৎ অমা শিনখি। প্রধান মন্ত্রী শ্রী নরেন্দ্র মোদীনসু রাস্ত্রপতি য়ু ৱিন ম্যিন্তপু উনখি অমসুং অয়ুক্কী চাকলেন অমা শিনখি। ভারতকী মপাল থৌরম পুবা মন্ত্রী দা. এস. জয়শঙ্করনসু রাস্ত্রপতি য়ু ৱিন ম্যিন্তকা উনখি। খোংচৎ অসিগী মনুংদা য়ানা ৱারোল তরা একচেঞ্জ তৌনখি।
৩. ৱারী শানখিবা অদুদা লুচিংবশিংনা কমন ইন্তরেস্তকী বাইলেতরেল, রিজনেল অমসুং ইন্তরনেস্নেল ইশুশিংগী মতাংদা পাক চাউনা খন্ন–নৈনখি। চাং নাইনা অৱাংবা থাক্কী মীফম পাংথোকপনা নাকল অনিগী মরীশিংদা খোংজেল য়াংশিলহল্লে হায়না মখোয়না অকনবা ৱাফম থমখি। মখোয়না ম্যানমারগী ইন্দিপেন্দেন্ত, এক্তিব অমসুং নন–এলাইন্দ ফোরেন পোলিসী অমসুং ভারতকী এক্ত ইস্ত অমসুং নাইবরহুদ ফার্সত পোলিসীগী মরক্তা লৈরিবা সীনর্জীশিংবু তরাম্না ওকখি।
৪. নাকল অনিমক্না লৈবাক অনিগী মরক্তা ঙমখৈগী হান্ননা লেপথোক্নরবা শরুকশিংগীদমক মখোয়গী ম্যুচেল রেস্পেক্তশিং অমুক হন্না ফোংদোক্নখি অমসুং জোইন্ত বাউন্দরী ৱার্কিং গ্রুপ মীতিংগুম্বা হৌজিক লৈরিবা নাকল অনিগী মেকানিজমশিংগী থোংদা পন্দুনা লৈরিবা ইশুশিং ৱারোইশিন পুরক্নবা মখোয়গী ৱারেপশিং হেন্না চেৎশিলহনখি।
৫. নাকল অনিমক্না মখোয়গী লৈনরিবা মরীদা কনেক্তিবিতীগী মরুওইবা অদুদা অকনবা ৱাফম থমখি অমসুং ম্যানমারদা হৌজিক পায়খৎলিবা তোঙান–তোঙানবা ভারতনা পৈশা থাদরিবা প্রোজেক্তশিং খোংজেল য়াংনা মপুং ফানা লোইশিন্নবগীদমক মখোয়গী ৱারেপশিং অদু অমুক হন্না চেৎশিলহনখি।
৬. তামু–মোরে অমসুং রিহখাওদার–জোখাওথরদা লেন্দ বোর্দর ক্রোসিং পোইন্ত অনিবু ইন্তরনেস্নেল বোর্দর গেৎশিং ওইনা হাংদোকখিববু তরাম্না ওক্লদুনা স্ত্রিমলাইনিং প্রোসেদ্যুরশিং অমসুং ইনফ্রাস্ত্রকচর দিবেলপ তৌদুনা পেসেঞ্জর অমসুং কার্গো ত্রাফিক মখা তানা লাইনা চৎথোক চৎশিন তৌবগী দরকার ওইবা অদু মখোয়না খংমিন্নখি। ভারতকী মায়কৈদগী ম্যানমারগী তামুদা ফেজ–১ ওইনা মোদর্ন ইন্তেগ্রেতেদ চেক পোস্ত শাবগী মায়কৈদা মখোয়গী ৱারেপ অদু অমুক হন্না ফোংদোকখি। নাকল অনিমক্না ২০২০গী এপ্রিল ৭তগী ইম্ফাল অমসুং মন্দলেগী মরক্তা কোওর্দিনেতেদ বস সর্বিস হৌদোক্নবা মখোয় মখোয়গী মরী লৈনবা প্রাইবেত ওপরেতরশিংগী মরক্তা য়ানা ৱারোলশিং তরাম্না ওকখি।
৭. লৈবাক অনিগী ঙমখৈ লমদমশিংদা লৈরিবা রিমোৎ এরিয়াশিংদা লৈরিবা মীয়ামগী য়াইফ–থৌরাং থৌগৎপগী মরুওইবা অদুদা অকনবা ৱাফম থম্লদুনা নাকল অনিমক্না পায়লোত প্রোজেক্ত অমা পায়খৎপদা প্রায়োরিতী অমগা লোয়ননা বোর্দর হাতশিং লিংখৎপদা য়ানবা পুরকখি মদু হান্ননা নাকল অনিমক্না ২০১২দা য়ানা ৱারোল খুৎয়েক পীনদুনা য়ানবা পুরকখ্রে।
৮. নাকল অনিমক্না ইন্দিয়ান গ্রান্ত–ইন–এদ প্রোজেক্তশিংগী থোংদা চিন স্তেত অমসুং নাগা সেল্ফ–এদমিনিস্তর্দ রিজনদা ইনফ্রাস্ত্রকচর অমসুং সোসিও–ইকোনোমিক দিবেলপমেন্ত ফংহনবদা ম্যানমার–ইন্দিয়া বোর্দর এরিয়া দিবেলপমেন্ত প্রোগ্রমশিং মায় পাকপদসু অপেনবা ফোংদোক্নখি। মসিগী মখাদা হৌখিবা চহী অহুম হেনবদা মথক্কী লমদমশিং অসিদা স্কুল ৪৩, হেল্থ সেন্তর ১৮, থোং ৫১ অমসুং লম্বীশিং শেগৎ শাগৎখ্রে। নাকল অনিমক্না অপেনবগা লোয়ননা য়ানখি মদুদি য়ু.এস. দোলর মিলিয়ন ৫গী ৪শুবা চহীগী ত্রেঞ্চকী মখাদা অহেনবা প্রোজেক্ত ২৯, ২০২০–২১দা ইমপ্লিমেন্ত তৌরগনি।
৯. লুচিংবা অনিমক্না সিত্তৱে পোর্ত অমসুং কালাদান মল্তি মোদাল ত্রান্সিৎ ত্রান্সপোর্ত প্রোজেক্তকা মরী লৈনবা পোজিতিব দিবেলপমেন্তশিংদা পুক্নিং চিংশিনখি। মখোয়না ২০২০গী ফেব্রুৱারী ১দগী সিত্তৱে পোর্ত অমসুং পালেতৱা ইন্দলেন্দ ৱাতর ত্রান্সপোর্ত তর্মিনেল অমসুং মরীলৈনবা খুদোংচাবশিংবু ওপরেত অমসুং মেন্তেন তৌনবা পোর্ত ওপরেতর অমা হাপখিববু তরাম্না ওকখি। নাকল অনিমক্না কালাদান প্রোজেক্তকী অরোইবা লেগ ওইরিবা পালেতৱা–জোরিনপুই রোদ অথুবা মতমদা লোইশিন্নবা মখোয়গী ৱারেপশিং অদুসু অমুক হন্না চেৎশিলহনখি। মপুংফানা পায়খৎপা হেক লোয়বগা লম্বী অসিনা সিত্তৱে পোর্তপু অৱাং–নোংপোক ভারতকা শম্নহল্লগনি।
১০. লুচিংবা অনিমক্না ত্রাইলেতরেল হায়ৱেগী কালেৱা–য়ারগ্যি রোদ সেক্সন্দা থবক্কী প্রোগ্রেসতা পোজিতিব ওইবা ৱাফম থমখি, থবক অসি ২০২১ ফাওবদা লোইশিল্লবা য়ারি। ত্রাইলেতরেল হায়ৱেদা থোং ৬৯ অথুবা মতমদা অপগ্রেদ তৌনবা ৱারেপ অদু ভারতনা অমুক হন্না ফোংদোকখি।
১১. কেপাসিতী বিলদিং অমসুং ত্রেনিংগী লমদা ভারতকী তেংবাংবু ম্যানমারনা থাগৎপা ফোংদোকখি। নাকল অনিমক্না অশাংবা মতমদা য়ুমফম ওইরগা ম্যানমার ইন্সতিত্যুৎ ওফ ইনফোর্মেসন এন্দ তেক্নোলোজী (এম.আই.আই.তি.) অমসুং এদভান্স সেন্তর ফোর এগ্রিকলচরেল রিসর্স এন্দ এজুকেসন (এ.সি.এ.আর.ই.) অসিনচিংবা ফ্লেগশিপ প্রোজেক্তশিং পুন্না পায়খৎপদা য়ানখি। লুচিংবা অনিমক্না য়ামেথিন্দা ৱুমেন্স পুলিস ত্রেনিং সেন্তর অথুবা মতমদা অপগ্রেদ তৌনবা মীৎয়েং থমখি।
১২. ভারতনা রখাইন স্তেত দিবেলপমেন্ত প্রোগ্রামগী থোংদা রখাইন স্তেত্তা শান্তি, তংদু লৈতাবা অমসুং সোসিওইকোনোমিক দিবেলপমেন্ত প্রমোত তৌনবগীদমক ম্যানমারনা হোৎনরিবশিং অদু মতেং পাংনবা ৱারেপ অদু অমুক হন্না ফোংদোকখি। ম্যানমারনা ২০১৯দা অৱাং থংবা রখাইন্দা ময়ুম মকৈ লৈজদ্রবা মীওইশিংগীদমক ভারতনা প্রি–ফেব্রিকেতেদ য়ুম ২৫০ অমসুং রিলিফকী পোৎলমশিং পীরকপগীদমক থাগৎপা ফোংদোকখি। নাকল অনিমক্না রখাইন স্তেত দিবেলপমেন্ত প্রোগ্রামগী অনিশুবা ফেজকী মখাদা প্রোজেক্ত ১২গী সেৎ অমা অথুবা মতমদা ইমপ্লিমেন্ত তৌবদা য়ানখি। রাজ্য খোংচৎ মনুংদা ক্বিক ইম্পেক্ত প্রোজেক্তস (ক্যু.আই.পি.) ইমপ্লিমেন্ত তৌনবগীদমক ভারতনা অচৌবা তেংবাং পীবদা য়ানা ৱারোল খুৎয়েক পীনখিববু তরাম্না ওকখি।
১৩. ভারতনা অৱাং রখাইন্দা শিংনরকপশিং থেংননবা ম্যানমার সরকারনা হন্দক্তা লৌখৎখিবা খোংথাংশিংগীদমক মখোয়গী সপোর্ত অদু অমুক হন্না ফোংদোকখি। ভারতনা রখাইন রাজ্যগী ময়ুম মকৈ লৈজদ্রবা মীওইশিংবু মরমদমদা হলহনখিনবা ম্যানমার অমসুং বঙ্গাদেশকী মরক্তা খুৎয়েক পীনখিবা নাকল অনিগী ওইবা য়ানা চেরোল অদুগীদমক মখোয়গী ওইবা সপোর্তসু ফোংদোকখি।
১৪. নাকল অনিমক্না বাইলেতরেল ত্রেদ অমসুং ইকোনোমিক এঙ্গেজমেন্ত হেঙ্গৎহন্নবা হোৎনবগী দরকার ওইবদা পুক্নিং চিংশিনখি। মখোয়না কনেক্তিবিতী ফগৎহনবা, কৈথেল ফংহনবা, ফাইনান্সিয়েল ত্রাঞ্জেক্সন লাইথোকহনবা, বিজিনেস–তু–বিজিনেস কনেক্ত লায়থোকহনবা অমসুং বাইলেতরেল অমসুং রিজনেল ত্রেদিং এগ্রিমেন্তশিং পাংথোকপনা নাকল অনিমক্কী সোসিও–ইকোনোমিক দিবেলপমেন্তদা থৌদাং য়াগনি হায়বা য়ানখি।
১৫. নাকল অনিমক্না অথুবা মতমদা ম্যানমারদা ভারতকী রুপে কার্দ হৌদোকপা ঙমহন্নবা পুন্না থবক তৌমিন্নবদা য়ানবা পুরকখি। নেস্নেল পেমেন্ত কোর্পোরেসন ওফ ইন্দিয়া (এন.পি.সি.আই.)না ম্যানমারগী লো অমসুং রেগুলেসন ঙাক্তুনা চৎপগী মথৌতাবা অমসুং রুপে কার্দ হৌদোকপনা ম্যানমারগী ইকোনোমীদা ইনোৎ পীরগনি অমসুং ভারত্তগী তুরিজম অমসুং বিজিনেস লায়থোকহল্লগনি হায়বা য়ানখি।
১৬. নাকল অনিমক্না ইন্দিয়া–ম্যানমার দিজিতেল পেমেন্ত গেৎৱে অমা শেমগৎপদসু য়ানখি মদুনা লৈবাক অনিগী মরক্তা ক্রোস বোর্দর রিমিতেন্সকীদমক ওপ্সনশিং হেঙ্গৎহনবদা মতেং ওইরগনি। মখোয়না ক্রোস বোর্দর ত্রেদতা ইনোৎ পীনবা পান্দমগা লোয়ননা লোকেল করেন্সীদী সেতলমেন্তকীদমক বাইলেতরেল মেকানিজম অমা এক্সপ্লোর তৌবদসু পুক্নিং চংবা উৎখি।
১৭. নাকল অনিমক্না লৈবাক অনিগী মরক্তা ইনর্জী সেক্তরদা অহেনবা ইন্তিগ্রেসনগী ম্যুচেল বেনিফিত অদু শকখংখি। ভারত অমসুং ম্যানমারনা গবর্নমেন্ত–তু–গবর্নমেন্ত মেমোরেন্দম ওফ অন্দর্সতেন্দিং অমগী থোংদা পেত্রোলিয়ম প্রদক্তশিংগী লমদা থবক তৌমিন্নবদা য়ানখি।
১৮. নাকল অনিমক্না অকনবা ৱাফম থমখি মদুদি দিফেন্স অমসুং সেক্যুরিতী কোওপরেসন অসি ম্যানমার–ভারতকী নাকল অনিগী মরীশিংদা মরুওইবা য়ুম্বী অমা ওইরি। মখোয়না দিফেন্স পর্সনেলশিংগী ভিজিৎ একচেঞ্জ তৌনবদা পোজিতিব ওইবা খোংজেলদা অপেনবা ফোংদোকখি। লুচিংবা অনিনা ২০১৯গী জুলাইদা খুৎয়েক পীনখিবা দিফেন্স কোওপরেসন্দা য়ানা ৱারোল অদুনা নক্ননা তেংবাং পীনবগী লম্বী শেম্লে হায়বা খংমিন্নখি।
১৯. লুচিংবা অনিনা লৈবাক অনিগী মরক্তা মেরিতাইম কোওপরেসন হেঙ্গৎলকপবু তরাম্না ওকখি। মখোয়না মেরিতাইমগী শিংনরকপশিং থেংনবা অমসুং মেরিতাইম সেক্যুরিতী মপাঙ্গল কনখৎহনবগী মরুওইবা অদুসু খংমিন্নখি। লুচিংবা অনিমক্না মেরিতাইম সেক্যুরিতী কোওপরেসন্দা য়ানা ৱারোল অমা খুৎয়েক পীনখিবা, ২০১৯গী সেপ্তেম্বরদা জোইন্ত ৱার্কিং গ্রুপকী অহানবা মীফম পাংথোকখিবা অমসুং হ্বাইত শিপ্পিং দাতাগী একচেঞ্জ হৌদোকপা অসি লম অসিদা মরুওইবা খোংথাংশিংনি হায়বা খংমিন্নখি।
২০. সেক্যুরিতীগা মরী লৈনবা হিরমশিংদা অমনা অমগী চিন্তাশিং কোকহন্নবগীদমক কমপ্রেহেন্সিব লেগেল ফ্রেমৱার্ক অমা শেমগৎপগী মরুওইবা অদুদা অকনবা ৱাফম থমখি। নাকল অনিমক্না ম্যুচেল লেগেল এসিস্তেন্স ত্রিতী ও সিভিক এন্দ কমর্সিয়েল মেতর্স অমসুং এক্সত্রাদিসন ত্রিতীগুম্বা তোঙান–তোঙানবা পন্দুনা লৈরিবা ত্রিতীশিংদা মখা তানা য়ানবা পুরকপদসু য়ানখি। ২০২০গী দিসেম্বর ফাওবদা ম্যানমারদা ভারতকী নাগরিকশিংবু তুরিস্ত ভিজা ওন এরাইবেল পীনবা ম্যানমারগী ৱারেপ্পু ভারতনা তরাম্না ওকখি।
২১. কেন্সর নারবশিংগী লায়েংনবগীদমক মেদিকেল রেদিয়েসন ইক্বিপমেন্ত ‘ভাভাত্রোন–২’ ফংহন্নবা ভারতকী ওফরবু ম্যানমারগী মায়কৈদগী থাগৎপা ফোংদোকখি। নাকল অনিমক্না হেল্থ সেক্তরদা তেংবা পীনবা মখা তানা হেঙ্গৎহন্নবা য়ানখি।
২২. ভারতনা দেমোক্রেতিক ফেদরেল য়ুনিয়ন অমা লিংখৎনবা নেস্নেল রিকোন্সিলিয়েসন, পিছ প্রোসেস অমসুং দেমোক্রেতিক ত্রাঞ্জিসনগী মায়কৈদা ম্যানমারনা হোৎনরিবশিংগীদমক মখোয়গী ওইবা সপোর্ত অদু অমুক হন্না ফোংদোকখি। ম্যানমারগী সিভিল সর্বেন্তশিং, স্পোর্তসমেনশিং, পার্লিয়ামেন্তরিয়ানশিং, জুদিসিয়েল অমসুং ইলেক্তোরেল ওফিসারশিং অমসুং সেক্যুরিতী পর্সোনেলশিংগীদমক ভারতনা ওফর তৌরিবা হৌজিক চত্থরিবা তোঙান–তোঙানবা ত্রেনিংশিং, কেপাসিতী বিলদিং প্রোগ্রামশিং, এক্সপোজর ভিজিৎশিং অমসুং লেকচর সেরিজতা নাকল অনিমক্না অপেনবা ফোংদোক্নখি।
২৩. দেমোক্রেতিক ফেদরেল য়ুনিয়ন অমা লিংখৎনবা নেস্নেল রিকোন্সিলিয়েসন অমসুং দেমোক্রেতিক ত্রাঞ্জিসনগী মায়কৈদা ম্যানমারনা হোৎনরিবশিংগীদমক মখোয়গী ওইবা সপোর্ত অদু ভারতনা অমুক হন্নসু ফোংদোকখি। ম্যানমারগী পিছ প্রোসেসকীদমক মপুংফাবা সপোর্ত অদু ভারতকী প্রধান মন্ত্রীনা ফোংদোকখি।
২৪. তেরোরিজম্না ওইহল্লিবা থ্রেত অদু খংলদুনা নাকল অনিমক্না তেরোরিস্ত গ্রুপশিং অমসুং মখোয়গী এক্সনশিং থেংনবদা তেংবাং পীনবদা য়ানবা পুরকখি। নাকল অনিমক্না তেরোরিজমগী মওং অমসুং মতৌ পুম্নমক অকনবা মওংদা য়ানিংদবা ফোংদোকখি। মসিগা মরী লৈননা নাকল অনিগী তেংবাং হেঙ্গৎহনবদসু মখোয়না য়ানখি।
২৫. মসিদসু নত্তনা নাকল অনিনা য়ুনাইতেদ নেসন্স অমসুং অতোপ্পা ইন্তরনেস্নেল ওর্গনাইজেসনশিংগুম্বা ইন্তরনেস্নেল ফোরাদা মখোয়গী ওইবা অচেৎপা তেংবাং পীনবা মখা চত্থবদা য়ানবা পুরকখি। নাকল অনিমক্না আসিয়ান, বিম্সতেক, মেকোং–গঙ্গা কোওপরেসনগুম্বা অতোপ্পা রিজনেল ফ্রেমৱার্ক্কী মনুংদা তেংবাং পীনবদসু য়ানখি। পাকথোক চাউথোক্লবা অমসুং রিফোর্ম তৌরবা য়ুনাইতেদ নেসন্স সেক্যুরিতী কাউন্সিল অমদা পর্মনেন্ত মেম্বর অমা ওইরক্নবা ভারতনা ঙোৎনরিবশিং অদু ম্যানমারনা শৌগৎখি।
২৬. ম্যানমারনা য়ু.এন.গী মেম্বর লৈবাক পুম্নমকপু ইন্তরনেস্নেল সোলর এলাইন্সতা শরুক য়ানবা অমসুং সোলর ইনর্জীগী লমদা তেংবাং পীনবা হেঙ্গৎহন্নবা হোৎনরিবগী মখাদা ইন্তরনেস্নেল সোলর এলাইন্সকী ফ্রেমৱার্ক এগ্রিমেন্ততা এমেন্দমেন্ত রেতিফাই তৌনবগীদমক দরকার ওইবা খোংথাংশিং লৌখৎনবা ৱারেপ লৌখি।
২৭. বাগানবু য়ুনেস্কো ৱার্ল্দ হেরিতেজ সাইতসকী মনুং চনখিববু ভারতনা তরাম্না ওকখি। নাকল অনিমক্না বাগানদা য়ুহা হাবনা মাংহন তাকহল্লবা পগোদা ৯২বু রেস্তোর অমসুং কঞ্জর্ব তৌনবা প্রোজেক্তকী অহানবা ফেজকী মখাদা পগোদা ১২ রেস্তোর অমসুং কঞ্জর্ব তৌনবা আর্কিওলোজিকেল সর্ভে ওফ ইন্দিয়ানা পায়খৎলবা থবক্কী অহানবা ফেজ হৌখিববু তরাম্না ওকখি।
২৮. নাকল অনিমক্না লৈবাক অনিমক্কী মরক্তা মরূপওইবা অমসুং মরূপওইবা নাকল অনিগী মরীশিংবু হেন্না চেৎশিলহন্নবগীদমক মখোয়গী ওইবা অচেৎপা ৱারেপশিং অমুক হন্না ফোংদোক্নখি অমসুং থাক খুদিংদা এঙ্গেজমেন্ত হেঙ্গৎহনবদা য়ানখি।
২৯. রাস্ত্রপতি য়ু ৱিন ম্যিন্ত অমসুং ফার্সত লেদী দো চো চোনা মখোয়গী ভারত খোংচৎ মনুংদা ম্যানমারগী মীহুৎ কাংবুদা পীনবীরিবা থোইদোক হেন্দোকপা হোস্পিতালিতীগীদমক রাস্ত্রপতি শ্রী রাম নাথ কোবিন্দ অমসুং ফার্সত লেদী শ্রীমতী সবিতা কোবিন্দবু থাগৎপা ফোংদোকখি।
