ভারত্তা ভোকেস্নেল এজুকেসনগী অহোংবা পুরক্নবা অচৌবা খোঙথাং অমা ওইনা, প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা সেন্ত্রেল্লী স্পোন্সর তৌরবা স্কিম অমা ওইনা ইন্দস্ত্রীএল ত্রেনিং ইন্সতিত্যুত (ITI) অপগ্রেদ তৌনবা নেস্নেল স্কিম অমসুং নেস্নেল সেন্তর ওফ এক্সিলেন্স ফোর স্কিল্লিং মঙা লিংখৎনবা অয়াবা পীখ্রে।
ইন্দস্ত্রীএল ত্রেনিং ইন্সতিত্যুত (ITI) অপগ্রেদ তৌনবা নেস্নেল স্কিম অমসুং নেস্নেল সেন্তর ওফ এক্সিলেন্স ফোর স্কিল্লিং (NCOE) মঙা (5) লিংখৎপা অসি লাউথোকখিবগী মতুং ইন্না সেন্ত্রেল্লী স্পোন্সর তৌরবা স্কিম অমা ওইনা 2024-25 অমসুং 2025-26গী বজেৎকী মখাদা লুপা করোর 60,000 (সেন্ত্রেল শেয়র: লুপা করোর 30, স্তেত শেয়র: লুপা করোর 20,000 অমসুং ইন্দস্ত্রী শেয়র: লুপা করোর 10,000) থাদদুনা এসিয়ন দিবেলপমেন্ত বেঙ্ক অমসুং ৱর্ল্দ বেঙ্কনা সেন্ত্রেল শেয়রগী 50%গী চাংদা কো-ফাইনান্সিং তৌগনি।
স্কিম অসিনা সরকারগী ITI 1,000 অসি হব অমসুং স্পোক এরেঞ্জমেন্তদা ইন্দস্ত্রীগা মান্ননা শেমদোক্লবা ত্রেদশিং (কোর্সশিং) অমসুং নেস্নেল স্কিল ত্রেনিং ইন্সতিত্যুত (NSRI) মঙাগী কেপাসিতী হেনগৎহনবদা মীৎয়েং থমগনি, মসিগী মনুংদা ইন্সতিত্যুতশিং অসিদা স্কিল্লিংগীদমক নেস্নেল সেন্তর ওফ এক্সিলেন্স মঙা লিংখৎপা য়াওরি।
স্কিম অসিনা রাজ্য সরকারশিং অমসুং ইন্দস্ত্রীগা খুৎশম্নদুনা হৌজিক লৈরিবা ITIশিংবু সরকারগী মপু ওইবা, ইন্দস্ত্রীনা চলাইরিবা স্কিলশিংগী এস্পিরেস্নেল ইন্সতিত্যুতশিং ওইনা শেমগৎনবা পান্দম থম্লি। চহি মঙাগী মনুংদা, ইন্দস্ত্রীশিংগী হ্যুমেন কেপিতেলগী মথৌ তাবশিং কোকহন্নবা কোর্সশিংগী খুত্থাংদা নহারোল লাখ 20 স্কিল ফংহনগনি। স্কিম অসিনা লোকেল ৱার্কফোর্স সপ্লাই অমসুং ইন্দস্ত্রী দিমান্দগী মরক্তা অয়াবা পীবদা মীৎয়েং থমগনি। মসিনা MSMEশিং য়াওনা ইন্দস্ত্রীশিংদা থবক ফংনবা শেম-শারবা শিন্মীশিং ফংহনবদা মতেং পাংগনি।
মমাংদা তোঙান তোঙানবা স্কিমশিংগী মখাদা পীখিবা শেলগী তেংবাং অসি ITIশিংগী অপুনবা অপগ্রেদেসনগী মথৌ তাবশিং, মরু ওইনা ইনফ্রাস্ত্রকচর শেমগৎ-শাগৎপা, কেপাসিতী পাকথোক চাউথোকহনবা অমসুং কেপিতেল-ইন্তেনসিব, ন্যু এজ ত্রেদশিং হৌদোকপদা ইনভেস্তমেন্তকী মথৌ তাবশিং মপুং ফাহন্নবগীদমক্তা মতিক চানা পীখিদে। মসি কোকহন্নবগীদমক্তা, দরকার ওইবশিংদা য়ুম্ফম ওইবা ইনভেস্তমেন্ত প্রোভিজন অমা প্রপোজ তৌরিবা স্কিম অসিগী মখাদা থমখ্রে। মসিনা ইন্সতিত্যুসন খুদিংমক্কী অখন্নবা ইনফ্রাস্ত্রকচর, কেপাসিতী অমসুং ললোন-ইতিকগা মরী লৈনবা মথৌ তাবশিংদা য়ুম্ফম ওইদুনা ফন্দ এলোকেসনদা ফ্লেক্সিবিলিতী পীরি। অহানবা ওইনা, স্কিম অসিনা ITIগী অপগ্রেদেসনগী থৌরাং অমসুং মেনেজমেন্তদা অচেৎপা ইন্দস্ত্রী কনেক্ত অমা লেপ্তনা লৈহন্নবা হোৎনরি। স্কিম অসিনা ইন্দস্ত্রীনা লুচিংবা স্পিসিএল পর্পজ ভেহিকল (SPV) মোদেল অমা আউতকম-দ্রিভন ইমপ্লিমেন্তেসন স্ত্রেতেজীগীদমক শিজিন্নগনি। মসিনা ITI ইকোসিস্তেম ফগৎহন্নবা মমাংগী হোৎনবশিংদগী তোপ-তোপ্পা ওইহনগনি।
স্কিম অসিগী মখাদা নেস্নেল স্কিল মঙাদা ত্রেনিং ওফ ত্রেনর্স (ToT) ফেসিলিতী ফগৎহন্নবগীদমক ইনফ্রাস্ত্রকচর অপগ্রেদেসন তৌগনি। ত্রেনিং ইন্সতিত্যুতশিং (NSTI), হায়বদি ভুবনেশ্বর, চেন্নাই, হায়দ্রাবাদ, কানপুর, অমসুং লুধিয়ানা। মসিগী মথক্তা, প্রি-সর্ভিস অমসুং ইন-সর্ভিস ত্রেনিং অসি ত্রেনর 50,000দা পীগনি।
ইনফ্রাস্ত্রকচর, কোর্স মরী লৈনবা, থবক ফংহনবগী খুদোংচাবা অমসুং ভোকেসনেল ত্রেনিংগী ৱাখল্লোনদা মতম শাংনা লৈরক্লবা শিংনবশিং কোকহন্দুনা, স্কিম অসিনা লৈবাক অসিনা মালেমগী মেন্যুফেকচরিং অমসুং ইনোবেসনগী পাৱরহাউস অমা ওইনবা হোৎনরিবা অসিদা য়ুম্ফম ওইদুনা, স্কিল লৈরবা মেনপাৱরগী মথৌ তাবশিং ফংনবগীদমক ITIশিংবু মাংজিল থানা থম্নবা পান্দম থম্লি। মসিনা ইন্দস্ত্রীগী দিমান্দগা চুনবা স্কিল লৈরবা শিন্মীশিংগী পাইপলাইন অমা শেমগনি, মসিনা ইলেক্ত্রোনিক্স, ওতোমোতিব অমসুং রিন্যুএবল ইনর্জীগুম্বা য়াম্না চাউখৎলক্লিবা সেক্তরশিংদা স্কিল লৈতবশিং কোকহল্লগনি। অপুনবা ওইনা হায়রবদা, প্রপোজ তৌরিবা স্কিম অসি ইন্দস্ত্রীগী হৌজিক্কী অমসুং তুংলমচৎকী মথৌ তাবশিং ফংহন্নবা স্কিল্লিংবু মরুওইবা থৌদাং অমা ওইনা লৌদুনা, প্রধান মন্ত্রীগী ভিক্সিত ভারতকী মীৎয়েংগা চান্নৈ।
বেকগ্রাউন্দ:
ভারতনা 2047 ফাওবদা চাউখৎলবা লৈবাক অমা ওইবগী মায়কৈদা চংশিল্লিবা খোঙচৎ অসিদা, ভোকেসনেল এজুকেসন অমসুং ত্রেনিংনা শেন্মিৎলোনগী চাউখৎপা অমসুং পোত্থোক পুথোকপগী অচৌবা থৌদাং লৌবা ঙমগনি। ইন্দস্ত্রীএল ত্রেনিং ইন্সতিত্যুৎশিং (ITI) অসি রাজ্য সরকারশিংগী মখাদা পাংথোকপা, 1950গী মতমদগী ভারত্তা ভোকেস্নেল এজুকেসন অমসুং ত্রেনিংগী য়ুম্ফম ওইদুনা লাক্লি। ITI নেৎৱার্ক অসি 2014দগী হৌদুনা চাউরাক্না 47% হেনগৎতুনা, মীশিং লাখ 14.40 য়াওদুনা 14,615 য়ৌরক্লবসু, ITIশিংগী খুত্থাংদা ভোকেস্নেল ত্রেনিং অসি য়াম্না পাম্নখিদে অমসুং মখোয়গী ইনফ্রাস্ত্রকচর অমসুং অপীল ফগৎহন্নবা পথাপ নাইনা থবক পায়খৎপা ঙমখিদে।
মমাংদা ITIশিংগী থাক হেনগৎহনবদা মতেং পাংনবা স্কিমশিং লৈরবসু, হৌখিবা চহী তরাগী খুজিং অসিদা ITIশিং অমুক হন্না শেমগৎনবা নেস্নেলগী থাক্তা স্কেল তৌবা য়াবা প্রোগ্রাম অমা পায়খৎপগী খ্বাইদগী ফবা মতম ওইরে। কোর্সকী মচাকশিং অমসুং দিজাইন অসি ইন্দস্ত্রীগী মথৌ তাবশিংগা চুনবা ওইগনি।
