കൊൽക്കത്തയിൽ ഇന്ന് 16-ാമത് സംയുക്ത കമാൻഡർമാരുടെ സമ്മേളനം പ്രധാനമന്ത്രി ഉദ്ഘാടനം ചെയ്തു. രണ്ട് വർഷത്തിലൊരിക്കൽ നടക്കുന്ന ഈ സമ്മേളനം, രാജ്യത്തിന്റെ ഉന്നത സിവിലിയൻ, സൈനിക നേതൃത്വത്തെ ഒരുമിച്ച് കൊണ്ടുവരുന്ന, ഇന്ത്യയുടെ സൈനിക തയ്യാറെടുപ്പിന്റെ ഭാവി വികസനത്തിന് അടിത്തറയിടുന്ന സായുധ സേനകളുടെ പരമോന്നത തലത്തിലുള്ള ബ്രെയിൻസ്റ്റോമിംഗ് ഫോറമാണ്. സായുധ സേനകളുടെ നിലവിലുള്ള ആധുനികവൽക്കരണത്തിനും പരിവർത്തനത്തിനും അനുസൃതമായി, 'പരിഷ്കാരങ്ങളുടെ വർഷം - ഭാവിയിലേക്കുള്ള പരിവർത്തനം' എന്നതാണ് സമ്മേളനത്തിന്റെ പ്രമേയം.
ഓപ്പറേഷൻ സിന്ദൂരിന്റെ വിജയത്തിനും, രാഷ്ട്രനിർമ്മാണത്തിലും, കടൽക്കൊള്ളയ്ക്കെതിരെയും, സംഘർഷമേഖലകളിൽ നിന്ന് ഇന്ത്യൻ പൗരന്മാരെ സുരക്ഷിതമായി തിരിച്ചെത്തിക്കുന്നതിലും, സൗഹൃദ രാജ്യങ്ങൾക്ക് മാനുഷിക സഹായവും ദുരന്ത നിവാരണവും (HADR) നൽകുന്നതിലും സായുധ സേന വഹിച്ച അവിഭാജ്യ പങ്കിനുള്ള പിന്തുണ പ്രധാനമന്ത്രി അറിയിച്ചു. പ്രതിരോധത്തിലെ 'പരിഷ്കാരങ്ങളുടെ വർഷം' ആയി 2025 ആചരിക്കുന്നതിനോടനുബന്ധിച്ച്, ഭാവിയിലെ വെല്ലുവിളികളെ നേരിടുന്നതിനും ഏത് സാഹചര്യത്തെയും അതിജീവിക്കുന്നതിനും കൂടുതൽ സംയുക്തത, സ്വയംപര്യാപ്തത, നൂതനാശയങ്ങൾ എന്നിവ കൈവരിക്കുന്നതിനുള്ള കൃത്യമായ നടപടികൾ വേഗത്തിൽ നടപ്പിലാക്കാൻ പ്രധാനമന്ത്രി പ്രതിരോധ മന്ത്രാലയത്തിന് നിർദ്ദേശം നൽകി.
ഓപ്പറേഷൻ സിന്ദൂർ സൃഷ്ടിച്ച പുതിയ സാധാരണത്വത്തിന്റെ പശ്ചാത്തലത്തിൽ സേനകളുടെ പ്രവർത്തന സന്നദ്ധത, ഉയർന്നുവരുന്ന സാങ്കേതികവിദ്യയുടെയും തന്ത്രങ്ങളുടെയും പശ്ചാത്തലത്തിൽ യുദ്ധത്തിന്റെ ഭാവി എന്നിവയെക്കുറിച്ച് പ്രധാനമന്ത്രിയോട് വിശദീകരിച്ചു. കഴിഞ്ഞ രണ്ട് വർഷങ്ങളിൽ നടപ്പിലാക്കിയ പരിഷ്കാരങ്ങളും അടുത്ത രണ്ട് വർഷത്തേക്കുള്ള പദ്ധതിയും പ്രധാനമന്ത്രി അവലോകനം ചെയ്തു.
അടുത്ത രണ്ട് ദിവസങ്ങളിൽ, വിവിധ സേനകളിൽ നിന്നുള്ള പ്രതികരണങ്ങളുടെ അടിസ്ഥാനത്തിൽ വിവിധ ഘടനാപരവും ഭരണപരവും പ്രവർത്തനപരവുമായ കാര്യങ്ങളുടെ സമഗ്രമായ അവലോകനം സമ്മേളനം നടത്തും, വർദ്ധിച്ചുവരുന്ന ആഗോള അനിശ്ചിതത്വങ്ങൾ നേരിടുന്നതിൽ സായുധ സേനയുടെ തയ്യാറെടുപ്പ്, പ്രധാനമന്ത്രിയുടെ ദർശനം നടപ്പിലാക്കുന്നതിനുള്ള രൂപരേഖ വികസിപ്പിക്കുന്നതിനുള്ള ചർച്ചകൾ എന്നിവയും നടക്കും.
Addressed the Combined Commanders’ Conference in Kolkata. In line with this year’s theme ‘Year of Reforms – Transformation for the Future’, discussed the steps being taken to further self-reliance in the sector and encourage modernisation. Appreciated the role of the armed forces… pic.twitter.com/6EFEg7f643
— Narendra Modi (@narendramodi) September 15, 2025
