ପ୍ରଧାନମନ୍ତ୍ରୀ ଆଜି କୋଲକାତାରେ ୧୬ତମ ମିଳିତ କମାଣ୍ଡର ସମ୍ମିଳନୀକୁ ଉଦଘାଟନ କରିଛନ୍ତି। ପ୍ରତି ଦୁଇ ବର୍ଷରେ ଥରେ ଆୟୋଜିତ ଏହି ସମ୍ମିଳନୀ ସଶସ୍ତ୍ର ବାହିନୀର ସର୍ବୋଚ୍ଚ ମନ୍ଥନ ମଞ୍ଚ। ଏହି ମଞ୍ଚ ଦେଶର ଶୀର୍ଷ ନାଗରିକ ଏବଂ ସାମରିକ ନେତୃତ୍ୱଙ୍କୁ ମତ ବିନିମୟ କରିବା ଏବଂ ଭାରତର ସାମରିକ ପ୍ରସ୍ତୁତିର ଭବିଷ୍ୟତ ବିକାଶ ନିମନ୍ତେ ଭିତ୍ତିଭୂମି ସ୍ଥାପନ କରିବା ପାଇଁ ଏକତ୍ରିତ କରିଥାଏ। ଏହି ସମ୍ମିଳନୀର ବିଷୟବସ୍ତୁ ହେଉଛି 'ସଂସ୍କାର ବର୍ଷ - ଭବିଷ୍ୟତ ପାଇଁ ପରିବର୍ତ୍ତନ', ସଶସ୍ତ୍ର ବାହିନୀର ଆଧୁନିକୀକରଣ ଏବଂ ରୂପାନ୍ତର ସହିତ ମେଳ ଖାଉଛି।
ପ୍ରଧାନମନ୍ତ୍ରୀ ଅପରେସନ ସିନ୍ଦୂରର ସଫଳତା ପାଇଁ ସଶସ୍ତ୍ର ବାହିନୀକୁ ପ୍ରଶଂସା କରିଥିଲେ ଏବଂ ରାଷ୍ଟ୍ର ନିର୍ମାଣ, ଜଳଦସ୍ୟୁ ବିରୋଧୀ ଅଭିଯାନ, ସଂଘର୍ଷ କ୍ଷେତ୍ରରୁ ଭାରତୀୟ ନାଗରିକଙ୍କ ସୁରକ୍ଷିତ ପ୍ରତ୍ୟାବର୍ତ୍ତନ ଏବଂ ବନ୍ଧୁ ଦେଶଗୁଡ଼ିକୁ ମାନବୀୟ ସହାୟତା ଏବଂ ବିପର୍ଯ୍ୟୟ ସହାୟତା (ଏଚଏଡିଆର) ପ୍ରଦାନ କରିବାରେ ସଶସ୍ତ୍ର ବାହିନୀ ଦ୍ୱାରା ନିର୍ବାହ କରାଯାଇଥିବା ଗୁରୁତ୍ୱପୂର୍ଣ୍ଣ ଭୂମିକାକୁ ପ୍ରଶଂସା କରିଥିଲେ। ପ୍ରତିରକ୍ଷା କ୍ଷେତ୍ରରେ ୨୦୨୫ ବର୍ଷକୁ 'ସଂସ୍କାର ବର୍ଷ' କରିବା ଲକ୍ଷ୍ୟରେ, ପ୍ରଧାନମନ୍ତ୍ରୀ ପ୍ରତିରକ୍ଷା ମନ୍ତ୍ରଣାଳୟକୁ ଭବିଷ୍ୟତର ଚ୍ୟାଲେଞ୍ଜର ମୁକାବିଲା କରିବା ଏବଂ ଯେକୌଣସି ଅପ୍ରତ୍ୟାଶିତ ପରିସ୍ଥିତିର ମୁକାବିଲା କରିବା ପାଇଁ ଅଧିକ ମିଳିତତା, ଆତ୍ମନିର୍ଭରଶୀଳତା ଏବଂ ନବସୃଜନ ପାଇଁ ଦୃଢ ପଦକ୍ଷେପଗୁଡ଼ିକୁ ଦ୍ରୁତ ଗତିରେ କାର୍ଯ୍ୟକାରୀ କରିବାକୁ ନିର୍ଦ୍ଦେଶ ଦେଇଥିଲେ।
ଅପରେସନ ସିନ୍ଦୂର ଦ୍ୱାରା ସୃଷ୍ଟି ହୋଇଥିବା ନୂତନ ସ୍ୱାଭାବିକତା ପରିପ୍ରେକ୍ଷୀରେ ସେନାର ରଣନୈତିକ ପ୍ରସ୍ତୁତି, ଉଦୀୟମାନ ପ୍ରଯୁକ୍ତିବିଦ୍ୟା ଏବଂ ରଣନୀତି ପରିପ୍ରେକ୍ଷୀରେ ଯୁଦ୍ଧର ଭବିଷ୍ୟତ ବିଷୟରେ ପ୍ରଧାନମନ୍ତ୍ରୀଙ୍କୁ ସୂଚନା ଦିଆଯାଇଥିଲା। ପ୍ରଧାନମନ୍ତ୍ରୀ ଗତ ଦୁଇ ବର୍ଷରେ କାର୍ଯ୍ୟକାରୀ ହୋଇଥିବା ସଂସ୍କାର ଏବଂ ଆଗାମୀ ଦୁଇ ବର୍ଷ ପାଇଁ ଯୋଜନାର ସମୀକ୍ଷା ମଧ୍ୟ କରିଥିଲେ।
ଆଗାମୀ ଦୁଇ ଦିନ ମଧ୍ୟରେ, ସମ୍ମିଳନୀରେ ବିଭିନ୍ନ ବାହିନୀରୁ ମତାମତ, ବର୍ଦ୍ଧିତ ବିଶ୍ୱ ଅନିଶ୍ଚିତତା ମୁକାବିଲା ପାଇଁ ସଶସ୍ତ୍ର ବାହିନୀର ପ୍ରସ୍ତୁତି ଉପରେ ଆଧାରିତ ବିଭିନ୍ନ ସାଂଗଠନିକ, ପ୍ରଶାସନିକ ଏବଂ ରଣନୈତିକ ବିଷୟଗୁଡ଼ିକର ଏକ ସାମଗ୍ରିକ ସମୀକ୍ଷା କରାଯିବ, ଏବଂ ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣକୁ କାର୍ଯ୍ୟକାରୀ କରିବା ପାଇଁ ଏକ ରୋଡମ୍ୟାପ୍ ବିକଶିତ କରିବା ପାଇଁ ଆଲୋଚନା କରାଯିବ।
Addressed the Combined Commanders’ Conference in Kolkata. In line with this year’s theme ‘Year of Reforms – Transformation for the Future’, discussed the steps being taken to further self-reliance in the sector and encourage modernisation. Appreciated the role of the armed forces… pic.twitter.com/6EFEg7f643
— Narendra Modi (@narendramodi) September 15, 2025
