প্রধান মন্ত্রীনা ঙসি কোলকতাদা 16শুবা কম্বাইন্দ কম্মান্দর্স কনফরেন্স হৌদোকখ্রে। চহি অনিগী মনুংদা অমুক্তং পাংথোকপা, কনফরেন্স অসি আর্মদ ফোর্সেসকী এপেক্স-লেবেল ব্রেনস্তোরমিং ফোরমনি, মসিনা লৈবাক অসিগী মকোক থংবা সিবিলিয়ন অমসুং মিলিতরী লুচিংবশিংবু ৱাখল্লোনশিং এক্সচেঞ্জ তৌনবা পুনশিল্লি অমসুং ভারতকী মিলিতরীগী শেম-শারিবা অদুগী তুংগী দিবেলপমেন্তকীদমক য়ুম্ফম থোল্লি। কনফরেন্স অসিগী থিম অসি হৌজিক হৌজিক চত্থরিবা আর্মদ ফোর্সেসকী মোদর্নাইজেসন অমসুং ত্রান্সফোর্মেসনগী পরিং মখাদা "ইয়র ওফ রিফোর্মস - ত্রান্সফোর্মেসন ফোর দি ফ্যুচর" হায়বসি ওইরি।
প্রধান মন্ত্রীনা ওপরেসন সিন্দুর মাই পাকহনখিবা লোয়ননা লৈবাক শেমগৎপদা, পাইরেসী থেংনবদা, লান থোক্লিবা মফমশিংদগী ভারতকী প্রজাশিংবু শাফনা হনহল্লকপদা অমসুং মরুপ ওইরিবা লৈবাকশিংদা হ্যুমেনিতরিয়ন এসিস্তেন্স অমসুং দিজাস্তর রিলিফ (HADR)দা আর্মদ ফোর্সেসনা লৌরিবা মরু ওইবা থৌদাং অদু থাগৎপা ফোংদোকখি। 2025 অসি দিফেন্সতা "রিফোর্মসকী চহি" ওইগদৌরিবা অসিগা মরী লৈননা, প্রধান মন্ত্রীনা দিফেন্স মন্ত্রালয়দা তুংদা লাক্কদৌরিবা শীংনবশিং থেংননবা অমসুং ওইথোকপা য়াবা খুদোংচাদবশিংগী মায়োক্তা ঙাকথোক্নবগীদমক্তা হেন্না চাউনা পুনশিন্নবা, আত্মানির্ভরতা অমসুং ইন্নোভেসন ফংনবগীদমক্তা অচেৎপা খোংথাংশিং অথুবা মতমদা পায়খৎনবা খঙহনখি।
ওপরেসন সিন্দুরনা শেমগৎলকপা ন্যু নোর্মেলগা মরী লৈননা ফোর্সশিংগী ওপরেস্নেল রেদিয়র্নেস, অনৌবা তেক্নোলোজী অমসুং তেক্সতিক্সকা মরী লৈননা ফোর্সশিংগী ফ্যুচর ওফ ৱারফেয়রগী মতাংদা প্রধান মন্ত্রীদা পাউদমখি। প্রধান মন্ত্রীনা হৌখিবা চহি অনিদা পায়খৎখিবা রিফোর্মশিং অমসুং মথংগী চহি অনিগী থৌরাংশিংসু য়েংশিনখি।
লাক্কদৌরিবা নুমিৎ নিনি অসিদা, কনফরেন্স অসিনা ফোর্সশিংগী ফীদবেক, মালেমগী ওইনা হেনগৎলক্লিবা তংদু লৈতাদবশিংগী মায়োক্তা আর্মদ ফোর্সশিংগী শেম-শাবদা য়ুম্ফম ওইরগা তোঙান-তোঙানবা স্ত্রকচরেল, এদমিনিস্ত্রেতিব অমসুং ওপরেস্নেলগী হিরমশিংগী অপুনবা রিভিয়ু অমা পাংথোক্কনি লোয়ননা প্রধান মন্ত্রীগী মীৎয়েং অসি ইমপ্লিমেন্ত তৌনবগী রোদমেপ অমা শেমগৎনবা খন্ন-নৈনগনি।
Addressed the Combined Commanders’ Conference in Kolkata. In line with this year’s theme ‘Year of Reforms – Transformation for the Future’, discussed the steps being taken to further self-reliance in the sector and encourage modernisation. Appreciated the role of the armed forces… pic.twitter.com/6EFEg7f643
— Narendra Modi (@narendramodi) September 15, 2025
