وزیر اعظم نے آج کولکاتہ میں 16 ویں کمبائنڈ کمانڈروں کی کانفرنس کا افتتاح کیا ۔ دو سال میں ایک بار منعقد ہونے والی یہ کانفرنس مسلح افواج کا اعلی سطح کا ذہن سازی کا فورم ہے ، جو ملک کی اعلی شہری اور فوجی قیادت کو خیالات کے تبادلے اور ہندوستان کی فوجی تیاریوں کی مستقبل کی ترقی کے لیے بنیاد رکھنے کے لیے یکجا ہونے کا موقع فراہم کرتا ہے ۔ کانفرنس کا موضوع ’’اصلاحات کا سال-مستقبل کے لیے تبدیلی‘‘ ہے ، جو مسلح افواج کی جاری جدید کاری اور تبدیلی کے مطابق ہے ۔
وزیر اعظم نے آپریشن سندور کی کامیابی کے ساتھ ساتھ ملک کی تعمیر ، بحری قزاقی کے خلاف کارروائی ، تنازعات والے علاقوں سے ہندوستانی شہریوں کی محفوظ واپسی کے ساتھ ساتھ دوست ممالک کو انسانی امداد اور آفات سے نجات (ایچ اے ڈی آر) فراہم کرنے میں مسلح افواج کے لازمی رول کی ستائش کی ۔ 2025 کو دفاع کےشعبے میں ’’اصلاحات کا سال‘‘ قرار دیتے ہوئے ، وزیر اعظم نے وزارت دفاع کو ہدایت کی کہ وہ مستقبل کے چیلنجوں کا مقابلہ کرنے اور کسی بھی صورت حال سے نمٹنے کے لیے زیادہ سے زیادہ اتحاد ، آتم نربھربننے اور اختراع کے حصول کے لیے ٹھوس اقدامات کو تیزی سے نافذ کرے ۔
وزیر اعظم کو ابھرتی ہوئی ٹیکنالوجی اور حکمت عملی کے تناظر میں آپریشن سندور کے نتیجہ میں وجود میں آئے نئے معمول ، جنگ کے مستقبل کے تناظر میں افواج کی آپریشنل تیاریوں کے بارے میں بتایا گیا ۔ وزیر اعظم نے گزشتہ دو سالوں میں نافذ کی گئی اصلاحات اور اگلے دو سالوں کے منصوبے کا بھی جائزہ لیا ۔
اگلے دو دنوں کے دوران ، یہ کانفرنس تمام افواج کے تاثرات ، بڑھتی ہوئی عالمی غیر یقینی صورتحال کے پیش نظر مسلح افواج کی تیاریوں کے ساتھ ساتھ وزیر اعظم کے وژن کے نفاذ کے لیے روڈ میپ تیار کرنے کے لیے بات چیت کی بنیاد پر مختلف ساختی ، انتظامی اور آپریشنل معاملات کا جامع جائزہ لے گی۔
Addressed the Combined Commanders’ Conference in Kolkata. In line with this year’s theme ‘Year of Reforms – Transformation for the Future’, discussed the steps being taken to further self-reliance in the sector and encourage modernisation. Appreciated the role of the armed forces… pic.twitter.com/6EFEg7f643
— Narendra Modi (@narendramodi) September 15, 2025
