നേപ്പാൾ ഇടക്കാല സർക്കാരിന്റെ പ്രധാനമന്ത്രി സുശീല കാർക്കിയുമായി പ്രധാനമന്ത്രി ശ്രീ നരേന്ദ്ര മോദി ഇന്ന് ടെലഫോൺ സംഭാഷണം നടത്തി.
സ്ഥാനമേറ്റതിൽ പ്രധാനമന്ത്രി കാർക്കിയെ അഭിനന്ദിച്ച അദ്ദേഹം, ഇന്ത്യാ ഗവൺമെന്റിന്റെയും ഇന്ത്യയിലെ ജനങ്ങളുടെയും പേരിൽ ആശംസകളുമറിയിച്ചു.
നേപ്പാളിൽ അടുത്തിടെ നടന്ന പ്രതിഷേധസംഭവങ്ങളിലുണ്ടായ ദാരുണമായ ജീവഹാനിയിൽ പ്രധാനമന്ത്രി ഹൃദയംഗമമായ അനുശോചനം രേഖപ്പെടുത്തി.
ഇരു രാജ്യങ്ങളും തമ്മിലുള്ള സവിശേഷമായ ബന്ധം ശക്തിപ്പെടുത്താനായി ചേർന്നു പ്രവർത്തിക്കാനുള്ള ഇന്ത്യയുടെ സന്നദ്ധത അറിയിച്ച പ്രധാനമന്ത്രി, സമാധാനവും സ്ഥിരതയും പുനഃസ്ഥാപിക്കാനുള്ള നേപ്പാളിന്റെ ശ്രമങ്ങൾക്കും നേപ്പാളിലെ ജനതയുടെ പുരോഗതിയ്ക്കും ഇന്ത്യയുടെ പരിപൂർണ പിന്തുണ പ്രഖ്യാപിച്ചു.
നേപ്പാളിന് ഇന്ത്യ നൽകുന്ന ഉറച്ച പിന്തുണയ്ക്ക് പ്രധാനമന്ത്രി കാർക്കി അദ്ദേഹത്തിന് നന്ദിയറിയിച്ചു. ഇരു രാജ്യങ്ങളും തമ്മിലുള്ള ബന്ധം കൂടുതൽ ശക്തിപ്പെടുത്താനുള്ള പ്രധാനമന്ത്രി ശ്രീ മോദിയുടെ ആഗ്രഹവും പ്രധാനമന്ത്രി കാർക്കി ആവർത്തിച്ചു.
വരാനിരിക്കുന്ന നേപ്പാൾ ദേശീയ ദിനത്തിന്റെ വേളയിൽ പ്രധാനമന്ത്രി ശ്രീ മോദി ആശംസകളറിയിച്ചു.
ബന്ധം നിലനിർത്താൻ ഇരു നേതാക്കളും സമ്മതിച്ചു.
Had a warm conversation with Mrs. Sushila Karki, Prime Minister of the Interim Government of Nepal. Conveyed heartfelt condolences on the recent tragic loss of lives and reaffirmed India’s steadfast support for her efforts to restore peace and stability. Also, I extended warm…
— Narendra Modi (@narendramodi) September 18, 2025
