Share
 
Comments

‘‘আমি পৰিৱৰ্তনৰ ক্ষেত্ৰত বিভিন্ন গুৰুত্বপূৰ্ণ সিদ্ধান্ত গ্ৰহণ কৰিছো আৰু চৰকাৰে ইয়াক অব্যাহত ৰাখিব৷ দেশত বিত্তীয় স্থিৰতা বাহাল ৰাথিবলৈ বিভিন্ন পদক্ষেপ গ্ৰহণ কৰা হৈছে আৰু অৰ্থনৈতিক উত্তৰণৰ দিশত বিনিয়োগৰ পৰিমাণ বৃদ্ধি কৰা হৈছে’’ ~প্ৰধানমন্ত্ৰী নৰেন্দ্ৰ মোদী

প্ৰধানমন্ত্ৰী নৰেন্দ্ৰ মোদী নেতৃত্বাধীন এনডিএ চৰকাৰৰ প্ৰাথমিক গুৰুত্ব হ’ল অৰ্থনীতিৰ বিভিন্ন দিশৰ নৱজাগৰণৰ দ্বাৰা উত্থান৷ এই নৱজাগৰণে অৰ্থনৈতিক উত্তৰণত প্ৰভূত সহায় কৰিব আৰু ৰাষ্ট্ৰৰ উন্নয়নৰ কক্ষপথ সৱলীকৰণ কৰিব৷

নিৰ্মাণ খণ্ড- অৰ্থনৈতিক উত্তৰণৰ প্ৰধান চালিকা শক্তি

মেক ইন ইণ্ডিয়াই ভাৰতক ২৫টা নিৰ্ধাৰিত খণ্ডৰ নিৰ্মাণৰ কেন্দ্ৰ হিচাপে গঢ়ি তুলিছে৷

ভাৰত এতিয়া বিশ্বৰ ভিতৰতে দ্বিতীয় বৃহৎ ম’বাইল নিৰ্মাণকাৰী দেশ, ‘মেক ইন ইণ্ডিয়া’ক ধন্যবাদ৷ এই উত্তৰণৰ সম্যক আভাস পাবলৈ হ’লে আমি দেখিছো যে ২০১৪ চনলৈ দেশত কেৱল ২ টা ম’বাইল ফোন নিৰ্মাণৰ উদ্যোগ আছিল আৰু এতিয়া ২০১৮ চনত ইয়াৰ সংখ্যা ১২০টালৈ বৃদ্ধি পাইছে৷ শেহতীয়াকৈ প্ৰধানমন্ত্ৰী নৰেন্দ্ৰ মোদীয়ে নয়ডাত বিশ্বৰ সবাতোকৈ বৃহৎ ম’বাইল উদ্যোগ স্থাপন কৰিছে আৰু য’ত একেটা ইউনিটতে বৃহৎ সংখ্যক কৰ্মচাৰীয়ে কাম কৰিব৷

যদি আমি উৎপাদিত ম’বাইল হেণ্ডছেটৰ সংখ্যা পৰিলক্ষিত কৰো তেন্তে দেখা পাম যে ভাৰতত ২০১৪ চনত ৬ কোটি ম’বাইল হেণ্ডছেট নিৰ্মাণ হৈছিল, ২০১৭-১৮ বৰ্ষত এই সংখ্যা বৃদ্ধি হৈ ২২.৫ কোটি হৈছে৷ ভাৰতত ২০১৭-১৮ বৰ্ষত ১.৩২ লাখ কোটি টকাৰ ম’বাইল নিৰ্মাণ হৈছে৷ ২০১৪ চনত এই সংখ্যা আছিল ১৮,৯৯২ কোটি টকা৷

মেক ইন ইণ্ডিয়াই নিয়োজনৰ সুবিধাৰ সৃষ্টি কৰিছে আৰু বৈদেশিক বিনিয়োগসমূহকো আকৰ্ষিত কৰিছে৷ ২০১৭-১৮ বৰ্ষত এফডিআইৰ আমেৰিকান ডলাৰত ৬১.৯৬ বিলিয়ন ডলাৰৰ অভিলেখ সৃষ্টি হৈছে৷ বিনিয়োগৰ পৰিমাণ বৃদ্ধি অৰ্থাৎ অধিক চাকৰিৰ সৃষ্টি আৰু অধিক উন্নতি৷

এমএছএমইলৈ সহায়ৰ হাত

প্ৰধানমন্ত্ৰী নৰেন্দ্ৰ মোদী নেতৃত্বাধীন এনডিএ চৰকাৰ এমএছএমইক সৱলীকৰণ কৰাৰ বাবে প্ৰতিশ্ৰুতিবদ্ধ যিয়ে লক্ষাধিক ভাৰতীয়ক নিয়োজনৰ সুবিধা প্ৰদান কৰিছে৷ তাৰোপৰি ততোধিক নিয়োজনৰ অৱকাশৰো সৃষ্টি কৰিছে।

আৰু প্ৰধানমন্ত্ৰী নৰেন্দ্ৰ মোদীয়ে এমএছএমইৰ গুৰুত্ব তথা মুদ্ৰা (MUDRA)ই কিদৰে এই ক্ষেত্ৰত সহায় কৰিছে সেই বিষয়ে উল্লেখ কৰি কয়-

‘‘মুদ্ৰা যোজনাৰ জৰিয়তে এমএছএমই ক্ষেত্ৰত অগ্ৰগতি হৈছে৷ ভাৰতৰ পৰিৱৰ্তনৰ ক্ষেত্ৰত এমএছএমইয়ে গুৰুত্বপূৰ্ণ ভূমিকা গ্ৰহণ কৰিছে আৰু আমাৰ চৰকাৰে বিভিন্ন পদক্ষেপ গ্ৰহণ কৰি এই খণ্ডক অগ্ৰগতিৰ অধিক সুবিধা প্ৰদান কৰিছে৷’’

২০১৫ বৰ্ষত মুকলি হোৱা প্ৰধানমন্ত্ৰী মুদ্ৰা যোজনা (পিএমএমৱাই)উদ্যমীসকলক (বিশেষকৈ এমএছএমইসমূহৰ) বিনামূলীয়া বেংক ঋণ দিয়াৰ ব্যৱস্থাৰে প্ৰৱৰ্তন কৰা হৈছিল৷

শেহতীয়াকৈ ১৩ কোটি ক্ষুদ্ৰ মুদ্ৰা উদ্যমীয়ে মুদ্ৰা যোজনাৰ অধীনত ৬.২ লাখ কোটিৰ মূলধন লাভ কৰিছে৷ উল্লেখ্য, যোৱা ৩টা বৰ্ষৰ ভিতৰতে ৩.৪৯ কোটি নতুন উদ্যমী এই যোজনাৰ দ্বাৰা লাভান্বিত হৈছে৷ তাৰোপৰি, মুদ্ৰা হিতাধিকাৰীসকলৰ ৭০ শতাংশতকৈও অধিক হ’ল মহিলা৷ বঞ্চিতসকলক আৰ্থ-সামাজিকভাৱে সৱলীকৰণ কৰাৰ উদ্দেশ্য মুদ্ৰা হিতাধিকাৰীসকলৰ ভিতৰত ৫০ শতাংশতকৈও অধিক লোক হ’ল এছচি/এছটি/অ’বিচি৷

৫০ কোটিৰ পৰা ২৫০ কোটি টকা পৰ্যন্ত বাৰ্ষিক টাৰ্ণ অভাৰৰ মজলীয়া খণ্ডৰ উদ্যমীসকলক অগ্ৰগতি প্ৰদান কৰাৰ বাবে তেওঁলোকৰ ঔদ্যোগিক কৰ ২৫ শতাংশ কৰা হৈছে যি পূৰ্বতে ৩০ শতাংশ আছিল৷

এনডিএ চৰকাৰৰ অধীনত গ্ৰহণ কৰা অৰ্থনৈতিক নৱজাগৰণসমূহ

এনডিএ চৰকাৰৰ অধীনত গ্ৰহণ কৰা পৰিৱৰ্তনমূলক কাৰ্যসূচীৰ জৰিয়তে দেশত আমূল পৰিৱৰ্তন হৈছে৷ বিগত চাৰিটা বৰ্ষত গ্ৰহণ কৰা বেংকিং সংস্কাৰ, কৰ সংস্কাৰ, বিশেষ খণ্ড কিছুমানৰ সংস্কাৰৰ দ্বাৰা সাধাৰণ মানুহৰ জীৱন শৈলী সহজ হৈ পৰিছে৷

বেংকিং সংস্কাৰ

এনডিএ চৰকাৰে এনপিএৰ আমোলত বৃদ্ধি হোৱা পুৰণি সমস্যাসমূহ সংশোধন কৰাৰ বাবে ইনছলভেন্সি এণ্ড বেংক্ৰাপ্টটি কোড (আইবিচি)ৰ প্ৰণয়ন কৰিছে৷ আইবিচিয়ে ঋণৰ সমস্যাসমূহ সমাধান কৰাৰ পথ উলিয়াই বেংকিং খণ্ডক অগ্ৰগতি প্ৰদান কৰিছে৷

২,১১,০০০ কোটি টকাৰ ঋণ প্ৰদানেৰে পিএছবিৰ পুনৰ মূলধনীকৰণ কৰি তথা চাকৰিৰ সৃষ্টি কৰি এনডিএ চৰকাৰে অন্য এক বৃহৎ পদক্ষেপ গ্ৰহণ কৰিছে৷

তাৰোপৰি, এনডিএ চৰকাৰে বিভিন্ন পিএছবিসমূহৰ পৰৱৰ্তী একক সমাপনৰ বাবে বিভিন্ন পদক্ষেপৰ বাবে অনুমোদন প্ৰদান কৰিছে৷

কৰ সংস্কাৰ

এনডিএ চৰকাৰৰ আমোলত কৰ সংস্কাৰৰ ক্ষেত্ৰত আটাইতকৈ বৃহৎ পদক্ষেপটো হ’ল পণ্য সামগ্ৰী আৰু সেৱা কৰ আইন (জিএছটি)৷ চৰকাৰে জিএছটি প্ৰণয়নৰ ক্ষেত্ৰত কঠোৰ পদক্ষেপ গ্ৰহণ কৰিছে৷ এই জিএছটি ২০১৭ চনত প্ৰণয়ন কৰা হৈছিল৷ ইয়াক সমগ্ৰ দেশতে প্ৰণয়ন কৰা হৈছে৷

জিএছটি প্ৰণয়নৰ দ্বাৰা-

ক্ষুদ্ৰ ব্যৱসায়ী আৰু গ্ৰাহকসকলে বিভিন্ন ধৰণৰ কৰৰ পৰা মুক্ত হৈছে৷ পৰিবহণ ব্যয়ৰ হ্ৰাস তথা অন্য কোনো ধৰণৰ ব্যয় নোহোৱাকৈ গ্ৰাহকসকলে কম মূল্যৰ দ্বাৰা লাভান্বিত হৈছে৷

ইয়াৰোপৰি এনডিএ চৰকাৰৰ অধীনত গ্ৰহণ কৰা গুৰুত্বপূৰ্ণ পদক্ষেপ হ’ল কৰৰ অভিযোগসমূহৰ নিবাৰণ আৰু কৰৰ পৰিক্ষেত্ৰ বৃদ্ধি৷ বিগত চাৰিটা বৰ্ষত আইটিআৰ ফাইলৰ সংখ্যা ৮০.৫ শতাংশ পৰ্যন্ত বৃদ্ধি পাইছে ৷ ২০১৩-১৪ বৰ্ষত কৰ ৰিটাৰ্ণৰ সংখ্যা আছিল ৩.৭৯ কোটি কিন্তু ২০১৭-১৮ বৰ্ষত ইয়াৰ সংখ্যা ৬.৮৪ কোটিলৈ বৃদ্ধি পায়৷

বিশেষ ক্ষেত্ৰসমূহৰ সংস্কাৰ

বেংকিং আৰু কৰ সংস্কাৰৰ উপৰিও কিছুমান বিশেষ ক্ষেত্ৰটো সংস্কাৰৰ ব্যৱস্থা গ্ৰহণ কৰা হৈছে যাৰ দ্বাৰা দেশৰ অৰ্থনীতিত আমূল পৰিৱৰ্তন ঘটিছে৷

ব্যক্তিগত খণ্ডৰ বাবে বাণিজ্যিক কয়লা খনি মুকলি কৰা হৈছে৷ প্ৰায় ৮৯টা কয়লা খনি স্বচ্ছ আৱণ্টন প্ৰক্ৰিয়াৰ জৰিয়তে আৱণ্টিত কৰা হৈছে৷ এই ৮৯টা কয়লা খনিৰ ৩১টা ই-নিলামযোগে আৰু ৫৮টা চৰকাৰী উদ্যোগৰ দ্বাৰা আৱণ্টিত কৰা হৈছে৷

আৰইআৰএ- দা ৰিয়েল ইষ্টেট (ৰেগুলেচন এণ্ড ডেভেলপমেণ্ট) এক্টৰ প্ৰণয়নৰ জৰিয়তে গৃহ ক্ৰেতাসকল নিৰ্মাণকাৰীৰ হাতোৰাৰ পৰা মুক্ত হৈ নিজৰ অধিকাৰ সম্পৰ্কে সজাগ হৈছে৷

শ্ৰমিক সংস্কাৰ

এনডিএ চৰকাৰৰ অধীনত বিগত চাৰিটা বৰ্ষত শ্ৰমিক সংশোধনৰ ক্ষেত্ৰত বিভিন্ন পদক্ষেপ গ্ৰহণ কৰা হৈছে যাৰ দ্বাৰা সমগ্ৰ ভাৰততে কৰ্মচাৰীসকলৰ জীৱন সহজ হৈ পৰিছে৷

ইউএএন নম্বৰ (ইউনিভাৰ্ছেল একাউণ্ট নম্বৰ)ৰ প্ৰৱৰ্তনৰ জৰিয়তে কৰ্মচাৰীসকলে তেওঁলোকৰ ভৱিষ্য নিধিৰ বাবে চৰকাৰী কাৰ্যালয়লৈ দৌৰা-দৌৰি কৰাটো বন্ধ হৈছে৷ আনকি তেওঁলোকে কৰ্মস্থান পৰিৱৰ্তন কৰিলেও কোনো সমস্যাৰ সন্মুখীন হ’বলগীয়া নহয়৷

শ্ৰম সুবিধা প’ৰ্টেল আৰু লেনদেনৰ এক ধনাত্মক সংশোধনী আইনে (২০১৭) গঠনাত্মক আৰু ন্যূনতম শ্ৰমৰ মূল্য নিশ্চিত কৰিছে৷

শক্তিশালী অৰ্থনৈতিক বুনিয়াদ আৰু অন্তঃৱৰ্তী স্বীকৃতি

নৰেন্দ্ৰ মোদী নেতৃত্বাধীন এনডিএ চৰকাৰত বিগত চাৰিটা বৰ্ষত ভাৰতীয় অৰ্থনীতিয়ে বৃহৎ সাফল্যৰ মুখ দেখিবলৈ সমৰ্থ হৈছে আৰু বিভিন্ন দিশত অন্তঃৱৰ্তী মূল্যায়নত আগুৱাবলৈ সমৰ্থ হৈছে৷

২০০৫ চনত বিশ্বৰ জিডিপিত ভাৰতৰ অংশ ১.৭৫ শতাংশ হৈছিল যি ৮ বছৰৰ মূৰত ২০১৩ চনত ২.৪৩ শতাংশলৈ বৃদ্ধি হৈছে৷ কিন্তু ২০১৭ চনত ভাৰতৰ বিশ্বৰ জিডিপিত ৩.০৮ শতাংশ হয় আৰু এয়াও কেৱল চাৰি বছৰৰ ব্যৱধানতে সম্পন্ন হৈছে৷

২০১৮-১৯ বিত্তীয় বৰ্ষৰ প্ৰথম ত্ৰিমাসিকত ভাৰতৰ জিডিপি ৮.২%লৈ বৃদ্ধি হয়৷ ইয়াৰ দ্বাৰা ভাৰত চীনতকৈ দ্ৰুত গতিত উত্থান হোৱাটো প্ৰদৰ্শিত হৈছে৷ ভাৰতৰ বিদেশী মুদ্ৰাৰ জমাৰ পৰিমাণো বৃদ্ধি হৈছে৷

শক্তিশালী বুনিয়াদৰ অৰ্থনীতিৰ উপৰিও ভাৰতে বিগত চাৰিটা বৰ্ষত বিভিন্ন দিশত সাফল্য অৰ্জন কৰিবলৈ সমৰ্থ হৈছে৷ ১৪ বছৰত প্ৰথমবাৰলৈ ভাৰতৰ মূল্যায়ন বিএএ২ৰ পৰা বিএএ৩লৈ বৃদ্ধি হৈছে৷ ২০১৭ চনত ইজ অৱ ডুয়িঙৰ দিশত ভাৰতৰ স্থান ১০০ নম্বৰলৈ আহিছে যি ২০১৪ চনত ১৪২ নম্বৰত আছিল৷ ক্ৰমাগত গতিত বৃদ্ধি পোৱা চৰকাৰৰ বিভিন্ন সংশোধনীমূলক কাৰ্যৰ দ্বাৰা ভাৰতে বিশ্ব অৰ্থনীতিত এক উজ্বল স্থান দখল কৰিবলৈ সমৰ্থ হৈছে৷









 

ডনেচন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
‘Modi Should Retain Power, Or Things Would Nosedive’: L&T Chairman Describes 2019 Election As Modi Vs All

Media Coverage

‘Modi Should Retain Power, Or Things Would Nosedive’: L&T Chairman Describes 2019 Election As Modi Vs All
...

Nm on the go

Always be the first to hear from the PM. Get the App Now!
...
PM Modi Adorns Colours of North East
March 22, 2019
Share
 
Comments

The scenic North East with its bountiful natural endowments, diverse culture and enterprising people is brimming with possibilities. Realising the region’s potential, the Modi government has been infusing a new vigour in the development of the seven sister states.

Citing ‘tyranny of distance’ as the reason for its isolation, its development was pushed to the background. However, taking a complete departure from the past, the Modi government has not only brought the focus back on the region but has, in fact, made it a priority area.

The rich cultural capital of the north east has been brought in focus by PM Modi. The manner in which he dons different headgears during his visits to the region ensures that the cultural significance of the region is highlighted. Here are some of the different headgears PM Modi has carried during his visits to India’s north east!