نئی دہلی۔29ستمبر وزیر اعظم جناب نریندر مودی 30 ستمبر 2018 کو گجرات کا دورہ کریں گے ۔
وزیر اعظم آنند میں جدید ترین چاکلیٹ پلانٹ سمیت جدید فوڈ پروسسنگ سہولیات کا افتتاح کریں گے ۔ وزیر اعظم آنند زرعی یونیورسٹی کے اِن کیوبیشن سینٹر کم سینٹر آف ایکسلینس اِن فوڈ پروسسنگ اور مجھکو وا گاؤں میں ایک شمسی کو آپریٹو سوسائٹی کا بھی افتتاح کریں گے ۔ وزیر اعظم آنند اور کھٹراج میں امول صنعتی پیداواری سہولیات کی توسیع کا سنگ بنیاد رکھیں گے۔ وہ اجتماع سے خطاب کریں گے ۔
بعد ازاں وزیر اعظم انجار جائیں گے ۔ وہ موندرا ایل این جی ٹرمینل ، انجار –موندرا پائپ لائن پروجیکٹ اور پالن پور –بارمیر پائپ لائن پروجیکٹ کا افتتاح کریں گے اور اجتماع سے خطاب کریں گے ۔
اس کے بعد وزیر اعظم راجکوٹ آئیں گے اور مہاتما گاندھی میوزیم کا افتتاح کریں گے ۔ راجکوٹ کے الفرڈ ہائی اسکول میں یہ میوزیم قائم کیا گیا ہے جو کہ مہاتما گاندھی کی سرگرمیوں کے دور کا اہم حصہ ہے ۔ اس سے گاندھیائی ثقافت، اقدار اور فلسفہ کے تئیں بیداری پیدا کرنے میں مدد ملے گی۔ وزیر اعظم 624 گھروں کے ایک سرکاری رہائشی منصوبے کے افتتاح کے لیے ایک تختی کی بھی نقاب کشائی کریں گے ۔ وہ 240 مستفیدین کنبوں کے ای-گرہ پرویش کے موقع پر موجود رہیں گے ۔
وزیر اعظم نئی دہلی لوٹنے سے قبل مہاتما گاندھی میوزیم کا دورہ کریں گے ۔
