وزیراعظم جناب نریندر مودی نے ویڈیو کانفرنس کے ذریعے صحت کے شعبہ میں بجٹ کے التزامات کے مؤثر نفاذ پر ایک ویبنار سے خطاب کیا۔
ویبنار سے خطاب کرتے ہوئے وزیراعظم نے کہا کہ اس سال کے بجٹ میں صحت کے شعبہ کے لئے اچھی خاصی رقم مختص کی گئی ہے، جو ہر شہری کو بہتر طبی سہولیات فراہم کرنے کے حکومت کے عہد کی عکاسی کرتا ہے۔
جناب مودی نے بتایا کہ کیسے پچھلا سال وبائی مرض کی وجہ سے کافی مشکل اور چنوتی بھرا تھا۔ انہوں نے چنوتی پر قابو پانے اور بہت سی زندگیوں کو بچانے پر خوشی کا اظہار کیا۔ اس کا کریڈٹ انہوں نے حکومت اور پرائیویٹ سیکٹر کی مشترکہ کوششوں کو دیا۔
وزیراعظم نے یاد کیا کہ کس طرح چند مہینوں کے اندر ہی ملک میں 2500 لیب کا نیٹ ورک تیار کرلیا تھا اور درجن بھر جانچ سے 21 کروڑ لوگوں کی جانچ کا سنگ میل حاصل کر پایا تھا۔
وزیراعظم نے کہا کہ کورونا نے ہمیں یہ سبق سکھا یا ہے کہ ہمیں آج نہ صرف وبائی مرض سے لڑنا ہے، بلکہ مستقبل میں بھی اس قسم کے حالات کے لئے ملک کو تیار کرنا ہے۔ اسی لئے طبی نگہداشت سے متعلق ہر ایک شعبے کو مضبوط کرنا انتہائی ضروری ہے۔
انہوں نے کہا کہ ہمیں طبی آلات سے لے کر دواؤں تک ، وینٹی لیٹر سے لے کر ٹیکے تک ، سائنسی تحقیق سے لے کر نگرانی کے بنیادی ڈھانچے تک، ڈاکٹروں سے لے کر وبائی مرض کے ماہرین تک ہر ایک چیز پر توجہ مرکوز کرنی ہے، تاکہ ملک مستقبل میں صحت سے متعلق کسی بھی آفت کے لئے بہتر طریقے سے تیار رہے۔
پی ایم آتم نربھر سووستھ بھارت اسکیم کے پیچھے یہی جذبہ کار فرما ہے۔ اس اسکیم کے تحت فیصلہ کیا گیا ہے کہ ملک کے اندر ہی تحقیق سے لے کر جانچ اور علاج تک ایک جدید حیاتیاتی نظام تیار کیا جائے گا۔ یہ اسکیم ہر گوشے میں ہماری صلاحیتوں میں اضافہ کرے گی۔
وزیراعظم نے کہا کہ 15 ویں مالیاتی کمیشن کی سفارشات کے مطابق مقامی اداروں کو طبی خدمات کے مد نظر 70000 کروڑ روپے سے زیادہ کی رقم فراہم کی جائے گی۔ اس کا مطلب یہ ہے کہ حکومت کا زور نہ صرف طبی نگہداشت کے شعبہ میں سرمایہ کاری پر ہے بلکہ اس کی کوشش ملک کے دور دراز علاقوں میں بھی لوگوں کی رسائی طبی نگہداشت کے مراکز تک پھیلانے کی ہے۔ انہوں نے زور دے کر کہا کہ اس بات کو یقینی بنایا جانا چاہئے کہ ان سرمایہ کاریوں سے نہ صرف صحت میں بہتری آئے بلکہ روز گار کے مواقع میں بھی اضافہ ہو۔
جناب نریندر مودی نے کہا کہ کورونا وبائی مرض کے دوران بھارت کے طبی شعبے نے جس قسم کے تجربہ اور صلاحیت کا اظہار کیا ہے ، اس سے دنیا اس شعبہ میں بھارت کی طاقت اور صلاحیت کی اب واضح طور پر تعریف کر رہی ہے۔ انہوں نے کہا کہ ملک کے صحت کے شعبے پر دنیا کے اعتماد میں کئی گنا اضافہ ہوا ہے اور اب ملک کو اس بات کو ذہن میں رکھتے ہوئے مستقبل کے لئے کام کرنا ہے۔
وزیراعظم نے کہا کہ دنیا میں ہندوستانی ڈاکٹروں، ہندوستانی نرسوں ، ہندوستانی پیرا میڈیکل اسٹاف، ہندوستانی دواؤں اور ہندوستانی ٹیکوں کی مانگ میں اضافہ ہو گا۔
انہوں نے کہا کہ دنیا کی توجہ یقینی طور پر ہندوستان کے طبی تعلیمی نظام کی جانب مائل ہوگی اور اب غیر ملکی طلباء کی بڑی تعداد میڈیسین کی تعلیم کے لئے بھارت کا رخ کرے گی۔
جناب مودی نے کہا کہ وبائی مرض کے دوران ہم نے جس طرح وینٹی لیٹر اور آلات تیار کئے، اس میں ہمیں تیزی لانی پڑے گی کیو نکہ ان کی بین الاقوامی مانگ میں کافی اضافہ ہو رہا ہے۔
انہوں نے شرکاء سے سوال کیا کہ کیا بھارت سستی قیمت پر دنیا کو تمام ضروری طبی آلات فراہم کرنے کا خواب دیکھ سکتا ہے؟ کیا ہم بھارت کو صارف دوست ٹیکنالوجی کے ساتھ سستے اور قابل استحکام طریقے سے عالمی سپلائر بنانے پر توجہ مرکوز کر سکتے ہیں؟
پچھلی حکومتوں کے بر خلاف ، وزیراعظم نے کہا کہ موجودہ حکومت صحت سے متعلق امور کو الگ الگ طریقے سے دیکھنے کے بجائے اس پر ایمانداری سے دھیان دے رہی ہے۔ اسی لئے فوکس صرف علاج پر نہیں بلکہ پوری تندرستی پر ہے۔
انہوں نے کہا کہ روک تھام سے علاج کا مربوط نظریہ اپنایا گیا ہے۔
انہوں نے کہا کہ بھارت کو صحت مند بنانے کے لئے حکومت چہار جہتی حکمت عملی پر کام کر رہی ہے۔
پہلا ہے ’’بیماری کی روک تھام اور تندرستی کا فروغ‘‘ ۔ سووچھ بھارت ابھیان ، یوگا ، حاملہ خواتین اوربچوں کی وقت پر دیکھ بھال اور علاج جیسے قدم اس کا حصہ ہیں۔
دوسرا ہے ’’ غریب سے غریب لوگوں کو سستا اور اثر دار علاج فراہم کرنا‘‘۔ آیوشمان بھارت اور پردھان منتری جن اوشدھی کیندر جیسی اسکیمیں اس سمت میں کام کر رہی ہیں۔
تیسرا ہے ’’صحت سے متعلق بنیادی ڈھانچے اور طبی نگہداشت سے وابستہ پیشہ وروں کی تعداد اور معیار میں اضافہ کرنا‘‘۔ گزشتہ 6 برسوں سے ایمس جیسے اداروں کی توسیع اور ملک بھر میں طبی کالجوں کی تعداد میں اضافے کے ذریعے یہ کام کیا جا رہا ہے۔
چوتھا ہے ’’رکاوٹوں کو دور کرنے کے لئے مشن موڈ میں کام کرنا‘‘۔ مشن اندر دھنش کو ملک کے قبائلی اور دور دراز کے علاقوں تک پھیلا یا گیا ہے۔ انہوں نے کہا کہ بھارت میں ٹی بی کو ختم کرنے کی مقررہ مدت میں پانچ سال کا اضافہ کرکے اسے 2025 تک کردیا ہے، حالانکہ دنیا کا ہدف 2030 تک ہے۔ وزیراعظم نے کہا کہ جو طریقے کورونا وائرس کو روکنے کے لئے اپنا ئے گئے تھے، ویسے ہی طریقے ٹی بی کو روکنے کے لئے بھی اپنائے جانے چاہئیں، کیونکہ یہ بیماری بھی متاثرہ شخص سے نکلنے والی بوندوں کے ذریعے پھیلتی ہے۔ ٹی بی کو روکنے کے لئے بھی ماسک پہننا اور وقت پر تشخیص اور علاج ضروری ہے۔
وزیراعظم نے کورونا کی مدت کے دوران آیوش کی کوششوں کی تعریف کی۔ انہوں نے کہا کہ آیوش کا بنیادی ڈھانچہ ملک میں قوت مدافعت اور سائنسی تحقیق میں اضافہ کرنے میں کافی مدد گار رہا ہے۔ انہوں نے کہا کہ دنیا صحت کی بہتری کے لئے کووڈ – 19 کو کنٹرول کرنے والے ٹیکے کے ساتھ ساتھ روایتی دواؤں اور مسالوں کے اثرات کا تجربہ کر رہی ہے۔ انہوں نے اعلان کیا کہ ڈبلیو ایچ او بھارت میں روایتی دواؤں کا عالمی مرکز قائم کرنے جا رہا ہے۔
وزیراعظم نے اس بات پر زور دیا کہ صحت کے شعبہ تک رسائی اور اس کی سستی قیمت کو اگلی سطح پر لے جانے تک بہترین موقع ہے۔ اس مقصد کو حاصل کرنے کے لئے انہوں نے اپیل کی کہ صحت کے شعبہ میں جدید ٹیکنالوجی کا زیادہ سے زیادہ استعمال کیا جائے۔ انہوں نے کہا کہ ڈیجیٹل ہیلتھ مشن عوام الناس کو ان کی سہولت کے مطابق بہتر علاج حاصل کرنے میں مدد گار ہوگا۔ انہوں نے کہا کہ یہ تبدیلیاں آتم نربھر بھارت کے لئے نہایت ضروری ہیں۔
جناب مودی نے کہا کہ بھارت، حالانکہ آج دنیا کی فارمیسی بن چکا ہے، لیکن یہ خام مال کے لئے اب بھی در آمدات پر منحصر ہے۔ انہوں نے کہا کہ اس قسم کا انحصار ہماری صنعت کے لئے بہتر ثابت نہیں ہوگا اور یہ غریبوں کو سستی دوائیں اور طبی سہولیا ت فراہم کرنے میں ایک بڑی رکاوٹ ہے۔
وزیراعظم نے اعلان کیا کہ خود انحصاری کے لئے حالیہ مرکزی بجٹ میں 4 اسکیمیں شروع کی گئی ہیں۔
اس کے تحت ملک میں دوائیں اور طبی آلات بنانے کے لئے پیداوار سے وابستہ رعایتیں دی گئی ہیں۔ اسی طرح دواؤں اور طبی آلات کے لئے بڑے پارک بنائے جارہے ہیں۔ انہوں نے کہا کہ ملک کو تندرستی کے مراکز ، ضلعی اسپتال ، سنگین مرکز کی حالت سے متعلق اکائیاں ، صحت کی نگرانی سے متعلق بنیادی ڈھانچے، جدید تجربہ گاہیں اور ٹیلی میڈیسین کی ضرورت ہے۔ انہوں نے زور دے کر کہا کہ ہر سطح پر کام کرنے اور ہر سطح کو فروغ دینے کی ضرورت ہے۔ انہوں نے کہا کہ ہمیں اس بات کو یقینی بنانا ہوگا کہ ملک کے عوام چاہے وہ غریب سے غریب ہوں، چاہے وہ دور دراز علاقوں میں رہ رہے ہوں، انہیں علاج کے جہاں تک ممکن ہو بہترین طریقے حاصل ہونے چاہئیں۔ انہوں نے کہا کہ اسے حاصل کرنے کے لئے مرکزی حکومت ، ریاستی حکومتوں اور ملک کے مقامی اداروں کو بہتر نتائج کے لئے مل کر کام کرنا ہوگا۔
وزیراعظم نے کہا کہ پرائیویٹ سیکٹر عوامی صحت کی تجربہ گاہوں کے ساتھ ساتھ پی ایم جے کا نیٹ ورک تیار کرنے میں پی پی پی ماڈل کی مدد کرسکتے ہیں۔ نیشنل ڈیجیٹل ہیلتھ مشن ، شہریوں کے ڈیجیٹل ہیلتھ ریکارڈ اور دیگر جدید ترین ٹیکنا لوجی میں بھی پارٹنر شپ ہوسکتی ہے۔
इस वर्ष के बजट में हेल्थ सेक्टर को जितना बजट आवंटित किया गया है, वो अभूतपूर्व है।
— PMO India (@PMOIndia) February 23, 2021
ये हर देशवासी को बेहतर स्वास्थ्य सुविधा देने की हमारी प्रतिबद्धता का प्रतीक है: PM @narendramodi
Medical equipment से लेकर medicines तक,
— PMO India (@PMOIndia) February 23, 2021
Ventilators से लेकर vaccines तक,
Scientific research से लेकर surveillance infrastructure तक,
Doctors से लेकर epidemiologist तक,
हमें सभी पर ध्यान देना है ताकि देश भविष्य में किसी भी स्वास्थ्य आपदा के लिए बेहतर तरीके से तैयार रहे: PM
कोरोना के दौरान भारत के हेल्थ सेक्टर ने जो मजबूती दिखाई है, अपने जिस अनुभव औऱ अपनी शक्ति का प्रदर्शन किया है, उसे दुनिया ने बहुत बारीकी से नोट किया है।
— PMO India (@PMOIndia) February 23, 2021
आज पूरे विश्व में भारत के हेल्थ सेक्टर की प्रतिष्ठा और भारत के हेल्थ सेक्टर पर भरोसा, नए स्तर पर है: PM @narendramodi
हमारी सरकार Health Issues को टुकड़ों के बजाय Holistic तरीके से देखती है।
— PMO India (@PMOIndia) February 23, 2021
इसलिए हमने देश में सिर्फ Treatment ही नहीं Wellness पर फोकस करना शुरु किया।
हमने Prevention से लेकर Cure तक एक Integrated अप्रोच अपनाई: PM @narendramodi
भारत को स्वस्थ रखने के लिए हम 4 मोर्चों पर एक साथ काम कर रहे हैं।
— PMO India (@PMOIndia) February 23, 2021
पहला मोर्चा है, बीमारियों को रोकने का यानि Prevention of illness और Promotion of Wellness: PM @narendramodi
दूसरा मोर्चा, गरीब से गरीब को सस्ता और प्रभावी इलाज देने का है।
— PMO India (@PMOIndia) February 23, 2021
आयुष्मान भारत योजना और प्रधानमंत्री जन औषधि केंद्र जैसी योजनाएं यही काम कर रही हैं।
तीसरा मोर्चा है, हेल्थ इंफ्रास्ट्रक्चर और हेल्थ केयर प्रोफेशनल्स की Quantity और Quality में बढ़ोतरी करना: PM @narendramodi
चौथा मोर्चा है, समस्याओं से पार पाने के लिए मिशन मोड पर काम करना।
— PMO India (@PMOIndia) February 23, 2021
मिशन इंद्रधनुष का विस्तार देश के आदिवासी और दूर-दराज के इलाकों तक किया गया है: PM @narendramodi
देश से टीबी को खत्म करने के लिए हमने वर्ष 2025 तक का लक्ष्य रखा है।
— PMO India (@PMOIndia) February 23, 2021
टीबी भी infected person के droplets से ही फैलती है।
टीबी की रोकथाम में भी मास्क पहनना, Early diagnosis और treatment, तीनों ही अहम हैं: PM @narendramodi
प्राइवेट सेक्टर, PMJAY में हिस्सेदारी के साथ-साथ public health laboratories का नेटवर्क बनाने में PPP मॉडल्स को भी सपोर्ट कर सकता है।
— PMO India (@PMOIndia) February 23, 2021
नेशनल डिजिटल हेल्थ मिशन, नागरिकों के डिजिटल हेल्थ रिकॉर्ड और दूसरी Cutting Edge Technology को लेकर भी साझेदारी हो सकती है: PM @narendramodi
