وزیر اعظم جناب نریندر مودی کی صدارت میں مرکزی کابینہ نے آج پردھان منتری فصل بیمہ یوجنا اور دوبارہ ترتیب شدہ موسمیاتی بنیاد پر فصل بیمہ اسکیم کو22- 2021سے26- 2025 تک 69,515.71 کروڑ روپے کے مجموعی اخراجات کے ساتھ 26-2025تک جاری رکھنے کی منظوری دی۔ اس فیصلے سے26- 2025تک ملک بھر کے کسانوں کے لیے ناقابلِ روک تھام قدرتی آفات سے فصلوں کے رِسک کوریج میں مدد ملے گی۔
اس کے علاوہ، اسکیم کے نفاذ کیلئے وسیع پیمانے پر ٹکنالوجی کی شمولیت کی جائے گی، جس کے نتیجے میں شفافیت میں اضافہ ہوگا اور دعوؤں کی تشخیص اور تصفیہ میں آسانی ہوگی، جس کے لیے مرکزی کابینہ نےاختراعات اور ٹیکنالوجی (ایف آئی اے ٹی) کے قیام کے لیے 824.77 کروڑ روپے کے فنڈکی بھی منظوری دی ہے۔
اس فنڈ کا استعمال اسکیم کے تحت تکنیکی اقدامات یعنی وائی ای ایس-ٹی ای سی ایچ، ڈبلیو آئی این ڈی ایس وغیرہ کے ساتھ ساتھ تحقیق و ترقی کے مطالعات کے لیے کیا جائے گا ۔
ٹیکنالوجی کا استعمال کرتے ہوئے پیداواری تخمینہ کا نظام (وائی ای ایس-ٹی ای سی ایچ) کم از کم 30فیصد وزن کے ساتھ پیداوار کے تخمینے کے لیے ریموٹ سینسنگ ٹیکنالوجی کا استعمال کرتا ہے ۔ 9 بڑی ریاستیں (یعنی اے پی ، آسام ، ہریانہ ، اتر پردیش ، ایم پی ، مہاراشٹر ، اڈیشہ ، تمل ناڈو اور کرناٹک) فی الحال اس کانفاذ کررہی ہیں۔دیگر ریاستوں کو بھی اِس میں تیزی سے شامل کیا جا رہا ہے ۔وائی ای ایس-ٹی ای سی ایچ کے وسیع تر نفاذ کے ساتھ ، فصل کاٹنے کے تجربات اور متعلقہ مسائل کو بتدریج ختم کیا جائے گا ۔وائی ای ایس-ٹی ای سی ایچ کے تحت24- 2023کے لئے دعووں کا حساب اور تصفیہ کیا جاچکا ہے۔ مدھیہ پردیش نے 100فیصد ٹیکنالوجی پر مبنی پیداوار کا تخمینہ اپنایا ہے ۔
ویدر انفارمیشن اینڈ نیٹ ورک ڈیٹا سسٹمز (ڈبلیو آئی این ڈی ایس) میں بلاک سطح پر آٹومیٹک ویدر اسٹیشن (اے ڈبلیو ایس) اور پنچایت سطح پر آٹومیٹک رین گیجز (اے آر جی) قائم کرنے کا تصور کیا گیا ہے ۔ ڈبلیو آئی این ڈی ایس کے تحت ہائپر لوکل ویدر ڈیٹا تیار کرنے کے لیے موجودہ نیٹ ورک کی کثافت میں 5 گنا اضافے کا تصور کیا گیا ہے ۔ اس پہل کے تحت ، صرف ڈیٹا رینٹل کے اخراجات مرکزی اور ریاستی حکومتوں کے ذریعے قابل ادائیگی ہیں ۔ 9 بڑی ریاستیں (یعنی کیرالہ ، اتر پردیش ، ہماچل پردیش پڈوچیری ، آسام ، اڈیشہ ، کرناٹک ، اتراکھنڈ اور راجستھان) ونڈز کو نافذ کرنے کے عمل میں ہیں جبکہ دیگر ریاستوں نے بھی اسے نافذ کرنے پر آمادگی ظاہر کی ہے ۔
سال 24-2023 (ای ایف سی کے مطابق پہلے سال) کے دوران ریاستوں کے ذریعہ ڈبلیو آئی این ڈی ایس کو مختلف پس منظر کی تیاری اور ٹینڈر سے پہلے درکار منصوبہ بندی کے کام کی وجہ سے نافذ نہیں کیا جا سکا ۔ اس کے مطابق ، مرکزی کابینہ نے پہلے24- 2023کے مقابلے میں ڈبلیو آئی این ڈی ایس کے نفاذ کے پہلے سال کے طور پر25- 2024کو منظوری دی ہے تاکہ 90:10 کے تناسب میں زیادہ مرکزی مالی معاونت کا اشتراک کرنے والی ریاستی حکومتوں کو فائدہ پہنچایا جاسکے ۔
شمال مشرقی ریاستوں کے تمام کسانوں کو ترجیحی بنیادوں پر مطمئن کرنے کے لیے تمام کوششیں کی گئی ہیں اور کی جاتی رہیں گی۔ اس کے لیے مرکز شمال مشرقی ریاستوں کے ساتھ پریمیم سبسڈی کا 90 فیصداشتراک کرتا ہے۔ حالانکہ یہ اسکیم اختیاری ہے اور شمالی مشرقی ریاستوں میں کاشت شدہ رقبہ کم ہے، اس لیے فنڈز کی واپسی سے بچنے اور دیگر ترقیاتی منصوبوں اور جہاں فنڈز کی ضرورت ہو اسکیموں میں فنڈز کی دوبارہ تقسیم کے لیے لچک دی گئی ہے ۔
