প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ঙসি অপুনবা লুপা করোর 69,515.71 গী শেনফম অমা কাইথোক্তুনা প্রধান মন্ত্রী ফাসাল বিমা য়োজনা(পি এম এফ বি ৱাই) অমসুং রিস্ত্রকচর ৱেদর বেজ ক্রোপ ইন্সুরেন্স স্কিম (আর দব্লিউ বি সি আই এস) 2021-22 দগী 2025-26 ফাওবা শাংদোকপগী অয়াবা পীখ্রে। ৱারেপ অসিনা 2025-26 ফাওবা লৈবাক শীনবা থুংবগী লৌমীশিং মাঙজৌননা ঙাকথোকপা ঙমদবা মহৌশাগী ওইবা অমাং-অতাশিংদগী মহৈ-মরোংশিং কনবদা মতেং পাংগনি।
থবক অসিগী মথক্ত, স্কিম অসি পায়খৎপদা তেক্নোলোজি পাক-শন্না শীজিন্নদুনা অরোন-অথুপ লৈতবা অমসুং ক্লেম খোৎপা অমসুং শেন ফংবগী থবকশিং হেনগৎহনগনি। লুপা করোর 824.77 গী কোর্পস অমগা লোয়ননা ফন্দ ফোর ইন্নোবেসন এন্দ তেক্নোলোজি (এফ আই এ তি) শেম্বদা কেন্দ্রগী মন্ত্রীমন্দলনা অয়াবা পীরে। ফন্দ অসি তেক্নোলোজিগী থবকশিং হায়বদি য়েস-তেক, ৱিন্দস অমসুং রিছার্স অমসুং দিবলপমেন্তগী থবকশিংদা শীজিন্নগনি।
তেক্নোলোজিদা য়ুম্ফম ওইদুনা চাথোকশিং পাবদা য়ামদ্রবদা চাদা 30 ৱেতেচ পীদুনা য়িল্দ ইস্তিমেসন সিস্তেম য়ুজিং তেক্নোলোজি (য়েস-তেক) না রিমোদ সেন্সিং তেক্নোলোজি শীজিন্নরি। হৌজিক অচৌবা রাজ্য ৯ হায়বদি অন্ধ্র প্রদেস, অসাম, হরিয়ানা, উত্তর প্রদেস, মধ্য প্রদেস, মহারাস্ত্রা, ওরিসা, তামিল নাদু অমসুং কর্নাতকাদা তেক্নোলোজি অসি শীজিন্নরে। অতোপ্পা রাজ্যশিংশু য়াংনা শীজিন্নবা হৌরে। য়েস-তেক তেক্নোলোজি শীজিন্নবদগী, মহৈ-মরোং শরুক খর খাওরগা য়েংবা অমসুং মরী লৈবা থবকশিং তপ্ন-তপ্না তোকখ্রগনি। 2023-24 গী ওইনা য়েস-তেক ক্লেম কালকুলেসন অমসুং সেত্তলমেন্ত পাংথোক্লে। মধ্য প্রদেসতা তেক্নোলোজিদা য়ুম্ফম ওইরগা চাথোক পাবগী থবক চাদা 100 শীজিন্নরেল
ৱেদর ইনফোর্মেসন এন্দ নেতৱার্ক দেতা সিস্তেম (ৱিন্দস) না ব্লোক্কী থাক্ত ওতোমেতেদ ৱেদর স্তেসনশিং (এ দব্লিউ এস) অমসুং পঞ্চায়তকী থাক্ত ওতোমেতেদ রেন গেজ (এ আর জি) থম্লে। ৱিন্দসগী মখাদা, হায়পর লোকেল ৱেদর দেতা শেমগৎনবা হৌজিক লৈরিবা নেতৱার্ক দেন্সিতি অসি শরুক মঙা হেনগৎহল্লে। থবক অসিগী মখাদা, কেন্দ্র অমসুং রাজ্য সরকারশিংনা দেতা রেন্তেলগী মমল খক্ত পুথোক্কনি। হৌজিক রাজ্য মাপন হায়বদি কেরলা, উত্তর প্রদেস, হিমাচল প্রদেস, পুদুচেরি, অসাম, ওরিসা, কর্নাতকা, উত্তরখন্দ অমসুং রাজস্থান্দা থবক ওইনা পায়খৎপা হৌরে অমসুং অতোপ্পা রাজ্যশিংশু পায়খৎনিংবগী অপাম্বা ফোঙদোক্লে।
তেন্দর তৌদ্রিঙৈ মমাংদা তোঙান-তোঙানবা থৌরাং কয়া লৈবনা মরম ওইদুনা 2023-24 মনুংদা রাজ্যশিংনা ৱিন্দস পায়খৎপা ঙমখিদবনি। মরম অদুনা, রাজ্য সরকারশিংদা রেসিও 90:10 দা কেন্দ্র সরকারগী ফন্দ য়াম্না পীনবা, 2023-24 গা চাংদম্নবদা 2024-25 অসি ৱিন্দস থবক ওইনা পায়খৎপগী অহানবা চহি ওইনা লৌবদা কেন্দ্রগী মন্ত্রীমন্দলনা অয়াবা পীরে।
অৱাং-নোংপোক রাজ্যশিংগী লৌমীশিংদা খুদোংচাবা অসি চাদা 100 ফংহন্নবা থবক খুদিংমক পায়খৎলে অমসুং থবক মখা চৎথগনি। মসিগীদমক, অৱাং-নোংপোক রাজ্যশিংদা কেন্দ্র সরকারনা প্রেমিয়ম সবসিদিগী চাদা 90 পীরে। অদুবু, স্কিম অসি মশানা য়ানা য়াওবা অমসুং অৱাং-নোংপোক রাজ্যশিংগী মহৈ-মরোং থাবা মফম য়ামদবা মরম্না, ফন্দশিং সরেন্দর তৌদনবা অমসুং দরকার ওইবা ফন্দশিং অতোপ্পা চাউখৎ-থৌরাংগী প্রোজেকশিং অমসুং স্কিমশিংদা শীজিন্নদনবা লমদম অসিগী ওইনা কোমথোক্লে।
