पंतप्रधान नरेंद्र मोदी यांनी आज मॉरिशसचे पंतप्रधान डॉ. नवीनचंद्र रामगुलाम यांच्याशी दूरध्वनीवरून संवाद साधला.
भारत आणि मॉरीशस यांच्यातील विशेष आणि अनोख्या संबंधांवर अधिक भर देत, या दोन देशांतील विस्तारित धोरणात्मक भागीदारी आणखी दृढ करण्याप्रती सामायिक कटिबद्धतेला दोन्ही नेत्यांनी दुजोरा दिला.
दोन्ही देशांमध्ये विकासात्मक भागीदारी, क्षमता निर्मिती, संरक्षण, सागरी सुरक्षा, डिजिटल पायाभूत सुविधा आणि लोकांचे परस्परसंबंध यांच्यासह विस्तृत श्रेणीतील क्षेत्रांमध्ये सध्या असलेल्या सहकार्याबाबत त्यांनी चर्चा केली.
11 व्या आंतरराष्ट्रीय योग दिनानिमित्त आयोजित कार्यक्रमात पंतप्रधान रामगुलाम मनापासून सहभागी झाल्याबद्दल पंतप्रधानांनी त्यांची प्रशंसा केली.
पंतप्रधान मोदी यांनी महासागर संकल्पना आणि भारताच्या शेजारी सर्वप्रथम या धोरणाला अनुसरून मॉरीशसच्या विकासविषयक प्राधान्यक्रमांप्रती भारताच्या भक्कम वचनबद्धतेचा पुनरुच्चार केला.
पंतप्रधान रामगुलाम यांना लवकरात लवकर भारत भेटीवर येण्याचे आमंत्रण पंतप्रधान मोदी यांनी दिले. दोन्ही नेत्यांनी एकमेकांच्या संपर्कात राहण्यावर सहमती दर्शवली.
Pleased to speak with my friend, Prime Minister Dr. Navinchandra Ramgoolam. We exchanged views on further strengthening India-Mauritius Enhanced Strategic Partnership and regional developments. Mauritius remains a key partner in India’s Vision MAHASAGAR and our Neighbourhood…
— Narendra Modi (@narendramodi) June 24, 2025
