QuoteLaunches various new initiatives under e-court project
QuotePays tributes to the victims of 26/11 terrorist attack
Quote“India is moving ahead with force and taking full pride in its diversity”
Quote“‘We the people’ in the Preamble is a call, an oath and a trust”
Quote“In the modern time, the Constitution has embraced all the cultural and moral emotions of the nation”
Quote“Identity of India as the mother of democracy needs to be further strengthened”
Quote“Azadi ka Amrit Kaal is ‘Kartavya Kaal’ for the nation”
Quote“Be it people or institutions, our responsibilities are our first priority”
Quote“Promote the prestige and reputation of India in the world as a team during G20 Presidency”
Quote“Spirit of our constitution is youth-centric”
Quote“We should talk more about the contribution of the women members of the Constituent Assembly”

ভারতকী চীফ জস্তিস দি. ৱাই. চন্দ্রচুর জী, কেন্দ্রগী আইন মন্ত্রী শ্রী কিরন জী, জস্তিস শ্রী সঞ্জয় কিসন কৌল জী, জস্তিস শ্রী এস. অব্দুল নজীর জী, আইনগী রাজ্য মন্ত্রী শ্রী এস.পি. সিংহ বঘেল জী, এতোর্নী জেনেরেল আর. ভেঙ্কতরমনি জী, সুপ্রীম কোর্ত বার এসোসিএসনকী প্রেসিদেন্ত শ্রী বিকাস সিংহ জী, মফমসিদা তিনবিরিবা জস্তিসশিং, ইকায় খুম্নবদা মতিক চারবা মীথুংশিং, ইবেম্ম অমদি ইবুংঙোশিং, খুরুমজরি!

|

ময়াম পুম্নমকপু অমদি লৈবাক মীয়াম পুম্নমকপু সংবিধান নুমিৎকী থম্মোয়নুংদগী য়াইফ-পাউজেল পীজরি‍! ১৯৪৯গী ঙসিগী নুমিৎসিদা, মনীং তম্বা ভারতনা মশাগী ওইবা অনৌবা তুংলমচৎ অমগীদমক খোঙফম শেমখিবনি‍। হন্দক্কী সংবিধান নুমিৎ অসি ভারতনা মাগী নীংতম্বগী চহি ৭৫ মপুং ফারকপা মতম তাবনা, ঐখোয় পুম্নমক্না অমৃৎ মহোৎসব পাঙথোক্লিবা মতম ওইবনা মরু ওই‍।

ঐনা অনৌবা ভারতকী মঙলান মঙবিরম্বা বাবা সাহেব অম্বেদকর য়াওনা সংবিধান সভাগী লুপ্লোয় পুম্নমকপু, সংবিধান পুথোক্লমবা পুম্নমকপু ইকায়খুম্নবগা লোয়ননা ইকোক নোঞ্জরি‍। হৌখিবা দিকেত তরেৎসিদা সংবিধান চাওখৎহন্নবা অমদি পাক শন্না খঙহন্নবগী খোঙচৎসিদা লেজিসলেচর, জুদিসিয়রী অমদি একজেক্যুতিবকী য়াম্লবা মীওইশিংগী থৌদাংসু য়াওরি‍। ঐনা তাঞ্জা অসি লৌদুনা লৈবাক্কী অমদি মখোয় পুম্নমক্কীম ফমদা তৌবিমল খঙবা উৎচরি‍।

|

মরূপশিং,

ঙসি অসি ২৬/১১ মুম্বাই তেরর এতেক চত্থখিবা নুমিৎসু তারি‍। চহি ১৪গী মমাঙদা, ভারতনা মাগী সংবিধান অমদি লৈবাক মীয়ামগী মঙমশিংগী থৌরম পাঙথোক্লিবা মতম্নি, নুমিৎ অদুদা মীওইবা খুন্নাইগী য়েক্নবশিংনা ভারত্তা খ্বাইদগী চাউবা তেরোরিস্ত এতেক চত্থখি‍। মুম্বাই তেরর এতেক্তা লৈখিদ্রবশিং, মখোয়গী মফমদা ঐনা শ্রদ্ধাঞ্জলি কৎচরি‍।

মরূপশিং,

ঙসিগী মালেমগী ওইরক্লিবা ফীভমসিদা, মালেম পুম্বগী মীৎয়েঙ ভারত্তা থম্লক্লি‍। ভারতনা খোঙজেল য়াঙনা চাওখৎলকপা, ভারতকী খোঙজেল য়াঙনা ফগৎলক্লিবা শেন্মিৎলোন অমদি মালেমদা মপাঙ্গল কনখৎলক্লিবা ভারতকী শক্তম কয়াগী মরক্তা, মালেম অসিনা ঐখোয়দা থাজবা কয়াগা লোয়ননা মীৎয়েঙ থম্লি‍। মশাগী নীংতম্ববু ঙাক্তুনা থম্বা ঙম্লোই হায়না চিংনবা ফোঙদোক্নরম্বা, মচেৎ মচেৎ তানা কায়খিগনি হায়না হায়নরম্বা অদুগুম্বা লৈবাক অসিনা ঙসি লিংজেল মান্ননা, মশাগী মতিক মঙালদা চাউথোকচবা ফাওদুনা লৈবাকসিনা মাঙদা চঙশিল্লি‍। অদুগা মসি পুম্নমক্কী মরুমদা লৈরিবা ঐখোয়গী খ্বাইদগী চাউবা থৌনাদি ঐখোয়গী সংবিধান অসিনি‍।

|

ঐখোয়গী সংবিধানগী প্রিএম্বল হৌরকপদা ‘ৱী দ পীপল’ হায়না ইরিবা অসি, চুম্নগী ৱাহৈ অহুম খক্তা নত্তে‍। ‘ৱী দ পীপল’ হায়রিবা অসি খোল্লাউ অমনি, ৱাশক অমনি, থাজবা অমনি‍। সংবিধান্দা ইরিবা ৱাখল্লোন অসি, মালেমা মীয়ামগী লৈঙাক্কী মমা ওইরিবা ভারতকী মমল ৱাংলবা ৱাখল্লোন অদুনি‍। ৱাখল্লোন অসিনা ঐখোয়না বৈশালীগী মীয়ামগী লৈঙাক্তসু উরি, বেদকী ৱারোলশিংদসু উরি‍।

মহাভারত্তসু হায়বিরম্মী –

লোক-রঞ্জনম এৱ অত্র, রান্ঝা ধর্ম: সনাতন:‍।

সত্যস্য রক্সনম চৈব, ব্যবহারস্য চার্জৱম‍।‍।

ৱাহন্থোক্তি, মীয়ামবু, হায়বদি লৈবাম মীয়ামবু নুংঙাইনা থম্বা, অচুম্বগীদমক লেপ্পা অমদি অচম্বা চৎন-লোনচৎ, মসি লৈবাক অমগী মওং মতৌদা য়াওগদবনি‍। মতমসিগী ফীভমসিদা হায়রবদা ভারতকী সংবিধান্না লৈবাক্কী অসিগুম্বা নাৎ অমদি চৎনবগী ৱাখল্লোনশিং ফোঙদোক্লি‍।

ঙসি লৈবাক অসিনা মাদর ওফ দিমোক্রেসীগী শক্লোন্দা মশাগী অরিবা চৎন-লোনচৎপু, অমদি সংবিধানগী ৱাখল্লোনবু লেপ্পা লৈতনা মপাঙ্গল কনখৎহল্লিবসিদা ঐ নুংঙাইবা ফাওই‍। মীয়ামগী য়াইফনবা খুজিল থৌরাংগী মতেংনা ঙসি লৈবাকসিবু, লৈবাকসিগী লায়রবশিংবু, লৈবাকসিগী ইমা ইচে ইচলশিংবু মপাঙ্গল কনখৎহল্লি‍। মীচম মীয়ামগীদমক ঙসি কাঙলোনশিং লায়থোহল্লি‍। মতম চানা ৱায়েল ফংহন্নবগীদমক ঐখোয়গী জুদিসিয়রীসু লেপ্পা লৈতনা অচেৎপা খোঙথাঙ কয়া লৌখৎলি‍। ঙসি সুপ্রীম কোর্তকী খুত্থাঙদা পায়খৎলিবা ই-ইনিসিএতিবশিং হৌদোক্নবগী খুদোংচাবা ঐনা ফংলি‍। হৌদোক্লিবশিং অসিগীদমক, অমদি ‘ইজ ওফ জস্তিস’কীদমক হোৎনরিবশিং অসিগীদমক ময়াম পুম্নমক্কী মফমদা থাগৎপা ফোঙদোকচরি‍।

|

মরূপশিং,

হন্দক্কী ওগস্ত ১৫দা লাল কিলাদগী ঐনা থৌদাংগী মরমদা ৱাফম কয়া ফোঙদোকখি‍। ৱাফমশিংদু ঐখোয়গী সংবিধানগী ৱাখল্লোনগী ৱাফমশিংনি‍। মহাত্মা গান্ধীনা হায়বিরম্মি মদুদি – ‘ঐখোয়গী মঙমদি ঐখোয়না পুকচেল শেংনা, লিংজেল মান্ননা অমদি কত্থোকপগা লোয়ননা তৌরিবা থৌদাং অদুবুনি‍’। ঙসি অমৃৎ কালসিদা, ঐখোয়না নীংতম্বগী চহি ৭৫ মপুং ফাদুনা লাক্কদৌরিবা চহি ২৫গী খোঙচৎ হৌরিবা অসিদা, সংবিধানগী লাইৱা অসিনা লৈবাক্কী ফিদম অমা ওইরি‍।

নীংতম্বগী অমৃৎকাল অসি লৈবাক্কী থৌদাংগী মতম্নি‍। মী নৎত্রগা লূপ ওইরবসু, ঐখোয়গী থৌদাংদা ঙসি ঐখোয়না অহানবা মীৎয়েঙ থমগদবনি‍। ঐখোয়গী থৌদাংগী লম্বীদা চৎপনা ঐখোয়না লৈবাক অসিবু চাওখৎপগী অনৌবা পন্দোল লোম্বা ঙমহনগদৌরিবনি‍। ঙসি ভারতকী মাঙদা অনৌবা খুদোংচাবা কয়া তাদুনা লৈরে, ভারতনা শিংনবা খুদিংবু লান্থোক্তুনা মাঙদা চঙশিল্লি‍।

চয়োল অমগী মতুংদা ভারতনা জি-২০গী প্রেসিদেন্সী ফংগদৌরি‍। মসি অচৌবা তাঞ্জা অমনি‍। ঐখোয় পুম্নমক্না তীম ইন্দিয়াগী শক্লোন লৌদুনা মালেমদা ভারতকী শক্তম হেনগৎহন্নবা, ভারতনা কত্থোকখিবশিং মালেম পুম্বগী মাঙদা পুদুনা চৎপা হায়বসিসু ঐখোয় পুম্নমক্কী তঙায় ফদ্রবা থৌদাংনি‍। ভারতপু মাদর ওফ দিমোক্রেসী হায়না খঙনরিবা অসিবু ঐখোয়না হেন্না খোঙফম চেৎশিলহনগদবনি‍।

মরূপশিং,

ঐখোয়গী সংবিধানগী, ঙসিগী ভারতকী নহাশিংদা হেন্না চুশিন্নবা, অতোপ্পা অখন্নবা মশক অমসু লৈরি‍। ঐখোয়গী সংবিধান লেংবিরম্বশিংনা ঐখোয়দা ওপন ওইবা, তুংলমচৎকা চুনবা, অমদি ঐখোয়গী মতমসিগী ওইবা মীৎয়েঙবু ফোঙদোক্লিবা অদুগুম্বা সংবিধান অমা পীবিরম্মী‍। মরম অসিনা, পুন্না য়েংবদা ঐখোয়গী সংবিধানগী ৱাখল্লোন অসি নহাশিংদা য়ুম্ফম ওইবনি‍। ঙসি শান্ন-খোৎনবা নৎত্রগা স্তার্তঅপশিং, ইনফোর্মেসন তেক্নোলোজী নৎত্রগা দিজিতেল পেমেন্ত ওইরবসু, ভারত চাওখৎহন্নবগী থৌরাং খুদিংদা নহাশিংগী থৌনান হিমায় চুম্লি‍। ঐখোয়গী সংবিধান অমদি ইন্সতিত্যুসনশিংগী তুংলমচৎকী থৌদাংসু ঐখোয়গী নহাশিংগী লেঙবান্দা থোঙ্গত্তুনা লৈরি‍।

|

মরম অসিনা, ঙসি সংবিধান নুমিৎ অসিদা লৈঙাক্কী শিল্লি লাঙলিবশিং অমদি লৈবাক্কী ৱায়েল চুপ্লি পায়রিবশিংগী মফমদা ৱাফম অমা থমজনিংই‍। ঙসি নহাশিংনা সংবিধান খঙবা হেনগৎহন্নবা মখোয়বু সংবিধানগা মরী লৈনবা হীরমশিংদা য়েৎনবা অমদি খন্ন-নৈনবগী শরুক ওইহনবা মথৌ তাই‍। ঐখোয়গী সংবিধান শেমবা মতমদা, লৈবাকসিদা করি করি ফীভম লৈরম্বগে, সংবিধান সভাগী খন্ন-নৈনবদা মতমদুদা করি করি থোকখিবগে হায়বশিং অসিগী মরমদা ঐখোয়না নহাশিংনা খঙফম থোকই‍। মসিনা মখোয়দা সংবিধানগী মরমদা পুক্নিং চঙবা হেনগৎহনগনি‍। মসিনা নহাশিংদা থোং মান্নবা অমদি মপাঙ্গল কলহনবা অসিনচিংবা হীরমশিংবু খঙনবগী মীৎয়াঙ পোক্লক্কনি‍।

খুদম ওইনা, ঐখোয়গী সংবিধান সভাদা নুপী লুপ্লোয় ১৫ য়াওরম্মী‍। ময়ামদুগী মরক্তা, লৈত-লায়রগী পুন্সিদগী থোরক্তুনা মফমদু য়ৌরকখিবা ‘দক্সায়িনী বেলায়ুধন’ অমসু য়াওরম্মী‍। মহাক্না দলিতশিং, শিন্মীশিংগা মরী লৈনবা হীরম কয়াদা মরুওইবা ৱাফম কয়া পুখৎখি‍। দুর্গাবাই দেশমুখ, হন্সা মেহতা, রাজকুমারী অমৃকৌর, অসিনচিংবা নুপী লূপ্লোয় কয়ানসু নুপীশিংগী মরী লৈনবা হীরম কয়াদা মরুওইবা থৌদাং য়াখি‍। মখোয়গী থৌদাং থাগৎপগী লোইবা নাইরোই‍।

|

ঐখোয়গী নহাশিংনা মখোয়গী মরমদা খঙলকপা মতমদা, মখোয়গী ৱাহংশিংগী পাউখুমসু ফংগনি‍। মসিনা সংবিধান্দা থাজবা পোকহল্লকপা অসিনা, ঐখোয়গী মীয়ামগী লৈঙাকপু, ঐখোয়গী সংবিধানবু অমদি লৈবাক্কী তুংলমচৎপু হেন্না মপাঙ্গল কনখৎহনগনি‍। নীংতম্বগী অমৃৎকাল অসিদা, মসিসু লৈবাকসিগী মরুওইবা মথৌ তাবা অমনি‍। সংবিধান নুমিৎ অসিনা মায়কৈ অসিদা লৈরিবা ঐখোয়গী খোঙফমশিংদা অহেনবা থৌনা হাপকনি হায়না ঐনা থাজৈ‍।

থাজবা অসিগা লোয়ননা, ময়াম পুম্নমকপু হন্না হন্না থাগৎচরি‍!

  • दिग्विजय सिंह राना September 20, 2024

    हर हर महादेव
  • JBL SRIVASTAVA May 30, 2024

    मोदी जी 400 पार
  • Vaishali Tangsale February 13, 2024

    🙏🏻🙏🏻
  • ज्योती चंद्रकांत मारकडे February 12, 2024

    जय हो
  • Babla sengupta December 24, 2023

    Babla sengupta
  • Gaurav Seth December 05, 2022

    kanpur ma
  • Saurabh Chaurasia December 03, 2022

    हर हर महादेव
  • Mohit Pandey November 30, 2022

    Good Afternoon Honourable Prime Minister Sir, It was 3-4 years back in one of your speech you've Said 'Kuch Likhte Wikhte hain' and laughed On that Speech then I started writing skills, ideas, and Connected dots from every sector how to make india 5 Trillion Economy till 2022 and unfortunately I throwed that notebook with taped in silver adhesive tape and droped in Guptar Ghat Kanpur dustbin 3 years back and now this time I've prepared 5 Trillion Economy alone means 5 Trillion Total 8-9+ Trillion in my notebook (Memory card') for next 3-4 years (indian economy) but there is no proper mechanism or channel whom I can handover and it goes in right hand either Finance Minister or to your Administrative team in kanpur and trying it from last 6 Months here but can't write too much cause it's risky if any spam caught this So now this time I wanted to burn the 'Magic Memory card' ( Best possible ways to generate economy) or will be dropped wherever you tell by car number or proper mechanism please consider into this matter it's urgent and very important for our economy and growth. Please send anyone to collect this Magic Memory card. Thank you, Modi JI 🙏, 🇮🇳 Jai Hind.
  • T RAJA M A M L November 30, 2022

    pm modiji addressed in supreme court during constitutional day functions. Cristal clearly pion out that we the people's of india solemnly trust have faith and should follow the indian constitution. is real a genius leaderships addressed.
  • Samarendra Sarkar November 29, 2022

    🙏🙏
Explore More
২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল

Popular Speeches

২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
Apple’s biggest manufacturing partner Foxconn expands India operations: 25 million iPhones, 30,000 dormitories and …

Media Coverage

Apple’s biggest manufacturing partner Foxconn expands India operations: 25 million iPhones, 30,000 dormitories and …
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 23 মে, 2025
May 23, 2025

Citizens Appreciate India’s Economic Boom: PM Modi’s Leadership Fuels Exports, Jobs, and Regional Prosperity