খুরুমজরি! খুলুমবাই!
মা খোবোর? মাঘ দোমাশীর হুভেচ্ছা আরু মরোম জোনাইসু।
আসামগী রাজ্যপাল লক্ষ্মন প্রসাদ আচার্য়জী, মুখ্য মন্ত্রী হিমন্তা বিস্ব সরমাজী, কেন্দ্রগী ঐহাক্কী মরুপশিং সরবানন্দ সোনোৱালজী, পবিত্রা মার্গেরিতাজী, আসাম লেজিস্লেতিব এসেমব্লীগী স্পিকর বিস্বজিৎ দাইমারীজী, বোদোলন্দ তেরিতোরিয়ল কাউন্সিলগী চীফ একজিক্যুতিব মেম্বর হাগ্রামা মোহিলারীজী, রাজ্য সরকারগী মন্ত্রীশিং, লৈবাক অসিগী মশক নাইরবা নাগরিকশিং অমসুং আসামগী ঐহাক্কী ইচিল-ইনাওশিং।
মসি ঐহাক্কী নুংঙাইবা অমনি মদুদি ঐহাক্না অসামগী কলচর অমসুং বোদোগী চৎনবীশিং অসি হকথেংননা য়েংবগী খুদোংচাবা ফংলি। প্রধান মন্ত্রী ওইনা, ঐহাক্না অসামদা চৎলিবা অসুম্না মমাংদা প্রধান মন্ত্রী অমত্তা লাকখিদ্রি। অসামগী কলা অমসুং নাৎদা অচৌবা থাক অমা পীনবা ঐহাক্না মতম পুম্নমক্তা পাম্মি। অচৌবা থৌরমশিংগী খুত্থাংদা লৈবাক অসিদা অমসুং মালেমদা মসিগী মশক মওং অসি শক্তাক্কদবনি। মসিগীদমক্তা মমাংদসু লেপ্পা লৈতনা হোৎনদুনা লাক্লি। বিহুগা মরী লৈনবা অচৌবা থৌরম ওইগেরা, ঝুমের বিনোদিনীগী এক্সপ্রেসন ওইগেরা, চহি অমগা থা অহুমগী মমাংদা দিল্লীদা পাংথোকখিবা গ্রান্দ বোদোলেন্দ ফেস্তিবেল ওইগেরা, নৎত্রগা অতোপ্পা কলচরেল প্রোগ্রাম ওইগেরা, ঐহাক্না অসামগী কলা অমসুং নাৎদা য়াওরিবা ফজবা অসি য়েংনবগী খুদোংচাবা অমত্তা মাংহন্দে। ঙসি অমুক হন্না, বাগুরুম্বাগী থৌরম অসি পাংথোক্লগনি। থৌরম অসি বোদো মশক মওং-মতৌগী অহিংবা কুমহৈ অমনি। মসি বোদো খুন্নাই অমসুং অসামগী হেরিতেজকী ইকাই খুম্নবা অমনি। থৌরম অসিগা মরী লৈনবা মীওই পুম্নমকপু, অমসুং মরুওইনা আর্তিস্ত পুম্নমকপু ঐহাক্না য়াইফ-পাউজেল পীজরি অমসুং নুংঙাইবা ফোংদোকচরি।
মরুপশিং,
বাগুরুম্বা দহৌ অসি কুমহৈ অমা খক্তা নত্তে। মসি ঐখোয়গী চাউরবা বোদো ত্রেদিসনবু ইকায় খুম্নবা, বোদো খুন্নাইগী শক্নাইরবা মীওইশিংবু নীংশিংনবা মেদিয়ম অমনি। বোদোফা উপেন্দ্রনাথ ব্রহ্মা, গুরুদেব কালিচরন ব্রহ্মা, রুপনাথ ব্রহ্মা, সতীশ চন্দ্র বসুমতারী, মোরাদাম ব্রহ্মা, কঙ্কেশ্বর নরজারী, অসিগুম্বা অচৌবা শক্নাইরবশিং অসি খুন্নাইগী রিফোর্ম, কলচরেল রিনাইসেন্স অমসুং রাজনিতীগী ওইবা ৱাখল্লোনবু মপাঙ্গল কনখৎহনখি। থৌরম অসিদা, ঐহাক্না বোদো খুন্নাইগী শক্নাইরবা মীওই পুম্নমক্তা ইকায় খুম্নবা উৎচরি।
মরুপশিং,
বিজেপিনা অসামগী চৎনবীবু ভারত পুম্বগী চাউথোকচবনি হায়না লৌই। ভারতকী পুৱারী অসি অসামগী মমাংঙৈগী মতমদগী, অসামগী পুৱারীদগী খক্তনা মপুং ফাহল্লি। অমসুং মসিনা মরম ওইদুনা, বিজেপি সরকার অসিদা, বাগুরুম্বা দাহৌগুম্বা অচৌবা কুমহৈশিং পাংথোক্লি, বিহুবু নেস্নেল আইদেন্টিটি পীরি, ঐখোয়গী হোৎনবশিংগী খুত্থাংদা চারাইদেও মোইদামবু য়ুনেস্কোগী ৱার্ল্দ হেরিতেজ লিস্ততা মফম অমা ফংহল্লি, অমসুং অসামীজ লোলবু ক্লাসিকেল লোলগী থাক পীরি।
ইচিল-ইনাওশিং,
ঐখোয়না বোদো লোলবু অসামগী এসোসিএৎ ওফিসিএল লোলগী থাকসু পীখ্রে। ঐখোয়না বোদো লোলদা এজুকেসন মপাঙ্গল কনখৎহন্নবা তোঙানবা দাইরেক্তোরেত অমসু লিংখৎলে। ঐখোয়গী অচেৎপা ৱাফম অসিনা মরম ওইদুনা, বাথৌ ধর্ম্ম অসি মপুং ফানা ইকাই খুম্নবা ফংলে, অমসুং বাথৌ পুজাদা স্তেত হোলী দে অমা লাওথোকখ্রে। নাকল অমরোমদা, লান্মী লচিত বোর্ফুকনগী মীতম অমা শঙ্গাবা অমসুং অমরোমদা, বোদোফা উপেন্দ্রনাথ ব্রহ্মাগী মীতম অমা মাইখুম হাংখিবা অসি বিজেপিগী সরকার খক্তনি। অসিগুম্বা মওংদা, শ্রীমন্ত শঙ্করদেবকী ভক্তিগী চৎনবী অমসুং খুন্নাইগী ওইবা অপুনবগী মরী, জ্যোতি প্রসাদ আগরৱালা জীগী কলা অমসুং চেতনা অসিগা লোয়ননা বিজেপি সরকারনা অসমগী হেরিতেজ খুদিংমক্কী অমসুং চাউথোকচবা খুদিংমক্কী ইকাই খুম্নবা অসি মসিগী অফবা খুদোংচাবা অমনি হায়না লৌই। থৌদোক্না, ঙসি অসি জ্যোতি প্রসাদ আগরৱালা জীগী মপোক কুমওনসু ওইরি। ঐহাক্না মহাকপু ইকায় খুম্নবা উৎচরি।
মরুপশিং,
ঙসি ঐহাক মফম অসিদা লাকপদা, ঐহাক্কী ৱাখলদা কয়া অমা থোক্লি! ঐগী অসাম অসি খোংজেল য়াংনা চংশিল্লি হায়না খনবদা ঐহাকসু পুক্নিং নুংঙাইবা ফাওই। নুমিৎ খুদিংগী ঈ থাদোকপা মতম অমা, ঙসিদি কলচরগী অঙকপা মচুশিংনা মফম অসিদা লৈতেংলি! মতম অমদা নোংমৈ মরুগী মখোল তারম্বা, ঙসিদি খাম অমসুং সিফুংগী নুংশিরবা ঈশৈনা থল্লরে। মমাংদা কর্ফিয়ু লৈরম্বা মফম অদুদা ঙসিদি ঈশৈ ময়েকশিং শন্দোরক্লি। মমাংদা তংদু লৈতাদবা অমসুং অৱা-অনা লৈরম্বা মফম অসিদা, ঙসিদি বাগুরুম্বাগী অসিগুম্লবা পুক্নিং চিংশিন্নিংঙাই ওইবা পার্ফোমেন্স অমা পাংথোক্লগনি। অসিগুম্বা অচৌবা থৌরম অসি অসামগী খক্তগী নত্তে। মসিগী এচিবমেন্ত অসি ভারত পুম্বগীনি। অসামগী অহোংবা অসিদা লৈবাক অসিগী মীওই খুদিংমক চাউথোকচরি।
মরুপশিং,
মসিগীদমক ঐহাক্কী অসামীজ মীয়াম, ঐহাক্কী বোদো ইচিল-ইনাওশিং অমসুং ইচিল-ইনাওশিংনা ঐঙোন্দা থাজবা থম্লিবা অসিদা ঐহাক্না নুংঙাইবা ফাওই। শান্তি অমসুং চাউখৎ-থৌরাংগী থৌদাং অসি অদোম্না দবল ইঞ্জিন লৈঙাক অসিদা পীখিবা অদু, অদোমগী য়াইফ-পাউজেলগা লোইননা ঐখোয়না মদু মপুং ফাহনখ্রে। ২০২০গী বোদো পিস এগ্রীমেন্তনা চহি কয়াদগী চত্থরক্লিবা হিংসা অদু লেপহনখি। মসিগী য়ানা ৱারোল অসিগী মতুংদা, থাজবা অমুক হন্না লৈরকখি অমসুং নহা লিশিং কয়ানা হিংসাগী লম্বী অসি থাদোকখি অমসুং মেনস্ত্রিমদা চংখি। এগ্রীমেন্ত অদুগী মতুংদা বোদো লমদমদা এজুকেসন অমসুং দিবেলপমেন্তকী অনৌবা খুদোংচাবশিং লৈরকখি। শান্তি অসি লো অমসুং ওর্দর খক্তদা ওইদে, অদুবু নুমিৎ খুদিংগী পুন্সিগী শরুক অমা ওইরকখি, অমসুং মসিদা অদোমগী হোৎনরিবা অদুনা খ্বাইদগী চাউবা থৌদাং লৌখি।
মরুপশিং,
অসামগী শান্তি, অসামগী চাউখৎ-থৌরাং অমসুং অসামগী চাউথোকচাবগী ময়োল্লমদা করিগুম্বা মীওই অমা লৈরবদি, মসি অসামগী নহাশিংনি। অসামগী নহারোলশিংনা শান্তি পুরক্নবা খল্লবা লম্বী অসি ঐহাক্না অমসুং ঐখোয় পুম্নমক্না মঙাল লৈবা তুংলমচৎ অমগী মায়কৈদা পুখৎকদবনি। শান্তিগী য়ানা ৱারোল অদুগী মতুংদা, ঐখোয়গী সরকারনা বোদোলেন্দ চাউখৎহন্নবা লেপ্পা লৈতনা থবক তৌরি। সরকারনা রিহেবিলিতেসনগী প্রোসেস অসি খোংজেল য়াংনা মাংলোমদা চংশিল্লি। নহা লিশিং কয়াদা লুপা করোর কয়াগী শেল-থুমগী তেংবাং পীখি।
মরুপশিং,
বিজেপি সরকারনা হোৎনখিবশিংগী মহৈ ঙসি ঐখোয় পুম্নমক্কী মমাংদা লৈরে। ঐগী হৈশিংবা বোদো নহারোলশিং অসি ঙসি আসামগী কলচরেল এম্বেসেদরশিং ওইরক্লি। শান্ন-খোৎনবগী লমদসু বোদো খুন্নাইগী ইচানুপীশিংনা শক্নাইরবশিংবু থাগৎলি। ঙসি, অনৌবা থাজবগা লোইননা, মখোয়না অনৌবা মঙলানশিং উবা ফংলে, মখোয়গী মঙলানশিং মপুং ফাহল্লক্লি, অমসুং অসামগী চাউখৎ থৌরাংসু খোঙজেল য়াংখৎহল্লে।
মরুপশিং,
ঐখোয়না আসামগী কলা, চৎনবী অমসুং মশক মওংবু ইকাই খুম্নবা উৎলি, মীওই খরদি নুংঙাইতবা ফাওরি। অদোম পুম্নমক্না খঙলিবদি করম্বা পার্তীগী মীওইশিংনা অসামগী ইকায়খুম্নবা পামদে হায়বসিনি। পাউখুম অসি অমখক্তনি - কংগ্রেস পার্তী! ভুপেন হাজরিকা জীদা ভারত রত্ন পীনবা য়াদবা পার্তী অদু করি পার্তীনো? কংগ্রেস পার্তী! অসামদা সেমিকন্দক্তর য়ুনিৎ অসি করম্বা পার্তীনা য়ানিংদবা ফোঙদোকখিবগে? কংগ্রেসকী নেস্নেল প্রসিদেন্তকী মচানুপীসু ওইরিবা কংগ্রেসকী কর্নাতকা সরকারগী মন্ত্রীনি। মহাক্না সেমিকন্দক্তর য়ুনিৎ অসি অসামদা করিগীদমক লিংখৎলিবনো হায়বগী মায়োক্তা লৈখি।
মরুপশিং,
ঙসিসু ঐহাক্না অসামগী চৎনবীগা মরী লৈনবা পোৎশক অমা হেক্তা য়ানবদা, গামোসা, গামোসা অসি ঐহাক্কা লোয়ননা লৈরবদি, করি পার্তী অমনা অসামবু নোক্নবগে? কংগ্রেসকী পার্তী।
ইচিল-ইনাওশিং,
আসাম অমসুং বোদোলন্দগী লমদম অসি চহি কয়াগী মমাংদগী মেনস্ত্রিমদগী ককথৎখি। মসিগীদমক কংগ্রেস খক্তনা মরাল লৈরি। কংগ্রেসনা অসামদা মখোয়গী রাজনিতীগী কান্নবা ফংনবগীদমক অৱা-অনা থোকহনখি, কংগ্রেসনা অসামবু হিংসাগী মৈদা ইশনখি; নীংতম্লবা মতুংদা, অসামদা মসিগী শিংনবশিং অসিসু লৈখি! অদুবু কংগ্রেসনা করি তৌখি? হায়রিবা প্রোব্লেমশিং অসিগী সোলুসন পুথোকপগী মহুত্তা, কংগ্রেসনা মখোয়গী পোলিতিকেল কান্নবা লৌখি। থাজবা মথৌ তাই অদুবু কংগ্রেসনা য়েৎনববু হেনগৎহনখি। ৱারী শানবগী তঙাইফদবা লৈরম্মি, অদুবু কংগ্রেসনা ৱারী শানবগী লম্বী থিংখি! মরুওইনা, বোদোলেন্দগী লমদমগী, বোদোলেন্দগী মীয়ামগী খোঞ্জেল অসি তাখিদে। মীয়ামগী অশোক-অপনশিং ফহনবা তঙাইফদবা লৈরকপা মতমদা, অসামগী মীয়ামগী সেবা তৌবগী তঙাইফদবা লৈরকপা মতমদা, কংগ্রেসনা ইনফিলত্রেতরশিংগীদমক অসামগী থোঙ হাংদুনা মখোয়বু তরাম্না ওকপদা থৱায় য়াওখি।
মরুপশিং,
কংগ্রেসনা অসামগী মীয়াম্বু মখোয়গীনি হায়না লৌদে। কংগ্রেসকী মীওইশিংনা মপান লমগী ইনফিলত্রেতরশিংবু হেন্না পাম্মি। মরমদি মখোয় অসি মফমসিদা লাকই অমসুং কংগ্রেসকী অচেৎপা ভোতবেঙ্ক ওইরকই। মরম অসিনা কংগ্রেসকী লৈঙাক্কী মতমদা, মপানগী লান্মীশিংনা অসামগী লম বিঘা লাখ কয়াদা খুন্দাদুনা লৈখি, অমসুং কংগ্রেস সরকারনা মখোয়বু মতেং পাংখি। ঐহাক্না হরাওজৈ মদুদি ঙসি হিমন্তজীগী সরকারনা অসামগী মীয়ামগী লম বিঘা লাখ কয়া ইনফিলত্রেতরশিংনা লৌশিনবদগী কনবা ঙম্লে।
মরুপশিং,
কংগ্রেসনা মতম পুম্নমক্তা অসাম অমসুং অৱাং নোংপোক লমদম পুম্নমকপু য়েংখি। অৱাং-নোংপোক্কী চাউখৎ-থৌরাং অসি তঙাইফদবা অমনি হায়না খন্দবা কংগ্রেসকী মীওইশিং অদুনা, অসামগী চাউখৎ-থৌরাংগীদমক মখোয়গী পুক্নিং চিংশিনবসি করম্না ওইগনি? বোদো লমদমগী আশাশিং অমসুং অপাম্বশিং অদুগী মতাংদা মখোয়না খনবা মতম কদায়দা ফংগনি? মরম অসিনা, কংগ্রেস সরকারশিংনা লমদম অসিবু ৱাখল তানা খুদোংচাদবা ফীভমদা পুশিল্লকখি।
ইচিল-ইনাওশিং,
ঐখোয়গী দবল ইঞ্জিন লৈঙাক অসিনা কংগ্রেসকী পাপশিং অদু শেংদোক্নবা থবকসু পায়খৎলি। ঙসি মফম অসিদা চাউখৎপগী খোঙজেল অসি অদোমগী মমাংদা লৈরে। ঐখোয়না বোদো-কাচারী ৱেলফেয়র ওতোনোমস কাউন্সিল শেমখি। বোদোলেন্দ লমদমগী হেন্না ফবা চাউখৎ-থৌরাংগীদমক লুপা করোর ১৫০০গী অখন্নবা চাউখৎ-থৌরাংগী পেকেজ অমা পীখি। মেদিকেল কোলেজ অমসুং হোস্পিতাল অসি কোকরাঝারদা হৌদোকখি। তামুলপুরদা মেদিকেল কোলেজ শাবগী থবকসু খোঙজেল য়াংনা চংশিল্লি। নর্সিং কোলেজশিং অমসুং পেরা-মেদিকেল ইন্সতিত্যুসনশিংগী খুত্থাংদা নহারোলশিংগীদমক অনৌবা খুদোংচাবশিং শেমগৎলে। পোলিতেকনিক অমসুং ত্রেনিং ইন্সতিত্যুৎশিং অসি গোবর্ধনা, পরবাথজোরা অমসুং হোরিশিংগাগুম্বা মফমশিংদা শাগৎখি।
মরুপশিং,
বোদোলেন্দগীদমক্তা তোঙানবা ৱেলফেয়র দিপার্তমেন্ত অমসুং বোদোলেন্দ এদমিনিস্ত্রেতিব স্তাফ কোলেজসু লিংখৎখি। মসিনা বোদো কম্ম্যুনিতীগী য়াইফনবা হেন্না ফবা পোলিসীশিং শেমগৎপদা মতেং পাংলি।
মরুপশিং,
বিজেপি সরকারনা থমোয়গী অরাপ্পা অদু মুত্থৎখ্রে, অসাম অমসুং দিল্লীগী মরক্তা লৈরিবা অরাপ্পা অদু লোইশিনখ্রে, অমসুং হেন্না ফবা ইনফ্রাস্ত্রকচরগী খুত্থাংদা, অসামগী মফম অমদগী অতোপ্পা মফমদা লৈরিবা অরাপ্পা অদুসু হন্থহল্লি। মমাংদা চৎনবা লায়না লৈরম্বা মফমশিংদা ঙসিদি হাইৱেশিং শেমগৎলি। অসিগুম্বা লম্বীশিং অসি লমদম অসিদা অনৌবা খুদোংচাবশিং ফংহন্নবা শেমগৎলি। কোক্রাঝারবু ভুতানগী ঙমখৈগা শম্নহন্নবা বিসমুরি-সরলপারা লম্বীগী প্রোজেক্তকীদমক লুপা করোর কয়াগী এরেঞ্জমেন্ত অমা তৌখ্রে। কোক্রাঝারদগী ভুতানগী গেলেফু ফাওবগী রেল প্রোজেক্ত অসিসু অতোপ্পা মরু ওইবা খোংথাং অমনি। ঐখোয়না মসিবু অখন্নবা রেলৱে প্রোজেক্ত অমা ওইনা লাউথোকখ্রে। ঐখোয়না মসিবু এক্ত ইস্ত পোলিসীগী মরুওইবা শরুক অমা ওইহল্লে। মসি লোইরবা মতুংদা, ললোন-ইতিক অমসুং তুরিজম অনিমক হেনগৎলক্লগনি।
মরুপশিং,
খুন্নাই অমনা মখোয়গী হৌরকফমগা শম্নদুনা লৈরকপা, দাইলোগ অমসুং থাজবা মপাঙ্গল কনখৎপা, অমসুং চপ মান্নবা খুদোংচাবশিং শরুক খুদিংদা ফংলকপা মতমদা, পোজিতিব ওইবা অহোংবশিং উবা ফংই। অসাম অমসুং বোদোলন্দগী খোঙচৎ অসি হায়রিবা মাইকৈ অদুদা চংশিল্লি। অসামগী মশা-মরোমদোম থাজবা, অসামগী ওইথোকপা য়াবা অমসুং অসামগী খুমাং চাউশিল্লকপদগী, ভারতকী চাউখৎপগী ৱারী অসি অনৌবা পাঙ্গল ফংলি। ঙসি অসাম অসি য়াম্না থুনা চাউখৎলক্লিবা রাজ্যশিংগী মরক্তা মশক তাক্লি। অসামগী শেন্মিৎলোন অসি খোঙজেল য়াংখৎলক্লি। চাউখৎ-থৌরাং অসিদা, অহোংবা অসিদা, বোদোলেন্দ অমসুং মফমসিগী মীয়াম্না মরু ওইবা থৌদাং অমা লৌরি। ঙসিগী থৌরম অসিগীদমক্তা ঐহাক্না অমুক্কা হন্না ময়াম পুম্নমকপু য়াইফ-পাউজেল পীজরি। ময়ামবু হন্না-হন্না থাগৎচরি।
