“অখাং কনবা, মশিং লাকঙমদ্রবা কত্থোকপা, নুংঙাইবা থাদোকপা অমসুং তপস্যা চহিচা কয়া তৌরবা মতুংদা ঐখোয়গী শ্রী রাম মফম অসিদা য়ৌরক্লে”
“জনুৱারী 22, 2024 অসি শুপ্নগী কেলেন্দরগী তাং অমা খক্তা নত্তে মসি অনৌবা ‘কাল চক্র’ অমগী অহৌবনি”
“ঐহাক্না ভারতকী জুদিসিয়রীনা ৱায়েলগী ইকাই খুম্নবা ঙাকপগীদমক থাগৎচরি। ভগৱান রামগী মন্দির, ৱায়েল পীবগী খুদম অসি অচুম্বা মওংদা শাখি”
“ঐগী নুমিৎ 11নিগী ব্রত-অনুস্থান মনুংদা ঐহাক্না শ্রী রামনা চৎলমখিবা মফম খুদিংমক্তা চৎনবা হোৎনখি”
“সমুদ্রদগী সরয়ু তুরেল ফাওবা মফম খুদিংদা রামগী মিংদা চপ মান্নব হরাও তয়াম্বগী মমি উবা ফংলি”
“রাম কথা অসি লোইনাইদে অমসুং রামায়নসু লোইনাইদে। রামগী ৱাখল্লোনশিং, পাউতাকশিং অমসুং তাকপী-তম্বীরমবশিং অসি মফম খুদিংমক্তা চপ মান্নৈ”
“মসি রামগী শক্তমদা নেস্নেল কন্সিয়সনেসকী মন্দির অমনি। ভগৱান রাম অসি ভারতকী থাজবা, য়ুম্ফম, ৱাখল্লোন, লো, কন্সিয়সনেস, ইকাই খুম্নবা অমসুং মতিক ময়াইনি”
“ঐহাক্না থমোয় শেংনা ফাওজৈ মদুদি মতমগী খোঙচৎতা অহোংবা লাক্লি। ঐখোয়গী মীরোল অসিবু মরু ওইবা লম্বেল অসিগী আর্কিতেক ওইনা খনবীখিবা অসি নুংঙাইবা ফাওই”
“ঐখোয়না মথংগী চহি
শ্রী মোদীনা শ্রী রাম জন্মভুমি মন্দির শাবদা য়াওখিবা শ্রমজীবিশিংগা লোয়ননা ৱারী শাখি।
“নুমিৎশিং, মাইকৈশিং, অতিয়া অমসুং পুম্নমক্না ঙসি মশেক মঙাল থোক্না ঙান্থোইরি”, হায়না প্রধান মন্ত্রীনা ফোঙদোক্লদুনা হায় মদুদি মসি অচম্বা মতম নত্তে মতমদা হক্তুনা লৈহৌরদব মুৎনাইদ্রবা নীংশিং মমি অমনি”।
প্রধান মন্ত্রীনা ভারতকী জুদিসিয়রীবু “ৱায়েলগী ইকাই খুম্নবা ঙাকপীদুনা ৱায়েলগী শক্তম কাইহনবা তৌদনা শ্রী রামগী মন্দিরবু অচুম্বা মওংদা শাখিবগীদমক” থাগৎপা ফোঙদোকচরি হায়খি।
“This is India’s time and we are moving forward”

জয় সিয়াভর রামচন্দ্র।

জয় সিয়াভর রামচন্দ্র।

জয় সিয়াভর রামচন্দ্র।

ফম্বাক্তা লেংশিল্লিবা ইকায়খুম্নরবশিং, সাধুশিং, মফম অসিদা তিল্লিবা রাম ভক্তশিং অমসুং মালেমগী মফম খুদিংমক্তা থৌরম অসি য়েংলিবশিং, ময়াম পুম্নমক ইকায়খুম্নবা উৎচরি, মীয়াম পুম্নমক্তা রাম-রাম।

ঙসিদি ঐখোয়গী রাম লাক্লে! চহিচা কয়া ঙাইরক্লবা মতুংদা ঐখোয়গী রাম থুংলরে। চহিচা কয়া অৱাবা খাংলক্লবা, মশিং থিঙমদ্রবা কৎথোকপশিংগী মতুংদা ভগবান রাম থুংলরে। শেংলবা থৌরম অসিগীদমক মীয়াম অমসুং লৈবাক অসিগী মীওই খুদিংমক নুংঙাইবা ফোঙদোকচরি।

ঈশ্বরগী অশেংবা শক্তম য়েংনবা ঐ ভগবান লৈরিবা মফমদা চঙলুরে। ঐগী খাউনাও অসি ফুনখি। ঐগী হকচাং অসি হৌজিক ফাওবা নিক্লি, ঐগী ৱাখল অসি হৌজিক ফাওবা মিকপ অদুদা লুপতুনা লৈরি। ঐখোয়গী রামলালা হৌজিক দম্বুরদা লৈত্রে। ঐখোয়গী রামলালা হৌজিক ঈশ্বরগী লাইশঙদা লেংশিল্লে। লৈবাক অসিগী মফম খুদিংদা অমসুং মালেম শীনবা থুংনা লৈরিবা রামগী ভক্তশিংগী থম্মোয়দা মসি ফাওগনি হায়না ঐনা থাজৈ। তাঞ্জা অসি মহৌশাগী ওইবা অঙকপনি। তাঞ্জা অসি খ্বাইদগী শেংলবনি। মতম অসিদা ঐখোয় খুদিংমক্তা ভগবান শ্রী রামনা থৌজাল পীনবীরে।

 

জনুৱারি ২২,২০২৪গী নুমিৎ অসি অঙকপা মঙাল অমা য়াওরে। জনুৱারি ২২,২০২৪ অসি কলেন্দরদা ইবা তারিখ অমা নত্তে। মসি অনৌবা যুগ অমা হৌবনি। রাম মন্দিরগী ভুমি পুজন মতুংদা লৈবাক শীনবা থুংনা নুমিৎ খুদিংগী হরাওবা হেনগৎলকখি। শেমগৎ-শাগৎপগী থবক উবদা, নুমিৎ খুদিংগী ইরৈচাশিংগী মরক্তা অনৌবা থাজবা লৈহনখি। ঙসি ঐখোয়না চহিচা কয়া খাংদুনা লাকপগী হেরিতেচ ফংলে, ঙসি ঐখোয়না শ্রী রামগী লাইশঙ লৈরে। মীনাই ওইবগী ৱাখল্লোন থাদোক্লবা মতুংদা লৈবাক অমা হিঙ্গৎলক্লে, হৌখ্রবা থৌদোক খুদিংমক্তগী লৈবাক অমা থৌনা ফংলে, অনৌবা পুৱারি অমা শেম্লে। ঙসিদগী চহি লিশিং কয়াগী মতুংদা, মীয়াম্না ঙসিগী তারিখ, মিকুপ অসি শোন্নহৌরগনি। অচৌবা থৌজাল অমগা লোয়ননা ঐখোয় মতম অসিদা হিংলি অমসুং মসি থবক ওইনা পাংথোকপা উবা ফংলে। নুমিৎশিং, মাইকৈশিং অমসুং অথাপ্পা অসি ঈশ্বরগী ওইবা কয়ানা পীক থল্লে। হায়রিবা মতমশিং অসি চুম্নবগী মতমশিং নত্তে। হায়রিবা মতমশিং অসিগী নিংশিংবশিং মতমগী খোঙচত্তা মুৎপা নাইদ্রবা মুক্না ইদুনা লৈহৌরগনি।

 

মরুপশিং,

রামগী থবক খুদিংমক্তা নুংশিৎকী মচানুপা হনুমান শরুক য়াই হায়বা ঐখোয়না খঙলে। মরম অদুনা ঐনা রাম ভক্তা হনুমান অমসুং হনুমানগরহিদা ঐনা ইকায়খুম্নবা উৎচরি। ঐনা মাতা জনাকি, লক্সমন জি, ভারত-সত্রুঘন, মীওই খুদিংমক্তা ইকায়খুম্নবা উৎচরি। ঐনা শেংলবা অযোধ্যা পুরি অমসুং শেংলবা সারয়ুদশু ঐগী ইকায়খুম্নবা উৎচরি। মখোয়গী থৌজালশিং ফংবদগী মসিগী অচৌবা থবক অসি পাংথোকপা ঙম্বনি হায়বা ঈশ্বরগী ওইবা ইথিল অদু ঐঙোন্দা ফাওরি, মখোয় ঙসিগী থৌরম অসিদা ঐখোয়গী ইরক্তা শরুক য়ারি। ঈশ্বরগী ওইবা ৱাখল্লোন অসিদা ঐনা কোক নোঞ্জরি অমসুং ইকায়খুম্নবা উৎচরি। ঙসি ঐনা ভগবান শ্রী রামদা চঙজরি। ঐখোয়গী থবকশিংদা অৱাৎপা খর লৈরমগনি, ঐখোয়গী কৎথোকপা অমসুং খাংবা কনবনা থবক অসি ঐখোয়না চহিচা কয়া পাংথোকপা ঙমদনা লাকপনি। ঙসিদি অৱাৎপা অদু থবক ওইনা পাংথোক্লে। ঙসিদা ভগবান রামনা ঐখোয় শোইদনা ঙাকপীগনি হায়না ঐনা থাজৈ।

 

ঐগী নুংশিরবা ইরৈচাশিং, 

ত্রেতাদা রাম থুংলবদা, তুলসিদাস জিনা ইখি-প্রভু বিলোকি হরসে পুরবাসি। প্রভু থুংলরবা মতুংদা, অযোধ্যাগী মীয়াম অমসুং লৈবাক শীনবা থুংনা হরাওবনা পীক থল্লে। মতম শাংনা খায়দোক্নরুবগী অৱাবশিং লোইরে। মতম অদুদা চহি ১৪ খক লাপ্নখি, মতম অদুদা মদু খাংবা ঙমখিদে। যুগ অসিদা, অযোধ্যা অমসুং লৈবাক্কী মীয়াম চহি চা কয়া কাইনবগী অৱাবা খাংখি। ঐখোয়গী মীরোল কয়া কাইনবগী অৱাবা ফংখি। ভারত সংবিধানগী অহানবা কপিদা ভাগবান রাম য়াওরে। সংবিধান চৎনরবা মতুংদা ফাওবা, ভাগবান শ্রী রাম য়াওহনবগী মতাংদা চহি কেস থেংনখি। অচুম্বা ঙাক্লিবা ভারতকী জুদিসিয়ারিদা ঐনা তৌবীমল খঙবা উৎচরি। অচুম্বগী মশক ওইরিবা ভগবান রামগী মন্দির অসিশু অচুম্বা মওং অমদা শাবনি।

 

মরুপশিং,

ঙসি খুঙ্গং খুদিংমক্তা মতম অমতদা কির্তন অমসুং সংকৃতনশিং পাংথোক্লে। ঙসি লাইশঙশিংদা কুহ্মৈশিং পাংথোক্লে, লম-তু শেংনবগী থৌরমশিং পাংথোক্লি। ঙসি লৈবাক শীনবা থুংনা দিৱালি পাংথোক্লি। ঙসি নুমিদাংৱাইরম, য়ুম খুদিংমক্তা রাম জয়তি থান্নবা শেম-শারে। ঙরাং, শ্রী রামগী থৌজালগা লোয়ননা, ঐ ধনুসকোদিদা লৈবা রাম সেতুগী হৌফম অরিচাল মুনাইদা চৎখি। প্রভু রামনা সমুদ্রা লান্নবা হোৎনখিবা মতম অদু মতমগী খোঙচৎ হোংখিবা তাঞ্জা অমনি। মফম অদুদা ঐনা লৈ কৎখি। মতম অদুদা মতমগী খোঙচৎ হোংখিবা অদুগা চপ মান্ননা মতমগী খোঙচৎ অমুক হন্না হোংগনি অমসুং  অচুম্বা মাইকৈদা চৎকনি হায়না ঐনা ইশাদা থাজবা লৈখি। ঐনা নুমিৎ ১১গী চারা হেন্দুনা পাংথোকখিবা ইরাৎ-থৌনিবগী থৌরম মনুংদা, প্রভু রামগী খোঙনা শোকখিবা মফম খুদিং শোক্নবা ঐনা হোৎনখি। নাসিক্কী পঞ্চাবতি ধাম, কেরলাগী শেংলবা ত্রিপ্রায়ার লাইশঙ, অন্ধ্র প্রদেসকী লেপাকসি, শ্রীরঙ্গমদা রঙ্গনাথন শ্বামী লাইশঙ, রামেশ্বারম নত্ত্রগা ধনুসকোদিদা শ্রী রামনাথশ্বামী লাইশঙ খুরুম্নবগী ঐনা থৌজাল ফংখি। ঐনা সমুদ্রদগী সারয়ু ফাওবা চৎনবগী খুদোংচাবা ফংখি। সমুদ্রদগী সারয়ু ফাওবদা রামগী মিংদা হরাওবা ফোঙদোকপা মফম খুদিংমক্তা উবা ফংখি। ভারতকী পোৎশক খুদিংমক্কা প্রভু রামগা মরী লৈনরে। ভারতমচা করোর কয়াগী থম্মোয়নুংদা রাম অমুক হন্না লৈরে। করিগুম্বা ঐখোয়না কনাগুম্বা অমগী ৱাখল্লোন খঙলবদি, মসিগী অমতা ওইবা অসি ঐখোয়না ফাওগনি, মসিগী ৱাখল্লোন অসি মফম খুদিংমক্তা ফাওগনি। লৈবাক অসিগী ওইনা মসিগী হেন্না ফবা ফোর্মুলা কদাইদা লৈগনি?

 

ঐগী নুংশিরবা ইরৈচাশিং, 

ঐনা হৌখিবা নুমিৎ ১১দা লৈবাক্কী মফম খুদিংমক্তা তোঙান-তোঙানবা লোলশিংদা রামায়ন তাবগী খুদোংচাবা অমা ফংখি। রাম মশক তাক্নবা সাধুশিংনা হায়খি-রামান্তে য়াসমিন ইতি রাম: । মসিনা হায়রি মদুদি অমতা ওইবা ঙম্বা মীওই অদু রামনি। মীয়ামগী নিংশিংবদা, কুহ্মৈশিংদগী হৌরগা চৎনবীশিংদা মফম খুদিংমক্তা রাম লৈরি। যুগ খুদিংমক্তা মীয়ামগী মরক্তা রাম লৈরি। যুগ খুদিংমক্তা, মীয়াম্না মখোয় মশাগী ওইবা ৱাহৈশিংদা অমসুং মখোয় মশাগী ওইবা মওংশিংদা রামগী গুনশিং ফোঙদোকখি। মসিগী রামরস অসি পুন্সিগী ইচেলগুম লেপ্তনা চেনথরি। থায়না মমাঙঙৈদগী হৌনা, ভারতকী মফম খুদিংমক্তা লৈরিবা মীয়াম্না রামরাস ইরাৎতুনা লাক্লি। রামগী ৱারি লোইবা নাইদে, রামায়নশু লোইবা নাইদে। রামগী অচুম্বা ফিদমশিং, রামগী গুনশিং, রামগী পাউতাকশিং মফম খুদিংমক্তা চপ মান্নৈ।

ঐগী নুংশিরবা ইরৈচাশিং, 

ঙসি, পুৱারি ওইরবা মতম অসিদা, মখোয়গী থবক অমসুং কৎথোকপনা ঐখোয়না উরিবা শেংলবা নুমিৎশিং ওইহনখিবা মীওইশিং লৈবাক অসিনা নিংশিংলি। রাম মন্দির শাবগী থবক অসিগীদমক মীওই কয়া অচৌবা কৎথোকপা অমসুং অৱাবা খাংবা কয়া উৎখি। মশিং থিঙমদ্রবা রাম ভক্তশিং, মশিং থিঙমদ্রবা কার সেবকশিং অমসুং মশিং থিঙমদ্রবা সাধুশিং অমসুং মহাত্মাশিংগী মফমদা ঐখোয়না লমন তোল্লে।

 

মরুপশিং,

ঙসিগী থৌরম অসি হরাওবগী তাঞ্জা অমা খক নত্তনা, তাঞ্জা অসি ভারতকী খুন্নাই লৈবাকমচা তাবা অদু খঙবগী মতম অমনি। ঐখোয়গী ওইনা, মসি মাইপাকপগী খুদোংচাবা অমা ওইবা খক নত্তনা, নোল্লুকপা অমনি। লৈবাক কয়া মখোয় মশাগী পুৱারিদা চনৈনবা মালেমগী পুৱারিদা উবা ফংলে। অসিগুম্বা লৈবাকশিংনা মখোয়গী পুৱারিগী কিসি কয়া থোক্নবা হোৎনবা মতমদা, মদু মাইপাক্নবা হোৎনবদা মখোয়না অচৌবা খুদোংচাদবা কয়া মায়োক্নৈ। তশেংনা, অসিগুম্বা ফিবমশিং অসি হান্নদগী হেন্না খুদোংথিবা ওইখি। অদুবু থৱায় য়াওনা ঐখোয়গী লৈবাক্না পুৱারিগী কিসি অসি থোকপদগী, ঐখোয়গী তুংলমচৎ অসি হৌখিবা মতমদগী হেন্না ফজগদবনি হায়বা তাকখি। করিগুম্বা রাম মন্দির শারবদি মদু মৈ চাক্কনি হায়না মীওই খরনা হায়বা মতম অমা লৈখি। অসিগুম্বা মীওইশিং অদুনা ভারতকী খুন্নাইগী ৱাখল্লোনগী অচুম্বা অদু মশক খঙখিদে। রামলালাগী লাইশঙ শাবা অসি শান্তি, খাংবা কনবা, অমগা অমগা নুংশিনবা অমসুং ভারতকী খুন্নাইদা মতেং পাংনবগী খুদম অমনি। মন্দির শাবা অসি মৈ চাক্নবা নত্তে, শক্তি পীনবনি হায়বা ঐখোয়না উরে। হেন্না ফবা তুংলমচৎ অমদা মাঙলোমদা চঙশিন্নবা খুন্নাইগী কাংলুপ খুদিংমক্তা রাম মন্দিরনা ইথিল পীরে। অদোম ৱাখল তানবা, অদোমগী ৱাখল্লোন অদু অমুক খন্থনবা ঙসি মীওইশিং অসিদা ঐনা হায়জরি। রাম মৈ নত্তে, রাম শক্তিনি। রাম অসি ৱাথোক অমা নত্তে, রাম অসি পাম্বৈ অমনি। রাম ঐখোয় খক্তগী নত্তে, রাম মীওই খুদিংমক্কীনি। রাম হিংবা খক নত্তে, রাম শিবা নাইদে।

মরুপশিং,

ঙসি মালেম শীনবা থুংনা রাম মন্দির প্রান প্রাতিস্থা থৌরম অসি উরে, রাম মফম খুদিংমক্তা লৈবা অদু উরে। লৈবাক কয়াদা অসিগুম্বা থৌরম কয়া পাংথোক্লি। ঙসিগী অযোধ্যাগী কুহ্মৈ অসি রামায়নগী মালেমগী চৎনবীশিংগী কুহ্মৈ অমা ওইরে। রামলালাগী ইকায়খুম্নবা অসি ‘বসুধাইব কুতুম্বকম’গী ৱাখল্লোনগী ইকায়খুম্নবা অমসুনি।

 

মরুপশিং,

ঙসি অযোধ্যদা শ্রী রামগী মুর্তি খক লেংশিনবা নত্তে। মসি ভারতকী চৎনবীদা লেংদ্রবা থাজবগী ঈচেল অদু শ্রী রামগী মওংদা উৎথোকপনি। মসি মীওইবগী গুনশিং অমসুং অৱাংবা থাক্কী ফিদমশিংশু য়াওনা শেম্বনি। ঙসিগী মালেম্না হায়রিবা গুনশিং অমসুং অচুম্বা ফিদমশিং দরকার ওইরে। সর্ভে ভবন্তু সুখিন। ঐখোয়না হায়রিবা ৱারেপশিং অসি চহিচা কয়া হন্ন-হন্না লৌদুনা লাক্লি। ঙসি হায়রিবা ৱাশক অসি রাম মন্দিরগী মওংদা লৌরে। লাইশঙ অসি ঈশ্বর অমগী লাইশঙ খক নত্তে। মসি ভারতকী মঙলান, ভারতকী ৱাঙুলোন অমসুং ভারতকী মাইকৈগী লাইশঙনি। মসি রামগী মওংদা লৈবাক অসি ৱাখল তাবগী লাইশঙ অমনি। রাম ভারতকী থাজবনি, রাম ভারতকী য়ুম্ফমনি। রাম ভারতকী অচুম্বা ফিদমশিংনি। রাম অসি ভারতকী আইন্নি। রাম ভারতকী অচুম্বা ৱাখল্লোন্নি। রাম ভারতকী ৱাখলনি। রাম ভারতকী মিংচৎনি। রাম ভারতকী মাইপাকপনি। রাম ইচেলনি, রাম থবকনি। রাম নেতিনি। রাম নীতিশু লৈরি। রাম লোম্বা নাইদবনি। রাম লেপ্তনা চৎথরি রাম বিভু, বিবিদনি। রাম মফম খুদিংদা লৈরি, রাম তাইবংপাল অসিগী থৱায়নি। মরম অদুনা রাম ইকায়খুম্নবা উৎপা মতমদা, মসি চহি কয়া নত্ত্রগা চহি চা কয়া ফাওবা চৎতে। মসিগী ইথিল অসি চহি লিশিং কয়া লৈ। মহার্ষি বালমিকিনা হায়খি – রাজয়াম দাস সাহাসরানি প্রাপ্যা বরসানি রাঘবাহ। হায়বদি, রামনা পানখিবা লৈবাক অদু চহি লিশিং ১০ লৈখি। মসিনা তাক্লি মদুদি রামরাজ্য অদু চহি লিশিং কয়াগীদমক শেমগৎখিবনি। ত্রেতাদা রাম লাকপদা মতমদা, চহি লিশিং কয়াগীদমক রামরাজ্য লিংখৎখি। রামনা মালেম অসি চহি লিশিং কয়া লমজিংখি।

 

মরম অদুনা ঐগী নুংশিরবা ইরৈচাশিং, 

ঙসি অযোধ্যানা ঐখোয় পুম্নমক্তা, রাম ভক্ত খুদিংমক্তা, ভারতমচা খুদিংমক্তা ৱাহং খর হংলি। শ্রী রামগী অচৌবা লাইশঙ শারে… হৌজিক মথংদা করি শাগনি? চহি চা কয়া ঙাইরকপা অসি লোইরে… মথংদা করি তৌগনি? ঙসিগী থৌরম অসিদা, ঐখোয়দা বর পীনবা লাকপা ঈশ্বরশিং বিদায় পীরগদরা? নত্তে, মদু নত্তে। ঙসিদি মতমগী খোঙচৎকী অহোংবা লাক্লে হায়না ঐনা থাজৈ। ঐখোয়গী মীরোল অসিনা মুৎপা নাইদ্রবা লম্বী অমা শেম্বদা ঐ হরাওই। চহি লিশিং কয়াগী মতুংগী মীরোলশিংনা ঙসি লৈবাক শেমগৎনবা ঐখোয়না পায়খৎলিবা থবকশিং নিংশিংদুনা লৈহৌরগনি। মরম অদুনা ঐনা হায়রি-মতম অসি চপ চারবা মতমনি। ঙসিদগী, শেংলবা মতম অসিদগী, ঐখোয়না মথং চহি লিশিং কয়াগী ভারতকী য়ুম্ফম থোল্লে। লাইশঙ শাবগা লোয়ননা, তাঞ্জা অসিদগী মপাঙ্গল কনবা, থবক ঙম্বা, অচৌবা অমসুং ঈশ্বরগী মশক ওইবা ভারত শেমগৎনবা হৌজিক ঐখোয় ইরৈচা খুদিংমক ৱাশক লৌগদবনি। লৈবাক শেমগৎপগী মাইকৈদা মীয়ামগী ৱাখলদা রামগী ৱাখল পুক্নিংদা থমগদবনি।

 

মরুপশিং,

ঐখোয়গী ৱাখল্লোন পাকথোক-চাউথোকপা ঙসিগী মতম অসিদা দরকার ওইরে। ঈশ্বরদগী লৈবাক ফাওবা, রামদগী লৈবাক ফাওবা ঐখোয়গী ৱাখল্লোন পাকথোক-চাউথোকহনগদবনি। হনুমান জিদা কৎথোকপা, হনুমান জিগী থবক তৌবা, হনুমান জিদা চঙজবা, হায়রিবা গুনশিং অসি ঐখোয়না মপান্দা থিরোইদবনি। মসিগী ভারতমচা খুদিংমক্তা লৈরিবা কৎথোকপা, থবক তৌবা, চঙজবগী ৱাখলশিং অসি থবক ঙম্বা, অচৌবা অমসুং ঈশ্বরগী মশক ওইবা ভারত শেমগৎপগী য়ুম্ফম ওইগদবনি। মসি লৈবাক অসিগী ৱাখল্লোন ঈশ্বরদগী লৈবাক্তা পাকথোক-চাউথোকপা অমসুং রামদগী লৈবাক্তা পাকথোক-চাউথোকপনি। অশুকপা উমং অমদা খাঙপোক শঙ অমদা লৈবা ঐগী ত্রাইবেল ইমা সাবরি ঐনা নিংশিংলি। মতম কয়াগী মমাঙদগী ইমা সাবরিনা রাম শোইদনা লাক্কনি হায়খি। ভারতমচা খুদিংমক্তা লৈরিবা থাজবা অসিনা, মপাঙ্গল কনবা, থবক ঙম্বা, অচৌবা অমসুং অশেংবা ভারত অমা শেমগৎনবা য়ুম্ফম ওইগদবনি। নিসাদ্রাজগী মরুপ-মপাং ওইবা অসি ঙমখৈগী অথিংবা লৈতে হায়বা ঐখোয়না খঙলে। নিসাদ্রাজনা রাম নিংজখিবা অমসুং প্রভু রামনা নিসাদ্রাজ নুংশিবা অসি মরুওইবনি। মীওই  খুদিংমক ঐখোয়গীনি, মীওই খুদিংমক চপা মান্নৈ। মসিগী মরী লৈনবা অমসুং মচিন-মনাও ওইবগী ৱাখল অসি মপাঙ্গল কনবা, থবক ঙম্বা, অচৌবা অমসুং অশেংবা ভারত অমা শেমগৎনবা য়ুম্ফম ওইগদবনি।

 

মরুপশিং,

ঙসি লৈবাক অসিদা নিংবা কাইনবগী মরম অমতা লৈতে। ঐ য়াম্না পীকপনি, ঐ য়াম্না তোল্লি, কনাগুম্বনা মসি খল্লবদি, খৈরোই অমনা পাংথোকখিবা থবক অদু মহাক্না নিংশিংগদবনি। খৈরোইবগী নিংশিংবা অদুনা ঐখোয়গী চিংনবা কোকহনগনি। মসিনা ঐখোয়দা, অপীকপা নত্ত্রগা অচৌবা থবক খুদিংমক্কী মশাগী ওইবা মগুন লৈজৈ। মসিগী মীওই খুদিংমক্না হোৎনবগী ৱাখল্লোন অসিনা মপাঙ্গল কনবা, থবক ঙম্বা, অচৌবা অমসুং অশেংবা ভারত অমা শেমগৎনবা য়ুম্ফম ওইগদবনি। মসি লৈবাক অসিগী ৱাখল্লোন ঈশ্বরদগী অমসুং রামদগী পাকথোক-চাউথোরকপনি।

 

মরুপশিং,

লঙ্কাগী নিংথৌ রবন লৌশিং য়াম্না লৈখি অমসুং শক্তি য়াম্না লৈখি। অদুবু জাতায়ুনা অকনবা রবন থেংনখি। মহাক্না রবন মাইথিবা পীবা ঙম্লোই হায়বা মহাক খঙখি। অদুবু মহাক্না রবন শিংনখি। মসিগী মথৌ মপুংফানা পাংথোকপা অসি মপাঙ্গল কনবা, থবক ঙম্বা, অচৌবা অমসুং অশেংবা ভারত অমা শেমগৎনবা য়ুম্ফম ওইগদবনি। মসি লৈবাক অসিগী ৱাখল্লোন ঈশ্বরদগী অমসুং রামদগী পাকথোক-চাউথোরকপনি। ঐখোয়গী পুন্সিগী মিকুপ খুদিং লৈবাক শেমগৎনবা কৎথোক্নবা ঐখোয় ৱাশক লৌরসি। রামগী থবক্কা লোয়ননা, লৈবাক্কী থবক্কা লোয়ননা, মিকুপ খুদিংমক, হকচাংগী শরুক খুদিং, লৈবাক্কী কৎথোকপগা লোয়ননা রামগী কৎথোকপগা শম্নহনগদবনি।

ঐগী নুংশিরবা ইরৈচাশিং, 

ঐখোয়না প্রভু শ্রী রাম লাৎপা অখন্নবা ওইগদবনি। ইশাগী নত্তনা মীয়ামগী খল্লগা লাৎকদবনি। লাৎপা অসি নাপলগী নত্তনা বায়ামগীদমক পাংথোক্কদবনি। প্রভুদা কৎপা অসি চাউখৎলবা ভারত অমা শেমগৎনবা ঐখোয়না থবক কন্না শুবগী মতোল লোম্বা ওইগদবনি। ময়াম অসিগা লোয়ননা ঐখোয়না নুমিৎ খুদিংগী প্রভু শ্রী রাম লাৎপা মতমদা, ঐখোয়না নুংঙাই-য়াইফবা অমসুং চাউখৎলবা ভারত অমা শেম্বা ঙমগনি।

ঐগী নুংশিরবা ইরৈচাশিং, 

মতম অসি ভারতকী চাউখৎপগী অমৃত কালনি। ঙসিগী ভারত নহারোল অমসুং শক্তিনা পীক থল্লে। ঐখোয়না খুদোংচাবা অমতা মাঙহল্লোইদবনি, ঐখোয় ফমদুনা লৈথোক্লোইদবনি। ঐখোয়গী লৈবাক্কী নহারোলশিংদা ঐনা হায়রি। অদোমগী মমাঙদা চহি লিশিং কয়াগী চৎনবীশিংগী ইথিল লৈরে। অদোমগী মীরোল অসি ভারত অসিনা থাগী লৈমায়দা ভারতকী মচু অহুমগী ফিরাল পাইহল্লে, কিলোমিতর লাখ ১৫ পাইদুনা মিসন অদিত্য মাইপাকহল্লে, নুমিৎকী মনাক্তা চৎলে, অতিয়াদা তেজাসশিং পাইরে, সমুদ্রদা বিক্রান্ত লৈরে, লৈবাক অসিগী ফিরাল পাইরে। অদোমগী হেরিতেচগী চাউথোকচবগা লোয়ননা অদোম্না অনৌবা ভারত অমা শেমগৎদবনি। চৎনবগীগী অশেংবা অমসুং অনৌবা মতমগী মপান নাইদবা অনিমক্কী লম্বী ইন্নদুনা ভারতনা নুংঙাই-য়াইফবগী পান্দম য়ৌগদবনি।

ঐগী নুংশিরবা ইরৈচাশিং, 

হৌজিক মাইপাকপগী মতম লাক্লে। হৌজিক লাক্লিবা মতম অসি মাইপাকপগীনি। অচৌবা রাম মন্দির অসিনা ভারতনা চাউখৎলকপা উবা ফংলগনি। রাম মন্দির অসিনা অচৌবা ভারত অমা, চাউখৎলবা ভারত অমা শেমগৎলকপা উবা ফংলগনি। করিগুম্বা পান্দম অদু অচুম্বা ওইরবা, করিগুম্বা পান্দম অদু অপুনবগী ওইরবা, পান্দম অদু ফংবদা ওইথোক্তবা অমতা লৈতে হায়বা মসিগী মন্দির অসিনা তম্বীরে। হৌজিক ভারতকী মতমনি অমসুং ভারত মাঙলোমদা চঙশিল্লি। চহিচা কয়া ঙাইরক্লবা মতুংদা ঐখোয় মফম অসিদা থুংলরে। মসিগী যুগ অসি মসিগী মতম অসি ঐখোয়না ঙাইদুনা লাকপনি। হৌজিক ঐখোয় লেপ্লোই। ঐখোয় মখা তানা চাউখৎপগী থাকশিং য়ৌগনি। মসিগী ৱাখল্লোন অসিগা লোয়ননা,ঐখোয়না রামলালাগী খুয়াদা চঙজরি অমসুং মীয়াম পুম্নমক য়াইফ-পাউজেল পীজরি। সাধুশিংগী খুয়াদা ঐনা কোক নোঞ্জরি।

জয় সিয়াভর রামচন্দ্র।

জয় সিয়াভর রামচন্দ্র।

জয় সিয়াভর রামচন্দ্র।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Video |India's Modi decade: Industry leaders share stories of how governance impacted their growth

Media Coverage

Video |India's Modi decade: Industry leaders share stories of how governance impacted their growth
NM on the go

Nm on the go

Always be the first to hear from the PM. Get the App Now!
...
PM Modi's Interview to Bharat Samachar
May 22, 2024

In an interview to Bharat Samachar, Prime Minister Narendra Modi spoke on various topics including the ongoing Lok Sabha elections. He mentioned about various initiatives undertaken to enhance 'Ease of Living' for the people and more!