Share
 
Comments

প্রধান মন্ত্রী নরেন্দ্র মোদীনা মহাক্কী চাউনা অওনবা পুরকপগী লুচিং মখাদা মালেমগা লোয়ননা ভারতকী থাক অসি অনৌবা অৱাংবা থাক্তা পুখৎলে। মহাকপু লৈবাক কয়ানা অমদি সংস্থান কয়ানা অৱাংবা থাক্কী মনা কয়া লান্থোকখ্রে। 

সেন্ত এন্দ্রিয়ু দি এপোস্তলগী ওর্দর: এপ্রিল ২০১৯

হন্দক্তা, প্রধান মন্ত্রী মোদীনা রুসিয়ন ফেদরেসনগী খ্বাইদগী ৱাংবা ওর্দর অদু ফংখি “রুসিয়া অমসুং ভারতকী মরক্তা অখন্নবা অমদি প্রিভিলেজ স্ত্রাতেজিক পার্তনরশিপ অমদি রুসিয়া অমসুং ভারতকী মীয়ামগী মরক্তা মরূপ ওইবগী মরী পুক্নিং থৌগৎপদা থোইদোক হেন্দোকপা থবক তৌবগীদমকনি।”

জায়েদ এৱার্দকী ওর্দর: এপ্রিল ২০১৯

প্রধান মন্ত্রী নরেন্দ্র মোদীবু ভারত অমসুং য়ু.এ.ই.গী মরক্তা অনৌবা রাজনিতীগী মরী অমা শেমগৎপদা থোইদোক হেন্দোকপা লুচিংবগী থৌদাং পাংথোকপগীদমক এপ্রিল ২০১৯দা য়ু.এ.ই.গী খ্বাইদগী ৱাংবা সিবিল এৱার্দ লান্থোক্তুনা ইকাই খুম্নখি। 

মনা অসিনা শকখঙলি মদুদি প্রধান মন্ত্রী মোদী অসি মখল মখা কয়াগী তোঙান তোঙানবা ধর্ম, লোন অমসুং সংস্কৃতিগী মীওইশিং লৈবা লৈবাক্তা পুম্নমক্কীদমক থবক তৌরি।

সিওল পিস প্রাইজ ২০১৮ - ওক্তোবর ২০১৮

ভারতকী অমসুং মালেমগী শেল-থুম চাউখৎহনবদা থৌদাং লৌবগীদমক ওক্তোবর ২০১৮দা প্রধান মন্ত্রী নরেন্দ্র মোদীনা সিওল পিস প্রাইজ ফংখি।  

সিওল পিস প্রাইজ সমিতীনা ইনাক খুনবা অমসুং লাইরবগী মরক্তা খুন্নাইগী ওইবা অমদি শেল-থুমগী ওইবা খেৎনবশিং হন্থহনবগীদমক মোদীবু থাগৎখি। মসিনা শেঞ্জা-থুমজাগী মায়োক্তা পাইখৎলিবা খোংথাংশিংগী থোংদা সরকারবু লু-নালহন্নবা প্রধান মন্ত্রীগী অনৌবা খোংথাং অদুসু থাগৎখি।

মসিনা প্রধান মন্ত্রীবু ‘মোদী দোক্ত্রিন’ অমসুং ‘এক্ত ইস্ত পোলিসী’গী মখাদা রিজনেল অমসুং মালেমগী শান্তিগী মায়কৈদা মহাক্কী থৌদাং অদুগীদমক থাগৎখি।

প্রধান মন্ত্রী মোদীনা মনা অসি ২০১৯গী ফেব্রুৱারী থাদা মহাক্কী রিপব্লিক ওফ সাউথ কোরিয়াগী খোংচৎ মনুংদা মশামক্না লৌখি। 

সিওল পিস প্রাইজ ২০১৮- ওক্তোবর ২০১৮

 

য়ু.এন.ই.পি. চেম্পিওন্স ওফ দি আর্থ এৱার্দ- সেপ্তেম্বর ২০১৮

য়ুনাইতেদ নেসন্সকী খ্বাইদগী ৱাংবা এনভাইরনমেন্তেল ওনর, য়ু.এন.ই.পি. চেম্পিওন্স ওফ দি আর্থ এৱার্দ অসি মালেমগী খ্বাইদগী অহোংবা পুরকপা এজেন্তশিংদা পীরি।

ইন্তর্নেস্নেল সোলর এলাইন্স লান্থেংনবদা মাংজিল থানা থবক তৌবা অমসুং ২০২২ ফাওবদা সিঙ্গল য়ুজ প্লাস্তিক পুম্নমক মুথৎনবা মহাক্কী মমাংদা অমুক্তা ওইখিদ্রিবা ৱারেপ অদুগীদমক প্রধান মন্ত্রী মোদীবু মমাং চহীগী সেপ্তেম্বর থাদা য়ু.এন.ই.পি. চেম্পিওন্স ওফ দি আর্থ এৱার্দ পীদুনা ইকাই খুম্নখি।

 

পেলেস্তাইন রাজ্যগী গ্রান্দ কোলর- ফেব্রুৱারী ২০১৮

পেলেস্তাইন রাজ্যগী গ্রান্দ কোলর অসি মীরমগী শক্নাইরবশিংদা পীবা পেলেস্তাইনগী খ্বাইদগী ৱাংবা ওর্দরনি।

প্রধান মন্ত্রী মোদীগী হৈশিংলবা লুচিংবা অমসুং মহাক্কী থোইদোক হেন্দোকপা নেস্নেল অমসুং ইন্তর্নেস্নেলগী থাক অদু শকখঙলদুনা, অমদি পেলেস্তাইন রাজ্য অমসুং ভারত গনরাজ্যগী মরক্তা পুৱারী ওইরবা মরীবু পুক্নিং থৌগৎপদা মহাক্না হোৎনরিবশিং অদু থাগৎলদুনা, মমাং চহীগী ফেব্রুৱারী থাদা মহাক্কী পেলেস্তাইন খোংচৎ মনুংদা মনা অসি পীদুনা ইকাই খুম্নখি।

 

অমীর অমানুল্লা খান এৱার্দ – জুন ২০১৬

অফগানিস্তানগী খ্বাইদগী ৱাংবা সিবিলিয়ানগী ইকাই খুম্নবা, অমীর অমানুল্লা খান এৱার্দ অসি অফগানিস্তান সরকারনা ২০১৬কী জুন থাদা প্রধান মন্ত্রী নরেন্দ্র মোদীগী মফমদা পীখি। 

অফগান-ইন্দিয়া ফ্রেন্দশিপ দাম শঙ্গাখ্রবা মতুংদা প্রধান মন্ত্রী নরেন্দ্র মোদীদা ইকাই খুম্নবা অসি লান্থোকখি।

কিং অব্দুলাজিজ সেশ এৱার্দ- এপ্রিল ২০১৬

অখন্নবা ইঙ্গিৎ অমদা, প্রধান মন্ত্রী নরেন্দ্র মোদীবু এপ্রিল ২০১৬দা কিং অব্দুলাজিজ সেশ এৱার্দ পীদুনা ইকাই খুম্নখি। মসি সাউদী অরবকী খ্বাইদগী ৱাংবা সিবিলিয়ানগী ইকাই খু্ম্নবনি।

অনৌবা সাউদী রাজ্যবু হৌদোকপীরম্বা অব্দুলাজিজ অল সৌদকী মীংদা নিংথৌ সল্মান বিন অব্দুলাজিজনা লেমজনীংঙাই ওইরবা মনা অসি প্রধান মন্ত্রীদা পীখি।

 

দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
'This will be an Asian century': Chinese media hails Modi-Xi summit

Media Coverage

'This will be an Asian century': Chinese media hails Modi-Xi summit
...

Nm on the go

Always be the first to hear from the PM. Get the App Now!
...
প্রধান মন্ত্রীনা হায়রি, ৱাশক অমা শক্লসি
March 18, 2019
Share
 
Comments

২০১৯গী মার্চ ৪দা প্রধান মন্ত্রী নরেন্দ্র মোদীনা বিশ্ব উমিয়াধাম কমপ্লেক্সকী উরেপ উয়ুং তম্বগী থৌরমদা ৱা ঙাংখি মদুদা মহাক্না তিনখিবা মীয়ামদা হায়খি- “ঐহাক্না অদোমগী মফমদা হায়জরি, অদোম্না ঐহাকপু মতেং পাংগদ্রা।”

রাজনিতীগী শক্নাইরবা অমনা অসিগুম্বা ৱাফম অমা হায়বা মতমদা, মহাক্না ভোৎ নত্ত্রগা তেংবাং নিবা ওইনা খনখিগনি। মতৌ অসুম্না ভারতকী রাজনিতীগী সংস্কৃতি অসি চহী তরাগী খুজিং কয়াদগী চৎনরক্লি। 

অদুম ওইনমক, প্রধান মন্ত্রীনা মীয়াম তিনবদা হায়খি মদুদি নুপা নুপীগী খেৎনবা থমদবা অমসুং অঙাং নুপীমচা পুক্নুংদা হাৎপগী ইকাইনীংঙাই ওইরবা থৌওংদা কৈদৌনুংদা শরুক য়ারুদনবা মখোয়গী ৱাশক অদু মহাক্না থিরি। 

ওফিস পাইরকপদগী হৌরগা প্রধান মন্ত্রীনা নুপা নুপী থাক মান্নহনবা অমসুং অখন্ননা নুপীদা শক্তি শিন্ননবা খুমাং চাউশিন্না থবক তৌরি। মহাক্না অমুক হন্না হায়খি মদুদি নুপীগী চাউখৎ-থৌরাংদগী হেন্না নুপীনা লুচিংবা চাউখৎ-থৌরাংদা মিৎয়েং থমগদবনি।

হরিয়ানা অসি মমাংদা সেক্স রেসিও য়াম্না নেম্বা রাজ্য অমা ওইনা খঙনরম্বা অদু প্রধান মন্ত্রী মোদীনা ‘বেতী বচাউ, বেতী পরাও’ খোংজং হৌদোকখি। হৌখিবা চহী মঙাদা, খোজং অসিনা কান্নরবা মহৈশিং ফংলি।

মুদ্রা য়োজনা, মংলান লাখ কয়াবু মংফাওহন্নবা পান্দম থম্লি, অয়াম্বনা নুপী বেনেফিসরীশিংনি।

অওনবা পুরক্নবা খোংথাং অমদা, প্রধান মন্ত্রী অৱাস য়োজনাগী মখাদা ইমুংগী নুপী মীহুৎশিংদা য়ুমশিং য়েন্থোক্লি। নুপীগী চিং লেম্বা অমসুং সেক্যুরিতী ঙাক্তুনা থম্বদা মসিগী অপীকপা খোংথাং অসিনা শাংলবা খোংচৎ অমা চৎলি।

হোৎনরিবা অসি প্রধান মন্ত্রী মোদীগী ভারত শেমগৎনবা মিৎয়েংগী মনুংসু চল্লি মদুদা ঐখোয়গী নারী শক্তি অসি জাতি অসিনা মাংলোমদা চংশিনবদা খ্বাইদগী মাংদা লৈরি অমদি অকিবা অমত্তা য়াওদনা নত্ত্রগা অপনবা অমত্তা য়াওদনা মহাক্না নীংজরিবা অদু মাংলোমদা পুখৎপা ঙমগনি।