Share
 
Comments
ইরুপী ভোচরনা মীপুম খুদিংমকপু মখোয়না পাম্লিবা পান্দম, ময়েক শেংনা অমসুং শোইদবা ফংহনবদা মতেং পাংগনি: পি.এম.
ইরুপী ভোচর দি.বি.তি. বু হেন্না মথৌ তৌবদা চাওরবা থৌদাং অমা লৌগনি অমসুং দিজিতেল ওইবা লৈঙাক্তা অনৌবা শক্লোন অমা পীরগনি: পি.এম.
ঐখোয়না তোক্নোলোজীবু লায়রবশিংদা মতেং পাংনবা খুলায় অমা ওইনা উই, মখোয়বু চাউখৎনবা খুলায় অমনি: পি.এম.

খুরুমজরি,

মরু ওইবা থৌরম অসিদা শরুক য়াবীরিবা লৈবাক অসিগী গভর্নরশিং, লেফতনেন্ত গভর্নরশিং, কেন্দ্রগী মন্ত্রী-মন্দলগী ঐহাক্কী মরূপশিং, রিজর্ব বেঙ্ককী গভর্নর, রাজ্যশিংগী চীফ সেক্রেতরীশুং, তোঙান-তোঙানবা ইন্দস্ত্রী এসোসিএসনশিংগী মরূপশীং, স্তার্ত-অপকী লমদা লৈরিবা নহা ওইরিবা মরূপশিং, বেঙ্কশিংগী মকোক থোংবা ফিনতেক ওফিসরশিং অমসুং ইচিল-ইনাওশিং।

ঙসি লৈবাক অসিনা দিজিতেল গভর্নান্সতা অনৌবা ইনোৎ অমা পীরি। ইরুপি ভাউচরনা লৈবাক্কী দিজিতেল ত্রাঞ্জেক্সনশিংদা, দি.বি.তি.দা হেন্না মহৈ ফংনবা হোৎনবদা য়াম্না অচৌবা থৌদাং অমা লৌরগনি। মসিনা তার্গেতেদ, ত্রান্সপরেন্ত অমসুং লীকেজ ফ্রি দেলিভরী ফংহন্দুনা ময়ামদা মতেং ওইরগনি। ই-রুপি অসি ২১শুবা চহিচাগী ভারতনা মোদর্ন তেক্নোলোজীগী মতেংনা করম্না মাংদা চংশিল্লি অমদি মীয়ামগী পুন্সিবু তেক্নোলোজীগা শম্নহল্লি হায়বগী খুদম অমসু ওইরি। মসি ভারতনা নীংতমখিবগী চহি ৭৫শুরকপগী অমৃত মহোৎসব পালন তৌবা মতমদা হৌরিবা অসিদা ঐহাক্না নুংঙাইবা পোকই। অমসুং অসিগুম্বা মতম অসিদা ভারতনা ফ্যুচরিস্তিক রিফোর্মগী মরু ওইবা অতোপ্পা খোঙথাং অমসু লৌখৎলি।

মরূপশিং,

সরকার খক্তা নত্তনা, করিগুম্বা মীয়ামগী ওইবা লুপ নত্ত্রা লুপ অমা হেক্তনা কনাগুম্বা অমবু মখোয়গী লায়েং, মখোয়গী মহৈ তম্বা নত্ত্রগা অতৈ থবক অমা হেক্তদা মতেং পাংবা পাম্লবদি মখোয়না কেশকী মহুৎ ইরুপি ওইনা পীবা য়ারগনি। মসিনা মখোয়না পীরিবা শেল অদু মহাক্না পান্দম অদুগীদমক শীজিন্নহনবা ঙমহনগনি। অহৌবগী তাঙ্কক্তা স্কীম অসি লৈবাক অসিগী হেল্থ সেক্তরগা মরী লৈনবা কান্নবশিংগী ওইনা ইমপ্লিমেন্ত তৌরি।

খুদম ওইনা, লুপ অমনা মীয়ামগী মতেং পাংবা ওইনা ভারত সরকারনা লেম্না ভেক্সিন পীরিবা অসিগী খুদোংচাবা লৌবা পামদ্রে অদুবু মখোয়না শেল খরা পীরগা ভেক্সিন কাপ্লিবা মদু লনাই হোস্পিতালশিংদা ওইনা পীবা পাম্লে। করিগুম্বা মহাক্না লয়ারবা মীওই ১০০ তীকা থাদোকহন্নীংবা তারবদি মহাক্না লায়রবা মীওই ১০০ অদুদা ই-রুপি ভাউচরশিং অসি পীবা য়াগনি। ই-রুপি ভাইচর অসিনা মসি ভেক্সিনেসনগী ওইনা খক্তা শীজিন্নবা য়াহনগনি অমসুং অতোপ্পা মরম অমত্তদা শীজিন্নবা য়াহল্লোই। মতমগা লোইননা মসিদা অতৈ কয়া অমা হাপচিল্লকখিগনি। খুদম ওইনা, কনাগুম্বা অমনা লায়েংনবা চাদিং তৌবা পাম্মে, কনাগুম্বনা তি.বি. নাবা মীওইগী অফবা হীদাক অমসুং চান্নবা লৈনবা নত্ত্রগা অঙাংশিংগী, মীরোনবীশিংদা চান্নবা, মচি ওইবা চিঞ্জাক ফংহন্নবা শেলগী মতেং পাম্মে, অদু ওইরবদি ই-রুপিনা অসি মখোয়দা য়াম্না কান্নবা ওইগনি। মরম অসিনা ই-রুপি অসিঅ নাকল অমরোমদা পর্সনগা লোইননা পর্পজ স্পেসিফিকসু ওই।

ই-রুপি অসিনা পান্দম অমগীদমক মতেং নত্ত্রগা কান্নবা অমা হেক্তা ফংহন্নবা পীরিবা অদু পান্দম অদুগীদমক শীজিন্নবা ঙমহনগনি। হৌজিক কনাগুম্বনা ওল এজ হোমদা অনৌবা বেদ ২০ হাপচিনবা পাম্মে অদু ওইরবদি ই-রুপি ভাউচরনা মহাক্কী মতেং পাংগনি।

কনাগুম্বনা মফম অমদা লায়রবা ৫০গী চান্নবা শিল-লাংবা পাম্লে অদু ওইবরি ই-রুপি ভাউচরনা মহাক্কী মতেং পাংগনি। কনাগুম্বনা গৌশালাদা শা-শনগী মচিঞ্জাক পীবা পাম্মে অদু ওইরবদি ই-রুপি ভাউচরনা মহাক্কী মতেং পাংগনি। হৌজিক মসি ঐখোয়না নেস্নেল প্রস্পেক্তিবতগী য়েংবা তারবদি সরকারনা লাইরিকশিং লৈনবা শেল থাদরকপা তারবদি মদু লাইরিক খক্তা লৈবদা শীজিন্নগনি। য়ুনিফোর্মগীদমক শেল থাদরকপা তারবদি মদু য়ুনিফোর্ম খক্তা লৈগনি।

মসি সবসিদাইজ তৌরবা হারগীদমক পীরকপা ওইরগনি মদু হার লৈবা খক্তদা শীজিন্নগনি। পীরিবা শেল অসিদগী মীরোনবীশিংগী মচি ওইবা চিঞ্জাক লৈবদা খক্তা শীজিন্নগনি। মরম অসিনা শেল পীরবা মতুংদা ই-রুপি ভাউচরনা ঐখোয়না পাম্লিবা মরম অদুগীদমক শীজিন্নবা ঙমহনগনি।

মরূপশিং,

মমাংদা ঐখোয়গী লৈবাক্তা মীওই খরনা তেক্নোলিজী অসি শুপ্নগী ইনাক-কৈরাক খুনবশিংগীতনি হায়রম্মি, ভারত অসিদি লায়রবা লৈবাক্নি, মরম অসিনা ভারতকীদমক তেক্নোলোজী অসি করিদা শীজিন্নগনি? ঐখোয়গী সরকারনা তেক্নোলোজী অসি মিসন ওইহন্নবগী ৱারী হৌদোকপা মতমদা রাজনিতী তৌবা মীওই কয়ানা, মখল খরগী এক্সপর্তশিংনা মসিদা ৱাহং হংলকখি। অদুবু ঙসি লৈবাক অসিনা অদুগুম্বা মীওইশিং অদুগী ৱাখল্লোন অদু য়ানীংদবা অমসুং মখোয় লাল্লি হায়নসু উৎখ্রে।

ঙসিদি লৈবাক্কী ৱাখল্লোন অসি তোঙাল্লে, অনৌবা ওইরে। ঙসি ঐখোয়না তেক্নোলোজী অসি লায়রবশিং মতেং পাংনবা, মখোয়বু খুমাং চাউশিনহন্নবা খুৎলাই অমা ওইনা উরি। ভারত্তা তেক্নোলোজীনা করম্না ত্রান্সপরেন্সী অমসুং হোনেস্তী পুরকপগে! তেক্নোলোজীনা করম্না অনৌবা খুদোংচাবশিং পীনবা হোৎনরি, মখোয়বু লায়রবশিংদা এক্সেসিবল ওইহল্লি। অমসুং তেক্নোলোজীনা মীচম প্রজানা সরকারগী মখা পোনবা করম্না হন্থহনবগে হায়বা অদু ঙসি মালেম্না য়েংলি।

অদোম্না ঙসিগী তোপ-তোপ্পা প্রদক্ত অসি উবা ফংলে, ঙসি ঐখোয়না মসিদা য়ৌবা ঙম্লিবা অসিগী মরমদি লৈয়াক অসিনা জন ধন একাউন্তশিং হাংনবা, মখোয়গী মোবাইল অমসুং আধার লিঙ্ক তৌনবা অমসুং জে.এ.এম.গীদমক চহি কয়া হোৎনখুবা অদুননি। জে.এ.এম. হৌবা মতমদা মীওই কয়ানা মসিগী কান্নবা অসি খঙবা ঙমখিদে। অদুবু মসিগী কান্নবা লোকদাউন মতমদা উবা ফংখি। মালেমগী অচৌবা লৈবাক কয়ানা লোকদাউনগী মতমদা মখোয়গী লায়রবশিং করম্না মতেং পাংগনি হায়না ৱাখল ৱাখি। অদুবু ভারত্তদি মপুং ফানা শেম শাবা লোইরবা সিস্তেম অমা লৈখি। অতৈ লৈবাকশিংনা মখোয়গী মশাগী পোস্ত ওফিসশিং অমসুং বেঙ্কশিংদা একাউন্ত হাংবা হৌবা মতমদা ভারতনা নুপীশিংদা মখোয়গী বেঙ্ক একাউন্তশীংদা শেলগী মতেং হকথেংননা হাপ্পা হৌখি।

হৌজিক ফাওবদা ভারত্তা দাইরেক্ত বেনিফিৎ ত্রান্সফরগী খুত্থাংদা বেনিফিসরীশিংগী একাউন্তশিংদা হকথেংননা লুপা করোর লাখ তরা তরেৎকা মখাই থাখ্রে। ঙসি দি.বি.তি.গী খুত্থাংদা মীয়ামদা স্কীম ৩০০ হেনবগী কান্নবশিং কেন্দ্র সরকারনা ফংহল্লি। মসিগী মখাদা ইরৈবাকচা করোর ৯০রোমদা কান্নবা ফংহল্লি। রসন ওইরবসু, এল.পি.জি. গ্যাস ওইরবসু, লায়েংবগী, স্কোলরশিপকী, পেন্সনগী , খুৎশুমলগী, য়ুম শাবগী তেংবাং অসিগুম্বা কান্নবা কয়া দি.বি.তি.দগী ফংহল্লি। পি.এম. কিসান সম্মান নিধিগী মখাদা লৌমীশিংগী বেঙ্ক একাউন্তশিংদা লুপা করোর লাখ অমগা লিশিং ৩৫ হকথেংননা ত্রান্সফর তৌখ্রে। হন্দক্তি লৌমীশিংদগী লৈশীনখিবা গেহুগী ওইনা লুপা করোর ৮৫,০০০ লৌমীশীংগী অদুগী বেঙ্ক একাউন্তশিংদা হকথেংননা ত্রান্সফর তৌখি। চায়েংশিং অসিগী অচৌবা কান্নবা অসিনা লৈবাক অসিগী লুপা করোর লাখ অনি মখাই হেন্না মাংখিগদবদগী কনবা ঙমখি।

মরূপশিং,

ভারতনা ঙসি মালেমদা তেক্নোলোজীবু এদোপ্ত তৌবদা, মসি শম্নহনবদা মহাক অসি কনা অমত্তগী শোত্থনা লৈতে হায়না উৎলি। ইনোভেসনগী ওইরবসু, সর্ভিস দিলীবরীদা তেক্নোলোজী শীজিন্নবা ওইরবসু, ভারতনা মালেমগী অচৌবা লৈবাকশিংগা লোইননা গ্লোবেল লীদরশিপ পীবা ঙম্বগী মতিক-ময়াই চেল্লি। হৌখিবা চহি ৭ অসিদা ভারত্তা তেক্নোলোজী নীংথিনা শীজিন্নবনা চাউখৎপগী খোঙজেল য়াংখৎহনবদা অচৌবা থৌদাং অমা লৌখি। কনানা চহি ৮-১০গী মমাংদা তোল বূথশিংদা ফিজিকেল ত্রাঞ্জেক্সনশিং তৌদনা গারী করোর কয়ানা মসি লাল্লগা চৎপা ঙমগনি হায়না খল্লম্বগে? মসি ঙসিগী ফাস্ততেগনা ওইথোকহনবা ঙমহল্লিবনি।

কনানা চহি ৮-১০গী মমাংদা অরাপ্পা খুঙ্গংদা ফমদুনা লৈরিবা হেন্দিক্রাফ তৌরিবা মীওই অমনা দিল্লীদা সরকারগী ওফিস অমা হেক্তদা মহাক্কী পোত্থোকশিং য়োনবা ঙমগনি খনবা ঙম্বগে? মসি জি.ই.এম. হায়বদি গভর্নমেন্ত ই মার্কেৎ প্লেস পোর্তেলনা ওইথোকপা ঙমহল্লিবনি।

কনানা চহি ৮-১০গী মমাংদা ঐখোয়গী সর্তিফিকেৎশিং, দোক্যুমেন্তশিং অসি মতম চুপ্পদা ঐখোয়গী ফুরিৎ খাউদা দিজিতেল ওইনা য়াওগনি অমসুং মসি চুম্নগী ক্লিক অমগা লোইননা মফম অমা হেক্তদা শীজিন্নবা য়াগনি হায়না খনবা ঙম্বগে? মসি ঙসিদি দিজি-লোক্করনা ওইথোকহল্লি।

কনানা চহি ৮-১০গী মমাংদা শুপ্নগী মিনিৎ ৫৯গী মনুংদা ভারত্তা এম.এস.এম.ই. সেক্তরগী ওন্তপ্রিনোরশিংনা লোনগী অয়াবা ফংগনি খনবা ঙম্বগে? মসি ঙসিদি ভারত্তা ওইথোকপা ঙম্লে। অমসুং চহি ৮-১০গী মমাংদা অদোম্না করিগুম্বা অমগীদমক দিজিতেল ভাউচর থাবা য়াগনি খনখিবরা, মসি ওইথোকপা ঙম্লে। ঙসিদি ই-রুপিগী খুত্থাংদা মসি ওইথোক্লে।

ঐহাক্না খুদম কয়া পীবা ঙম্মি। লৈবাক অসিনা লাইচৎ মনুংদা তেক্নোলোজীগী শক্তি খঙবা ঙমখি। ঐখোয়গী মমাংদা খুদম ওইনা আরোগ্যা সেতু এপসু লৈরে। ঙসি এপ অসি খ্বাইদগী য়াম্না দাউনলোদ তৌবা এপশিংগী মনুংদা অমা ওইরে। মসিগা মান্ননা, কোৱিন পোর্তেল অসিনা ইরৈবাকশিংদা ঙসিগী ভেক্সিনেসন প্রোগ্রামদা, ভেক্সিনেসন সেন্তর খনবদা, রেজিস্ত্রেসন তৌবদা, ভেক্সিন সর্তিফিকেৎশিং লৌথোকপদা মতেং পাংলি।

করিগুম্বা অরিবা সিস্তেম অদু লৈরম্লবা অদু ওইবা তারবদি ভেক্সিনেসনগী মতুংদা সর্তিফিকেৎকীদমক অমুক তান্নবা মথৌ তারমগনি। অচৌবা লৈবাক কয়াদা ফাওবা ঙসি সর্তিফিকেৎশিং অসি খুৎনা ইদুনা পীরি। অদুবু ভারতকী মীয়াম্না মসি ক্লিক অমদা দিজিতেল সর্তিফিকেৎ দাউনলোদ তৌরি। মরম অসিনা ভারতকী কোৱিন সিস্তেম অসিনা মালেমগী লৈবাক কয়াগী মীৎয়েং চংশিল্লি। ভারতনা মালেমদসু মসি সিয়র তৌরি।

 

মরূপশিং,

চহি ৪গী মমাংদা ভিম এপ হৌদোকখিবা অদু ঐহাক নীংশিংলি, ঐহাক্না বিজিনেস ত্রাঞ্জেক্সন অয়াম্বা শেল ওইনা থীনবগী মহুৎ দিজিতেল ওইগদবা নুমিৎ অদু কুইদ্রে হায়না ফোঙদোকখি। ঐহাক্না অওনবা অসিনা লায়রবা, শোত্থরবা, অপীকপা ললোন-ইতিক তৌবা, লৌমী, ত্রাইবেলদা শক্তি পীগনি মসিনা অয়াম্বনা মখোয়বু শক্তি পীগনি হায়নসু ফোঙদোকখি। ঙসি মদু ঐখোয়না হকথেংননা উবা ফংলি। থা খুদিংগী য়ু.পি.আই. ত্রাঞ্জেক্সনগী অনৌবা রেকোর্দশিং থম্বা ঙম্লি। জুলাই থাদা য়ু.পি.আই.গী খুত্থাংদা ত্রাঞ্জেক্সন করোর ৩০০ হেন্না তৌখি, মসিদা লুপা করোর লাখ ৬কী ত্রাঞ্জেক্সন তৌখি। ঙসি চা, হৈ মহী অমসুং উহৈ অঞদি মনা-মশিং য়োনবশিংনসু মসি শীজিন্নরি।

মসিগা লোইননা ভারতকী রুপে কার্দ অসিনা লৈবাক অসিগী চাউথোকচবা হেনগৎহল্লি। মসি সিঙ্গাপুর-ভুতানদসু হৌদোকখ্রে। ঙসি লৈবাক অসিদা রুপে কার্দ করোর ৬৬ লৈরে অমসুং লৈবাক অসিদা রুপে কার্দশিংগী খুত্থাংদা লুপা করোর লিশিং লিশিংগী ত্রাঞ্জেক্সনশিং তৌরি। কার্দ অসিনা লায়রবশিংবু শক্তি পীরি। মসিনা মখোয়দা দেবিৎ কার্দ লৈবগী, মদু শীজিন্নবা য়াবগী নুংঙাইবা অদু পোকহল্লি।

 

মরূপশিং,

তেক্নোলোজীনা করম্না লায়রবশিংদা শক্তি পীবগে হায়বগী অতোপ্পা খুদম অসি পি.এম. স্বনিধি য়োজনানা ওইরি। মমাংদা ঐখোয়গী লৈবাক্কী লম্বী-সোরোক্তা লৈরিবা ভেন্দর তৌরিবা ইচিল-ইনাওশিং অসিগী ফাইনান্সিএল ইনক্লুজনগী মরমদা ঐখোয়না খল্লমদে। মসিনা মহাক্কী থবক চাউথোকচনবা বেঙ্কতগী মতেং লৌবা ফংহল্লি। দিজিতেল ত্রাঞ্জেক্সনগী হিস্তরী লৈত্রবা, দোক্যুমেন্তশিং লৈত্রবা অদু ওইরদি ঐখোয়গী স্ত্রীৎ ভেন্দরশিংনা বেঙ্কতগী লোন লৌবগী অহানবা খোঙথাং অদু ফাওবা থাংবা ঙঞ্লোই। মসি খঙলদুনা ঐখোয়গী সরকারনা পি.এম. স্বনিধি য়োজনা হৌদোকখি। ঙসি লৈবাক অসিগী অপীকপা অমসুং অচৌবা শহরশিংদা স্কীম অসিগী মখাদা স্ত্রীৎ ভেন্দর অমসুং ভেন্দর লাখ ২৩ হেনবদা মতেং পাংখ্রে। কোরোনাগী মতম অসিদা মখোয়দা লুপা করোর ২৩০০গী ময়াদা পীখ্রে। লায়রবশিং অসিনা দিজিতেল ত্রাঞ্জেক্সনশিং তৌদুনা মখোয়গী লোনশিং শিংগৎলি। মরম অসিনা হৌজিক্তি মখোয়গী ত্রাঞ্জেক্সনশিংগী দিজিতেল হিস্তরী অমা লৈহনবা ঙম্লে।

পি.এম. স্বনিতিদা অহানবগী লুপা ১০,০০০গী লোন অসি শিংদোকপদা, অনিশুবদা লুপা লিশিং ২০গী লোন পীবা অমদি অনিশুবা অসি শিংদোকপদা মথংদা লুপা লিশিং ৫০গী লোন স্ত্রীৎ ভেন্দরশিংদা পীনবা শিল্লি। ঙসি স্ত্রীৎ ভেন্দর কয়া অমসুং হেল্লা ইলিবা ইচিল-ইনাওশিংনা অহুমশুবা লোন অসি লৌনবা মাইকৈদা চংশিল্লি হায়বা খঙবদা নখোয় শোইদনা হরাওবা পোক্কনি।

মরূপশিং,

লৈবাক অসিদা দিজিতেল ইনফ্রাস্ত্রকচর অমসুং দিজিতেল ত্রাঞ্জেক্সনগীদমক হৌখিবা চহি ৬-৭ অসিদা হোৎনদুনা লাকখিবা অসিগী মহৈ ঙসি মালেম্না খঙন্নরক্লি। ভারত্তা অখন্ননা ফিনতেক্কী য়াম্না চাউবা য়ুম্ফম অমা থোনবা হৌখ্রে। অসিগুম্বা য়ুম্ফম অসি অচৌবা লৈবাকশিংদা ফাওবা লৈতে। ইরৈবাকশিংগী পোজিতিব ওইবা ৱাখল্লোন, ফিনতেক সোল্যুসনশিং এদোপ্ত তৌবা ঙম্বগী মখোয়গী মতিক-ময়াই অসি ঙমখৈ লৈত্রে। মরম অসিনা ঙসি ভারতকী নহারোলশিং, ভারতকী স্তার্ত-অপ ইকোসিস্তেমগী অচৌবা খুদোংচাবা অমা লৈরে। ভারতকী স্তার্ত-অপশিংদা ফিনতেক্কী ওইথোকপা কয়া লৈরে।

মরূপশিং,

ই-রুপিনা মাইপাকপগী অনৌবা পন্দুপ অমা হাংলগনি হায়না ঐহাক্না থাজৈ। ঐখোয়গী বেঙ্কশিং অমসুং অতৈ পেমেন্ত গেৎৱেশিংনা মসিদা অচৌবা থৌদাং অমা লৌগনি। মসিদা ঐখোয়গী লনাই হোস্পিতাল, কোর্পোরেৎ, ইন্দস্ত্রী, এন.জি.ও. অমসুং অতৈ ইন্সতিত্যুসন কয়ানা অপাম্বা উৎলক্লি। ঐহাক্না রাজ্য সরকারশিংদা মখোয়গী স্কীমশীংগী কান্নবা অদু চপ চান্না ফংহনবা ঙঞ্নবা য়ারিবা মখৈ ই-রুপি শীজিন্ননবা হায়জরি। ঐখোয় পুম্নমক্কী অফবা পার্তনরশিপ অসিনা পুকচেল শেংবা অমসুং ত্রান্সপরেন্ত লৈবা সিস্তেম অমা পুরকপদা থৌনা পীরগনি হায়না ঐহাক্না থাজৈ।

থাগৎচরি!

 

সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
What PM Gati Shakti plan means for the nation

Media Coverage

What PM Gati Shakti plan means for the nation
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 25 ওক্তোবর 2021
October 25, 2021
Share
 
Comments

Citizens lauded PM Modi on the launch of new health infrastructure and medical colleges.

Citizens reflect upon stories of transformation under the Modi Govt