প্রধান মন্ত্রী শ্রী নরেন্দ্র মোদীনা জনুৱারী 28দা ওরিশা অমসুং উত্তরাখন্দদা চৎকনি। অয়ুক পুং 11 রোম তাবদা মহাক্না ভুবনেশ্বরগী জনতা মৈদানদা "উৎকার্শ ওরিশা - মেক ইন ওরিশা কনক্লেব 2025" হৌদোক্কনি। মসিগী মতুংদা, মহাক্না উত্তরাখন্দগী দেহরাদুনদা চৎকনি অমসুং নুমিদাং পুং 6 তাবা মতমদা, মহাক্না 38শুবা নেস্নেল গেম্স হৌদোক্কনি।
ওরিশাদা পি.এম.
প্রধান মন্ত্রীনা ভুবনেশ্বরদা উৎকার্শ ওরিশা - মেক ইন ওরিশা কনক্লেব 2025 হৌদোক্কনি। ওরিশা সরকারনা শিনবা গ্লোবেল ইনভেস্তমেন্ত সম্মিৎ অসিনা রাজ্য অসিবু পুর্ভোদয় ভিজনগী এঙ্কর অমা ওইনা অমসুং ভারতকী মকোক থোংবা ইনভেস্তমেন্ত দেস্তিনেসন অমসুং ইন্দস্ত্রীএল হব অমা ওইনা থম্নবা পান্দম থম্লি।
প্রধান মন্ত্রীনা মেক ইন ওরিশা একজিবিসনসু শঙ্গাগনি। মেন ইন ওরিশা একজিবিসন অসিনা স্তেত অসিনা ইন্দস্ত্রীএল ইকোসিস্তেম অমা শেমগৎপদা ফংলিবা মাইপাকপশিং উৎলি। জনুৱারী 28দগী 29 ফাওবা নুমিৎ নিনিগী কনক্লেব অসি পাংথোক্কনি। মসিনা ইন্দস্ত্রীগী লুচিংবশিং, ইনভেস্তরশিং অমসুং পোলিসী মেকরশিংগীদমক প্লেৎফোর্ম অমা ওইনা থবক তৌগনি। কনক্লেব অসিদা CEOশিং অমসুং লুচিংবশিং, রাউন্দ তেবলশিং, সেক্তোরেল সেসনশিং, B2B মীফমশিং, অমসুং পোলিসী দিসক্বেসনশিং পাংথোক্কনি। মসিনা মালেম শীনবা থুংনা ইনভেস্তরশিংগা পান্দম থমদুনা ৱারী শানগনি।
উত্তরাখন্দদা পি.এম.
প্রধান মন্ত্রীনা দেহরাদুনদা 38শুবা নেস্নেল গেম্স হৌদোক্কনি। মাগী সিলভর জুবিলী চহিগী মনুংদা উত্তরাখন্দনা য়ুম্বু ওইরি অমসুং উত্তরাখন্দগী জিলা 8গী শহর 11দা জনুৱারী 28দগী ফেব্রুৱারী 14 ফাওবা পাংথোক্কনি।
রাজ্য 36 অমসুং য়ুনিয়ন তেরিতোরী অমনা নেস্নেল গেম্সতা শরুক য়াগনি। নুমিৎ 17নি চুপ্না স্পোর্তস দিসিপ্লিন 35গী কম্পিতিসনশিং পাংথোক্কনি। মসিগী মনুংদা, শান্ন-খোৎনবগী মখল 33গীদমক মেদলশিং পীগনি, অদুগা অনিদি একজিবিসন স্পোর্তশিং ওইগনি। ইহান হানবা ওইনা নেস্নেল গেম্সতা য়োগ অমসুং মল্লাকম্বসু য়াওহনখ্রে। লৈবাক শিনবা থুংবদগী শান্নরোই 10,000 হেন্না ইভেন্ত অসিদা শরুক য়াগনি।
সস্তেনেবিলিতীদা মীৎয়েং থমদুনা, চহি অসিগী নেস্নেল গেম্সকী থিমদি “গ্রীন গেম্স” নি। স্পোর্তস ফোরেস্ত কৌবা অখন্নবা পার্ক অমা মফম অদুগী মনাক্তা শেমগৎকনি, মসিদা শান্নরোইশিং অমসুং গেস্তশিংনা উ-চারা 10,000 হেন্না থাগনি। শান্নরোইশিংগী মেদলশিং অমসুং সর্তিফিকেৎশিং অসি অকোইবগী ফিভমগা চান্নবা অমসুং বাইওদিগ্রেদেবল ওইবা মচাকশিংদগী শেমগনি।
