প্রধান মন্ত্রী, শ্রী নরেন্দ্র মোদীনা জুলাই ১২, ২০২২দা দিওঘর অমসুং পতনাদা চৎকদৌরি। নুমিৎ য়ুংবা মতুং পুং ১:১৫ তারকপদা প্রধান মন্ত্রীনা দিওঘরদা লুপা করোর ১৬,০০০ হেনবগী চাউখৎ-থৌরাংগী প্রোজেক্ত কয়ামরুম শঙ্গাগনি অমসুং উরেপ-উয়ুং তমগনি। মসিগী মতুং নুংথিল পুং ২:৪০ তারকপদা মহাক্না জ্যোতির্লিঙ্গ তরানিথোইগী মনুংদা অমা ওইরিবা বাবা বৈধ্যনাথ মন্দিরদা দর্শন তৌগনি অমসুং পুজা পাঙথোক্কনি। নুমিদাং পুং ৬ তারকপদা প্রধান মন্ত্রীনা পতনাগী বিহাত বিধান সভাগী চহি চামা শুবগী লোইশিনবগী থৌরমদা ৱা ঙাংগনি।
দিওঘরদা পি.এম.
লমদম অসিদা ইনফ্রাস্ত্রকচর শেমগৎপদা ইনোৎ হাপ্নবা, কন্নেক্তিবিতী হেনগৎহন্নবা অমসুং ইজ ওফ লিবিংদা শাহৌ পীনবা মাইকৈদা চংশিনবা খোঙথাং ওইনা প্রধান মন্ত্রীনা দিওঘরদা লুপা করোর ১৬,০০০ হেনবগী প্রোজেক্ত কয়ামরুম জাতিদা খুৎশিন্নগনি অমসুং উরেপ-উয়ুং তমগনি। প্রোজেক্তশিং অসিনা লমদম অসিগী সোসিও-ইকনোমিক চাউখৎহনবদা চাউনা মতেং ওইরগনি।
লৈবাক শিনবা থুংবদগী ভক্তাশিংগী মরুওইবা ধর্মগী ওইবা লাইফমলেন অমা ওইরিবা বাবা বৈধ্যনাথ ধামদা দাইরেক্ত কন্নেক্তিবিতী লৈহন্নবা মরু ওইবা থৌশিল ওইনা প্রধান মন্ত্রীনা দিওঘর এয়রপোর্ত শঙ্গাগনি। মসি লুপা করোর ৪০০ চংনা শাখি। এয়রপোর্ত অসিগী তর্মিনেল বিল্দিং অসি চহি অমদা পেসেঞ্জর লাখ মঙা হেন্না হেন্দল তৌবা ঙম্নবা মওংদা শাখি।
দিওঘরগী এম্স অসি লমদম পুম্বা অসিগী হেল্থকিয়র সেক্তরগী ওইনা থৌজাল অমনি। দিওঘরগী এম্সতা পীরিবা সর্ভিসশিং অসি প্রধান মন্ত্রীনা জাতিদা খুৎশিন্নগদৌরিবা ইন-পেসেন্ত দিপার্তমেন্ত (আই.পি.দি.) অমসুং ওপরেসন থিএতর সর্ভিসশিং অসিনা হেন্না শাহৌ পীরগনি। মসি প্রধান মন্ত্রীনা লৈবাক্কী শরুক পুম্নমক্তা খ্বাইদগী ফবা হেল্থ কিয়র ফেসিলিতীশিং শেমগৎনবা থম্লিবা বিজন অসিগী মখাদা পাইখৎপনি।
লৈবাক শিনবা থুংবদা লৈরিবা ধর্মগী ওইনা মরু ওইবা মফমশিংদা মালেমগী থাক্কী ইনফ্রাস্ত্রকচর শেমগৎনবা অমসুং অসিগুম্বা মফম পুম্নমক্তা লাকপা লমকোইবশিংদা অফবা ফেসিলিতীশিং ফংহন্নবা প্রধান মন্ত্রীগী ফিরেপ অসি তুরিজম মন্ত্রালয়গী প্রসাদ স্কিমগী মখাদা সেঙ্কসন তৌখিবা প্রোজেক্ত “দিবেলপমেন্ত ওফ বৈধ্যনাথ ধাম দিওঘর”গী কম্পোনেন্ত শঙ্গাগদৌরিবা অসিনা হেন্না শাহৌ পীরগনি। প্রধান মন্ত্রীনা শঙ্গাগদৌরিবা প্রোজেক্তশিং অসিদা অতোপ্পা কয়াগা লোয়ননা অমমমদা ত্রীর্থ য়াত্রী ২০০০গী কেপাসিতী লৈবা অচৌবা ত্রীর্থ য়াত্রাগী কোংগ্রিগেসন হোল অনি শাগৎপা; জলসা লেক ফ্রন্ত দিবেলপমেন্ত; শিবগঙ্গা পোন্দ দিবেলপমেন্ত য়াওরি। অনৌবা এমেনিতীশিংনা বাবা বৈধ্যনাথ ধামদা লাকপা ভক্তা লাখ কয়াদা হেন্না ফগৎহল্লবা তুরিজম এক্সপরিয়েন্স ফংহনগনি।
প্রধান মন্ত্রীনা লুপা করোর ১০,০০০ হেনবগী রোদ প্রোজেক্ত কয়ামরুম শঙ্গাগনি অমসুং উরেপ-উয়ুং তমগনি। শঙ্গাগদবা প্রোজেক্তশিং অদুদা এন.ঐচ.-২গী গোর্হরদগী বরৱারা সেক্সন লেন তরুক ওইহনবা; এন.ঐচ.-৩২গী রাজগঞ্জ-চাসতগী ৱেস্ত বেঙ্গল বোর্দর সেক্সন পাকথোকপা য়াওরি। উরেপ-উয়ুং তমগদবা মরু ওইবা প্রোজেক্তশিং অদুদা এন.ঐচ.-৮০গী মির্জাচোকি-ফরক্কা সেক্সন লেন মরি ওনবা; এন.ঐচ.-৯৮গী হরিহরগঞ্জরগী পরৱা মোর সেক্সন লেন মরি ওনবা; এন.ঐচ.-২৩গী পলমা-গুমা সেক্সন লেন মরি ওনবা; এন.ঐচ.-৭৫গী কতচহরী চোকতগী পিস্কা মোর সেক্সনগী ইলিবেতেদ কোরিদোর য়াওরি। প্রোজেক্তশিং অসিনা লমদম অসিদা কন্নেক্তিবিতী হেন্না ফগৎহল্লগনি অমসুং মীচম মীয়ামগীদমক চত্থোক-চৎশিন তৌবদা খুদোংচাহল্লগনি।
লমদম অসিগীদমক লুপা করোর ৩০০০রোমগী তোঙান-তোঙানবা ইনর্জী ইনফ্রাস্ত্রকচর প্রোজেক্তশিং শঙ্গাগনি অমসুং উরেপ-উয়ুংসু তমগনি। শঙ্গাগদবা প্রোজেক্তশিং অদুদা জি.এ.আই.এল.গী জগদিশপুর-হলদিয়া-বোকারো ধমরা পাইপলাইনগী বোকারো-অঙ্গুল সেক্সন; বহরীগী ঐচ.পি.সি.এল.গী অনৌবা এল.পি.জি. বোত্তলিং প্লান্ত অমসুং বি.পি.সি.এল.গী বোকারো এল.পি.জি. বোত্তলিং প্লান্ত য়াওরি। পর্বতপুর গ্যঅস কল্লেক্তিং স্তেসন, ঝরিয়া ব্লোক, ও.এন.জি.সি.গী কোল বেদ মীথেন (সি.বি.এম.) এসেৎকী উরেপ উয়ুং তমগনি।
প্রধান মন্ত্রীনা জাতিদা রেলৱে প্রোজেক্ত অনি মদুদি গোদ্দা-হন্সদীহা ইলেক্ত্রিফাইদ সেক্সন অমসুং গরৱা-মহুরিয়া দব্লিং প্রোজেক্ত খুৎশিন্নগনি। প্রোজেক্তশিং অসিনা ইন্দস্ত্রীশিং অমসুং পাৱর হাউসশিংগীদমক পোৎচৈশিংগী অপনবা লৈতবা ত্রাফিক মুফমেন্ত লৈহনবদা মতেং পাংলগনি। মখোয়না দুমকাদগী আসনসোল ফাওবা চৎলিবা ত্রেন্দসু খুদোংচাহল্লগনি। প্রধান মন্ত্রীনা রেলৱে প্রোজেক্ত অহুম মদুদি রাঞ্চি রেলৱে স্তেসন নৌনা শেমগৎপা; জসিদিহ বাইপাস লাইন অমসুং এল.ঐচ.বি. কোচ মেন্তেনেন্স দিপোত, গোদ্দা হায়রিবা অসিগী উরেপ-উয়ুংসু তমগনি। প্রপোজ তৌরিবা রাঞ্চি স্তেসন নৌনা শেমগৎপা অসিনা ফুদ কোর্ত, একজিক্যুতিব লোঞ্জ, কেফেতরিয়া, এয়র-কন্দিসন ৱাতিং হোলশিং অসিনচিংবা য়াওনা লায়না চত্থোক-চৎশিন তৌনবা লোয়ননা পেসেঞ্জরশিংগী খুদোংচানবা মালেমগী থাক্কী পেসেঞ্জর এমেনিতীশিং ফংহল্লগনি।
পতনাদা পি.এম.
প্রধান মন্ত্রীনা বিহার বিধান সভাগী চহি ১০০ শুবগী থৌরম লোইশিনবদা ৱা ঙাংগদৌরি। প্রধান মন্ত্রীনা বিহার বিধান সভাগী চহি ১০০ শুরকপগী নুংঙাইবা ফোঙদোকপা ওইনা শাখিবা শতাবদী সমৃতি স্তম্ভ শঙ্গাগনি।
প্রধান মন্ত্রীনা বিধান সভা ম্যুজিয়মগী উরেপ-উয়ুং তমগনি। ম্যুজিয়ম অসিগী তোঙান-তোঙানবা গেলেরীশিংনা বিহারগী দেমোক্রেসী অমসুং হৌজিক লৈরিবা সিভিক স্ত্রকচরদা হোংলক্লিবা অসিগী পুৱারী উৎকনি। মসিদা মীওই ২৫০ হেনবগী কেপাসিতী ওইবা কনফরেন্স হোল অমসু লৈগনি। প্রধান মন্ত্রীনা থৌরম অসিদা বিধান সভা গেস্ত হাউসকী উরেপ-উয়ুংসু তমগনি।
