প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুত্থাংদা সেপ্তেম্বর 2গী নুংথিলগী পুং 12.30 তাবদা বিহার রাজিয়া জিবিকা নিধি সাখ সাহকারি সঙ্ঘ লিমিতেদ হৌদোক্কনি। থৌরম অদুদা প্রধান মন্ত্রীনা ইন্সতিত্যুসন অসিগী বেঙ্ক একাউন্তদা লুপা কোতি 105 ত্রান্সফর তৌগনি।
জিবিকা নিধি অসি লিংখৎপগী পান্দমদি জিবিকাগা মরী লৈনবা কম্ম্যুনিতীগী মেম্বরশিংদা শেল-থুমগী মমল হন্থনা শেল-থুমগী খুদোংচাবশিং ফংহন্নবনি। জীভিকাগী রেজিস্তর তৌরবা ক্লস্তর লেভেল ফেদরেসন পুম্নমক সোসাইতী অসিগী মেম্বর ওইগনি। ইন্সতিত্যুসন অসি চলাইবদা বিহার সরকার অমসুং কেন্দ্র সরকারনা শেল থাদগনি।
চহি কয়া অসিদা জীবিকাগী সেল্ফ হেল্প গ্রুপশিংগা মরী লৈনবা নুপীশিংগী মরক্তা এন্ত্রিপ্রেন্যুওরশিপ চাউখৎলক্লি। মসিনা খুঙ্গংগী লমশিংদা অপীকপা ইন্তর্প্রাইজ অমসুং প্রদ্যুসর কম্পেনী কয়া লিংখৎলক্লি। অদুম ওইনমক, নুপী ওন্ত্রপ্রিনরশিংনা 18%-24%গী অৱাংবা শেন্দোইগী চাং লৌবা মাইক্রোফাইনান্স ইন্সতিত্যুসনশিংদা হেক হেক মখা পোল্লি। জীবিকা নিধি অসি এম.এফ.আই.শিংদা মখা পোনবা হন্থহন্নবা অমসুং হেন্না চাউবা লোনগী শেনফমশিং মতম চানা ফংহন্নবা অমসুং হন্থবা শেন্দোইগী চাংদা ফংহন্নবা অতোপ্পা শেন-থুমগী পথাপ অমা ওইনা শেমখিবনি।
সিস্তেম অসি মপুংফানা দিজিতেল প্লেৎফোর্ম অমদা মথৌ তৌগনি। মসিনা জীবিকা দিদিশিংগী বেঙ্ক একাউন্তশিংদা হকথেংননা হেন্না থুনা অমসুং ত্রান্সপরেন্ত ওইবা ফন্দ ত্রান্সফর তৌগনি। মসিগী খুদোংচাবা ফংহন্নবা, কম্ম্যুনিতী কেদর 12,000দা তেব্লেতশিং পীরগনি।
খোঙথাং অসিনা খুঙ্গংগী নুপীশিংগী মরক্তা এন্ত্রিপ্রেন্যুওরশিপ দিবেলপমেন্ত মপাঙ্গল কনখৎহন্নবা অমসুং কম্ম্যুনিতীনা লুচিংবা ইন্তরপ্রাইজেসশিং হেঙ্গৎহন্নবা পান্দম থম্লি। থৌরম অসিদা বিহারগী নুপী লাখ 20 রোম শরুক য়াগনি।
